झारखंड : झारखंडमधील सरायकेला-खरसवान जिल्ह्यातील चांडिलजवळ शनिवारी पहाटे झालेल्या अपघातात एका मालगाडीचे तब्बल २० डबे रुळावरून घसरले. या घटनेमुळे आग्नेय रेल्वेच्या चांडिल-टाटानगर विभागातील रेल्वे वाहतूक पूर्णपणे ठप्प झाली आहे. सुदैवाने, या अपघातात कोणतीही जीवितहानी झालेली नाही, अशी माहिती अधिकाऱ्यांनी दिली.

वरिष्ठ विभागीय व्यावसायिक व्यवस्थापक (आद्रा विभाग) विकास कुमार यांनी सांगितले की अपघातानंतर चांडिलपासून अप आणि डाउन दोन्ही मार्गांवरील रेल्वे सेवा तातडीने बंद करण्यात आली. या अपघातात दोन मालगाड्यांचा समावेश असल्याचेही त्यांनी स्पष्ट केले.

घटनास्थळी रेल्वे कर्मचारी आणि यंत्रणा तैनात असून, रुळावरून घसरलेले डबे हटवणे व खराब झालेले ट्रॅक दुरुस्त करण्याचे काम युद्धपातळीवर सुरू आहे.

या व्यत्ययामुळे अनेक एक्सप्रेस आणि मेल गाड्या रद्द, वळवण्यात किंवा शॉर्ट टर्मिनेट करण्यात आल्या आहेत. रद्द सेवांमध्ये 20894 पटना–टाटानगर वंदे भारत एक्सप्रेस, 28181 टाटानगर–कटिहार एक्सप्रेस आणि 28182 कटिहार–टाटानगर एक्सप्रेसचा समावेश आहे.

रेल्वे प्रशासनाने प्रवाशांना अद्ययावत वेळापत्रक व मार्गाबाबत अधिकृत स्रोतांकडून माहिती घेण्याचे आवाहन केले आहे.

The post झारखंडमध्ये मालगाडीचे २० डबे रुळावरून घसरले; रेल्वे सेवांवर मोठा परिणाम appeared first on थोडक्यात घडामोडी.

झारखंड : झारखंडमधील हेमंत सरकार गुन्हेगारी आणि अपघातांना आळा घालण्यासाठी सातत्याने प्रयत्न करत आहे. यातच पोलिसांनी मंगळवारी जमशेदपूर येथील दुहेरी हत्याकांडाचा उलगडा केला. पूर्व सिंगभूम जिल्ह्यातील जमशेदपूर येथे रविवारी झालेल्या दुहेरी हत्याकांडाचा पोलिसांनी मंगळवारी छडा लावला. एका 15 वर्षांच्या मुलीने तिच्या 37 वर्षीय प्रियकरासह तिच्या आई-वडिलांना हातोडा आणि प्रेशर कुकरने मारहाण करून ठार केल्याचे पोलिसांनी उघड केले.

मिळालेल्या माहितीनुसार, सोमवारी एल्को पोलीस ठाण्याच्या हद्दीतील मॅनिफिट येथील जोडप्याचे मृतदेह त्यांच्याच घरी रक्ताच्या थारोळ्यात पडलेले आढळले. पोलिसांनी या प्रकरणाचा तपास सुरु केल्यानंतर त्यांची 15 वर्षांची मुलगी बेपत्ता असल्याचे समोर आले. त्यानंतर संशयाच्या आधारे शोधाशोध केली असता या तरुणीला त्याच्या प्रियकरासोबत ताब्यात घेण्यात आलं. त्यांना मंगळवारी सकाळी बिरसानगर येथील ओमनगरमध्ये राहणारा तिचा प्रियकर सलितकुमार याच्यासोबत त्याच्या भाड्याच्या घरातून पकडण्यात आले.

