मुंबई : ऑस्ट्रेलियाच्या एकदिवसीय क्रिकेट संघाचा प्रमुख आणि कर्णधार स्टीव्ह स्मिथने २०२५ च्या चॅम्पियन्स ट्रॉफीमध्ये भारताविरुद्ध उपांत्य सामन्यात पराभव स्वीकारल्यानंतर एक मोठी घोषणा केली. ३५ वर्षीय स्टीव्ह स्मिथने एकदिवसीय क्रिकेटमधून निवृत्ती घेतली आहे. मात्र, तो कसोटी आणि टी-२० क्रिकेटमध्ये खेळत राहील.

स्टीव्ह स्मिथने ऑस्ट्रेलियाकडून जवळजवळ १५ वर्षे एकदिवसीय क्रिकेट खेळले, आणि या काळात त्याने अनेक वेळा संघाचे नेतृत्वही केले. २०२५ च्या चॅम्पियन्स ट्रॉफीमध्ये, पॅट कमिन्सच्या अनुपस्थितीत, स्मिथला कर्णधार म्हणून मैदानावर उतरवण्यात आले होते. त्यांच्या नेतृत्वाखाली ऑस्ट्रेलिया संघाने चांगला खेळ केला, परंतु चॅम्पियन्स ट्रॉफीच्या उपांत्य फेरीतील पराभवानंतर ३५ वर्षीय स्टीव्ह स्मिथने त्याच्या संघातील सहकाऱ्यांना त्याच्या निर्णयाची माहिती दिली.

स्मिथचे वक्तव्य:
स्मिथने आपल्या निवृत्तीच्या निर्णयावर विचार व्यक्त करताना सांगितले, “हा एक अद्भुत प्रवास होता आणि मी त्यातील प्रत्येक क्षणाचा आनंद घेतला. दोन विश्वचषक जिंकणे हे मोठे यश होते. २०२७ च्या एकदिवसीय विश्वचषकाची तयारी करण्याची ही योग्य वेळ आहे, आणि मला वाटते की हेच योग्य वेळ आहे. कसोटी क्रिकेट अजूनही माझ्या प्राधान्यांमध्ये आहे आणि मी वर्ल्ड टेस्ट चॅम्पियनशिप फायनल, वेस्ट इंडिज दौरा आणि इंग्लंडविरुद्धच्या आगामी कसोट्यांमध्ये सहभाग घेण्यास उत्सुक आहे.”

स्मिथचे योगदान क्रिकेटच्या जगतात अद्वितीय राहिले आहे. स्मिथच्या या निवृत्तीने ऑस्ट्रेलियाच्या एकदिवसीय संघात एक मोठा बदल घडवून आणला आहे.

The post भारताविरुद्ध पराभवानंतर ऑस्ट्रेलियाला अजून एक धक्का, स्टीव्ह स्मिथ एकदिवसीय क्रिकेटमधून निवृत्त appeared first on थोडक्यात घडामोडी.

ऑस्ट्रेलियाचा माजी क्रिकेटपटू शेन वॉर्नचा अपघात झाला आहे. वॉर्न त्याचा मुलगा जॅक्सनसोबत बाईक राईडिंग करत होता. त्यावेळी तो खाली पडला आणि जवळपास 15 मिटरपेक्षा जास्त जमिनीवर घासून पुढे गेला. ‘सिडनी मॉर्निंग हेरॉल्ड’ नं दिलेल्या वृत्तानुसार शेन वॉर्नला दुखापत झाली असून बराच त्रास देखील होत आहे.

या अपघातानंतर वॉर्नला आपला पाय मोडला असल्याची भीती वाटत होती. मात्र सुदैवाने त्याला कोणतीही गंभीर दुखापत झालेली नाही. ऑस्ट्रेलिया विरुद्ध इंग्लंड यांच्यातील अ‍ॅशेस सीरिजला (ashes series) 8 डिसेंबरपासून ब्रिस्बेनमध्ये सुरूवात होणार आहे. या सीरिजसाठी शेन वॉर्न कॉमेंट्री करणार आहे.

