मुंबई : यंदा मान्सून वेळेवर आला आणि पाऊसही चांगला पडला. पण आता मान्सून वेळेवर न परतण्याची शक्यता निर्माण झाली आहे. हवामान खात्याच्या शास्त्रज्ञांच्या म्हणण्यानुसार, कमी दाबाची प्रणाली तयार झाल्यामुळे, यावेळी मान्सून परतण्यास उशीर होणार आहे. हा कालावधी सप्टेंबरच्या अखेरपर्यंत किंवा त्याहूनही पुढे जाऊ शकतो. अशा परिस्थितीत उन्हाळ्यात लागवड केलेल्या पिकांचे नुकसान होऊ शकते.

साधारणतः सप्टेंबरच्या मध्यात भात, कापूस, सोयाबीन, मका आणि कडधान्यांची कापणी होते. परंतु यंदा पाऊस असाच सुरू राहिला तर शेतकऱ्यांना कापणी-काढणी करणे कठीण होईल. मात्र, हिवाळ्यात पेरलेल्या गहू, हरभरा या पिकांना या वातावरणाचा फायदा होऊ शकतो, कारण माती ओलसर राहील.

भारतातील वार्षिक पाण्याच्या गरजेपैकी 70 टक्के पाणी मान्सून आणतो. त्यामुळे शेती सुधारते. जलाशय भरतात. निम्म्याहून अधिक शेती पावसाळ्यावर अवलंबून आहे. मात्र, यावर्षी सप्टेंबरच्या तिसऱ्या आठवड्यात कमी दाबाचा पट्टा तयार होताना दिसत असल्यामुळे मान्सून परतीस विलंब होईल. यावेळी मान्सून ऑक्टोबरच्या मध्यापर्यंत लांबण्याची शक्यता आहे.

The post चिंताजनक! यंदा मान्सून परतण्यास होणार उशीर, पिकांचे मोठ्या प्रमाणावर नुकसान होण्याची शक्यता appeared first on थोडक्यात घडामोडी.

परभणी : राज्यातील विविध जिल्ह्यात या परतीच्या पावसाचा मोठा फटका शेतकऱ्यांना बसला आहे. हाती आलेली पिकं या परतीच्या पावसानं वाया गेली आहेत. परतीच्या पावसानं झालेलं सोयाबीनचं नुकसान आणि खासगी फायनान्सचं घेतलेलं कर्ज कसे फेडायचे या विवंचनेतून परभणी जिल्ह्यातील कौसडी येथील एका शेतकऱ्यानं आत्महत्या केल्याची घटना घडली. विषारी औषध घेऊन शेतकऱ्यानं आत्महत्या केली आहे. गुलाब जीवने (वय, 24 वर्ष) असं आत्महत्या केलेल्या शेतकऱ्याचं नाव आहे.

परतीच्या पावसानं झालेलं सोयाबीन पिकाचं नुकसान आणि खासगी फायनान्सचे घेतलेलं कर्ज कसं फेडायचे या विवंचनेतून गुलाब जीवने यांनी आत्महत्या केली आहे. तरुण शेतकरी गुलाब जीवने यांच्याकडे अडीच एकर शेती आहे. या शेतात त्यांनी सोयाबीन लावले होते. मात्र, परतीच्या पावसाने हे सोयाबीन वाया गेले. त्यातच खासगी फायनान्स कंपनीकडून घेतलेले कर्ज डोक्यावर आणि नुकसान पाहता हे कर्ज फेडायचे कसे व आपला प्रपंच चालवायचा कसा या विवंचनेत गुलाब जीवने यांनी विषारी औषध प्राशन केले. या घटनेनंतर तत्काळ गावकऱ्यांनी त्यांना बोरी येथील ग्रामीण रुग्णालयात दाखल केले. प्रथमोपचार करुन त्यांना परभणी येथील रुग्णालयात हलवण्यात आले होते. मात्र, त्या ठिकाणी गुलाब जीवने यांचा मृत्यू झाला. त्यांच्या पश्चात लहान भाऊ आणि आई आहे.

शेतकरी आंदोलन : आणखी एका शेतकऱ्याची सुसाईड नोट लिहून आत्महत्या

The post धक्कादायक! परभणीत 24 वर्षाच्या तरुण शेतकऱ्यानं संपवलं जीवन, परतीच्या पावसानं सोयाबीनचं झालं होतं नुकसान appeared first on थोडक्यात घडामोडी.