पोलिस अधीक्षक (शहर) के विजय शंकर यांनी 24 तासांपेक्षा कमी कालावधीत या प्रकरणाची उकल केल्याचा दावा केला आणि सांगितले की मुलगी रविवारी रात्री तिच्या प्रियकरासह घरातून पळून जाऊन लग्न करणार होती, परंतु तिचे पालक जागे झाले. त्यानंतर आई-वडिलांनी तिला बाहेर जाण्यापासून थांबवले असता दोघांनी हातोड्याने व प्रेशर कुकरने त्यांना बेदम मारहाण केली. त्यानंतर तरुणी प्रियकरासह स्कूटरवरून पळून गेली. एसएसपी प्रभात कुमार यांनी मंगळवारी याबाबत खुलासा केला. ते म्हणाले कि, गुन्हेगाराला तुरुंगात पाठवण्यात आले आहे. तसेच, अल्पवयीन मुलीला रिमांड होममध्ये पाठवले जाईल. गुन्हेगारांच्या सांगण्यावरून एक हातोडा, रक्ताने माखलेला प्रेशर कुकर आणि स्कूटर जप्त करण्यात आली आहे. आरोपींविरुद्ध आयपीसीच्या संबंधित कलमांखाली गुन्हा दाखल करण्यात आला आहे.

The post भयंकर! 15 वर्षांच्या मुलीने 37 वर्षीय प्रियकरासह केली आई-वडिलांची हत्या appeared first on थोडक्यात घडामोडी.

झारखंड : झारखंडमधील देवघर जिल्ह्यातील बैद्यनाथ मंदिराजवळील त्रिकुट टेकडीवर रोपवेवरील काही केबल कार एकमेकांवर आदळल्याने भीषण अपघात झाला. रविवारी सायंकाळी देवघर येथे झालेल्या रोपवे दुर्घटनेत दोन महिला पर्यटकांचा मृत्यू झाला असून सुमारे 50 पर्यटक अजूनही 2000 फूट उंचीवर अडकले आहेत. सर्व प्रयत्न करूनही सुमारे 20 तास उलटूनही त्यांना उतरवता आले नाही. बचाव मोहिमेवर हवाई दलाचे दोन हेलिकॉप्टरही तैनात करण्यात आले आहेत, मात्र तारांमुळे हेलिकॉप्टरला ट्रॉलीपर्यंत पोहोचण्यात अडचणी येत आहेत. अडकलेल्या लोकांपर्यंत अन्न किंवा पाणी पोहोचत नसून आता कुटुंबीयांचा संयमही संपत चालला आहे.

ताज्या अहवालात असा दावा करण्यात आला आहे की रोपवेमधील किमान 12 केबिनमध्ये 46 लोक अजूनही अडकले आहेत, ज्यासाठी बचाव कार्य सुरू आहे. बचावकार्यासाठी दोन एमआय-१७ हेलिकॉप्टरही तैनात करण्यात आल्याची माहिती भारतीय हवाई दलाच्या (आयएएफ) अधिकाऱ्यांनी दिली. याशिवाय, ITBP आणि NDRF टीमही घटनास्थळी रवाना झाल्या आहेत. स्थानिक ग्रामस्थ देखील IAFm, आर्मी, ITBP आणि NDRF यांना बचाव कार्यात मदत करत आहेत. डीसी आणि पोलिस अधीक्षक सुभाष चंद्र जाट हे दोघेही घटनास्थळावरून बचाव कार्यावर लक्ष ठेवून आहेत.

या घटनेनंतर एका जोडप्याने केबल कारमधून उडी मारण्याचा प्रयत्न केल्याने ते गंभीर जखमी झाले. त्यांना रुग्णालयात दाखल करण्यात आले आहे. मिळालेल्या माहितीनुसार, आठ जणांवर देवघर सदर रुग्णालयात उपचार सुरू आहेत. प्रथमदर्शनी, केबल कारची टक्कर होऊन तांत्रिक बिघाड झाल्यामुळे ही घटना घडल्याचे दिसते. तथापि, नेमके कारण अद्याप स्पष्ट झालेले नाही. घटनेनंतर रोपवे व्यवस्थापक आणि इतर कर्मचाऱ्यांनी घटनास्थळावरून पळ काढल्याचा दावा अहवालात करण्यात आला आहे.

The post देवघर रोपवे केबल कार दुर्घटना : दोन महिला पर्यटकांचा मृत्यू, 46 जण 2000 फूट उंचीवर अडकलेले, बचाव कार्य सुरु appeared first on थोडक्यात घडामोडी.

