पुणे : आज सकाळी बारामती विमानतळाजवळ झालेल्या धक्कादायक अपघातात महाराष्ट्राचे उपमुख्यमंत्री अजित पवार यांचा आणि त्यांच्या सोबत असलेल्यांचा मृत्यू झाला आहे. हा अपघात त्यांच्या चार्टर्ड विमानाच्या लँडिंगच्या प्रयत्नात झाल्याचे पहिल्या अहवालांतून समोर येत आहे.

उपमुख्यमंत्र्यांचे विमान मुंबईहून बारामतीकडे येत होते, तेव्हा लँडिंगच्या वेळी अचानक नियंत्रण सुटले आणि विमान अपघातग्रस्त झाले. विमानातील सर्व प्रवासी आणि कर्मचारी यांची घटनास्थळीच दुर्दैवी मृत्यू झाला, अशी माहिती अधिकारी आणि डीजीसीएने अधिकृतरित्या दिली आहे.

विमानाचे अवशेष जिथे कोसळले तेथे मोठ्या प्रमाणात धूर आणि आग पसरलेली होती आणि विमानाचे तुकडे शेतात पसरलेले दिसले. बचाव-गट, पोलीस, प्रशासन आणि आरोग्य सेवा त्वरित घटनास्थळी दाखल झाले.

अजित पवार हे राष्ट्रवादी काँग्रेस पक्षाचे नेतृत्व करणारे वरिष्ठ नेते आणि राज्याचे प्रभावी राजकारणी म्हणून ओळखले जातात. त्यांच्या अचानक निधनामुळे संपूर्ण महाराष्ट्रात शोककळा पसरली आहे, आणि राजकीय तसेच सामाजिक स्तरावर दुःख व्यक्त केले जात आहे.

या गंभीर अपघाताचे नेमके कारण अद्याप स्पष्ट झालेले नाही. प्राथमिक अहवालात तांत्रिक कारण किंवा लँडिंग प्रक्रियेत झालेला बिघाड हे दृष्टिकोन समोर येत आहे, तर डीजीसीएकडून तपास सुरू करण्यात आला आहे. अधिकृत अहवाल येईपर्यंत कोणतेही निश्चित कारण सांगणे शक्य नाही.

The post उपमुख्यमंत्री अजित पवार यांचे विमान अपघातात दुःखद निधन, बारामतीत घडली दुर्घटना appeared first on थोडक्यात घडामोडी.

पुणे : सोमवारी सकाळी पुणेहून दिल्लीकडे जाणारे स्पाइसजेटचे बोईंग ७३७ (VT-SLG) विमान उड्डाणानंतर तांत्रिक बिघाड आढळल्याने परत पुणे आंतरराष्ट्रीय विमानतळावर आणण्यात आले. विमानाने सुरक्षित लँडिंग केल्याची पुष्टी एअरलाइनने केली आहे.

विमान परत आल्यानंतर सर्व प्रवाशांना व्यवस्थितपणे उतरवण्यात आले. काही प्रवाशांनी याला आपत्कालीन लँडिंग असे संबोधले असले तरी विमानतळ प्रशासनाने स्पष्ट केले की कोणतीही आपत्कालीन परिस्थिती जाहीर करण्यात आलेली नव्हती, तसेच मेडे कॉलही देण्यात आलेला नव्हता.

पुणे विमानतळ संचालक संतोष ढोके यांनी सांगितले की, “उड्डाणानंतर वैमानिकाला तांत्रिक बिघाड जाणवला. त्यानंतर त्याने एअर ट्रॅफिक कंट्रोलकडून पुण्यात परतण्याची परवानगी मागितली. विमान सुरक्षितपणे उतरले, ही घटना आपत्कालीन लँडिंग नव्हती.”

सुमारे एक तास हवेत राहिल्यानंतर खबरदारीच्या उपाययोजनांतर्गत विमान परत आणण्यात आले. स्पाइसजेटने निवेदनात स्पष्ट केले की प्रवाशांच्या सुरक्षिततेशी कोणतीही तडजोड करण्यात आलेली नाही आणि संपूर्ण प्रक्रिया मानक नियमांनुसार पार पडली.

