मध्य प्रदेश : मध्यप्रदेशातून एक अतिशय धक्कादायक घटना समोर आली आहे. राज्यातील शिवपुरीमध्ये अल्पवयीन मुलाने दारुच्या नशेत घृणास्पद कृत्य केले. त्याने ५ वर्षाच्या मुलीला मारहाण करत तिच्यावर बलात्कार केला. त्यानंतर त्याने क्रुरतेच्या मर्यादा ओलांडत चिमुकलीच्या गुप्तांगांचा चावा घेतला आणि नंतर तिचे डोके भिंतीवर आदळले. ती मृत पावल्याचे समजून आरोपीने तेथून पळ काढला. ही चिमुकली सध्या ग्वालियरमधील मधील कमलाराज रुग्णालयाच्या अतिदक्षता विभागात मृत्यूशी झुंज देत आहे.

पोलिसांनी दिलेल्या माहितीनुसार, हे प्रकरण दिनारा पोलीस स्टेशन परिसरातील एका गावातील आहे. १७ वर्षीय आरोपीने २२ फेब्रुवारी रोजी दारूच्या नशेत क्रुरतेच्या मर्यादा ओलांडल्या. २२ फेब्रुवारीला दुपारी आरोपीने ५ वर्षाच्या मुलीला फूस लावून एका रिकाम्या खोलीत नेले, तेथे तिच्यावर लैंगिक अत्याचार व मारहाण केली, नंतर त्याने तिचे डोके भिंतीवर आदळले. ज्यामुळे ती गंभीर जखमी झाली. मुलीच्या पालकांनी दोन तासांहून अधिक काळ तिचा शोध घेतला, त्यानंतर ती त्यांना रक्ताच्या थारोळ्यात आढळली. जेव्हा मुलीला शुद्ध आली तेव्हा तिने सांगितले की घटनेनंतर आरोपीने तिच्या गालावर दातांनी चावा घेतला आणि नखांनी तिला ओरबाडले. त्याने तिचे केस धरुन डोके भिंतीवर आपटले.

दरम्यान, चिमुकलीला तात्काळ जवळच्या रुग्णालयात दाखल करण्यात आले होते. मात्र, चिमुकलीची प्रकृती गंभीर असल्याने तिला ग्वालियरमधील मधील कमलाराज रुग्णालयात पुढील उपचारासाठी पाठवण्यात आले. सुरुवातीला मुलीची प्रकृती गंभीर होती. तथापि, डॉक्टरांनी प्रयत्नपूर्वक तिची स्थिती स्थिर करण्यात यश मिळवले. तिच्यावर मोठी शस्त्रक्रिया करण्यात आली. तिच्या गुप्तांग आणि गुदद्वाराला गंभीर दुखापत झाली असल्याने शस्त्रक्रियेदरम्यान डॉक्टरांनी तिच्या पोटावर गुदद्वार बनवले आहे. जेणेकरुन तिच्या नियमित क्रियेत अडथळा येऊ नये. अंतर्गत दुखापतीमुळे वैद्यकीय पथकाला तिच्या गुप्तांगांवर २८ टाके घालावे लागले आणि कोलोस्टोमी करावी लागली. सध्या तिची प्रकृती स्थिर असून तिचे गुदद्वार सुस्थितीत येताच पोटावरील गुदद्वार हटवण्यात येणार असल्याचे डॉक्टरांनी सांगितले आहे. सध्या पीडिताची प्रकृती स्थिर आहे आणि डॉक्टरांच्या विशेष पथकाने तिची काळजी घेतली आहे.

आरोपीला दिनारा पोलिसांनी गावातूनच अटक केली. पोलीस सध्या आरोपीची चौकशी करत आहेत. आरोपी अल्पवयीन असल्याची चर्चा आहे. मात्र, त्याच्या मार्कशीटमध्ये त्याचे वय १७ वर्षे १० महिने नमूद करण्यात आले आहे. त्यामुळे त्याच्यावर प्रौढ म्हणून खटला चालवण्यासाठी अर्ज दाखल करायचा की नाही यावर विचार सुरु आहे. यावर आता न्यायालय कोणता निर्णय घेणार यावर सर्वांचे लक्ष आहे.