झारखंड : झारखंडमधील पलामू जिल्ह्यात आरोग्य कर्मचाऱ्याच्या निष्काळजीपणाचे प्रकरण समोर आले आहे. शनिवारी नौदिहा गावातील एका व्यक्तीला कुत्रा चावला होता, त्यानंतर ती व्यक्ती पाटण ब्लॉक मुख्यालय आरोग्य केंद्रात रेबीज प्रतिबंधक लस घेण्यासाठी आली होती. मात्र आरोग्य कर्मचाऱ्याने त्याला चुकून कोरोनाची लस दिली.

एका वरिष्ठ अधिकाऱ्याने दिलेल्या माहितीनुसार, 50 वर्षीय राजू नावाच्या ये व्यक्तीने अगोदरच कोरोनाच्या दोन्ही लसी घेतलेल्या आहेत. कुत्रा चावल्यामुळे ते अँटी रेबीजचे इंजेक्शन घेण्यासाठी आले होते. परंतु, यावेळी आरोग्य कर्मचाऱ्याच्या निष्काळजीपणामुळे त्यांना पुन्हा कोरोनाची लस देण्यात आली आहे.

पलामू विभागाचे मुख्य वैद्यकीय अधिकारी (सिव्हिल सर्जन) डॉ. अनिल कुमार यांनी ही बाब निष्काळजीपणाची असल्याचे सांगितले. ते म्हणाले, ‘याचा तपास करण्यासाठी डॉ.एम.पी.सिंह यांच्या नेतृत्वाखाली तीन सदस्यीय पथक तयार करण्यात आले आहे. हे पथक तपासासाठी पाटणला जाणार आहे. या टीममध्ये डॉ. अनुप कुमार तसेच जिल्हा कार्यक्रम व्यवस्थापक (DPM) दीपक कुमार यांचा समावेश आहे. तपासणी अहवाल आल्यानंतरच संबंधित आरोग्य कर्मचाऱ्यावर शिस्तभंगाची कारवाई केली जाईल, असे डॉ. अनिल कुमार यांनी सांगितले. सध्या रुग्णाची प्रकृती सामान्य असल्याचे त्यांनी सांगितले.

The post निष्काळजीपणाचा कळस! कुत्रा चावल्यामुळे अँटी रेबीजचे इंजेक्शन घेण्यासाठी गेला रुग्ण, मिळाली कोरोनाची लस appeared first on थोडक्यात घडामोडी.

झारखंड : झारखंडच्या धनबाद जिल्ह्यात बसला भीषण अपघात झाला आहे. आज (३० जून) पहाटे ३ वाजण्याच्या सुमारास राजगंज पोलिस स्टेशन परिसरात जीटी रोडवर बस अनियंत्रित झाल्याने ही दुर्घटना घडली. या घटनेत सुमारे 24 जण जखमी झाले असून बस ड्रायव्हरसह चार जणांची प्रकृती चिंताजनक आहे.

मिळालेल्या माहितीनुसार, बसने जीटी रोडवर उभ्या असलेल्या एका ट्रकला मागच्या बाजूने जोरदार धडक दिली, त्यामुळे बसमधील सर्वजण जखमी झाले. बसमधील प्रवाश्यांनी सांगितले की ड्रायव्हरला झोप लागल्यामुळे बसने एका ट्रकला मागून जोरदार धडक दिली. ही बस बिहारच्या छपरा येथून कोलकाताकडे जात होती. बसमधील बहुतेक सर्व प्रवासी मजूर आहेत, जे कोलकाता येथे मजुरीसाठी निघाले होते. दरम्यान, या दुर्घटनेनंतर 5 रुग्णवाहिका घटनास्थळी पोहोचल्या. नॅशनल हायवे सर्व्हिसची रुग्णवाहिकाही घटनास्थळी पोहोचली, त्यानंतर सर्व जखमींना एसएनएमएमसीएच धनबाद येथे आणण्यात आले.

