मुंबई : काँग्रेस नेत्या शमा मोहम्मद यांनी भारतीय क्रिकेट संघाच्या कर्णधार रोहित शर्मा यांच्यावर केलेल्या वादग्रस्त विधानामुळे मोठा वाद उभा राहिला आहे. त्यांनी रोहित शर्माच्या फिटनेसवर प्रश्न उपस्थित करत, त्याला “जाड्या खेळाडू” आणि “वजन कमी करण्याची गरज आहे” असे म्हटले. याशिवाय, त्यांनी सोशल मीडिया प्लॅटफॉर्म X वर लिहिले की, रोहित शर्मा “आतापर्यंतचा सर्वात छाप न सोडणारा भारताचा कर्णधार आहे.”

शमा यांच्या या विधानामुळे राजकीय व क्रिकेट वर्तुळात खळबळ उडाली आहे. त्यांच्या या विधानावर भाजपने तीव्र प्रतिक्रिया दिली आहे आणि काँग्रेसवर तोंडसुख घेतले आहे. भाजपने काँग्रेसवर टीका केली असून, या वादामुळे राजकीय वातावरण तणावपूर्ण झाले आहे. यावर शमा मोहम्मद यांनी ट्विट डिलीट करून स्पष्टीकरण दिले आहे, की त्यांचा उद्देश कोणाचाही अपमान करणे नव्हता. फक्त हे सांगण्याचा प्रयत्न केला की, असं म्हटलं जातं की कर्णधार म्हणून रोहितचा फारसा प्रभाव नाही.

भारतीय क्रिकेट नियामक मंडळाचे (BCCI) सचिव देवजीत सैकिया यांनी या वादग्रस्त विधानावर तीव्र प्रतिक्रिया व्यक्त केली आहे. त्यांना असं म्हणावं की, “आमच्या कर्णधारासाठी अशा प्रकारची टिप्पणी एका जबाबदार व्यक्तीकडून केली गेली, हे खूप दुर्दैवी आहे,” असं सांगितले. ते म्हणाले की, हे विशेषत: अशा वेळी दुर्दैवी आहे, जेव्हा भारतीय संघ आयसीसी चॅम्पियन्स ट्रॉफीच्या उपांत्य फेरीत पोहोचला आहे.

रोहित शर्मा यशस्वी कर्णधार:

रोहित शर्मा भारतीय क्रिकेट संघाचा अत्यंत यशस्वी कर्णधार आहे. रोहितने आपल्या नेतृत्वात भारताला आयसीसी एकदिवसीय स्पर्धेत कधीही ग्रुप-स्टेज सामना हरवला नाही. त्याच्या नेतृत्वाखाली भारताने 2023 च्या एकदिवसीय वर्ल्ड कपमध्ये अंतिम फेरी गाठली आणि 2024 मध्ये दुसरा टी-20 वर्ल्ड कप जिंकला. त्याचप्रमाणे, त्याच्या नेतृत्वाखाली भारतीय संघ चॅम्पियन्स ट्रॉफीच्या उपांत्य फेरीत पोहोचला आहे. रोहित शर्माच्या कर्णधारपदी असलेले यश, त्याच्या रणनीतीचे कौशल्य आणि खेळाडूंच्या एकजूटीसाठी केलेले प्रयत्न यामुळे त्याला एक प्रभावी कर्णधार म्हणून ओळखले जाते. त्याच्या नेतृत्वाखाली भारतीय संघ नेहमीच उच्च मानक राखत आहे, मात्र, शमा यांच्या विधानावर टीका केली जात आहे.

तसेच, काँग्रेस प्रवक्त्या शमा मोहम्मद यांच्या वादग्रस्त ट्विटमुळे राजकारणातही चर्चा सुरू आहे. शमा मोहम्मद यांच्या या विधानावर भाजप नेत्यांनी कडक टीका केली आहे, ज्यामुळे आगामी निवडणुकीत आणखी एक राजकीय वाद निर्माण होण्याची शक्यता आहे. हा वाद क्रिकेट आणि राजकारण यामध्ये काही काळ तणाव आणू शकतो.

The post काँग्रेस नेत्या शमा मोहम्मद यांची रोहित शर्मावर जाड्या म्हणत टीका, बीसीसीआयकडून तीव्र निषेध appeared first on थोडक्यात घडामोडी.

