पुणे : आज रॉयल चॅलेंजर्स बंगलोर आणि चेन्नई सुपर किंग्ज यांच्यात संध्याकाळी 7.30 वाजल्यापासून सामना रंगणार आहे. हा सामना पुण्यातील महाराष्ट्र क्रिकेट असोसिएशन स्टेडियमवर (एमसीए)होईल. रॉयल चॅलेंजर्स बंगळुरू हंगामाच्या सुरुवातीला सलग सामने जिंकत होते, मात्र आता त्यांना पराभवाला सामोरे जावे लागले आहे. तर चेन्नईने देखील आतापर्यंत अनेक सामने गमावले असून तीनच सामन्यांत विजय मिळवला आहे.

रॉयल चॅलेंजर्स बंगळुरूसाठी पॉवर प्लेमध्ये वेगाने धावा न करणे ही मोठी समस्या आहे. विराट निश्चितपणे फॉर्ममध्ये परतला, परंतु त्याचे अर्धशतक टी-20 साठी खूपच संथ होते. कर्णधार फॅफच्या कामगिरीत सातत्याचा अभाव दिसून आला आहे. मागील सामन्यात दिनेश कार्तिक डावाला फिनिशिंग टच देऊ शकला नाही.

चेन्नईने कर्णधार बदलानंतर पुन्हा एकदा चांगले पुनरागमन केले आहे. सनरायझर्ससारख्या भक्कम गोलंदाजीचा सामना करताना त्यांच्या टॉप ऑर्डरने ज्याप्रकारे फलंदाजी केली, त्यामुळे सीएसके प्लेऑफच्या शर्यतीत अजूनही कायम आहे. आज CSK त्यांच्या संघाकडून अशाच कामगिरीची अपेक्षा करेल. दीपक चहरच्या जागी संघात सामील झालेला गोलंदाज मुकेश चौधरी अखेर लयीत आला असून त्याने मागील सामन्यात ४ बळी घेत संघाच्या विजयात मोठी भूमिका बजावली.

The post IPL 2022 : आज रॉयल चॅलेंजर्स बंगलोर आणि चेन्नई सुपर किंग्ज यांच्यात सामना appeared first on थोडक्यात घडामोडी.

IPL 2022 : आयपीएलमध्ये आज गुजरात टायटन्स आणि रॉयल चॅलेंजर्स बंगळुरू यांच्यात सामना सुरु आहे. या सामन्यात रॉयल चॅलेंजर्स बंगळुरूने गुजरात टायटन्सला १७१ धावांचे लक्ष्य दिले आहे. बंगळुरूसाठी सर्वाधिक धावा विराट कोहलीच्या बॅटमधून आल्या. त्याने 53 चेंडूत 58 धावांची खेळी खेळली.

त्याचवेळी रजत पाटीदारने 52 धावा केल्या. 32 चेंडूत 52 धावा करून तो बाद झाला. त्याने 5 चौकार आणि 2 षटकार मारले. मॅक्सवेलनेही या सामन्यात शानदार खेळी खेळली आणि अवघ्या 18 चेंडूत 33 धावा केल्या. आजच्या सामन्यात कार्तिक केवळ 2 धावा करून बाद झाला. तर आरसीबीचा कर्णधार फाफ डू प्लेसिस या सामन्यात आपले खातेही उघडू शकला नाही.

गुजरातविरुद्ध विराट कोहली फॉर्ममध्ये परतला आहे. त्याने 53 चेंडूत 58 धावांची खेळी खेळली. त्याने 6 चौकार आणि 1 षटकार मारला. आयपीएल 2022 मधील विराटचे हे पहिलेच अर्धशतक आहे. मात्र, त्याचा डाव थोडा संथ होता आणि त्याचा स्ट्राईक रेट फक्त 109 होता.

