अहमदाबाद : राजस्थान रॉयल्ससाठी आज सर्वात महत्वाचा सामना सुरु होणार आहे. पण हा सामना सुरु होण्यापूर्वीच राजस्थानसाठी एक आनंदाची बातमी आली आहे.  राजस्थानच्या संघासाठी आजचा सामना सर्वात महत्वाचा असेल. कारण यापूर्वीच्या सामन्यात राजस्थआनला गुजरातकडून पराभवाचा धक्का बसला होता. पण पराभवानंतरही त्यांना अंतिम फेरीत पोहोचण्याची नामी संधी आहे.

या सामन्यात खेळपट्टी कशी असेल हे सर्वात महत्वाचे समजले जात आहे. या खेळपट्टीवर कोणत्याही भेगा नाहीत, त्यामुळे दुसऱ्या डावात फलंदाजी करणाऱ्या संघाला मोठी फटकेबाजी करता येऊ शकते. त्याचबरोबर संजू सॅमसन हा सातत्याने टॉस हरत असल्याचे समोर येत होते. पण या महत्वाच्या सामन्यात मात्र संजूने टॉस जिंकला आहे. संजूने टॉस जिंकत यावेळी प्रथम गोलंदाजी करण्याचा निर्णय घेतला आहे. त्यामुळे आता आरसीबी जे आव्हान ठेवेल त्याचा यशस्वी पाठलाग त्यांना करावा लागणार आहे. पण यासाठी दोन सकारात्मक गोष्टी राजस्थानच्या संघाकडे असतील.

पहिली गोष्ट म्हणजे दुसऱ्या डावात दवाचे प्रमाण जास्त असते आणि त्याचा फायदा त्यांच्या फलंदाजांना मिळू शकतो. कारण दव पडल्यावर चेंडू ओला होतो आणि तो जास्त जड होतो. त्यामुळे चेंडू बॅटवर उत्तमरीत्या येतो आणि याचा फायदा फलंदाजांना होत असतो. त्यामुळे हा फायदा नक्कीच राजस्थानला मिळणार आहे. त्याचबरोबर खेळपट्टीवर यावेळी पाटा असल्याचे पाहायला मिळत आहे. त्यामुळे दुसऱ्या डावात फलंदाजी करताना चेंडू संथगतीने येणार नाही. चेंडू बॅटवर थेट येईल आणि त्याचा फायदा राजस्थानला होणार आहे. त्यामुळे राजस्थानसाठी या जमेच्या बाजू असल्याचे समोर आले आहे. त्यामुळे आता राजस्थानचा संघ या सामन्यात कशी कामगिरी करतो, याकडे सर्वांचे लक्ष लागलेले असेल. आरसीबीचा संघ या सामन्यात किती धावा करतो आणि राजस्थानचा संघ हे आव्हान पूर्ण करतो का याकडे सर्वांचे लक्ष असेल.

The post सामना सुरु होण्यापूर्वीच राजस्थानसाठी गूड न्यूज, सामन्यापूर्वी नेमकं घडलं तरी काय… appeared first on थोडक्यात घडामोडी.

IPL 2022 : रॉयल चॅलेंजर्स बंगळुरूचा वेगवान गोलंदाज हर्षल पटेलची बहीण अर्चिता पटेल यांचे निधन झाले आहे. यानंतर हर्षल बायो बबल सोडून घराकडे निघाला आहे. काल हर्षल मुंबईविरुद्ध सामना खेळत असताना त्याच्या बहिणीचे निधन झाले. अर्चिता तीन भावंडांमध्ये सर्वात लहान असून काही दिवसांपासून आजारी होती. हर्षल एक दिवसासाठी त्याच्या घरी गेला असून एक दिवसानंतर तो संघात सामील होईल. मात्र, बायो बबलच्या बाहेर गेल्यामुळे त्याला क्वारंटाइनचा नियम पाळावा लागू शकतो आणि तो चेन्नईविरुद्धच्या सामन्यात संघाबाहेर राहू शकतो. आरसीबीचा पुढील सामना १२ एप्रिलला चेन्नईशी होणार आहे.