The post ऑस्ट्रेलियाचा माजी क्रिकेटपटू शेन वॉर्नचा अपघात appeared first on थोडक्यात घडामोडी.

ऑस्ट्रेलिया : ऑस्ट्रेलिया दौऱ्यावर असलेल्या भारतीय संघाला दुखापतीनं ग्रासलं आहे. तिसऱ्या कसोटी सामन्यात रविंद्र जाडेजा आणि हनुमा विहारी यांना दुखापत झाल्यानं अडचणीत असलेल्या भारतीय संघाला आणखी एक मोठा झटका लागला आहे. भारतीय संघाचा वेगवान गोलंदाज जसप्रीत बुमराहालाही दुखापत झाल्याचं वृत्त समोर आलं आहे. सिडनी कसोटी सामन्यात क्षेत्ररक्षण करत असताना बुमराहाला एबडॉमिनल स्ट्रेनचा त्रास झाला होता. त्यामुळं अखेरच्या कसोटी सामन्याला तो मुकण्याची शक्यता आहे. १५ जानेवारीपासून भारत आणि ऑस्ट्रेलिया यांच्यादरम्यान ब्रिस्बेन येथे अखेरचा कसोटी सामना होणार आहे. त्यापूर्वीच बुमराहाला दुखापत झाल्यामुळे भारतीय संघासमोर आणखी एक आव्हान उभं राहिलं आहे.

रिपोर्ट्सनुसार, तिसऱ्या कसोटी सामन्यानंतर दुखापतग्रस्त जसप्रीत बुमराहचं स्कॅन करण्यात आलं. स्कॅन रिपोर्टमध्ये स्ट्रेन दिसून येत आहेत. भारतीय संघ व्यवस्थापन बुमराहच्या बाबतीत कोणताही धोका घेण्याच्या तयारीत नाही. भारतात होणाऱ्या आगामी इंग्लंड दौऱ्याचा विचार करुन चौथ्या कसोटी सामन्यात बुमराहाला आराम देण्यात येणार आहे.

बुमराहच्या अनुपस्थितीत वेगवान गोलंदाज मोहम्मद सिराज भारतीय वेगवान गोलंदाजीचं नेतृत्व करणार आहे. त्यासोबत नवदीप सैनीही असणार आहे. बुमराहच्या जागी नटराजनला संघात स्थान मिळण्याची शक्यता वर्तवण्यात येत आहे. रविंद्र जाडेजाच्या जागी शार्दुल ठाकूर तर बुमराहच्या जागी नटराजनला अंतिम ११ मध्ये स्थान मिळण्याची शक्यता आहे.

The post ऑस्ट्रेलिया दौऱ्यावर असलेल्या भारतीय संघाला दुखापतीनं ग्रासलं; जसप्रीत बुमराह दुखापतग्रस्त appeared first on थोडक्यात घडामोडी.

IND Vs AUS 2nd Test : कर्णधार अजिंक्य रहाणेच्या नेतृत्वाखाली भारतीय संघाने मेलबर्न येथील बॉक्सिंग डे कसोटी सामन्यात ८ गडी राखून विजय मिळवला आहे. पहिल्या कसोटी सामन्यात झालेल्या दारुण पराभवानंतर भारतीय संघाने धडाकेबाज कामगिरी करत विजय नोंदवला आहे. या कसोटीत ऑस्ट्रेलियाने भारताला 70 धावांचं आव्हान दिलं होतं. हे आव्हान भारतीय संघाने दोन विकेट्सच्या मोबदल्यात पूर्ण केलं.

