जम्मू-काश्मीर : जम्मू-काश्मीरच्या कुलगाम येथे भारतीय सैन्य आणि दहशतवाद्यांमध्ये सध्या जोरदार चकमक सुरू आहे. या संघर्षात भारतीय सैन्याचे दोन जवान वीरमरणास पोहोचले आहेत, तर ५ ते ६ जवान जखमी झाल्याची माहिती मिळाली आहे. भारतीय सैन्याने प्रत्युत्तरात एका दहशतवाद्याचा खात्मा केल्याचे समोर आले आहे.

सध्या सुरक्षा दल दुर्गम जंगलातील परिसरात दहशतवाद्यांचा शोध घेत आहेत. यासाठी ड्रोन, हेलिकॉप्टरसह सर्व आवश्यक साधनांचा वापर करण्यात येत आहे. ही चकमक सुरूच असून सैन्यकडून परिस्थितीवर काटेकोर लक्ष ठेवण्यात आले आहे.

कुलगामच्या अलाख भागात दहशतवाद्यांशी हा संघर्ष आज नवव्या दिवशीही सुरू आहे. रात्रभर या भागातून गोळीबाराचे आवाज ऐकू येत होते. शहीद झालेले जवान हे वीर लेफ्टनंट कर्नल प्रीतपाल सिंग आणि सिपाही हरमिंदर सिंग आहेत.

आतापर्यंत झालेल्या चकमकीत एका दहशतवाद्याचा मृतदेहही मिळाला आहे. या दुर्गम जंगलात तीन ते चार दहशतवाद्यांनी नैसर्गिक गुहांचा आसरा घेतला होता. गेल्या ९ दिवसांपासून हे दहशतवादी भारतीय सैन्यावर हल्ले करत आहेत, ज्यावरून त्यांच्याकडे मोठ्या प्रमाणात दारुगोळा असल्याचे स्पष्ट झाले आहे.

सुरक्षाबळ या घटनेचा निषेध करत लवकरात लवकर दहशतवाद्यांविरुद्ध कडक कारवाई करत आहेत. या भागातील सुरक्षा परिस्थिती नियंत्रणात ठेवण्यासाठी मोठ्या प्रमाणात सैन्य तैनात करण्यात आले आहे.

The post जम्मू-काश्मीरमध्ये दहशतवादी हल्ल्यात २ जवान शहीद, ५-६ जखमी appeared first on थोडक्यात घडामोडी.

नवी दिल्ली : ऑपरेशन सिंदूरबाबत लष्कर आणि परराष्ट्र मंत्रालयाने पत्रकार परिषद घेतली. यावेळी, विक्रम मिस्री (परराष्ट्र सचिव), कर्नल सोफिया कुरेशी आणि विंग कमांडर व्योमिका सिंग यांनी सैन्याच्या कारवाईवर आपले विचार व्यक्त केले. पत्रकार परिषदेदरम्यान, लष्कराने दहशतवादाविरुद्धचा एक व्हिडीओ देखील दाखवला ज्यामध्ये मध्य प्रदेश हल्ला, २६/११ हल्ला आणि पहलगाम हल्ला दाखवण्यात आला होता.

कर्नल सोफिया कुरेशी यांनी मिशन सिंदूरबद्दल सांगितले की, ऑपरेशन सिंदूर पहाटे १:०५ वाजता सुरू झाले आणि १:३० वाजता संपले. हे संपूर्ण ऑपरेशन २५ मिनिटे चालले. या कारवाईत दहशतवाद्यांचे 9 अड्डे उद्ध्वस्त करण्यात आले. आम्ही गुप्तचर माहितीच्या आधारे टार्गेट निवडले. निष्पाप नागरिकांना इजा होणार नाही याची काळजी घेण्यात आली.