हर्षलने या हंगामात आरसीबीसाठी चांगली कामगिरी केली आहे. त्याने चार सामन्यांत सहा विकेट घेतल्या असून त्याची इकॉनॉमी सहापेक्षा कमी आहे. मुंबईविरुद्धच्या सामन्यातही त्याने आपल्या संघाला पहिले यश मिळवून दिले. या सामन्यात त्याने चार षटकात २३ धावा देत दोन विकेट घेतल्या.

आरसीबी व्यवस्थापनाने मदत केली
हर्षल पटेलच्या बहिणीच्या मृत्यूनंतर आरसीबी व्यवस्थापनाने घाईघाईत त्याची घरी जाण्याची व्यवस्था केली. व्यवस्थापनाच्या मदतीने हर्षल त्याच्या घरी पोहोचला आहे. बहिणीच्या अंत्यसंस्कारात सहभागी झाल्यानंतर तो पुन्हा आयपीएलमध्ये आपल्या संघात सामील होणार आहे.

गतवर्षी पर्पल कॅप जिंकणारा हर्षल यंदा त्याच्या संघाचा सर्वात महत्त्वाचा गोलंदाज आहे. मेगा लिलावात त्याला RCB संघाने 10.75 कोटींना विकत घेतले. आतापर्यंत त्यांची कामगिरी त्याच्या किंमतीशी सुसंगत आहे.

हर्षल हा साणंदचा रहिवासी आहे
हर्षल पटेल हा गुजरातमधील साणंदचा रहिवासी आहे. मात्र, देशांतर्गत क्रिकेटमध्ये तो हरियाणाकडून खेळतो. आयपीएल 2021 मध्ये अप्रतिम कामगिरी करून हर्षलने भारतीय संघातही स्थान मिळवले आहे. त्याने भारतासाठी आठ टी-२० सामने खेळले आहेत. ऑस्ट्रेलियात होणार्‍या टी-20 विश्वचषकातही हर्षलचे खेळणे जवळपास निश्चित झाले आहे. बुमराह आणि भुवनेश्वरनंतर तिसरा वेगवान गोलंदाज म्हणून तो भारतीय संघाचा भाग बनू शकतो.

The post RCB च्या स्टार गोलंदाजाच्या बहिणीचे निधन, अंत्यसंस्कारात सहभागी होण्यासाठी सोडला बायो बबल appeared first on थोडक्यात घडामोडी.

शारजाह : आयपीएलच्या कालच्या एलिमिनेटर सामन्यात कोलकाताविरुद्ध आरसीबीचा पराभव झाला. त्यामुळे विराट कोहली चांगलाच भावूक झाल्याचे पाहायला मिळाले.

विराट म्हणाला की, “आतापर्यंत मी माझे सर्वोत्तम देण्याचा प्रयत्न केला. गेल्या तीन वर्षांमध्ये संघाची चांगली बांधणी झाली होती. पण आता यापुढे मी आरसीबीचा कर्णधार राहणार नाही. पण अखेरच्या दिवसापर्यंत मी आरसीबीबरोबर असलेली कमिटमेंट कायम ठेवणार आहे. मी आरसीबीचा कर्णधार नसलो तरी संघाबरोबर एक खेळाडू म्हणून नक्कीच कायम असेन.”

आतापर्यंतचा कोलकाताच्या संघाचा युएईमधला रेकॉर्ड आहे की त्यांनी इथे धावांचा पाठलाग करताना एकही सामना गमावलेला नाही. मात्र, केकेआरविरुद्धच्या या महत्वाच्या सामन्यात कोहलीने नाणेफेक जिंकली आणि त्याने प्रथम फलंदाजी करण्याचा निर्णय घेतला. त्यामुळे हा निर्णय चुकल्याचे पाहायला मिळाले.