ऑस्ट्रेलियन संघाने तिसऱ्या दिवसाच्या अखेरीस ६ बाद १३३ पर्यंत मजल मारत दोन धावांची आघाडी मिळवली होती. सातव्या विकेटसाठी ग्रीन आणि कमिन्स यांच्यातील ५७ धावांच्या भागीदारीमुळे ऑस्ट्रेलियाचा डाव सावरला. त्यांनतर कमिन्सला बाद करत बुमराहने भारताला पहिलं यश मिळवून दिलं. यानंतर काही वेळाने कॅमरुन ग्रीनही मोहम्मद सिराजच्या गोलंदाजीवर बाद झाला. त्याने ४५ धावांची खेळी केली. यानंतर नॅथन लियॉनही सिराजच्या गोलंदाजीवर स्वस्तात माघारी परतला. जोश हेजलवूड आणि मिचेल स्टार्क जोडीने भारतीय गोलंदाजांना अखेरपर्यंत झुंजवत संघाला द्विशतकी टप्पा गाठून दिला. अखेरीस आश्विनने जोश हेजलवूडचा त्रिफळा उडवत कांगारुंचा दुसरा डाव २०० धावांवर संपवला. दुसऱ्या डावात भारताकडून मोहम्मद सिराजने ३, बुमराह-आश्विन आणि जडेजा यांनी प्रत्येकी २-२ तर उमेश यादवने १ बळी घेतला.

प्रत्युत्तरादाखल भारतीय संघाची दुसऱ्या डावातही खराब सुरुवात झाली. सलामीवीर मयांक अग्रवाल दुसऱ्या डावातही अवघ्या ५ धावा काढून मिचेल स्टार्कच्या गोलंदाजीवर माघारी परतला. यानंतर मैदानावर आलेला चेतेश्वर पुजाराही ३ धावा काढून कमिन्सच्या गोलंदजीवर माघारी परतला. यानंतर आलेल्या अजिंक्य रहाणेने काही फटके लगावत भारतीय संघावरच दडपण कमी केलं. यानंतर शुबमन गिलनेही काही चांगली फटकेबाजी केली. शुभमन गिलने नाबाद 35 आणि अजिंक्य रहाणेने नाबाद 27 धावा केल्या. अॅडलेड कसोटीत दारुण पराभव झाल्याने टीम इंडियासाठी हा विजय अतिशय महत्त्वाचा ठरला.

The post IND Vs AUS 2nd Test : भारताचा बॉक्सिंग डे कसोटीत आठ गडी राखून विजय appeared first on थोडक्यात घडामोडी.

IND vs AUS 2nd Test : भारत आणि ऑस्ट्रेलिया संघात आजपासून मेलबर्न क्रिकेट ग्राऊंडवर बॉक्सिंग डे कसोटीला सुरुवात झाली आहे. ऑस्ट्रेलियाचा कर्णधार टिम पेनने नाणेफेक जिंकून प्रथम फलंदाजीचा निर्णय घेतला आहे. विराटच्या गैरहजेरीत संघाचं नेतृत्त्व अंजिक्य रहाणेकडे सोपवण्यात आलं आहे. ऑस्ट्रेलियाने मेलबर्न कसोटीत पहिल्या दिवशी  lunch break पर्यंत ३ बाद ६५ धावा केल्या.

सलामीवीर जो बर्न्स शून्य धावा करुन परतला. जसप्रीत बुमराहच्या गोलंदाजीवर रिषभ पंतने कॅच घेतला. मॅथ्यू वेड ३० धावा करू शकला. त्याला रविचंद्रन अश्विनने झेलबाद केले. रवींद्र जडेजाने कॅच घेतला. त्यानंतर रविचंद्रन अश्विनने चेतेश्वर पुजाराकरवी स्टीव्ह स्मिथला झेलबाद केले. स्मिथ शून्य धावा करुन परतला. सध्या मार्नस लब्युशेन (२६ धावा) आणि त्रावीस हेड (४ धावा) खेळत आहेत.

मेलबर्न कसोटीच्या पहिल्या दिवशी ऑस्ट्रेलियाने उपहारापर्यंत पहिल्या डावात ३ बाद ६५ धावा केल्या. भारताकडून रविचंद्रन अश्विनने दोन तर जसप्रीत बुमराहने एका फलंदाजाला बाद केले.