कर्नल सोफिया कुरेशी म्हणाल्या, सर्वप्रथम सवाई नाला कॅम्प मुझफ्फराबादला लक्ष्य करण्यात आले. येथे लष्कर तैयबाची एक छावणी होती. त्यानंतर सय्यदा बिलाल कॅम्प मुजफ्फराबादला लक्ष्य करण्यात आले. हे दहशतवाद्यांसाठी प्रशिक्षण क्षेत्र होते. त्यानंतर पाकिस्तानच्या आत, सरजल कॅम्प सियालकोटला लक्ष्य करण्यात आले. त्यानंतर महमूना जाया कॅम्प सियालकोटला लक्ष्य करण्यात आले. महमूना जाया कॅम्प हा एक खूप मोठा दहशतवादी कॅम्प होता. इथे नेहमीच दहशतवादी असायचे आणि मोठे दहशतवादीही इथे यायचे. येथूनच योजना आखण्यात आली होती आणि काश्मीरला लक्ष्य करण्यात आले.

कर्नल सोफिया कुरेशी पुढे म्हणाल्या, मरकज तैयबा मुरीदकेला लक्ष्य करण्यात आले. २६/११ चा हल्ला येथेच रचण्यात आला होता आणि अजमल कसाबलाही येथेच प्रशिक्षण देण्यात आले होते. त्यानंतर भागलपूरमधील मरकझ सुभान अल्लाह येथील जैश-ए-मोहम्मदचे मुख्यालय लक्ष्य करून ते उद्ध्वस्त करण्यात आले. जैशचे वरिष्ठ दहशतवादी नेहमीच येथे येत असत. भारतीय सैन्याने स्पष्टपणे सांगितले की आमच्या कारवाईत कोणत्याही लष्करी तळाला लक्ष्य केले गेले नाही. यासोबतच, जर पाकिस्तानने काहीही करण्याचा प्रयत्न केला तर आमचे सैन्य त्यासाठी तयार आहे, असे लष्कराने ठणकावून सांगितले.

#WATCH | #OperationSindoor, Col. Sofiya Qureshi says, “Operation Sindoor was launched to give justice to victims of Pahalgam terrorist attack. Nine terrorist camps were targeted and destroyed.” pic.twitter.com/8nbLHN6a3k

— ANI (@ANI) May 7, 2025

परराष्ट्र सचिव विक्रम मिस्री म्हणाले की, लष्कर तैयबाच्या दहशतवाद्यांनी पहलगाम हल्ला केला ज्यामध्ये २६ लोक मारले गेले. मुंबई हल्ल्यानंतर पहलगाम हल्ला हा नागरिकांवर झालेला सर्वात मोठा हल्ला होता. पहलगाम हल्ला क्रूर होता. या हल्ल्यात निर्दोष नागरिकांना त्यांच्या कुटुंबासमोर गोळ्या घालून ठार मारण्यात आले. काश्मीरमधील शांतता भंग करण्यासाठी हा हल्ला करण्यात आला.

ते पुढे म्हणाले की, पाकिस्तान दहशतवाद्यांना केवळ आश्रय देत नाही, तर त्यांना सक्रिय पाठिंबाही देतो. पाकिस्तानचे दहशतवाद्यांशी असलेले संबंध उघड झाले आहेत. पहलगाम हल्ल्यातील गुन्हेगारांना आणि योजना आखणाऱ्यांना शिक्षा करणे हे आमचे उद्दिष्ट होते. भारतावर आणखी हल्ले करण्याची योजना असल्याची गुप्तचर माहिती होती. अशा परिस्थितीत, भारताने आज सकाळी कारवाई केली आहे. आम्ही दहशतवाद्यांवर कारवाई केली आहे. ही कारवाई भारताच्या सुरक्षिततेसाठी आणि दहशतवादाला मूळापासून नष्ट करण्याच्या उद्देशाने केली आहे.

The post कर्नल सोफिया कुरेशी आणि विंग कमांडर व्योमिका सिंग यांनी दिली ऑपरेशन सिंदूरबाबत संपूर्ण माहिती appeared first on थोडक्यात घडामोडी.

नवी दिल्ली : जम्मू आणि काश्मीरच्या पहलगाम येथे २२ एप्रिलला झालेल्या भ्याड दहशतवादी हल्ल्यानंतर भारताने कडक कारवाई करत पाकिस्तानविरोधात निर्णायक पाऊल उचललं आहे. या हल्ल्यात २६ निष्पाप नागरिकांचा बळी गेला होता. त्यानंतर भारताने ‘ऑपरेशन सिंदूर’ अंतर्गत पाकिस्तान व पाकव्याप्त काश्मीर (PoK) मधील ९ दहशतवादी तळांवर हवाई हल्ला करत त्यांना उद्ध्वस्त केलं आहे. या कारवाईत सुमारे ९० दहशतवाद्यांचा खात्मा करण्यात आल्याची माहिती आहे.