The post स्पाइसजेटचे पुणे-दिल्ली विमान पुणे विमानतळावर परतले, उड्डाणानंतर वैमानिकाला तांत्रिक बिघाड जाणवला… appeared first on थोडक्यात घडामोडी.

अहमदाबाद : अहमदाबाद विमान अपघातात सर्वत्र मृत्यूचे तांडव घडत असताना एकमेव प्रवासी जीवंत बचावले — विश्वास कुमार रमेश! पंतप्रधान नरेंद्र मोदी यांनी आज अहमदाबादमधील रुग्णालयात दाखल असलेल्या विश्वास यांची वैयक्तिकरित्या भेट घेतली आणि त्यांच्या प्रकृतीची विचारपूस केली.

विश्वास कुमार रमेश हे एअर इंडियाच्या अहमदाबादहून लंडनकडे निघालेल्या फ्लाईट AI171 मध्ये प्रवास करत होते. बोईंग 787-8 ड्रीमलाइनरच्या इकॉनॉमी क्लासमधील 11A क्रमांकाची खिडकीजवळची सीट त्यांची होती — जी आपत्कालीन बाहेर पडण्याच्या दरवाज्याजवळ आहे.

अपघाताचा थरारक क्षण
“विमान धावपट्टीवर वेग घेत असताना काहीसं विचित्र वाटलं. पाच-दहा सेकंदांसाठी सर्व काही थांबल्यासारखं वाटलं आणि अचानक हिरव्या-पांढऱ्या दिव्यांची झळक दिसली. असं वाटलं की पायलट टेकऑफसाठी शेवटपर्यंत प्रयत्न करत होता, पण काही क्षणांतच विमान थेट वसतिगृहाच्या इमारतीवर आदळलं,” असं विश्वास यांनी सांगितलं.

त्यांच्या मते, ज्या भागात ते बसले होते तो भाग इमारतीच्या खालच्या भागात आदळला असावा. “कदाचित मी माझ्या सीटसह खाली पडलो आणि मी कसा तरी बाहेर पडण्यात यशस्वी झालो. दरवाजा तुटलेला असल्याने समोर काही जागा दिसताच मी बाहेर पळालो,” असं त्यांनी सांगितलं. “माझ्या डोळ्यांसमोर दोन एअर होस्टेस, एक काका-काकू आणि इतर अनेक प्रवासी जळून गेले. दुसऱ्या बाजूला एक भिंत होती — कदाचित कोणीही तिथून बाहेर पडू शकले नाही,” असे त्यांनी अश्रू दाटलेल्या डोळ्यांनी सांगितले.

अपघातात त्यांचा डावा हात गंभीर भाजला असून सुदैवाने त्यांचे प्राण वाचले. “मी बाहेर आलो आणि काही सेकंदातच संपूर्ण विमान आगीच्या भक्ष्यस्थानी गेले. जर मी काही क्षण उशिरा बाहेर पडलो असतो, तर मीही त्या आगीत अडकून गेलो असतो,” असे त्यांनी सांगितले.

फ्लाइट AI171 अपघाताचा मृत्यूतांडव
या भीषण अपघातात आतापर्यंत २६५ प्रवाशांचा मृत्यू झाल्याची अधिकृत माहिती समोर आली आहे. सरकारी यंत्रणा मदतीसाठी सतर्क असून, अपघाताची चौकशी सुरू आहे.

विशेष म्हणजे, 11A ही सीट इकॉनॉमी क्लासच्या पहिल्या रांगेतील असून ती आपत्कालीन दरवाज्याजवळ आहे. हीच जागा विश्वास कुमार रमेश यांना जीवनदान देणारी ठरली.

The post अहमदाबाद विमान अपघातातून वाचलेले एकमेव प्रवासी – विश्वास कुमार रमेश यांनी सांगितला थरारक अनुभव… appeared first on थोडक्यात घडामोडी.

राजस्थान : प्रवाशाच्या मोबाईलचा स्फोट झाल्यामुळे एअर इंडियाच्या विमानाचे राजस्थानच्या उदयपूर येथे आपत्कालीन लँडिंग करावे लागले, यावेळी मोठा अनर्थ टळला. फ्लाइटमध्ये एकूण 140 प्रवासी होते.

