लातूर : लातूर-सोलापूर महामार्गावरील अपघातांची मालिका काही थांबण्याचे नाव घेत नाही. अवघ्या चार दिवसांपूर्वी माजी आमदार आर. टी. देशमुख यांच्या वाहनाचा अपघात याच मार्गावर झाला होता. आज पहाटे पुन्हा एकदा या मार्गावर भीषण अपघात झाला असून, दोन ट्रॅव्हल्समध्ये पाठीमागून झालेल्या धडकेत दोन जणांचा मृत्यू झाला, तर १५ ते २० जण गंभीर जखमी झाले आहेत.

हा अपघात तुळजापूर-लातूर राष्ट्रीय महामार्गावरील आशीव पाटी येथे पहाटेच्या सुमारास झाला. पुण्याहून लातूरकडे येणाऱ्या एका ट्रॅव्हल्सने समोर असलेल्या दुसऱ्या ट्रॅव्हल्सला पाठीमागून जोरदार धडक दिल्याने ही दुर्घटना घडली. धडकेमुळे वाहनांचे मोठ्या प्रमाणावर नुकसान झाले असून प्रवाशांमध्ये एकच गोंधळ उडाला. या अपघातात एक बस उलटली असून दुसऱ्या बसच्या पुढच्या भागाचा चक्काचूर झाला आहे.

घटनेची माहिती मिळताच पोलीस आणि आपत्कालीन पथक तात्काळ घटनास्थळी दाखल झाले. आतापर्यंत ५ रुग्णवाहिकांच्या मदतीने जखमींना लातूरच्या शासकीय रुग्णालयात हलवण्यात आले आहे. वैद्यकीय अधिकाऱ्यांनी दिलेल्या माहितीनुसार, काही जखमींची प्रकृती चिंताजनक आहे.

पोलीस अधिक तपास करत असून, चालकाच्या निष्काळजीपणामुळे अपघात घडल्याचा प्राथमिक अंदाज आहे. लातूर-सोलापूर महामार्गावरील अपघातांची वाढती संख्या पाहता नागरिकांनी तीव्र नाराजी व्यक्त केली आहे आणि रस्ते सुरक्षा उपाय योजनांची मागणी पुन्हा एकदा ऐरणीवर आली आहे.

The post भीषण अपघात! लातूर-सोलापूर महामार्गावर दोन ट्रॅव्हल्सची समोरासमोर धडक, 2 ठार, 20 जखमी appeared first on थोडक्यात घडामोडी.

हिंगोली : शेतमजूर घेऊन जाणारा ट्रॅक्टर थेट विहीरीमध्ये कोसळून भीषण अपघात झाला आहे. नांदेड शहरापासून दहा किलो मीटर दूर असलेल्या आलेगाव शिवारात हा अपघात झाला आहे. टॅक्टर साठ फूट खोल विहिरीत कोसळला असून विहिरीमध्ये ट्रॅक्टर पूर्णपणे बुडाला आहे. ट्रॅक्टरचे केवळ एक टायर दिसत आहे. या घटनेत सात महिला शेतमजूरांचा मृत्यू झाला आहे, तर काहीजण जखमी झाले आहेत.

मिळालेल्या माहितीनुसार, हिंगोलीच्या वसमत तालुक्यातील गुंज गावातील शेतकरी महिला मजूर ट्रॅक्टरमध्ये बसून हळद काढण्यासाठी निघाल्या होत्या. दगडू शिंदे यांच्या शेतात काम करण्यासाठी हे मजूर आले होते. यावेळी चालकाचे नियंत्रण सुटल्याने ट्रॅक्टर विहिरीत कोसळला. या घटनेची माहिती मिळताच ग्रामस्थांनी घटनास्थळी धाव घेत मदतकार्य सुरू केले. यावेळी दोन महिलांसह एका पुरुषाला वाचवण्यात यश आहे. पुरुभाबाई कांबळे, पार्वती बुरड, सटवाजी जाधव यांना वाचवण्यात यश आले आहे. ताराबाई जाधव, धरूपता जाधव, मीना राऊत, ज्योती सरोदे, चौथराबाई पारधे, सरस्पती भूरड, सिमरन कांबळे अशा एकूण सात महिलांचा मूत्यू झाला आहे. हिंगोली सह नांदेड पोलीस देखील घटनास्थळी दाखल झाले आहेत.

