बिहारमध्ये दोन उपमुख्यमंत्री असण्याची शक्यता आहे. भाजपच्या रेणू देवी यांच्यासह तारकिशोर प्रसाद यांना उपमुख्यमंत्री पदाची जबाबदारी सोपवली जाऊ शकते. तारकिशोर प्रसाद भाजप विधानसभेचे नेते म्हणून कटिहार मधून आमदार म्हणून निवडून आले आहेत. तर रेणू देवी चौथ्यांदा बेतियाह मधून आमदार म्हणून निवडून आल्या आहेत.

सुशील कुमार मोदी यांनी तारकिशोर प्रसाद आणि रेणू देवी यांचे अभिनंदन केले. सुशील मोदी यांनी ट्वीट केले की, “तारकिशोरजी यांना एकमताने भाजपा विधिमंडळाचा नेता निवडल्याबद्दल त्यांचे अभिनंदन.”

तारकिशोरजी को भाजपा विधानमंडल का नेता सर्वसम्मति से चुने जाने पर कोटिशः बधाई !

— Sushil Kumar Modi (@SushilModi) November 15, 2020

दुसऱ्या ट्वीटमध्ये ते म्हणाले, “नोनिया समुदायातून आलेल्या बेतिया येथून चौथ्यांदा निवडून आलेल्या रेणू देवी यांची भाजपा विधिमंडळ पक्षाच्या उपनेतेपदी बिनविरोध निवड झाल्याबद्दल हार्दिक अभिनंदन!”

नोनिया समाज से आने वाली बेतिया से चौथी बार विधायक श्रीमति रेणु देवी के भाजपा विधान मण्डल दल के उप नेता सर्वसम्मति से चुने जाने पर हार्दिक बधाई!

— Sushil Kumar Modi (@SushilModi) November 15, 2020

The post बिहारमध्ये असणार दोन उपमुख्यमंत्री, सुशील कुमार मोदी यांनी केले अभिनंदन appeared first on थोडक्यात घडामोडी.

बिहार : मुख्यमंत्रीपदासाठी नितीश कुमार यांच्या नावावर शिक्कामोर्तब झालं असून सलग चौथ्यांदा मुख्यमंत्रीपदाची शपथ घेण्यासाठी तयारीही सुरु झाली आहे. सोमवारी नितीश कुमार यांचा शपथविधी पार पडणार असून त्याआधी त्यांनी मोठं वक्तव्य केलं आहे.

बिहारचे राज्यपाल फागू चौहान यांनी सरकार स्थापनेसाठी नितीश कुमार यांना निमंत्रण दिलं आहे. नितीश कुमार राज्यपालांच्या भेटीसाठी राजभवनात पोहोचले होते. भेटीनंतर प्रसारमाध्यमांशी बोलताना त्यांनी सांगितलं की, माझी मुख्यमंत्री होण्याची इच्छा नव्हती. भाजापमधून कोणीतरी मुख्यमंत्री व्हावं असं मला वाटत होतं. पण भाजपाने केलेल्या आग्रखातर मी मुख्यमंत्री होत आहे.

दरम्यान बिहारचे उपमुख्यमंत्री कोण होणार यावरील सस्पेन्स कायम आहे. नितीश कुमार यांना उपमुख्यमंत्रीदेखील उद्या शपथ घेणार का? असं विचारण्यात आलं असता ते म्हणाले की, “याची माहिती थोड्या वेळाने मिळेल. राजनाथ सिंह यांच्याशी चर्चा केल्यानंतर उपमुख्यमंत्री पदाबाबत निर्णय घेतला जाईल”. सोमवारी दुपारी ४.३० वाजता शपथविधी पार पडणार असल्याची माहिती नितीश कुमार यांनी दिली आहे.

The post नितीश कुमार यांचं मोठं वक्तव्य…. हे असणार बिहारचे मुख्यमंत्री.. appeared first on थोडक्यात घडामोडी.

पाटणा : बिहारचे मुख्यमंत्री नितीशकुमार यांनी राज्यपाल फागू चौहान यांना भेटून त्यांच्याकडे मुख्यमंत्रिपदाचा राजीनामा सोपवला आहे. त्यांनी विद्यमान मंत्रिमंडळ बरखास्त करण्याची शिफारस राज्यपालांकडे केली आहे. त्यामुळे नवं सरकार स्थापन होईपर्यंत नितीशकुमार हे बिहारचे काळजीवाहू मुख्यमंत्री म्हणून काम पाहणार आहेत.

बिहारमध्ये एनडीएला बहुमत मिळाल्यानंतर आता एनडीएने सरकार स्थापन करण्यासाठी जोरदार हालचाली सुरू केल्या आहेत. भाजप, जनता दल यूनायटेड, हिंदुस्तान आवाम पार्टी आणि विकासशील इन्सान पार्टी या चारही पक्षांची रविवारी बैठक होणार आहे. या बैठकीत एनडीएच्या गटनेत्याची निवड केली जाणार असून त्यानंतर राज्यपालांकडे सरकार स्थापण्याचा दावा केला जाणार आहे. तसेच, रविवारी त्यांच्या नावावर अधिकृत शिक्कामोर्तब होईल, अशी माहिती आहे.