यवतमाळ : अतिवृष्टी व सततच्या पावसामुळे संकटात सापडलेला एकही शेतकरी मदतीपासून वंचित राहता कामा नये. यासाठी नुकसानग्रस्त शेतीचे शिल्लक राहिलेले पंचनामे तातडीने पूर्ण करण्याचे निर्देश अन्न व औषध प्रशासन मंत्री संजय राठोड यांनी आज दिले.

दारव्हा उपविभागातील लाखखिंड, खेड, पळशी व तरोडा या गावात शेती पिकांच्या नुकसानीची पाहणी करून मंत्री संजय राठोड यांनी दारव्हा विश्रामगृह येथे तालुकास्तरीय यंत्रणेचा आढावा घेतला. यावेळी जिल्हाधिकारी अमोल येडगे, अतिरिक्त मुख्य कार्यकारी अधिकारी विनय ठमके, जिल्हा ग्रामीण विकास यंत्रणेच्या प्रकल्प संचालक श्रीमती रसाळ, जिल्हा अधीक्षक कृषी अधिकारी नवनाथ कोळपकर, उपविभागीय अधिकारी सुधीर पाटील, तहसीलदार सुभाष जाधव, गटविकास अधिकारी राजीव शिंदे, विद्युत विभागाचे अधीक्षक अभियंता सुरेश मडावी प्रामुख्याने उपस्थित होते.

नाल्याचे पाणी घुसल्याने शेत पिकांचे नुकसान झाले, त्याभागातील सर्व नाल्यांचे खोलीकरण व सरळीकरण करून घेण्याच्या सूचना मंत्री राठोड यांनी दिल्या. दारव्हा उपविभागात सात मंडळापैकी चार मंडळात अतिवृष्टी झाली आहे, या नुकसानग्रस्त भागात मदत मिळणारच आहे, पण उर्वरित तीन मंडळात देखील शेतीचे मोठ्या प्रमाणात नुकसान झाले आहे. त्या मंडळातील शेतकऱ्यांना शासकीय मदत मिळण्यासाठी सततच्या पावसाने नुकसानग्रस्तांच्या यादीत त्यांचा समावेश करावा, अशा सूचना मंत्री राठोड यांनी दिल्या.

शेतात पाणी साठल्यामुळे पडलेली रोपे सरळ उभी करण्यासाठी कृषी विभागाने शेतकऱ्यांना मार्गदर्शन करण्यासही त्यांनी सांगितले. दारव्हा व दिग्रस भागात विद्युत वाहक तारेची मोठ्या प्रमाणात चोरी होत असल्याने विद्युत प्रवाह खंडित होऊन शेतकऱ्यांना व नागरिकांना त्रास होतो. विद्युत विभागाने अशा चोरीला अटकाव करण्यासाठी नागरिकांमध्ये जनजागृती करण्याच्या सूचना राठोड यांनी दिल्या.

राठोड यांनी लाखखिंड येथे पंडीत राठोड व संजय बानावत यांच्या शेतात तसेच पळशी येथे सुनिल मदनकार व तरोडा येथे अरूण मादनकर आणि नरेश मादनकर यांच्या शेतात पाहणी केली तसेच खेड नाल्याची देखील पाहणी केली. यावेळी तालुकास्तरीय यंत्रणेचे अधिकारी उपस्थित होते.

The post एकही नुकसानग्रस्त शेतकरी मदतीपासून वंचित राहता कामा नये – अन्न व औषध प्रशासन मंत्री संजय राठोड appeared first on थोडक्यात घडामोडी.

कृषी कायद्यांविरोधात आंदोलन करणाऱ्या शेतकऱ्यांनी आज भारत बंद पुकारला आहे. त्यामुळे देशभरात ठिकठिकाणी रस्ते आणि रेल्वे वाहतुकीवर परिमाण होण्याची शक्यता आहे. केंद्र सरकारच्या कृषी कायद्यांविरोधात सुरु असलेल्या आंदोलनाला चार महिने पूर्ण झाले आहेत. सकाळी शेतकऱ्यांकडून गाझीपूर सीमेवर राष्ट्रीय महामार्ग ९ रोखण्यात आला होता.

