पश्चिम बंगाल : पश्चिम बंगालच्या मुख्यमंत्री ममता बॅनर्जी यांनी शनिवारी वक्फ विधेयकावर आपल्या भूमिकेचा पुनरुच्चार केला, त्या म्हणाल्या की, तृणमूल काँग्रेस सरकार या कायद्याला पाठिंबा देत नसल्याने राज्यात हा कायदा लागू करणार नाही.

एक्सवरील एका दीर्घ पोस्टमध्ये बॅनर्जी यांनी सर्व धर्माच्या लोकांना “शांत राहा” आणि “संयम ठेवा” असे आवाहन केले. प्रत्येक मानवी जीवन मौल्यवान आहे, राजकारणासाठी दंगली भडकावू नका. जे दंगली भडकावत आहेत ते समाजाचे नुकसान करत आहेत. लक्षात ठेवा, आम्ही असा कायदा बनवला नाही ज्याच्या विरोधात अनेक लोक आंदोलन करत आहेत. हा कायदा केंद्र सरकारने बनवला आहे. त्यामुळे तुम्हाला हवे असलेले उत्तर तुम्ही केंद्र सरकारकडून मागितले पाहिजे.”

ममता पुढे म्हणाल्या की, तृणमूल काँग्रेसने वक्फ सुधारणा विधेयकावर आपली भूमिका स्पष्ट केली आहे. पश्चिम बंगालमध्ये त्याची अंमलबजावणी होणार नाही. तसेच, लक्षात ठेवा, आम्ही दंगली भडकवणाऱ्यांवर कायदेशीर कारवाई करू. आम्ही कोणत्याही हिंसक कृतीला मान्यता देत नाही. काही राजकीय पक्ष राजकीय फायद्यासाठी धर्माचा वापर करण्याचा प्रयत्न करत आहेत. त्यांच्या मन वळवण्याला बळी पडू नका. मला वाटते की धर्म म्हणजे मानवता, सद्भावना, सभ्यता आणि सुसंवाद. मी सर्वांना शांतता आणि सौहार्द राखण्याचे आवाहन करते, ममता म्हणाल्या.

वक्फ दुरुस्ती विधेयकाच्या निषेधार्थ बंगालच्या मुर्शिदाबाद जिल्ह्यात तोडफोडीच्या घटना घडल्या आहेत, त्यावर ममता बॅनर्जी यांनी हे विधान केले आहे. मुर्शिदाबादमधील जलंगी बीडीओ कार्यालयाचीही निदर्शकांनी तोडफोड केली.

दरम्यान, पश्चिम बंगालमधील अशांततेच्या पार्श्वभूमीवर, पोलिसांनी “गुंडगिरी” मध्ये सहभागी असलेल्यांविरुद्ध कठोर कारवाई करण्याचे आश्वासन दिले आहे.

The post ‘बंगालमध्ये वक्फ कायदा लागू होणार नाही’, ममता बॅनर्जींकडून भूमिकेचा पुनरुच्चार, लोकांना केले ‘हे’ आवाहन appeared first on थोडक्यात घडामोडी.

पश्चिम बंगाल : पश्चिम बंगालमधील सिलीगुडी येथील नॉर्थ बंगाल मेडिकल कॉलेज अँड हॉस्पिटलचे डॉक्टर आणि कर्मचाऱ्यांच्या निष्काळजीपणामुळे एक व्यक्तीला आयुष्यभरासाठी अपंगत्व आले. मिळालेल्या माहितीनुसार, रविवारी रात्री अपघातात एका व्यक्तीचा हात कोपरापासून वेगळा झाला होता. डॉक्टरांनी सांगितलं होतं की, ऑपरेशन करुन हा हात पुन्हा जोडता येऊ शकतो. मात्र, रात्री उशिरा जेव्हा ऑपरेशनसाठी कापलेल्या हाताचा शोध सुरू झाला तेव्हा येथील कर्मचाऱ्यांचा निष्काळजीपणा समोर आला, कारण एक कुत्रा रुग्णालयात शिरून हा हात घेऊन गेला होता.

मिळालेल्या माहितीनुसार, रविवारी रात्री फूलबाडी जंक्शनवर टी-पार्कजवळ डबग्राम भागातील रहिवासी संजय सरकार यांचा रस्ता अपघातात एक हात तुटला. रूग्णाचा कापलेला हात रूग्णालयातील सुविधेत जतन करून ठेवला जाईल आणि हात लवकरच जोडला जाईल, असे आश्वासन डॉक्टरांनी त्यांच्या कुटुंबीयांना दिले होते.

