नवी दिल्ली : रशियाचे राष्ट्राध्यक्ष व्लादिमीर पुतिन यांचा भारत दौरा ऑगस्ट महिन्याच्या अखेरीस होणार असल्याची माहिती रशियन वृत्तसंस्था इंटरफॅक्सने दिली आहे. ही माहिती भारताचे राष्ट्रीय सुरक्षा सल्लागार अजित डोभाल यांच्या हवाल्याने गुरुवारी मॉस्कोमध्ये प्रसिद्ध करण्यात आली. भारत-रशिया द्विपक्षीय संबंधांच्या दृष्टीने ही भेट अत्यंत महत्वाची ठरणार आहे.

डोभाल सध्या रशियाच्या दौऱ्यावर असून तेथे विविध उच्चस्तरीय बैठकींना उपस्थित राहत आहेत. याच अनुषंगाने व्लादिमीर पुतिन यांचा भारत दौरा निश्चित झाल्याची माहिती त्यांनी दिली. या दौऱ्यात संरक्षण, ऊर्जा, व्यापार, आणि रणनीतिक सहकार्य यांसारख्या अनेक महत्त्वाच्या विषयांवर चर्चा होण्याची शक्यता आहे.

अमेरिकेच्या नव्या व्यापार धोरणाच्या पार्श्वभूमीवर दौऱ्याचे विशेष महत्त्व
या दौऱ्याला विशेष महत्त्व प्राप्त झाले आहे कारण अमेरिकेचे माजी राष्ट्राध्यक्ष आणि आगामी निवडणुकीचे संभाव्य उमेदवार डोनाल्ड ट्रम्प यांनी बुधवारी भारतातील आयातींवर अतिरिक्त २५ टक्के कर लादण्याच्या एका नव्या कार्यकारी आदेशावर स्वाक्षरी केली आहे. या निर्णयामुळे नवी दिल्ली आणि वॉशिंग्टन यांच्यातील व्यापार तणाव वाढला आहे.

भारत अमेरिकेचा मोठा व्यापार भागीदार असून अनेक उत्पादनांचे आयात-निर्यात व्यवहार दोन्ही देशांत नियमित सुरू आहेत. ट्रम्प यांच्या या निर्णयामुळे भारताच्या व्यापार धोरणात काही बदल होण्याची शक्यता वर्तवली जात आहे. अशा परिस्थितीत पुतिन यांचा भारत दौरा हा भारतासाठी एक मजबूत पर्याय निर्माण करू शकतो.

भारत-रशिया संबंध: पारंपरिक भागीदारीला नवे परिमाण
भारत आणि रशिया यांचे दीर्घकाळापासून रणनीतिक संबंध आहेत. संरक्षण क्षेत्रात दोन्ही देशांमध्ये मजबूत भागीदारी आहे. एस-४०० क्षेपणास्त्र प्रणालीच्या करारानंतर भारताने रशियाकडून आणखी काही अत्याधुनिक संरक्षण उपकरणे खरेदी करण्याचा विचार सुरू ठेवला आहे. याशिवाय ऊर्जा, अणुऊर्जा, अवकाश संशोधन, आणि कृषी क्षेत्रातही दोन्ही देशांमध्ये सहकार्य सुरू आहे.

आगामी दौऱ्यात अपेक्षित मुद्दे

• संरक्षण सहकार्याचे विस्तार
• ऊर्जाक्षेत्रातील दीर्घकालीन करार
• बहुपक्षीय जागतिक संस्था आणि यूएन सहकार्य
• ब्रिक्स (BRICS) गटातील भारत-रशिया समन्वय
• सध्याच्या जागतिक राजकीय घडामोडींवरील मतविनिमय

राष्ट्राध्यक्ष पुतिन यांचा हा दौरा केवळ भारत-रशिया संबंध दृढ करण्यापुरता मर्यादित न राहता, बदलत्या जागतिक राजकारणात भारताचा नव्याने ठसठशीत सहभाग सुनिश्चित करण्याच्या दिशेने एक निर्णायक पाऊल ठरू शकतो.

The post रशियाचे राष्ट्राध्यक्ष पुतिन यांचा भारत दौरा ऑगस्ट अखेरीस; जागतिक राजकारणाच्या पार्श्वभूमीवर महत्वाची भेट appeared first on थोडक्यात घडामोडी.