संयुक्त किसान मोर्चाचे नेते दर्शन पाल यांनी सांगितलं की आंदोलक शेतकऱ्यांकडून दूध तसंच भाज्यांचा पुरवठाही रोखण्यात येईल. दरम्यान किसान मोर्चाने शेतकऱ्यांना शांततेच्या मार्गाने आंदोलन करण्याचं आवाहन केलं आहे. सकाळी सहा वाजता भारत बंद आंदोलनाला सुरुवात झाली असून संध्याकाळी सहा वाजेपर्यंत आंदोलन सुरु राहील अशी माहिती संयुक्त किसान मोर्चाने दिली आहे. सुरक्षेच्या दृष्टीने पोलिसांनी अनेक ठिकाणी बॅरिकेड्स उभारले आहेत.

दरम्यान, देशातील आठ कोटी व्यापाऱ्यांचं प्रतिनिधित्व करणाऱ्या कॉन्फेडरेशन ऑफ ऑल इंडिया ट्रेडर्सने आपण बंदमध्ये सहभागी नसून मार्केट सुरु राहतील, असं स्पष्ट केलं आहे.

The post कृषी कायद्यांविरोधात शेतकऱ्यांची आज भारत बंदची हाक appeared first on थोडक्यात घडामोडी.

शेतकरी आंदोलनाच्या 67 व्या दिवशी शेतकरी नेते आणि सरकार यांच्यात पुढील बैठकीची तारीख निश्चित करण्यात आली आहे. पंतप्रधान नरेंद्र मोदी यांच्या हस्तक्षेपानंतर 2 फेब्रुवारी रोजी सरकार शेतकऱ्यांशी 13 व्या फेरीची बैठक घेणार आहे. शनिवारी झालेल्या सर्वपक्षीय बैठकीत पंतप्रधान मोदी म्हणाले कि, “सरकार शेतकऱ्यांशी बोलण्यास सदैव तत्पर आहे. 22 जानेवारी रोजी शेतकर्‍यांना दिलेला प्रस्ताव अद्याप अबाधित आहे. मी आणि कृषिमंत्री शेतकऱ्यांपासून फक्त एक फोन दूर आहोत.”

दरम्यान, गाझीपूर आणि सिंघू सीमेवर शेतकर्‍यांची संख्या सातत्याने वाढत आहे. मुजफ्फरनगरमध्ये झालेल्या महापंचायतीत गाझिपूरला जाण्याचे आवाहन झाल्यानंतर यूपी आणि हरियाणाचे शेतकरी तेथे पोहोचत आहेत. सिंघू आणि गाझीपूरच्या सीमेवर खबरदारीचा उपाय म्हणून पोलिसांनी बंदोबस्त वाढविला आहे.

शेतकरी नेते आणि भारतीय किसान युनियनचे प्रमुख राकेश टिकैत म्हणाले कि, सरकारने आमच्या लोकांना सोडून द्यावं आणि संवादासाठी व्यासपीठ तयार करावं. पंतप्रधान नरेंद्र मोदी यांच्या ‘मन की बात’ वर टिकैत म्हणाले कि, “आम्हाला पंतप्रधान मोदींचा सन्मान ठेऊन यावर उपाय पाहिजे आहे. आमचा हेतू कोठूनही सरकार आणि संसदेची मानहानी करण्याचा नाही. परंतु आम्ही आमचा सन्मानदेखील सुरक्षित ठेऊ. 26 जानेवारीची घटना एक षडयंत्र होती. लवकरच आम्ही याचा खुलासा करू. आम्ही तिरंग्याचा अपमान कधीही होऊ देणार नाही.

22 जानेवारी रोजी सरकार आणि शेतकरी नेत्यांमध्ये 12 व्या फेरीची बैठक झाली. यानंतर सरकारने म्हटले होते की नवीन कायद्यांमध्ये कोणतीही कमतरता नाही. आपण (शेतकरी नेते) एखाद्या निर्णयापर्यंत पोहोचले तर सांगा. मग आपण यावर चर्चा करू. यापूर्वी 20 जानेवारी रोजी झालेल्या बैठकीत केंद्राने दीड वर्ष नवीन कृषी कायदे लागू न करण्याचा तसेच एमएसपीवर चर्चा करण्यासाठी नवी कमिटी स्थापित करण्याचा प्रस्ताव दिला होता.

The post शेतकरी आंदोलन : पुढील बैठक 2 फेब्रुवारीला, ‘मन की बात’ वर राकेश टिकैत म्हणाले.. appeared first on थोडक्यात घडामोडी.