विराटने सामन्यादम्यान पंचांशी हुज्जत घातली

आरसीबीविरुद्धच्या या सामन्यात कोलकाताचा राहुल त्रिपाठी याच्या पॅडला चेंडू लागला. त्यावेळी आरसीबीच्या संघाने जोरदार अपील केले. पण मैदानातील पंचांनी राहुलला नाबाद ठरवले. त्यानंतर कोहलीने डीआरएस घेतला. यावेळी तिसऱ्या पंचांनी राहुलला बादही दिले. पण तरीही कोहली मैदानातील पंचांकडे गेला आणि त्यांच्याशी हुज्जत घालायला लागला. चुक सुधारल्यावरही पंचांशी हुज्जत घालणे, याचे समर्थन कोणीही करू शकत नाही.

The post आरसीबीच्या पराभवानंतर विराट कोहलीने घेतला मोठा निर्णय appeared first on थोडक्यात घडामोडी.

IPL २०२१ : आज अहमदाबाद येथे होणार कोलकाता नाईट रायडर्स आणि रॉयल चॅलेंजर्स बेंगलुरू यांच्यातील सामना कोरोनामुळे रद्द झाला आहे. कोलकाता नाईट रायडर्स संघातील एका खेळाडूची कोरोना चाचणी पॉझिटिव्ह आल्याची माहिती मिळत आहे, त्यामुळे आजचा सामना पुढे ढकलला आहे.

मिळालेल्या माहितीनुसार, कोलकाता नाईट रायडर्स संघातील काही खेळाडू आणि कर्मचारी आजारी पडले आहेत आणि ते विलगीकरणात आहेत. दोन खेळाडूंना कोरोनाची लागण झाल्याची माहिती मिळत आहे. त्यामुळे कोलकाता नाईट रायडर्स आणि रॉयल चॅलेंजर्स बेंगलुरू यांच्यातील आजचा आयपीएल सामना रद्द झाला आहे. हा सामना अहमदाबादमध्ये होणार होता. आयपीएलने याबाबत ट्विट करत अधिकृत माहिती दिली आहे.

UPDATE: IPL reschedules today’s #KKRvRCB match after two KKR players test positive. #VIVOIPL

Details – https://t.co/vwTHC8DkS7 pic.twitter.com/xzcD8aijQ0

— IndianPremierLeague (@IPL) May 3, 2021

The post ब्रेकिंग : आयपीएलचा आज KKR आणि RCB यांच्यात होणारा सामना रद्द.. appeared first on थोडक्यात घडामोडी.

इंडियन प्रीमियर लीग ही भारतातील एक अत्यंत लोकप्रिय क्रीडा स्पर्धा मानली जाते. जेव्हा जेव्हा आयपीएलचा हंगाम येतो तेव्हा तेव्हा चाहते नवीन रेकॉर्डचा अनुभव घेण्यासाठी त्यांच्या टीव्ही स्क्रीनसमोर बसून राहतात आणि दुसरीकडे यातून क्रिकेटमध्ये नवीन स्टार खेळाडू उदयास येतात. आयपीएलमध्ये टी-२० स्वरूपाच्या या खेळात अनेक विक्रम झाले आणि ते मोडताने देखील आपण पाहिले आहेत. 23 एप्रिल २०१३ रोजी दोन मोठे रेकॉर्ड  नोंदवले गेले आहेत. आजही ते कायम आहेत.

आयपीएलच्या इतिहासात कोणत्या संघाने सर्वाधिक धावा केल्या आहेत?
आयपीएलमध्ये 23 एप्रिल 2013 रोजी बेंगळुरू येथे आयपीएलच्या इतिहासातील सर्वाधिक धावा नोंदविण्यात आल्या. रॉयल चॅलेंजर्स बेंगळुरू आणि सहारा पुणे वॉरियर्स यांच्यात हा सामना झाला होता. या सामन्यात रॉयल चॅलेंजर्स बंगळुरूने 263/5 धावांची नोंद केली आणि आयपीएलमधील सर्वाधिक धावांचा विक्रम नोंदविला. या सामन्यात ख्रिस गेल याने  66 चेंडूंत नाबाद १७५ धावा केल्या. ख्रिस गेलने १३ फोर आणि १७ सिक्स लगावले होते. त्यात त्याचा स्ट्राइक रेट 265.15 होता. सहारा पुणे वॉरियर्सने  २० षटकांत केवळ १33 धावा केल्या होत्या. ख्रिस गेल १७५ धावाकरत सर्वाधिक धावांचा विक्रम नोंदवला.

