वॉशिंग्टन : एका महत्त्वपूर्ण निर्णयात अमेरिकेच्या सर्वोच्च न्यायालयाने गर्भपाताला कायदेशीर मान्यता देणारा 50 वर्षे जुना निर्णय रद्द केला आहे. अमेरिकेच्या सर्वोच्च न्यायालयाच्या या निर्णयाची जगभरात चर्चा होत असतानाच या निर्णयावरून अमेरिकेतही राजकारण तापले आहे. अमेरिकेचे माजी राष्ट्राध्यक्ष बराक ओबामा यांनी शुक्रवारी सर्वोच्च न्यायालयाच्या निर्णयाचा निषेध केला. त्यांनी हा लाखो अमेरिकन लोकांनी अनुभवलेल्या अत्यावश्यक स्वातंत्र्यावरील हल्ला असल्याचे म्हटले.

बराक ओबामा यांनी ट्विट केले की सुप्रीम कोर्टाने केवळ 50 वर्षांची उदाहरणेच उधळून लावली नाहीत, तर अत्यंत वैयक्तिक निर्णयही रद्द केला. लाखो नागरिकांच्या अत्यावश्यक स्वातंत्र्यावर हल्ला केला. सर्वोच्च न्यायालयाने आपल्या निर्णयात म्हटले आहे की, अमेरिकेची घटना गर्भपाताचा अधिकार देत नाही. त्यामुळे रो विरुद्ध वेड खटला आमच्या वतीने फेटाळण्यात येत आहे. सुप्रीम कोर्टाने सांगितले की, अमेरिकेतील सर्व राज्ये गर्भपाताबाबत स्वतःचे नियम आणि कायदे बनवू शकतात.

अमेरिकेच्या राष्ट्राध्यक्षांनीही गर्भपाताला दिलेले घटनात्मक संरक्षण रद्द करण्याबाबत चिंता व्यक्त केली आहे. गर्भपातावर घेतलेल्या निर्णयामुळे गर्भनिरोधक, समलिंगी विवाहाचा अधिकार धोक्यात येऊ शकतो, हा अत्यंत धोकादायक मार्ग आहे, असा इशारा राष्ट्रपतींनी दिला. महिलांच्या हक्कांचे रक्षण करण्यासाठी त्यांनी आपल्या क्षमतेनुसार काम करण्याचा संकल्प केला.

It’s a sad day for the country.

Nearly 50 years ago, Roe vs. Wade was decided. Today, the Supreme Court of the United States expressly took away a constitutional right from the American people.

Personal freedoms are on the ballot this fall.

— Joe Biden (@JoeBiden) June 24, 2022

उपराष्ट्रपती कमला हॅरिस म्हणाल्या की, अमेरिकेतील लोकांकडून घटनात्मक अधिकार काढून घेण्यात आले आहेत. हे आरोग्य सेवेचे संकट आहे. कमला हॅरिस यांनी अमेरिकन लोकांना गर्भपाताच्या अधिकारांच्या रक्षणासाठी एकत्र उभे राहण्याचे आवाहन केले.

अमेरिकेत गर्भपात हा एक संवेदनशील मुद्दा आहे. महिलांना गर्भपाताचा अधिकार द्यायचा की नाही यात धार्मिक घटकांचाही सहभाग आहे. रिपब्लिकन (कंझर्वेटिव्ह) आणि डेमोक्रॅट्स (लिबरल्स) यांच्यात हा वादाचा मुद्दा आहे. हा वाद 1973 मध्ये सुप्रीम कोर्टात पोहोचला, ज्याला रो विरुद्ध वेड केस देखील म्हटले जाते.

The post अमेरिकेत गर्भपाताचा घटनात्मक अधिकार संपला, सर्वोच्च न्यायालयाकडून 50 वर्षे जुना निर्णय रद्द appeared first on थोडक्यात घडामोडी.