आयसीसी चॅम्पियन्स ट्रॉफी 2025 स्पर्धेला सुरूवात होण्यासाठी आता फक्त 3 दिवस बाकी आहेत. 19 फेब्रुवारीपासून या स्पर्धेची सुरुवात होईल, आणि सात वर्षांनी ही स्पर्धा आयोजित केली जात आहे. चॅम्पियन्स ट्रॉफीच्या यजमानपदाचा मान पाकिस्तानला मिळाला आहे, पण टीम इंडियाचे सर्व सामने दुबईत खेळले जाणार आहेत. टीम इंडिया या स्पर्धेसाठी दुबईत पोहचली आहे.

बीसीसीआय निवड समितीने चॅम्पियन्स ट्रॉफी स्पर्धेसाठी अखेरच्या क्षणी दोन बदल केले आहेत. तसेच, तीन खेळाडूंना नॉन-ट्रॅव्हलिंग रिझर्व्ह म्हणून समाविष्ट केले आहे. परंतु, या तिघांमधील एका खेळाडूला दुखापत झाल्यामुळे त्याला महत्त्वपूर्ण सामन्याला मुकावे लागण्याची शक्यता आहे.

टीम इंडियाचा वेगवान गोलंदाज जसप्रीत बुमराह दुखापतीमुळे चॅम्पियन्स ट्रॉफी स्पर्धेतून बाहेर पडला आहे. 11 फेब्रुवारी रोजी बीसीसीआयने याबाबत माहिती दिली आणि त्याच्या जागी हर्षित राणा याला समाविष्ट केले. यशस्वी जयस्वालला मुख्य संघातून बाहेर करीत मिस्ट्री स्पिनर वरुण चक्रवर्ती याचा समावेश केला गेला आहे.

आता नॉन-ट्रॅव्हलिंग रिझर्व्हमधील यशस्वी जयस्वालला दुखापतीमुळे रणजी ट्रॉफीच्या उपांत्य फेरीतील मुंबई विरुद्ध विदर्भ सामन्यातून बाहेर पडावे लागण्याची शक्यता आहे. मिडिया रिपोर्ट्सनुसार, यशस्वीने डाव्या घोट्यात वेदना होत असल्याची माहिती टीम मॅनेजमेंटला दिली आहे.

मुंबई विरुद्ध विदर्भ यांच्यातील उपांत्य फेरीचा सामना 17 फेब्रुवारीपासून नागपूरमधील विदर्भ क्रिकेट असोसिएशन स्टेडियममध्ये खेळवला जाणार आहे.

आयसीसी चॅम्पियन्स ट्रॉफी 2025 साठी टीम इंडिया: रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर, केएल राहुल (विकेटकीपर), ऋषभ पंत (विकेटकीपर), हार्दिक पंड्या, अक्षर पटेल, वॉशिंग्टन सुंदर, कुलदीप यादव, मोहम्मद शमी, अर्शदीप सिंग, रवींद्र जडेजा आणि वरुण चक्रवर्ती.

The post टीम इंडियाच्या आणखी एका खेळाडूला दुखापत! चॅम्पियन्स ट्रॉफीतून आधीच बाहेर appeared first on थोडक्यात घडामोडी.

कर्णधार म्हणून विराट कोहली टी-२० वर्ल्ड कपमध्ये अपयशी ठरला आहे. भारताला सलग दोन सामन्यांत पराभव पत्करावा लागला. वर्ल्ड कपपूर्वीच कोहलीने टी-२० संघाचे नेतृत्व सोडणार असल्याचे सांगितले आहे. आता विराट कोहलीकडून वन-डे संघाचे नेतृत्व काढून घेण्यात येण्याची शक्यता निर्माण झाली आहे. यासाठी बीसीसीआय अध्यक्ष सौरभ गांगुली आणि सरचिटणीस जय शहा यांनी पुढील दोन-तीन दिवसांत निवड समिती सदस्यांसोबत ऑनलाइन बैठक बोलावली आहे.