This score came in 2013 and is also the highest total ever posted by any team in the history of IPL. #PlayBold #KnowYourBold pic.twitter.com/JhM4nfPzYS

— Royal Challengers Bangalore (@RCBTweets) November 20, 2018

आयपीएलच्या इतिहासातील सर्वाधिक धावांचा पाठलाग?
आयपीएलमध्ये सर्वाधिक धावांचा पाठलाग IPL २०२० मध्ये झाला होता. IPL २०२० चा 9 वा सामना पंजाब किंग्ज आणि राजस्थान रॉयल्स यांच्यात 27 सप्टेंबर 2020 रोजी शारजाह क्रिकेट स्टेडियमवर झाला होता. यात पंजाब किंग्जने 223 धावांची नोंद केली. मयंक अग्रवालने 50 चेंडूत 106 धावांचे शानदार शतक झळकावले.

?RECORD ALERT?

We chase 224, the highest successful chase in #IPL history!! ??

P.S. We beat our own record. ?#RRvKXIP | #HallaBol | #RoyalsFamily

— Rajasthan Royals (@rajasthanroyals) September 27, 2020

त्या बदल्यात राजस्थान रॉयल्सच्या खेळाडूंनी उत्कृष्ट फलंदाजी करत ३ चेंडू शिल्लक असतानाच टार्गेट पूर्ण करून सामना जिंकला. त्यात संजू सॅमसन आणि स्टीव्ह स्मिथने प्रत्येकी 85 धावा आणि 50 धावा केल्या. राहुल तेवतियाने 31 चेंडूत 53 धावा करून डाव पुढे नेला तर जोफ्रा आर्चरने राजस्थान रॉयल्सकडून दोन षटकार ठोकत खेळ संपविला. संजू सॅमसनला सामनावीर म्हणून गौरविण्यात आले.

The post आयपीएलच्या इतिहासातील मोठे रेकॉर्ड, ‘या’ संघाने केल्या सर्वाधिक धावा तर ‘या’ खेळाडूने नोंदवला सर्वाधिक धावांचा विक्रम.. appeared first on थोडक्यात घडामोडी.

नवी दिल्ली : ऑस्ट्रेलियन खेळाडू अँड्र्यू टायने IPL 2021 मधून माघार घेतल्यानंतर आता अ‍ॅडम झॅम्पा आणि केन रिचर्डसन यांनीही स्पर्धेतून माघार घेतली आहे. भारतातील कोरोनाच्या वाढत्या संसर्गाच्या भीतीने या तिन्ही खेळाडूंनी या स्पर्धेतून आपली नावे मागे घेण्याचा निर्णय घेतला आहे. अ‍ॅडम झॅम्पा आणि केन रिचर्डसन हे दोघेही IPL मध्ये विराट कोहलीच्या नेतृत्वातील रॉयल चॅलेंजर्स बेंगलोर (RCB) चे खेळाडू आहेत.

कोरोनाच्या दुसर्‍या लाटेमुळे भारतात परिस्थिती अत्यंत वाईट झाली आहे. त्यामुळे आता हळूहळू खेळाडू या स्पर्धेतून नावे मागे घेत आहेत. सनरायझर्स हैदराबादशी सामना झाल्यानंतर दिल्ली कॅपिटलचा स्टार फिरकी गोलंदाज रविचंद्रन अश्विनने स्पर्धेतून आपले नाव मागे घेतले. आता रिचर्डसन आणि झॅम्पा हे आरसीबीचे खेळाडूही मायदेशी परतण्यास तयार आहेत. त्यामुळे रॉयल चॅलेंजर्स बेंगलोरसाठी हा मोठा धक्का आहे.

The post IPL 2021 : RCB ला मोठा धक्का, अ‍ॅडम झॅम्पा आणि केन रिचर्डसन यांची स्पर्धेतून माघार appeared first on थोडक्यात घडामोडी.