The post चिमुकलीसोबत नराधमाने ओलांडल्या क्रुरतेच्या मर्यादा, गुप्तांगांचा चावा, शरीरावर तब्बल २८ टाके… appeared first on थोडक्यात घडामोडी.

नवी दिल्ली : सर्वोच्च न्यायालयाने म्हटले आहे की, आरोपीला अटकपूर्व जामीन देताना न्यायालयाने गुन्ह्याची गंभीरता आणि विशिष्ट आरोप यासारख्या निकषांचा विचार केला पाहिजे. मध्य प्रदेश उच्च न्यायालयाने हत्येच्या दोन आरोपींना दिलेला अटकपूर्व जामीन आदेश रद्द करताना न्यायमूर्ती डीवाय चंद्रचूड आणि न्यायमूर्ती बी.व्ही.नागरत्ना यांच्या खंडपीठाने हे निरीक्षण नोंदवले.

सर्वोच्च न्यायालयाने सांगितले की, उच्च न्यायालयाने हे ठरवायचे आहे की अटकपूर्व जामीन मंजूर करण्यासाठी या टप्प्यावर उपलब्ध सामग्रीच्या आधारावर योग्य तत्त्वांचे पालन केले आहे की नाही. खंडपीठाने म्हटले आहे कि, “न्यायालयाने अटकपूर्व जामीन अर्ज स्वीकारताना किंवा नाकारताना, सामान्यत: गुन्ह्याचे स्वरूप आणि गंभीरता, अर्जदाराची भूमिका आणि खटल्यातील तथ्यांद्वारे निर्देश दिले पाहिजे.”

हत्येतील दोन आरोपींना दिलेल्या अटकपूर्व जामिनाविरोधात दाखल याचिकेवर सुनावणी करताना सर्वोच्च न्यायालयाने हे निरीक्षण नोंदवले. सर्वोच्च न्यायालयाने म्हटले की, गुन्हा गंभीर स्वरूपाचा आहे, ज्यामध्ये एका व्यक्तीची हत्या करण्यात आली. एफआयआर आणि स्टेटमेंट सूचित करते की आरोपीची गुन्ह्यात विशेष भूमिका आहे. अटकपूर्व जामीन देण्याचा आदेश देताना, गुन्ह्याचे स्वरूप आणि गंभीरता आणि आरोपींवरील विशिष्ट आरोपासह ठोस तथ्यांकडे दुर्लक्ष केले गेले.” त्यामुळे, उच्च न्यायालयाने दिलेला अटकपूर्व जामीन रद्द करण्यासाठी एक योग्य प्रकरण तयार करण्यात आले आहे.

सर्वोच्च न्यायालयाने म्हटले आहे की सध्याच्या टप्प्यावर वस्तुस्थितीचे तपशीलवार परीक्षण करण्याची गरज नाही. अटकपूर्व जामीन देताना उच्च न्यायालयाने योग्य तत्त्वांचे पालन केले आहे की नाही फक्त हेच तपासले जाईल.

The post आरोपीला अटकपूर्व जामीन देताना न्यायालयाने बघावी गुन्ह्याची गंभीरता, सर्वोच्च न्यायालयाचे महत्वपूर्ण निरीक्षण appeared first on थोडक्यात घडामोडी.

मध्य प्रदेश : इंदोरमध्ये 15 वर्षीय मुलीने मोहरमच्या दिवशी गळफास लावून आत्महत्या केली. आत्महत्या करण्यापूर्वी तिने आईला प्रश्न विचारला होता की इमाम हुसेन या दिवशी शहीद झाले का? आज जे मरण पावतात ते शहीद होतात का? ते स्वर्गात जातात का? त्यावर आईने उत्तर दिले- होय. काही वेळानंतर मुलीने गळफास घेतला. कुटुंबातील सदस्यांनी तिला खाली उतरवून रुग्णालयात नेले, मात्र तेथे डॉक्टरांनी तिला मृत घोषित केले.