काबुल : काबूल विमानतळावर बॉम्बस्फोट करण्यात आले होते. यात अमेरिकेच्या 13 सैनिकांसह अनेक लोक मारले गेले होते. या हल्ल्याची जबाबदारी ISIS ने घेतली होती. यानंतर राष्ट्राध्यक्ष जो बायडेन नाराजी व्यक्त करत म्हणाले होते की अमेरिका आपल्या शत्रूंना शोधून मारेल. यानंतर 36 तासांच्या आत अमेरिकेने दहशतवाद्यांविरोधात कारवाई केली आहे. अमेरिकन लष्कराने पूर्व अफगाणिस्तानमध्ये ISIS च्या ठिकाणांवर ड्रोनने हल्ले केले आहेत. पेंटागनने याबद्दल माहिती दिली आहे.

अमेरिकेच्या लष्कराचे प्रवक्ते नौदल कॅप्टन बिल अर्बन यांनी सांगितले की, अमेरिकन सैन्याने अफगाणिस्तानच्या नांगरहार प्रांतातील ISIS-के तळांवर हवाई हल्ले केले आहेत. यात आमचे लक्ष्य असलेले दहशतवादी मारले गेल्याचे संकेत आहेत. या हल्ल्यात एकही नागरिक मारला गेलेला नाही. अमेरिकेच्या राष्ट्रीय सुरक्षा संघाने अध्यक्ष बायडेन यांची भेट घेऊन काबूल विमानतळावर सुरक्षा वाढवण्यास सांगितले आहे. अमेरिका काबूल विमानतळावर सुरक्षा व्यवस्था वाढवत आहे. काबूल विमानतळावर आणखी दहशतवादी हल्ले होण्याची शक्यता अमेरिकेने व्यक्त केली आहे.

अमेरिकेने अफगाणिस्तानच्या नांगरहारमध्ये हवाई हल्ला केला आहे. ISIS च्या दहशतवाद्यांचा नांगरहारमध्ये गड आहे. हा परिसर अफगाणिस्तान आणि पाकिस्तानच्या सीमेवर आहे. तालिबानने अफगाणिस्तानचा ताबा घेतल्यानंतर तुरुंगातील अनेक दहशतवाद्यांची सुटका केली आहे, त्यात ISIS च्या दहशतवाद्यांचाही समावेश आहे.

काबूल विमानतळावरील साखळी स्फोटानंतर अमेरिकेचे अध्यक्ष जो बायडेन यांनी नाराजी व्यक्त केली होती. त्यांनी दहशतवाद्यांना निवडकपणे मारण्याचा इशारा दिला होता. अमेरिकन लष्कराने अफगाणिस्तानमध्ये इसिसच्या ठिकाणांवर हवाई हल्ले करून त्यांचे हे लक्ष्य साध्य केले.

The post काबूल स्फोटानंतर अमेरिकेची दहशतवाद्यांविरोधात मोठी कारवाई, अफगाणिस्तानात ISIS वर ड्रोन हल्ला appeared first on थोडक्यात घडामोडी.

वॉशिंग्टन : अमेरिकेत एका तरुणाने घोडीवर बलात्कार केल्याची भयंकर घटना समोर आली आहे. हा तरुण आठवड्यातून चार वेळा घोडीवर बलात्कार करत होता. फ्लोरिडातील एक वृद्ध महिला कॅरन मिलानोने आपला 21 वर्षांचा नातू निकोलस सारदो याला घोडीवर बलात्कार करताना रंगेहाथ पकडले.

कॅरनच्या पाळीव घोडीचं नाव जॅकी जी आहे. ती एक मिनिएचर ब्रीडची घोडी आहे. कॅरनने निकोलसला आपल्या घोडीजवळ पकडलं, यावेळी त्याने कपडे घातलेले नव्हते. त्यानंतर तिने तात्काळ या घटनेबद्दल पोलिसांना सांगितलं. धक्कादायक म्हणजे निकोलसने पोलिसांना जबाबात सांगितलं की त्याला जॅकी जी ही घोडी खूप आवडायची. त्याला तिच्याबद्दल वेगळेच आकर्षण वाटायचे. तसेच तो आठवड्यातून चार वेळा तिच्यासोबत लैंगिक संबंध ठेवायचा. लैंगिक संबंध ठेवताना घोडीपासून कोणताही आजार होऊ नये म्हणून तो नेहमी कंडोम वापरायचा.

