मुंबई : प्रसिद्ध मराठी अभिनेता भूषण कडू यांची पत्नी कादंबरी कडू यांचं निधन झालं आहे. त्या ३९ वर्षांच्या होत्या. कादंबरी यांना काही दिवसांपूर्वी कोरोनाची लागण झाली होती. त्यानंतर त्यांना मुंबईतील केईएम रुग्णालयात दाखल करण्यात आले होते. तिथेच उपचारादरम्यान त्यांनी अखेरचा श्वास घेतला.

कादंबरी यांना काही दिवसांपूर्वी कोरोनाची लागण झाल्यानंतर त्यांना सुरुवातीला ठाण्यातील रुग्णालयात दाखल करण्यात आलं होतं. मात्र, प्रकृती खालावल्यानंतर त्यांना केईएममध्ये हलवण्यात आलं होतं. तिथं तिच्यावर उपचार सुरू होते. मात्र, अखेर त्यांचं दुःखद निधन झालं. त्यांना एक सात वर्षांचा मुलगा आहे.

बॉलीवूड इंडस्ट्रीला मोठा धक्का, चित्रपट निर्माता रायन स्टीफन यांचे कोरोनामुळे निधन

छोट्या पडद्यावरील ‘कॉमेडी एक्प्रेस’मधून महाराष्ट्राच्या घराघरात पोहोचलेले भूषण कडू हे त्यांच्या विनोदाच्या अफलातून टायमिंगसाठी ओळखले जातात. भूषण कडू हे ‘बिग बॉस मराठी’च्या पहिल्या पर्वातही सहभागी झाले होते. त्यातील फॅमिली स्पेशल भागाच्या निमित्तानं भूषण यांच्यासोबत पत्नी कादंबरी व मुलगा प्रकीर्त हे देखील बिग बॉसच्या घरात दिसले होते.

हृदयद्रावक : आई वडिलांच्या भांडणात २ चिमुकल्यांचा मनाला चटका लावणारा अंत…

The post अभिनेता भूषण कडू यांच्या पत्नीचे कोरोनामुळे निधन appeared first on थोडक्यात घडामोडी.

मुंबई : बॉलीवूड इंडस्ट्रीतून एक दुःखद बातमी समोर आली आहे. चित्रपट निर्माता रायन स्टीफन यांचे निधन झाले आहे. त्यांचे वय फक्त 50 वर्षे होते. रायन यांना कोरोनाची संसर्ग झाला होता. त्यांच्या मृत्यूची बातमी समजताच चित्रपटसृष्टीत शोककळा पसरली आहे. त्यांच्या कुटुंबियांनाच नाही तर इंडस्ट्रीमधील त्याच्या खास मित्रांनाही मोठा धक्का बसला आहे.

रायन स्टीफन यांच्या मृत्यूची बातमी मनोज बाजपेयी यांच्या ‘द फॅमिली मॅन’ चित्रपटाचे लेखक आणि निर्माता सुपर्ण एस वर्मा यांनी दिली आहे. मनोज बाजपेयी यांनीही त्यांच्या मृत्यूबद्दल शोक व्यक्त केला आहे. सुपरन यांनी ट्वीट करून लिहिले की, “जीवन खूप क्रूर आहे. परंतु तू दयाळू होता. मला आनंद आहे की आपण काही कथांवर एकत्र काम केले, त्या लिहिल्याचा आनंद तुझ्यामुळे होता. तुझ्यावर प्रेम करणारी बरीच माणसं तू तुझ्या मागे सोडली आहेत… ”

सुपर्ण यांचे हे ट्विट पुन्हा ट्विट करत मनोज बाजपेयी यांनी लिहिले कि, “तुम्हाला ओळखणाऱ्या सर्वांसाठी हा खूप मोठा धक्का आहे. हे खरं असू शकत नाही! माझा मित्र रायन, तुझी आठवण येईल..’

