नवी दिल्ली : पंतप्रधान नरेंद्र मोदी यांनी इंडियन एक्स्पो मार्टमध्ये जागतिक डेअरी समिटचे उद्घाटन केले. यावेळी पंतप्रधान मोदी म्हणाले की, जगातील इतर विकसित देशांप्रमाणे भारतातील दुग्धव्यवसाय क्षेत्राची खरी ताकद लहान शेतकरी आहेत. आज भारतात डेअरी सहकारी संस्थांचे इतके मोठे जाळे आहे, ज्याचे उदाहरण संपूर्ण जगात सापडणे कठीण आहे.

पीएम मोदी म्हणाले की, अलीकडच्या काळात भारतातील अनेक राज्यांमध्ये लम्पी नावाच्या आजारामुळे पशुधनाचे नुकसान झाले आहे. त्यावर नियंत्रण ठेवण्यासाठी केंद्र सरकारसह विविध राज्य सरकार प्रयत्नशील आहेत. आमच्या शास्त्रज्ञांनी लम्पी त्वचेच्या आजारासाठी स्वदेशी लसही तयार केली आहे.

पीएम मोदी पुढे म्हणाले की, भारतात आम्ही प्राण्यांच्या सार्वत्रिक लसीकरणावरही भर देत आहोत. आम्ही संकल्प केला आहे की 2025 पर्यंत, आम्ही 100% प्राण्यांना फूट आणि माऊथ रोग आणि ब्रुसेलोसिस विरूद्ध लसीकरण करू. या दशकाच्या अखेरीस या आजारांपासून पूर्णपणे मुक्त होण्याचे आमचे ध्येय आहे.

The post शास्त्रज्ञांनी लम्पी आजारासाठी स्वदेशी लस तयार केली – पंतप्रधान नरेंद्र मोदी appeared first on थोडक्यात घडामोडी.

पुणे : DCGI ने मंगळवारी सीरम इन्स्टिट्यूटची कोविड-19 कोवोव्हॅक्स लस  7 ते 11 वर्षे वयोगटातील मुलांमध्ये काही अटींच्या अधीन प्रतिबंधित आणीबाणीच्या वापरासाठी मंजूरी दिली, असे अधिकृत सूत्रांनी सांगितले. सीएसडीसीओच्या कोविड-19 वरील विषय तज्ञ समितीने गेल्या आठवड्यात 7 ते 11 वयोगटातील कोवोव्हॅक्सला आपत्कालीन वापराचे अधिकार देण्याची शिफारस केल्यानंतर DCGI ची मान्यता मिळाली.

सीरम इन्स्टिट्यूट ऑफ इंडिया (SII) चे गव्हर्नमेंट अँड रेग्युलेटरी अफेअर्सचे संचालक प्रकाश कुमार सिंग यांनी 16 मार्च रोजी या संदर्भात DCGI कडे अर्ज सादर केला होता. एसईसीने गेल्या आठवड्यात सीरम इन्स्टिट्यूटच्या EUA अर्जावर चर्चा केली आणि 7 ते 11 वर्षे वयोगटातील मुलांसाठी कोवोव्हॅक्ससाठी आपत्कालीन वापर अधिकृतता देण्याची शिफारस केली.

तज्ज्ञ समितीने एप्रिलमधील शेवटच्या बैठकीत पुणेस्थित कंपनीकडून अर्जावर अधिक डेटा मागवला होता. DCGI ने 28 डिसेंबर रोजी प्रौढांसाठी आणि 12 ते 17 वर्षे वयोगटातील काही अटींच्या अधीन राहून 9 मार्च रोजी आपत्कालीन परिस्थितीत प्रतिबंधित वापरासाठी सीरम इन्स्टिट्यूट मान्यता दिली होती.

The post सीरम इन्स्टिट्यूटच्या कोवोव्हॅक्स लसीला 7-11 वर्षे वयोगटातील मुलांसाठी DCGI ची मान्यता appeared first on थोडक्यात घडामोडी.

