थरकाप! १३ वर्षीय मुलीची ११४ वेळा भोसकून निर्घृण हत्या

फ्लोरिडा : एका १४ वर्षाच्या मुलाने १३ वर्षीय मुलीची निर्घृण हत्या केल्याची धक्कादायक घटना घडली आहे. या मुलीला तब्बल ११४ वेळा भोसकण्यात आले होते. मृत मुलीचे नाव बेली असून फ्लोरिडा पूर्वेकडील जंगलात या मुलीचा मृतदेह आढळला होता. आरोपी मुलाचे नाव एडन फूसी आहे. एडन फूसी आणि बेली हे दोघे एकाच वर्गात शिकत होते. बेलीच्या अंगावरील 114 पैकी 49 जखमा तिच्या हातांवर आणि डोक्यावर आहेत, ती स्वतःचा बचाव करत असताना त्या झाल्या असाव्यात.

सेंट जॉन्स काउंटी स्टेट ऍटर्नी कार्यालयाने ग्रँड ज्यूरींच्या माध्यमातून फूसीला हत्या प्रकरणातील आरोपी ठरवले आहे. ही केस बाल न्यायालयातून प्रौढांच्या न्यायालयात हलवण्यासाठी अर्ज देण्यात आला आहे. एडन या प्रकरणात दोषी आढळला तर त्याला आजीवन कारावासाची शिक्षा होऊ शकते. फूसीने आपण हत्या करण्यासाठी योजना आखली असल्याचे त्याच्या मित्रांना सांगितले होते. मात्र, कोणाची हत्या करणार हे सांगितले नव्हते, असे तपास अधिकाऱ्यांनी सांगितले. राज्याचे ऍटर्नी आर.जे. लारिजा यांनी सांगितले की, फूसीचे कृत्य अतिशय घृणास्पद आहे. त्यामुळेच त्याचा खटला बाल न्यायालयातून वर्ग करण्यासाठी अर्ज देण्यात आला आहे.

९ मे रोजी जॅक्सन विलेमधील डर्बिन क्रॉसिंग समुदायाच्या सामुदायिक केंद्रात बेली शेवटची दिसली होती. सेंट जॉन्स काउंट शेरिफ कार्यालयाने सांगितले की, बेलीच्या आई वडिलांनी सकाळी ती बेपत्ता झाली असल्याची माहिती दिली. त्यानंतर शेजारच्या जंगलात तिचा मृतदेह आढळला होता. तपास अहवालात म्हटले आहे की, मुलीचा मृतदेह तिच्या घराजवळच आढळला. तर, तिथे जवळच तलावाजवळ चाकू आढळला. हा धारदार चाकू आरोपीचा असल्याचे तपास अधिकाऱ्यांनी म्हटले आहे. फूसीच्या घरात रक्ताचे डाग असलेले कपडे आढळले. सीसीटीव्ही फूटेजमध्येही आरोपी फूसीसोबत बेली दिसली होती.

पुण्यात तरुणावर दिवसाढवळ्या चाकूहल्ला, कारण…

‘स्कूल ऑफ रॉक’ फेम अभिनेता केव्हिन क्लार्कचे अपघातात निधन, हॉलिवूड इंडस्ट्रीत शोककळा