चेन्नई : मल्याळम चित्रपटसृष्टीला एक मोठा धक्का बसला आहे. प्रसिद्ध चित्रपट अभिनेते प्रताप पोथेन यांचा चेन्नईतील फ्लॅटमध्ये मृतदेह आढळून आला आहे. अभिनेता आणि चित्रपट निर्माते प्रताप पोथेन (वय ६९) यांनी सुमारे 100 चित्रपटांमध्ये काम केले आणि मल्याळम, तमिळ आणि तेलगू तसेच हिंदीमध्ये 12 चित्रपटांचे दिग्दर्शन केले. मोहनलाल स्टारर ‘बरोज’ हा त्यांचा शेवटचा चित्रपट होता, जो अद्याप रिलीज झालेला नाही.

प्रताप पोथेन यांचा जन्म 13 ऑगस्ट 1952 रोजी झाला. 1978 मध्ये त्यांनी ‘आराम’ चित्रपटातून पदार्पण केले. त्यांच्या काही लोकप्रिय मल्याळम चित्रपटांमध्ये ठाकरम, आरोहणम, पन्नीर पुष्पांगल, थनमाथारा यांचा समावेश आहे. त्यांनी मल्याळम भाषेतील तीन चित्रपट दिग्दर्शित केले, ज्यात ऋतुभेदम, डेझी आणि ओरू यात्रामोझी यांचा समावेश आहे. प्रताप पोथेन यांनी उटी येथील लॉरेन्स स्कूल, लव्हडेल आणि मद्रास ख्रिश्चन कॉलेजमध्ये शिक्षण घेतले.

मोहनलाल आणि पृथ्वीराज सुकुमारन स्टारर चित्रपट ‘बॅरोज: गार्डियन ऑफ डी’गामाज ट्रेझर’ हा त्यांचा शेवटचा चित्रपट होता. हा चित्रपट 24 मार्च 2023 रोजी प्रदर्शित होणार आहे. चित्रपटाचा अभिनेता पृथ्वीराजने ट्विट करून दिवंगत अभिनेत्याला श्रद्धांजली वाहिली आहे.

Rest in peace uncle! I will miss you. ?#PrathapPothen pic.twitter.com/bJcKNWpWgP

— Prithviraj Sukumaran (@PrithviOfficial) July 15, 2022

वैयक्तिक आयुष्याबद्दल बोलायचे तर, प्रताप यांनी 1985 मध्ये अभिनेत्री राधिकाशी लग्न केले, जे केवळ एक वर्ष टिकले. यानंतर त्यांनी अमला सत्यनाथ यांच्याशी दुसरं लग्न केलं. 22 वर्षांच्या लग्नानंतर 2012 मध्ये त्यांचा घटस्फोट झाला. दोघांना एक मुलगी आहे.

The post अभिनेते प्रताप पोथेन यांचा मृतदेह आढळला, मनोरंजन विश्वात खळबळ appeared first on थोडक्यात घडामोडी.

चेन्नई : अभिनेता चियान विक्रम यांना हृदयविकाराचा झटका आला असून त्यांना चेन्नईतील कावेरी रुग्णालयात दाखल करण्यात आले आहे. अभिनेत्याची ७ जुलै रोजी अँजिओप्लास्टी करण्यात आल्याची माहिती मिळाली आहे. रुग्णालयाने अद्याप त्यांच्या प्रकृतीबद्दल अपडेट्स शेअर केलेले नाहीत, तथापि, रुग्णालयातील सूत्रांनी त्यांची प्रकृती स्थिर असल्याची पुष्टी केली.

अभिनेता त्याच्या आगामी चित्रपट पोन्नियिन सेल्वनच्या टीझर लॉन्चला उपस्थित राहणार होता, जो चेन्नई येथे आज संध्याकाळी 6 वाजता होणार आहे. चित्रपटाचा पहिला भाग 30 सप्टेंबर रोजी चित्रपटगृहात दाखल होणार आहे.