अमेरिका : अमेरिकेचे माजी राष्ट्राध्यक्ष डोनाल्ड ट्रम्प यांनी ॲपलच्या भारतातील वाढत्या उत्पादन योजनेवरून मोठे वक्तव्य केले आहे. दोहा येथून बोलताना ट्रम्प यांनी ॲपलचे CEO टिम कूक यांना थेट सल्ला दिला की, “भारतात कारखाना सुरू करू नका, अमेरिकेतच गुंतवणूक करा.” ट्रम्प यांच्या या वक्तव्यानंतर ‘मेक इन इंडिया’ मोहिमेसाठी ही एक मोठी अडचण ठरू शकते.

ट्रम्प म्हणाले, “मी काल टिम कूक यांच्याशी बोललो. मी त्यांना सांगितले की, आम्ही तुमच्याशी खूप चांगले वागतोय. तुम्ही 500 अब्ज डॉलर्सची कंपनी तयार केली आहे, पण आता तुम्ही भारतात कारखाने उभारण्याच्या विचारात आहात, हे ऐकून मला समाधान वाटले नाही. तुम्हाला भारताला मदत करायची असल्यास हरकत नाही, पण भारत जगातील सर्वात जास्त शुल्क लावणाऱ्या देशांपैकी एक आहे. तिथे विक्री करणे कठीण आहे.”

ट्रम्प यांनी स्पष्टपणे सांगितले की, “भारत स्वतःची काळजी घेऊ शकतो. ते खूप चांगले काम करत आहेत. पण आम्हाला वाटते की ॲपलने अमेरिकेतच उत्पादन वाढवावे. आम्ही तुम्हाला चीनमध्ये उत्पादन करताना सहन केलं, आता भारतातही कारखाने नकोत. आम्हाला पाहिजे की तुम्ही अमेरिकेतच उत्पादन करा.”

सध्या, ॲपल भारतात फॉक्सकॉन आणि टाटा यांच्या सहकार्याने आयफोनचे उत्पादन करत आहे. कंपनीची योजना पुढील वर्षभरात उत्पादन वाढवून चीनवरील अवलंबित्व कमी करण्याची आहे. 2025 पर्यंत भारतात बनवले जाणारे सुमारे 15% आयफोन अमेरिकन बाजारात निर्यात होणार असल्याचा अंदाज आहे.

‘अमेरिका फर्स्ट’ धोरणाचा प्रभाव

ट्रम्प यांच्या या विधानामागे त्यांच्या ‘अमेरिका फर्स्ट’ या धोरणाचा स्पष्ट प्रभाव दिसतो. ते अमेरिका आधारित कंपन्यांनी देशातच गुंतवणूक करून स्थानिक रोजगार वाढवावा, असे सातत्याने सांगत आले आहेत. ॲपलसारख्या बहुराष्ट्रीय कंपनीने अमेरिकेत उत्पादन वाढवावे, असा ट्रम्प यांचा आग्रह आहे.

भारतासाठी आव्हान

ट्रम्प यांच्या या वक्तव्यामुळे भारतातील ‘मेक इन इंडिया’ उपक्रमाला एक आव्हान निर्माण होऊ शकते. भारताने अमेरिकन वस्तूंवर आयात शुल्क न आकारण्याचे प्रस्ताव दिले असतानाही ट्रम्प यांनी ॲपलला भारतात गुंतवणूक न करण्याचा सल्ला दिला आहे. यामुळे ॲपलच्या भारतातील उत्पादन योजनांवर काही प्रमाणात परिणाम होण्याची शक्यता आहे.

The post भारत स्वतःची काळजी घेऊ शकतो, ॲपलने अमेरिकेत उत्पादन वाढवावे – डोनाल्ड ट्रम्प appeared first on थोडक्यात घडामोडी.

अमेरिकेचे माजी राष्ट्राध्यक्ष डोनाल्ड ट्रम्प यांना फेसबुकने मोठा झटका दिला आहे. फेसबुकने शुक्रवारी ट्रम्प यांचे सोशल मीडिया अकाउंट 2 वर्षांसाठी निलंबित केले. यासोबतच भविष्यात नियम मोडणाऱ्यांशी कसा व्यवहार केला जाईल, याचीही घोषणा केली आहे.