तरुणाने पोलिसांसमोर गुन्ह्याची कबुली दिली असून पोलीस रिपोर्टमध्ये त्याला आजारी घोषित करण्यात आलं आहे. तसेच तपासात घोडीवर बलात्कार झाल्याचं सिद्ध झालं असून निकोलसला ऍनिमल बेस्टिलटीच्या आरोपात अटक करण्यात आली आहे.

The post विकृत तरुण आठवड्यातून चार वेळा करायचा घोडीवर बलात्कार, पोलीस तपासात धक्कादायक खुलासा… appeared first on थोडक्यात घडामोडी.

अमेरिका : अमेरिकेत एक आश्चर्यजनक घटना घडली आहे. येथे एक मच्छीमार एका विशालकाय व्हेल माशाच्या तोंडात गेला होता, परंतु त्यानंतर तो जिवंत बाहेर आला. या मच्छिमाराचे नाव मायकल पॅकार्ड असून तो ५६ वर्षांचा आहे. या संपूर्ण घटनेबद्दल त्याने स्वत: च सांगितले आहे.

वृत्तानुसार, मायकल पॅकार्ड सुमारे 30 सेकंद व्हेल माशामध्येच राहिले, परंतु तरीदेखील ते बचावले. मायकेलने या भयानक अनुभवाबद्दल सांगितले की, “मी मॅसाचुसेट्सच्या ईशान्य किनाऱ्यावर लॉबस्टर पकडण्यासाठी समुद्राच्या खाली डुबकी मारत होतो आणि त्यावेळी मी सुमारे 35 फूट खाली होतो. अचानक मला एक मोठा झटका बसला आणि त्यानंतर माझ्यासमोर संपूर्ण अंधार पसरला. मला काय घडत आहे, याची कल्पना नव्हती. नंतर मला वाटले की मी कोणाच्या तरी तोंडात आहे. मला वाटले की कदाचित शार्कने हल्ला केला आहे, परंतु नंतर मला जाणवले की तोंडात कमी दात आहेत त्यामुळे हा शार्क नसावा. कारण शार्कच्या तोंडामध्ये बरेच दात असतात.”

मायकल पॅकार्ड पुढे म्हणाले कि, “मी व्हेल फिशच्या तोंडात अगदी आत होतो, जिथे पूर्णपणे अंधार होता. मी विचार केला की येथून बाहेर पडण्याचा कोणताही मार्ग नाही आणि आपला जीव वाचणे कठीण आहे. त्यावेळी मी फक्त माझ्या मुलांचा विचार करत होतो, जे १२ आणि १५ वर्षांचे आहेत. सुमारे 30 सेकंद मी माशाच्या तोंडातच राहिलो. व्हेलने मला खाण्याचा प्रयत्न केला आणि दात देखील दाबले, परंतु असे असूनही मी व्हेलच्या तोंडातून कसे बाहेर पडलो, हे मला ठाऊक नाही. माझे एकही हाड मोडलेले नाही. परंतु मी जर दातांच्यामध्ये आलो असतो, तर कदाचित जगणे कठीण झाले असते.”

तो भयंकर क्षण आठवताना मायकल पॅकार्ड म्हणाले कि, “मी व्हेलच्या तोंडातून बाहेर येण्याचा प्रयत्न करण्यास सुरुवात केली, पण ते अवघड होते. मी बाहेर येण्यासाठी हालचाल केली, तेव्हा व्हेलने डोके हलवण्यास सुरुवात केली आणि सुमारे 30 सेकंदानंतर व्हेलने मला तोंडातून बाहेर फेकले.” त्यानंतर मायकेलला त्याच्या मित्राने त्वरित रुग्णालयात दाखल केले.