गुजरातकडून प्रदीप सांगवानने सर्वाधिक विकेट घेतल्या. IPL 2022 मध्ये पहिला सामना खेळताना या खेळाडूने 4 षटकात 19 धावा देऊन दोन विकेट घेतल्या.  गुजरात संघाने सामन्यात दोन बदल केले आहेत. यश दयाल आणि अभिनव मनोहर यांच्या जागी प्रदीप सांगवान आणि साई सुदर्शन यांची निवड करण्यात आली आहे. त्याचवेळी आरसीबीमध्ये सुयश प्रभुदेसाईच्या जागी महिपाल लोमरोरला संधी मिळाली आहे.

The post IPL 2022 : RCB चे गुजरात टायटन्ससमोर 171 धावांचे लक्ष्य, विराटचे या मोसमात पहिले अर्धशतक appeared first on थोडक्यात घडामोडी.

IPL 2022 : राजस्थान रॉयल्स आणि रॉयल चॅलेंजर्स बंगळुरू यांच्यात आज संध्याकाळी ७.३० वाजता सामना रंगणार आहे. हा सामना महाराष्ट्र क्रिकेट असोसिएशन स्टेडियमवर (MCA) होणार आहे. हे संघ या मोसमात दुसऱ्यांदा आमनेसामने येणार आहेत. पहिल्या सामन्यात राजस्थानविरुद्ध बंगळुरू संघ 4 विकेटने जिंकला होता.

राजस्थानचा संघ पहिल्या सत्रानंतर प्रथमच चॅम्पियन्सप्रमाणे खेळत आहे. याचा सर्वात मोठा पुरावा म्हणजे ऑरेंज कॅप विजेता जोस बटलर आणि पर्पल कॅप विजेता युजवेंद्र चहल हे राजस्थान संघाचा भाग आहेत. बटलरचा फॉर्म पाहून त्याने एका मोसमात सर्वाधिक धावा करण्याचा विक्रम मोडण्याचा पूर्ण निर्धार केल्याचे दिसून येते. सोबत संजू सॅमसन आणि देवदत्त पडिक्कल देखील आता चांगल्या फॉर्ममध्ये आहेत. युझवेंद्र चहलच्या आगमनाने गोलंदाजी अधिक मजबूत झाली आहे. कृष्णा, नवदीप सैनी आणि ट्रेंट बोल्ट ही प्रसिद्ध जोडी पॉवरप्ले आणि डेथ ओव्हर्समध्ये विकेट घेण्यात सातत्याने यशस्वी ठरली आहे. संपूर्ण संघाने एक युनिट म्हणून कामगिरी बजावली तर बंगळुरूला खडतर आव्हानाचा सामना करावा लागू शकतो.

रॉयल चॅलेंजर्स बंगळुरूनेही राजस्थानप्रमाणेच 5 सामने जिंकले आहेत पण दोघांमध्ये मूलभूत फरक आहे. वास्तविक, बंगळुरूला बऱ्याच दिवसांपासून चांगली सलामीची भागीदारी करता आलेली नाही. अनुज रावतने फक्त एक चांगली खेळी खेळली पण त्यानंतर त्याची बॅट शांत झाली. प्रत्येक सामन्यात दिनेश कार्तिक आणि फाफ डू प्लेसिसची जोडी संघासाठी सामना जिंकून देऊ शकत नाही. बाकीच्या खेळाडूंनाही त्यांची जबाबदारी समजून घ्यावी लागेल.

The post IPL 2022 : आज राजस्थान रॉयल्स आणि रॉयल चॅलेंजर्स बंगळुरू यांच्यात सामना appeared first on थोडक्यात घडामोडी.

IPL २०२१ : आज अहमदाबाद येथे होणार कोलकाता नाईट रायडर्स आणि रॉयल चॅलेंजर्स बेंगलुरू यांच्यातील सामना कोरोनामुळे रद्द झाला आहे. कोलकाता नाईट रायडर्स संघातील एका खेळाडूची कोरोना चाचणी पॉझिटिव्ह आल्याची माहिती मिळत आहे, त्यामुळे आजचा सामना पुढे ढकलला आहे.