फेसबुकच्या स्वतंत्र निरीक्षण मंडळाने मे महिन्यात डोनाल्ड ट्रम्प यांच्यावरील सोशल मीडिया जायंटचे निलंबन कायम ठेवले आहे, जे अमेरिकन संसदेवर 6 जानेवारी रोजी झालेल्या दंगलीच्या पार्श्वभूमीवर लागू करण्यात आले होते, कारण कंपनीने म्हटले होते की त्यांची पोस्ट चिथावणीखोर असल्याने हिंसा भडकू शकते. हे निलंबन जानेवारीपासून लागू असल्याचं मानलं जाईल.

गेल्या महिन्यात तपासणी मंडळाने म्हटले आहे की नवीन दंड स्पष्ट, अनिवार्य आणि प्रमाणित असणे आवश्यक आहे आणि गंभीर उल्लंघनासाठी फेसबुकच्या नियमांनुसार असणे आवश्यक आहे. ट्रम्प यांचे खाते पुन्हा सुरू करण्याचा निर्णय फेसबुकने घेतल्यास कंपनीला पुढील उल्लंघनांचा त्वरित शोध घेता आला पाहिजे, असे मंडळाने म्हटले होते. माजी अध्यक्ष डोनाल्ड ट्रम्प यांच्यावर दोन वर्षासाठी बंदी घालण्याबद्दल फेसबुकने स्पष्टीकरण देताना म्हटले कि, “ट्रम्प आणि इतरांना भविष्यात असे गंभीर उल्लंघन करण्यापासून रोखण्यासाठी आम्ही हा निर्णय घेतला आहे.”

The post डोनाल्ड ट्रम्प यांचे फेसबुक खाते दोन वर्षांसाठी निलंबित appeared first on थोडक्यात घडामोडी.

डोनाल्ड ट्रम्प यांनी व्हाइट हाउस सोडण्यासाठी एक अट ठेवली आहे. जर इलेक्टोरल कॉलेजकडून जो बायडन यांना अधिकृतपणे विजेता म्हणून घोषित करण्यात आलं तर मी व्हाईट हाऊस सोडायला तयार आहे, असं विधान ट्रम्प यांनी केलं आहे. निवडणुकीत झालेल्या पराभवानंतर डोनाल्ड ट्रम्प यांनी गुरूवारी पहिल्यांदाच प्रश्नांची उत्तरं दिली.

यावेळी बोलताना डोनाल्ड ट्रम्प म्हणाले कि, इलेक्टोरल कॉलेजनी जो बायडन यांना निवडणुकीचा विजेता ठरवलं तर मी निश्चितपणे व्हाईट हाऊस सोडेन. या निवडणुकीत घोटाळा झालाय. हा एक उच्च स्तरीय घोटाळा आहे, असा पुनरुच्चार ट्रम्प यांनी पुन्हा एकदा केला. तसंच, जर इलेक्टोरल कॉलेजनी जो बायडन यांना विजेता म्हणून घोषित केलं तर ती त्यांची मोठी चूक ठरेल असं देखील ते म्हणाले.

दरम्यान, इलेक्टोरल कॉलेज मतांवर अखेरचा निर्णय घेण्यासाठी पुढील महिन्यात बैठक घेणार आहे. 14 डिसेंबर रोजी अमेरिकी इलेक्टोरल कॉलेज बायडन यांच्या विजयाची घोषणा करण्याची शक्यता असून त्यानंतर 20 जानेवारी रोजी जो बायडन राष्ट्राध्यक्ष म्हणून शपथ घेतील.

The post …तरच मी व्हाईट हाऊस सोडायला तयार आहे- डोनाल्ड ट्रम्प appeared first on थोडक्यात घडामोडी.