क्रूरतेचा कळस! दोन महिलांनी कुत्र्याला स्कूटरला बांधून फरफटत नेलं, उपचारादरम्यान कुत्र्याचा मृत्यू

दरम्यान, हा अपघात इतका भीषण होते की अपघातानंतर बसचे मुख्य गेट जाम झाले होते, त्यामुळे प्रवाशांना प्रचंड त्रास सहन करावा लागला आणि जखमींना बसमधून बाहेर काढण्यासाठी शर्थीचे प्रयत्न करावे लागले. पोलिसांनी स्थानिक लोकांच्या मदतीने बसची खिडकी तोडून जखमी प्रवाश्यांना बाहेर काढले आणि रुग्णालयात पाठविले.

पत्नीने केला विचित्र हट्ट, नवऱ्याने प्रेम सिद्ध करायच्या नादात गमावले दोन्ही हात

The post ड्रायव्हरला झोप लागल्यामुळे बसला भीषण अपघात, 24 जखमी, चार जणांची प्रकृती चिंताजनक appeared first on थोडक्यात घडामोडी.

रांची : झारखंडच्या पलामू जिल्ह्यात भाजप नेत्याच्या मुलीवर सामुहिक बलात्कार झाल्याची खळबळजनक घटना घडली आहे. पलामू जिल्ह्यातील ललिमती जंगलात बुधवारी या 16 वर्षाच्या मुलीचा मृतदेह झाडाला लटकलेला आढळला. या अल्पवयीन मुलीचा उजवा डोळा काढण्यात आला नंतर तिनं आत्महत्या केल्याचं भासवण्यासाठी तिचा मृतदेह झाडाला टांगला. पोलीसांनी प्रदीपकुमार सिंह धानुक नावाच्या एका आरोपीला अटक केली असून इतर आरोपींचा शोध सुरु आहे.

मिळालेल्या माहितीनुसार, 7 जून रोजी पीडीत मुलगी सकाळी 10 वाजता घराबाहेर पडली होती आणि त्यानंतर ती बेपत्ता झाली. मुलगी परतली नाही म्हणून आई वडीलांनी तिची शोधाशोध केली, पण तिचा काहीच पत्ता लागला नाही. त्यानंतर भाजपचे स्थानिक नेता असलेल्या वडीलांनी पांकी पोलीसात तक्रार दाखल केली. पोलीसांनी मुलीचा शोध सुरु केला. दरम्यान, स्थानिकांना ललिमती जंगलात बुधवारी (9 जून) या मुलीचा मृतदेह झाडाला लटकलेला आढळला. कुटुंबियांनी ओळख पटवून ही त्यांचीच मुलगी असल्याची खात्री केली.

पोलिसांना घटनास्थळावरुन एक मोबाईल हाती लागला आहे, फोनच्या कॉल रेकॉर्ड्सवरून प्रदीप कुमारसिंग धानुक (वय 23) याला अटक करण्यात आली आहे. प्रदीप कुमारसिंग धानुक हा एक विवाहित पुरुष आहे. खुनामध्ये एकाधिक लोकांचा सहभाग असल्याचा पोलिसांना संशय आहे. गुन्हेगारांनी मुलीला ठार मारण्यापूर्वीच तिला निर्दयीपणे मारहाण केली आणि तिचा उजवा डोळा काढला. मुलीच्या कुटुंबीयांनी आरोप केला आहे की मुलीची हत्या करण्यापूर्वी तिच्यावर लैंगिक अत्याचार करण्यात आले. तथापि, अद्याप याची पुष्टी होणे बाकी आहे.

पोलिसांनी मृतदेह ताब्यात घेऊन पोस्टमार्टमसाठी मेदिनीनगर येथील मेदिनी राय मेडिकल कॉलेजमध्ये पाठविला. पोस्टमार्टम अहवाल येणे अद्याप बाकी आहे. त्यानंतर हे बलात्काराचे प्रकरण आहे की नाही हे निश्चित केले जाईल, अशी माहिती पोलिसांनी दिली आहे. स्थानिक भाजपा नेत्याला चार मुली आणि एक मुलगा आहे. या पाच मुलांमध्ये पीडित मुलगी सर्वात मोठी होती. तिच्या पार्थिवावर बुधवारी सायंकाळी स्थानिक स्मशानभूमीत अंत्यसंस्कार करण्यात आले.

दरम्यान, पोलिस तपासात मुलीचे कुटुंब समाधानी नसेल तर पक्ष स्वतंत्र चौकशीची मागणी करेल, असे आश्वासन झारखंड भाजपाचे प्रवक्ते प्रतुल शाहदेव यांनी दिले आहे.