मायकेल पॅकार्डने मृत्यूला पराभूत करण्याची ही दुसरी वेळ आहे. नोव्हेंबर २००१ मध्ये झालेल्या विमान अपघातातूनही तो बचावला होता. या दुर्घटनेत पायलट आणि सह-पायलटसह तीन जण ठार झाले होते. मायकेल बचावलेल्या पाच लोकांपैकी एक होता. त्यांनी विमानाच्या रेडिओचा वापर करून मदत मागितली होती.

The post बाबो! दोनदा मृत्यूला हरवलं.. व्हेलने मच्छिमाराला जिवंत गिळलं आणि मग… appeared first on थोडक्यात घडामोडी.

अमेरिका : अमेरिकेची कोरोना लस उत्पादक कंपनी फायझरने 12 वर्षापेक्षा कमी वयाच्या मुलांवर लसीची चाचणी सुरू केली आहे. पहिल्या टप्प्यात काही निरोगी मुलांना कोरोना लस दिली जाईल. चाचणीसाठी फायझरने जगातील चार देशांतील 4,500 हून अधिक मुलांना निवडले आहे. या चार प्रमुख देशांमध्ये अमेरिका, फिनलँड, पोलंड आणि स्पेनचा समावेश आहे.

फायझरने याबाबत माहिती देताना सांगितले की, “चाचणीच्या पहिल्या टप्प्यात १२ वर्षाखालील मुलांना लस दिली जाईल. जर सर्व काही ठीक झाले तर ही चाचणी पुढे सुरु राहील. कंपनीने पुढे म्हटले की लसीकरणाच्या चाचणीसाठी या आठवड्यात 5 ते 11 वर्षे वयोगटातील मुलांना निवडण्याचे काम सुरू केले जाईल. या मुलांना १० मायक्रोग्रामचे दोन डोस दिले जातील. हा डोस प्रौढ आणि वृद्धांना देण्यात येणाऱ्या डोसच्या एक तृतीयांश आहे. यानंतर काही आठवड्यात 6 महिन्यांपेक्षा जास्त वयाच्या मुलांवर लसीची चाचणी सुरू केली जाईल. त्यांना तीन मायक्रोग्राम लस दिली जाईल.

Today begins the Phase 2/3 part of our continuous study of the Pfizer – @BioNTech #COVID19 vaccine in healthy children. This is the next step allowing us to gather data to understand the safety and immunogenicity of the vaccine in this group aged 5–11 years.

— Pfizer Inc. (@pfizer) June 8, 2021

वृत्तानुसार, फायझरशिवाय मॉडर्ना देखील 12 ते 17 वर्षे वयोगटातील मुलांवर लसीची चाचणी घेत आहे. त्याचे निकालही लवकरच बाहेर येऊ शकतात. तसेच, जॉन्सन आणि जॉन्सनकडून अभ्यास केले जात आहेत. गेल्या महिन्यात, अ‍ॅस्ट्रॅजेनेकाने 6 ते 17 वर्षे वयोगटातील मुलांवर यूकेमध्ये अभ्यास सुरू केला. या सर्व कंपन्यांना लवकरच सकारात्मक निकाल मिळण्याची आशा आहे.

चीनने 3 ते 17 वर्षे वयोगटातील मुलांसाठी कोरोना लसीला दिली मान्यता

The post मोठी बातमी : फायझरने 12 वर्षाखालील मुलांवर सुरू केल्या कोरोना लसीच्या ट्रायल appeared first on थोडक्यात घडामोडी.