वृत्तानुसार, विक्रम यांनी अस्वस्थ वाटत असल्याची तक्रार केली, त्यानंतर त्यांना तात्काळ उपचारासाठी चेन्नईच्या कावेरी रुग्णालयात दाखल करण्यात आले. आता विक्रम यांची प्रकृती स्थिर असल्याचे सांगण्यात येत असून त्यांना आज डिस्चार्ज देण्यात येणार असल्याचे सांगण्यात येत आहे. गुरुवारी, अभिनेत्याने त्याच्या चित्रपटाच्या (पोन्नियिन सेल्वन) टीमला सांगितले की तो आज चित्रपटाच्या लाँचच्या टीझरला उपस्थित राहणार नाही. त्याने असेही सांगितले की तो काही दिवस विश्रांती घेणार आहे आणि सोमवार, 11 जुलै रोजी होणार्‍या त्याच्या आगामी चित्रपट कोब्राच्या ऑडिओ लॉन्चचा एक भाग असेल.

विक्रम हा तमिळ चित्रपट उद्योगातील सर्वात लोकप्रिय अभिनेत्यांपैकी एक आहे, ज्याने अनेक ब्लॉकबस्टर चित्रपट दिले आहेत. याअगोदर अमेझॉन प्राइमवर प्रदर्शित झालेल्या कार्तिक सुब्बाराजच्या महानमध्ये त्याची भूमिका होती. पुढे त्याच्याकडे पोनियिन सेल्वन आणि कोब्रा आहेत. विक्रम पा रंजित दिग्दर्शित चित्रपटात देखील काम करणार आहे ज्याचे चित्रीकरण अद्याप सुरू झालेले नाही.

The post अभिनेता चियान विक्रम यांना हृदयविकाराचा झटका, चेन्नईतील रुग्णालयात दाखल appeared first on थोडक्यात घडामोडी.

चेन्नई : चेन्नईमध्ये नात्यांना काळिमा फासणारी एक अतिशय धक्कादायक घटना उघडकीस आली आहे. एका सात वर्षांच्या चिमुकलीवर तिचे आजोबा, मामा आणि मामाचा मुलगा या तिघांनी बलात्कार केल्याचा आरोप आहे. या प्रकरणी पीडित मुलीच्या आईने पोलीस ठाण्यात जाऊन एफआयआर दाखल केली आहे. पोलिसांनी या तीनही आरोपींना अटक केली आहे.

मिळालेल्या माहितीनुसार, ही घटना चेन्नईच्या मडीपक्कमची आहे. जिथे पीडित मुलीच्या आईने महिला पोलीस ठाण्यात जाऊन आरोपींविरुद्ध गुन्हा दाखल केला. 2 ऑगस्ट रोजी या चिमुकलीचे 62 वर्षीय आजोबा (आईचे वडील) मुलीच्या घरी आले आणि मुलीच्या संमतीने आपल्या नातीला सोबत घेऊन त्यांच्या घरी गेले. पोलिसांनी सांगितले की, नातीला घरी घेऊन गेल्यानंतर तिच्यावर तिच्या आजोबांनी बलात्कार केला. त्यानंतर तिच्या 42 वर्षीय मामाने आणि मामाच्या 17 वर्षांच्या मुलाने देखील तिच्यावर बलात्कार केला.

पोलिसांनी दिलेल्या माहितीनुसार, जेव्हा मुलगी तिच्या घरी परत आली, तेव्हा तिने तिच्या आईला संपूर्ण घटनाक्रम सांगितला. त्यानंतर या चिमुकलीच्या आईच्या पायाखालची जमीनच सरकली. ती तात्काळ मुलीला शासकीय रुग्णालयात घेऊन गेली, तिथे तिची वैद्यकीय तपासणी करण्यात आली. यानंतर, महिला आपल्या 7 वर्षांच्या पीडित मुलीसह महिला पोलीस स्टेशनमध्ये गेली आणि तेथे संपूर्ण घटनेची माहिती देत ​​तक्रार नोंदवली. महिलेची तक्रार गांभीर्याने घेत पोलिसांनी आरोपींविरोधात IPC कायद्याच्या संबंधित कलमांखाली आणि POCSO कायद्यांतर्गत गुन्हा दाखल केला.