दुसऱ्या कसोटी सामन्यासाठी भारतीय संघात चार बदल करण्यात आले आहेत. विराट कोहलीच्या जागी अष्टपैलू रवींद्र जाडेजाला संधी मिळाली आहे. तर पृथ्वी शॉऐवजी शुभमन गिलला स्थान देण्यात आहे. दुखापत झाल्याने मोहम्मद शमी मालिकेतून बाहेर झाला आहे. त्यामुळे त्याच्या जागी मोहम्मद सिराजला संधी मिळाली आहे. या सामन्याद्वारे शुभमन गिल आणि मोहम्मद सिराज यांनी कसोटी क्रिकेटमध्ये पदार्पण केलं आहे. याशिवाय भारतीय संघाने रिद्धीमान साहाच्या जागी रिषभ पंतला परत बोलावलं आहे.

The post IND vs AUS 2nd Test : ऑस्ट्रेलियाविरुद्ध भारताची दमदार सुरुवात appeared first on थोडक्यात घडामोडी.

IND vs AUS 1st test match Day 3 : भारत आणि ऑस्ट्रेलिया यांच्यातील पहिली टेस्ट मॅच एडिलेडमध्ये सुरू असून आज मॅचचा तिसरा दिवस आहे. मॅचच्या तिसऱ्या दिवशी टीम इंडियाची अवस्था बिकट झाली आहे.

मॅचच्या तिसऱ्या दिवसाची सुरुवात टीम इंडियाने 9/1 ने केली. मात्र, टीम इंडियाची अर्धी टीम अवघ्या काही रन्सवर माघारी परतली. सर्वप्रथम जसप्रीत बुमराह दोन रन्सवर आऊट झाला. त्यानंतर चेतेश्वर पुजारा शून्यावर तर मयंक अगरवाल नऊ रन्सवर माघारी परतला. यानंतर अजिंक्य रहाणे शून्यावर आऊट झाला. त्यांनतर कॅप्टन विराट कोहलीने एक फोर मारत स्कोअर थोडा वाढवला आणि चार रन्स करुन माघारी परतला. टीम इंडिया अवघ्या 36 रन्सवर ऑल आऊट झाली आहे. यामुळे ऑस्ट्रेलियाला आता विजयासाठी अवघ्या 90 रन्सचं आव्हान आहे.

मॅचच्या सुरुवातीला टीम इंडियाने टॉस जिंकत प्रथम बॅटिंग करण्याचा निर्णय घेतला. त्यानंतर मैदानात आलेल्या टीम इंडियाने 244 रन्स केल्या. टीम इंडियाकडून कॅप्टन विराट कोहलीने सर्वाधिक 74 रन्स केले. चेतेश्वर पुजाराने 43 तर अजिंक्य रहाणे याने 42 रन्स केले. टीम इंडिया 244 रन्सवर ऑल आऊट झाल्यावर ऑस्ट्रेलियाची टीम मैदानात उतरली. ऑस्ट्रेलियाकडून टीम पेन याने 99 बॉल्समध्ये नॉट आऊट 73 रन्सची खेळी खेळली. मात्र, त्याला इतर बॅट्समनकडून चांगली साथ मिळाली नाही आणि टीम इंडियाने ऑस्ट्रेलियाला 191 रन्सवर रोखलं. टीम इंडियाकडून रविचंद्रन अश्विन याने 18 ओव्हर्समध्ये 55 रन देत चार विकेट्स घेतल्या. उमेश यादवने 16.1 ओव्हर्समध्ये 40 रन देत तीन विकेट्स घेतल्या. जसप्रीत बुमराहने 21 ओव्हर्समध्ये 52 रन्स देत दोन विकेट्स घेतल्या. मोहम्मद शमीने 17 ओव्हर्समध्ये 41 रन दिले.

The post IND vs AUS 1st test match Day 3 : टीम इंडिया अवघ्या 36 रन्सवर ऑल आऊट appeared first on थोडक्यात घडामोडी.

