मुंबई : राज्य शासनाच्या सामान्य प्रशासन विभागाने शासकीय अधिकारी आणि कर्मचाऱ्यांसाठी सोशल मीडियाचा वापर करण्याबाबत नवे मार्गदर्शक नियम जाहीर केले असून त्याबाबतचा शासन निर्णय निर्गमित करण्यात आला आहे.

डिजिटल युगात सोशल मीडिया हे संवादाचे प्रभावी साधन असले तरी त्यातून गोपनीय माहितीचा प्रसार, खोटी माहिती पसरवणे, तसेच शासकीय नियमांचे उल्लंघन होवू नये याकरिता मार्गदर्शक तत्त्वे आखण्यात आली आहेत.

सामान्य प्रशासन विभागाने जारी केलेल्या परिपत्रकानुसार, महाराष्ट्र नागरी सेवा (वर्तणूक) नियम, १९७९ हे सोशल मीडियाच्या वापराबाबतही लागू राहतील. या नियमांचे उल्लंघन करणाऱ्या कर्मचाऱ्यांवर महाराष्ट्र नागरी सेवा (शिस्त व अपील) नियम, १९७९ नुसार शिस्तभंगाची कारवाई करण्यात येईल.

महत्त्वाच्या मार्गदर्शक सूचना :

• राज्य शासनातील अधिकारी-कर्मचारी, स्थानिक स्वराज्य संस्था, मंडळे, महामंडळे, सार्वजनिक उपक्रम तसेच प्रतिनियुक्तीने किंवा करारपद्धतीने नेमलेले कर्मचारी यांना हे नियम लागू राहणार आहेत.
• शासनाच्या किंवा भारतातील कोणत्याही शासनाच्या चालू किंवा अलिकडच्या धोरणावर प्रतिकूल टीका करण्यास सक्त मनाई करण्यात आली आहे. तसेच सोशल मीडियाचा वापर जाणीवपूर्वक आणि जबाबदारीने करावा.
• वैयक्तिक आणि कार्यालयीन सोशल मीडिया अकाऊंट स्वतंत्र ठेवावेत. केंद्र किंवा राज्य शासनाने बंदी घातलेल्या वेबसाईट किंवा अॅपचा वापर करू नये. शासकीय योजना व उपक्रमांच्या प्रसारासाठी केवळ अधिकृत आणि प्राधिकृत माध्यमांचा वापर करावा.
• कार्यालयीन कामकाजाच्या समन्वयासाठी व्हॉट्सअॅप, टेलिग्रामसारख्या मेसेजिंग प्लॅटफॉर्मचा वापर करता येईल.
• शासकीय योजनांच्या यशस्वितेसंदर्भात सोशल मीडियावर पोस्ट करता येईल; मात्र त्यातून स्वयंप्रशंसा होणार नाही याची दक्षता घ्यावी. वैयक्तिक अकाऊंटवर शासकीय पदनाम, लोगो, गणवेश, शासकीय मालमत्तेचे फोटो किंवा व्हिडिओ अपलोड करू नयेत. आक्षेपार्ह, द्वेषमूलक, भेदभाव करणारा मजकूर पोस्ट किंवा फॉरवर्ड करणे मनाई आहे. प्राधिकृत मंजुरीशिवाय कोणतेही गोपनीय दस्तऐवज सोशल मीडियावर अपलोड करू नयेत. बदली झाल्यानंतर कार्यालयीन सोशल मीडिया अकाऊंट योग्य प्रकारे हस्तांतरित करावे.

शासनाने स्पष्ट केले आहे की, या नियमांचे उल्लंघन करणाऱ्यांवर शिस्तभंगात्मक कारवाई केली जाईल. डिजिटल युगात सोशल मीडियाचा जबाबदारीने वापर व्हावा आणि शासकीय यंत्रणेचा विश्वासार्हता अबाधित राहावी, यासाठी नियमावली करण्यात आली आहेत.

The post शासकीय कर्मचाऱ्यांच्या सोशल मीडिया वापराबाबत मार्गदर्शक सूचना; शासन निर्णय निर्गमित appeared first on थोडक्यात घडामोडी.

नागपूर : नागपूर दंगलीच्या प्रकरणात मुख्य आरोपी फहीम खानसह ५० जणांवर देशद्रोहाचा गुन्हा दाखल करण्यात आला आहे. नागपूर सायबर पोलिसांनी या प्रकरणात ५० हून अधिक आरोपींवर कडक कारवाई करत गंभीर कलमं लावली आहेत. नागपूर दंगल प्रकरणी पोलीस तपासात अनेक गोष्टी उघड झाल्या. नागपूरमधील वातावरण बिघडवण्यासाठी काही दिवसांपासून प्रयत्न सुरु असल्याचे समोर आले आहे. यादरम्यान, काही व्हिडिओ आणि मेसेज परदेशी आयपी अ‍ॅड्रेसवरून व्हायरल करण्यात आल्याचे उघड झाले. यावरून पोलिसांनी चौकशी केली असता यामागे मास्टरमाइंड म्हणून फहीम खान याचे नाव समोर आले.