‘ऑपरेशन सिंदूर’ – दहशतवाद्यांना दिलं चोख उत्तर
भारतीय हवाई दलाने ७ मे रोजी पहाटे १:३० वाजता पाकव्याप्त काश्मीर आणि पाकिस्तानच्या आतमध्ये दहशतवाद्यांचे गुप्त तळ लक्ष्य करत हवाई हल्ला केला. हे तळ दहशतवादी गटांच्या घातकी कारवायांसाठी वापरले जात होते. या कारवाईमुळे पाकिस्तानमध्ये खळबळ उडाली असून, अनेक ठिकाणी तातडीची सुरक्षा बैठक बोलावण्यात आली आहे.

पाकिस्तानकडून पुन्हा LOC वर गोळीबार
भारतीय कारवाईनंतर घाबरलेल्या पाकिस्तानने पुन्हा एकदा नियंत्रण रेषेवर (LOC) गोळीबार सुरू केला आहे. ७ मेच्या रात्री पाकिस्तानी सैन्याने LOC ओलांडून अंदाधुंद गोळीबार केला. या हल्ल्यात ३ भारतीय नागरिकांचा मृत्यू झाला असून, त्यात एका महिलेचाही समावेश आहे. पूंछ जिल्हा प्रशासनाने याबाबत अधिकृत माहिती दिली आहे.

भारतीय लष्कराकडून चोख प्रत्युत्तर
पाकिस्तानच्या या भ्याड हल्ल्याला भारतीय लष्कराने त्वरित आणि तीव्र प्रत्युत्तर दिलं आहे. संरक्षण मंत्रालयाच्या सूत्रांनी सांगितलं की, भारतीय सेनेने दिलेल्या प्रत्युत्तरात पाक सैन्याचे मोठं नुकसान झालं असून, पाकिस्तानच्या अनेक चेकपोस्ट्सवर जोरदार कारवाई करण्यात आली आहे.

शाळा, महाविद्यालये आज बंद
सुरक्षा स्थिती लक्षात घेता, जम्मू, सांबा, कठुआ, राजौरी आणि पूंछ या सीमावर्ती जिल्ह्यांतील सर्व शाळा, महाविद्यालये आणि शैक्षणिक संस्था आज (७ मे) बंद ठेवण्याचे आदेश जम्मू विभागीय आयुक्तांनी जारी केले आहेत.

सरकारचा इशारा: दहशतवादाचा अंत करणारच
भारत सरकारने स्पष्ट केलं आहे की, दहशतवादाविरोधात कोणतीही तडजोड केली जाणार नाही. संरक्षणमंत्री आणि पंतप्रधान कार्यालयाने ठामपणे सांगितलं आहे की, भारताची ही कारवाई केवळ सुरुवात आहे, आणि भविष्यात दहशतवादी गट व त्यांना पाठिंबा देणाऱ्यांना त्याच्या गंभीर परिणामांना सामोरं जावं लागेल.

‘ऑपरेशन सिंदूर’मुळे भारताने पुन्हा एकदा दाखवून दिलं आहे की, हा केवळ सहनशीलतेवर चालणारा देश नसून, आपल्या नागरिकांच्या सुरक्षेसाठी निर्णायक आणि ठोस पावलं उचलू शकतो. पहलगाम हल्ल्यानंतर देशभरात रोषाचं वातावरण होतं, ज्याला केंद्र सरकारने आक्रमक धोरणातून उत्तर दिलं आहे. यापुढे सीमा भागात सतर्कता आणि सुरक्षा अधिक वाढवली जाईल.

The post ‘ऑपरेशन सिंदूर’ने हादरलेल्या पाकिस्तानचा भ्याड हल्ला, LOC ओलांडून गोळीबार, एका महिलेसह ३ भारतीयांचा मृत्यू appeared first on थोडक्यात घडामोडी.

जम्मू – काश्मीर : जम्मू-काश्मीरमधील भारतीय सीमा रेषेवर घुसखोरी करण्याचा प्रयत्न करणाऱ्या ७ दहशतवाद्यांना भारतीय सैन्याने ठार मारले आहे. या घुसखोरांमध्ये पाकिस्तानच्या कुख्यात बॉर्डर ऍक्शन टीममधील दहशतवाद्यांचाही समावेश आहे.