It’s so so shocking for all of us who knew this gentle soul .It really can’t be true!! I will miss you my friend RYAN https://t.co/VDDkCMH6Kb

— manoj bajpayee (@BajpayeeManoj) May 29, 2021

कियारा अडवाणी, वरुण धवन, दिया मिर्झा, फरहान अख्तर यांच्यासह अनेक जणांनी त्यांच्या निधनाबद्दल शोक व्यक्त केला आहे. मध्यंतरी, कियारा अडवाणी स्टारर ‘इंदू की जवानी’ आणि काजोल, नेहा धुपिया आणि श्रुती हसन यांची शॉर्ट फिल्म ‘देवी’ यामुळे रायन चर्चेत आला होता.

केआरकेचे सलमानला उत्तर, विवेक, जॉन, अरिजित हे सरळ आहेत, यावेळी चुकीच्या माणसाबरोबर पंगा घेतला

शस्त्रक्रिया करून पुरुष बनली ही प्रसिद्ध अभिनेत्री , ६ पॅक ऍब्सचे फोटो केले शेअर

The post बॉलीवूड इंडस्ट्रीला मोठा धक्का, चित्रपट निर्माता रायन स्टीफन यांचे कोरोनामुळे निधन appeared first on थोडक्यात घडामोडी.

मुंबई : मराठी टेलिव्हिजन इंडस्ट्रीमधील ज्येष्ठ अभिनेते हेमंत जोशी यांचे १९ मे रोजी कोरोनामुळे निधन झाले आहे. हेमंत जोशी यांच्या अचानक जाण्याने मनोरंजन सृष्टीवर शोककळा पसरली आहे. हेमंत जोशी यांनी ‘जीव झाला येडापिसा’ मालिकेत भावेंची भूमिका साकारली.

हेमंत जोशी यांनी जवळपास दोन दशके नाटक, सिनेमा आणि मालिकेत काम केलं. त्यांनी नामदार मुख्यमंत्री गणप्या गावडे, तेंडल्या, लायब्ररी, बालगंधर्व सारख्या सिनेमात काम केले आहे. त्याचप्रमाणे ‘रात्रीस खेळ चाले’ मालिकेतही त्यांनी भूमिका साकारली होती.

The post ‘जीव झाला येडापिसा’ फेम अभिनेते हेमंत जोशी यांचे कोरोनामुळे निधन appeared first on थोडक्यात घडामोडी.

ऋषिकेश : जगप्रसिद्ध पर्यावरणवादी सुंदरलाल बहुगुणा यांचे आज दुपारी १२ वाजता निधन झाले. ते ९४ वर्षांचे होते. सुंदरलाल बहुगुणा यांना कोरोनाची लागण झाली होती. त्यांच्यावर एम्समध्ये उपचार सुरु होते, तिथेच त्यांनी अखेरचा श्वास घेतला.

ऑल इंडिया इंस्टिट्यूट ऑफ मेडिकल सायन्सेस (एम्स) ऋषिकेश येथे दाखल झालेल्या पर्यावरणवादी सुंदरलाल बहुगुणा यांना कोविड न्यूमोनिया झाला होता. CPAP मशीन सपोर्टवर त्यांची ऑक्सिजन पातळी 86 टक्क्यांपर्यंत आली होती. परंतु, डॉक्टर त्यांची रक्तातील साखरेची पातळी आणि ऑक्सिजन पातळी व्यवस्थित राखण्याचा प्रयत्न करत होते. कारण त्यांना मधुमेहाचा त्रास होता. मात्र, आज त्यांचे निधन झाले.

सुंदरलाल बहुगुणा यांनी 1972 मध्ये चिपको चळवळीला चालना दिली. त्यांनी देश आणि जगाला जंगलाचे संरक्षण करण्यास प्रेरित केले. चिपको चळवळीचा परिणाम जगभर दिसून आला होता. बहुआयामी व्यक्तिमत्त्वाने समृद्ध असलेल्या बहुगुणा यांचे नद्या, वने आणि निसर्गाशी गहन नटे होते. त्यांनी पर्यावरणाला सर्वात मोठी अर्थव्यवस्था मानली. हेच कारण आहे की उत्तराखंडमधील विजेची गरज भागविण्यासाठी त्यांनी छोट्या प्रकल्पांना पसंती दिली. म्हणूनच ते टिहरी धरणासारख्या मोठ्या प्रकल्पांच्या बाजूने नव्हते. यासह त्यांनी भव्य आंदोलन सुरू केले आणि जनजागृती केली.