विश्व हिंदू परिषद (VHP) आणि बजरंग दलाच्या कार्यकर्त्यांनी महाल गांधीगेट परिसरात औरंगजेबाच्या कबरीचे दहन केले होते. त्यानंतर, मायनॉरिटी डेमोक्रॅटिक पार्टी (MDP) चे शहराध्यक्ष फहीम खान शमीम खान यांनी काही युवकांनी ‘आयत’ असलेली चादर जाळल्याचे सांगितले आणि ते धार्मिक भावना दुखावणारे असल्याचे म्हटले. यानंतर, फहीम खान यांनी गणेशपेठ पोलीस ठाण्यात निवेदन देऊन चादर जाळणाऱ्यांवर कारवाई करण्याची मागणी केली. पोलिसांनी त्यांना आश्वासन देऊन परत पाठवले. मात्र, त्यानंतर गांधीगेट परिसरात फहीम खान यांच्या नेतृत्वाखाली काही युवक घोषणाबाजी करत जात असताना वाद निर्माण झाला आणि दंगल उसळली.

नागपूर दंगलीच्या पार्श्वभूमीवर राज्य सरकार आणि पोलिस प्रशासनाने कठोर भूमिका घेतली आहे. आरोपींवर देशद्रोहाचा गुन्हा दाखल केल्यामुळे त्यांना मोठी शिक्षा मिळण्याची शक्यता आहे. पोलीस अधिकाऱ्यांनी सांगितले की, समाजात अशांतता निर्माण करणाऱ्या आणि देशविघातक कृत्य करणाऱ्यांविरोधात कडक कारवाई केली जाईल. या प्रकरणाचा पुढील तपास सुरू असून, आणखी काही आरोपींविरोधात लवकरच कारवाई होण्याची शक्यता आहे. नागपूर पोलिसांनी सर्व संशयितांवर बारकाईने लक्ष ठेवण्यास सुरवात केली असून, सोशल मीडियावर अफवा पसरवणाऱ्यांवर कडक कारवाई केली जाणार आहे. सायबर पोलिसांनी देखील या संपूर्ण घटनेचा तपास सुरू केला असून, आरोपींचे मोबाईल आणि अन्य डिजिटल उपकरणे जप्त करण्यात आली आहेत. पोलिसांच्या प्राथमिक तपासानुसार, काही व्हिडिओ आणि मेसेज बांगलादेशमधून व्हायरल करण्यात आले आहेत. त्यामुळे आंतरराष्ट्रीय पातळीवर देखील तपास सुरू करण्यात आला आहे.

पोलिसांनी पत्रकार परिषद घेत दिली महत्वाची माहिती:

दरम्यान याप्रकरणी पोलिसांची नुकतीच पत्रकार परिषद झाली, त्यावेळी सायबर विभागाचे डीसीपी लोहित मतांनी यांनी महत्वाची माहिती दिली. या राड्यातील आरोपी नागपूरचे नसल्याचा महत्वाचा खुलासा त्यांनी केला. सर्व तपास सुरू असून घोषणा देणाऱ्यांवरही कारवाई करण्यात येणार असल्याचं पोलिसांनी सांगितलं. तसेच यापुढे कोणतीही अनुचित घटना घडू नये, तेढ वाढू नये यासाठी सोशल मीडियावरील पोस्ट ब्लॉक करण्याचं काम सुरू आहे, असंही मतांनी यांनी नमूद केलं. नागपूर हिंसाचाराला कारणीभूत ठरलेले व्हिडिओ इतर देशातील आहेत. सायबर पोलिसांना तपासात हिंसाचार भडकवणारे तब्बल 172 व्हिडिओ सापडले होते.

फहीम खान याच्या सोशल मीडियावर बरेच वादग्रस्त कंटेट सापडला आहे. बांगलादेश आणि इतर काही ठिकाणांहून पेजेस चालवल्याचा आरोप आहे, त्याबद्दल पोलिसांना प्रश्न विचारण्यात आला. सर्व फेसबुक पेजेस ब्लॉक केले. 17 ते 19 तारखेपर्यंतचे सर्व पेजेस ब्लॉक करण्यासाठी आम्ही संबंधित एजन्सीला पाठवले आहेत. त्यामध्ये 50 टक्के पोस्ट ब्लॉकही झाल्या आहेत. फहीम खान याच्यावर आधीचेही गुन्हे आहेत.