मिळालेल्या माहितीनुसार, भारतीय सैन्याने ४-५ फेब्रुवारीच्या रात्री नियंत्रण रेषेवरील त्यांच्या चौकीवरील पाकिस्तानी घुसखोरांचा हल्ला उधळून लावला. या दरम्यान, ७ पाकिस्तानी घुसखोरांना ठार करण्यात आले. या घुसखोरांमध्ये २ ते ३ पाकिस्तानी लष्करी सैनिकांचाही समावेश होता. जम्मू-काश्मीरमधील पूंछ जिल्ह्यातील कृष्णा व्हॅली सेक्टरमध्ये ही घटना घडली.

The post 7 पाकिस्तानी घुसखोरांचा खात्मा, कुख्यात BAT दहशतवाद्यांचाही समावेश appeared first on थोडक्यात घडामोडी.

इंडियन आर्मी : भारतीय सेना तांत्रिक प्रवेश योजना (TES) 10+2 प्रवेश 46 अभ्यासक्रमांसाठी भरती करत आहे. अधिसूचनेनुसार, भारतीय सेना TES 47 ऑनलाइन अर्ज लिंक 24 जानेवारी 2022 पासून सक्रिय होईल. इच्छुक उमेदवार 23 फेब्रुवारी 2022 पर्यंत किंवा त्यापूर्वी joinindianarmy.nic.in वर जाऊन अर्ज करू शकतात.

पात्रता
बारावीत किमान ६०% गुणांसह विज्ञान विषयात (गणित, भौतिकशास्त्र आणि रसायनशास्त्र) १२वी उत्तीर्ण केलेली असावी. यासोबत उमेदवाराने JEE (मुख्य) परीक्षा उत्तीर्ण केलेली असावी.

वय मर्यादा
उमेदवाराचे किमान वय 16½ आणि कमाल वय 19½ वर्षे असावे.

निवड कशी होईल?

• यासाठी शॉर्टलिस्टेड अर्जदारांना बोलावले जाईल.
• SSB मुलाखत – ही दोन टप्प्यांची निवड प्रक्रिया आहे. जे स्टेज I क्लिअर करतील, ते स्टेज II वर जातील.
• वैद्यकीय परीक्षा – स्टेज उत्तीर्ण झालेल्यांसाठी ही परीक्षा घेतली जाईल. SSB द्वारे वैद्यकीयदृष्ट्या तंदुरुस्त घोषित केलेल्या उमेदवारांना सर्व पात्रता निकषांच्या पूर्ततेच्या अधीन राहून गुणवत्तेच्या क्रमाने प्रशिक्षणासाठी जॉइनिंग लेटर दिले जाईल.

The post इंडियन आर्मी : 12वी पास उमेदवारांसाठी निघाली भरती, 24 जानेवारीपासून अर्ज करता येणार.. appeared first on थोडक्यात घडामोडी.

भारतीय सैन्य दलाच्या टेक्निकल कोअर मध्ये सरकारी नोकरी करण्याची इच्छा असणाऱ्या उमेदवारांसाठी महत्त्वाची बातमी आहे. भारतीय सैन्याद्वारे जुलै २०२२ पासून सुरू होणाऱ्या टेक्निकल ग्रॅज्युएट कोर्स (TGC 135) साठी सोमवार, ६ डिसेंबर पासून अर्ज प्रक्रिया सुरू झाली आहे. सैन्यातर्फे आर्मी टीजीसी १३५ साठी जारी केलेल्या नोटिफिकेशननुसार अर्ज करण्यास इच्छुक उमेदवार ४ जानेवारी २०२२ रोजी दुपारी ३ वाजेपर्यंत अर्ज करू शकतील.

आर्मी टीजीसी १३५ साठी अर्ज कसा करायचा?

