एखाद्या व्यक्तीला रक्ताची गरज असल्यास आणि तिला वेळेवर रक्त मिळाल्यास त्या व्यक्तीचे प्राण वाचवण्याचे महत्त्वपूर्ण कार्य रक्त करते. म्हणूनच वेळोवेळी ‘रक्तदात्यांना रक्तदान’ करण्याचे आवाहन केले जाते, ज्यामुळे गरजू व्यक्तीचे प्राण वाचवले जाऊ शकतील. “रक्तदाता” हा रुग्णांसाठी नेहमी आशेचा किरण ठरला आहे. रक्त हे कृत्रिमरीत्या तयार होत नाही. ते तयार होते तुमच्या आमच्या मानवी शरीरात. यासाठी आपण रक्तदाता म्हणून स्वतःहून स्वैच्छिक रक्तदान करणे महत्त्वाचे ठरते.

“रक्तदान हे श्रेष्ठ दान” आहे. रक्तदानामुळे आज हजारो-लाखो लोकांना जीवनदान मिळते. त्यामुळे रक्तदान हे जीवनदान, तसेच महादान असेही म्हटल्यास वावगे ठरणार नाही. मात्र, आजही समाजात रक्तदान करणाऱ्यांची संख्या कमी आहे. रक्तदात्याला रक्तदानासाठी प्रेरित करण्याच्या अनुषंगाने व नियमित रक्तदात्यांचे आभार व्यक्त करण्यासाठी 2004 पासून जागतिक आरोग्य संघटनेकडून (वर्ल्ड हेल्थ ऑर्गनायझेशन) हा कार्यक्रम सर्वप्रथम 14 जून 2004 रोजी “जागतिक आरोग्य संघटना,(डब्लू एच ओ) रेडक्रॉस आणि आंतरराष्ट्रीय रेड क्रॉसेंट सोसायटी ऑफ इंटरनेशनल फेडरेशन” च्या वतीने सुरक्षित रक्तदान करण्यासाठी जनतेत जनजागृती व्हावी, या उद्देशाने साजरा करण्यात आला.

रक्तदाता म्हणून माझे रक्तदान महत्त्वाचे का?

• माझ्या रक्तदानाने जर एखाद्या रुग्णांचे प्राण वाचणार असतील तर त्यासाठी महत्त्वाचे.
• माझ्या रक्तदानाने थँलेसेमिया, हिमोफिलिया, सिकलसेल,ल्युकेमिया इ. अशा रुग्णांना नेहमी रक्ताची गरज भासते. अशा रुग्णांना कधीही रक्ताची कमतरता भासू नये म्हणून माझे रक्तदान महत्त्वाचे
• अतिदक्षता, प्रसूती, अपघात, रक्तक्षय, अतिरक्तस्राव इ. आदी अशा रुग्णांचा जीव वाचवण्यासाठी तातडीने रक्ताची आवश्यकता भासते, अशा रुग्णांसाठी माझे रक्तदान महत्त्वाचे
• माझ्या रक्तदानाने निश्चितच गरजूंना रक्त पुरवठा झाल्याचे समाधान मिळणार, यासाठी माझे रक्तदान महत्त्वाचे.!
• माझ्या रक्तदानाने माझ्या शरीरातील रक्तदाब, कोलेस्टेराँलचे प्रमाण योग्य नियंत्रण राहण्यासाठी, समाजाचे ऋण फेडायची ही एक संधी रक्तदानामुळे मिळते.
• बोन मँरोमध्ये नवीन रक्त तयार करण्याची क्षमता वाढते. रक्तदान केल्यानंतर चोवीस तास ते सात दिवसात नैसर्गिकरित्या रक्ताची झीज भरून निघते.
• रक्तदान केल्यानंतर नवीन पेशी तयार होण्यासाठी नव चेतना मिळते. रक्तदान प्रक्रियेत रक्तदानाची सुरक्षितता याचे काटेकोरपणे पालन केले जाते. त्यामुळे कोणतेही इजा किंवा आजार होण्याची शक्यता नसते.
• समाजाचा एक जबाबदार नागरिक म्हणून निःस्वार्थीपणे, समाजहितासाठी, राष्ट्रसेवा म्हणून माझे रक्तदान महत्त्वाचे आहे. मानवी रक्ताची गरज कधीही न संपणारी असल्यामुळे रक्तदानाविषयी प्रेरणा समाजात द्दढ करणे, निरोगी रक्तदात्यांची फौज करून रक्तदात्यांमध्ये स्वैच्छिक रक्तदानाविषयी जनजागृती करणे, सामाजिक बांधिलकी जोपासून रक्तदात्यांविषयी कृतज्ञता निर्माण व्हावी, या मागचा एवढाच उद्देश.