The post ट्रॅक्टर मजुरांसह ६० फूट खोल विहिरीत कोसळला, सात महिला शेतमजूरांचा मृत्यू appeared first on थोडक्यात घडामोडी.

मुंबई : नेहमीच गर्दीने गजबजलेल्या दादर रेल्वे स्थानकात एक धक्कादायक घटना घडली. नंदिग्राम एक्सप्रेस ट्रेनमध्ये एक मृतदेह सापडल्यामुळे दादर रेल्वे स्थानकावर एकच खळबळ उडाली. नंदिग्राम एक्सप्रेसच्या शौचालयात 50 वर्षांचा व्यक्ती गळफास लावलेल्या अवस्थेत आढळला असून पोलिसांनी याप्रकरणी मृत्यूची नोंद केली आहे. रेल्वे पोलिसांनी मृतदेह खाली उतरवून रुग्णालयात नेण्यात आला. मृत व्यक्तीने ट्रेनच्या शौचालयात आत्महत्या का केली, याबाबत पोलीस चौकशी करत आहेत.

नंदिग्राम एक्सप्रेसच्या शौचालयात 50 वर्षांचा व्यक्ती गळफास लावलेल्या अवस्थेत आढळला असून पोलिसांनी याप्रकरणी मृत्यूची नोंद केली आहे. रेल्वे पोलिसांनी मृतदेह खाली उतरवून रुग्णालयात नेण्यात आला. मृत व्यक्तीने ट्रेनच्या शौचालयात आत्महत्या का केली, याबाबत पोलीस चौकशी करत आहेत. मृत व्यक्ती मूळचा घाटकोपर परिसरातील रहिवासी होता. काही दिवसांपूर्वी त्याच्यावर छेडछाडीचा गुन्हा दाखल करण्यात आला होता आणि तो त्या प्रकरणात फरार होता. या प्रकरणामुळे मानसिक तणावात असलेल्या मृत व्यक्तीने आपले जीवन संपवले असल्याचा प्राथमिक संशय आहे.

आरोपीने नांदिग्राम एक्सप्रेसच्या शौचालयात स्वतःला गळफास लावण्यासाठी त्याच्याकडील मफलरचा वापर केल्याचं समोर आलं आहे. दादर रेल्वे पोलिसांनी या प्रकरणाचा तपास सुरू केला आहे.

The post नंदीग्राम एक्सप्रेसच्या शौचालयामध्ये सापडला मृतदेह, काही दिवसांपूर्वी त्याच्यावर विनयभंगाचा गुन्हा दाखल appeared first on थोडक्यात घडामोडी.

उस्मानाबाद : काही दिवसांपूर्वी पोलीस कर्मचाऱ्याकडून वारंवार होणाऱ्या शारीरिक व मानसिक त्रासाला कंटाळून एका महिलेने आत्महत्या केली होती. आता त्या महिलेच्या पतीने देखील एक व्हिडिओ शेअर करत आत्महत्या केल्याचा धक्कादायक प्रकार समोर आला आहे. या व्हिडीओमध्ये त्याने आत्महत्या करणार असल्याचं सांगितलं, आणि नंतर औसा तालुक्यातील टाका या गावात गळफास घेऊन आत्महत्या केल्याची माहिती मिळाली आहे.

व्हिडिओमध्ये म्हटलं आहे कि, “आत्महत्या करण्याचे कारण की हरिभाऊ कोळेकर यांनी माझा हसता खेळता परिवार उध्वस्त केला आहे. माझ्या पत्नीला ब्लॅकमेल करून तिच्यावर वारंवार बलात्कार केला. त्यानंतर माझ्या पत्नीने आत्महत्या केली. हरिभाऊ कोळेकर म्हणतो की माझे खूप दूर पर्यंत संबंध आहेत मी या प्रकरणातून सहज बाहेर पडेन. त्याला फाशी झालीच पाहिजे.” त्यांनी पुढे म्हटले कि, “माझ्या मृत्यूचे खरे कारण सासरकडील मंडळी देखील आहे. पूर्वी ते मला जावई देव माणूस आहे म्हणायचे. मात्र, पत्नीने आत्महत्या केल्यानंतर त्यांनी मला अनेकदा शिवीगाळ देखील केली आहे.

