नवी दिल्ली : Google Play store ने ९ ऍपवर बंदी घातली आहे. कारण, हे फोनमध्ये असेल तर तुमच्या फोनमधील सॉफ्टवेयरला धोका निर्माण होऊ शकतो. हे ऍप तुमचे फेसबुक अकाउंट हायजॅक करू शकते. हे ऍप युजर्ससाठी धोकादायक असून ते तुमच्या सोशल मीडिया अकाउंट जसे, ट्विटर आणि फेसबुकची माहिती चोरी करू शकतील. तसेच तुमच्या बँक अकाउंट्सची माहिती सुद्धा चोरी करू शकतील. गुगलने प्ले स्टोअरवरील या ९ ऍप्सची ओळख पटवली असून त्यावर बंदी घातली आहे. तुमच्या स्मार्टफोनमध्ये जर हे ऍप्स असतील तर तात्काळ डिलीट करा.

Zimperium च्या zLabs च्या शोधकर्त्यांनी फ्लायट्रॅप प्रोग्रामची ओळख केली आहे. हे फेसबुक अकाउंटला हायजॅक करण्याची क्षमता ठेवतात. यावरून हॅकर्स फेसबुक अकाउंटला कंट्रोल करू शकतात. तसेच ईमेल आणि कुकीजला अॅक्सेस करू शकतात. शोधकर्त्यांनी खुलासा केला की, फ्लायट्रॅप जगभरात पसरतोय. अशा ९ धोकादायक अॅप्सची यादी समोर आली आहे.

1. GG Voucher (जीजी वाउचर)
2. Vote European Football (वोट यूरोपियन फुटबॉल)
3. GG Coupon Ads (जीजी कूपन एड्स)
4. application.app_moi_6 : GG Voucher Ads
5. com.free.voucher : GG Voucher
6. Chatfuel (चॅटफ्यूल)
7. Net Coupon (नेट कूपन)
8. com.movie.net_coupon : Net Coupon
9. EURO 2021 Official (यूरो 2021 ऑफिशियल)

The post गुगलने प्ले स्टोअरवरून हटवले ‘हे’ ९ ऍप्स, आपल्या स्मार्टफोनमध्ये असल्यास तात्काळ करा डिलीट appeared first on थोडक्यात घडामोडी.

नवी दिल्ली : ट्विटर आणि केंद्र सरकार यांच्यात सुरू असलेला तणाव आणखीनच वाढण्याची शक्यता आहे. ट्विटरने यावेळी पुन्हा एकदा भारताचा चुकीचा नकाशा दाखवला आहे. सरकारशी संबंधित सूत्रांनी दावा केला आहे की ट्विटरने आपल्या वेबसाईटवर दाखविलेल्या भारताच्या नकाशामध्ये जम्मू-काश्मीर आणि लडाखचा समावेश केलेला नाही. ट्विटरने जम्मू-काश्मीर आणि लडाख हे दोन स्वतंत्र देश असल्याचं आपल्या वेबसाइटवर दाखवले असल्याचा आरोप आहे.

ट्विटरच्या करिअर पेजवर ट्वीप लाइफ विभागात जगाचा नकाशा आहे. येथून कंपनी हे दाखवते की संपूर्ण जगात ट्विटरची टीम आहे. मागील वर्षीही ट्विटरने भारताच्या नकाशासोबत छेडछाड केली होती. त्यावेळी लडाखला भारताचा भाग म्हणून दाखवले गेले नव्हते. मात्र, नंतर त्यात सुधारणा करण्यात आली होती.

@Twitter website shows Jammu Kashmir and Ladakh as separate country. According to the sources the Government may take tough action in this matter.

— kuldeep singh ?? (@Kuldeep78328755) June 28, 2021

सरकार आता ट्विटरच्या विरोधात उघडपणे बोलत असून रविशंकर प्रसाद यांनी ट्विटरची भारताबद्दल दुटप्पी भूमिका असल्याचे स्पष्ट केले आहे. त्यामुळे हा वाद पुन्हा एकदा वाढण्याची शक्यता आहे. ट्विटरच्या करियर पेजवरील भारताच्या नकाशामध्ये जम्मू-काश्मीर आणि लडाखचा समावेश नाही. म्हणजेच ते सीमेच्या बाहेर दर्शविलेले आहेत. सोशल मीडियावर लोक याबाबत टीका करीत आहेत. या प्रकरणात आतापर्यंत ट्विटरचे निवेदन आले नाही. परंतु, जर सरकारने ट्विटरला नोटीस पाठवली आणि त्यानंतरही ट्विटरने दुरुस्ती केली नाही तर आयटी कायद्याच्या कलम 69 अ अंतर्गत ट्विटरवर कारवाई केली जाऊ शकते.

The post ट्विटरने पुन्हा केली भारताच्या नकाशासोबत छेडछाड appeared first on थोडक्यात घडामोडी.