“रविवारी दुपारी साडे बारा वाजता एनडीएच्या घटकपक्षांची बैठक होईल. या बैठकीत बाकीचे सर्व निर्णय घेतले जातील. नवे सरकार स्थापन करण्यासाठी काही औपचारिक गोष्टी पूर्ण कराव्या लागतात. मंत्रिमंडळासाठी शिफारशीही राज्यापालांना पाठवल्या जातील. राज्यपालांनी या शिफारशी मान्य केल्यानंतरच नवं सरकार स्थापन करण्यावर विचार केला जाईल.” अशी माहिती नितीश कुमार यांनी दिली आहे.

The post बिहारमध्ये मंत्रिमंडळ बरखास्त; सरकार स्थापन करण्यासाठी नितीशकुमार यांची लगबग… appeared first on थोडक्यात घडामोडी.

बिहार विधानसभा निवडणुकीत भाजपाला मिळालेल्या विजयावर प्रभारी म्हणून जबाबदारी पार पाडलेल्या देवेंद्र फडणवीस यांनी प्रतिक्रिया दिली आहे. देवेंद्र फडणवीस यांनी यावेळी नितीश कुमारच बिहारचे मुख्यमंत्री होतील असं देखील सांगितलं आहे. देवेंद्र फडणवीस यांनी यावेळी राष्ट्रवादी काँग्रेसचे अध्यक्ष शरद पवार आणि शिवसेना खासदार संजय राऊत यांनी केलेल्या टीकेलाही उत्तर दिलं.

फडणवीसांनी यावेळी म्हटलं की, “मुख्यमंत्री जेडीयूचा होईल आणि ते नितीश कुमार असतील हे आधीच ठरलं आहे. पंतप्रधान नरेंद्र मोदी यांनीच तशी घोषणा केली आहे. त्याच्यामुळे त्याच्यात बदल होणार नाही. भाजपा शब्दाचं पक्कं आहे. महाराष्ट्रात मोदींनी उद्धव ठाकरेंसमोर त्यांच्या संमतीने भाजपाचा मुख्यमंत्री होईल अशी घोषणा केली होती. आम्ही त्यावर अडून राहीलो. इथे मोदींनी जेडीयूचा मुख्यमंत्री होईल अशी भूमिका घेतली आहे ती आम्हाला मान्य आहे. आम्ही नितीश कुमार यांच्या नेतृत्वात काम करु”.

“प्रत्येक निवडणूक काही तरी शिकवून जाते. शिकत प्रगल्भता येत असते. महाराष्ट्रातील अनुभवाच्या आधारे बरेच निर्णय घेताना फायदा झाला,” असंही त्यांनी सांगितलं. शरद पवार यांनी केलेल्या टीकेला उत्तर देताना ते म्हणाले, पवार साहेब मोठे नेते आहेत त्यावर काही बोलायचं नाही. माझ्यामुळे निवडणूक जिंकलो असं मी म्हटलेलं नाही असं ते म्हणाले. ते पुढे म्हणाले, “महाराष्ट्रासहित इतर राज्य सरकारं टीका करत असताना मोदी गरीबांची सेवा करत होते. अविरत प्रयत्न केले. त्यांच्या घरी चूल पेटली पाहिजे, खात्यात पैसा गेला पाहिजे यासाठी प्रयत्न करत होते. फक्त बिहार नाही तर संपूर्ण देशातील पोटनिवडणुकीत लोकांनी विश्वासाची लाट दाखवली आहे. त्यामुळे हा मोदींच्या विश्वासाचा विजय आहे. त्यात मला खारीचा वाटा उचलता आला याचा आनंद.”

संजय राऊत यांनी केलेल्या टीकेला उत्तर देताना ते म्हणाले की, “चीत झाले तरी आमचं बोट वर आहे अशी आमच्या जुन्या मित्रांची सवय आहे. अशा प्रकारे ते नेहमीच युक्तीवाद करत असतात. मॅन ऑफ द मॅच, सीरिज नरेंद्र मोदी आणि भाजपाच आहेत. “नितीश कुमारांचा चेहरा बेदाग आहे. काम झालं की नाही यावर चर्चा करु शकता पण चेहऱ्यावर डाग लावू शकत नाही. शिवसेनेच्या एकाही उमेदवाराचं डिपॉझिट वाचलं नाही, नोटापेक्षाही कमी मतं मिळाली. शिवसेनेने याचं आत्मचिंतन केलं पाहिजे. जोरदार यादीपण घोषित केली होती, पण काय अवस्था झाली हे पाहिलं आहे”.

The post बिहारचं मुख्यमंत्रीपद कोणाकडे? देवेंद्र फडणवीस यांनी केलं स्पष्ट appeared first on थोडक्यात घडामोडी.