भारताचा सलामीवीर पृथ्वी शॉ ऑस्ट्रेलिया विरुद्ध अॅडलेडच्या टेस्टमध्ये अपयशी ठरला. सलामीला येणाऱ्या फलंदाजाकडून अशी कामगिरी बिलकूल अपेक्षित नाही. याच कारणामुळे पहिल्या टेस्टमध्ये अपयशी ठरलेल्या पृथ्वी शॉ याला पुढील तिन्ही टेस्ट मॅचसाठी वगळले जाण्याची शक्यता आहे, असे भारताचा माजी वेगवान गोलंदाज झहीर खान म्हणाला.

पृथ्वी शॉ सलग दोन्ही डावांमध्ये क्लीनबोल्ड झाला. पहिल्या डावात पृथ्वीला स्टार्कने बाद केले तर दुसऱ्या डावात कमिन्सने त्याला बाद केले. पहिल्या डावाच्या दुसऱ्या चेंडूवर आणि दुसऱ्या डावाच्या चौथ्या ओव्हरमधील पहिल्या चेंडूवर पृथ्वी शॉ बाद झाला. दोन्ही वेळा टीमच्या दहापेक्षा कमी धावा फलकावर असताना सलामीवीर पृथ्वी परतला. पृथ्वीच्या फलंदाजीतले दोष ऑस्ट्रेलियन गोलंदाजांच्या लक्षात आले आहेत. आंतरराष्ट्रीय पातळीवर खेळाडू प्रतिस्पर्ध्याच्या कमकुवत बाजू हेरुन त्यांच्यावर आक्रमण करतात. अशा परिस्थितीत पृथ्वीला वगळणे टीमसाठी आवश्यक असल्याचे झहीर खान म्हणाला.

झहीर खानने पृथ्वी शॉ याला अवास्तव महत्त्व दिल्याचे मत व्यक्त केले. पृथ्वी सातत्याने अपयशी होत आहे. नवख्या पृथ्वीला सलामीला पाठवण्याचा टीम मॅनेजमेंटचा निर्णय अनाकलनीय आहे. ऑस्ट्रेलियात जिंकण्यासाठी सलामीची जोडी सक्षम असणे भारताच्या हिताचे आहे. सध्याची कामगिरी बघता पृथ्वी शॉ याला पुढील तीन टेस्टसाठी अंतिम अकरा जणांच्या टीममधून वगळले जाण्याची शक्यता आहे. पृथ्वीपेक्षा सक्षम पर्याय टीमकडे उपलब्ध आहेत. अशा परिस्थितीत पृथ्वीला वगळून सक्षम खेळाडूंना संधी देणे टीमच्या हिताचे ठरेल, असे मत झहीर खानने व्यक्त केले.

आंतरराष्ट्रीय टेस्टमध्ये प्रत्येक विकेट महत्त्वाची असते. अशा वेळी पृथ्वीमुळे वारंवार एक विकेट गमावणे भारताला परवडणारे नाही. पर्याय उपलब्ध असताना पृथ्वीला सलामीला खेळवत राहणे भारतासाठी धोक्याचे ठरू शकते. ही बाब विचारात घेतली जाईल आणि टीम मॅनेजमेंट पृथ्वीला पुढील तिन्ही टेस्टसाठी अंतिम अकरा खेळाडूंच्या यादीतून वगळेल, अशी शक्यता झहीर खानने व्यक्त केली.

भारतीय उपखंडात फलंदाजांना मोठी धावसंख्या उभारण्यासाठी पाय रोवून उभे राहणे सोपे जाते. या उलट ऑस्ट्रेलियातील वेगवान, उसळत्या खेळपट्टीवर पाय रोवून उभे राहणे कठीण आहे. तिथे फलंदाजांना खेळपट्टीचा अंदाज घेण्यासाठी जास्त वेळ मिळणे कठीण आहे. पृथ्वी शॉ सध्या ऑस्ट्रेलिया विरुद्ध अपयशी ठरत आहे. त्याला गोलंदाजांसमोर जास्त वेळ उभे राहणे जमत नाही. या वास्तवाचे भान ठेवून टीम मॅनेजमेंट सक्षम पर्यायाचा विचार करेल, असे मत झहीर खानने व्यक्त केले.