या महिलेने आपल्या राहत्या घराशेजारील इमारतीत गळफास घेऊन आत्महत्या केली होती. तिने आत्महत्या करण्यापूर्वी सुसाईड नोट लिहून ठेवली होती. त्यात पोलिसाने बंदुकीचा धाक दाखवत तिच्यावर बलात्कार केल्याचे म्हटले होते. त्यामुळे पोलिसाच्या जाचाला कंटाळून या महिलेने हे पाऊल उचलले. दरम्यान, महिलेने लिहिलेल्या सुसाईड नोट वरून हरिभाऊ कोळेकर या पोलीस कर्मचाऱ्यावर उस्मानाबाद शहर पोलीस ठाण्यात गुन्हा दाखल करण्यात आला आहे. ३७६ (बलात्कार) ३०६ (आत्महत्येस प्रवृत्त करणे) भा.द.वि नुसार गुन्हा दाखल करून या पोलीस कर्मचाऱ्याला तात्काळ अटक करण्यात आली आहे.

The post उस्मानाबाद येथील ‘त्या’ पीडित महिलेच्या पतीचीही आत्महत्या appeared first on थोडक्यात घडामोडी.

पुणे : पुण्यातील भिडे पुलाजवळ मगर आढळल्याची चर्चा सुरु आहे. लकडी पूल ते भिडे पुलाच्यामधील मुठा नदी पात्रात सकाळी दहाच्या सुमारास मगरसदृश्य प्राणी आढळला, असं एका अज्ञाताने सांगितलं होतं. तसा कॉल अॅनिमल रेस्क्यू टीमला आल्याची माहिती मिळत आहे.

दरम्यान, भिडे पुलाजवळ मगर आढळल्याची चर्चा झाल्यामुळे भिडे पूल आणि झेड ब्रिजवर बघ्यांची गर्दी देखील वाढली आहे. रेस्क्यू टीमला अनेक कॉल देखील येऊ लागले, त्यामुळे अॅनिमल रेस्क्यू टीम, वनविभाग आणि पोलीस घटनास्थळी दाखल झाले आहेत.

The post पुण्यातील भिडे पुलाजवळ मगर आढळली, रेस्क्यू टीम, वनविभाग आणि पोलीस घटनास्थळी दाखल appeared first on थोडक्यात घडामोडी.

पुणे : लोणीकंद येथील गोल्डमॅन सचिन शिंदे खून प्रकरणी ४८ तासात तीन जणांना लोणीकंद पोलिसांचे गुन्हे शोध पथक व स्थानिक गुन्हे शाखेच्या पथकाने अटक केली आहे. लोणीकंद पोलीसांनी या प्रकरणी सचिन किसन शिंदे (वय ३२), प्रथमेश उर्फ सनी कुमार शिंदे (वय 20), रोशनकुमार शमशेर साहू उर्फ गौंड (वय 20) यांना आज अटक केली आहे.

पोलीसांनी दिलेल्या माहितीनुसार, लोणीकंद येथे मंगळवारी (ता.९) रोजी दुपारी ११.५० च्या सुमारास एचडीएफसीच्या एटीएम समोर सचिन नानासाहेब शिंदे सहकाऱ्यांबरोबर गप्पा मारत होता. अचानक एका अज्ञात व्यक्तीने पिस्तुलाने सचिन नानासाहेब शिंदे याच्या पाठीमागून येऊन त्याच्या डोक्याच्या मागील बाजूस गोळीबार केला. भगव्या रंगाच्या स्कूटर चालविणाऱ्या साथीदाराच्या पाठीमागे बसून नगर रोडने पेरणे गावाच्या दिशेने पलायन केले. यात सचिन शिंदे याचा उपचारापूर्वीच मृत्यु झाला.