वॉशिंग्टन : अमेरिकेच्या न्यायालयाने मिनियापोलिसातील माजी पोलिस अधिकारी डेरेक शॉविनला जॉर्ज फ्लॉइड हत्या प्रकरणी दोषी ठरवलं आहे. वॉशिंग्टनच्या हेनेपिन काउंटी न्यायालयाने हा निर्णय दिला. न्यायाधिशांनी डेरेकला निर्घृण हत्या प्रकरणात दोषी ठरवले असून त्याला लवकरच शिक्षा सुनावली जाऊ शकते. शॉविन विरोधात सेकेंड डिग्री मर्डर, थर्ड-डिग्री मर्डर आणि मैनस्लॉटर असे तीन आरोप होते. यात त्याला सेकंड डिग्री मर्डरसाठी 40 वर्षांची कैद, थर्ड डिग्री मर्डर प्रकरणात 25 वर्षांची कैद तर मॅनस्लॉटर प्रकरणी दहा वर्षांची कैद किंवा 20 हजार डॉलर्सचा दंडाची तरतूद आहे. जॉर्ज फ्लॉइड हत्या प्रकरणी दोषी ठरलेल्या डेरेकला शॉविनला उर्वरित आयुष्य तुरुंगातच काढावं लागेल.

जॉर्ज फ्लॉइ़ड हत्या प्रकरणी डेरेकला शिक्षा सुनावल्यानंतर राष्ट्राध्यक्ष जो बायडेन यांनीही न्यायालयाच्या निर्णयाचं स्वागत केलं आहे. त्यांनी म्हटलं की, न्यायालयाच्या निर्णयाने जॉर्ज परत नाही येऊ शकत. पण आम्हाला माहिती झालं की आपण पुढे काय करू शकतो. मी श्वास घेऊ शकत नाही हे त्याचे शेवटचे शब्द होते. आम्ही हे शब्द मरु देणार नाही. आपल्याला ते ऐकावे लागतील आणि त्यापासून दूर पळू शकत नाही.

“I can’t breathe.”

Those were George Floyd’s last words.

We cannot let them die with him. We have to keep hearing them.

We must not turn away. We cannot turn away.

— President Biden (@POTUS) April 20, 2021

The post ‘त्या’ हत्या प्रकरणात पोलिस दोषी, उर्वरित आयुष्य तुरुंगातच काढावं लागणार…. appeared first on थोडक्यात घडामोडी.

दिल्ली : देशात करोनाचं डबल म्युटेशन आढळून आलं असून, त्यामुळे करोना संक्रमणाचा प्रसार वेगानं होत असल्याचं तज्ज्ञाचं म्हणणं आहे. रुग्णालयात रुग्णांसाठी जागाच शिल्लक नसल्याचं चित्र असून, ऑक्सिजन आणि रेमडेसिवीर इंजेक्शनचा प्रचंड तुटवडा जाणवतं आहे.  दुसरीकडे देशात झालेल्या कोरोना उद्रेकामुळे अनेक देश सर्तक झाले असून, अमेरिकेन नागरिकांना भारतात न जाण्याचा सल्ला देण्यात आला आहे.

अमेरिकेतील रोग नियंत्रण आणि प्रतिबंध केंद्राने सावधगिरीचा इशारा अमेरिकनं नागरिकांना दिला आहे. भारतात कोरोना उद्रेक झाल्यामुळे नागरिकांनी भारताचा दौरा करणं टाळावं, असं संस्थेनं म्हटलं आहे. पूर्णपणे लसीकरण झालेलं असलं तरीही संसर्ग होण्याचा व विषाणूचा प्रसार होण्याचा धोका आहे. त्यामुळे भारतात जाणं टाळावं. जर जाणं अत्यावश्यक असेल, तर आधी पूर्णपणे लसीकरण करून घ्यावं,” असा सल्ला रोग नियंत्रण आणि प्रतिबंध केंद्राने अमेरिकन नागरिकांना दिला आहे.

The post भारतात जाणं टाळा; अमेरिकन नागरिकांना ‘सीडीसी’चा सल्ला.. appeared first on थोडक्यात घडामोडी.