अमेरिकन अध्यक्षपदाच्या निवडणुकीत डेमोक्रॅटिक पक्षाच्या जो बायडन यांची अमेरिकन राष्ट्राध्यक्षपदी निवड झाली. मात्र, डोनाल्ड ट्रम्प यांनी त्यांचा पराभव अमान्य करुन पद सोडण्यास नकार दिला होता. निवडणुकीचा निकाल लागल्यानंतर तीन आठवडे झाले तरी ट्रम्प आपल्या निश्चयावर ठाम होते. निवडणुकीत गैरप्रकार झाल्याचं सांगून त्याविरोधात न्यायालयात जाणार असल्याचंही त्यांनी स्पष्ट केलं होतं. आता मात्र डोनाल्ड ट्रम्प यांनी सत्ता हस्तांतरणाची प्रक्रिया सुरु करण्यास मंजुरी दिली आहे.

डोनाल्ड ट्रम्प यांनी अमेरिकेच्या जनरल सर्व्हिस ऑफ अॅडमिनिस्ट्रेशनला सत्ता हस्तांतरण प्रक्रिया सुरु करण्यास मंजुरी दिली आहे. डोनाल्ड ट्रम्प यांनी सांगितले की प्रक्रियानुसार जे काही करणे आवश्यक आहे ते केले पाहिजे. त्यानंतर जनरल सर्व्हिस ऑफ अॅडमिनिस्ट्रेशनचे प्रमुखांनी जो बायडन यांना पत्र लिहून त्यांना सत्ता हस्तांतरणाच्या प्रक्रियेमध्ये सामिल होण्याचे आमंत्रण दिले आहे. विश्लेषकांच्या मते, सत्ता हस्तांतरणाच्या प्रक्रियेला मान्यता देऊन डोनाल्ड ट्रम्प यांनी अप्रत्यक्षपणे आपला पराभव मान्य करण्याचे संकेत दिले आहेत.

या सत्ता हस्तांतरणांमुळे आता निर्वाचित अध्यक्ष जो बायडन यांच्या टीमला व्हाईट हाऊसमधील अनेक महत्वाच्या गोष्टींचा अधिकार प्राप्त होणार आहे. निर्वाचित उपाध्यक्षा कमला हॅरिस यांनी या अगोदरच संरक्षणासंबंधीच्या नियमित बैठकांमध्ये भाग घेण्यास सुरुवात केली आहे.

The post डोनाल्ड ट्रम्प यांनी अखेर मान्य केला पराभव, सत्ता हस्तांतरणाची प्रक्रिया सुरु appeared first on थोडक्यात घडामोडी.

अमेरिकेचे 46 वे राष्ट्राध्यक्ष म्हणून जो बायडन यांची निवड झाली आहे. त्यामुळे सध्याचे राष्ट्राध्यक्ष डोनाल्ड ट्रम्प यांना पायउतार व्हावं लागणार आहे. यातच आता ट्रम्प यांना आणखी एक धक्का बसण्याची शक्यता आहे. मीडिया रिपोर्टनुसार, डोनाल्ड ट्रम्प यांच्या पत्नी आणि अमेरिकेच्या माजी फर्स्ट लेडी मेलेनिया ह्या डोनाल्ड ट्रम्प यांना घटस्फोट देण्याच्या तयारीत आहे.

स्टेफनी वोल्कॉफनच्या हवाल्यानं डेली मेलनं हे वृत्त दिलं आहे. वृत्तानुसार, डोनाल्ड ट्रम्प आणि मेलेनिया ट्रम्प यांचा घटस्फोट होणार आहे. असे सांगितले जात आहे की, व्हाइट हाउसमध्ये गेल्या काही दिवसांपासून डोनाल्ड ट्रम्प आणि मेलेनिया वेगवेगळ्या खोल्यांमध्ये राहत आहेत. दोघांच्या नात्यात दुरावा आला आहे. अद्याप याबाबत कोणतीही अधिकृत माहिती आली नाही आहे. मात्र सुत्रांनी शक्यता वर्तवली आहे की व्हाइट हाउस सोडताच दोघांमध्ये घटस्फोट होऊ शकतो. शनिवारी ट्रम्प गोल्फ खेळण्यात व्यस्त होते. ट्रम्प गोल्फ खेळण्यासाठी गेले असतानाही त्यांच्यासोबत मेलेनिया नव्हत्या.

The post डोनाल्ड ट्रम्प यांचं राष्ट्रपतीपद तर गेलंच, आता मेलेनिया ट्रम्प घेणार घटस्फोट appeared first on थोडक्यात घडामोडी.