शेतकरी आंदोलनाच्या पार्श्वभूमीवर आज सिंघू सीमेवर प्रचंड गदारोळ झाला आहे. दुपारी 1 च्या सुमारास काही लोकांनी येऊन घोषणाबाजी करत शेतकऱ्यांकडे तेथील आंदोलनस्थळ मोकळं करण्याची मागणी केली. ते म्हणाले की शेतकरी चळवळीमुळे लोकांचे व्यवसाय ठप्प पडले आहेत. 1.45 वाजेच्या सुमारास हे लोक शेतकर्‍यांच्या तंबूत घुसले आणि त्यांनी आवश्यक वस्तूंची तोडफोड केली. यानंतर वातावरण टपाल आणि दोन्ही बाजूंनी दगडफेक सुरु झाली.

परिस्थिती नियंत्रणात आणण्यासाठी पोलिसांनी हस्तक्षेप करण्याचा प्रयत्न केला, परंतु परिस्थिती जास्त बिघडत असल्याचे पाहून लाठीचार्ज करावा लागला आणि अश्रुधुराचे गोळे सोडण्यात आले. या चकमकीत बरेच लोक जखमी झाले. तसेच काही पोलिसांनाही गंभीर दुखापत झाली. यात अलीपूर पोलिस ठाण्याचे SHO यांना गंभीर दुखापत झाली, त्यांच्यावर कुणीतरी तलवारीने हल्ला केला आहे.

The post सिंघू सीमेवर प्रचंड गदारोळ, तलवार लागल्याने अलीपूर पोलिस ठाण्याचे SHO गंभीर जखमी appeared first on थोडक्यात घडामोडी.

मुंबई : विरोधी पक्षनेते देवेंद्र फडणवीस यांनी माहिती दिली आहे कि, शरद पवार जेव्हा देशाचे कृषीमंत्री होते तेव्हा त्यांनीच शेती क्षेत्रात खासगी कंपन्यांचा प्रवेश आवश्यक आहे, असे सांगितले होते. त्यांनीच २०१२ ते १७ साली तयार करण्यात आलेल्या बाराव्या पंचवार्षिक योजनेत हा मुद्दा मांडला होता. तसेच एपीएमसी कायद्यात बदल करण्यासाठी पवारांनी अनेक राज्यांना पत्र देखील पाठवली होती.

शरद पवारांनी टास्क फोर्सला दिलेल्या सूचनांची दखल घेत मोदी सरकारने कृषी कायदे केले. याच कारणामुळे मोदी सरकारने केलेल्या कृषी कायद्यांच्या विरोधात शरद पवार बोलत नाहीत. या कायद्यांना पवारांच्या अनुभवाचा आधार आहे, त्यांचा या कायद्यांच्या मूळ तत्वाला विरोध नाही, असं फडणवीस म्हणाले.

The post ‘या’ कारणामुळे शरद पवार कृषी कायद्यांच्या विरोधात बोलत नाहीत appeared first on थोडक्यात घडामोडी.

केंद्रीय कृषी कायद्यांच्या विरोधात देशात शेतकऱ्यांचे आंदोलन आता अधिक उग्र स्वरुप धारण करत आहे. या दरम्यान पंजाबचे माजी मुख्यमंत्री प्रकाशसिंह बादल यांनी या कायद्यांच्या निषेधार्थ आपला ‘पद्मविभूषण’ सन्मान परत केला आहे. बादल यांनी राष्ट्रपती रामनाथ कोविंद यांना तीनपानी पत्र लिहून केंद्रीय कृषी कायद्यांचा निषेध केला आणि शेतकऱ्यांवर करण्यात येत असलेल्या कारवाईबाबत नाराजी व्यक्त करत पद्मविभूषण परत केला.

आपला पद्मविभूषण सन्मान परत करताना पंजाबचे माजी मुख्यमंत्री प्रकाशसिंह बादल म्हणाले, ‘मी इतका गरीब आहे की, शेतकऱ्यांसाठी अर्पण करण्याला माझ्याकडे काहीच नाही. मी जो काही आहे तो शेतकऱ्यांमुळेच आहे. अशात जर शेतकऱ्यांचा अपमान होत असेल, तर कोणत्याही प्रकारचा सन्मान राखून ठेवण्यात काहीच फायदा नाही.’ शेतकऱ्यांची फसवणूक करण्यात आली असून, त्यामुळे शेतकऱ्यांना मोठे दु:ख झाले आहे. शेतकऱ्यांच्या आदोलनाला चुकीच्या पद्धतीने सादर करण्यात येत आहे, ते अतिशय दु:खद असल्याचे त्यांनी म्हटले आहे.