पुढील वर्षी ऑस्ट्रेलियात टी-२० वर्ल्ड कप होत असून, २०२३चा वन-डे वर्ल्ड कप भारतात होणार आहे. या वर्षी तरी भारतीय संघाला वन-डे सामने खेळायचे नाहीत. पुढील वर्षीही भारतीय संघाचे फारसे वन-डे सामने नाहीत. पुढील वर्षी जूनपर्यंत भारतीय संघ केवळ तीन वन-डे, तर एकूण १७ टी-२० सामने खेळणार आहे. त्यामुळे कोहलीच्या वन-डेबाबतचा निर्णय आता घ्यावा की नाही, यावरही चर्चा होण्याची शक्यता आहे.

पुढील वर्ल्ड कपसाठी अकरा महिन्यांचा कालावधी शिल्लक आहे. अशा परिस्थितीत सध्याच्या संघातील खेळाडूंचा फॉर्म आणि तंदुरुस्ती यावरही चर्चा केली जाणार आहे. आयपीएलमध्ये चमकदार कामगिरी करणाऱ्या काही युवा खेळाडूंना न्यूझीलंडविरुद्धच्या टी-२० मालिकेत स्थान मिळण्याची दाट शक्यता आहे. यात सर्वाधिक धावा करून ऑरेंज कॅप मिळविलेला ऋतुराज गायकवाड याचे नाव आघाडीवर आहे. सर्वाधिक विकेट घेणारा आवेश खान, फिरकी गोलंदाज युझवेंद्र चहल यांना संधी मिळू शकते. जम्मू-काश्मीरच्या उमरान मलिकचेही नाव चर्चेत आहे. अष्टपैलू वेंकटेश अय्यरला पंड्याच्या जागी स्थान मिळू शकते. अक्षर पटेल, श्रेयस अय्यर, दीपक चहर, शुभमन गिल, मयंक अग्रवाल, उमेश यादव यांना पुन्हा संधी मिळू शकते.

The post विराट कोहलीबाबत BCCI घेणार मोठा निर्णय? दोन-तीन दिवसांत होणार बैठक appeared first on थोडक्यात घडामोडी.

नवी दिल्ली : कोरोनाच्या पार्श्वभूमीवर बीसीसीआयने भारताऐवजी युएईमध्ये टी -20 विश्वचषक आयोजित करण्याचा निर्णय घेतला आहे. बीसीसीआयचे सचिव जय शहा यांनी सांगितले की ते लवकरच आयसीसीला याबाबत माहिती देणार आहेत. तथापि, अद्याप तारखांबाबत निर्णय झालेला नाही.

आयपीएल -14 च्या दुसर्‍या टप्प्यातील सामने 19 सप्टेंबर ते 15 ऑक्टोबर दरम्यान युएईमध्ये होणार आहेत. आयपीएल संपल्यानंतर दोन दिवसानंतर म्हणजेच 17 ऑक्टोबरपासून टी -20 वर्ल्ड कप आयोजित केला जाण्याची शक्यता आहे. तथापि,  टी -20 वर्ल्ड कपच्या वेळापत्रकासंबंधी अंतिम निर्णय आयसीसीकडून घेतला जाणार आहे.

रिपोर्टनुसार, युएईमध्ये अबू धाबी, शारजाह आणि दुबई येथे टी -20 विश्वचषकातील सामने आयोजित केले जातील. त्याचबरोबर राऊंड 1 चे सामने ओमानमध्ये घेण्यात येतील. पहिल्या फेरीत आठ संघांमधील 12 सामने खेळवले जातील, त्यापैकी चार (प्रत्येक गटातील प्रथम दोन) सुपर 12 साठी पात्र ठरतील. या फेरीत बांगलादेश, श्रीलंका, आयर्लंड, नेदरलँड्स, स्कॉटलंड, नामीबिया, ओमान, पापुआ न्यू गिनी हे संघ खेळतील. त्यापैकी चार संघ पहिल्या आठ टी -20 आंतरराष्ट्रीय संघात सामील होतील आणि सुपर 12 मध्ये पोहोचतील.

त्याचबरोबर सुपर -12 मध्ये एकूण 30 सामने होणार आहेत, जे 24 ऑक्टोबरपासून सुरू होतील. त्यात 12 संघ दोन गटात विभागले जातील. त्यांचे सामने दुबई, अबू धाबी आणि शारजाह येथे खेळवले जातील. यानंतर दोन उपांत्य फेरी आणि अंतिम सामने खेळवले जातील.