मिळालेल्या माहितीनुसार, कोलकाता नाईट रायडर्स संघातील काही खेळाडू आणि कर्मचारी आजारी पडले आहेत आणि ते विलगीकरणात आहेत. दोन खेळाडूंना कोरोनाची लागण झाल्याची माहिती मिळत आहे. त्यामुळे कोलकाता नाईट रायडर्स आणि रॉयल चॅलेंजर्स बेंगलुरू यांच्यातील आजचा आयपीएल सामना रद्द झाला आहे. हा सामना अहमदाबादमध्ये होणार होता. आयपीएलने याबाबत ट्विट करत अधिकृत माहिती दिली आहे.

UPDATE: IPL reschedules today’s #KKRvRCB match after two KKR players test positive. #VIVOIPL

Details – https://t.co/vwTHC8DkS7 pic.twitter.com/xzcD8aijQ0

— IndianPremierLeague (@IPL) May 3, 2021

The post ब्रेकिंग : आयपीएलचा आज KKR आणि RCB यांच्यात होणारा सामना रद्द.. appeared first on थोडक्यात घडामोडी.

मुंबई : ऑलराउंडर रविंद्र जडेजाच्या धडाकेबाज कामगिरीच्या जोरावर चेन्नई सुपर किंग्जने रॉयल चॅलेंजर्स बेंगळुरूचा ६९ धावांनी पराभव केला. चेन्नईचा हा सलग चौथा विजय ठरला आणि बेंगळुरूचा हा पहिलाच पराभव होता. या विजयासह चेन्नईने गुणतक्त्यात अव्वल स्थान मिळवले. असून बेंगळुरूच्या संघाची घसरण झाली आहे.

कर्णधार महेंद्र सिंह धोनीने टॉस जिंकून प्रथम फलंदाजी करण्याचा निर्णय घेतला. ऋतुराज गायकवाड आणि फाफ डुप्लेसीस यांनी चेन्नईच्या डावाची सुरूवात केली. या दोघांनी पहिल्या विकेटसाठी ९.१ षटकात ७४ धावा केल्या. ऋतुराज २५ चेंडूत ३३ धावा करून बाद झाला. त्यानंतर आलेल्या रैनाने फाफसह चांगली भागीदारी केली. पण १११ धावांवर प्रथम रैना २४ धावांवर, तर फाफ ५० धावांवर बाद झाला. अंबाती रायडू ७ चेंडूत १४ धावा करून बाद झाला. अखेरच्या षटकात जडेजाच्या धमाकेदार फलंदाजीच्या जोरावर चेन्नईने २० षटाकत १९१ धावा केल्या. जडेजाने २८ चेंडूत नाबाद ६२ धावा केल्या. जडेजाने हर्षल पटेलच्या अखेरच्या षटकात पाच षटकार मारले. त्याने या षटकात ३७ धावा केल्या. आयपीएलच्या इतिहासातील हे सर्वात महाग षटक ठरले.

Big effort in the field today to go past #RCB. This is one victory that @ChennaiIPL will cherish for a long time! https://t.co/9lEz0r9hZo #SRHvDC #VIVOIPL pic.twitter.com/7N3a1y4OmI

— IndianPremierLeague (@IPL) April 25, 2021

विजयासाठी १९२ धावांचे लक्ष्य घेऊन मैदानात उतरलेल्या बेंगळुरूची सुरूवात चांगली झाली. पहिल्या ३ षटकात देवदत्त पडिक्कल आणि विराट कोहली यांनी ४४ धावा केल्या. पण सॅम करनने चौथ्या ओव्हरच्या पहिल्याच चेंडूवर विराट कोहलीला (८ धावा) बाद केले. त्यानंतर शार्दुलने देवदत्तला बाद केले. देवदत्तने १५ चेंडूत ३४ धावा केल्या. तिसऱ्या क्रमांकावर आलेल्या वॉशिंग्टन सुंदरला जडेजाने बाद केले. त्यानंतर जडेजाने ग्लेन मॅक्सवेलला क्लीन बोल्ड केलं. नंतर डॅनियल ख्रिस्टिनला जडेजाने धावबाद केले. बेंगळुरूची अवस्था ५ बाद ८१ अशी होती. मैदानावर एबी डिव्हिलियर्स असल्याने आरसीबीला आशा होत्या. पण जडेजाने पुन्हा एकदा कमाल करत त्याला देखील क्लीन बोल्ड केले आणि बेंगळुरूचा पराभव निश्चित केला. बेंगळुरूने २० षटकात ९ बाद १२२ धावा केल्या.