पोलिसांच्या विरोधात जी दगडफेक झाली त्याचं ग्लोरिफिकेशन केलं गेलं, त्यासोबत काही कमेंट आणि कॅप्शन टाकलं आहे. अल्ला हू अकबर आणि सर तन से जुदा असे कॅप्शन होतं. हिंसा भडकवण्यासाठी आणि तिचं उदात्तीकरण करण्यासाठी हे केलं गेलं. असं करणाऱ्या लोकांविरोधात देशद्रोहाचा गुन्हा दाखल करण्यात आला आहे. 30/25 कलमांतर्गत देशद्रोहाचा गुन्हा दाखल करण्यात आला आहे. फहीम खान सहीत सहा जणांवर देशद्रोहाचा गुन्हा दाखल केला आहे. अजून काही जण त्यात ॲड होतील, असेही पोलिसांनी सांगितले.

पोलिसांनी पुढे सांगितलं कि, बांगलादेशचं कनेक्शन होतं की नाही याचा तपास करत आहोत. केवळ प्रोफाईलवर बांगलादेश लिहिलं म्हणून त्यावर कमेंट करू शकत नाही. १५२ सेक्शन आम्ही लावलं आहे. पण आंतरराष्ट्रीय कनेक्शन आहे की नाही यावर बोलणार नाही. काल रात्री एफआयआर दाखल केली आहे. एफआयआरचा तपास होईल. त्यानंतर सर्व माहिती कळेल. चार एफआयआर दाखल केले आहे. 50 हून अधिक आरोपी आहेत. अधिक आरोपी ॲड होतील.फंडिंग झालं की नाही हे दिसलं नाही. एनआयमार्फत चौकशी करायची की नाही त्याचा निर्णय केंद्र सरकार घेईल. एसआयटीचा निर्णय राज्य सरकार घेईल.

ज्यांनी औरंगजेबचा जुना व्हिडीओ व्हायरल केला त्यांच्या विरोधात गुन्हा दाखल केला. पण देशद्रोहाचा गुन्हा दाखल केला नाही. ज्यांनी हिंसेचा व्हिडीओ व्हायरल करून आणखी हिंसा भडकवण्याची अपील केली त्यांच्या विरोधात देशद्रोहाचा गुन्हा दाखल केला आहे. फहीम खान मास्टरमाइंड आहे की नाही हे सांगता येत नाही. पण मास्टरमाइंडपैकी एक म्हणू शकतो, अजून तपास सुरू आहे. फहीम खानच्या फेसबुकवरून आक्षेपार्ह पोस्ट मिळाल्या आहेत. हिंसा भडकणवारे पोस्ट मिळाले आहेत. या पोस्टमुळे घटना घडली आहे. ही हिंसा वाढली आहे.

The post नागपूर हिंसाचार प्रकरणी फहीम खानसह ५० जणांवर देशद्रोहाचा गुन्हा, पोलिस तपासात अनेक धक्कादायक खुलासे… appeared first on थोडक्यात घडामोडी.

नागपूर : नागपूर हिंसाचार प्रकरणातील मास्टरमाईंडचे नाव तपासात समोर आले आहे. पोलिसांनी दिलेल्या माहितीनुसार, या हिंसाचारामागे फहीम खान नावाच्या व्यक्तीचा हात असल्याचे समोर आले आहे. फहीम खान हा मायनॉरिटी डेमोक्रॅटिक पार्टी (एमडीपी) चा शहराध्यक्ष असल्याची माहिती आहे. फहीम खान नावाच्या व्यक्तीने परिसरात जमाव जमावल्याचा उल्लेख एफआयआरमध्ये करण्यात आला आहे. ३८ वर्षीय फहीम खान हा मायनॉरिटी डेमोक्रॅटिक पार्टीचा शहराध्यक्ष असून, त्याने २०२४ च्या विधानसभा निवडणुकीत उमेदवार म्हणून निवडणूक लढवली होती. नागपूर शहरातील सोमवारी उसळलेल्या हिंसाचार प्रकरणाच्या तपासात  धक्कादायक माहिती समोर आली आहे, हाच फहीम खान हिंसाचाराच्या काही तास आधी पोलिस स्टेशनमध्ये निवेदन देण्यासाठी गेला होता.