मुंबई : राजस्थान रॉयल्सच्या संघाने दिलेले टार्गेट बंगळुरुच्या सलामी जोडीने सहज पार केले. या सामन्यातील दिमाखदार विजयासह बंगळुरुने सलग चौथा विजय नोंदवत धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला. पहिल्यांदा बॅटिंग करणाऱ्या राजस्थानने निर्धारित 20 षटकात 9 बाद 177 धावा केल्या होत्या. या धावांचा पाठलाग करण्यासाठी कर्णधार विराट कोहली आणि देवदत्त पडिक्कलने बंगळुरुच्या डावाला सुरुवात केली. या दोघांना बाद करण्यात राजस्थानच्या एकाही गोलंदाजाला यश मिळाले नाही. देवदत्त पडिक्कलने 52 चेंडूत 11 चौकार आणि 6 षटकाराच्या मदतीने नाबाद 101 धावांची खेळी केली. दुसऱ्या बाजूला विराट कोहलीने 47 चेंडूत 6 चौकार आणि 3 षटकाराच्या मदतीने 72 धावांची खेळी केली.

आयपीएल सामन्यात राजस्थाननं बंगळुरुसमोर विजयासाठी 178 धावांचं लक्ष्य ठेवलं होतं. बंगळुरुने नाणेफेक जिंकत प्रथम क्षेत्ररक्षणाचा निर्णय घेतला होता. राजस्थानने सुरुवातीला चार विकेट झटपट गमावल्या. सुरुवातीला जोस बटलर, मनन वोहरा, डेविड मिलर आणि संजू सॅमसन स्वस्तात बाद झाल्यानं राजस्थानचा डाव गडगडला. मात्र शिवम दुबे आणि रियाननं राजस्थानचा डाव सावरला. त्यानंतर रियान पराग 25 धावा करुन बाद झाला. तर शिवम दुबे केन रिचर्डसनच्या गोलंदाजीवर फटका मारण्याच्या ग्लेन मॅक्सवेलच्या हाती झेल देऊन बाद झाला. शिवमने 32 चेंडूत 46 धावांची खेळी केली. त्यानंतर राहुल तेवतियाने 23 चेंडूत 40 धावांची खेळी केली. मोहम्मद सिराजने चांगली गोलंदाजी करत 4 षटकात 27 धावा देत 3 तर हर्षल पटेलने 4 षटकात 47 धावा देत 3 गडी बाद केले.

आयपीएल स्पर्धेत रॉयल चॅलेंजर्स बंगळुरुची विजयी घोडदौड सुरुच आहे. राजस्थान विरुद्धचा सामना जिंकत बंगळुरुने विजयी चौकार मारला आहे. या सामन्यात विराट आणि देवदत्त पडिक्कल या जोडीनं राजस्थाननं विजयासाठी दिलेलं १७८ धावांचं लक्ष्य सहज गाठलं. बंगळुरुने १७ व्या षटकातच हे आव्हान पूर्ण केलं. १० गडी राखून आणि २१ चेंडू शिल्लक ठेवून बंगळुरुने हा विजय मिळवला. देवदत्तनं ५२ चेंडूत नाबाद १०१ धावा केल्या. तर विराटने ४७ चेंडूत नाबाद ७२ धावा केल्या. या विजयासह आयपीएल गुणतालिकेत बंगळुरुचा संघ अव्वल स्थानी पोहोचला आहे. बंगळुरुने यापूर्वी पहिल्या सामन्यात मुंबईला, दुसऱ्या सामन्यात हैदराबादला आणि तिसऱ्या सामन्यात कोलकाताला पराभूत केलं आहे. या विजयासह बंगळुरुचे गुणतालिकेत ८ गुण झाले आहेत.