दरम्यान, प्राथमिक उपचारानंतर त्याचा हात एका बॅगेत पॅक करून ऑर्थोपॅडिक सर्जरी विभागात पाठवण्यात आला होता. यावेळी डॉक्टरांनी सांगितलं की, हात पुन्हा जोडला जाऊ शकतो. मात्र, रुग्णाला वॉर्डात दाखल केल्यानंतर त्याचा अर्धवट कापलेला हात सापडत नव्हता. अखेर बराच वेळ शोधल्यानंतर गच्चीवर एक कुत्रा छिन्नविछिन्न कापलेला हात खाताना दिसला.

सोमवारी सकाळी कुटुंबीयांनी रुग्णालयाच्या अधिक्षकांना घेरलं आणि रुग्णालयात आंदोलन केलं. रुग्णालयाच्या निष्काळजीपणामुळे तरुणाला कायमच अपंगत्व आलं आहे. या प्रकरणात नॉर्थ बंगाल मेडिकल कॉलेज अँड हॉस्पिटलचे अधीक्षक संजय मलिक यांनी या घटनेच्या चौकशीसाठी समिती स्थापन करण्याचे आदेश दिले आहेत.

The post निष्काळजीपणाचा कळस! कुत्रा रुग्णालयातून रूग्णाचा कापलेला हात घेऊन पळाला, तरुणाला कायमच अपंगत्व… appeared first on थोडक्यात घडामोडी.

नवी दिल्ली : पश्चिम बंगालमधील दक्षिण भागात तीन जिल्ह्यांमध्ये वीज कोसळल्याने 20 जणांचा मृत्यू झाला आहे. मुर्शिदाबाद आणि हुगली येथे प्रत्येकी नऊ आणि पूर्व मेदिनीपूर जिल्ह्यात दोघांचा मृत्यू झाल्याची माहिती अधिकाऱ्यांनी दिली. पंतप्रधान नरेंद्र मोदी यांनी वीज कोसळून जीव गमावलेल्यांबद्दल दुःख व्यक्त केलं असून पंतप्रधानांच्या राष्ट्रीय मदत निधीतून मृतांच्या आणि जखमींच्या कुटुंबियांना मदतीची घोषणा केली आहे.

आपत्ती व्यवस्थापन अधिकाऱ्यांच्या म्हणण्यानुसार, मुर्शिदाबाद जिल्ह्यात वीज कोसळल्याने आणखी तीन लोक जखमी झाले आहेत. त्यांना उपचारासाठी जंगीपूर रुग्णालयात दाखल करण्यात आले आहे. कोलकातासह दक्षिण बंगालच्या जिल्ह्यांमध्ये दुपारपासूनच मुसळधार पाऊस पडला. हा मान्सूनपूर्व पाऊस असल्याचे हवामान खात्याने सांगितले.

पंतप्रधान मोदींनी या घटनेबद्दल दुःख व्यक्त करत ट्वीट केले की, “पश्चिम बंगालमध्ये वीज कोसळल्यामुळे मृत्यू झालेल्यांच्या प्रियजनांबद्दल मी संवेदना व्यक्त करतो. आशा आहे की या घटनेत जखमी झालेले लवकर बरे होतील.”

My thoughts are with all those who lost their near and dear ones due to lightning in parts of West Bengal. May the injured recover at the earliest.

— Narendra Modi (@narendramodi) June 7, 2021

पीएमओने ट्विट करून या घटनेत मृत्यू झालेल्या आणि जखमी झालेल्यांच्या कुटुंबियांना नुकसान भरपाई जाहीर केली आहे. यात मृतांच्या कुटूंबाला प्रत्येकी दोन लाख रुपये आणि जखमींना 50 हजार रुपयांची मदत देण्याची घोषणा करण्यात आली आहे.

PM @narendramodi has approved an ex-gratia of Rs. 2 lakh each from the PMNRF for the next of kin of those who have lost their lives due to lightning in various parts of West Bengal. Rs. 50,000 would be given to the injured.

— PMO India (@PMOIndia) June 7, 2021

The post पश्चिम बंगालमध्ये वीज कोसळल्याने 20 जणांचा मृत्यू, पंतप्रधानांनी जाहीर केली मदत appeared first on थोडक्यात घडामोडी.

पश्चिम बंगाल : पश्चिम बंगालमधील बर्दवानमधून एक खबळजनक घटना समोर आली आहे. येथे एका प्रियकराने गळफास घेऊन आत्महत्या केली. या घटनेनंतर संतापलेल्या लोकांनी प्रियकराच्या मृतदेहाच्या बोटाने जबरदस्तीने एका मुलीच्या भांगेत कुंकू भरले. या संपूर्ण घटनेचा व्हिडिओ व्हायरल झाल्यानंतर पोलिसांनी कारवाई करण्यास सुरुवात केली आहे.