या सामन्यात जडेजाने नाबाद ६२ धावा केल्या. गोलंदाजीत ४ षटकात १३ धावा देत ३ विकेट तर क्षेत्ररक्षणात एकाला धावबाद केले. आजच्या सामन्यात जडेजाने अतिशय दमदार कामगिरी केली.

The post वाह! आजचा दिवस जडेजाचा.. २८ चेंडूत नाबाद ६२ धावा, ३ विकेट आणि बरंच काही… CSK चा शानदार विजय appeared first on थोडक्यात घडामोडी.

मुंबई : रॉयल चॅलेंजर्स बेंगळुरूविरुद्धच्या सामन्यात चेन्नई सुपर किंग्जने प्रथम फलंदाजी करत ४ बाद १९१ धावा केल्या. चेन्नईकडून जडेजाने सर्वाधिक २८ चेंडूत ६२ धावा केल्या. फाफ डुप्लेसिसने ५० धावा केल्या. तर बेंगळुरूकडून हर्षल पटेलने ३ विकेट घेतल्या. जडेजाने अखेरच्या षटकात वादळी फलंदाजी केली. त्याने फक्त २४ चेंडूत अर्धशतक झळकावले.

मुंबईच्या वानखेडे मैदानावर सुरू असलेल्या सामन्यात चेन्नईचा कर्णधार महेंद्र सिंह धोनीने नाणेफेक जिंकून प्रथम फलंदाजी करण्याचा निर्णय घेतला. ऋतुराज गायकवाड आणि फाफ डु प्लेसीस यांनी चेन्नईच्या डावाची सुरूवात केली. या दोघांनी पहिल्या विकेटसाठी ९.१ षटकात ७४ धावा केल्या. ऋतुराज २५ चेंडूत ३३ धावा करून बाद झाला. त्यानंतर आलेल्या रैनाने फाफसह चांगली भागीदारी केली. पण १११ धावांवर अगोदर रैना २४ धावांवर तर फाफ ५० धावांवर बाद झाला. त्यामुळे चेन्नईची अवस्था ३ बाद १११ अशी झाली. अंबाती रायडू ७ चेंडूत १४ धावा करून बाद झाला.

अखेरच्या षटकात जडेजाच्या धमाकेदार फलंदाजीच्या जोरावर चेन्नईने २० षटकात १९१ धावा केल्या. जडेजाने हर्षल पटेलच्या अखेरच्या षटकात पाच षटकार मारले आणि चेन्नईला या सामन्यात मोठी आघाडी मिळवून दिली. त्याने २३ चेंडूत अर्धशतक केले. जडेजाने अखेरच्या षटकात ३७ धावा केल्या. आयपीएलच्या इतिहासातील हे सर्वात महाग षटक ठरले.

The post सर जडेजाची कमाल.. अखेरच्या षटकात केल्या 37 धावा, बेंगळुरूला दिले 192 धावांचे आव्हान appeared first on थोडक्यात घडामोडी.

IPL २०२१ : आज होणाऱ्या डबल हेडर सामन्यात चेन्नई सुपर किंग्ज (CSK) आणि रॉयल चॅलेंजर्स बंगळुरू (RCB) यांच्यात दुपारी ३.३० वाजता सामना रंगणार आहे. मुंबई येथे होणारा हा सामना वानखेडे स्टेडियमवर खेळला जाईल. तर दिल्ली कॅपिटल्स (DC) आणि सनरायझर्स हैदराबाद यांच्यात रात्री ७.३० वाजता सामना खेळला जाईल.