1. देवदत्त पडीक्कलचे अफलातून शतक
   बंगळुरुचा युवा सलामीवीर देवदत्त पडीक्कलने चौकार ठोकत 51 चेंडूत शतक झळकावलं आहे. देवदत्तच्या आयपीएल कारकिर्दीतील हे पहिलंवहिलं शतक ठरलं आहे. देवदत्त आयपीएलमध्ये शतक लगावणारा तिसरा युवा फलंदाज ठरला आहे.
2. विराटने आयपीएलमध्ये रचला इतिहास, ६००० धावा करणारा पहिला फलंदाज
   विराटने ४७ चेंडूत ७२ धावांची नाबाद खेळी केली. यात ६ चौकार आणि ३ षटकारांचा समावेश आहे.विराट कोहलीनं आयपीएलमधलं ४० वं अर्धशतक केलं. या अर्धशतकासंह त्याने आयपीएलमध्ये ६००० धावा पूर्ण केल्या आहे. आयपीएलमध्ये इतकी धावसंख्या करणारा तो पहिला फलंदाज आहे.
3. गुणतालिकेत आठ गुण कमावणारा आरसीबी हा पहिला संघ
   या सामन्यातील दिमाखदार विजयासह बंगळुरुन सलग चौथा विजय नोंदवला असून या विजयासह आरसीबीने धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला.

The post राजस्थान विरुद्धच्या सामन्यात विराटसेनेचा १० विकेट्स राखून दणदणीत विजय, विराटने आयपीएलमध्ये रचला इतिहास तर पडीक्कलचे पहिले शतक… appeared first on थोडक्यात घडामोडी.

विराट कोहलीच्या RCB संघाचं आयपीएलच्या तेराव्या हंगामातलं आव्हान संपुष्टात आलं आहे. संघाच्या पराभवानंतर विराट कोहलीने RCB च्या कर्णधारपदाचा राजीनामा द्यावा अशी मागणी होत आहे. यातच आता संजय मांजरेकर यांनी एक पाऊल पुढे जात RCB च्या टीम मॅनेजमेंटला विराट कोहलीबद्दल निर्णय घ्यावा लागेल असं म्हटलं आहे.

“आता ही गोष्ट कर्णधारावर अजिबात अवलंबून राहिलेली नाही. याबद्दल टीम मॅनेजमेंट आणि मालकांनी निर्णय घ्यायला हवा. कारण नेतृत्व कोण करेल आणि संघाला कशाप्रकारच्या कर्णधाराची गरज आहे हे निर्णय मॅनेजमेंट आणि मालक घेत असतात. जर तुम्हाला परिस्थितीत बदल झालेला पहायचा असेल आणि चांगले निकाल हवे असतील तर कर्णधार बदलणं गरजेचं आहे. विराट कोहलीने स्वतः मी चांगली कामगिरी केली नाहीये, हे सांगणं मला अपेक्षित नाही. इकडे संघाच्या मालकांनी हा निर्णय घेतला पाहिजे. जर RCB चा संघ आतापर्यंत एकही विजेतेपद जिंकू शकलेला नाही तर मी यासाठी संघ मालकांना जास्त दोषी धरेन कारण त्यांनी संघाला योग्य नेतृत्व दिलं नाही.” असं मत संजय मांजरेकर यांनी व्यक्त केलं आहे.

The post RCB चा कर्णधार बदलणं गरजेचं, संघाच्या मॅनेजमेंट आणि मालकांनी निर्णय घ्यावा – संजय मांजरेकर appeared first on थोडक्यात घडामोडी.

आयपीएलचा 48 वा सामना आज मुंबई इंडियन्स आणि रॉयल चॅलेंजर्स बंगळुरू यांच्यात अबू धाबी येथे रंगणार आहे. दोन्ही संघ 14-14 गुणांसह टॉप-2 मध्ये आहेत. अशा परिस्थितीत आजचा एक विजय त्यांचे प्ले ऑफमध्ये स्थान पक्के करू शकेल.

मागच्या वेळी दोन्ही संघात सामना झाला तेव्हा सुपर ओव्हर खेळावी लागली होती. दुबईत खेळल्या गेलेल्या दहाव्या सामन्यात बंगळुरूने प्रथम फलंदाजी करताना 3 गडी राखून 201 धावा केल्या. प्रत्युत्तरादाखल मुंबईनेही 5 गडी गमावून 201 धावा केल्या. शेवटी, बेंगळुरूने सुपर ओव्हरमध्ये सामना जिंकला.