एअर इंडियाच्या फ्लाइट 470 मध्ये एका प्रवाशाच्या मोबाईल फोनचा स्फोट झाला आणि त्यानंतर पायलटला फ्लाइटचे इमर्जन्सी लँडिंग करावे लागले. सर्व तांत्रिक तपासणीनंतर विमान दिल्लीला रवाना झाले. फ्लाईटदरम्यानच फ्लाइटच्या आत असलेल्या मोबाईल फोनच्या बॅटरीचा स्फोट झाल्याने प्रवाशांमध्ये एकच खळबळ उडाली होती.

मिळालेल्या माहितीनुसार, या विमानाने उदयपूरहून दिल्लीला दुपारी एक वाजता उड्डाण केले. विमानाने उड्डाण केल्यानंतर काही वेळातच प्रवाशाच्या मोबाईल फोनची बॅटरी फुटली. उदयपूरच्या दाबोक विमानतळावर इमर्जन्सी लँडिंग करताना काही प्रवाशांना विमानातून खाली उतरवण्यात आले. त्यानंतर फ्लाइटची व्यवस्थित तपासणी करण्यात आली आणि सर्व काही व्यवस्थित असल्याची खात्री झाल्यानंतरच फ्लाइटला दिल्लीला जाण्याची परवानगी देण्यात आली.

The post प्रवाशाच्या मोबाईलचा स्फोट झाल्यामुळे एअर इंडियाच्या विमानाचे इमर्जन्सी लँडिंग appeared first on थोडक्यात घडामोडी.

बिहार : बिहारचे मुख्यमंत्री नितीश कुमार यांच्या हेलिकॉप्टरचे खराब हवामानामुळे गया येथे आपत्कालीन लँडिंग करण्यात आले. राज्यातील दुष्काळी परिस्थितीची पाहणी करण्यासाठी मुख्यमंत्री निघाले होते. दरम्यान, खराब हवामानामुळे त्यांच्या हेलिकॉप्टरचे गया येथे इमर्जन्सी लँडिंग करण्यात आले आहे.

Bihar CM Nitish Kumar’s helicopter makes an emergency landing in Gaya due to bad weather conditions. CM went out to survey the drought situation in the state.

— ANI (@ANI) August 19, 2022

The post ब्रेकिंग! बिहारचे मुख्यमंत्री नितीश कुमार यांच्या हेलिकॉप्टरचे इमर्जन्सी लँडिंग appeared first on थोडक्यात घडामोडी.

नवी दिल्ली : आज (५ जुलै) स्पाइसजेट बी737 विमान ऑपरेटिंग फ्लाइट SG-11 (दिल्ली – दुबई) इंडिकेटर लाईट खराब झाल्यामुळे कराचीला (पाकिस्तान) वळवण्यात आले. त्यानंतर विमान कराची येथे सुरक्षितपणे उतरले आणि प्रवाशांना खाली उतरवण्यात आले. तीन दिवसांपूर्वीच केबिनमधील धुरामुळे दिल्ली-जबलपूर स्पाईसजेटच्या विमानाचे दिल्लीत आपत्कालीन लँडिंग करण्यात आले होते.

स्पाइसजेटच्या प्रवक्त्याने याबाबत माहिती दिली आहे. त्यांनी सांगितले की, “कोणतीही आणीबाणी घोषित करण्यात आली नाही आणि विमानाने सुरक्षित आणि सामान्य लँडिंग केले. विमानात कोणत्याही प्रकारचा बिघाड झाल्याचा यापूर्वी कोणताही अहवाल नव्हता. प्रवाशांना अल्पोपहार देण्यात आला आहे. एक पर्यायी विमान कराचीला पाठवले जात आहे जे प्रवाशांना दुबईला घेऊन जाईल.”