मिळालेल्या माहितीनुसार, या हिंसाचाराचा पूर्वनियोजित कट रचण्यात आला होता. यात इतर अनेक संशयितांचीही भूमिका असण्याची शक्यता आहे. आश्चर्यकारक बाब म्हणजे, हिंसाचारानंतरही फहीम खानचे नाव थेट आरोपपत्रात नव्हते. मात्र, तपास पुढे सरकताच चित्र स्पष्ट झाले. सोमवारी, विश्व हिंदू परिषद आणि बजरंग दलाने औरंगजेबाच्या कबरीविरोधात आंदोलन केले होते. यानंतर फहीम खानने आपल्या ४० ते ५० समर्थकांना एकत्रित करून गणेशपेठ पोलीस ठाण्यात तक्रार नोंदवण्यासाठी हजेरी लावली होती. आंदोलनादरम्यान चादर जाळल्याचा आरोप करत त्यांनी कारवाईची मागणी केली होती. मात्र, रोजाच्या कारणास्तव संध्याकाळी ही गर्दी पांगली. दरम्यान, सोमवारी रात्री ८ वाजताच्या सुमारास महाल परिसरात अचानक मोठ्या प्रमाणावर हिंसाचार उफाळून आला. तपासानुसार, फहीम खानच्या नेतृत्वाखाली जमावाने दोन तासांहून अधिक काळ दंगल घडवली. या काळात सार्वजनिक मालमत्तेचे मोठे नुकसान झाले, तसेच नागरिकांमध्ये भीतीचे वातावरण निर्माण झाले.

पोलिसांनी दाखल केलेल्या एफआयआरनुसार, फहीम खान याने मोठ्या प्रमाणात लोकांना एकत्र आणून आंदोलन छेडण्याचे काम केले. त्यानंतर जमाव आक्रमक झाला आणि त्याने सार्वजनिक मालमत्तेचे नुकसान करण्यास सुरुवात केली. हिंसाचारादरम्यान अनेक वाहने फोडण्यात व जाळण्यात आली. पोलिसांच्या प्राथमिक चौकशीत हेही समोर आले आहे की, फहीम खानने पोलिस स्टेशनमध्ये जाऊन एका मागणीसाठी निवेदन दिले होते. मात्र, त्यानंतर त्याने आपल्या समर्थकांना भडकवले आणि मोठ्या प्रमाणावर जमाव जमवण्याचे नियोजन केले, असा आरोप एफआयआरमध्ये देखील करण्यात आला आहे. त्याच्या भूमिकेतील काही गूढ बाबी तपासात उघड झाल्या आहेत.

या हिंसाचारामुळे सार्वजनिक मालमत्तेचे मोठे नुकसान झाले, नागरिकांमध्ये भीतीचे वातावरण निर्माण झाले आणि पोलिसांनी मोठ्या प्रमाणावर कारवाई सुरू केली आहे. आतापर्यंत ६५ जणांवर नामजद गुन्हा दाखल करण्यात आला असून, ६०० अज्ञात व्यक्तींवरही आरोप ठेवण्यात आले आहेत. पोलिसांनी अनेक आरोपींना अटक करून न्यायालयात हजर केले. त्यातील ४६ जणांना पोलिस कोठडी सुनावण्यात आली आहे. ११ पोलीस ठाण्यांच्या हद्दीत अजूनही संचारबंदी लागू आहे. नागपूर पोलिसांनी दिलेल्या माहितीनुसार, परिस्थिती नियंत्रणात असली तरी सुरक्षेच्या दृष्टिकोनातून संचारबंदी कायम ठेवण्यात आली आहे. पोलिसांच्या वरिष्ठ अधिकाऱ्यांनी सांगितले की, परिस्थितीचा आढावा घेतल्यानंतरच टप्प्याटप्प्याने संचारबंदी शिथिल केली जाईल.

पोलिसांचे नागरिकांना आवाहन
नागपूर पोलिसांनी नागरिकांना शांतता राखण्याचे आणि कोणत्याही अफवांवर विश्वास न ठेवण्याचे आवाहन केले आहे. सोशल मीडियावर हिंसाचाराशी संबंधित चुकीची माहिती पसरवू नये, असेही पोलिसांनी स्पष्ट केले आहे. शहरातील कायदा व सुव्यवस्था राखण्यासाठी अतिरिक्त पोलिस बंदोबस्त तैनात करण्यात आला असून, कोणत्याही प्रकारच्या अनुचित प्रकारांवर पोलिस बारकाईने लक्ष ठेवून आहेत.

The post नागपूर हिंसाचाराचा मास्टरमाइंड पोलिसांच्या ताब्यात appeared first on थोडक्यात घडामोडी.