‘धार ऐंच डाला, बिजली बणावा खाला-खाला’ अशी त्यांची घोषणा होती. म्हणजेच, उंच-उंच ठिकाणी झाडे लावा आणि खालच्या ठिकाणांवर छोट्या प्रकल्पांतून वीज तयार करा. साध्या जीवनाची सोपी कल्पना अंगीकारत त्यांनी आयुष्यभर निसर्ग, नद्या व जंगलांच्या रक्षणासाठी मोहीम चालूच ठेवली. बहुगुणा यांनीच चांगल्या आणि वाईट वनस्पतींमध्ये फरक करायला देखील शिकवला होता. ते एक महान व्यक्तित्वाचे धनी होते.

वायुसेनेचं लढाऊ विमान दुर्घटनाग्रस्त, वैमानिक स्क्वाड्रन लीडर अभिनव चौधरी यांचा मृत्यू

Cyclone Tauktae : पी -305 जहाज बुडाल्याप्रकरणी कॅप्टनसह अनेक जणांविरोधात गुन्हा दाखल

The post दुःखद : जगप्रसिद्ध पर्यावरणवादी सुंदरलाल बहुगुणा यांचे कोरोनामुळे निधन appeared first on थोडक्यात घडामोडी.

कोलकाता : बॉलिवूडचा प्रसिद्ध गायक अरिजीत सिंग यांच्या आईचे कोरोना संसर्गामुळे निधन झाले आहे. कोरोनाचा संसर्ग झाल्यानंतर अरिजितच्या आईला कोलकाताच्या रुग्णालयात दाखल करण्यात आलं होतं. मात्र उपचारादरम्यान आज (20 मे) सकाळी 11 वाजेच्या सुमारास त्यांची प्राणज्योत मालवली.

अरिजीत सिंग यांच्या आईला कोरोनाची लागण झाली होती. उपचार सुरु होते, परंतु तिची परिस्थिती सुधारत नव्हती. आज 20 मे रोजी सकाळी त्यांची तब्येत ढासळण्यास सुरुवात झाली ज्यानंतर डॉक्टर त्याला वाचवू शकले नाहीत.

दरम्यान, अरिजितच्या आईची प्रकृती चिंताजनक असल्याचे यापूर्वीच सांगण्यात आले होते आणि त्यांना श्वास घेण्यास देखील त्रास होत होता. अरिजीत सिंग यांच्या आईला रुग्णालयात दाखल केल्याची बातमी अभिनेत्री स्वस्तिका मुखर्जी आणि चित्रपट निर्माते श्रीजित मुखर्जी यांनी प्रथम दिली होती. त्यांनी अरिजीतच्या आईसाठी ‘A निगेटिव्ह’  रक्तदात्याची मागणी देखील सोशल मीडियावर केली होती.

स्वस्तिका मुखर्जी यांनी इंस्टाग्रामवर पोस्ट केली होती आणि लिहिले होते की, ‘अरिजीत सिंगच्या आईसाठी ‘A निगेटिव्ह’ रक्ताची गरज आहे. त्यांना अमरी धाकुरिया रुग्णालयात दाखल केले असून आजच त्याची गरज आहे.’ आता त्यांची पोस्ट हटविण्यात आली आहे.

#Rip ??? @arijitsingh‘s mother dies of #COVID19

May her soul rest in peace ?https://t.co/dNqkJmF7Lw

— Team Arijit Singh (@ArijitSingh_luv) May 20, 2021

श्वेताचे दुर्दैव आहे की… राजा चौधरीची श्वेता आणि अभिनव यांच्यातील भांडणावर प्रतिक्रिया

कंगना रनौतने केले अभिनेत्री सामन्था अक्किनेनीचे कौतुक, म्हणाली…

The post अरिजीत सिंगच्या आईचे कोरोनामुळे निधन appeared first on थोडक्यात घडामोडी.

मुंबई : अभिनेत्री अभिलाषा पाटील यांचं कोरोनामुळे निधन झालं आहे. त्यांना कोरोनाची लागण झाल्यामुळे रुग्णालयात भरती करण्यात आलं होतं. त्यांच्यावर चार दिवस आयसीयूमध्ये उपचार सुरु होते, परंतु काल दुपारी त्यांची प्राणज्योत मालवली.