A replacement aircraft is being sent to Karachi that will take the passengers to Dubai. <<

— SpiceJet (@flyspicejet) July 5, 2022

उड्डाणादरम्यान चालक दलाने डाव्या टाकीमध्ये असामान्यपणे इंधनाचे प्रमाण कमी झाल्याचे पाहिले. त्यांनी तपासण्या केल्या तरी इंधनाचे प्रमाण कमी होत गेल्याचे त्यांना आढळले. मात्र, उड्डाणानंतरच्या तपासणीदरम्यान डाव्या मुख्य टाकीतून कोणतीही दृश्य गळती दिसून आली नाही.

The post दिल्लीहून दुबईला जाणाऱ्या स्पाईसजेटच्या विमानाचे पाकिस्तानमध्ये इमर्जन्सी लँडिंग appeared first on थोडक्यात घडामोडी.

उत्तर प्रदेश : उत्तर प्रदेशचे मुख्यमंत्री योगी आदित्यनाथ यांना घेऊन जाणाऱ्या हेलिकॉप्टरचे उड्डाणानंतर काही मिनिटांतच पोलिस लाइन्स येथे इमर्जन्सी लँडिंग करावे लागले. त्यांनी वाराणसी येथून लखनौसाठी उड्डाण घेतल्यानंतर त्यांच्या हेलिकॉप्टरला पक्षी धडकला, त्यानंतर त्यांना इमर्जन्सी लँडिंग करावे लागले.

दरम्यान, वाराणसीत असलेले मुख्यमंत्री आता रस्त्याने विमानतळावर जाणार आहेत आणि सरकारी विमानाने लखनौला परतणार आहेत. मुख्यमंत्री शनिवारी वाराणसीत आले होते. येथे त्यांनी आढावा बैठक घेतली, तसेच काशी विश्वनाथ मंदिरात दर्शनही घेतले होते.

The post योगी आदित्यनाथ यांच्या हेलिकॉप्टरचे पक्षी धडकल्याने इमर्जन्सी लँडिंग appeared first on थोडक्यात घडामोडी.

मुंबई : नागपूरहून हैदराबादला जाणाऱ्या वैद्यकीय विमानात (एअर ऍम्ब्युलन्स) झालेल्या बिघाडानंतर प्रचंड गोंधळ झाला, पण नंतर हे विमान सुखरुप मुंबईत दाखल झाले आहे. विमानात गडबड झाल्याचे लक्षात येताच ते मुंबईकडे वळविण्यात आले. यासाठी संपूर्ण इमर्जन्सीची घोषणा करण्यात आली. क्रॅश लँडिंगची भीती निर्माण झाली होती, पण अखेर या विमानाला सुरक्षितपणे उतरवण्यात यश मिळाले.

या विमानात एक रुग्ण, दोन पॅरामेडिकल कर्मचारी आणि दोन क्रू मेम्बर होते. मिळालेल्या माहितीनुसार, विमान नागपूरहून उड्डाण करत होते, तेव्हा त्याचा एक टायर निसटला आणि तो जमिनीवर पडला. अशा परिस्थितीत त्या विमानाचे क्रॅश लँडिंग होण्याची शक्यता आहे. परिस्थितीचे गांभीर्य लक्षात घेऊन उड्डाणातील उपस्थित वैमानिकांनी समजूतदारपणा दाखविला आणि बेली लँडिंग करण्याचा निर्णय घेतला. यानंतर लँडिंगसाठी मुंबई विमानतळाला सतर्क करण्यात आले. विमानाच्या बेली लँडिंगसाठी धावपट्टीवर फेस पसरवण्यात आला होता. छत्रपती शिवाजी महाराज आंतरराष्ट्रीय विमानतळाच्या प्रवक्त्याने विमानाच्या सुरक्षित लँडिंगची पुष्टी केली आहे.

मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग… pic.twitter.com/juXlHHeP1O

— थोडक्यात घडामोडी : MARATHI NEWS – मराठी बातम्या (@thodkyaatnews) May 6, 2021

जर वेळेत बेली लँडिंग केली नसती तर मोठा अपघातही होऊ सहकला असता. पण वैमानिकाने समयसूचकता दाखवत योग्य वेळी योग्य निर्णय घेतला आणि सर्व प्रवाशांना सुखरुप मुंबईत दाखल करण्यात आले. विमानातील रुग्णास मुंबईतील रुग्णालयात दाखल करण्यात आले आहे. फ्लाइटमधील सर्व प्रवासी पूर्णपणे सुरक्षित असल्याची माहिती मिळाली आहे.