पुणे : एका अल्पवयीन मुलीवर लैंगिक अत्याचार केल्याप्रकरणी १६ वर्षीय अल्पवयीन मुलाला पोलिसांनी ताब्यात घेतलं आहे. सोशल मीडियावर मैत्री केल्यानंतर अल्पवयीन मुलाने या मुलीला भेटायला बोलावले होते. त्यानंतर त्याने तिच्याशी दोनदा जबरदस्तीने शारीरिक संबंध ठेवले. ही घटना पुण्यातील शिरूर तालुक्यातील कारेगाव येथे घडली.

पोलिसांनी दिलेल्या माहितीनुसार, अल्पवयीन मुलाने सोशल मीडियावर एका अल्पवयीन मुलीशी मैत्री केली होती, त्यांच्यात ओळख निर्माण झाल्यावर त्याने तिला कारेगाव येथील त्याच्या घरी नेले होते. यादरम्यान, त्याने तिच्यावर खूप प्रेम असल्याचे सांगितले आणि त्याला ती आवडत असल्याचे सांगून तिच्याशी जबरदस्तीने शारीरिक संबंध ठेवले. ही घटना ६ मार्च रोजी दुपारी २ वाजता आणि ७ मार्च २०२५ रोजी दुपारी ३ वाजता घडली. मात्र, त्यानंतर त्याने या प्रकरणाबद्दल कोणालाही सांगितल्यास तिला जीवे मारण्याची धमकी दिली.

घटना उघडकीस आल्यानंतर अल्पवयीन मुलाला या प्रकरणात ताब्यात घेण्यात आले आहे. त्याच्यावर कायदेशीर कारवाई करण्यात आली आहे. नागरिकांनी यावर कडक कारवाई करण्याची मागणी केली आहे. पोलिस पुढील तपास करत आहेत.

The post पुणे : अल्पवयीन मुलीवर लैंगिक अत्याचार करणाऱ्या अल्पवयीन मुलाला अटक, सोशल मीडियावर झाली होती मैत्री appeared first on थोडक्यात घडामोडी.

गोवा : दोन महिलांवर लैंगिक छळ केल्याच्या आरोपाखाली गोवा पोलिसांनी एका पुरूषावर गुन्हा दाखल केला आहे. सोमवारी रात्री दोन महिला दुचाकीवरून जात असताना पणजीतील एका बँकेजवळ ही घटना घडली. त्यापैकी एक महिला अभिनेत्री असून तिने पोलिस तक्रार दाखल केली आहे, ज्यामध्ये तिने सांगितले की ती आणि तिची मैत्रीण रात्री १०.१५ वाजता घरी परतत असताना ही घटना घडली.

पोलिसांनी दिलेल्या माहितीनुसार, आरोपी दुचाकीवर होता. तक्रारदाराने सांगितले की आरोपी हस्तमैथुन करत होता आणि त्याने आक्षेपार्ह टिप्पणी केली. तक्रारदार महिलेने सोशल मीडियावरील एका पोस्टमध्ये म्हटले की ती आणि तिची मैत्रीण यांना ते सर्व बघून किळस वाटली आणि त्या वेगाने तिथून निघून गेल्या. तिने म्हटले आहे की या घटनेनंतर तिला विचार पडला की त्यांनी ओरडायला हवे होते की आरोपीचा सामना करायला हवा होता. तिने पोस्टमध्ये पुढे लिहिले की “या पुरुषांना इतके घृणास्पद काम करण्याचा आत्मविश्वास कशामुळे मिळतो? यातून त्यांना कोणत्या प्रकारचा उत्साह मिळतो? ते कधी घाबरतील?”

पोलिसांनी सांगितले की सोशल मीडिया पोस्ट पाहिल्यानंतर त्यांनी पीडितेशी संपर्क साधला आणि सोमवारी दुपारी गुन्हा दाखल करण्यात आला. भारतीय न्याय संहितेच्या कलम ७८ (२) (पाठलाग), ७५ (२) (लैंगिक छळ) आणि ७९ (महिलेच्या विनम्रतेचा अपमान करण्याच्या उद्देशाने शब्द, हावभाव किंवा कृती) अंतर्गत एफआयआर दाखल करण्यात आला. एफआयआरमध्ये म्हटले आहे की आरोपीने “गुन्हेगारी हेतूने” स्कूटरवरील महिलांचा पाठलाग केला. पोलिसांनी सीसीटीव्ही फुटेज आणि पीडितेच्या जबाबाच्या आधारे संशयिताची ओळख पटवली आहे.

The post अभिनेत्री आणि तिच्या मैत्रिणीचा गोव्यात दुचाकी चालवताना लैंगिक छळ, आरोपीविरोधात गुन्हा दाखल appeared first on थोडक्यात घडामोडी.