कोरोनाच्या तिसर्‍या लाटेच्या भीतीमुळे प्रत्येकाचे आरोग्य लक्षात घेऊन हा निर्णय घेण्यात आला आहे. बीसीसीआयची भारतात टी -२० विश्वचषक आयोजित करण्याची इच्छा होती, परंतु काही मुद्दे पुढे आले. मंडळाला भारत सरकारकडून करात सूट मिळणार नसल्याची माहिती मिळाली आहे. त्याचबरोबर बायो-बबलमध्ये कोरोनाचा शिरकाव झाल्यामुळे आयपीएल स्थगित झाल्यानंतर आंतरराष्ट्रीय खेळाडू भारतात येणार नाहीत, अशी भीती बीसीसीआयने व्यक्त केली.

The post BCCI ने घेतला मोठा निर्णय, युएईमध्ये होणार टी -20 विश्वचषकाचे आयोजन appeared first on थोडक्यात घडामोडी.

नवी दिल्ली : कोरोनाच्या पार्श्वभूमीवर टी-२० विश्वचषक क्रिकेट स्पर्धेच्या आयोजनाबाबत अंतिम निर्णय घेण्यासाठी आंतरराष्ट्रीय क्रिकेट परिषदेने (ICC) भारतीय क्रिकेट नियामक मंडळाला (BCCI) २८ जूनपर्यंतची मुदतवाढ दिली आहे. ICC च्या मंगळवारी झालेल्या ऑनलाइन बैठकीदरम्यान याविषयी निर्णय घेण्यात आला. ऑक्टोबर-नोव्हेंबर महिन्यात भारतात टी-२० विश्वचषक होणार आहे. मात्र भारतातील कोरोना स्थिती पाहता ही स्पर्धा UAE येथे खेळवण्यात येण्याची शक्यता आहे.

ICC ने BCCI ला विश्वचषकाच्या आयोजनाबाबत अंतिम निर्णय घेण्यासाठी २८ जूनपर्यंतची मुदत दिली आहे. विश्वचषकापूर्वी १५ सप्टेंबर ते १५ ऑक्टोबर यादरम्यान इंडियन प्रीमियर लीगच्या १४व्या हंगामातील उर्वरित साामने UAE येथे खेळवण्यात येणार आहेत. त्यामुळे विश्वचषक तेथेच खेळवणे सोयीचे ठरेल, असे जाणकारांचे मत आहे. ऑक्टोबरमध्ये विश्वचषकाचे आयोजन करणे शक्य नसल्यास पुढील वर्षी फेब्रुवारी किंवा जूनमध्ये भारतात ही स्पर्धा खेळवण्याचा पर्याय आहे. मात्र फेब्रुवारीत महिला विश्वचषक आहे, तर जूनमध्ये ‘आयपीएल’संपल्यावर भारतात पावसामुळे काही सामन्यांचे नुकसान होण्याची शक्यता आहे,’’ असे मत ICC च्या पदाधिकाऱ्यांनी मांडले आहे.

The post टी-२० विश्वचषकाच्या आयोजनाबाबत निर्णय घेण्यासाठी ICC ने BCCI ला दिली २८ जूनपर्यंतची मुदत appeared first on थोडक्यात घडामोडी.

मुंबई : कोरोनामुळे स्थगित झालेल्या इंडियन प्रीमियर लीगबाबत (IPL) भारतीय क्रिकेट नियामक मंडळाने (BCCI) ने मोठा निर्णय घेतला आहे. आयपीएलचे उर्वरित सामने आता यूएईमध्ये होणार आहेत.

आयपीएलचे 31 सामने खेळायचे राहिले आहेत. हे सामने आता सप्टेंबर-ऑक्टोबर दरम्यान यूएईमध्ये खळवण्यात येणार आहेत. मागील वर्षी म्हणजेच IPL 2020 ची संपूर्ण स्पर्धाही यूएईमध्येच खेळवण्यात आली होती.

NEWS ? : BCCI to conduct remaining matches of VIVO IPL in UAE.