अमेरिकेतील अध्यक्षपदाच्या निवडणुकीमध्ये डेमोक्रिटिकचे उमेदवार जो बायडन बहुमताच्या अगदी जवळ पोहोचले असून त्यांना 264 इलेक्टोरल वोट मिळाले आहेत, त्यांना विजयासाठी केवळ 6 मतांची गरज आहे. तर दुसरीकडे डोनाल्ड ट्रम्प पिछाडीवर असून त्यांना आतापर्यंत 214 इलेक्टोरल वोट मिळाले आहेत. विजयासाठी उमेदवाराला 270 इलेक्टोरल मतांची गरज आहे. दुसरीकडे निवडणूक प्रक्रियेत घोटाळ्याचा आरोप करत डोनाल्ड ट्रम्प सुप्रीम कोर्टात पोहोचले असल्याची माहिती आहे. आज त्यांनी कोर्टात केस दाखल केली आहे.

जो बाइडन यांना आपल्या विजयाबाबत खात्री असल्याचं दिसत आहे. त्यांनी आज पहाटे साडेपाचच्या सुमारास केलेल्या ट्वीटमध्ये म्हटलं आहे की, “या प्रक्रियेवर आणि एकमेकांवर विश्वास ठेवा, आपण जिंकू.”

Keep the faith, guys. We’re gonna win this.

— Joe Biden (@JoeBiden) November 4, 2020

मिशिगन आणि पेंसिल्वेनियामधील मतगणनेविरोधात कोर्टात जाण्याच्या निर्णयावर ट्रम्प यांनी म्हटलं आहे की, आपल्या वकीलांशी याबाबत चर्चा केली आहे. मात्र ही बाब चांगली नाही. आपली व्यवस्था आणि राष्ट्रपतीपदाच्या निवडणुकीला आधीच खूप नुकसान पोहोचवण्यात आलं आहे, यावर चर्चा झाली पाहिजे, असं ते म्हणाले.

माहितीनुसार, मिशिगनमध्ये आतापर्यंत 96 टक्के मतगणना पूर्ण झाली आहे. इथं बायडन यांना 25,71,602 (49.4%) मतं मिळाली आहेत. तर ट्रम्प यांना 25, 56,469 (49.1%) मत मिळाली आहेत. मिशिगनमध्ये 16 इलेक्टोरल मतं आहेत.

The post US Election : जो बायडन बहुमताच्या जवळ, मतगणनेविरोधात डोनाल्ड ट्रम्प सुप्रीम कोर्टात appeared first on थोडक्यात घडामोडी.

अमेरिकन राष्ट्राध्यक्षपदाची निवडणूक रंजक होत चालली आहे. रिपब्लिकन पक्षाचे डोनाल्ड ट्रम्प आणि डेमोक्रॅटिक उमेदवार जो बायडेन यांच्यात अटी-तटीची लढत सुरु आहे. अशातच आता मतमोजणी सुरु असताना डोनाल्ड ट्रम्प यांनी व्हाइट हाऊसमध्ये पत्रकार परिषद घेतली आहे. पत्रकार परिषदेत डोनाल्ड ट्रम्प यांनी निवडणुकीत घोटाळा झाल्याचा आरोप केला आहे.

ट्रम्प यांनी जो बायडेन आणि डेमोक्रॅटसवर निवडणुकीत घोटाळा केल्याचा आरोप केला आहे. आपण या विरोधात सर्वोच्च न्यायालयात जाणार असल्याचे ट्रम्प यांनी म्हटले आहे. पुढील मतदान थांबवण्यासाठी सर्वोच्च न्यायालयात जाणार असं ट्रम्प यांनी म्हटलं आहे. “आपण दुसऱ्या अन्य राज्यात जिंकतोय हे जाहीर करणार होतो आणि तितक्यात हा घोटाळा झाला. ही अमेरिकन लोकांची फसवणूक आहे आणि आम्ही ही फसवणूक होऊ देणार नाही” असंदेखील ट्रम्प म्हणाले.

The post डोनाल्ड ट्रम्प सर्वोच्च न्यायालयात जाणार, डेमोक्रॅटसवर निवडणुकीत घोटाळा केल्याचा आरोप appeared first on थोडक्यात घडामोडी.