मुंबई : आलिया भट्ट आणि रणबीर कपूर आई-बाबा झाले असून त्यांच्या घरी इवल्याश्या परीने जन्म घेतलाय. आलिया भट्टने तिच्या संपूर्ण गरोदरपणात काम केले आहे. यादरम्यान आलिया अनेक कार्यक्रमांमध्ये उपस्थिती लावत तिने चक्क चित्रपटाचे प्रमोशन देखील केले. गरोदरपणात आलिया सतत काम करताना दिसली. ब्रह्मास्त्रच्या प्रमोशनसाठी आलिया सतत फिरत होती. आलिया भट्टने सोशल मीडियावर एक फोटो शेअर करत आपल्या प्रेग्नेंसीची न्यूज चाहत्यांसोबत शेअर केली होती.

रणबीर कपूर आणि आलिया भट्टचे चाहते आता त्यांच्या बाळाची एक झलक पाहण्यासाठी प्रचंड आतुर आहेत. आलिया आई झाल्याची बातमी कळाल्यापासून चाहते सोशल मीडियावर आलिया आणि रणबीरला शुभेच्छा देत आहेत. मिळालेल्या माहितीनुसार आलिया भट्ट आणि बाळाची तब्येत एकदम व्यवस्थित आहे. आता चाहते आलियाच्या मुलीचा फोटो पाहण्यासाठी आतुर झाले आहेत.

 

View this post on Instagram

 

A post shared by Alia Bhatt ? (@aliaabhatt)

आलियाची प्रेग्नेंसी न्यूज कळाल्यापासून चाहत्यांमध्ये उत्साह होता. आलियाच्या प्रेग्नेंसीदरम्यानच्या प्रत्येक फोटोला चाहत्यांनी प्रचंड प्रेम दिले. आलियाचे गोदभराईचे काही फोटो सोशल मीडियावर तूफान व्हायरल झाले होते. ज्यामध्ये आलियाचा लूक एकदम जबरदस्त दिसत होता. आलिया सतत आपल्या प्रेग्नेंसीची अपडेट चाहत्यांसोबत शेअर करत होती.

रविवारी सकाळी 7 वाजता रणबीर कपूर आलियाला घेऊन हाॅस्पिटलमध्ये पोहचला होता. ज्याचे फोटो सोशल मीडियावर व्हायरल होत होते. यामुळे एक अंदाज लावला जात होता की, आजच आलिया बाळाला जन्म देणार. आलिया आणि रणबीरनंतर रिलायन्स हॉस्पिटलमध्ये आलियाची सासू अर्थात नीतू कपूरही पोहचल्या होत्या.

The post कपूर कुटुंबात आली नन्ही परी, आलियाने दिला मुलीला जन्म appeared first on थोडक्यात घडामोडी.

मुंबई : आपल्या फॅशन सेन्समुळे कायमच उर्फी जावेद चर्चेत असते. बऱ्याच वेळा उर्फीला कपड्यांमुळे ट्रोलिंगचा सामना देखील करावा लागतो. मात्र, उर्फी ट्रोलर्संना देखील सडेतोड उत्तर देते. पुन्हा एकदा उर्फी तिच्या विचित्र स्टाइलमुळे चर्चेत आलीये. शनिवारी उर्फीने तिच्या इंस्टाग्रामवर एक व्हिडीओ शेअर केलाय. हा व्हिडीओ आता सोशल मीडियावर प्रचंड व्हायरल होत असून अनेकांनी या व्हिडीओवर तिखट प्रतिक्रिया दिल्या आहेत. कारण उर्फीने या व्हिडीओमध्ये असे काहीतरी केले आहे की, तिला ट्रोलिंग केले जात आहे.

उर्फी जावेदने शेअर केलेल्या व्हिडीओमध्ये तिने पूर्ण कपडे घातले नसून शंखाने तिचे शरीर झाकले आहे. शंखाचा देखील अशाप्रकारे उपयोग होऊ शकतो हे लोकांना उर्फीच्या या व्हिडीओवरूनच समजले. उर्फीचा हा व्हिडिओ सोशल मीडियावर जबरदस्त व्हायरल होत आहे. उर्फीच्या या व्हिडीओवर नेटकरी कमेंट करत जोरदार समाचार घेताना दिसत आहेत.

 

View this post on Instagram

 

A post shared by Uorfi (@urf7i)

The post व्हिडीओ | उर्फी जावेदने शेअर केला टॉपलेस व्हिडिओ, नेटकऱ्यांनी केले ट्रोलिंग appeared first on थोडक्यात घडामोडी.