More details here – https://t.co/r7TSIKLUdM #VIVOIPL pic.twitter.com/q3hKsw0lkb

— IndianPremierLeague (@IPL) May 29, 2021

भारतीय क्रिकेट नियामक मंडळाच्या आज होणाऱ्या बैठकीकडे क्रिकेटप्रेमींचं लक्ष लागलं होतं. BCCI ने कोरोनाच्या संकटामुळे स्थगित झालेल्या IPL 2021 चे उर्वरीत सामने यूएईला होणार असल्याचं स्पष्ट केलं आहे. आयपीएलचे उर्वरित 31 सामने सप्टेंबर ते ऑक्टोबर दरम्यान होणार आहेत. यादरम्यान भारतात पावसाळा असल्यामुळे हा निर्णय घेण्यात आला आहे.

The post IPL 2021 : आयपीएलचे उर्वरित सामने UAE मध्ये होणार, BCCI चा मोठा निर्णय appeared first on थोडक्यात घडामोडी.

IPL २०२१ : IPL खेळणाऱ्या अनेक खेळाडूंना कोरोनाची लागण झाल्याचं समोर आल्यानंतर बीसीआय ने (BCCI) IPL स्पर्धा स्थगित केली आहे. केकेआर संघानंतर आता हैदराबाद संघाच्या खेळाडूंनाही कोरोनाचा फटका बसला आहे. हैदराबादचा खेळाडू रिद्धिमान सहा कोरोना पॉझिटिव्ह असल्याने संपूर्ण टीम विलगीकरणात आहे. यापूर्वी केकेआरच्या वरुण चक्रवर्ती आणि संदीप वॉरियर यांना कोरोनाची लक्षणे आढळली होती. दुसरीकडे चेन्नई सुपरकिंग्जचे सहाय्यक कर्मचारीही कोरोना पॉझिटिव्ह झाले आहेत. अशा परिस्थितीत बीसीसीआयने IPL काही काळ तहकूब करण्याचे ठरवले आहे.

तत्पूर्वी, बीसीसीआयने काही खेळाडूंना कोरोनाची लागण झाल्यानंतर या सामन्याचे वेळापत्रक बदलण्याचा निर्णय घेतला होता, परंतु आता बऱ्याच संघांमधील खेळाडू कोरोना पॉझिटिव्ह झाल्यानंतर आयपीएल पुढे ढकलण्याचा निर्णय घेण्यात आला आहे. बीसीसीआयचे उपाध्यक्ष राजीव शुक्ला यांनी ही माहिती दिली आहे. ते म्हणाले कि, आम्ही ही स्पर्धा पुन्हा केव्हा घ्यावी, यावर विचार करत आहोत, पण सध्यातरी ही स्पर्धा अनिश्चित काळासाठी स्थगित करण्याचा निर्णय घेण्यात आला आहे.

BREAKING: IPL 2021 has been suspended indefinitely because of COVID-19.

The BCCI will arrange for the “secure and safe passage of all the participants.” pic.twitter.com/Jp3PfX90Xf

— ICC (@ICC) May 4, 2021

The post ब्रेकिंग : IPL स्पर्धा स्थगित, BCCI चे उपाध्यक्ष राजीव शुक्ला यांनी दिली माहिती appeared first on थोडक्यात घडामोडी.

नवी दिल्ली : जागतिक क्रिकेटमध्ये गेल्या काही वर्षात भारत आणि पाकिस्तान यांच्यात क्रिकेट सामने झाले नाहीत. राजकीय संबंधांमुळे भारत आणि पाकिस्तान यांच्यातील द्विपक्षीय मालिका झाल्या नाहीत. पण आता दोन्ही देशातील क्रिकेट चाहत्यांसाठी आनंदाची बातमी आहे. आता पुन्हा एकदा दोन्ही देशातील क्रिकेट सुरू होण्याची शक्यता आहे.

भारत आणि पाकिस्तान हे दोन्ही संघ फक्त आयसीसीच्या स्पर्धेत एकमेकांविरुद्ध खेळतात. दहशतवादाच्या मुद्द्यावर दोन्ही देशातील संबंध बिघडल्यामुळे सुमारे १० वर्षांपासून भारत आणि पाकिस्तान यांच्यात क्रिकेट सामने झाले नाहीत. या दोन्ही देशात २००७ साली अखेरची द्विपक्षीय मालिका झाली होती. तेव्हा पाकिस्तानने पाच वनडे आणि तीन कसोटी मालिका खेळण्यासाठी भारत दौरा केला होता. पण २००८ साली मुंबईवर झालेल्या दहशतवादी हल्ल्यानंतर दोन्ही देशातील संबंध बिघडले.