• अर्ज करण्यास इच्छुक उमेदवारांनी भारतीय सैन्याचे अधिकृत भरती पोर्टल joinindianarmy.nic.in वर जावे.
• तेथे उपलब्ध असलेल्या ऑनलाइन ऍप्लिकेशन फॉर्मच्या माध्यमातून अर्ज करता येणार आहे.
• अर्ज प्रक्रियेअंतर्गत उमेदवारांना पोर्टल वर ऑफिसर्स एन्ट्री सेक्शनमध्ये आधी रजिस्ट्रेशन करावं लागेल आणि मग आपल्या क्रिडेन्शिअल्सच्या माध्यमातून लॉग इन करून उमेदवार आपला अर्ज सबमीट करू शकतील.

पात्रता :

1. भारतीय सैन्याद्वारे यापूर्वी आयोजित केलेल्या टीजीसी भरती प्रक्रियांच्या नोटीसनुसार कोणत्याही मान्यता प्राप्त विद्यापीठातून किंवा कोणत्याही उच्च शिक्षण संस्थेतून इंजिनीअरिंगची पदवी उत्तीर्ण केलेले उमेदवार अर्ज करण्यास पात्र आहेत.
2. अंतिम वर्षाला असणारे विद्यार्थीही अर्ज करण्यास पात्र आहेत, मात्र त्यांना १ जुलै २०२२ पर्यंत परीक्षा उत्तीर्ण झाल्याचा पुरावा द्यावा लागेल. त्यांना इंडियन मिलिट्री अकॅडमी (IMA) मध्ये कोर्स सुरू झाल्यापासून १२ आठवड्यांच्या आत सर्टिफिकेट सादर करावे लागेल.
3. उमेदवारांची वयोमर्यादा १ जुलै २०२२ रोजी किमान २० ते कमाल २७ वर्षे असावी.

महत्वाच्या तारखा :

ऑनलाइन अर्ज प्रक्रिया सुरु होण्याची तारीख – 06 डिसेंबर 2021

ऑनलाइन अर्ज सादर करण्याची शेवटची तारीख – ०४ जानेवारी २०२२

भारतीय सैन्याद्वारे टेक्निकल कोअरमध्ये भरतीसाठी बारावी उत्तीर्ण उमेदवारांसाठी टेक्निकल एन्ट्री स्कीम (TES)आणि ग्रॅज्युएट उमेदवारांसाठी टेक्निकल ग्रॅज्युएट कोर्स (TGC)चे आयोजन केले जाते. टीईएस-46 साठी अर्ज प्रक्रिया ८ ऑक्टोबर २०२१ ते ८ नोव्हेंबर २०२१ या कालावधीत राबवण्यात आली होती. आता टीजीसी १३५ साठी अर्ज प्रक्रिया सैन्याने सुरू केली आहे.

The post भारतीय सैन्य दलात नोकरीची संधी, आर्मी टीजीसी १३५ साठी अर्ज प्रक्रिया सुरू appeared first on थोडक्यात घडामोडी.

ओडिशा : 27 ऑक्टोबर 2021 रोजी ओडिशातील डॉ. एपीजे अब्दुल कलाम बेटावर भारताच्या अणुशक्तीवर चालणाऱ्या आंतरखंडीय क्षेपणास्त्र अग्नी-5 ची यशस्वी चाचणी घेण्यात आली. त्याची रेंज 5000 किमी आहे. भारत सरकारच्या नीतीप्रमाणे ते अगोदर कोणतेही शस्त्र वापरणार नाहीत. सध्या केलेली चाचणी लष्करी क्षमता आणि सामर्थ्य वाढवण्यासाठी आहे. या क्षेपणास्त्राने आशियातील अनेक शहरांना लक्ष्य केले जाऊ शकते. सरासरी, एक व्यक्ती 6 सेकंदात एकदा डोळे मिचकावते. अशा वेळी हे क्षेपणास्त्र सुमारे ५० किलोमीटर अंतरावर जाईल.

काही दिवसांपूर्वी चीनसह अनेक देशांनी अग्नी-5 क्षेपणास्त्राबाबत नाराजी व्यक्त केली होती. मात्र भारताने याआधी सात वेळा अग्नी-5 क्षेपणास्त्राची यशस्वी चाचणी घेतली आहे. चीनची नाराजी आहे कारण त्यांचा संपूर्ण देश अग्नी-5 क्षेपणास्त्राच्या कक्षेत येत आहे. या क्षेपणास्त्र हल्ल्यापासून कोणतेच शहर वाचू शकणार नाही. अग्नी-5 इंटरकॉन्टिनेंटल बॅलिस्टिक क्षेपणास्त्र (Agni-V ICBM) संरक्षण संशोधन आणि विकास संस्था (DRDO) आणि भारत डायनॅमिक्स लिमिटेड (BDL) यांनी संयुक्तपणे विकसित केले आहे.