विराट कोहलीच्या नेतृत्वात बंगळुरू संघाने हंगामात आतापर्यंतचे सर्व 4 सामने जिंकले आहेत. त्याचबरोबर सीएसकेने महेंद्रसिंग धोनीच्या नेतृत्वात 4 पैकी 3 सामने जिंकले आहेत. पॉईंट टेबलमध्ये आरसीबी अव्वल आहे, तर सीएसके नंबर -2 वर आहे. चेन्नई संघाने बंगळुरूवर नेहमीच वर्चस्व राखले आहे. आतापर्यंत दोघांमधील 27 सामन्यांमध्ये सीएसकेने 17 तर आरसीबीने केवळ 9 सामने जिंकले आहेत. एक सामना अनिश्चित होता.

आज डबल हेडरच्या दुसर्‍या सामन्यात दिल्ली कॅपिटल्सचा सामना सनरायझर्स हैदराबादशी होईल. या हंगामात चेन्नईत खेळला जाणारा हा शेवटचा सामना असेल. दिल्ली सध्या ४ पैकी ३ सामन्यांत विजय मिळवून 6 गुणांसह पॉईंट टेबलमध्ये तिसऱ्या क्रमांकावर आहे. त्याचबरोबर हैदराबादची टीम 4 सामन्यांमध्ये २ गुणांसह सातव्या क्रमांकावर आहे.

मागील मोसमप्रमाणे दिल्लीची टीम या वेळी चांगल्या लयीत दिसत आहे. ऋषभ पंतच्या नेतृत्वात दिल्लीने चेन्नई आणि मुंबई पंजाब या संघांचा पराभव केला आहे. मात्र राजस्थानकडून त्यांना पराभवाचा सामना करावा लागला आहे.

डेव्हिड वॉर्नरचे अवघा 1 षटकार मारताच आयपीएल कारकिर्दीत 200 षटकार पूर्ण होणार आहेत. याखेरीज त्याने आज अर्धशतक ठोकले तर स्पर्धेत त्याच्या नावे 50 अर्धशतक पूर्ण होतील. तसेच वॉर्नर टी -20 क्रिकेटमध्ये 10,000 धावा पूर्ण करण्यापासून अवघ्या 46 धावा दूर आहे.

The post IPL डबल हेडर : आज दुपारी चेन्नई आणि बेंगळुरू यांच्यात सामना, तर रात्री दिल्ली आणि हैदराबाद यांच्यात सामना appeared first on थोडक्यात घडामोडी.

मुंबई : राजस्थान रॉयल्सच्या संघाने दिलेले टार्गेट बंगळुरुच्या सलामी जोडीने सहज पार केले. या सामन्यातील दिमाखदार विजयासह बंगळुरुने सलग चौथा विजय नोंदवत धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला. पहिल्यांदा बॅटिंग करणाऱ्या राजस्थानने निर्धारित 20 षटकात 9 बाद 177 धावा केल्या होत्या. या धावांचा पाठलाग करण्यासाठी कर्णधार विराट कोहली आणि देवदत्त पडिक्कलने बंगळुरुच्या डावाला सुरुवात केली. या दोघांना बाद करण्यात राजस्थानच्या एकाही गोलंदाजाला यश मिळाले नाही. देवदत्त पडिक्कलने 52 चेंडूत 11 चौकार आणि 6 षटकाराच्या मदतीने नाबाद 101 धावांची खेळी केली. दुसऱ्या बाजूला विराट कोहलीने 47 चेंडूत 6 चौकार आणि 3 षटकाराच्या मदतीने 72 धावांची खेळी केली.

आयपीएल सामन्यात राजस्थाननं बंगळुरुसमोर विजयासाठी 178 धावांचं लक्ष्य ठेवलं होतं. बंगळुरुने नाणेफेक जिंकत प्रथम क्षेत्ररक्षणाचा निर्णय घेतला होता. राजस्थानने सुरुवातीला चार विकेट झटपट गमावल्या. सुरुवातीला जोस बटलर, मनन वोहरा, डेविड मिलर आणि संजू सॅमसन स्वस्तात बाद झाल्यानं राजस्थानचा डाव गडगडला. मात्र शिवम दुबे आणि रियाननं राजस्थानचा डाव सावरला. त्यानंतर रियान पराग 25 धावा करुन बाद झाला. तर शिवम दुबे केन रिचर्डसनच्या गोलंदाजीवर फटका मारण्याच्या ग्लेन मॅक्सवेलच्या हाती झेल देऊन बाद झाला. शिवमने 32 चेंडूत 46 धावांची खेळी केली. त्यानंतर राहुल तेवतियाने 23 चेंडूत 40 धावांची खेळी केली. मोहम्मद सिराजने चांगली गोलंदाजी करत 4 षटकात 27 धावा देत 3 तर हर्षल पटेलने 4 षटकात 47 धावा देत 3 गडी बाद केले.