नवी दिल्ली : ट्विटरने भारताचे उपराष्ट्रपती एम. वेंकैया नायडू यांच्या वैयक्तिक ट्विटर अकाऊंटवरील ब्लू टीक (निळ्या रंगाचं चिन्ह) पुनर्संचयित केली आहे. उपराष्ट्रपती व्यंकय्या नायडू यांचे वैयक्तिक ट्विटर अकाउंट पुन्हा ‘सत्यापित’ (Verified) झाले आहे. ब्लू टीक हटवल्यानंतर काही तासातच ट्विटरने पुन्हा ब्लू टीक परत केली आहे.

ट्विटरने उपराष्ट्रपतींच्या वैयक्तिक ट्विटर अकाऊंटवरून ‘ब्लू टीक’ हटवली

ट्विटरने व्यंकय्या नायडू यांच्या वैयक्तिक ट्विटर अकाऊंटवरील ब्लू टीक (निळ्या रंगाचं चिन्ह) हटवली होती. त्यामुळे लोकांनी नाराजी व्यक्त केली होती. या संपूर्ण प्रकरणावर ट्विटर इंडियाने चूक दुरुस्त करत स्पष्टीकरण दिले की “त्यांचे खाते बर्‍याच काळापासून लॉग इन केले नसल्यामुळे ब्लू टीक हटविले होते. आता Verified करून ब्लू टीक परत केली आहे.”

The post ट्विटरने मान्य केली चूक, उपराष्ट्रपती व्यंकय्या नायडू यांच्या ट्विटर अकाऊंटवरील ब्लू टीक परत appeared first on थोडक्यात घडामोडी.

मुंबई : नरेंद्र मोदी व भाजपनं २०१४ आणि २०१९ च्या निवडणुका ट्विटर, फेसबुकसारख्या सोशल मीडियाचा वापर करून जिंकल्या. विरोधकांवर यथेच्छ चिखलफेक केली. आता या सोशल मीडियामध्ये कोरोना हाताळणीसंदर्भात नरेंद्र मोदी व त्यांच्या सरकारची बदनामी होत आहे. हा काळानं त्यांच्यावर घेतलेला विलक्षण सूड आहे,’ अशी सणसणीत टीका शिवसेना खासदार संजय राऊत यांनी केली आहे.

भाजपनं आरोप केला आहे की पंतप्रधान मोदी यांची बदनामी करण्यासाठी काँग्रेसनं एक ‘टूलकिट’ निर्माण केलं. पंतप्रधान मोदी तसेच कोरोना लढ्यातील सरकारचं अपयश याबाबत कोणी काय लिहायचं, कधी कोणत्या वेळेस काय बोलायचं, कोणत्या माध्यमांवर काय बोलायचं, याबाबतची ‘कामं’ वाटून देणारी एक यादी काँग्रेसनं केली होती. मात्र, भाजपचा हा आरोप म्हणजे मूर्खपणाचं लक्षण आहे, अशी टीका राऊत यांनी सामनातील लेखामधून केली आहे.

राऊत म्हणाले की “गंगेत प्रेते तरंगत आहेत. त्या प्रेतांचे फोटो व देशभरात पेटलेल्या चितांचे भडाग्नी जागतिक मीडियानं दाखवले. गंगेच्या किनाऱ्यावरील प्रेतांचे फोटो ‘ड्रोन’च्या माध्यमातून, आकाशातून काढले. ते ट्विटरसह सगळ्याच माध्यमांनी छापले. त्यामुळे भाजपचे लोक समाजमाध्यमांवर येऊन जी सारवासारव करत आहेत व काँग्रेसवर आरोप करत आहेत, त्यावर कुणीच विश्वास ठेवणार नाही. ‘खोटं’ स्वीकारण्याची मर्यादा संपली आहे. सर्व खरे-खोटे पसरविण्यासाठी याच ‘ट्विटर’चा वारेमाप वापर आतापर्यंत भाजपनं केला. २०१४ चे राजकीय युद्ध भाजपने ‘ट्विटर’सह सोशल मीडियाच्या फौजांच्या बळावर जिंकले. त्यासाठी ‘आयटी’ सेल उभे करून हजारो कोटी रुपये ओतले. इतर राजकीय पक्षांनाही त्यामुळं स्वतःचे आयटी सेल उभे करावे लागले. जे लोक मोदी यांच्या बदनामीचा मुद्दा उचलत आहेत त्यांनी एका प्रश्नाचं उत्तर द्यावं. सहा महिन्यांपासून जे किसान आंदोलन सुरू आहे, ते आंदोलन परदेशी पैशांवर सुरू आहे, त्या आंदोलनात खलिस्तानी अतिरेकी घुसले आहेत, या बदनामीच्या ‘टुलकिट’चे सूत्रधार कोण होते?”