The post भयंकर! भाजप नेत्याच्या मुलीवर सामुहिक बलात्कार, मुलीला मारहाण करून तिचा डोळा काढला आणि… appeared first on थोडक्यात घडामोडी.

झारखंड : रांचीमध्ये कांची नदीवर करोडो रुपये खर्च करून बांधलेला पूल कोसळला आहे. हा पूल ‘यास’ वादळाचा सामना करू शकला नाही. हाराडीह-बुधाडीह पूल गुरुवारी सायंकाळी साडेचारच्या सुमारास मधून तुटला आणि कोसळला. हा पुल रांची जिल्ह्यातील तमाड, बुंडू आणि सोनाहातू यांना जोडत होता. हा 600 मीटर लांबीचा पूल अचानक कोसळल्याने दोन्ही बाजूचे गावकरी पुलाच्या दोन्ही बाजुला अडकले आहेत. तीन वर्षांपूर्वीच ग्रामविकास विभागाकडून 13 कोटी रुपये खर्च करून हा पूल बांधण्यात आला होता.

मिळालेल्या माहितीनुसार, पुलाच्या बांधकामाच्या वेळी अनेक गोष्टींकडे दुर्लक्ष केल्याचे समोर आले आहे. पुलाचे खांब उभे करताना कोणतीही दाखल न घेता ते खांब दलदलीत उभे केले होते, ज्यामुळे पुलाचा पाया कमजोर होता. त्यातच हा पूल ‘यास’ वादळाचा सामना करू शकला नाही. या पुलाच्या गुणवत्तेवर प्रश्न उपस्थित होत आहेत. तसेच पूल कोसळण्याचे कारण नदीतून दररोज होणारे वाळूचे अवैध उत्खनन देखील असल्याचे सांगितले जात आहे. वाळू तस्कर पुलाच्या भोवती जेसीबी लावून वाळू उत्खनन करत असतात, मात्र त्याकडे दुर्लक्ष करण्यात आले. हे अवैध उत्खनन थांबविण्यासाठी प्रशासनाकडून अद्यापही कोणतीही कार्यवाही केलेली नाही.

स्थानिक आमदार विकास मुंडा यांनी पूल कोसळल्याची बातमी मिळाल्यानंतर घटनास्थळी येऊन पाहणी केली. ते म्हणाले कि, “यापूर्वी देखील असाच एक उच्चस्तरीय पूल कोसळला असून दोन्ही पुलांचे बांधकाम करणारी कंपनी एकच आहे. त्यामुळे या प्रकरणाची उच्चस्तरीय चौकशी झाली पाहिजे आणि दोषींवर कठोर कारवाई करायला हवी. अवैध वाळू उत्खननामुळे यापूर्वी देखील दोन पूल कोसळले आहेत. आता हा तिसरा पूल कोसळला आहे.

The post 3 वर्षांपूर्वी करोडो रुपये खर्च करून बांधलेला पूल कोसळला, ‘या’ गोष्टींकडे दुर्लक्ष केल्याचे आले समोर appeared first on थोडक्यात घडामोडी.

नवऱ्याला घाबरवण्यासाठी गळफास घेण्याचे नाटक करताना एका महिलेचा मृत्यू झाला. झारखंडमधील धनबादमध्ये रामकनाली फिल्टर प्लान्टच्या जवळच ही धक्कादायक घटना घडली. महिलेच्या आठ वर्षीय मुलीने सांगितले की तिची आई गळफास घेण्याचे नाटक करत होती. गळफास घेतानाचा फोटो काढत असताना स्टुलावरून तिचा पाय घसरला. त्यामुळे, फास आवळून तिचा यात दुर्दैवी मृत्यू झाला.

मनोज महतोचे हे दुसरे लग्न होते आणि ताराचेही दुसरे लग्न होते. तिने कुटुंबीयांचा विरोध असूनही हे लग्न केले होते. मनोजची एक आठ वर्षांची मुलगी आहे. ती मनोज आणि तारा यांच्यासोबतच राहत होती. या मुलीने सांगितले कि, “आईने सांगितले होते की वडिलांना भीती घालण्यासाठी गळफास घेण्याचे नाटक करणार आहे. गळफास घेतानाचा फोटो काढून वडिलांना पाठवू आणि घाबरवू. पण नाटक करताना आईचा खरंच स्टुलावरून पाय घसरला.”