आयपीएल स्पर्धेत रॉयल चॅलेंजर्स बंगळुरुची विजयी घोडदौड सुरुच आहे. राजस्थान विरुद्धचा सामना जिंकत बंगळुरुने विजयी चौकार मारला आहे. या सामन्यात विराट आणि देवदत्त पडिक्कल या जोडीनं राजस्थाननं विजयासाठी दिलेलं १७८ धावांचं लक्ष्य सहज गाठलं. बंगळुरुने १७ व्या षटकातच हे आव्हान पूर्ण केलं. १० गडी राखून आणि २१ चेंडू शिल्लक ठेवून बंगळुरुने हा विजय मिळवला. देवदत्तनं ५२ चेंडूत नाबाद १०१ धावा केल्या. तर विराटने ४७ चेंडूत नाबाद ७२ धावा केल्या. या विजयासह आयपीएल गुणतालिकेत बंगळुरुचा संघ अव्वल स्थानी पोहोचला आहे. बंगळुरुने यापूर्वी पहिल्या सामन्यात मुंबईला, दुसऱ्या सामन्यात हैदराबादला आणि तिसऱ्या सामन्यात कोलकाताला पराभूत केलं आहे. या विजयासह बंगळुरुचे गुणतालिकेत ८ गुण झाले आहेत.

1. देवदत्त पडीक्कलचे अफलातून शतक
   बंगळुरुचा युवा सलामीवीर देवदत्त पडीक्कलने चौकार ठोकत 51 चेंडूत शतक झळकावलं आहे. देवदत्तच्या आयपीएल कारकिर्दीतील हे पहिलंवहिलं शतक ठरलं आहे. देवदत्त आयपीएलमध्ये शतक लगावणारा तिसरा युवा फलंदाज ठरला आहे.
2. विराटने आयपीएलमध्ये रचला इतिहास, ६००० धावा करणारा पहिला फलंदाज
   विराटने ४७ चेंडूत ७२ धावांची नाबाद खेळी केली. यात ६ चौकार आणि ३ षटकारांचा समावेश आहे.विराट कोहलीनं आयपीएलमधलं ४० वं अर्धशतक केलं. या अर्धशतकासंह त्याने आयपीएलमध्ये ६००० धावा पूर्ण केल्या आहे. आयपीएलमध्ये इतकी धावसंख्या करणारा तो पहिला फलंदाज आहे.
3. गुणतालिकेत आठ गुण कमावणारा आरसीबी हा पहिला संघ
   या सामन्यातील दिमाखदार विजयासह बंगळुरुन सलग चौथा विजय नोंदवला असून या विजयासह आरसीबीने धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला.

The post राजस्थान विरुद्धच्या सामन्यात विराटसेनेचा १० विकेट्स राखून दणदणीत विजय, विराटने आयपीएलमध्ये रचला इतिहास तर पडीक्कलचे पहिले शतक… appeared first on थोडक्यात घडामोडी.

IPL २०२१ डबल हेडर : IPL २०२१ च्या पहिल्या डबल हेडरमध्ये आज रॉयल चॅलेंजर्स बंगळुरू आणि कोलकाता नाईट रायडर्स यांच्यात दुपारी ३.३० वाजता सामना रंगणार आहे. चेन्नईच्या चेपक स्टेडियमवर हा सामना होईल. तर दिल्ली कॅपिटल्स आणि पंजाब किंग्ज यांच्यात रात्री ७.३० वाजता मुंबईच्या वानखेडे स्टेडियमवर खेळला जाईल.