The post पृथ्वी शॉ ला पुढील तिन्ही टेस्ट मॅचसाठी वगळले जाण्याची शक्यता – झहीर खान appeared first on थोडक्यात घडामोडी.

भारत आणि ऑस्ट्रेलिया यांच्यात सुरू असलेल्या बॉर्डर-गावस्कर करंडक स्पर्धेत भारतीय संघाने पहिल्या डावात 244 धावा केल्या असून या कसोटी सामन्यात भारतानेही चांगली सुरुवात करुन ऑस्ट्रेलियाच्या तीन खेळाडूंना पॅव्हेलियनमध्ये पाठवले आहे. मात्र, जेव्हा मोहम्मद शमी सामन्यात गोलंदाजी करायला आला तेव्हा चाहत्यांना आश्चर्याचा धक्का बसला.

या सामन्यात शमीने फाटलेला शू घातला आहे. सामन्यादरम्यान जेव्हा शमीच्या डाव्या पायाच्या शूवर कॅमेरा फोकस होता तेव्हा त्याचा शू समोरच्या बाजूने फाटलेला होता. अ‍ॅडम गिलख्रिस्ट, मार्क वॉ आणि शेन वॉर्न हे ऑस्ट्रेलियाचे माजी दिग्गज खेळाडू कॉमेंट्री करताना याबद्दल बोलत होते.

शेन वॉर्न म्हणाले की, मोहम्मद शमीचा हाई आर्म अ‍ॅक्शन (high arm action) आहे. त्यामुळे जेव्हा तो बॉल टाकतो तेव्हा त्याच्या डाव्या पायाचे बोट शूजच्या आतील बाजूस जाते आणि यामुळे गोलंदाजीमध्ये अडचणी येऊ शकतात. हे टाळण्यासाठी, शमीच्या एका शूजमध्ये छिद्र दिसत आहे. त्यानंतर त्यांनी विनोद केला की, आशा आहे की शमी फलंदाजी दरम्यान फाटलेला शूज घालणार नाही, कारण ऑस्ट्रेलियाचे वेगवान गोलंदाज यॉर्कर बॉल्सने त्याला अवघड परिस्थितीत टाकू शकतात.

The post फाटलेला बूट घालून मोहम्मद शमी करीत आहे ऑस्ट्रेलियाविरुद्ध गोलंदाजी, कारण.. appeared first on थोडक्यात घडामोडी.

ऑस्ट्रेलियाने अखेरचा T२० सामना १२ धावांनी जिंकला. १८७ धावांच्या आव्हानाचा पाठलाग करताना भारताचा कर्णधार विराट कोहलीने ८५ धावांची खेळी केली. तरीही भारताला पराभवाचा सामना करावा लागला. अखेरचा सामना भारताने गमावला असला तरीही टी-२० मालिका भारताने २-१ ने जिंकली आहे.

कर्णधार विराट कोहलीने टॉस जिंकत प्रथम गोलंदाजीचा निर्णय घेतला. वेड(80) आणि मॅक्सवेल(५४) जोडीने चौफेर फटकेबाजी केली. ऑस्ट्रेलियाचा कर्णधार फिंच(0) सुंदरच्या गोलंदाजीवर माघारी परतला. यानंतर मॅथ्यू वेड आणि स्टिव्ह स्मिथ यांनी दुसऱ्या विकेटसाठी अर्धशतकी भागीदारी करत संघाचा डाव सावरला. यानंतर सुंदरने स्टिव्ह स्मिथला(24) बाद केलं. मॅथ्यू वेडने अर्धशतक झळकावलं. ग्लेन मॅक्सवेलनेही आपल्याला मिळालेल्या जीवनदानाचा फायदा घेतला. वेड आणि मॅक्सवेल जोडीने तिसऱ्या विकेटसाठी ९० धावांची भागीदारी केली. दरम्यान शार्दुल ठाकूरने वेडला तर नटराजनने मॅक्सवेलला माघारी धाडलं. भारताकडून वॉशिंग्टन सुंदरने २ तर नटराजन आणि शार्दुलने १-१ बळी घेतला.