India has successfully developed the road-mobile, over 5,000-km-range Agni-5 missile with a 1.5-ton warhead as part of its nuclear deterrent. It is now working to equip it with multiple independently targetable warheads. Today’s flight test might have involved a MIRVed version. pic.twitter.com/CwEEnZzjOt

— Brahma Chellaney (@Chellaney) October 27, 2021

अग्नी-5 इंटरकॉन्टिनेंटल बॅलिस्टिक क्षेपणास्त्र (Agni-V ICBM) 50 हजार किलो वजनाचे आहे. ते 17.5 मीटर लांब आहे. त्याचा व्यास 2 मीटर म्हणजेच 6.7 फूट आहे. याच्या वर 1500 किलो वजनाचे अण्वस्त्र बसवले जाऊ शकते. या क्षेपणास्त्रामध्ये तीन-स्टेज रॉकेट बूस्टर आहे जे घन इंधनावर उडतात. त्याचा वेग ध्वनीच्या वेगापेक्षा २४ पट जास्त आहे. म्हणजेच ते एका सेकंदात 8.16 किलोमीटरचे अंतर कापते. ते ताशी २९,४०१ किलोमीटर वेगाने शत्रूवर हल्ला करते. यात रिंग लेझर गायरोस्कोप इनर्शियल नेव्हिगेशन सिस्टम, जीपीएस, NavIC सॅटेलाइट मार्गदर्शन प्रणाली आहे.

अग्नी-5 इंटरकॉन्टिनेंटल बॅलिस्टिक क्षेपणास्त्र आपल्या लक्ष्यावर अचूक मारा करते. काही कारणास्तव, अचूकतेमध्ये फरक पडला तरीही तो फक्त 10 ते 80 मीटरचा असेल. परंतु, हा फरक क्षेपणास्त्राची घातकता कमी करू शकत नाही. ते लॉन्च करण्यासाठी ग्राउंड-माउंटेड मोबाइल लाँचर वापरला जातो. ते ट्रकवर लोड करून रस्त्याने कोणत्याही ठिकाणी नेले जाऊ शकते. शास्त्रज्ञ एम. नटराजन यांनी 2007 मध्ये पहिल्यांदा या क्षेपणास्त्राची योजना आखली होती.

भारताने हे क्षेपणास्त्र डागले तर ते संपूर्ण आशिया, युरोप, आफ्रिकेच्या काही भागांवर हल्ला करू शकते. या क्षेपणास्त्राची सर्वात महत्त्वाची गोष्ट म्हणजे त्याचे MIRV तंत्रज्ञान (Multiple Independently Targetable Re-entry Vehicles). या तंत्रात क्षेपणास्त्रावर बसवलेल्या वॉरहेडमध्ये एकाच शस्त्राऐवजी अनेक शस्त्रे बसवता येतात. म्हणजेच एक क्षेपणास्त्र एकाच वेळी अनेक लक्ष्यांवर मारा करू शकते.

अग्नी-5 क्षेपणास्त्राच्या एकूण सात यशस्वी चाचण्या झाल्या आहेत. या चाचण्यांमध्ये या क्षेपणास्त्राची वेगवेगळ्या पॅरामीटर्सवर चाचणी घेण्यात आली. ज्यामध्ये हे क्षेपणास्त्र शत्रूला नष्ट करण्यासाठी सर्वोत्तम शस्त्र असल्याचे आढळून आले. त्याची अचूकता, वेग आणि विनाशकारी शक्ती यामुळे शत्रूला घाम फुटेल. 50 हजार किलो वजनाचे हे अग्नी-5 क्षेपणास्त्र 200 ग्रॅम वजनाच्या नियंत्रण आणि मार्गदर्शन प्रणालीद्वारे नियंत्रित केले जाते. ते या क्षेपणास्त्रावरच बसवलेले असते. त्याला सिस्टम ऑन चिप (SOC) आधारित ऑन-बोर्ड संगणक म्हणतात. अग्नी-5 क्षेपणास्त्रामध्ये एमआयआरव्ही तंत्रज्ञान म्हणजेच अनेक वॉरहेड्सची चर्चा होत होती. यामध्ये क्षेपणास्त्राच्या नाकावर दोन ते दहा शस्त्रे बसवता येतात. म्हणजेच एकच क्षेपणास्त्र शेकडो किलोमीटरवर पसरलेल्या 2 ते 10 वेगवेगळ्या लक्ष्यांवर एकाच वेळी अचूक मारा करू शकते. असे देखील होऊ शकते की जर लक्ष्य खूप मोठे असेल तर एकाच क्षेपणास्त्राचे 10 वॉरहेड वेगवेगळे हिस्से नष्ट करतील. जेणेकरून शत्रूला डोके वर काढण्याची संधी मिळणार नाही.