दोन्ही देशातील क्रिकेट पुन्हा सुरू होण्याची शक्यता आहे. पाकिस्तान क्रिकेट बोर्डा (PCB)ने देशातील सरकारच्या उच्चस्तरीय अधिकाऱ्यांशी यासंदर्भात चर्चा केली आहे. पाकिस्तानमधील उर्दू वृत्तपत्र ‘डेली जंग’ने याबाबतचे वृत्त दिले आहे. सर्व काही ठीक झाले तर या वर्षाच्या दुसऱ्या सत्रात दोन्ही संघात ३ सामन्यांची टी-२० मालिका होऊ शकते, असं वृत्तात म्हटलं आहे.

The post क्रिकेट चाहत्यांसाठी आनंदाची बातमी, भारत – पाकिस्तान सामने पुन्हा सुरु होण्याची शक्यता appeared first on थोडक्यात घडामोडी.

मुंबई : कोरोना संसर्गाच्या वाढत्या प्रादुर्भावामुळे बीसीसीआयने देशांतर्गत होणाऱ्या सर्व वयोगटांच्या क्रिकेट स्पर्धा रद्द केल्याची घोषणा केली आहे. आयपीएल २०२१ प्रेक्षकांच्या अनुपस्थितीत होईल. भारत आणि इंग्लंड यांच्यात सुरू असलेल्या पाच टी २० सामन्यांच्या मालिकेतील तिसऱ्या सामन्यापासून म्हणजेच १६ मार्च पासून स्टेडियममध्ये प्रेक्षकांना बंदी घालण्यात आली आहे.

सध्या पुरुष आणि महिला क्रिकेट संघांचे आंतरराष्ट्रीय सामने सुरू आहेत. या सामन्यांसाठी कोविड प्रोटोकॉल अंतर्गत खेळाडूंना बायो बबलमध्ये राहावे लागत आहे. मर्यादीत आंतरराष्ट्रीय खेळाडूंसाठी बायो बबल शक्य आहे. मात्र देशांतर्गत पातळीवर खेळणाऱ्या शेकडो खेळाडूंसाठी ते शक्य नाही. त्यामुळे कोरोना परिस्थितीचा आढावा घेऊन पुढील निर्णय घेण्यात येईल, असे बीसीसीआयने स्पष्ट केले.

The post देशांतर्गत होणाऱ्या सर्व क्रिकेट स्पर्धा रद्द, बीसीसीआयची घोषणा appeared first on थोडक्यात घडामोडी.

चेन्नई : टीम इंडिया आणि इंग्लंड यांच्यात सध्या पेटीएम कसोटी मालिकेतील पहिला सामना सुरु आहे. कर्णधार जो रुट यानं आपल्या १०० व्या कसोटी सामन्यातील पहिल्या दिवशी शतकी खेळी करत इंग्लंड संघाला अश्वासक सुरुवात करुन दिली आहे. रुटच्या शतकी खेळीच्या बळावर इंग्लंडनं पहिल्या दिवशी तीन बाद २६३ धावांपर्यंत मजल मारली. मात्र त्यात एक घटना क्रिकेट हा जंटलमनचा गेम असल्याचं दाखवून देणारी ठरली.

भारताचा कर्णधार विराट कोहली आणि इंग्लंडचा कर्णधार जो रुट यांच्यामध्ये घडलेली ही घटना आहे. पहिल्या कसोटी सामन्याच्या पहिल्या दिवसातील तिसऱ्या सत्रामध्ये 87 व्या ओव्हरवेळी जो रुटचा पाय दुखू लागला. वेदना सहन न झाल्याने तो मैदानावर कोसळला. हे पाहून विराट कोहली जो रुटच्या मदतीला धावला.

#SpiritOfCricket at its very best ??#INDvENG @Paytm | @imVkohli pic.twitter.com/vaEdH29VXo

— BCCI (@BCCI) February 5, 2021

The post Ind vs eng : जो रुट वेदना सहन न झाल्याने मैदानावर कोसळला आणि विराट मदतीला धावला.. appeared first on थोडक्यात घडामोडी.