नवी दिल्ली : जगातील अनेक देशांमध्ये कोरोनाचा धोका टाळण्यासाठी लसीचा बूस्टर डोस देण्याची तयारी सुरू झाली आहे. दरम्यान, इस्रायलच्या आरोग्य मंत्रालयाच्या अभ्यासातून असे समोर आले आहे की कोरोना लसीचा बूस्टर डोस कोविड 19 चा धोका कमी करण्यासाठी बऱ्याच प्रमाणात प्रभावी आहे.

इस्रायलच्या आरोग्य मंत्रालयाचे म्हणणे आहे की 60 वर्षांपेक्षा जास्त वयाच्या लोकांना संसर्ग रोखण्यासाठी आणि गंभीर आजारी पडण्यापासून रोखण्यासाठी फायझरचा (Pfizer) तिसरा डोस पूर्वीपेक्षा अधिक प्रभावी आहे. अभ्यासानुसार, 60 वर्षापेक्षा जास्त वयाच्या ज्या लोकांना तिसरा डोस दिला गेला, त्यांना दोन डोस घेणाऱ्यांच्या तुलनेत संसर्गाविरुद्ध लढण्यात 4 पट अधिक संरक्षण मिळाले. त्याचप्रमाणे, तिसरा डोस घेणाऱ्यांमध्ये गंभीर आजारी पडण्याचे किंवा दवाखान्यात ऍडमिट होण्याचे प्रमाण 5 ते 6 पट कमी होते.

इस्रायलने गेल्या वर्षी डिसेंबरपासून लसीकरण मोहीम सुरू केला. आरोग्य मंत्रालयाचे म्हणणे आहे की कालांतराने कोरोना विरूद्ध प्रतिकारशक्ती कमकुवत होत जाते. त्यामुळे आता इस्राईलमध्ये 40 वर्षांवरील सर्वांना लसीचा तिसरा डोस दिला जात आहे. जगातील अनेक देशांमध्ये कोरोनाचे संक्रमण पुन्हा एकदा वाढत आहे, त्यानंतर अनेक देशांनी बूस्टर डोस देण्याची घोषणा केली आहे. अलीकडेच, अमेरिकेचे अध्यक्ष जो बायडेन यांनी म्हटले आहे की 20 सप्टेंबरपासून सर्व लोकांना मोफत बूस्टर डोस दिला जाईल. अमेरिकेशिवाय कॅनडा, फ्रान्स आणि जर्मनीसारख्या देशांमध्ये बूस्टर डोस देण्याची तयारी केली जात आहे.

The post कोरोना लसीचा बूस्टर डोस किती प्रभावी? ‘या’ अहवालात झालं स्पष्ट appeared first on थोडक्यात घडामोडी.

नवी दिल्ली : केंद्र सरकारकडून १३ मे रोजी कोविशिल्ड लसीच्या दोन डोसमधील अंतर दुप्पट करत १२ ते १६ आठवडे निश्चित करण्यात आलं होतं. हा निर्णय वैज्ञानिकांच्या गटाने केलेल्या शिफारशींनुसार घेतल्याचं सांगण्यात आलं होतं. परंतु, आता यासंदर्भात तज्ज्ञांनी धक्कादायक खुलासा केला आहे. लसीच्या दोन डोसमधील अंतर वाढवून दुप्पट करण्याला आमचा पाठिंबा नव्हता, असा खुलासा तज्ज्ञ गटातल्या ३ सदस्यांनी केला आहे. त्यामुळे केंद्र सरकारच्या निर्णयावर प्रश्नचिन्ह निर्माण झालं आहे. एकीकडे देशात लसींचा तुटवडा असताना केंद्र सरकारने कोविशिल्डच्या दोन डोसमधील अंतर वाढवण्याचा निर्णय जाहीर केला होता.