मिळालेल्या माहितीनुसार, ही घटना इंदोर शहरातील रावजी बाजार परिसरातील चंपा बागेत असलेल्या हथीपाला येथे घडली. राबिया आपल्या संपूर्ण कुटुंबासह शुक्रवारी सायंकाळी उशिरा मोहरमचा उपवास सोडण्यासाठी बसली होती. आईने आपल्या मुलीच्या आवडीची खीरही बनवली होती. त्यावेळी तिने विचारलेल्या एका प्रश्नाने तिचा जीव घेतला. या घटनेमुळे तिच्या कुटुंबाला मोठा धक्का बसला आहे.

काही दिवसांपूर्वी राबियाचा अकरावीत प्रवेश घेण्यात आला होता. दोन दिवसांपूर्वी तिला अकरावीची पुस्तके देण्यात आली होती. ती खूप आनंदी होती, मग तिने असे पाऊल का उचलले? हे कोणालाही समजले नाही. कुटुंबातील सदस्यांनी सांगितले की काही वर्षांपूर्वी तिच्या शाळेची सहल राऊ सर्कलजवळ नखराली धानी येथे गेली होती. तिथे राबियाच्या मैत्रिणीचा झुल्यावरून पडून मृत्यू झाला होता. त्यानंतर राबिया काही भ्रामक गोष्टी बोलू लागली होती. ती नेहमी म्हणायची की जीवन आणि मृत्यू म्हणजे काय? आपण कधीही मरू शकतो. अशा गोष्टींवर कुटुंबीय तिला अनेक वेळा खडसवायचे, पण तिच्या मैत्रिणीच्या मृत्यूनंतर ती मानसिकदृष्ट्या सावरू शकली नव्हती.

The post धक्कादायक! आईला विचारले- मोहरमच्या दिवशी मरण पावल्यास स्वर्ग मिळेल का? काही वेळाने मुलीने केली आत्महत्या… appeared first on थोडक्यात घडामोडी.

ग्वालियर : ग्वालियरमध्ये महाराजा बाडा येथील जुन्या पोस्ट ऑफिसवर तिरंगा लावताना मोठा अपघात झाला. शनिवारी सकाळी ग्वालियरमधील 60 फूट उंच पोस्ट ऑफिस इमारतीत राष्ट्रध्वजाची दोरी बदलत असताना हा अपघात झाला. यामध्ये 3 कर्मचाऱ्यांचा मृत्यू झाला असून 1 जण गंभीर जखमी झाला आहे.

मिळालेल्या माहितीनुसार, ध्वजाची दोरी बदलण्यासाठी कामगार क्रेनवर चढले होते. त्याचवेळी अचानक क्रेनचा जॅक उखडला आणि क्रेनची ट्रॉली उलटली. ट्रॉलीमध्ये 4 कामगार होते. ते सर्वजण पहिल्या मजल्यावरील छतावर पडले. मृतांपैकी दोन नगरपालिकेच्या अग्निशमन विभागाचे कर्मचारी आहेत तर एक पोस्ट ऑफिसचा चौकीदार आहे. अपघातानंतर तेथे उपस्थित लोकांनी घाईघाईने चारही कर्मचाऱ्यांना जय आरोग्य हॉस्पिटलच्या ट्रॉमा सेंटरमध्ये नेले, जिथे तीन जणांना मृत घोषित करण्यात आले. माहिती मिळताच प्रभारी मंत्री तुळशीराम सिलावटही घटनास्थळी पोहोचले. या घटनेनंतर कर्मचाऱ्यांमध्ये प्रचंड नाराजी आहे.