लेखन:
श्री. हेमकांत सोनार

The post रक्तदान करा…! रक्तदाता म्हणून माझे रक्तदान महत्त्वाचे का? जाणून घ्या… appeared first on थोडक्यात घडामोडी.

World Blood Donar day २०२१ : रक्तदान हे सर्वश्रेष्ठ दान असल्याचे आपण नेहमी ऐकतो. रक्तदान करून आपण अनेक जणांचे प्राण वाचवू शकतो. लोकांमध्ये रक्तदान करण्याबद्दल जागरूकता यावी, या उद्देशाने दरवर्षी 14 जूनला जागतिक रक्तदाता दिन साजरा केला जातो. रक्तदानाबाबत लोकांच्या मनामध्ये अनेक गैरसमज असतात, ज्यामुळे आपल्या देशात रक्ताची असलेली गरज भागत नाही. पण आपल्याला रक्तदान केल्यामुळे रक्तदात्याच्या शरीराला होणारे फायदे माहित आहेत का? चला तर मग रक्तदान करण्याचे फायदे आणि रक्तदान कोण करू शकते, हे जाणून घेऊया.

रक्तदानाचे फायदे :

1. रक्तदानामुळे हृदयविकाराचा धोका कमी होतो. डॉक्टरांच्या म्हणण्यानुसार, रक्तदान केल्याने रक्त पातळ होते, जे हृदयासाठी चांगले असते.
2. नियमित रक्तदानामुळे कर्करोग आणि इतर आजारांचा धोकाही कमी होतो, कारण यामुळे विषारी पदार्थ बाहेर पडतात.
3. रक्तदान केल्यावर अस्थिमज्जा (bone marrow) नवीन लाल पेशी बनवतात, त्यामुळे आरोग्य प्रदान होते.
4. रक्तदान केल्याने शरीरात लोहाचे प्रमाण नियंत्रणात राहते. जर शरीरात लोहाचे प्रमाण जास्त झाले, तर कर्करोगासारखे धोकादायक आजार उद्भवू शकतात.
5. रक्तदान केल्याने वजन नियंत्रणात ठेवणे सोपे होते.
6. एका संशोधनात समोर आले आहे की दर तीन महिन्यांनी रक्तदान केल्याने रोगप्रतिकारक शक्ती देखील मजबूत होते.

कोविड -१ vacc लस मिळाल्यानंतर १ days दिवसानंतर कोणतीही व्यक्ती रक्तदान करू शकते. किंवा कोविड आणि आरटी-पीसीआर चाचणी नकारात्मक झाल्यावर 14 दिवसानंतर तो रक्तदान करू शकतो.

कोण रक्तदान करू शकते :

1. 18 ते 65 वर्षे वयोगटातील सर्व निरोगी लोक
2. 45 किलोपेक्षा जास्त वजनाचे लोक
3. डोनेशन दरम्यान शरीराचे तापमान आणि नाडी सामान्य असणे आवश्यक आहे.
4. ज्या स्त्रियांनी आपल्या बाळाला अंगावर पाजणे बंद केले आहे किंवा प्रसूतीनंतर एक वर्षाने रक्तदान करू शकता.
5. सामान्य बीपी असलेले लोक, ज्यांचे हिमोग्लोबिन 12.5 ग्रॅमपेक्षा जास्त आहे.
6. रक्तदान करण्यापूर्वी 15 दिवस कॉलरा, टायफाइड, टिटॅनस इत्यादी लस घेतलेल्या नसाव्यात.
7. रेबीजची लस घेतल्यानंतर एक वर्षाने रक्तदान करू शकता.
8. रक्तदान करण्यापूर्वी तीन महिन्यांपर्यंत मलेरियावर उपचार केले गेले नसावेत.
9. रक्तदान करण्यापूर्वी सहा महिन्यांपर्यंत कोणताही टॅटू बनविलेला नसावा.
10. रक्तदान करण्यापूर्वी 12 महिन्यांमध्ये कोणतीही शस्त्रक्रिया झालेली नसावी.
11. कोणत्याही प्रकारचा कर्करोग किंवा हृदयरोग नसावा.
12. हिपॅटायटीस बी, सी, कुष्ठरोग, टीबी किंवा एचआयव्ही नसावा.
13. अपस्मार (epilepsy), दमा, थॅलेसीमिया, रक्तस्त्राव डिसऑर्डर असू नये.
14. अंमली पदार्थांचे व्यसन नसावे.
15. जननेंद्रियाचे अल्सर किंवा डिस्चार्जची कोणतीही समस्या असू नये.
16. इन्सुलिन घेणारे रुग्ण नसावेत.