दरम्यान, 13 मे रोजी केंद्र सरकारनं कोविशील्ड लसीच्या दोन डोसमधील अंतर दुप्पट केलं होतं. त्यावेळी केंद्र सरकारच्या नॅशनल टेक्निकल ऍडव्हायझरी ग्रुप ऑन इम्युनायजेशन (NTAGI) मधील वैज्ञानिकांच्या शिफारशीनुसार हा निर्णय घेण्यात आल्याचे सांगितले होते. परंतु, यापैकी काही तज्ज्ञांनी खुलासा केला आहे की या गटाने अंतर दुप्पट करण्याला कधीही समर्थन दिलं नव्हतं. आरोग्यमंत्रालयानं स्पष्टीकरणात ज्या वैज्ञानिकांच्या संस्थेचं नाव घेतलं होतं, त्या संस्थेमधील तीन वैज्ञानिकांनी आपण कोणतीच शिफारस केली नसल्याचं म्हटलं आहे. या संस्थेमध्ये एकूण 14 सदस्य आहेत. तसेच या निर्णयासाठी कोणताही वैज्ञानिक आधार असल्याचं आम्हाला माहिती नाही, असंही ते म्हणाले आहेत.

नॅशनल इन्स्टिट्युट ऑफ एपिडेमोलॉजीचे माजी संचालक एम. डी. गुप्ते रॉयटर्सशी बोलताना म्हणाले कि, “जागतिक आरोग्य संघटनेने दिलेल्या सल्ल्यानुसार NTAGI च्या वैज्ञानिकांनी ८ ते १२ आठवड्यांपर्यंत अंतर वाढवण्यावर सहमती दर्शवली होती. पण १२ ते १६ आठवडे हे केंद्र सरकारचे आकडे आहेत. दोन डोसमधील अंतर १२ आठवड्यांपेक्षा जास्त झालं, तर त्याचे कोणते संभाव्य परिणाम होऊ शकतात, याचा कोणताही डेटा NTAGI कडे नाही.” NTAGI मधले दुसरे सदस्य मॅथ्यु वर्गेसी यांनी गुप्तेंच्या दाव्याला दुजोरा देत म्हटले कि, “NTAGI ने फक्त ८ ते १२ आठवड्यांपर्यंत अंतर वाढवावं असा सल्ला दिला होता.”

दरम्यान, भारताचे अग्रणी वायरोलॉजिस्ट शाहीद जमील यांनी केंद्र सरकारच्या कोरोना हाताळण्याच्या पद्धतीवर टीका करत तीव्र आक्षेप घेतला. ते म्हणाले, “दोन डोसमधील अंतर दुप्पट करण्याच्या निर्णयामागची कारणं संबंधित यंत्रणांनी स्पष्ट करावीत. कोरोनाचा प्रसार वाढत असताना आपण मोठ्या प्रमाणावर लोकांचे लसीकरण करून त्यांचे संरक्षण केले पाहिजे.”

The post कोविशिल्डच्या दोन डोसमधील अंतर दुप्पट करण्याला समर्थन दिलंच नव्हतं, वैज्ञानिकांचा धक्कादायक खुलासा appeared first on थोडक्यात घडामोडी.

मुंबई : 1 मे पासून १८ वर्षांच्या पुढील व्यक्तींसाठी लसीकरण सुरू होत आहे. त्यातच सध्या एक मेसेज व्हायरल होत आहे. त्यानुसार मासिक पाळीच्या आधी आणि नंतर चार पाच दिवस प्रतिकारशक्ती कमी असते, त्यामुळे अशावेळी मुलींनी लस घेणे टाळावे अशा प्रकारचा दावा करण्यात येत आहे. परंतु हा दावा खोटा आहे.