नागपूर : आजच्या काळात सगळीकडे सोशल मीडियाचा वापर वाढला आहे. दरम्यान, सोशल मीडियाशी संबंधित एक धक्कादायक घटना समोर आली आहे. नागपुरात एका अल्पवयीन मुलीने यूट्यूब पाहून गर्भपात करण्याचा प्रयत्न केला. त्यानंतर मुलीची प्रकृती अधिकच बिघडल्याने तिच्या पालकांनी तिला तातडीने रुग्णालयात दाखल केले.

मिळालेल्या माहितीनुसार, मुलीचे वय फक्त 17 वर्षे आहे, तर तिच्या प्रियकराचे वय 27 वर्षे आहे. दरम्यान मुलगी गरोदर राहिली, पण भीतीपोटी तिने हे कोणालाही सांगितले नाही. त्याऐवजी तिने YouTube वर गर्भपात करण्याचा मार्ग शोधला. नंतर गुपचूप तिने त्यात सांगितल्याप्रमाणे काढा बनवला आणि पिऊन टाकला. मात्र काही वेळाने तिची प्रकृती खालावली. त्यानंतर तिला तातडीने रुग्णालयात दाखल करण्यात आले. जिथे ती गर्भवती असल्याचे निष्पन्न झाले.

दुसरीकडे, नागपूरचे डीसीपी लोहित मतानी यांनी सांगितले की, अल्पवयीन मुलीशी शारीरिक संबंध ठेवल्याप्रकरणी पोलिसांनी २७ वर्षीय गुन्हेगार सुनील मानेविरुद्ध बलात्काराचा गुन्हा दाखल केला आहे. पोलीस सुनील माने याचा शोध घेत आहेत. तर तरुणीवर रुग्णालयात उपचार सुरू आहेत.

The post धक्कादायक! अल्पवयीन मुलीचा युट्युबवर व्हिडिओ पाहून गर्भपात करण्याचा प्रयत्न appeared first on थोडक्यात घडामोडी.

नवी दिल्ली : बुधवारी लोकसभेत बोलताना काँग्रेसच्या अंतरिम अध्यक्षा सोनिया गांधी म्हणाल्या की, ‘आपल्या लोकशाहीला हॅक करण्यासाठी’ सोशल मीडियाचा गैरवापर केला जात आहे. फेसबुक आणि ट्विटरसारख्या सोशल मीडिया प्लॅटफॉर्मवर भारतात राजकीय कथा मांडण्यासाठी फेरफार केला जात आहे.

सोनिया गांधी म्हणाल्या कि, “फेसबुक आणि ट्विटर सारख्या जागतिक कंपन्यांचा वापर नेते, पक्ष आणि त्यांच्या प्रॉक्सीद्वारे राजकीय कथन तयार करण्यासाठी वाढत्या प्रमाणात केला जात आहे. यावरून सत्ताधारी सत्तास्थापनेचे या सोशल मीडिया प्लॅटफॉर्मसह राजकीय कथन मांडण्यासाठी संगनमत दिसून येते, जे लोकशाही आणि लोकशाहीच्या रचनेसाठी चांगले नाही.”

सोनिया गांधी पुढे म्हणाल्या कि, “हे वारंवार सार्वजनिक निदर्शनास आले आहे की “जागतिक सोशल मीडिया कंपन्या सर्व राजकीय पक्षांना समान प्लॅटफॉर्म देत नाहीत. फेसबुकचा वापर सामाजिक सलोखा बिघडवण्यासाठी “निंदक” पद्धतीने केला जात आहे.”

त्या पुढे म्हणाल्या, “भावनिक चार्ज केलेल्या चुकीच्या माहितीद्वारे तरुण आणि वृद्धांच्या मनात द्वेष भरला जात आहे आणि Facebook सारख्या प्रॉक्सी जाहिरात कंपन्यांना याची जाणीव आहे आणि त्याचा फायदाही घेत आहेत. अहवाल मोठ्या कंपन्या, सत्ताधारी आस्थापना आणि दिग्गज जागतिक सोशल मीडिया यांच्यातील वाढता संबंध दर्शवतात.”

सोनियांची सरकारला विनंती
आपल्या भाषणात, सोनिया गांधी यांनी सरकारला आवाहन केले की जगातील सर्वात मोठ्या लोकशाहीच्या निवडणुकीच्या राजकारणात फेसबुक आणि इतर सोशल मीडिया माध्यमांचा पद्धतशीर प्रभाव आणि हस्तक्षेप संपविण्यात यावा. हे पक्ष आणि राजकारणाच्या पलीकडे आहे. सत्ता कोणाचीही असली तरी आपण आपली लोकशाही आणि सामाजिक सौहार्दाचे रक्षण करायला हवे.