मिळालेल्या माहितीनुसार, हे दोघे मुलगा व मुलगी वेगवेगळ्या धर्मातील आहेत. त्यांचे लग्न लावून देण्यासाठी त्या दोघांचे कुटुंबीय तयार होते. परंतु, हे दोघे अल्पवयीन असल्यामुळे मुलीची आई या लग्नासाठी तयार नव्हती. त्यावरून या मुला-मुलीमध्ये वाद झाला आणि या मुलाने गळफास घेऊन आत्महत्या केली. आत्महत्या करण्यापूर्वी या मुलाने मुलीला फोन केला होता आणि तो आत्महत्या करणार असल्याचे तिला सांगितले होते. त्यानंतर त्याने व्हॉट्सअ‍ॅपवर आपल्या मैत्रिणीला त्याचा फोटो पाठवला आणि आत्महत्या केली.

हृदयद्रावक : आई वडिलांच्या भांडणात २ चिमुकल्यांचा मनाला चटका लावणारा अंत…

घटनेची माहिती मिळताच पोलिस घटनास्थळी दाखल झाले. पोलिसांनी मुलाच्या मृतदेहाचा पंचनामा करून मृतदेह शवविच्छेदनासाठी पाठविला. शवविच्छेदन झाल्यानंतर मुलाचा मृतदेह कुटुंबीयांकडे सोपवण्यात आला. मुलाचा मृतदेह जेव्हा गावात आणला गेला, तेव्हा वाद सुरु झाले. गावकऱ्यांनी मुलाच्या आत्महत्येला मुलगी आणि तिची आई जबाबदार असल्याचे म्हणत त्यांच्यावर आरोप करण्यास सुरुवात केली. गावकऱ्यांनी त्या दोघींना मारहाण केली आणि मुलाच्या मृतदेहाशेजारी आणून बसवले. त्यानंतर मृतदेहाच्या हाताने अल्पवयीन मुलीच्या भांगेत कुंकू भरले.

स्थानिकांच्या म्हणण्यानुसार, मुलगा आत्महत्या करीत असल्याचे मुलीला माहित होते. त्या मुलीकडे मुलाच्या आईचा फोन नंबर देखील होता. मात्र, तरीही तिने मुलाच्या कुटुंबीयांना याबद्दल माहिती दिली नाही. तिने वेळीच याबाबत मुलाच्या कुटुंबीयांना सांगितले असते तर त्यांनी मुलाला वाचवले असते.

पोलिस या प्रकरणाचा तपास करत आहेत. मुलीच्या आईने तिच्या अल्पवयीन मुलीवर अत्याचार व विनयभंग केल्याप्रकरणी महिला पोलिस ठाण्यात तक्रार दाखल केली आहे. लवकरच दोषींना अटक करण्यात येईल आणि त्यांच्यावर कारवाई केली जाईल, अशी अपेक्षा आहे.

खळबळ! अल्पवयीन मुलीचा वृद्धाने घरात घुसून केला विनयभंग

संतापजनक! मित्राच्या दीड वर्षाच्या बाळाला पाजली दारू, प्रकृती चिंताजनक

The post भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का… appeared first on थोडक्यात घडामोडी.

कोलकाता : पश्चिम बंगालमधून भाजपचा मोठा पराभव झाला असला तरी ममता बॅनर्जी यांचा प्रभाव झाला आहे नंदीग्राम मधून भाजपच्या सुवेंदू अधिकारी यांचा विजय झाला आहे. ममता बॅनर्जी यांचा भाजपच्या सुवेंदू अधिकारी यांनी पराभव केल्याचं समजत आहे. पराभव झाल्याचं ममतांनी जवळजवळ मान्य केलं आहे. पण आपण कोर्टात जाणार असल्याचं ममता म्हणाल्या आहेत.

ममता बॅनर्जींच्या नेतृत्त्वातील तृणमूल काँग्रेसने मोठा विजय प्राप्त केला आहे. सध्या तृणमूल 215 जागांवर आघाडीवर आहे. भाजप 75 जागांवर आघाडीवर आहे. बंगालमध्ये तृणमूल आणि भाजपमध्ये थेट लढत होती. या लढतीकडे सर्व देशाचे लक्ष लागले होते.