डोनाल्ड ट्रम्प आणि डेमॉक्रॅटिक पक्षाचे उमेदवार जो बायडेन यांच्यात शेवटची अध्यक्षीय डिबेट आज पार पडली. या डिबेटमध्ये बोलताना ट्रम्प म्हणाले की, चीनमध्ये पाहा किती प्रदूषण आहे, रशियामध्ये पहा, भारताचेही उदाहरण घ्या. तिथे हवा किती खराब आहे. अमेरिकेत तसे नाही. अमेरिकेत हवा किती स्वच्छ आहे, पाणी शुद्ध आहे. अमेरिकेत कार्बन उत्सर्जनावर चांगले उपाय अवलंबले आहेत. चीन, भारत आणि रशिया यासारखे देश हे जागतिक प्रदूषणाच्या विषयावर गंभीर नाहीत.

वातावरण बदलाच्या प्रश्नावर अमेरिकेने आतापर्यंत अब्जावधी डॉलर्स खर्च केलेत पण त्याचा आपल्या देशाला फायदा न होता तोटाच होत होता. त्यामुळे अमेरिका पॅरिस करारातून बाहेर पडली, असंही डोनाल्ड ट्रम्प पुढे म्हणाले. वातावरण बदलावर 2015 साली करण्यात आलेल्या या करारामध्ये जागतिक हवामान हे 2 टक्क्यांपेक्षा खाली ठेवण्याचा उद्देश जाहीर करण्यात आला होता. त्यावेळी या करारामुळे अमेरिकन उद्योगांना आणि कामगार वर्गाला तोटा होईल या कारणामुळे ट्रम्प यांनी यातून बाहेर पडत असल्याचं जाहीर केलं होतं. या कराराचा सर्वाधिक फायदा हा केवळ चीन आणि भारताला होणार आहे, असं देखील ते सातत्याने म्हणत आले आहेत.

वातावरण बदलाच्या प्रश्नावरुन ट्रम्प यांनी चीन आणि भारतावर याआधीही टीका केली आहे. त्यांनी म्हटलं होत की चीन आणि भारत असे देश आहेत की जिथे आपल्याला श्वास घ्यायलाही अडचण येते.

The post भारतासारखे देश जागतिक प्रदूषणाच्या विषयावर गंभीर नाहीत, डोनाल्ड ट्रम्प यांची टीका appeared first on थोडक्यात घडामोडी.

ट्रम्प व्हाईट हाऊसमध्ये परतले असले तरी ते करोनामुक्त झाल्याचं अद्याप सांगण्यात आलेलं नाही. तसेच, ट्रम्प अद्याप करोनामुक्त झाले नसतील तर दुसरी प्रेसिडेन्शिअल डिबेट टाळली पाहिजे, असं मत जो बायडेन यांनी व्यक्त केलं आहे.

मंगळवारी बायडेन यांनी पत्रकारांशी संवाद साधला. त्यावेळी ते म्हणाले, “अनेक जण करोनाबाधित होत आहेत. ही एक गंभीर समस्या आहे. मला क्लेवलँड क्लिनिकच्या डॉक्टरांकडून काही सूचना देण्यात आल्या आहेत. डोनाल्ड ट्रम्प यांची प्रकृती आता कशी आहे याबाबत मला माहिती नाही. मी त्यांच्यासोबत डिबेटसाठी तयार आहे. परंतु अशी आशा करतो की सर्व प्रोटोकॉल्सचं पालन केलं जाईल,” असं बायडेन म्हणाले.

१५ ऑक्टोबर रोजी मियामीमध्ये होणाऱ्या प्रेसिडेन्शिअल डिबेटसाठी आपण तयार असल्याचं मंगळवारी ट्रम्प यांनी ट्वीट करत सांगितलं होतं. १५ ऑक्टोबर रोजी मियामी येथे दुसरी तर २२ ऑक्टोबर रोजी टेनेसेच्या नॅशविले मध्ये तिसरी प्रेसिडेन्शिअल डिबेट होणार आहे.

The post ट्रम्प करोनामुक्त झाले नसतील तर दुसरी प्रेसिडेन्शिअल डिबेट टाळायला हवी- जो बायडेन appeared first on थोडक्यात घडामोडी.