मुंबई : राष्ट्रवादी काँग्रेसचे सर्वेसर्वा शरद पवार यांना कोरोनाची लागण झाली आहे. शरद पवार यांनी स्वत: ट्विट करुन यासंदर्भात माहिती दिली. मला कोरोनाची लागण झाली असली तर काळजी करण्याचे कोणतेही कारण नाही, अशी माहिती शरद पवार यांनी आपल्या ट्विटमध्ये केली आहे.

शरद पवार यांनी ट्विट करत सांगितले कि, “माझी कोविड टेस्ट पॉझिटिव्ह आली असून डॉक्टरांच्या सल्ल्यानुसार मी उपचार घेत आहे. काळजीचे कोणतेही कारण नाही. गेल्या काही दिवसांपासून माझ्या संपर्कात आलेल्या सर्वांना विनंती की त्यांनी योग्य चाचण्या करून आवश्यक ती खबरदारी घ्यावी.”

माझी कोविड टेस्ट पॉझिटिव्ह आली असून डॉक्टरांच्या सल्ल्यानुसार मी उपचार घेत आहे. काळजीचे कोणतेही कारण नाही.
गेल्या काही दिवसांपासून माझ्या संपर्कात आलेल्या सर्वांना विनंती की त्यांनी योग्य चाचण्या करून आवश्यक ती खबरदारी घ्यावी.

— Sharad Pawar (@PawarSpeaks) January 24, 2022

शरद पवार मागील दोन दिवसांत पुणे आणि बारामतीमध्ये होते. मुंबईत आल्यानंतर त्यांची कोरोना चाचणी करण्यात आली. यावेळी त्यांचा अहवाल पॉझिटिव्ह आला. शरद पवार हे सध्या मुंबईतील सिल्व्हर ओक या निवासस्थानी विलगीकरणात असल्याची माहिती आहे. दरम्यान, मुंबईत कोरोना रुग्णांची संख्या झपाट्याने वाढत असताना शरद पवार यांनी कोरोना लसीकरणाचा वेग वाढवण्याच्या सूचना दिल्या होत्या. त्यानंतर बराच काळापासूनच सुरु असलेल्या एसटी संपावर तोडगा काढण्यासाठीही शरद पवार यांनी मध्यस्थी करण्याचा प्रयत्न केला होता. यावेळी पवार यांनी परिवहन मंत्री अनिल परब यांना सोबत घेऊन एसटी संघटनांच्या पदाधिकाऱ्यांशी चर्चाही केली होती.

The post राष्ट्रवादी काँग्रेसचे अध्यक्ष शरद पवार यांना कोरोनाची लागण appeared first on थोडक्यात घडामोडी.

अहमदनगर : राज्याचे महसूलमंत्री व काँग्रेसचे ज्येष्ठ नेते बाळासाहेब थोरात यांना कोरोनाची लागण झाली आहे. त्यांनी ट्वीट करून गुरुवारी रात्री ही माहिती दिली. सध्या राज्यात ओमिक्रॉन व्हेरिएंटचा संसर्ग वाढत असतानाच अनेक नेत्यांना कोरोनाची लागण होत आहे.

बाळासाहेब थोरात यांनी सांगितले की माझी कोरोना चाचणी पॉझिटिव्ह आलेली आहे. मला कोणतीही लक्षणं नाहीत, तरीही डॉक्टरांच्या सल्ल्यानं मी पुढील उपचार घेणार आहे. माझ्या संपर्कात आलेल्यांनी आपली कोरोना चाचणी करून घ्यावी. सर्वांनी मास्क वापरावा व आरोग्याची काळजी घ्यावी, असं आवाहन त्यांनी ट्वीटच्या माध्यमातून केलं आहे.

माझी कोरोना चाचणी पॉझिटिव्ह आलेली आहे.

मला कोणतेही लक्षणे नाही, तरीही डॉक्टरांच्या सल्ल्याने मी पुढील उपचार घेणार आहे.