या अनपेक्षित प्रकारानंतर या महिलेची मुलगी प्रचंड घाबरली. तिने बाहेर जाऊन आरडाओरड करत मदतीसाठी काही जणांना बोलावले. पण तोपर्यंत तिच्या आईचा मृत्यू झाला होता. दरम्यान, काही जणांनी तात्काळ पोलिसांना घटनेची माहिती दिली. पोलिसांनी घटनास्थळी येऊन मृतदेह ताब्यात घेतला. पोलीस अधिक तपास करत आहेत.

The post नवऱ्याला घाबरवण्यासाठी करत होती गळफास घेण्याचे नाटक, पण पाय घसरला आणि… appeared first on थोडक्यात घडामोडी.

झारखंडमधून एक अतिशय धक्कादायक घटना समोर आली आहे. पश्चिम सिंहभूम जिल्ह्यातील जोजोगुट गावात एका माथेफिरू तरुणाने त्याच्या आईची हत्या केली. त्यानंतर तिचा मृतदेह अंगणातच जाळला. घटनेची माहिती मिळताच पोलीस तेथे पोहोचले. त्यांनी जळालेल्या अवस्थेतील मृतदेह ताब्यात घेऊन विच्छेदनासाठी रुग्णालयात पाठवला. घटनास्थळाची पाहणी केल्यानंतर पोलिसांनी आरोपीला अटक केली आहे.

मिळालेल्या माहितीनुसार, आईची हत्या केल्यानंतर आरोपी मुलाने अंगणातच तिचा मृतदेह जाळला. त्याच्या लहान भावाच्या पत्नीने या घटनेची माहिती शेजाऱ्यांना आणि इतर ग्रामस्थांना दिली. त्यानंतर ग्रामस्थांनी आरोपीला मारहाण करून या घटनेची माहिती पोलिसांना दिली. माहिती मिळताच पोलीस तात्काळ घटनास्थळी पोहोचले. त्यांनी अर्धवट जळालेल्या अवस्थेतील मृतदेह ताब्यात घेतला आणि विच्छेदनासाठी रुग्णालयात पाठवला.

दरम्यान, या माथेफिरू तरुणाला पोलिसांनी अटक केली आहे. चार वर्षांपूर्वी वडिलांची हत्या केल्याचा आरोप देखील या तरुणावर करण्यात आला होता.

The post धक्कादायक : माथेफिरू तरुणाने स्वतःच्या आईची हत्या करून मृतदेह अंगणात जाळला appeared first on थोडक्यात घडामोडी.

झारखंड : रांची येथील अरगोडा पोलीस ठाण्याच्या हद्दीत एका फ्लॅटमध्ये सेक्स रॅकेट सुरू होतं. पोलिसांच्या पथकाने छापा मारून रॅकेटचा भंडाफोड केला. फ्लॅटमधून तीन महिलांसह एकाला अटक केली आहे.

अरगोडा पोलीस ठाण्याच्या हद्दीत एका अपार्टमेंटमध्ये सेक्स रॅकेट सुरू असल्याची माहिती पोलिसांना खबऱ्यांमार्फत मिळाली होती. त्यानुसार पोलिसांनी छापा मारला. पोलिसांनी फ्लॅटमधून दारू, सिगारेट आणि अन्य आक्षेपार्ह वस्तू हस्तगत केल्या आहेत. अटक केलेले चौघेही वेगवेगळ्या परिसरातील आहेत. पोलीस चौकशी करत असून, सर्वांविरोधात एफआयआर दाखल केला आहे. मिळालेल्या माहितीनुसार, व्हॉट्सअॅच्या माध्यमातून या सेक्स रॅकेटशी संबंधित लोक संपर्कात होते. या रॅकेटशी अनेक बड्या लोकांचा संबंध असल्याची चर्चा आहे.

The post पोलिसांनी छापा मारून केला सेक्स रॅकेटचा भंडाफोड, तीन महिलांसह एकाला अटक appeared first on थोडक्यात घडामोडी.