पोलिसांनी पीडित मुलीचे आरोपी आजोबा आणि मामा यांना अटक केली. त्यानंतर या आरोपींना न्यायालयात हजर केले आणि तुरुंगात पाठवण्यात आले आहे. पोलिसांनी अल्पवयीन आरोपी मुलाला ताब्यात घेतले असून त्याला बाल न्यायालयात हजर केले होते. तेथून त्याला बाल सुधार केंद्रात पाठवण्यात आले आहे.

The post नात्यांना काळिमा! सात वर्षांच्या चिमुकलीवर आजोबा, मामा आणि मामेभावाने केला बलात्कार appeared first on थोडक्यात घडामोडी.

IPL 2021 : आयपीएलच्या १४व्या हंगामात आज होणाऱ्या डबल हेडर मध्ये पहिला सामना पंजाब किंग्ज आणि सनरायझर्स हैदराबाद यांच्यात दुपारी ३.३० वाजता तर दुसरा सामना कोलकाता नाइट रायडर्स आणि चेन्नई सुपर किंग्ज यांच्यात रात्री ७.३० वाजता होणार आहे.

डबल हेडरमधील पहिल्या लढतीमधील पंजाब आणि हैदराबाद या दोन्ही संघांनी आतापर्यंत ३ सामने खेळले आहेत. त्यापैकी पंजाबचा एक सामन्यात विजय तर हैदराबादचा तिनही सामन्यात पराभव झाला आहे. गुणतालिकेत पंजाब एका विजयासह सातव्या स्थानावर असून हैदराबाद अखेरच्या स्थानावर आहे.

महेंद्र सिंह धोनीच्या नेतृत्वाखालील चेन्नई सुपर किंग्जने पहिल्या लढतीत पराभव पत्करल्यानंतर सलग दोन सामने जिंकले आहेत. तर कोलकाता नाइट रायडर्स संघाने १ सामना जिंकला असून दोन सामने गमावले आहेत.

The post IPL डबल हेडर : आज दुपारी पंजाब आणि हैदराबाद यांच्यात सामना, तर रात्री कोलकाता आणि चेन्नई यांच्यात सामना appeared first on थोडक्यात घडामोडी.

चेन्नई : टीम इंडिया आणि इंग्लंड यांच्यात सध्या पेटीएम कसोटी मालिकेतील पहिला सामना सुरु आहे. कर्णधार जो रुट यानं आपल्या १०० व्या कसोटी सामन्यातील पहिल्या दिवशी शतकी खेळी करत इंग्लंड संघाला अश्वासक सुरुवात करुन दिली आहे. रुटच्या शतकी खेळीच्या बळावर इंग्लंडनं पहिल्या दिवशी तीन बाद २६३ धावांपर्यंत मजल मारली. मात्र त्यात एक घटना क्रिकेट हा जंटलमनचा गेम असल्याचं दाखवून देणारी ठरली.

भारताचा कर्णधार विराट कोहली आणि इंग्लंडचा कर्णधार जो रुट यांच्यामध्ये घडलेली ही घटना आहे. पहिल्या कसोटी सामन्याच्या पहिल्या दिवसातील तिसऱ्या सत्रामध्ये 87 व्या ओव्हरवेळी जो रुटचा पाय दुखू लागला. वेदना सहन न झाल्याने तो मैदानावर कोसळला. हे पाहून विराट कोहली जो रुटच्या मदतीला धावला.