शहरातील महाराज बाडामध्ये दरवर्षी स्वातंत्र्यदिनी ऐतिहासिक वास्तूंची रोषणाई आणि सजावट केली जाते. जुन्या पोस्ट ऑफिसवर ध्वज फडकवला जातो. येथे ध्वज लावण्यात आला होता, परंतु त्याची दोरी खराब झाली होती. ती दुरुस्त करण्यासाठी पोस्ट ऑफिसचे चौकीदार विनोदकुमार शर्मा यांनी पालिका कार्यालयात माहिती दिली होती. अग्निशमन दलाचे जवान 52 मीटर उंचीची मोठी क्रेन घेऊन बाडा येथे पोहोचले होते.

क्रेन बाजूला उभी करून तिच्या ट्रॉलीमध्ये अग्निशमन दलाचे कर्मचारी प्रदीप राजौरीया, कुलदीप दंडौटिया, पोस्ट ऑफिसचे चौकीदार विनोद शर्मा यांच्यासह चार जण उभे होते. ते ट्रॉलीवर चढलेच होते तेवढ्यात क्रेन ज्यावर उभी होती, तो जॅक तुटला आणि क्रेन उलटली. क्रेन उलटली तेव्हा ट्रॉलीसह सर्व कामगार खाली पडले. स्थानिक लोकांनी पातंजल घटनेची माहिती पोलीस, महापालिकेला दिली. पोलीस तेथे पोहोचले आणि त्यांनी लोकांच्या मदतीने जखमींना बाहेर काढून रुग्णवाहिकेतून जेएएचच्या ट्रॉमा सेंटरमध्ये नेले.

अपघातात डोक्याला दुखापत झाल्याने प्रदीप राजौरीया, विनोद कुमार शर्मा आणि कुलदीप दंडौटिया यांचा मृत्यू झाला. तर 3 कर्मचाऱ्यांची प्रकृती चिंताजनक आहे. दरम्यान, या घटनेनंतर मनपाचे कर्मचारी घटनास्थळी पोहोचले आणि त्यांनी त्यांच्या सहकाऱ्यांच्या मृत्यूबद्दल संताप व्यक्त केला. त्यांचा पालिका अधिकाऱ्यांशी वादही झाला.

The post राष्ट्रध्वजाची दोरी बदलताना क्रेनचा जॅक तुटला, 3 कर्मचाऱ्यांचा मृत्यू appeared first on थोडक्यात घडामोडी.

मध्य प्रदेश : भोपाळपासून १२० किलोमीटर अंतरावर असलेल्या विदिशा जिल्ह्यातील गंजबासौदामध्ये गुरुवारी भयंकर दुर्घटना घडली आहे. लाल पठार गावात एक ८ वर्षांची मुलगी विहिरीत पडली, त्यामुळे विहिरीभोवती मोठी गर्दी झाली, त्यानंतर या जमा झालेल्या गर्दीतील ३० लोक विहिरीत पडले. आतापर्यंत या विहिरीतून चार जणांचे मृतदेह बाहेर काढण्यात आले आहेत. याठिकाणी अद्यापही बचावकार्य सुरु आहे.

मिळालेल्या माहितीनुसार, गंजबासौदाच्या लाल पठार गावात काल गुरुवारी सायंकाळी ६.०० वाजल्याच्या सुमारास ही घटना घडली. एक ८ वर्षांची मुलगी अनावधानाने या परिसरातील एका विहिरीत पडली. ही विहीर जवळपास ३० फूट खोल असून विहिरीत १० ते १५ फुटांपर्यंत पाणी आहे. मुलगी विहिरीत पडल्याचे समजल्यानंतर या विहिरीभोवती गर्दी गोळा झाली. या विहिरीला वरतून सिमेंटेड स्लॅब होता. मात्र, लोकांची एकच गर्दी झाल्याने हा स्लॅबही अचानक कोसळला आणि स्लॅबवर उभे असलेले ३० हून अधिक लोक विहिरीत पडले.