ममता बॅनर्जी म्हणाल्या कि, “मला निकाल मान्य आहे, पण आम्ही कोर्टात जाणार आहोत. मला अशी माहिती मिळत आहे कि निकाल जाहीर झाल्यानंतर काही फेरफार करण्यात आले आहेत. आम्ही त्यातील सत्य शोधणार आहोत आणि ते जनतेसमोर आणू.”  त्या पुढे बोलताने म्हटल्या कि नंदीग्रामबाबत काळजी करु नका. मी नंदीग्राममधून लढले कारण ही एक चळवळ होती. नंदीग्रामच्या लोकांना जो काही निर्णय द्यायचा आहे तो देऊ द्या. तो मला मान्य आहे. मला फरक पडत नाही. पण आम्ही जिंकलो आहोत आणि भाजपचा मोठा पराभव झाला आहे. भाजपने घाणेरडं राजकारण केलं. भाजप हरली आहे. निवडणूक आयोगाचा एकांगीपणा देखील आम्हाला यावेळी सहन करावा लागला.

The post गड आला पण.. ममता बॅनर्जींचा पराभव, जनतेचा कौल मान्य पण कोर्टात जाणार : ममता बॅनर्जी appeared first on थोडक्यात घडामोडी.

पंतप्रधान नरेंद्र मोदी यांनी त्यांचा उद्याचा बंगालमधील प्रचार दौरा रद्द केला आहे. पंतप्रधान मोदींनी याबाबत ट्विट करत माहिती दिली. पंतप्रधान मोदी यांनी ट्विट करत म्हटलं की मी उद्या पश्चिम बंगालचा प्रचार दौरा रद्द केला असून त्याऐवजी देशातील कोरोना परिस्थितीबद्दल अधिकाऱ्यांशी उच्चस्तरीय बैठक कोरोना परिस्थितीबद्दल अधिकाऱ्यांशी उच्चस्तरीय बैठकआहे.

Tomorrow, will be chairing high-level meetings to review the prevailing COVID-19 situation. Due to that, I would not be going to West Bengal.

— Narendra Modi (@narendramodi) April 22, 2021

The post ब्रेकिंग : पंतप्रधान मोदींचा बंगाल दौरा रद्द, कोरोना परिस्थितीबद्दल घेणार उच्चस्तरीय बैठक appeared first on थोडक्यात घडामोडी.

विधानसभा निवडणुकीच्या पार्श्वभूमीवर पश्चिम बंगालमध्ये सध्या राजकीय राजकीय घडामोडी वेगाने घडत आहेत. आज (११ फेब्रुवारी) कुचबिहारमध्ये केंद्रीय गृहमंत्री अमित शाह यांनी परिवर्तन सभा घेतली. यावेळी त्यांनी टीएमसीवर गंभीर आरोप केला आहे. शाह सभेत बोलताना म्हणाले कि, ”बंगालमध्ये ममता बॅनर्जी गुंडांच्या बळावर निवडणूक जिंकतात. आतापर्यंत १३० पेक्षा अधिक भाजपा कार्यकर्त्यांची टीएमसीच्या गुंडांनी हत्या केली. मात्र कोणतीही कारवाई झालेली नाही.”

अमित शाह पुढे बोलताना म्हणाले कि, ”जर बंगालमध्ये जय श्रीराम म्हणणार नाही, तर मग काय पाकिस्तानात म्हणणार का? निवडणूक संपेपर्यंत ममता बॅनर्जी देखील जय श्रीराम म्हणतील. केवळ एका विशिष्ट वर्गाची मतं मिळवण्यासाठी ममता बॅनर्जी असं करत आहेत.”

तसेच त्यानंतर त्यांनी एक ट्विट देखील केलं आहे. त्यांनी सभेचे काही फोटो शेयर केले आणि म्हटलं आहे कि, अराजकवादी आणि अक्षम टीएमसी सरकारमुळे पश्चिम बंगालने खूप सहन केलं आहे. ममता दीदी यांच्या नेतृत्वात टीएमसी सरकारला सत्तेवर राहण्याचा कोणताही नैतिक अधिकार नाही. बंगालमध्ये बदलाचे वारे वाहत आहेत. लोकांना टीएमसीची हिंसा, भ्रष्टाचार आणि खंडणी या सर्व गोष्टींतून मुक्त व्हायचे आहे.

West Bengal has suffered a lot because of the anarchist and incompetent TMC government. Mamata didi led TMC govt has no moral right to remain in power. #PoribortonInBengal pic.twitter.com/b8VAf6ZPWl

— Amit Shah (@AmitShah) February 11, 2021

Winds of change blowing in Bengal. People want to get rid of TMC’s violence, corruption and extortion.