माझ्या संपर्कात आलेल्यांनी आपली कोरोना चाचणी करून घ्यावी.

सगळ्यांना या निमित्ताने आवाहन करत आहे, आपण मास्क वापरावा, काळजी घ्यावी.

— Balasaheb Thorat (@bb_thorat) December 30, 2021

नगर जिल्ह्यातील भाजपचे ज्येष्ठ नेते राधाकृष्ण विखे पाटील व उर्जा राज्यमंत्री प्राजक्त तनपुरे यांना देखील कोरोनाची लागण झाली आहे. तनुपरे यांना दुसऱ्यांदा कोरोनाची लागण झाली आहे. शालेय शिक्षणमंत्री वर्षा गायकवाड व आदिवासी विकास मंत्री के सी पाडवी यांचे कोरोना अहवालही पॉझिटिव्ह आले आहेत.

The post महसूलमंत्री बाळासाहेब थोरात यांना कोरोनाची लागण appeared first on थोडक्यात घडामोडी.

मुंबई : बॉलीवूड अभिनेता अमित साध याला कोरोनाची लागण झाली आहे. अमित याने स्वतःच सोशल मीडियावर याविषयी माहिती दिली आहे. तो सध्या विलगीकरणात असून घरीच उपचार घेत आहे.

अमितने इंस्टाग्रामवर एक पोस्ट लिहून सांगितले की, “सर्व प्रकारची खबरदारी घेतल्यानंतरही तो कोविड-19 पॉझिटिव्ह झाला आहे. त्याला कोरोनाची सौम्य लक्षणे जाणवत आहेत. प्रोटोकॉलचे पालन करून मी स्वतःला विलगीकरणात ठेवले आहे आणि होम क्वारंटाईनमध्ये राहीन. मला खात्री आहे की मी यातून व्यवस्थित बाहेर येईन. कृपया स्वतःची काळजी घ्या आणि आपल्या प्रियजनांची काळजी घ्या.”

 

View this post on Instagram

 

A post shared by AMIT SADH (@theamitsadh)

The post बॉलीवूड अभिनेता अमित साध याला कोरोनाची लागण appeared first on थोडक्यात घडामोडी.

अभिनेता रवी दुबेला कोरोनाची लागण झाली आहे. त्याने सोशल मीडियाद्वारे कोरोना चाचणी पॉझिटिव्ह आल्याचे सांगितले आहे. तो सध्या विलगीकरणात असल्याचे त्याने सांगितले आहे. रवीने त्याच्या संपर्कात आलेल्या सर्वांना काळजी घेण्याची विनंती केली आहे.

रवीने त्याच्या इन्स्टाग्राम अकाऊंटवर पोस्ट शेअर करत म्हटले कि, “माझा कोरोना रिपोर्ट पॉझिटिव्ह आला आहे. गेल्या काही दिवसांत माझ्या संपर्कात आलेल्या सर्वांनी कृपया काळजी घ्या आणि प्रकृतीकडे लक्ष द्या. कोरोना लक्षणे जाणवल्यास त्वरित चाचणी करुन घ्या. मी स्वत:ला विलगीकरणात ठेवले आहे. माझ्या जवळचे माझी काळजी घेत आहेत. सुरक्षित राहा.”

 

View this post on Instagram

 

A post shared by Ravi Dubey 1 (@ravidubey2312)

The post अभिनेता रवी दुबेला कोरोनाची लागण appeared first on थोडक्यात घडामोडी.

IPL २०२१ : रिद्धिमान साहाला कोरोनाची लागण झाली आहे. हा आयपीएल साठीआणखी एक मोठा धक्का आहे. सनरायझर्स हैदराबादच्या वृध्दिमान साहाची कोरोना चाचणी पॉझिटिव्ह आली आहे आणि संपूर्ण सनरायझर्स हैदराबादची टीम कालपासून विलगीकरणात आहे. ऑस्ट्रेलियन पत्रकार पीटर लालोर यांनी ट्विटरवरुन ही बातमी उघड केली.