हा दावा अशास्त्रीय असून यावर विश्वास ठेवू नये, असे आवाहन डॉक्टरांनी केले आहे. तसेच BMC कडून देखील याविषयी माहिती देण्यात आली आहे. मासिक पाळीमुळे कोरोना लसीच्या कार्यक्षमतेत बदल होत असल्याचा कोणताही डेटा नसल्याचं स्पष्ट करण्यात आलं आहे. त्यामुळे हा मेसेज खोटा आहे.

Code Red: Break The Fake News Cycle

This message in circulation is propagating falsehoods and misinformation.

There is no data on menstruation altering the efficacy of the vaccine.

All eligible citizens can and should take the vaccine as soon as they can. #FakeNewsAlert pic.twitter.com/TvfxKycYD1

— माझी Mumbai, आपली BMC (@mybmc) April 24, 2021

The post मासिक पाळी दरम्यान लस घेणं सुरक्षित आहे का? जाणून घ्या.. appeared first on थोडक्यात घडामोडी.

दिल्ली : देशात करोनाचं डबल म्युटेशन आढळून आलं असून, त्यामुळे करोना संक्रमणाचा प्रसार वेगानं होत असल्याचं तज्ज्ञाचं म्हणणं आहे. रुग्णालयात रुग्णांसाठी जागाच शिल्लक नसल्याचं चित्र असून, ऑक्सिजन आणि रेमडेसिवीर इंजेक्शनचा प्रचंड तुटवडा जाणवतं आहे.  दुसरीकडे देशात झालेल्या कोरोना उद्रेकामुळे अनेक देश सर्तक झाले असून, अमेरिकेन नागरिकांना भारतात न जाण्याचा सल्ला देण्यात आला आहे.

अमेरिकेतील रोग नियंत्रण आणि प्रतिबंध केंद्राने सावधगिरीचा इशारा अमेरिकनं नागरिकांना दिला आहे. भारतात कोरोना उद्रेक झाल्यामुळे नागरिकांनी भारताचा दौरा करणं टाळावं, असं संस्थेनं म्हटलं आहे. पूर्णपणे लसीकरण झालेलं असलं तरीही संसर्ग होण्याचा व विषाणूचा प्रसार होण्याचा धोका आहे. त्यामुळे भारतात जाणं टाळावं. जर जाणं अत्यावश्यक असेल, तर आधी पूर्णपणे लसीकरण करून घ्यावं,” असा सल्ला रोग नियंत्रण आणि प्रतिबंध केंद्राने अमेरिकन नागरिकांना दिला आहे.

The post भारतात जाणं टाळा; अमेरिकन नागरिकांना ‘सीडीसी’चा सल्ला.. appeared first on थोडक्यात घडामोडी.

कोरोनाची लस घेतल्यानंतर काय करावे आणि काय करू नये यावर आजकाल बरीच चर्चा सुरु आहे. अनेकजण सोशल मीडियावर यासंदर्भात विविध प्रश्न उपस्थित करीत आहेत. त्यापैकी एक प्रश्न हा देखील आहे कि, कोविड लस घेतल्यानंतर सेक्स करणे सुरक्षित आहे का? कितपत सुरक्षित आहे? काय काळजी घ्यायला हवी?

आरोग्य मंत्रालयाने याबाबत कोणतीही मार्गदर्शक तत्त्वे जारी केलेली नसली तरी वैद्यकीय तज्ज्ञ मात्र यासंदर्भात काही सूचना देत आहेत. तज्ञांनी असे सुचवले आहे की पुरुष आणि स्त्रियांनी लसीचा दुसरा डोस घेतल्यानंतर गर्भनिरोधक वापरावे आणि या काळात कुटुंब नियोजन करणे टाळावे. याकाळात बाळासाठी प्रयत्न करणे टाळावे.