अभिलाषा पाटील काही दिवसांपूर्वी चित्रीकरणासाठी बनारसला गेल्या होत्या. परंतु त्यांना ताप आल्यामुळे त्या मुंबईला परतल्या, त्यानंतर कोरोना चाचणी केली असता त्यांना कोरोना झाल्याचं निदान झालं. त्यांच्यावर रुग्णालयात उपचार सुरु होते. परंतु त्यांना वाचवता आलं नाही.

त्यांनी अनेक मालिका आणि चित्रपटांमध्ये आपल्या अभिनयाची छाप पाडली होती. त्यांची ‘बापमाणूस’ या मालिकेतील भूमिका लोकांच्या पसंतीस पडली होती. त्यांनी सुशांत सिंग राजपूतच्या ‘छीछोरे’ या चित्रपटात नर्सची भूमिका केली होती. याशिवाय त्यांनी ‘बायको देता का बायको’, ‘पिपसी’, ‘तुझं माझं अरेंज’ अशा मराठी चित्रपटांमध्ये, तर ‘गुड न्यूज’, ‘मलाल’, ‘बद्रीनाथ की दुल्हनिया’ अशा बॉलिवूड चित्रपटांमध्ये देखील काम केलं होतं.त्यांच्या निधनाने चित्रपटसृष्टीला मोठा धक्का बसला असून हळहळ व्यक्त केली जात आहे.

The post ‘बापमाणूस’ फेम अभिनेत्री अभिलाषा पाटील यांचं कोरोनामुळे निधन appeared first on थोडक्यात घडामोडी.

अभिनेत्री आणि अँकर कनुप्रिया यांचे कोरोनामुळे निधन झालं आहे. ब्रह्माकुमारी शिवानी यांनी ही माहिती सोशल मीडियावर दिली आहे. कनुप्रिया खूप लोकप्रिय अँकर होत्या. त्यांच्या निधनाने चाहत्यांमध्ये शोककळा पसरली आहे.

कनुप्रियाने दोन दिवसांपूर्वी सोशल मीडियावर एक पोस्ट शेअर केली होती आणि सांगितलं होतं की मी रुग्णालयात दाखल आहे आणि माझ्या आरोग्यासाठी प्रार्थना करा. अहवालानुसार, ऑक्सिजनची पातळी कमी झाल्यामुळे आणि ताप वाढल्यामुळे त्यांचा मृत्यू झाला.

Om Shanti Angels. Last night a very beautiful angel, a chosen instrument of God, Sis. Kanupriya left her mortal coil and moved forward to another magical destiny of radiating happiness and health to millions of souls.
Let us meditate and radiate gratitude and blessings to her. pic.twitter.com/LAWTjPTsSb

— BK Shivani (@bkshivani) May 1, 2021

कनुप्रियाने तिच्या कारकीर्दीची सुरुवात दूरदर्शनवर अँकर म्हणून केली. यानंतर त्यांनी अभिनय, पटकथा लेखन आणि नाट्यक्षेत्रातही काम केले. त्यानंतर ‘अवेकनिंग विथ ब्रह्मा कुमारी’ (awakening with brahma kumaris) या शो मध्ये अँकर म्हणून काम केले.

The post लोकप्रिय अँकर कनुप्रिया यांचे कोरोनामुळे निधन appeared first on थोडक्यात घडामोडी.

मुंबई : प्रसिद्ध संगीत दिग्दर्शक जोडी नदीम- श्रवण यांच्यातील श्रवण राठोड यांचं कोरोनामुळे निधन झालं. श्रवण यांना दोन दिवसांपूर्वी एस. एल. रहेजा हॉस्पिटलमध्ये दाखल करण्यात आलं होते. त्यांची प्रकृती चिंताजनक होती. ते व्हेंटिलेटवर होते.

श्रवण यांना मधुमेहाचा त्रास होता, त्यातच त्यांना कोरोनाची लागण झाली होती. त्यांच्या फुफ्फुसांनाही बरेच इन्फेक्शन झाले होते. त्यातच हृदयाशी संबंधित समस्या निर्माण झाल्या. यासंबंधीचे उपचारही त्यांच्यावर सुरू होते. मात्र उपचारांना यश आले नाही आणि अखेर त्यांचे निधन झाले.