BREAKING: Wriddhiman Saha is reported to have tested postive to Covid.

— Peter Lalor (@plalor) May 4, 2021

आताच मिळालेल्या माहितीनुसार दिल्ली कॅपिटल्सच्या अमित मिश्रा या खेळाडूला देखील कोरोनाची लागण झाल्याची माहिती मिळत आहे. त्यामुळे चिंतेत अजूनच भर पडली आहे.

The post ब्रेकिंग : रिद्धिमान साहा आणि अमित मिश्रा यांना कोरोनाची लागण, IPL वर कोरोनाचं संकट appeared first on थोडक्यात घडामोडी.

मुंबई : अभिनेत्री हिना खानला कोरोनाची लागण झाली आहे. तिने याबद्दल सोशल मीडियावर माहिती दिली आहे. ती घरीच विलगीकरणात असून सर्व नियमांचं पालन करत आहे. तिने सर्वांना काळजी घेण्याचं आवाहन केलं आहे.

सहा दिवसांपूर्वीच हिना खानच्या वडिलांचं निधन झालं होतं. आता हिनाला कोरोनाची लागण झाली आहे. सोशल मीडियावर पोस्ट शेअर करत तिने ही माहिती दिली आहे. “सध्या मी आणि माझं कुटुंब कठीण परिस्थितीचा सामना करत असतानाच माझा कोव्हिड रिपोर्ट पॉझिटिव्ह आला आहे. मी होम क्वारंटाईन झाले असून सर्व प्रोटोकॉलचं पालन करतेय. जे माझ्या संपर्कात आले असतील त्यांना विनंती करते की त्यांनी करोना चाचणी नक्की करून घ्यावी. तुमच्या आशिर्वादाची आवश्यकता आहे. सुरक्षित रहा आणि काळजी घ्या.” अशी पोस्ट हिनाने केली आहे.

 

View this post on Instagram

 

A post shared by HK (@realhinakhan)

21 एप्रिलला हिना खानच्या वडिलांचं कार्डियक अरेस्टमुळे निधन झालं होतं. यावेळी हिना खान तिच्या एका प्रोजेक्टच्या शुटींगसाठी काश्मिरमध्ये होती. वडिलांच्या निधनानंतर चार दिवसांनी तिने सोशल मीडियावर एक पोस्ट शेअर करत काही दिवस सोशल मीडियावरून ब्रेक घेत असल्याचं सांगितलं होतं.

ती पोस्ट मध्ये म्हणाली होती कि, माझे वडिल 21 एप्रिल 2021 रोजी स्वर्गवासी झाले. ज्यांनी ज्यांनी माझ्या या कठिण काळात माझं सांत्वन केलं, त्या सर्वांची मी खूप खूप आभारी आहे. या धक्क्यातून मी आणि माझे कुटूंब अजुनही सावरू शकलो नाही. त्यामुळे पुढचे काही दिवस मी सोशल मिडीयावरून ब्रेक घेतेय. माझी टीम माझ्या सर्व प्रोजेक्टबद्दल माहिती देईल. तुम्ही दिलेल्या प्रेमासाठी आणि सहकार्यासाठी खूप खूप आभार.

The post अभिनेत्री हिना खानला कोरोनाची लागण, काही दिवसांपूर्वीच वडिलांचं झालं होतं निधन appeared first on थोडक्यात घडामोडी.

नवी दिल्ली : केंद्रीय शिक्षणमंत्री रमेश पोखरियाल निशंक यांना कोरोनाची लागण झाली आहे. त्यांनी ट्वीट करून ही माहिती दिली. ते म्हणाले कि, “माझा कोरोना अहवाल पॉझिटिव्ह आला आहे. डॉक्टरांच्या सल्ल्याने माझ्यावर उपचार सुरू आहेत. अलिकडच्या काळात माझ्या संपर्कात आलेल्या सर्वांनी सावधगिरी बाळगा आणि चाचण्या करून घ्या.”