The post रक्तदान केल्याने शरीराला होणारे ‘हे’ जबरदस्त फायदे माहित आहेत का? जाणून घ्या… appeared first on थोडक्यात घडामोडी.

पुणे : रक्तदान हेच जीवनदान, रक्तदान हे सर्वश्रेष्ठ दान असे म्हटले जाते. राज्यातील विविध रुग्णालये आणि रक्तपेढींमधील रक्ताचा साठा कमी पडू लागला आहे. नेहमीच मे-जून दरम्यान सर्वत्र रक्ताचा तुटवडा भासतो, अनेक तरुणांना रक्तदान  करण्याची इच्छा असूनही महाविद्यालय बंद असल्याकारणाने रक्तदान करता येत नाही, तसेच कारखाने, विविध छोटे उद्योग धंदे हे देखील रक्तदान चळवळी मध्ये अग्रणण्याने सहभागी असतात पण हे कारखाने, उद्योग धंदे देखील कोरोनामुळे बंद असल्याने रक्त संकलनास अडचणी येत आहेत. त्यामुळे राज्यातील रक्तसाठा मोठ्या प्रमाणात घटला आहे.

महत्वाच्या शस्त्रक्रियांवेळी रुग्णांना रक्ताची अडचण येण्याची शक्यता आहे. एम.आय.एम.ई.आर.वैद्यकीय महाविद्यालय, डॉ. भाऊसाहेब सरदेसाई तळेगांव ग्रामीण रुग्णालयाचे गरवारे रक्त केंद्र यांनी आवाहन केले आहे कि जास्तीत जास्त रक्तदान करा. या अवघड पण अशक्य नसलेल्या मोहिमेत विविध सामाजिक संघटना, छोट्या नागरी वस्त्या यांचा सहभाग मिळविण्यासाठी पदाधिकारी यांनी आवाहन करावे व त्या प्रमाणे आमच्या गरवारे रक्त केंद्रास कळवावे. जेणेकरून अशा शिबिरामध्ये आवश्यक तेवढे रक्त संकलन होऊन गरीब, गरजू रुग्णांच्या सेवेत मोलाचे योगदान दिले जाईल.

संपर्क :
एम.आय.एम.ई.आर.वैद्यकीय महाविद्यालय, डॉ. भाऊसाहेब सरदेसाई तळेगांव ग्रामीण रुग्णालयाचे गरवारे रक्त केंद्र, तळेगांव दाभाडे, ता.मावळ, जि.पुणे-४१०५०७. (महाराष्ट्र राज्य) फोन : ०२११४-३०८३९९

डॉ. विजयकुमार पोवार (एम.डी. शरीर विकृती शास्त्र.) – रक्त संक्रमण अधिकारी फोन :  ९६०४८ ७१४७१
राहुल पंढरीनाथ पारगे – जनसंपर्क अधिकारी  फोन : ९९६०० ८९०८९

The post रक्ताचा तुटवडा आहे, रक्तदान करा आणि गरजू रुग्णांच्या सेवेत मोलाचे योगदान द्या – राहुल पारगे appeared first on थोडक्यात घडामोडी.