सुरक्षित लँडिंगसाठी धावपट्टीवर ‘फोम’ पसरवण्यात आला होता. त्यामुळे मोठी दुर्घटना टळली. विमानही अपघातातून बचावले असून सर्व प्रवासीही सुखरुप आहेत. पण या घटनेने सर्वांनाच धक्का बसला आहे. या घटनेमुळे अनेक प्रश्न उद्भवले आहेत. नक्की कोणत्या स्तरावर दुर्लक्ष झाले, ही बाब तपासण्यासारखी आहे.

The post मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग appeared first on थोडक्यात घडामोडी.

इंडिगोच्या विमानातील एका प्रवाशाची प्रकृती बिघडल्यामुळे विमानाची नागपूरच्या बाबासाहेब आंबेडकर आंतरराष्ट्रीय विमानतळावर इमर्जन्सी लँडिंग करावी लागली. हे विमान शनिवारी (दि.१३) चेन्नईहून दिल्लीकडे निघाले होते. परंतु मेडिकल इमर्जन्सीमुळे विमान अचानक नागपूरमध्ये उतरवण्यात आलं. मात्र, तरीदेखील दुर्दैवाने या प्रवाशाचा मृत्यू झाला.

मिळालेल्या माहितीनुसार, चेन्नईहून दिल्लीकडे निघालेल्या या विमानात छोटूसिंह नारायण (६५) हे प्रवास करत होते. विमानाने दिल्लीसाठी उड्डाण घेतल्यानंतर काही वेळाने त्यांना अस्वस्थ वाटायला लागलं. त्यांनी त्याबद्दल विमानातील कर्मचाऱ्यांना सांगितलं. त्यानंतर तात्काळ विमान नागपूरच्या बाबासाहेब आंबेडकर आंतरराष्ट्रीय विमानतळावर उतरवण्यात आलं. त्या प्रवाशाला लगेच इंदिरा गांधी सरकारी मेडिकल कॉलेज आणि हॉस्पिटलमध्ये (GMCH) दाखल करण्यात आलं. परंतु, डॉक्टरांनी त्यांना मृत घोषीत केले.

The post प्रवाशाची प्रकृती बिघडल्यामुळे विमानाची नागपूरच्या विमानतळावर इमर्जन्सी लँडिंग, पण.. appeared first on थोडक्यात घडामोडी.

शारजाहहून भारतात लखनौत येणाऱ्या भारतीय विमानाची पाकिस्तानच्या कराची विमानतळावर आपत्कालीन लँडिंग करावी लागली. मिळालेल्या माहितीनुसार, विमानात बसलेल्या एका प्रवाशाची तब्येत अचानक खराब झाल्यामुळे हे पाऊल उचलण्यात आले. या व्यक्तीला वेळेत उपचार मिळण्यासाठी प्रयत्न केले, परंतु या व्यक्तीला वाचवण्यात यश मिळालं नाही.

कराचीच्या जीना आंतरराष्ट्रीय विमानतळावर उतरणारे विमान इंडिगो एअरलाइन्सचे विमान आहे. विमानातील प्रवाशाची तब्येत बिघडल्यामुळे परिस्थिती हाताळण्यासाठी पायलटला इमरजेंसी लँडिंग करावी लागली. वैमानिकाने परिस्थितीची माहिती पाकिस्तानच्या एअर ट्रॅफिक कंट्रोलर (एटीसी) ला देऊन विमानाच्या आपत्कालीन लँडिंगसाठी परवानगी घेण्यात आली. आपत्कालीन परिस्थिती लक्षात घेता एटीसीने वैमानिकाला खाली उतरण्यास परवानगी दिली. परंतु, उतरल्यानंतर प्राथमिक उपचार करण्यापूर्वीच या प्रवाशाचा मृत्यू झाला होता.

The post प्रवाशाला वाचवण्यासाठी भारतीय विमानाची पाकिस्तानात इमरजेंसी लँडिंग, पण.. appeared first on थोडक्यात घडामोडी.