#SpiritOfCricket at its very best ??#INDvENG @Paytm | @imVkohli pic.twitter.com/vaEdH29VXo

— BCCI (@BCCI) February 5, 2021

The post Ind vs eng : जो रुट वेदना सहन न झाल्याने मैदानावर कोसळला आणि विराट मदतीला धावला.. appeared first on थोडक्यात घडामोडी.

आज आयपीएलचा शेवटचा डबल हेडर (एका दिवसात 2 सामने) आहे. चेन्नई सुपर किंग्ज आणि किंग्ज इलेव्हन पंजाब यांच्यात दुपारी ३.30 वाजता अबू धाबी येथे सामना रंगेल. यानंतर कोलकाता नाईट रायडर्स आणि राजस्थान रॉयल्स यांच्यात दुबई येथे सायंकाळी ७.30 वाजता सामना होईल.

पंजाबचे १३ सामन्यांत १२ गुण आहेत. चेन्नई आधीच प्ले-ऑफ रेसमधून बाहेर पडली आहे. चेन्नईने हा सामना जिंकल्यास पंजाबसाठी प्ले-ऑफचे दरवाजे पूर्णपणे बंद होतील. कोलकाता आणि राजस्थान या दोन्ही संघांचे प्रत्येकी १२ गुण आहेत. अशा परिस्थितीत, जो संघ हा सामना गमावेल तो स्पर्धेमधून बाहेर जाईल.

मागच्या सामन्यात चेन्नईने पंजाबला 10 गडी राखून पराभूत केले. मोसमातील 12 व्या सामन्यात कोलकाताने राजस्थानला 37 धावांनी पराभूत केले.

राजस्थान रॉयल्सचा सक्सेस रेट 50.94% आणि कोलकाताचा सक्सेस रेट 51.83% इतका आहे. राजस्थान रॉयल्सने आतापर्यंत लीगमध्ये 160 सामने खेळले असून 81 सामने जिंकले आणि 77 गमावले. 2 सामने अनिश्चित होते. त्याचबरोबर कोलकाताने आतापर्यंत 192 पैकी 98 सामने जिंकले आणि 93 गमावले आहेत.

चेन्नई सुपर किंग्जचा सक्सेस रेट सर्वाधिक 59.60% आहे. पंजाबचा सक्सेस रेट 46.03% आहे. चेन्नईने आतापर्यंत लीगमध्ये एकूण 178 सामने खेळले आहेत. त्यापैकी 105 जिंकले आणि 72 सामने गमावले आहेत. 1 सामना अनिर्णीत होता. दुसरीकडे, पंजाबने आतापर्यंत 189 सामने खेळले आहेत. त्यापैकी 88 जिंकले आहेत आणि 101 गमावले आहेत.

अबू धाबी आणि दुबईमधील खेळपट्टी फलंदाजांना मदत करू शकेल. येथे स्लो विकेटमुळे स्पिनर्सनाही खूप मदत होईल. अबू धाबीमध्ये नाणेफेक जिंकणारा संघ प्रथम गोलंदाजीला प्राधान्य देईल. त्याचबरोबर दुबईमध्ये नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 : शेवटचा डबल हेडर, प्ले-ऑफच्या शर्यतीत आजचे सामने ठरणार निर्णायक, जाणून घ्या संघांविषयी.. appeared first on थोडक्यात घडामोडी.

IPL 2020 : कोलकाताने चेन्नईविरुद्ध सामन्यात १७२ धावांपर्यंत मजल मारली आहे. प्ले-ऑफची शर्यत रंगतदार झालेली असताना चौथ्या स्थानावर आपला हक्का कायम ठेवण्यासाठी कोलकात्याला या सामन्यात विजय मिळवणं आवश्यक आहे. चेन्नई सुपरकिंग्जचं स्पर्धेतलं आव्हान संपुष्टात आल्यामुळे इतरांचं गणित बिघडवण्यासाठी ते प्रयत्न करु शकतात. नितीश राणाने ८७ धावांची आक्रमक खेळी केली.