मुंबई  : कोरोना प्रतिबंधात्मक लसीकरण मोहिमेचा महत्वपूर्ण टप्पा 1 मे पासून सुरू होणार असून 18 वर्षांपुढील सर्वजण लस घेऊ शकणार आहेत. लस घेतल्यानंतर 60 दिवस आपणास रक्तदान करता येत नाही. त्यामुळे कोरोना प्रतिबंधक लशीची मात्रा घेण्यापूर्वी रक्तदान करावे, असे आवाहन मदत व पुनर्वसनमंत्री विजय वडेट्टीवार यांनी केले आहे.

पुनर्वसनमंत्री विजय वडेट्टीवार म्हणाले, आता रुग्णालयांमध्ये कोविड आणि नॉन-कोविड अशा दोन्ही रुग्णांवर उपचार केले जात आहेत. त्यामुळे अधिकाधिक रक्तदात्यांची आवश्‍यकता भासत आहे. त्यातच कोरोना लस घेतल्यावर 60 दिवसांपर्यंत रक्तदान करता येणार नाही. त्यामुळे आधी रक्तदान करा आणि त्यानंतर कोरोना प्रतिबंधात्मक लस घ्या.

कोरोनामुळे मागील वर्षापासून रक्तदानात मोठ्या प्रमाणात घट झाली आहे. रक्ताचा तुटवडा पाहून सामाजिक भान जपून रक्तदान करा. त्यामुळे रक्ताची मागणी असणाऱ्या रुग्णांचा जीव वाचविता येईल, असे आवाहन श्री. वडेट्टीवार यांनी केले आहे.

The post आधी रक्तदान करा आणि त्यानंतर कोरोना प्रतिबंधात्मक लस घ्या – पुनर्वसनमंत्री विजय वडेट्टीवार appeared first on थोडक्यात घडामोडी.

पुणे : रविवार दि २8 मार्च २०२१ रोजी राजगुरूनगर मेडिकल प्रॅक्टिशनर असोसिएशन आणि रोटरी क्लब ऑफ राजगुरूनगर यांच्या वतीने गरवारे रक्त केंद्र व एम आय एम ई आर वैद्यकीय महाविद्यालय, तळेगाव दाभाडे यांच्या सहकार्याने भव्य रक्तदान शिबिर आयोजित करण्यात आले आहे.

अन्नदान, वस्त्रदान, धांडं, श्रमदान मूलभूत गरज भागवतात. परंतु, रक्तदान प्राण वाचवतं. १ वेळा रक्तदान केल्याने ३ लोकांचे प्राण वाचू शकतात. दर दुसऱ्या सेकंदाला कोणालातरी रक्ताची गरज भासते. कोरोनाच्या महामारीमध्ये रक्ताची गरज प्रकर्षाने जाणवत आहे. त्यामुळे रक्तदान करा आणि कोरोना योद्धा बना.

रक्तदान हे सर्वश्रेष्ठ दान असून कृपया अधिकाअधिक रक्तदान करावे, असे आवाहन…

ठिकाण : सुश्रुत हॉस्पिटल, पुणे-नाशिक हायवे, राजगुरूनगर

वेळ : सकाळी १०.00 ते दुपारी 3.०० वाजेपर्यंत

अधिक माहितीसाठी संपर्क :

डॉ राजेंद्र तुपे – ९८५०१ 30790
राहुल वाळुंज – अध्यक्ष रो. क्लब ऑफ राजगुरूनगर – ९८२२२ 82710
डॉ विजयकुमार पोवार – ९६०४८ ७१४७१
राहुल पंढरीनाथ पारगे – ९९६०० ८९०८९

The post रक्तदान : राजगुरूनगर मेडिकल प्रॅक्टिशनर असोसिएशन यांच्या वतीने राजगुरूनगर येथे भव्य रक्तदान शिबिर appeared first on थोडक्यात घडामोडी.

पुणे : देशात एकूण ३३२१ रक्तपेढ्या आहेत पण अजूनही देशातील ६३ जिल्ह्यात एकही रक्तपेढी नसल्याचे समोर आले आहे. देशातील सर्व जिल्ह्यात किमान एक रक्तपेढी असावी याबाबत सरकारने काही पावले उचलली आहेत का? असा प्रश्न आरोग्यमंत्री व कुटूंब कल्याण राज्यमंत्री अश्विनीकुमार चौबे यांना विचारण्यात आला तेव्हा ते म्हटले, कि सार्वजनिक आरोग्य हा राज्याचा विषय असून राज्यात गरजेनुसार रक्तपेढी ठेवण्याची जबाबदारी राज्य सरकारची आहे.