तसेच त्यांनी सर्व खबरदारी घेऊन शिक्षण मंत्रालयाचे काम नेहमीप्रमाणे सुरू राहिल असेही सांगितले आहे.

All the work of @EduMinOfIndia is being conducted normally observing necessary precautions.

— Dr. Ramesh Pokhriyal Nishank (@DrRPNishank) April 21, 2021

The post केंद्रीय शिक्षणमंत्री रमेश पोखरियाल यांना कोरोनाची लागण appeared first on थोडक्यात घडामोडी.

अभिनेता सोनू सूदला कोरोनाची लागण झाली आहे. त्याने स्वतःच सोशल मीडियावर ही माहिती शेअर केली. सोनूने म्हटले आहे कि, ‘आज सकाळी माझी कोरोना चाचणी पॉझिटिव्ह आली आहे. म्हणून मी स्वत: ला विलगीकरणात ठेवले आहे. काळजी करण्याची काहीच गरज नाही, उलट, आपल्या लोकांच्या समस्या सोडविण्यासाठी आता माझ्याकडे पूर्वीपेक्षा जास्त वेळ असेल. लक्षात ठेवा, मी नेहमीच तुमच्याबरोबर आहे.’

? pic.twitter.com/2kHlByCCqh

— sonu sood (@SonuSood) April 17, 2021

गेल्या वर्षी लॉकडाऊनमध्ये सोनूने लोकांना खूप मदत केली होती. आताही आपल्या सामाजिक संघटनेच्या माध्यमातून तो देशभरातील लोकांना वेगवेगळ्या प्रकारे मदत करत असतो.

The post अभिनेता सोनू सूदला कोरोनाची लागण appeared first on थोडक्यात घडामोडी.

केंद्रीय मंत्री प्रकाश जावडेकर यांना कोरोनाची लागण झाली आहे. त्यांनी स्वत: ट्विट करुन याबद्दल माहिती दिली. त्यांनी ट्विटमध्ये लिहिलं आहे की आज माझा कोरोना रिपोर्ट पॉझिटिव्ह आला आहे. गेल्या दोन-तीन दिवसात माझ्या संपर्कात आलेल्या सर्वांनी त्यांची कोरोना तपासणी करुन घ्यावी.

I have tested #COVID positive today. All those who have come in contact with me in the last 2-3 days may please get themselves tested.

— Prakash Javadekar (@PrakashJavdekar) April 16, 2021

The post ब्रेकिंग : केंद्रीय मंत्री प्रकाश जावडेकर यांना कोरोनाची लागण appeared first on थोडक्यात घडामोडी.

मुंबई : ‘बिग बॉस 14’ शोची बहुचर्चित स्पर्धक निक्की तांबोळी हिला कोरोनाची लागण झाली आहे. तिने स्वतः ही माहिती सोशल मीडियावर दिली आहे. तिने स्वत:ला विलगीकरणात ठेवल्याचे तिने सांगितले आहे.

निक्कीने म्हटलं की, ‘आज सकाळी मला कळले की, माझा कोरोना रिपोर्ट पॉझिटिव्ह आला आहे. मी स्वत:ला विलगीकरणात ठेवलेले आहे. मी डॉक्टरांच्या सल्ल्यानुसार सर्व नियमांचे पालन करून औषधोपचार घेत आहे. गेल्या काही दिवसात माझ्या संपर्कात आलेल्या लोकांना माझी विनंती आहे की, त्यांनी त्यांची स्वतःची कोरोना टेस्ट करुन घ्यावी. तुमचे प्रेम आणि समर्थनाबद्दल मी नेहमीच आभारी आहे. सुरक्षित रहा आणि नेहमी मास्क घाला. हात सॅनिटाइझ करा आणि सोशल डिस्टन्स पाळा.’

The post ‘बिग बॉस 14’ फेम निक्की तांबोळी हिला कोरोनाची लागण appeared first on थोडक्यात घडामोडी.