वॉशिंग्टन : डास चावल्यामुळे मलेरिया होतो, आतापर्यंत आपल्याला हे माहिती आहे. ते टाळण्यासाठी विविध उपाययोजना केल्या जातात, परंतु आता परिस्थिती बदलणार आहे. वैज्ञानिक आता डासांच्या आतड्यात असे काही बदल करण्याचा प्रयत्न करीत आहेत, जेणेकरून ते आपल्या पुढच्या पिढीमार्फत मलेरियाविरोधी जनुक पसरवू शकेल. म्हणजे आता डासच आपला मलेरियापासून बचाव करतील. यामुळे मलेरियाचा प्रादुर्भाव नियंत्रित करण्यात मदत होईल. ई-लाइफ नावाच्या जर्नलमध्ये यासंदर्भातील प्राथमिक अभ्यास प्रकाशित करण्यात आला आहे.

या नवीन अभ्यासात मलेरिया पसरण्याची डासांची क्षमता कमी करण्यासाठी सीआरआयएसपीआर-सीएएस 9 जनुकीय संपादन तंत्राद्वारे त्याचे जीन सुधारित केले गेले आणि त्यांत बदल करण्यात आला. पुढील अभ्यास या दृष्टिकोनाचे समर्थन करत असल्यास मलेरिया आणि त्यातून होणारे मृत्यू कमी करण्यात मोठे यश मिळू शकेल.

खरं तर, डासांमध्ये जंतुनाशकांविरोधात रोगप्रतिकार शक्ती वाढली आहे आणि आता मलेरिया परजीवीवर मलेरियाविरोधी औषधांचा प्रभाव देखील कमी झाला आहे, त्यामुळे उद्भवणारा पुढील धोका लक्षात घेता डासांचा सामना करण्यासाठी नवीन मार्ग शोधणे ही तातडीची गरज बनली आहे. या दिशेने जनुक-बदल त्याचा प्रादुर्भाव कमी करण्यात प्रभावी ठरू शकते.

जीन ड्राइव्ह एक प्रभावी शस्त्र :

लंडनमधील इम्पीरियल कॉलेजचे संशोधक आणि अभ्यासाचे पहिले लेखक एस्ट्रिड होर्मन म्हणतात की मलेरियावर नियंत्रण ठेवण्यासाठी जीन ड्राईव्ह एक प्रभावी शस्त्र सिद्ध होऊ शकते. होरमन आणि त्यांच्या सहका्यांनी मलेरिया पसरविणारा डास एनोफिलिस गैंबैई च्या जनुकमध्ये बदल केले. त्यांनी सीआरआयएसपीआर-सीएएस 9 तंत्राद्वारे मलेरियाविरोधी प्रथिने एन्कोड करू शकणारे एक जीन त्यात प्रविष्ट केले. हे प्रोटीन डास चावल्यानंतर शरीरात प्रवेश करते.

मलेरिया नियंत्रण होईल सोपे :

डासांच्या पोटात मलेरिया परजीवी कशी वाढतात याचीही त्यांनी तपासणी केली. हा प्रयोग जनुक सुधारणेच्या या पद्धतीने यशस्वी जीन ड्राइव्ह (सुधारित जीनची वाहतूक पुढील पिढीकडे नेणे) यशस्वीरीत्या पार पाडला जाऊ शकतो असा प्राथमिक पुरावा त्यांच्या प्रयोगांनी दिला आहे.

The post अरे वाह! आता डास करणार आपला मलेरियापासून बचाव, शास्त्रज्ञांचा नवीन शोध appeared first on थोडक्यात घडामोडी.

जागतिक आरोग्य संघटनेला (WHO) कोरोना संसर्गाच्या सुरुवातीच्या प्रकरणांची माहिती देण्यास चीनने नकार दिला आहे. वृत्तानुसार, डब्ल्यूएचओची तपासणी टीम आणि चिनी अधिकारी यांच्यात या आकडेवारीवरून खूप वादविवाद झाला. चिनी अधिकारी कोरोना रुग्णांविषयी सविस्तर माहिती देत ​​नव्हते, असा दावा अमेरिकेकडून करण्यात येत आहे.