१८७ धावसंख्येचा पाठलाग करताना भारतीय संघाची सुरुवात खराब झाली. ग्लेन मॅक्सवेलच्या पहिल्याच षटकात लोकेश राहुल माघारी परतला. यानंतर शिखर धवन आणि विराट कोहलीने दुसऱ्या विकेटसाठी महत्वपूर्ण अर्धशतकी भागीदारी केली. ही जोडी भारताचा डाव सावरणार असं वाटत असतानाच स्वेप्सनने शिखर धवनला माघारी धाडलं. यानंतर संजू सॅमसननेही आपली विकेट गमावली. श्रेयस अय्यरही शून्यावर बाद झाला. यानंतर विराटने हार्दिक पांड्याच्या साथीने फटकेबाजी करत भारताचं आव्हान कायम राखण्याचा प्रयत्न केला. परंतू १८ व्या षटकात झॅम्पाने पांड्याला बाद केलं. १९ व्या षटकात अँड्रू टायने विराटला बाद केलं. त्यानंतर भारतीय संघाच्या विजयाच्या आशा मावळल्या.

The post IND vs AUS 3rd T20I : ऑस्ट्रेलियाविरुद्ध टीम इंडियाचा १२ रन्सने पराभव appeared first on थोडक्यात घडामोडी.

IND vs AUS 2nd T20I : टीम इंडिया आणि ऑस्ट्रेलिया यांच्यातील टी-20 सीरिजमधील दुसरी मॅच देखील टीम इंडियाने जिंकली आहे. ऑस्ट्रेलियाने दिलेलं 195 रन्सचं आव्हान टीम इंडियाने 19.4 ओव्हर्समध्ये पूर्ण करत ऑस्ट्रेलियावर सहा विकेट्सने विजय मिळवला.

टीम इंडियाने टॉस जिंकत प्रथम बॉलिंग करण्याचा निर्णय घेतला. ऑस्ट्रेलियन टीमच्या ओपनर्सने दमदार सुरुवात केली. ऑस्ट्रेलियाने 20 ओव्हर्समध्ये 5 विकेट्स गमावून 194 रन करत टीम इंडियासमोर 195 रन्सचं आव्हान ठेवलं. मॅथ्यू वेड याने 32 बॉल्समध्ये 58 रन केले. स्मिथने 46, हेनरिक्सने 26, मॅक्सवेलने 22 रन, स्टोयनीसने नॉट आऊट 16 रन तर शॉर्टने 9 रन केले. टीम इंडियाकडून टी. नटराजन याने चार ओव्हर्समध्ये 20 रन्स देत दोन विकेट्स घेतल्या. तर शार्दुल ठाकूर आणि युजवेंद्र चहल या दोघांनी प्रत्येकी एक-एक विकेट घेतली.

टीम इंडियाकडून केएल राहुलने 30 रन केले. अँड्रू टायने राहुलला बाद केलं. शिखर धवनने 36 चेंडूत 52 रन केले. झॅम्पाच्या गोलंदाजीवर पुढे येऊन फटका खेळण्याच्या प्रयत्नात शिखर बाद झाला. कॅप्टन विराट कोहलीने 24 चेंडूत 40 रन केले. विराट डॅनिअल सम्सच्या गोलंदाजीवर बाद झाला. तर सॅमसनने 15 रन केले. हार्दिक पांड्याने 22 चेंडूत नॉट आऊट 42 रन तर श्रेयस अय्यरने 5 चेंडूत नॉट आऊट 12 रन केले.

पहिल्या टी-20 मॅचमध्ये टीम इंडियाने ऑस्ट्रेलियाचा 11 रन्सने पराभव केला होता. तीन मॅचेसची टी-20 सीरिज असल्याने आजच्या विजयासह टीम इंडियाने सिरीजही जिंकली आहे.

The post IND vs AUS 2nd T20I : ऑस्ट्रेलियावर दणदणीत विजय मिळवत टीम इंडियाने सिरीजही जिंकली appeared first on थोडक्यात घडामोडी.