मागील दोन्ही सामने रॉयल चॅलेंजर्स बंगळुरूने जिंकले आहेत. तर कोलकाता नाईट रायडर्स संघाने 2 पैकी 1 सामना जिंकला आणि 1 गमावला आहे. तर दिल्ली कॅपिटल्स आणि पंजाब किंग्ज या दोन्ही संघांनी 2 पैकी 1 सामना जिंकला आणि 1 गमावला आहे. या दोन्ही संघांची फलंदाजी खूपच मजबूत आहे. आतापर्यंत दिल्ली आणि पंजाब यांच्यात आयपीएलमध्ये एकूण 26 मॅच खेळल्या गेल्या आहेत. त्यापैकी पंजाबने 15 आणि दिल्लीने 11 सामने जिंकले.

खेळपट्टीचा अहवाल :

चेपकची खेळपट्टी स्पिनर्सला उपयुक्त ठरली आहे. या मोसमात फिरकी गोलंदाजांनी या मैदानावर 26 बळी घेतले आहेत. या मैदानावर या हंगामात आतापर्यंत 5 सामने झाले आहेत. त्यात प्रथम फलंदाजी करणार्‍या संघाने 4 सामने जिंकले तर नंतर फलंदाजी करणाऱ्या संघाने केवळ १ सामना जिंकला.

वानखेडेची खेळपट्टी वेगवान गोलंदाजांसाठी उपयुक्त ठरेल. 2019 मध्ये वानखेडे येथे 7 सामने खेळले गेले. यापैकी 3 वेळा प्रथम फलंदाजी करणाऱ्या संघाने 185 च्या वर धावा केल्या. दिल्ली कॅपिटलचा संघ अधिक आक्रमकपणे खेळत आहे आणि येथील खेळपट्टी त्यांच्या खेळाडूंच्या फलंदाजीला अधिक अनुकूल ठरेल, अशी शक्यता आहे. नाणेफेक जिंकणारा संघ प्रथम क्षेत्ररक्षण करण्याचा निर्णय घेऊ शकतो.

The post IPL डबल हेडर : आज दुपारी बेंगलुरु आणि कोलकाता यांच्यात सामना, तर रात्री दिल्ली आणि पंजाब यांच्यात सामना appeared first on थोडक्यात घडामोडी.

विराट कोहलीच्या RCB संघाचं आयपीएलच्या तेराव्या हंगामातलं आव्हान संपुष्टात आलं आहे. संघाच्या पराभवानंतर विराट कोहलीने RCB च्या कर्णधारपदाचा राजीनामा द्यावा अशी मागणी होत आहे. यातच आता संजय मांजरेकर यांनी एक पाऊल पुढे जात RCB च्या टीम मॅनेजमेंटला विराट कोहलीबद्दल निर्णय घ्यावा लागेल असं म्हटलं आहे.

“आता ही गोष्ट कर्णधारावर अजिबात अवलंबून राहिलेली नाही. याबद्दल टीम मॅनेजमेंट आणि मालकांनी निर्णय घ्यायला हवा. कारण नेतृत्व कोण करेल आणि संघाला कशाप्रकारच्या कर्णधाराची गरज आहे हे निर्णय मॅनेजमेंट आणि मालक घेत असतात. जर तुम्हाला परिस्थितीत बदल झालेला पहायचा असेल आणि चांगले निकाल हवे असतील तर कर्णधार बदलणं गरजेचं आहे. विराट कोहलीने स्वतः मी चांगली कामगिरी केली नाहीये, हे सांगणं मला अपेक्षित नाही. इकडे संघाच्या मालकांनी हा निर्णय घेतला पाहिजे. जर RCB चा संघ आतापर्यंत एकही विजेतेपद जिंकू शकलेला नाही तर मी यासाठी संघ मालकांना जास्त दोषी धरेन कारण त्यांनी संघाला योग्य नेतृत्व दिलं नाही.” असं मत संजय मांजरेकर यांनी व्यक्त केलं आहे.

The post RCB चा कर्णधार बदलणं गरजेचं, संघाच्या मॅनेजमेंट आणि मालकांनी निर्णय घ्यावा – संजय मांजरेकर appeared first on थोडक्यात घडामोडी.