Our Music community and your fans will miss you immensely #ShravanRathod ji Rest in peace ?Respect and Prayers???

— A.R.Rahman #99Songs ? (@arrahman) April 22, 2021

नदीम- श्रवण या संगीतकार जोडीचा १९९० च्या दशकामध्ये बॉलिवूडमध्ये दबदबा होता. नदीम सैफी मित्र श्रवण राठोड यांच्यासोबतीने गाण्यांना चाली लावायचे. त्यांनी संगीत दिलेल्या ‘आशिकी’ सिनेमातील सर्व गाणी लोकप्रिय झाली. हा सिनेमा आणि त्यातील गाणी त्या काळात सुपर हिट होती. सगळ्यांच्या तोंडी या सिनेमाची गाणी होती. या सिनेमामुळे ही जोडी एका रात्रीत प्रसिद्धीच्या शिखरावर पोहोचली. या संगीतकार जोडीने ‘साजन’, ‘सडक’, ‘दिल है की मानता नही’, ‘साथी’, ‘दिवाना’, ‘फूल और काँटे’, ‘राजा हिंदुस्थानी’, ‘जान तेरे नाम’, ‘रंग’, ‘राजा’, ‘धडकन’, ‘परदेस’, ‘दिलवाले’, ‘राज’ अशा अनेक सिनेमांसाठी संगीत दिग्दर्शन केले होते.

The post प्रसिद्ध संगीत दिग्दर्शक श्रवण राठोड यांचं कोरोनामुळे निधन appeared first on थोडक्यात घडामोडी.

नवी दिल्ली : देशात कोरोनाचा संसर्ग झपाट्याने वाढत आहे. त्यात सामान्य जनतेपासून ते नेतेमंडळी कोरोना विषाणूच्या विळख्यात येत आहेत. भारतात दररोज २,००० हून अधिक लोकांना आपले प्राण गमवावे लागत आहेत. भीषण परिस्थिती निर्माण झाली आहे. त्यातच कॉंग्रेसचे ज्येष्ठ नेते आणि दिल्लीचे माजी मंत्री डॉ. एके वालिया यांचे कोरोनामुळे निधन झाले. त्यांच्यावर दिल्लीतील अपोलो रूग्णालयात उपचार सुरु होते. तेथेच त्यांनी अंतिम श्वास घेतला.

दिल्ली के विकास में अपना बहुमूल्य योगदान देने वाले @INCDelhi के वरिष्ठ नेता और पूर्व मंत्री डॉ. एके वालिया जी का कोरोना से देर रात अपोलो अस्पताल में निधन की खबर से स्तब्ध हूँ। भगवान दिवंगत नेता के आत्मा को शांति प्रदान करें।
दिल्ली कांग्रेस के लिए अपूर्णीय क्षति हुई है।
ॐ शान्ति pic.twitter.com/No7NHBxkhz

— Anil Chaudhary (@Ch_AnilKumarINC) April 22, 2021

The post ब्रेकिंग : कॉंग्रेसचे ज्येष्ठ नेते डॉ. ए. के. वालिया यांचे कोरोनामुळे निधन appeared first on थोडक्यात घडामोडी.

गायक बाबा सेहगलचे वडील जसपाल सिंह सेहगल यांचं कोरोनामुळे निधन झालं. ते ८७ वर्षांचे होते. बाबा सेहगलने सोशल मीडियावरून वडिलांच्या निधनाची बातमी दिली.

बाबा सेहगलने सोशल मीडियावर वडिलांसोबतचा फोटो शेअर केला. यात त्याने कॅप्शनमध्ये म्हंटलं आहे, ”आज सकाळी बाबा आम्हाला सोडून गेले. संपूर्ण आयुष्य योद्ध्यासारखं जगले मात्र कोव्हिडसमोर हरले.”

Dad left us today earlier morning.. Warrier the whole life but lost to Covid. Please keep him in your prayers. Stay Safe and Blessed ? pic.twitter.com/haoNr3sSbp

— Baba Sehgal (@OnlyBabaSehgal) April 13, 2021

The post गायक बाबा सेहगलच्या वडिलांचं कोरोनामुळे निधन appeared first on थोडक्यात घडामोडी.