The post अग्नी-5 क्षेपणास्त्राची यशस्वी चाचणी, शत्रूला नष्ट करण्यासाठी सर्वोत्तम शस्त्र appeared first on थोडक्यात घडामोडी.

पठाणकोट : पठाणकोटजवळील रणजीत सागर तलावात लष्कराचे हेलिकॉप्टर कोसळले. सुदैवाने वैमानिक आणि सह-वैमानिक सुरक्षित आहेत. एनडीआरएफ आणि पोलिसांकडून शोध व बचावकार्य सुरू आहे.

मिळालेल्या माहितीनुसार, 254 आर्मीच्या एव्हिएशन स्क्वाड्रनच्या हेलिकॉप्टरने सकाळी 10:20 वाजता मामून कॅंटमधून उड्डाण केले. हे हेलिकॉप्टर रणजीत सागर तलावावरून खूपच कमी उंचीवरून उडत होते आणि त्यानंतर ते कोसळले. पठाणकोटला लागून असलेल्या जम्मू -काश्मीर भागातील रणजीत सागर धरणाजवळ सैनिक हेलिकॉप्टरने गस्त घालत होते. धरणातील बोटी आणि गोताखोरांच्या मदतीने हेलिकॉप्टरचा शोध घेतला जात आहे. मात्र, हा भाग जास्त खोल असल्यामुळे हेलिकॉप्टरचा शोध घेणे अवघड झाले आहे.

The post पठाणकोटजवळील रणजीत सागर तलावात कोसळले लष्कराचे हेलिकॉप्टर appeared first on थोडक्यात घडामोडी.

जम्मू-काश्मीरच्या पुलवामा हल्ल्यात शहीद झालेले मेजर विभूती शंकर धौंडियाल यांची पत्नी नितिका कौल आज भारतीय सैन्यात दाखल झाली आहे. सैन्यात भरती झाल्यानंतर त्या आता ‘लेफ्टनंट नितिका धौंडियाल’ बनल्या आहेत. नितीका यांनी आज भारतीय सैन्याचा गणवेश परिधान करून हुतात्मा मेजर विभूती शंकर यांना श्रद्धांजली वाहिली. मेजर विभूती फेब्रुवारी 2019 मध्ये जैश-ए-मोहम्मदच्या दहशतवाद्यांशी झालेल्या चकमकीत शहीद झाले होते.

18 फेब्रुवारी 2019 रोजी, जम्मू-काश्मीरच्या पुलवामा येथे मेजर धोंडीयाल यांना वीरमरण आले होते. 14 फेब्रुवारी 2019 रोजी पुलवामा येथे सीआरपीएफच्या ताफ्यावर दहशतवादी हल्ला झाला होता. त्यात 40 जवान शहीद झाले होते. या हल्ल्यानंतरच सैन्याने पुलवामाच्या पिंगलान गावात दहशतवाद्यांचा खात्मा करण्यासाठी मोहीम राबविली होती. त्यावेळी पिंगलानमध्ये झालेल्या चकमकीत चार जवान ठार झाले. या शहीद झालेल्या जवानांमध्ये मेजर विभूती धोंडियाल यांचादेखील समावेश होता.

मेजर धोंडियाल आणि नितीका यांचे लग्न होऊन तेव्हा केवळ 10 महिने झाले होते. त्यावेळी आपल्या पतीला शूर सैनिक म्हणत नितीका कौल म्हणाल्या होत्या कि, “मला पूर्ण विश्वास आहे की माझे पती मेजर विभूती यांना आलेलं वीरमरण अनेक जणांना सैन्यात सामील होण्यासाठी प्रेरणा देईल.”