मुंबई इंडियन्सने आतापर्यंत लीगमध्ये 198 सामने खेळले असून 116 विजय आणि 82 गमावले आहेत. त्याचबरोबर बेंगळुरूने आतापर्यंत 192 पैकी 91 सामने जिंकले आहेत आणि 97 गमावले आहेत. 4 सामन्याचा निकाल लागला नव्हता. मुंबईचा सक्सेस रेट 58.58% आणि बंगळुरुचा 48.13% असा सक्सेस रेट होता.

अबुधाबीमध्ये स्लो विकेट्स असल्यामुळे फिरकीपटूंना चांगलीच मदत होईल. नाणेफेक जिंकणार्‍या संघाला प्रथम गोलंदाजी करायला आवडेल.

The post IPL 2020 : आज मुंबई इंडियन्स आणि रॉयल चॅलेंजर्स बंगळुरू यांच्यात सामना appeared first on थोडक्यात घडामोडी.

अबुधाबी : RCB च्या गोलंदाजांसमोर अबु धाबीच्या मैदानावर कोलकाता नाईट रायडर्सच्या फलंदाजांनी संपूर्णपणे हार पत्करल्याचं पहायला मिळालं. नाणेफेक जिंकून प्रथम फलंदाजी करण्याचा KKR चा कर्णधार मॉर्गनचा निर्णय पूर्णपणे चुकला. सुरुवातीच्या षटकांपासून KKR च्या डावाला लागलेली गळती थांबवण्यात संघाचे फलंदाज अपयशी ठरले. २० षटकांत संघ अवघ्या ८४ धावांपर्यंत मजल मारु शकला. RCB कडून मोहम्मद सिराजने ३, युजवेंद्र चहलने २ तर नवदीप सैनी आणि वॉशिंग्टन सुंदर यांनी प्रत्येकी १-१ बळी घेतला.

शुबमन गिल आणि राहुल त्रिपाठी ही जोडी मैदानावर आली. परंतू RCB च्या गोलंदाजांनी सुरुवातीच्या षटकांपासूनच भेदक मारा करत कोलकाता नाईट रायडर्स वर दडपण आणलं. मोहम्मद सिराजने मिळालेल्या संघीचं सोनं करत एकाच षटकात राहुल त्रिपाठी आणि नितीश राणा यांना बाद केलं. शुबमन गिल देखील मोठा फटका खेळण्याच्या प्रयत्नात नवदीप सैनीच्या गोलंदाजीवर माघारी परतला. मैदानावर फटकेबाजी करु पाहणाऱ्या टॉम बँटनलाही सिराजने बाद केलं.

मोहम्मद सिराजने एकाच सामन्यात दोन षटकं निर्धाव टाकून ३ बळी घेत आयपीएलच्या इतिहासात विक्रमाची नोंद केली. फलंदाजीसाठी कर्णधारपद सोडलेला दिनेश कार्तिकही फारशी चमक दाखवू शकला नाही. युजवेंद्र चहलच्या गोलंदाजीवर १४ चेंडूत ४ धावा काढत तो माघारी परतला. चहलनेच पॅट कमिन्सला देवदत पडीकलकरवी झेलबाद करत माघारी धाडलं. KKR चा कर्णधार मॉर्गन एक बाजू सांभाळून होता…परंतू समोरच्या फलंदाजांकडून सपोर्ट मिळत नसल्यामुळे फटकेबाजीच्या प्रयत्नात त्यानेही आपली विकेट फेकली. कुलदीप यादव आणि लॉकी फर्ग्युसन यांनी अखेरच्या षटकांत पडझड रोखत संघाला ८४ धावांचा टप्पा गाठून दिला.

The post KKR चा कर्णधार मॉर्गनचा निर्णय पूर्णपणे चुकला, RCB च्या गोलंदाजांपुढे KKR चं पानिपत appeared first on थोडक्यात घडामोडी.