डब्ल्यूएचओ अधिकाऱ्यांनी म्हटले आहे की जर प्रारंभिक आणि व्यक्तिगत डेटा सापडला असता तर चीनमध्ये कोरोना विषाणूचा प्रसार केव्हा आणि कसा झाला आहे हे ठरविण्यात त्यांना मदत मिळाली असती.

WHO चे महासंचालक टेड्रोस घेब्रेयेसस यांनी शुक्रवारी पत्रकार परिषदेत सांगितले की कोरोना विषाणूचे मूळ शोधण्यासाठी आतापर्यंत केलेल्या शोधामध्ये जे काही उघड झाले आहे ते सर्वांसमोर आहे. अमेरिकेने चीनमध्ये गेलेल्या WHO च्या तपासणी टीमने गोळा केलेला सर्व डेटा बघायचा आहे, असे अमेरिकेने म्हटल्यावर त्यांनी हे सांगितले आहे.

वुहानच्या प्रयोगशाळेत कोरोना विषाणूचा प्रादुर्भाव झाल्याबद्दल डब्ल्यूएचओने चीनला क्लीन चिट दिली आहे. तर अमेरिकेचे माजी अध्यक्ष डोनाल्ड ट्रम्प सुरुवातीपासूनच म्हणत आले आहेत की कोरोना विषाणूचा प्रसार चीनच्या प्रयोगशाळेतूनच झाला आहे.

The post WHO ला कोरोना संसर्गाच्या सुरुवातीच्या प्रकरणांची माहिती देण्यास चीनने दिला नकार appeared first on थोडक्यात घडामोडी.

अमेरिकेतील टेक्सासमधील फोर्ट वर्थमध्ये अतिशय भीषण अपघात झाला आहे. येथे महामार्गावर 130 वाहने एकमेकांना धडकली. या अपघातात 6 जणांचा मृत्यू झाला आहे. अमेरिकेच्या बर्फाळ टेक्सास आंतरराज्यीय महामार्गावर 130 हून अधिक वाहने एकमेकांना धडकली असून या अपघातात सहा जण ठार तर अनेकजण जखमी झाले आहेत.

सध्या थंडी असून अमेरिकेच्या काही भागात वादळासह पाऊस आणि बर्फ पडत आहे. अमेरिकेच्या काही भागात संपूर्ण रस्ता बर्फाच्या चादरीने झाकून गेला होता आणि त्यामुळे हा अपघात झाला असावा अशी शक्यता वर्तवण्यात येत आहे. हा अपघात इतका भयंकर होता की वाहने अक्षरशः एकमेकांवर चढली. अनेक गाड्या ट्रकखाली दबल्या गेल्या. अधिकाऱ्यांनी सांगितले कि, टेक्सासच्या फोर्ट वर्थमध्ये झालेल्या अपघातानंतर दोन किलोमीटरपेक्षा जास्त क्षेत्र प्रभावित झालं.

दरम्यान, या भीषण अपघातानंतर अनेक लोक बर्फाळ वादळात रात्रभर अडकले होते. सकाळी बचावकर्त्यांनी रहदारी सामान्य केली.

डाउनटाउन फोर्ट वर्थजवळ आंतरराज्यीय हायवे-35 वर झालेल्या या अपघातस्थळावर कार आणि ट्रक एकमेकांमध्ये घुसलेल्या दिसत होत्या. एक गाडी दुसर्‍या गाडीवर होती. वाहनांमध्ये अडकलेल्या बऱ्याच जणांना यशस्वीरित्या बाहेर काढण्यात आलं आहे. रुग्णालयात किमान 65 लोकांवर उपचार करण्यात आले. त्यापैकी 36 जणांना रुग्णवाहिकेद्वारे रुग्णालयात नेण्यात आले. अनेक लोकांवर घटनास्थळी उपचार करून त्यांना सोडून दिलं.

The post भयंकर : अमेरिकेत भीषण अपघात, 130 गाड्या एकमेकांना धडकल्या appeared first on थोडक्यात घडामोडी.