नाणेफेक जिंकून चेन्नईचा कर्णधार महेंद्रसिंह धोनीने प्रथम गोलंदाजी करण्याचा निर्णय घेतला. कोलकात्याच्या फलंदाजांनी चेन्नईविरुद्ध सामन्यात चांगली सुरुवात केली. शुबमन गिल आणि नितीश राणा या जोडीने पहिल्या विकेटसाठी अर्धशतकी भागीदारी करत पहिल्या षटकांमध्ये सामन्यावर कोलकाताचं वर्चस्व राहील याची काळजी घेतली. दोन्ही फलंदाजांमध्ये ५३ धावांची भागीदारी झाल्यानंतर कर्ण शर्माने गिलला माघारी धाडत कोलकाताची जोडी फोडली. यानंतर कोलकाताच्या डावाला लागलेली गळती लागली लागली.

Innings Break!#KKR post a total of 172/5 on the board. Will #CSK chase this down?

Scorecard – https://t.co/pxx3yYaVsq #Dream11IPL pic.twitter.com/QXMxtQUY6b

— IndianPremierLeague (@IPL) October 29, 2020

नितीश राणाने एक बाजू सांभाळून घेत कर्णधार मॉर्गनसोबत भागीदारी करत संघाचा डाव पुन्हा एकदा सावरला. चेन्नईच्या गोलंदाजांवर हल्लाबोल करत नितीश राणाने ८७ धावा केल्या. कर्णधार मॉर्गन आणि दिनेश कार्तिक यांनी फटकेबाजी करत संघाला आश्वासक धावसंख्येचा टप्पा गाठून दिला. चेन्नईकडून एन्गिडीने २ तर सँटनर, जाडेजा, शर्मा यांनी प्रत्येकी १-१ बळी घेतला.

The post IPL 2020 : चेन्नईच्या सामन्यात कोलकाताची १७२ पर्यंत मजल.. appeared first on थोडक्यात घडामोडी.

IPL २०२० : आयपीएलच्या ४१व्या मॅचमध्ये चेन्नई सपुरकिंग्स आणि मुंबई इंडियन्स यांच्यात सामना झाला. मुंबई इंडियन्सने टॉस जिंकून गोलंदाजीचा निर्णय घेतला. प्रथम फलंदाजीची संधी मिळालेल्या चेन्नई सुपरकिंग्सने २० ओव्हरमध्ये ९ बाद ११४ रन करून मुंबई इंडियन्सलला ११५ धावांचे आव्हान दिले.

चेन्नई सुपरकिंग्स संघाची सुरुवात चांगली झाली नाही. ऋतुराज गायकवाड शून्यावर तर फाफ डू प्लेसिस १ धाव करुन बाद झाला. अंबाती रायुडू २ धावा करुन आणि नारायण जगदीसन शून्य धावा करुन बाद झाला. धोनी १६ तर रविंद्र जाडेजा ७ धावा करुन बाद झाला. सॅम करण ५२ धावा करुन बाद झाला. दीपक चहर शून्य धावा करुन तर शार्दुल ठाकूर ११ धावा करुन बाद झाला. इमरान ताहिर १३ धावा करुन नाबाद राहिला.

मुंबई इंडियन्सकडून ट्रेंच बोल्टने सर्वाधिक विकेट घेतल्या. त्याने ४ ओव्हरमध्ये १८ धावा देत ४ विकेट घेतल्या. राहुल चहरने ४ ओव्हरमध्ये २२ धावा देऊन २ विकेट घेतल्या. जसप्रित बुमराहने ४ ओव्हरमध्ये २५ धावा देऊन २ विकेट घेतल्या. नॅथन कूल्टर नाईलने ४ ओव्हरमध्ये २५ धावा देऊन १ विकेट घेतली. कृणाल पांड्याने ३ ओव्हरमध्ये १६ तर पोलार्डने एक ओव्हर टाकून ४ धावा दिल्या.

