अल्पवयीन मुलाचे धक्कादायक कृत्य, अगोदर 5 वर्षांच्या मुलीवर बलात्कार मग साक्षीदाराचा खून…

नवी दिल्ली : १७ वर्षीय अल्पवयीन मुलाच्या धक्कादायक कृत्याने देशाची राजधानी दिल्लीत खळबळ उडाली आहे. पाच वर्षांच्या मुलीवर बलात्कार करणाऱ्या या अल्पवयीन मुलाने गुरुवारी या प्रकरणातील साक्षीदार असलेल्या १२ वर्षीय मुलाचा गळा दाबून खून केला. आरोपी मार्चमध्ये बालसुधारगृहातून बाहेर आला होता आणि तेव्हापासून तो सतत अल्पवयीन मुलाला धमकावत होता.

पोलिसांनी सांगितले की, गुरुवारी संध्याकाळी सावदा रेल्वे लाईनजवळ अल्पवयीन आरोपीने त्याच्या मित्रासह १२ वर्षांच्या मुलाची हत्या केल्याची माहिती मिळाली. ही माहिती मिळताच पोलीस घटनास्थळी दाखल झाले. पोलिसांना मुलाचा गळा ब्लेडने चिरल्याचे आढळून आले. यासोबतच त्यांच्या डोक्यावरही विटेने वार केलेले होते. पोलिसांनी अल्पवयीन आरोपी व त्याच्या साथीदारालाही अटक केली आहे. पोलीस चौकशीत असे समोर आले की आरोपी अल्पवयीन मुलावर 2019 मध्ये पाच वर्षांच्या मुलीवर बलात्कार केल्याचा गुन्हा दाखल करण्यात आला होता. या प्रकरणात 12 वर्षांच्या मुलाने साक्ष दिली होती. हा आरोपी बालसुधारगृहातून सुटल्यावर त्याने साक्षीदार मुलाला धमकावणे सुरू केले. त्यातच गुरुवारी संधी पाहून त्याने बदला घेण्यासाठी या मुलाची हत्या केली.

एवढेच नाही, तर हत्येनंतर आरोपी मृत मुलाच्या घरी पोहोचला आणि त्याने मृत मुलाच्या भावाला हत्येची माहिती दिली, जेणेकरून त्याची दहशत कायम राहील आणि कोणीही त्याच्याविरुद्ध साक्ष देणार नाही. मात्र, लोकांनी तात्काळ आरोपीला पकडून पोलिसांना माहिती दिली.

शाळकरी मुलीचा पाठलाग करत ‘आय लव्ह यू’ म्हटल्याबद्दल तरुणाला एक वर्षाच्या तुरुंगवासाची शिक्षा

पुणे : 11 वर्षीय मुलीच्या अपहरणाचा प्रयत्न, मैत्रिणीने प्रसंगावधान दाखवल्याने मुलीची सुटका…

या संपूर्ण घटनेमुळे कायद्यावर प्रश्नचिन्ह निर्माण झाले आहेत, ज्यात अल्पवयीन आरोपीला बालसुधारगृहात पाठवले जाते आणि तो बाहेर येऊन असे गुन्हे करतो.