गोल्डमॅन अशी ओळख असलेला सराईत गुन्हेगाराचा गोळ्या झाडून खून…

पोलीस खात्याने या घटनेची गांभीर्याने दखल घेत लोणीकंद गुन्हे शोध पथक व स्थानिक गुन्हे शाखेला तपासाचे आदेश दिले होते. या पथकांनी संयुक्त तपास करीत या खून प्रकरणात सचिन किसन शिंदे (वय ३२), प्रथमेश उर्फ सनी कुमार शिंदे (वय 20), रोशनकुमार शमशेर साहू उर्फ गौंड (वय 20) या तिघांना अटक केली आहे.. त्यांच्याकडून गुन्ह्यात वापरलेले हत्यार जप्त करण्यात आले आहे. हा गुन्हा त्यांनी आणखी साथीदारांचे मदतीने केल्याचे निष्पन्न झाले आहे. पोलीस पुढील  तपास करत आहेत..

The post गोल्डमॅन सचिन शिंदे खून प्रकरणात तिघांना पोलिसांकडून अटक.. appeared first on थोडक्यात घडामोडी.

मुंबई : द डर्टी पिक्चर या चित्रपटातली अभिनेत्री आर्या बॅनर्जी हिचा मृत्यू झाला असून तिचा मृतदेह तिच्याच अपार्टमेंटमध्ये संशयास्पद परिस्थितीत आढळून आला आहे. आर्याचा मृतदेह तिच्या दक्षिण कोलकाताच्या जोधपूर पार्कमधील फ्लॅटमध्ये रक्ताच्या थारोळ्यात पडलेला आढळला. आर्याच्या मृत्यूच्या कर्णाचा शोध घेण्यासाठी पोलिसांनी चौकशी चालू केली आहे.

मिळालेल्या माहितीनुसार तिच्या मोलकरणीने तिला फोन केला होता. परंतु आर्याने फोन न उचलल्याने तिला संशय आला आणि तिने पोलिसांना याबाबतची सूचना दिली. पोलीस घटनास्थळी पोहोचले आणि दरवाजा तोडून फ्लॅटमध्ये दाखल झाले. रिपोर्ट्सनुसार आर्याच्या नाकातून रक्त आले होते आणि तिने उलटीही केली होती. पोलिसांनी आर्याचे शव शवविच्छेदनासाठी पाठवले आहे. आर्या बॅनर्जीचे खरे नाव देवदत्ता बॅनर्जी आहे.

The post अभिनेत्री आर्या बॅनर्जी हिचा संशयास्पद परिस्थितीत मृत्यू appeared first on थोडक्यात घडामोडी.

महाराष्ट्रातील कोरोना रुग्णांची संख्या घटली असली तरी संकट अजून टळलेले नाही. त्यामुळे येत्या १४ आणि १५ डिसेंबर २०२० पासून सुरू होणाऱ्या हिवाळी अधिवेशनापूर्वी खबरदारी म्हणून सर्वांची कोरोना चाचणी बंधनकारक करण्याचा निर्णय विधानमंडळाने घेतला आहे. यासाठी १२ आणि १३ डिसेंबर रोजी विधानभवन परिसरात तपासणी शिबीर घेतले जाणार आहे.

यासंदर्भात विधानभवनात सभापती रामराजे निंबाळकर, विधानसभा अध्यक्ष नाना पटोले आणि उपसभापती डॉ.नीलम गोऱ्हे यांच्या प्रमुख उपस्थितीत आढावा बैठक घेण्यात आली. यावेळी हा निर्णय घेण्यात आला. या अधिवेशनासाठी येणाऱ्या राज्यातील दोन्ही सभागृहातील आमदारांसह विधानभवन आणि मंत्रालयातील अधिकारी-कर्मचारी, सफाई कर्मचारी, पोलीस आणि पत्रकार यांची आरटी-पीसीआर चाचणी करण्यात येणार आहे. ज्यांची कोरोना चाचणी पॉझिटिव्ह येईल त्यांना विधानभवनात प्रवेश दिला जाणार नसल्याचा निर्णय घेण्यात आला आहे. गर्दी टाळण्यासाठी प्रत्येकांची वर्गवारी करण्यात आली असून त्यानुसार तपासणी शिबिरात एकूण सात बुथ उभारले जाणार आहेत. त्याचबरोबर तपासणी झालेल्यांना अहवाल प्राप्त करुन घेण्यासाठी टोकन देण्यात येणार आहेत. ज्यांचा अहवाल पॉझिटिव्ह येईल अशा रुग्णांना रुग्णालयात उपचारासाठी पाठविण्यात येणार आहे.