पाटणा  : बिहारमध्ये चुरशीच्या लढतीत एनडीएचा विजय, बहुमतहि मिळाले. यामुळे नितीश कुमार हेच मुख्यमंत्री पदावर राहणार हे निश्चित झाले. राज्यात ७५ जागा जिंकून आरजेडी हा पहिल्या क्रमांकाचा तर ७४ जागा जिंकून भाजप दुसऱ्या क्रमांकाचा पक्ष झाला. एनडीएने १२५ आणि महागठबंधनने ११० जागा जिंकल्या. एनडीएमध्ये भाजप हा सर्वात मोठा पक्ष झाला. तसेच बिहारमध्ये दुसऱ्या क्रमांकाचा सर्वात मोठा पक्ष भाजप झाला. राष्ट्रीय जनता दल बिहारमध्ये पहिल्या क्रमांकाचा पक्ष झाला. महागठबंधनला बहुमताचा आकडा गाठणे जमले नाही.

बिहार विधानसभा निवडणुकीत एनडीएला २४३ पैकी १२५ जागांवर विजय मिळाला. भाजप ७४, जेडीयू ४३, हम आणि व्हीआयपी प्रत्येकी ४ जागांवर विजयी झाले. बिहार विधानसभेसाठी एनडीए म्हणून निवडणूक लढवताना जेडीयू ११५, भाजप १११, विकासशील इन्सान पार्टी ११ आणि हिंदुस्तानी अवाम मोर्चा ७ जागांवर निवडणूक लढले होते.

महागठबंधन ११० जागांवर विजयी झाले. आरजेडी ७५, काँग्रेस १९, सीपीआय माले १२, सीपीएम २, सीपीआय २ जागांवर विजयी झाले. महागठबंधनमध्ये राष्ट्रीय जनता दल हा पक्ष सर्वाधिक १४४ जागांवर निवडणूक लढवत होता. काँग्रेस ७० जागांवर सीपीएम चार जागांवर तर तर सीपीआय सहा जागांवर आणि सीपीआय माले १९ जागांवर निवडणूक लढले होते.

बिहार विधानसभा निवडणूक २०२० – पक्षनिहाय निकाल

बहुमताचा जादुई आकडा – १२२ जागा |  बिहार विधानसभा एकूण जागा – २४३

एनडीए – १२५ जागांवर विजय

1. भाजप  – ७४
2. जेडीयू  – ४३
3. विकासशील इन्सान पार्टी – ४
4. हिंदुस्तानी अवाम मोर्चा – ४

महागठबंधन – ११० जागांवर विजय

1. राष्ट्रीय जनता दल – ७५
2. काँग्रेस  – १९
3. सीपीआय माले  – १२
4. सीपीआय – २
5. सीपीएम – २

लोक जनशक्ती पार्टी  – १ जागेवर विजय
इतर – ७ जागांवर विजय

The post बिहारमध्ये चुरशीच्या लढतीत एनडीएचा विजय; नितीश कुमार पुन्हा मुख्यमंत्री पदाची शपथ घेणार.. appeared first on थोडक्यात घडामोडी.

बिहारमध्ये भाजपा सर्वात मोठा पक्ष ठरेल अशी चिन्हे आहेत. एनडीएने सत्ता मिळवल्यानंतर मुख्यमंत्रीपदाचं काय? हा प्रश्न आता विचारला जात आहे. भाजपा-जेडीयू आघाडीने सत्ता मिळवल्यानंतर नितीश कुमार मुख्यमंत्री होणार की नाही हे सर्वस्वी भाजपावर अवलंबून असेल. निवडणूक प्रचारात आम्ही नितीश कुमार यांच्या नेतृत्वाखाली निवडणूक लढवत आहोत असे भाजपाचे नेते म्हणत होते. पण बिहारमध्ये सर्वात मोठा पक्ष ठरल्यानंतर भाजपा मुख्यमंत्रीपद सोडेल का?

या निवडणुकीत नितीश कुमार यांच्या जेडीयूला फारशी कामगिरी करता आलेली नाही. याउलट भाजपा सर्वात मोठा पक्ष ठरेल अशी चिन्हे आहेत, त्यामुळे नितीश कुमार यांचे मुख्यमंत्रीपद भाजपावर अवलंबून असेल. ‘ब्राण्ड नितीश’ला खिंडार पडलेले नाही, असे नितीश यांच्या जवळच्या नेतेमंडळींनी या निकालाचे वर्णन केले. ‘या निवडणुकीत मोदी यांच्या प्रतिमेने आम्हाला तारले’ तसेच “सरकार स्थापना आणि नेतृत्वासंदर्भात आज संध्याकाळपर्यंत आम्ही निर्णय घेऊ” असे भाजपाचे वरिष्ठ नेते कैलाश विजयवर्गीय म्हणाले. “जो कल आहे तसेच निकाल लागले तर नितीश कुमारच मुख्यमंत्री होतील. आम्ही आमचा शब्द पाळू” असे विजयवर्गीय यांनी स्पष्ट केले.

The post बिहार निवडणूक निकाल : भाजपा सर्वात मोठा पक्ष ठरला तर नितीश कुमार मुख्यमंत्री होणार? appeared first on थोडक्यात घडामोडी.