The post लोकशाहीला हॅक करण्यासाठी सोशल मीडियाचा गैरवापर केला जातोय – सोनिया गांधी appeared first on थोडक्यात घडामोडी.

हरियाणा : हरियाणाच्या रेवाडी येथे 24 मे रोजी काही मुले मैदानात खेळत होते, त्यानंतर खेळता-खेळता ते जवळच्या शाळेच्या इमारतीत गेली. तेथे 10 वर्षाच्या मुलीवर 7 मुलांनी सामूहिक बलात्कार केला. परंतु, ही घटना एका आठवड्यानंतर उघडकीस आली, जेव्हा पीडित मुलीच्या शेजाऱ्यांनी या घटनेचा व्हिडिओ सोशल मीडियावर बघितला. त्यानंतर या व्यक्तीने तात्काळ याबाबत मुलीच्या कुटुंबियांना माहिती दिली, त्यानंतर हे प्रकरण उघडकीस आले.

9 जून रोजी मुलीच्या कुटुंबीयांनी पोलिसांकडे जाऊन गुन्हा दाखल केला. रेवाडी डीएसपी (मुख्यालय) हंसराज यांनी सांगितले की, महिला पोलिस ठाण्यात आयपीसी कलम 376 डी, 354 सी, 506, पॉक्सो अ‍ॅक्ट, आयटी अ‍ॅक्ट आणि एससी / एसटी अ‍ॅक्टनुसार गुन्हा नोंदविण्यात आला आहे.

धक्कादायक बाब म्हणजे, या सात आरोपींपैकी फक्त एक वयस्क असून 18 वर्षांचा आहे, तर उर्वरित 6 आरोपी हे 10 ते 12 वर्षांच्या दरम्यानचे आहेत. व्हिडिओच्या आधारे मुलीच्या शेजाऱ्यांनी या सर्व आरोपींची ओळख पटविली आहे. पोलिसांनी या सर्व आरोपींना ताब्यात घेतले आहे.

विकृतीचा कळस! महिलेने पतीची हत्या केली, त्याचा प्रायव्हेट पार्ट कापून पॅनमध्ये शिजवला…

पोलिसांनी सांगितले की, मुलीची वैद्यकीय तपासणी करण्यात आली असून यामध्ये मुलीवर सामूहिक बलात्कार झाल्याची पुष्टी झाली आहे. या आरोपींपैकी ६ अल्पवयीन आरोपींना बाल न्याय मंडळासमोर हजर केले, त्यानंतर सुधारगृहात पाठविण्यात आले आहे. तर 18 वर्षांच्या आरोपीला कोर्टासमोर हजर केल्यानंतर त्याला जिल्हा कारागृहात पाठविण्यात आले. पोलिस व्हिडिओमध्ये दिसणाऱ्या अन्य अल्पवयीन मुलांचा शोध घेत आहेत, तसेच हा व्हिडिओ शेयर करणाऱ्याचा देखील शोध घेत आहेत. डीएसपी म्हणाले की अशा प्रकारचा व्हिडिओ शेयर करणे देखील गुन्हा आहे.

पीडित मुलगी आणि आरोपी मुलांची कुटुंबे एकमेकांना ओळखतात. ते सर्व रेवाडीतील खेड्यात शेजारीच राहतात. जवळच एक शाळेची इमारत आहे, जेथे मुले खेळत होती. कोरोनामुळे कोणतेही वर्ग चालू नव्हते, शाळा मोकळी होती. पोलिसांनी सांगितले की यापैकी कोणत्याही मुलाने या गुन्ह्याबाबत चर्चा केली नाही. तसेच पीडित मुलीने देखील तिच्या कुटुंबियांना याबाबत माहिती दिली नाही. 8 जून रोजी जेव्हा मुलीच्या शेजाऱ्यांनी व्हिडिओ पाहिला, तेव्हा त्यांनी मुलीच्या कुटुंबियांना याची माहिती दिली आणि ही घटना उघडकीस आली.

महिलेने तिच्या 5 मुलींसह रेल्वेसमोर उडी मारून केली आत्महत्या, कारण…

भयंकर! भाजप नेत्याच्या मुलीवर सामुहिक बलात्कार, मुलीला मारहाण करून तिचा डोळा काढला आणि…

The post धक्कादायक! 10 वर्षाच्या मुलीवर सामूहिक बलात्कार, 6 आरोपी 10 ते 12 वयाचे, सोशल मीडियावर व्हिडिओ बघितल्यावर झाला खुलासा appeared first on थोडक्यात घडामोडी.