The post हिवाळी अधिवेशनापूर्वी खबरदारी म्हणून सर्वांची कोरोना चाचणी बंधनकारक appeared first on थोडक्यात घडामोडी.

मुंबई : टीव्ही अभिनेत्रीने कलाकारांची निवड करणाऱ्या कास्टिंग डायरेक्टर आयुष तिवारीवर बलात्कार केल्याचा आरोप केला. अभिनेत्रीने मुंबईतील वर्सोवा पोलीस ठाण्यात याविषयी तक्रार नोंदवली आहे. कलम ३७६ अंतर्गत एफआयआर नोंदवून मुंबई पोलिसांनी अभिनेत्रीचे स्टेटमेंट घेतले.

लग्नाचे आश्वासन देऊन कास्टिंग डायरेक्टर आयुष तिवारीने बलात्कार केल्याचा आरोप अभिनेत्रीने केला आहे. महिलेने बलात्काराचे आरोप केले तर आरोपीला एफआयआर नोंदवल्यापासून २४ तासांच्या आत चौकशीसाठी बोलावले जाते आणि आवश्यकता भासल्यास अटक केली जाते. या अभिनेत्रीने तक्रार नोंदवून ७२ तासांपेक्षा जास्त कालावधी होऊनही पोलिसांनी आयुष तिवारीला अटक केलेली नाही. दरम्यान, अभिनेत्रीच्या आरोपांप्रकरणी तपास सुरू आहे, असे मुंबई पोलिसांनी सांगितले.

The post अभिनेत्रीने कास्टिंग डायरेक्टर आयुष तिवारीवर केला बलात्काराचा आरोप appeared first on थोडक्यात घडामोडी.

औरंगाबाद : औरंगाबाद जिल्ह्यातील पैठण तालुक्यात एकाच कुटुंबातील तीन जणांची निर्घृण हत्या करण्यात आल्याची धक्कादायक घटना घडली आहे. हे हत्याकांड पहाटे पैठण तालुक्यातील जुने कावसन गावात घडले आहे. अज्ञात हल्लेखोराने संभाजी निवारे यांच्या घरात घुसून त्यांच्या कुटुंबावर तीक्ष्ण हत्याराने हल्ला केला.

या हल्ल्यात संभाजी निवारे, त्यांची पत्नी अश्विनी निवारे, ८ वर्षांची मुलगी सायली निवारे यांचा जागेवरच मृत्यू झाला आहे. सुदैवाने संभाजी निवारे यांचा सहा वर्षांचा मुलगा सोहम थोडक्यात बचावला आहे. तो जखमी झाला असून त्याला जखमी अवस्थेत रुग्णालयात दाखल करण्यात आलं असून त्याच्यावर उपचार सुरू आहेत. मिळालेल्या माहितीनुसार, पहाटे शेजाऱ्यांना संभाजी निवारे यांच्या घराचे दार उघडे दिसल्यामुळे शेजाऱ्यांनी घरात पाहिले असता तिघांचे मृतदेह आढळून आले.

शेजाऱ्यांनी या घटनेची माहिती पोलिसांना देताच पोलीस घटनास्थळावर पोहोचले. पंचनामा केल्यानंतर तिघांचेही मृतदेह ताब्यात घेऊन शवविच्छेदनासाठी शासकीय रुग्णालयात पाठवले आहेत.  स्थानिकांनी दिलेल्या माहितीनुसार संभाजी निवारे शुक्रवारी शहरातील बाजारात जाऊन नात्यातल्या लग्नासाठी मोठी खरेदी करुन आले होते. मौल्यवान वस्तू लुटण्याच्या उद्देशाने हल्ला झाल्याची शक्यता आहे. पोलीस या हत्येमागच्या कारणाचा अधिक तपास करत आहेत.

The post धक्कादायक : औरंगाबाद मध्ये चिमुकलीसह कुटुंबातील तिघांची निर्घृण हत्या appeared first on थोडक्यात घडामोडी.