घटनेची माहिती मिळताच प्रशासकीय अधिकारी तात्काळ घटनास्थळी दाखल झाले. त्यानंतर ट्रॅक्टर आणि जेसीबी मशीनसहीत बचाव आणि मदतकार्य सुरू करण्यात आले. मात्र, रात्री ११ च्या सुमारास बचावकार्य करणारा एक ट्रॅक्टर देखील जमीन खचल्याने कोसळला. एनडीआरएफ, एसडीआरएफ आणि स्थानिक प्रशासनाकडून या भागात रेस्क्यू ऑपरेशन सुरु आहे. आतापर्यंत १९ जणांना सुखरुप बाहेर काढण्यात जवानांना यश मिळालं असून चार मृतदेह देखील बाहेर काढण्यात आले आहेत. मात्र अद्यापही काही लोक बेपत्ता आहेत.

या घटनेची माहिती मिळाली तेव्हा राज्याचे मुख्यमंत्री शिवराज सिंह चौहान हे विदिशातच आपल्या दत्तक घेतलेल्या मुलींच्या विवाहात उपस्थित होते. दुर्घटनेची माहिती मिळताच मुख्यमंत्र्यांनी तात्काळ एनडीआरएफ, एसडीआरएफच्या टीम्स भोपाळकडे बचावकार्यासाठी रवाना केल्या. तसेच पोलीस महानिरीक्षक, आयुक्त, जिल्हाधिकारीसहीत सगळ्या अधिकाऱ्यांना बचावकार्याचे निर्देश दिले. मुख्यमंत्री चौहान स्वत: या घटनेवर लक्ष ठेवून आहेत. आपण सर्व अधिकाऱ्यांच्या संपर्कात असल्याचं मुख्यमंत्र्यांनी ट्विट करून सांगितलं. मुख्यमंत्री शिवराज सिंह चौहान यांनी दुर्घटनेतील मृतांच्या कुटुंबीयांना प्रत्येकी पाच लाख रुपये तसंच जखमींना ५० हजार रुपयांचं आर्थिक साहाय्य आणि जखमींना मोफत उपचाराची सोय देण्याची घोषणा केली.

राज्य शासन के प्रतिनिधि के तौर पर विदिशा के प्रभारी मंत्री श्री @VishvasSarang जी रात भर घटनास्थल पर मौजूद रहे, उनकी देखरेख में बचाव दल फँसे हुए लोगों को बचाने में जुटे हुए हैं।

घटनास्थल पर कमिश्नर, आईजी, कलेक्टर, एसपी, एनडीआरएफ, एसडीआरएफ की टीम लोगों को मदद पहुंचा रही है।

— Shivraj Singh Chouhan (@ChouhanShivraj) July 16, 2021

The post मौत का कुआ! एकाला वाचवताना ३० जण विहिरीत पडले, त्यापाठोपाठ बचावकार्य करणारा ट्रॅक्टर पडला आणि… appeared first on थोडक्यात घडामोडी.

मध्य प्रदेश : मध्य प्रदेशातील छतरपूरमध्ये एकाच कुटुंबातील सहा जणांचा विजेचा धक्का लागल्यामुळे मृत्यू झाला आहे. या कुटुंबातील एक तरुण पाणी काढण्यासाठी पाण्याच्या टाकीमध्ये उतरला होता, त्यावेळी त्याला करंट बसल्याचे घरातील लोकांनी पाहिले. मात्र, ऐनवेळी मागचा-पुढचा विचार न करता त्यांनी त्याला वाचवण्यासाठी धाव घेतली. तरुणाला वाचविण्याच्या प्रयत्नात या तरूणासह कुटुंबातील सहा सदस्यांचा विजेच्या धक्क्याने दुर्दैवी अंत झाला. तर दोन जण गंभीर जखमी झाले आहेत. जखमींना उपचारासाठी रुग्णालयात दाखल करण्यात आले आहे.