The post प्रकाशसिंह बादल यांनी केंद्रीय कृषी कायद्यांचा निषेध करत ‘पद्मविभूषण’ सन्मान केला परत appeared first on थोडक्यात घडामोडी.

कृषी क्षेत्राला बळकटी देण्यासाठी आमचे सरकार पुढाकार घेत असल्याचे प्रतिपादन पंतप्रधान नरेंद्र मोदी यांनी शनिवारी केले. केंद्र सरकारने पारित केलेल्या नव्या कृषी कायद्यांना शेतकऱ्यांचे अनेक गट व राजकीय पक्ष विरोध करत असल्याच्या पार्श्वभूमीवर मोदी यांनी हे स्पष्ट केले आहे.

‘शेतकऱ्यांचे उत्पन्न दुपटीने वाढवण्यासाठी आणि त्यांचा उत्पादन खर्च तसेच त्रास कमी करण्यासाठी बदलत्या काळासोबत आम्हाला आमचे प्रयत्नही वाढवावे लागतील. शेतकऱ्यांना शेतमाल देशात कुठेही विकण्याचे स्वातंत्र्य देणे असो, किंवा कृषी उत्पादकांच्या हजारो संघटना उभारणे असो; सिंचन प्रकल्प पूर्ण करणे असो, अथवा पीक विमा योजनेतील सुधारणा असो, या सर्वाचा उद्देश कृषी क्षेत्राला बळकटी देणे हा आहे, जेणेकरून शेतकऱ्यांना शेती करण्यात त्रास होऊ नये. त्यासाठी अशा प्रकारचे उपक्रम सतत राबवले जात आहेत’, असे पंतप्रधान मोदी यांनी सांगितले.

कृषी, आरोग्यसेवा आणि पर्यटन विकास यांच्याशी संबंधित गुजरातमधील ३ प्रकल्पांचे दिल्लीतून व्हीडिओ कॉन्फरन्सिंग द्वारे उद्घाटन केल्यानंतर ते बोलत होते.

The post कृषी क्षेत्राला बळकटी देण्यासाठी केंद्र सरकार प्रयत्नशील – पंतप्रधान नरेंद्र मोदी appeared first on थोडक्यात घडामोडी.

सोलापूर : प्रशासनाच्या वतीने घालून दिलेल्या लॉकडाऊनमुळे देखील शेतकऱ्यांचे मोठ्या प्रमाणात नुकसान झाले होते. मात्र सध्या शेतकऱ्यांना कांद्याला चांगला भाव मिळत असल्याने शेतकऱ्यांच्या चेहऱ्यावर समाधान होते. मात्र अचानकपणे कांदा निर्यातीवर केंद्र सरकारने बंदी घातल्याने देशभरातील कांद्याचे भाव कमी होणार आहेत. सरकारने घेतलेल्या निर्णयामुळे शेतकरी हवालदिल झाला आहे.

केंद्र सरकारने घेतलेला कांदा निर्यात बंदीचा निर्णय मागे घेऊन, शेतकऱ्यांचे नुकसान थांबावे म्हणून एका शेतकरी पुत्राने राज्यापालांची भेटण्यासाठी वेळ मागितली आहे. हे वेळ त्याने मेल करून मागितली आहे काय म्हटलं आहे या मेल मध्ये, महोदय, मी विरेश आंधळकर, रा – सौंदरे, ता – बार्शी, जि – सोलापूर. मी एक पदवीधर असून माझी वडिलोपार्जित शेती आहे. कोरोना आणि लॉकडाऊनच्या संकटामध्ये गावी परतावे लागले आहे. ही केवळ माझी एकटयाची परिस्थिती नसून राज्यातील बहुतांश शेतकऱ्यांची शहरामध्ये काम करणारी शिकणारी मुले आता गावाकडे परतलेली आहेत.

केंद्र आणि राज्य सरकारचा दुवा असणारे राज्यपाल भगतसिंह कोश्यारी यांना भेटण्यासाठी सोलापूर जिल्ह्यातील विरेश आंधळकर या युवा शेतकऱ्याने इमेलद्वारे वेळ मागितली. शेतकरी पुत्राला कांदा उत्पादकांवर अन्याय होत असताना भेटीसाठी वेळ देणार का, याकडे सर्वांचं लक्ष लागलं आहे

The post शेतकरी पुत्राने मागितली राज्यापालांना भेटण्यासाठी वेळ.. appeared first on थोडक्यात घडामोडी.