मुंबई कडून क्विंटन डी कॉकसोबत सलामीला इशान किशन आला आणि त्या दोघांनीच मुंबईला १० विकेट राखून विजय मिळवून दिला.

#MumbaiIndians WIN by 10 wickets.#Dream11IPL pic.twitter.com/NeUUpWME7I

— IndianPremierLeague (@IPL) October 23, 2020

The post IPL 2020 : चेन्नई विरुद्ध मुंबईचा १० विकेट राखून विजय appeared first on थोडक्यात घडामोडी.

मुंबई इंडियन्स आणि चेन्नई सुपरकिंग्ज यांच्यात सामना, मुंबईने या सामन्यात आपला कर्णधार रोहित शर्माला विश्रांती दिली आहे. रोहित शर्माच्या जागेवर मुंबईने सौरभ तिवारीला संघात स्थान दिलं असून कायरन पोलार्ड मुंबईच्या संघाचं नेतृत्व करत आहे. रोहितसारख्या खेळाडूचं दुखापतग्रस्त होणं मुंबई इंडियन्सला परवडणारं नाही.

मुंबई इंडियन्सने रोहितला झालेल्या दुखापतीबद्दल माहिती दिली आहे. पंजाबविरुद्ध सामन्यात झालेल्या दुखापतीनंतर गेल्या ४ दिवसांमध्ये त्याच्या तब्येतीत सुधारणा आहे. बीसीसीआयसोबत चर्चा करून टीम मॅनेजमेंटने रोहितला चेन्नईविरुद्ध सामन्यात विश्रांती देण्याचा निर्णय घेतला आहे.

? Official statement on Rohit Sharma ?#OneFamily #MumbaiIndians #MI #Dream11IPL #CSKvMIhttps://t.co/nCHZI9s76l

— Mumbai Indians (@mipaltan) October 23, 2020

The post IPL 2020 : रोहित शर्माला दुखापतीमुळे चेन्नईविरुद्धच्या सामन्यात विश्रांती, पोलार्ड करणार संघाचं नेतृत्व appeared first on थोडक्यात घडामोडी.

मागच्या आठवड्यात बैरुत शहरात अमोनियम नायट्रेटच्या झालेल्या महाभयंकर स्फोटांपासून बोध घेत, चेन्नईतील अमोनियम नायट्रेटचा साठा मार्गी लावण्यात आला आहे. बैरुतमधील घटनेनंतर भारताच्या चेन्नई शहरातही एका गोदामामध्ये असाच काहीशे टन अमोनियम नायट्रेटचा साठा असल्याचे समोर आले होते. सुरक्षेच्या दृष्टीकोनातून ही चिंतेची बाब होती.

चेन्नईतील स्फोटक केमिकलचा ई-लिलाव झाला असून हा साठा आता हैदराबादला पाठवण्यात येत आहे. एनडीटीव्हीने सूत्रांच्या हवाल्याने हे वृत्त दिले आहे. चेन्नईत हा अमोनियम नायट्रेटचा साठा जिथे होता, त्याच्या आसपास जवळपास १२ हजारची लोकवस्ती आहे.
चेन्नईजवळ कंटेनरमध्ये ६९७ टन केमिकल ठेवण्यात आले होते. केमिकलने भरलेले काही कंटेनर आधीच हैदराबादच्या दिशेने रवाना झाले आहेत. सुरक्षिततेची सर्व काळजी घेऊन उर्वरित केमिकलही कार्गोने पाठवण्यात येतील असे सूत्रांनी सांगितले.

The post चेन्नई मधील अमोनियम नायट्रेटचा साठा अशा प्रकारे लावला मार्गी… appeared first on थोडक्यात घडामोडी.