मिळालेल्या माहितीनुसार, महुआ-झाला येथील रहिवासी लक्ष्मण अहिरवार यांच्या घरात ही घटना घडली आहे. त्यांच्या घरात असलेल्या पाण्याच्या टाकीमध्ये अंधार पडत असल्यामुळे त्यांनी टाकीमध्ये उजेड पडण्यासाठी लाईट लावून प्रकाशाची व्यवस्था केली होती. जेणेकरून टाकीतून पाणी काढताना कोणतीही अडचण येणार नाही. मात्र, आज सकाळी आठ वाजता कुटुंबातील एक तरुण पाणी काढण्यासाठी टाकीमध्ये उतरला होता, तेव्हा त्याला तीव्र करंट बसला. कुटुंबातील सदस्यांनी त्याला अशा अवस्थेत बघितल्यामुळे घाबरून त्यांनी त्या युवकाला पकडून खेचण्याचा प्रयत्न केला, त्यामुळे बाकीच्या सदस्यांना देखील विजेचा धक्का बसला. यामध्ये सहा जणांचा मृत्यू झाला.

या घटनेत लक्ष्मण रमुआ अहिरवार (वय 55), रामप्रसाद हल्ली अहिरवार (वय 30), शंकर हल्ली अहिरवार (वय 35), मिलन अहिरवार (वय 25), नरेंद्र जगन अहिरवार (वय २०), विजय जगन अहिरवार (वय 20) यांचा मृत्यू झाला. तर कुटुंबातील दोन जण जखमी झाले आहेत. घटनेची माहिती मिळताच पोलिस घटनास्थळी दाखल झाले. त्यांनी पंचनामा करून मृतदेह शवविच्छेदनासाठी पाठविले. एकाच कुटुंबातील सहा जणांचा मृत्यू झाल्यामुळे संपूर्ण परिसरात शोककळा पसरली आहे. दरम्यान, जखमींना उपचारासाठी रुग्णालयात दाखल करण्यात आले आहे.

The post विजेचा धक्का लागून एकाच कुटुंबातील सहा जणांचा दुर्दैवी अंत, दोन जण गंभीर appeared first on थोडक्यात घडामोडी.

भोपाळ : मध्य प्रदेशमधील भोपाळ येथे एक भयंकर घटना घडली आहे. येथे एक दुहेरी हत्याकांड उघडकीस आले आहे. एका महिलेने अगोदर दिरासोबत मिळून स्वतःच्या नवऱ्याचा खून केला, त्यानंतर दिरासोबत अनैतिक संबंध ठेवले. मात्र, काही काळाने दिरासोबत भांडण झाल्यानंतर तिने दिराचा देखील खून केला.

दोन दिवसांपूर्वी भोपाळच्या कोलार पोलिस स्टेशन भागात डुक्कर एक मृतदेह खात होते. अशा प्रकारे मृतदेह आढळल्यामुळे खळबळ उडाली होती. त्यानंतर पोलिस तपासात मृताच्या वहिनीनेच त्याचा खून केल्याचा प्रकार उघडकीस आला.

पोलिसांनी दिलेल्या माहितीनुसार, महिलेचे तिच्या दिरासोबत अनैतिक संबंध होते. महिलेच्या पतीला हे कळताच त्याने विरोध केला. त्यामुळे या महिलेचा राग अनावर झाला आणि तिने दिराच्या मदतीने तिच्या मुलांसमोरच पतीची हत्या केली. यानंतर दोघांनीही कोणताही पुरावा न ठेवता घराच्या सेप्टिक टँकमध्ये मृतदेह लपविला. त्यानंतर या दोघांनीही जवळपास 5 वर्षे ही गोष्ट लपवली आणि अनैतिक संबंध सुरु ठेवले. या महिलेने आपल्या मुलांसमोरच पतीचा खून केला होता. त्यानंतर महिलेने या दोघांनीही धमकी दिली होती की जर त्यांनी याबाबत कोणाला सांगितले तर ती त्यांना देखील ठार मारेल. या प्रकारामुळे मुलांना खूप भीती वाटली होती, त्यामुळे त्यांनी 5 वर्षे तोंड उघडले नाही.

भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का…

पोलिसांनी आरोपी महिलेच्या घरात बांधलेली सेप्टिक टाकी खोदली. तेव्हा त्यात एक नर सांगाडा आढळला. पोलिसांनी हा सांगाडा डीएनए चाचणीसाठी पाठविला आहे.

महिलेचे तिच्या दिरासोबत लग्न न करण्यावरून खटके उडत होते. त्यामुळे त्यांच्यात भांडण व्हायचे. तो तिला मारहाण देखील करत होता. त्यामुळे आरोपी महिलेने तिच्या दिरालाही ठार मारले. आरोपी महिलेला 14 वर्षाची मुलगी आणि 16 वर्षाचा मुलगा आहे. पोलीसांनी या दोन्ही मुलांनाही आरोपी ठरवले आहे.

The post महिलेने पतीची हत्या करून दिरासोबत ठेवले अनैतिक संबंध, नंतर दिराची केली हत्या, त्यानंतर… appeared first on थोडक्यात घडामोडी.

इंदौर : चोरीच्या उद्देशानं घरात घुसलेल्या नराधमांनी एका महिलेवर बलात्कार केल्याची संतापजनक घटना समोर आली आहे. तीन नराधमांनी चाकूचा धाक दाखवत महिलेवर बलात्कार केला. कोरोनाची लागण झाल्यामुळे ही महिला विलगीकरणात राहत होती. नराधमांनी 50 हजार रुपये आणि मोबाईल तर चोरलाच पण या महिलेवर सामूहिक बलात्कार देखील केला. ही घटना मध्य प्रदेशातील इंदौर येथे घडली आहे.

इंदौरच्या लसूडिया ठाणा क्षेत्रातील पंचवटी कॉलनीत राहणाऱ्या 37 वर्षीय महिलेच्या घरी हा प्रकार घडला. पीडिते महिलेने पोलिसांना सांगितलं की कोरोनाबाधित असल्यानं ती घरी एकटीच विलगीकरणात राहत होती. गुरुवारी रात्री दोन वाजता तिला जाग आली त्यावेळी तिच्या बेडशेजारी तीनजण उभे होते. त्यांनी चाकूचा धाक दाखवत तिच्याकडे पैसे आणि दागिने मागितले. महिलेने त्यांना घरात असलेले 50 हजार रुपये आणि दोन मोबाईल दिले. परंतु, तेवढ्यावर त्यांचे समाधान झाले नाही. त्या तिघांनीही संधी साधून महिलेवर सामूहिक बलात्कार केला. त्यांच्या हातात चाकू आणि कात्री असल्यामुळे हत्येच्या भितीने तिने आवाज केला नाही. त्यानंतर बराच वेळ एक आरोपी या तरुणीच्या घराबाहेरच थांबला. सकाळ झाल्यानंतर त्या आरोपीने तेथून पळ काढला.

महिलेने पोलिसांना दिलेल्या माहितीनुसार तीन अज्ञातांविरोधात तक्रार दाखल करण्यात आली. शुक्रवारी सकाळी या महिलेची मेडिकल टेस्ट करण्यात आली. पोलिसांनी तपास सुरु केला आणि सीसीटीव्ही फुटेजच्या माध्यमातून आरोपींची ओळख पटवली. यातील दोन आरोपींना पोलिसांनी अटक केली आहे. तर, तिसरा आरोपी फरार आहे. अटक करण्यात आलेले दोन्ही आरोपी अल्पवयीन आहेत. या दोघांनीही गुन्हा कबूल केला आहे. यातील एकाच नाव दीपक असून तो अजूनही फरार आहे. तो युवतीचा शेजारी आहे. दोन महिन्यांपूर्वीच तो तुरुंगातून बाहेर आला होता. त्याची माहिती देणाऱ्यासाठी 20 हजाराचं बक्षीस जाहीर कऱण्यात आलं आहे. पोलीस अधिक तपास करत आहेत.