रक्तपेढी नसलेले जिल्हे : 

1. अरुणाचल प्रदेश – १४
2. आसाम : ४
3. बिहार : ५
4. मणिपूर : १२
5. मेघालय : ४
6. नागालँड : ९

राष्टीय आरोग्य अभियानाच्या माध्यमातून राज्यांना रक्तपेढी उभारणीसाठी किंवा विस्तार करण्यासाठी मदत केली जाते.. नेशनल ब्लड ट्रांसफ्यूजन काउंसिल, आरोग्य मंत्रालयाने धोरण आखले असून त्यानुसार प्रत्येक जिल्ह्यात किमान एक रक्तपेढी असावी, असा नियम आहे. देशात रक्त पुरवठ्याबाबत एकही तक्रार आली नसल्याचे चौबे यांनी सांगितले.

The post धक्कादायक : देशात ६३ जिल्ह्यात रक्तपेढ्याच नाहीत appeared first on थोडक्यात घडामोडी.

पुणे : दि २६ जानेवारी २०२१ रोजी प्रजासत्ताक दिनानिमित्त तळेगाव दाभाडे, पोलीस ठाणे तळेगाव दाभाडे, ता. मावळ, जि. पुणे-४१०५०६ येथे रोटरी क्लब ऑफ तळेगाव एम आय डी सी यांच्या वतीने गरवारे रक्त केंद्र व एम आय एम ई आर वैद्यकीय महाविद्यालय, तळेगाव दाभाडे यांच्या सहकार्याने रक्त दान शिबिर सकाळी ८.३० ते दुपारी १२.०० पर्यंत असेल.

तसेच तळेगाव दाभाडे नगरपालिकेचे नगरसेवक संतोषभाऊ छबुराव भेगडे व मित्र परिवार यांच्या वतीने देखील रक्त दान शिबिर श्रावस्ती बौध्द विहार, रमाकांत नगर, तळेगाव दाभाडे येथे सकाळी १० ते दुपारी १.०० वाजेपर्यंत होणार आहे.

रक्तदान हे सर्वश्रेष्ठ दान असून कृपया अधिकाअधिक रक्तदान करावे, असे आवाहन…

संपर्क :

डॉ विजयकुमार पोवार – रक्त संक्रमण अधिकारी – ९६०४८७१४७१
राहुल पंढरीनाथ पारगे- जन संपर्क अधिकारी-९९६००८९०८९

The post प्रजासत्ताक दिनानिमित्त तळेगाव दाभाडे (पुणे) येथे रक्तदान शिबिर appeared first on थोडक्यात घडामोडी.

पुणे :  ‘रक्तदान हेच जीवनदान, रक्तदान हेच सर्वश्रेष्ठ दान‘ असे समजले जाते. शहरातील विविध रुग्णालयांमध्ये कोरोनामुळे आज रक्तपेढींमधील साठा कमी पडू लागला आहे. कोरोनामुळे शिबिराची संख्या कमी आहे.त्यामुळे रक्तटंचाई निर्माण झाली आहे. वेळेवर रक्त मिळत नसल्याने मृत्यू होण्याच्या घटना कानावर येतात. त्यामुळे तरुणाईने अधिकाअधिक रक्तदान करण्याचे आवाहन इनलॅक्स व बुधारानी रुग्णालयाकडून केले जात आहे.

इनलॅक्स व बुधारानी रुग्णालयात O+ रक्तगटाची गरज आहे, इनलॅक्स व बुधारानी रुग्णालयाकडून विनंती आहे कि जर कुणी O+ रक्त देऊ शकणार असेल तर त्यांनी खालील क्रमकांवर संप्रर्क साधावा..

M/s. Sadhu Vaswani Mission’s Medical Complex
Inlaks & Budhrani Hospital Blood Centre
Koregaonpark, Pune 411 001
Blood Bank Ph. No. 020-66099727 / ( c ) 98 50 22 40 42

The post इनलॅक्स व बुधारानी रुग्णालयात O+ रक्तगटाची गरज; इच्छुकांना संपर्क साधण्याचे आवाहन appeared first on थोडक्यात घडामोडी.