Here are some pictures from Cooch Behar’s Poribortan Yatra. #PoribortonInBengal pic.twitter.com/8qpBFKt9hl

— Amit Shah (@AmitShah) February 11, 2021

The post TMC च्या हिंसा, भ्रष्टाचार आणि खंडणी यातून लोकांना मुक्त व्हायचे आहे – अमित शाह appeared first on थोडक्यात घडामोडी.

पश्चिम बंगालमध्ये भाजपाध्यक्ष जे पी नड्डा आणि कैलाश विजयवर्गीय यांच्या ताफ्यावर दगडफेक करण्यात आली आहे. जे पी नड्डा यांच्या ताफ्यातील वाहनांवर दगडफेक करण्यात आल्याचा आरोप भाजपाचे प्रदेशाध्यक्ष दिलीप घोष यांनी केला आहे. २०२१ मधील निवडणुकीच्या पार्श्वभूमीवर जे पी नड्डा कार्यकर्त्यांना भेटण्यासाठी चालले होते.

कैलाश विजयवर्गीय यांच्या ताफ्यावरही दगडफेक करण्यात आली. कैलाश विजयवर्गीय यांनी कारमधून प्रवास करतानाचा एक व्हिडीओ शेअर केला आहे. यामध्ये त्यांचा ताफा जात असताना रस्त्यावर निषेध करत मोठ्या प्रमाणात घोषणाबाजी होत असल्याचं दिसत आहे. तसंच दगडफेक करत गाडीच्या काचाही फोडल्याचं दिसत आहे. व्हिडीओमध्ये गाडीमध्ये आलेला दगडही त्यांनी दाखवला आहे.

कैलाश विजयवर्गीय यांनी ट्विट करत म्हटलं कि, “बंगाल पोलिसांना जे पी नड्डा यांच्या कार्यक्रमाची माहिती देण्यात आली होती. पण पुन्हा एकदा बंगाल पोलीस अपयशी ठरली. पोलिसांसमोर तृणमूल काँग्रेसच्या गुंडांनी आमच्या कार्यकर्त्यांना मारहाण केली आणि माझ्या गाडीवर दगडफेक केली.”

बंगाल पुलिस को पहले ही राष्ट्रीय अध्यक्ष श्री @JPNadda जी के कार्यक्रम की जानकारी दी गई थी, लेकिन एक बार फिर बंगाल पुलिस नाकाम रही। सिराकोल बस स्टैंड के पास पुलिस के सामने ही #TMC गुंडों ने हमारे कार्यकर्ताओं को मारा और मेरी गाड़ी पर पथराव किया। #BengalSupportsBJP pic.twitter.com/G882Ewhq9M

— Kailash Vijayvargiya (@KailashOnline) December 10, 2020

The post जे पी नड्डा आणि कैलाश विजयवर्गीय यांच्या ताफ्यावर दगडफेक appeared first on थोडक्यात घडामोडी.

NIA Raids : राष्ट्रीय अन्वेषण एजन्सी (एनआयए)ने पश्चिम बंगालमधील मुर्शिदाबाद आणि केरळमधील एर्नाकुलम येथे छापे टाकून अल कायदाच्या मॉड्यूलचा भांडाफोड केला आहे. या छाप्यांमध्ये अल-कायदाच्या तब्बल ९ दहशतवाद्यांना अटक करण्यात आली आहे. खरं तर, एनआयएने एकाच वेळी ११ ठिकाणी छापे टाकले आहेत. छापेमारी दरम्यान मोठ्या प्रमाणात चिथावणीखोर साहित्य, डिजिटल उपकरणे, कागदपत्रे, जिहादी साहित्य, धारदार शस्त्रे जप्त करण्यात आला. मॉड्यूल सक्रियपणे निधी गोळा करीत होता आणि काही दहशतवादी हे शस्त्रे आणि दारूगोळा खरेदी करण्यासाठी नवी दिल्लीत येणार होते. दरम्यान, देशाच्या विविध भागात संभाव्य दहशतवादी हल्ल्यापूर्वी या सर्वांना अटक करण्याता आली आहे.

प्राथमिक चौकशीत या अटक करण्यात आलेल्या या व्यक्तींना पाकिस्तानस्थित अल-कायदाच्या अतिरेक्यांनी सोशल मीडियावर कट्टरपंथी बनवलं. त्यानंतर त्यांना राष्ट्रीय राजधानीसह अनेक ठिकाणी हल्ले करण्यास उद्युक्त केलं जात होतं. मात्र त्याआधीच या सर्वांना अटक करण्यात आली.

The post NIA Raids : अल-कायदाच्या ९ जणांना अटक; घातपात घडविण्यापूर्वीच मोठी कारवाई appeared first on थोडक्यात घडामोडी.