The post चोरीच्या उद्देशानं घरात घुसले, विलगीकरणात असलेल्या महिलेवर सामूहिक बलात्कार appeared first on थोडक्यात घडामोडी.

मध्य प्रदेश : मध्य प्रदेशातील छतरपूरमध्ये वडिलांनी रागाच्या भरात मुलाची हत्या केल्याची धक्कादायक घटना घडली. निवृत्त लष्करी जवान तेज बहाद्दूर सिंह यांच्या मुलानं लाईट बिल भरण्यास नकार दिल्यामुळे संतापलेल्या वडिलांनी मुलाची गोळ्या घालून हत्या केली.

छतरपूर जिल्ह्यातील नौगावमधील आर्मी कॉलनीमध्ये राहणारे तेज बहाद्दूर सिंह यांनी आपला मुलगा सत्येंद्र सिंह बघेल (वय 40) याला लाईट बिल भरण्यास सांगितलं. परंतु, त्याने बिल भरण्यास नकार दिला. त्यामुळे तेज बहाद्दूर यांना राग अनावर झाला आणि त्यांनी थेट गोळ्या झाडून मुलाची हत्या केली. सत्येंद्रला त्याच्या नातेवाईकांनी गावातील हॉस्पिटलमध्ये नेलं. परंतु, डॉक्टरांनी प्राथमिक तपासणीनंतर त्याला मृत घोषित केलं. किरकोळ कारणातून वडिलांनी मुलाची हत्या केल्यानं गावातील अनेकांना मोठा धक्का बसला. पोलिसांनी या प्रकरणात आरोपी तेज बहाद्दूरला अटक केली असून पुढील तपास करत आहेत.

The post वडिलांनी ४० वर्षीय मुलाची केली गोळ्या घालून हत्या, कारण वाचून बसेल धक्का appeared first on थोडक्यात घडामोडी.

देशात कोरोना संसर्ग पुन्हा झपाट्याने वाढत आहे. त्यातच कोरोनाच्या नव्या स्ट्रेनने देखील चिंतेत भर पडली आहे. या नव्या स्ट्रेनमुळे कोरोना रुग्णांची संख्या वाढत असल्याची शक्यता वर्तवण्यात येत आहे. त्या पार्श्वभूमीवर पंतप्रधान कार्यालयात तातडीची बैठक बोलावण्यात आली आहे.

कोरोना व्हायरसमध्ये म्युटेशन होत असते, त्यातून नव्या स्ट्रेनची निर्मिती होते. काही राज्यांमध्ये कोरोना रुग्ण संख्या वाढली असून काही ठिकाणी नवीन स्ट्रेन देखील आढळून आले आहेत. महाराष्ट्रात कोरोना रुग्ण वाढीमागे नवा स्ट्रेन असू शकतो, असे महाराष्ट्र कोविड टास्क फोर्सचे सदस्य डॉ. शशांक जोशी यांनी सांगितले होते. महाराष्ट्र तसेच केरळ, मध्य प्रदेश, छत्तीसगड आणि पंजाबमध्येही दिवसेंदिवस कोरोना रुग्णांचे प्रमाण वाढत आहे.

झपाट्याने होत असलेली रुग्णवाढ कोरोनाच्या नव्या स्ट्रेनमुळे झाली आहे का, याबाबत संशोधन सुरु आहे. देशातील एकूण रुग्णसंख्येच्या 38 टक्के सक्रिय कोरोना केसेस एकट्या केरळमध्ये आहेत तर महाराष्ट्रात 37 टक्के सक्रिय केसेस आहेत. त्यामुळे चिंताजनक परिस्थिती निर्माण झाली असून यावर तातडीने उपाययोजना करणे अतिशय गरजेचे आहे.

The post कोरोनाने वाढवली चिंता, पंतप्रधानांनी बोलावली तातडीची बैठक, ‘या’ राज्यांमध्ये परिस्थिती गंभीर appeared first on थोडक्यात घडामोडी.