राऊत पुढे म्हणाले की सोशल मीडियावर व्यक्ती आणि विचारस्वातंत्र्याच्या स्वैराचारानं आज धुमाकूळ घातला आहे. त्यावर नियंत्रण हवेच, पण या माध्यमांवर संपूर्ण बंदी आणणं योग्य नाही. भाजपनं ट्विटर, टुलकिट वगैरेंबाबत उपस्थित केलेले मुद्दे चुकीचे आहेत असं नाही. प्रत्येकाची प्रतिष्ठा हा त्याच्या व्यक्तिस्वातंत्र्याचा भाग असतोच. पण भाजपच्या पुढाऱ्यांनी हा युक्तिवाद करणं हे त्यांच्या पूर्वीच्या कृतीशी सुसंगत नाही.

नरेंद्र मोदी यांच्या हातात हुकूमाची पाने, मराठा आरक्षणाबाबत संजय राऊत यांचं स्पष्टीकरण

The post ‘हा’ काळानं त्यांच्यावर घेतलेला विलक्षण सूड, संजय राऊत यांची नरेंद्र मोदी व भाजपवर सणसणीत टीका appeared first on थोडक्यात घडामोडी.

कंगना रानौतचे ट्विटर अकाउंट निलंबित करण्यात आले आहे. तिने मायक्रो-ब्लॉगिंग साइटच्या नियमांचे उल्लंघन करत मजकूर पोस्ट केल्याप्रकरणी ही कारवाई करण्यात आली आहे.

पश्चिम बंगालमध्ये झालेल्या कथित हिंसाचाराबद्दल अभिनेत्री कंगनाने ट्वीटच्या मालिकेत भाष्य केले होते. नुकत्याच झालेल्या निवडणुकांचे निकाल जाहीर झाल्यानंतर तिने ट्वीट केले होते. त्याप्रकरणी ही कारवाई करण्यात आली आहे.

The post ब्रेकिंग : कंगनाचे ट्विटर अकाउंट निलंबित, नियमांचे उल्लंघन केल्याप्रकरणी कारवाई appeared first on थोडक्यात घडामोडी.

मुंबई : एका वकिलाने मुंबई हायकोर्टात कंगना रनौतचं ट्विटर अकाऊंट बंद करा, अशी मागणी करणारी याचिका दाखल केली आहे. कंगना वादग्रस्त ट्वीटद्वारे देशातील सामाजिक समतोल बिघडवण्याचं काम करत असल्याचा आरोप या याचिकेत केला आहे. कंगना नेहमीच तिच्या वादग्रस्त वक्तव्यांमुळे चर्चेत असते.

गुरुवारी ट्विटरवर अभिनेत्री कंगना रनौत आणि दिलजीत दोसांझ यांच्यात ट्विटर वॉर चालू होते. यामुळे ट्विटरवर अनेक हॅशटॅगही ट्रेंड करत होते. आता मिळालेल्या माहितीनुसार, कंगनाच्या विरोधात मुंबई उच्च न्यायालयात एक याचिका दाखल करण्यात आली आहे. कंगनाचं ट्विटर अकाउंट निलंबित करण्याची मागणी या याचिकेद्वारे करण्यात आली आहे. याबद्दल कंगनानेही सोशल मीडियावर अनेक प्रतिक्रिया दिल्या आहेत.

कंगना तिच्या ट्विटर अकाऊंटवरून वारंवार तिरस्कार, वैमनस्य पसरवण्याचा प्रयत्न करत असल्याचं सदर याचिकेत म्हटलं आहे. या याचिकेवर कंगनाने प्रतिक्रिया देत एक ट्विट केलं आहे. ‘मी रोज अखंड भारताबद्दल बोलत आहे. रोज मी तुकडे-तुकडे टोळीशी लढत आहे. तरीही माझ्यावरच देशाचं विभाजन केल्याचा आरोप होत आहे. व्वा! तरीही, माझ्यासाठी ट्विटर हे एकमेव प्लॅटफॉर्म नाही. एका इशाऱ्यात हजारो कॅमेरे माझ्याकडे इंटरव्ह्यू घेण्यासाठी येतील हे सगळ्यांनी लक्षात ठेवा. माझा आवाज दाबण्यासाठी तुम्हाला मला मारावं लागेल. पण त्यानंतर मी प्रत्येक भारतीयांच्या माध्यमातून बोलेन आणि हेच माझं स्वप्न आहे. तुम्ही काहीही केलं तरी माझं स्वप्न आणि ध्येय साकार होईल. म्हणूनच मला खलनायक आवडतात.’ असं कंगनाने म्हटलं आहे.

So tukde gang remember you will have to kill me to suppress my voice, and then I will speak through every Indian and that’s precisely my dream, whatever you do inevitably you will make me realise my dream and purpose and that’s why I respect my villains

— Kangana Ranaut (@KanganaTeam) December 3, 2020

The post कंगनाचं ट्विटर अकाऊंट बंद करा, अशी मागणी करणारी याचिका हायकोर्टात दाखल appeared first on थोडक्यात घडामोडी.