कोलंबिया एशिया हॉस्पिटलचे डॉक्टर दीपक वर्मा यांनी माहिती देताना सांगितले की, “या लसीचे दीर्घकालीन दुष्परिणाम आहेत का आणि लैंगिक संबंधानंतर लोकांवर त्याचा काय परिणाम होऊ शकतो, हे सांगणे सध्यातरी अवघड आहे.” ज्या लोकांना लस दिली गेली आहे ते प्रत्येक वेळी लैंगिक संबंध टाळू शकत नाहीत, म्हणूनच सुरक्षित राहण्याचा सर्वोत्तम मार्ग काळजी घेणे हा आहे.

डॉक्टरांनी सांगितले की कोरोना लसीचा दुसरा डोस घेतल्यानंतर पुरुष आणि स्त्रियांनी किमान 2 ते 3 आठवड्यांपर्यंत कंडोमसारख्या गर्भनिरोधकांचा वापर केला पाहिजे. हे आवश्यक आहे, कारण सेक्स दरम्यान शरीरातील द्रव (body fluids) एकमेकांच्या संपर्कात येतात. त्यामुळे कंडोम वापरणे सर्वात उत्तम आणि प्रभावी ठरेल. तसेच त्यांनी पुढे असा सल्ला दिला की महिलांनी लस घेण्यापूर्वी स्त्रीरोग तज्ञाचा सल्ला घ्यावा.

कोवॅक्सीनची तिसऱ्या टप्प्यातील क्लिनिकल चाचणी अद्याप सुरू आहे आणि यामध्ये स्वयंसेवकांना तीन महिन्यांपर्यंत सेक्स दरम्यान कंडोम वापरण्याचा सल्ला देण्यात येत आहे. तसेच पुरुष स्वयंसेवकांना लस दिल्यानंतर तीन महिन्यांपर्यंत शुक्राणूंचे दान (स्पर्म डोनेट) करू नये, असे सांगण्यात आले आहे.

The post कोरोनाची लस घेतल्यानंतर सेक्स करताना घ्या ‘ही’ काळजी, वैद्यकीय तज्ज्ञांनी दिल्या सूचना appeared first on थोडक्यात घडामोडी.

नवी दिल्ली : भारतात पुन्हा कोरोना व्हायरसच्या संसर्गामध्ये वाढ होत असल्याने केंद्र सरकारने कोविशील्ड संदर्भात राज्य आणि केंद्रशासित प्रदेशांना पत्र लिहिले आहे. केंद्राने राज्य व केंद्रशासित प्रदेश सरकारांना कोविशील्ड लसीच्या दोन डोसमधील अंतर वाढविण्यास सांगितले आहे. एनटीजीआय आणि एनईजीव्हीएसीच्या शिफारशीनुसार या दोन डोसमधील अंतर 6-8 आठवडे करण्यास सांगितले आहे.

नॅशनल टेक्निकल अ‍ॅडव्हायझरी ग्रुप आणि लस प्रशासनावरील नॅशनल एक्सपर्ट ग्रुपच्या सूचनेनंतर हे पत्र राज्यांना लिहिले गेले आहे. दुसरा डोस कोणत्याही परिस्थितीत 8 व्या आठवड्यात देण्यात येणार असल्याचे केंद्र सरकारने स्पष्ट केले आहे. ही सूचना केवळ कोविशील्डवर लागू होणार आहे. सध्या भारतभर कोविशील्ड लसीचे दोन डोस 28 दिवसांच्या अंतराने दिले जात आहेत. नवीन शिफारसींमध्ये असे म्हटले आहे की कोविशील्ड चा दुसरा डोस सद्य 28 दिवसांच्या अंतरांऐवजी 6-8 आठवड्यांनंतर दिला तर रोग प्रतिकारशक्ती आणखी वाढू शकते.

The post बिग ब्रेकिंग : केंद्राकडून महत्वाच्या सूचना, कोविशील्ड लसीच्या दोन डोसमधील अंतर वाढवा appeared first on थोडक्यात घडामोडी.