मेजर विभूती शंकर धौंडियाल यांचे पार्थिव त्यांच्या गावी पोहोचले, तेव्हा त्यांची पत्नी नितिका यांनी त्यांच्या पार्थिवाजवळ उभी राहून त्यांना सॅल्यूट केला होता. त्यावेळी नितीका म्हणाल्या होत्या कि, “तुम्ही मला खोटे सांगितले होते की तुम्ही माझ्यावर प्रेम करता. तुम्ही माझ्यावर नाही, तर आपल्या देशावर जास्त प्रेम करत होता आणि मला त्याचा अभिमान आहे.” माध्यमांशी बोलताना नितिका म्हणाल्या होत्या की मी बिचारी व्यक्ती नसून शूर हुतात्माची पत्नी आहे आणि मला माझे पती शहीद झाले त्याचा अभिमान आहे.

Lt Nitika Kaul gives befitting tribute to her husband #MajVibhutiShankarDhoundiyal, SC(P) who made supreme sacrifice at #Pulwama 2019; As she dons the Olive Green #IndianArmy uniform. A proud moment as #LtGenYKJoshi, #ArmyCdrNC pips the stars on shoulders & welcomes her to #AOC pic.twitter.com/Hg9NQlJtjT

— NorthernComd.IA (@NorthernComd_IA) May 29, 2021

The post सलाम! शहीद मेजर विभूती धौंडियाल यांची पत्नी भारतीय सैन्यात दाखल, आजपासून ‘लेफ्टनंट नितिका धौंडियाल’ appeared first on थोडक्यात घडामोडी.

‘आत्मनिर्भर भारत’ मोहिमेंतर्गत भारतीय लष्कराने एक नवीन मेसेजिंग अॅप डेव्हलप केलं आहे. इंडियन आर्मीकडून लाँच करण्यात आलेल्या या मेसेजिंग अॅप ला ‘Secure Application for the Internet (SAI)’ नाव दिले आहे. हे अॅप इंटरनेट द्वारे अँड्रॉयड प्लॅटफॉर्मवर अँड टू अँड सिक्योर व्हाईस, टेक्स्ट आणि व्हिडिओ कॉलिंग सर्विस सपोर्ट करते. गुरुवारी संरक्षण मंत्रालयाने याची माहिती दिली आहे.

मंत्रालयाने एका प्रेस रिलीजमध्ये म्हटले, लष्कराकडून बनवण्यात आलेले हे अॅप व्हॉट्सअॅप, टेलिग्राम, SAMVAD आणि GIMS सारखे आहे. हे अँड टू अँड एनक्रिप्शन मेसेजिंग प्रोटोकॉलचा वापर करते. SAI लोकल इन-हाउस सर्वर आणि कोडिंग सोबत सिक्यॉरिटी फीचर्स सह बाकीच्या अॅप्सला चांगले बनवते. या फीचर्सला आवश्यकेनुसार बदलले जावू शकते.

अॅप ची CERT-in आणि आर्मी सायबर ग्रुप च्या पॅनल ऑडिटर्स द्वारा चाचणी करण्यात आली आहे. तसेच NIC वर इंटेलेक्चुअल प्रॉपर्टी राइट्स (IPR) साठी फायलिंग वर काम सुरू आहे. यासाठी iOS प्लॅटफॉर्म वर अॅप आणण्याची प्रक्रिया सुरू आहे.

संरक्षण मंत्रालयाने पुढे सांगितले, SAI चा पूर्ण लष्करासाठी वापर केला जाणार आहे. या सर्विस सोबत सिक्योर मेसेजिंगची सुरुवात होऊ शकते. अ‍ॅपच्या कार्यक्षमतेचा आढावा घेतल्यानंतर संरक्षण मंत्र्यांनी कर्नल साई शंकर यांच्या कामाचं कौतुक केलं आहे.

The post आत्मनिर्भर भारत : भारतीय लष्कराने डेव्हलप केलं Whatsapp सारखं मेसेजिंग अॅप appeared first on थोडक्यात घडामोडी.