कोरोनावरची लस सर्वात आधी आपल्याला मिळावी यासाठी लॉबिंग सुरू आहे. हे लॉबिंग करणाऱ्यांना आरोग्य मंत्री राजेश टोपे यांनी उत्तर दिलं आहे. कुणी कितीही लॉबिंग केली तरीही डॉक्टर आणि पोलिसांना सर्वात आधी लस देणार असल्याचं आरोग्य मंत्री राजेश टोपे यांनी सांगितलं आहे.

महाराष्ट्रात सर्वात आधी ज्यांना लस द्यायची आहे त्यांची यादी करण्याचं काम सुरू आहे. या यादीत नाव यावं म्हणून राजकीय नेते आणि वरिष्ठ पोलीस अधिकारी फिल्डिंग लावत आहेत असाही आरोप होत आहे. या सगळ्यावर राजेश टोपे यांनी सर्वात आधी डॉक्टर आणि पोलिसांना लस देणार असं म्हटलं आहे.

राज्य सरकारच्या निकषांनुसार राजकारणी फ्रंटलाइन कर्मचाऱ्यांच्या कक्षेत येत नाहीत. मात्र आम्ही दररोज सामान्य लोकांना भेटतो त्यामुळे आम्ही देखी फ्रंटलाइन कर्मचाऱ्यांमध्ये येतो. सोबतच कुटुंबातील सदस्यांचाही समावेश केला जावा. तसेच सर्वात आधी करोना लस देण्यात येणाऱ्या कोरोना काळात आघाडीवर काम करणाऱ्या कर्मचाऱ्यांच्या यादीत आपलं आणि कुटुबीयांची नावं समाविष्ट करण्यासाठी राजकारणी व काही अधिकारी दबाव टाकत आहेत, अशी माहिती जिल्हा व नागरी अधिकाऱ्यांनी दिली आहे.

The post कुणी कितीही मागणी करो; पहिली लस हि याच लोकांना; आरोग्यमंत्र्यांकडून स्पष्ट appeared first on थोडक्यात घडामोडी.

पंतप्रधान नरेंद्र मोदी आज (शनिवारी) पुणे, अहमदाबाद आणि हैदराबाद या तीन शहरांचा दौरा करुन कोरोनावर मात करण्यासाठी तयार होत असलेल्या लशींच्या संशोधनाचा आढावा घेणार आहेत. पुण्यात सीरम इन्स्टिट्युट ऑफ इंडिया, अहमदाबादमध्ये झायडस कॅडिला पार्क आणि हैदराबादमघ्ये भारत बायोटेक कंपनीला भेट देऊन पंतप्रधान लशींच्या संशोधनाचा आढावा घेतील.

पंतप्रधान नरेंद्र मोदी गुजरातमध्ये अहमदाबाद येथे जातील. अहमदाबाद नंतर पंतप्रधान पुण्यात येतील आणि पुण्यातून ते हैदराबादला रवाना होतील. हैदराबादच्या दौऱ्यानंतर ते दिल्लीला जाणार आहेत.

दरम्यान, पंतप्रधानांच्या दौऱ्याआधी सिरम इन्स्टिट्यूट आणि पुण्यातील काही महत्वाच्या भागांत पोलिसांनी कडेकोट सुरक्षाव्यवस्था तैनात केली आहे. सिरम इन्स्टिट्यूटमध्येही सॅनिटायजेशन व स्वच्छतेविषयीचे सर्व नियम पाळून मोदींच्या दौऱ्याची तयारी करण्यात आली आहे. दुपारी ४ वाजता मोदी तेथे दाखल होतील. यानंतर सिरम इन्स्टिट्यूटचे मुख्य कार्यकारी अधिकारी अदर पुनावाला यांच्यासह शास्त्रज्ञ आणि संशोधकांशी ते संवाद साधणार आहेत.

The post पंतप्रधान मोदी यांचा आज पुणे, अहमदाबाद आणि हैदराबाद दौरा, लशींच्या संशोधनाचा आढावा घेणार appeared first on थोडक्यात घडामोडी.