मुंबई : अभिनेता कमाल रशीद खान उर्फ ​​केआरके सोशल मीडियावर त्याच्या काही ट्वीट्स किंवा वक्तव्यांमुळे अनेकदा चर्चेत असतो. बॉलीवूडला दररोज टार्गेट करणारा केआरके जवळपास प्रत्येक चित्रपटाबद्दल आपले विचार लोकांसोबत शेअर करतो. आपल्या चित्रपटांच्या रिव्ह्यूजमुळे नेहमीच चर्चेत असणार्‍या केआरकेने पुन्हा एकदा आपल्या एका ट्विटने सर्वांना आश्चर्यचकित केले आहे. केआरकेने ट्विटर हँडलवर आपले नाव बदलले आहे.

केआरकेने नुकतीच अधिकृत ट्विटर अकाउंटवरून एक पोस्ट शेअर केली आहे. या ट्विटमध्ये केआरकेने त्याच्या ट्विटर हँडलवर नावातील बदलाची घोषणा केली आहे. त्याच्या नुकत्याच केलेल्या ट्विटमध्ये केआरकेने लिहिले की, “आज मी माझ्या नावातून खान हटवून माझ्या नावासोबत माझ्या पत्नीचे आडनाव ‘कुमार’ जोडण्याचा निर्णय घेतला आहे. माझ्या पत्नीचे नाव अनिता कुमार आहे. तर आता माझे नाव कमाल रशीद कुमार आहे.

Today I have decided to drop #Khan from my name and add my wife’s sir name #Kumar in my name. My wife name is #AnitaKumar. So now my name is #KamalRashidKumar!

— Kamal Rashid Kumar (@kamaalrkhan) August 20, 2022

यासोबतच त्याने आपल्या ट्विटर हँडलवर आपले नाव बदलून कमाल रशीद कुमार असे केले आहे. केआरकेचे नाव बदलण्याचा हा निर्णय खूपच आश्चर्यकारक आहे. मात्र, त्याने या निर्णयामागचे कोणतेही कारण अद्याप स्पष्ट केलेले नाही. कमाल खान अनेकदा बॉलिवूड आणि त्यातील कलाकारांवर निशाणा साधताना दिसतो.

The post KRK ने ट्विटर हँडलवर बदललं स्वतःच नाव, ‘खान’ हटवून लावलं पत्नीचं आडनाव… appeared first on थोडक्यात घडामोडी.

मुंबई : नार्कोटिक्स कंट्रोल ब्युरोचे (NCB) माजी अधिकारी समीर वानखेडे यांना सोशल मीडियावर जीवे मारण्याची धमकी मिळाल्याचा आरोप आहे. ‘अमन’ नावाच्या एका ट्विटर हँडलवरून 14 ऑगस्ट रोजी समीर वानखेडे यांना मेसेज मिळाला. यात त्या व्यक्तीने लिहिले, “तुमको पता है तुमने क्या किया है, इसका हिसाब तुमको देना पडेगा (तुम्ही काय केले हे तुम्हाला माहिती आहे, तुम्हाला याची किंमत चुकवावी लागेल).” तर दुसर्‍या मेसेजमध्ये “तुमको खतम कर देंगे” असे म्हटले होते.

यानंतर समीर वानखेडे यांनी गोरेगाव पोलिसांशी संपर्क साधला आणि एफआयआर नोंदविला आहे. काल वानखेडे यांचा जबाब नोंदवण्यात आला. दरम्यान, पोलीस सूत्रांनी सांगितले की या अकाऊंटचे फॉलोअर्स शून्य होते आणि वानखेडे यांना धमक्या देण्याच्या उद्देशाने ते तयार करण्यात आल्याचा संशय आहे.

मुंबई क्रूझवर छापा
एनसीबीच्या मुंबई कार्यालयाचे माजी झोनल डायरेक्टर वानखेडे हे अंमली पदार्थ विरोधी एजन्सीने मुंबई क्रूझवर ऑक्टोबर 2021 मध्ये हाय-प्रोफाइल छापे टाकल्यानंतर प्रसिद्धीच्या झोतात आले होते, त्यानंतर एजन्सीने अभिनेता शाहरुख खानचा मुलगा आर्यन खान आणि अन्य 19 जणांना अटक केली होती. आणि काही अंमली पदार्थही जप्त केल्याचा दावा केला. तथापि, नंतर एनसीबीने आर्यन खानला क्लीन चिट दिली होती.

नवाब मालिकांनी केले अनेक आरोप
वानखेडे हे मुंबई क्रूझ ड्रग्ज प्रकरणाच्या तपासाचे नेतृत्व करत असताना महाराष्ट्राचे तत्कालीन मंत्री नवाब मलिक यांनी त्यांच्यावर जात प्रमाणपत्र खोटे असल्याच्या आरोपांसह अनेक आरोप केले होते. वानखेडे भाजपसाठी काम करत असल्याचा आरोपही त्यांनी केला.

सुशांत सिंग राजपूतच्या मृत्यूनंतर वानखेडे यांची एनसीबीमध्ये नियुक्ती
जून 2020 मध्ये अभिनेता सुशांत सिंग राजपूतच्या मृत्यूनंतर, IRS अधिकारी वानखेडे यांची एनसीबीमध्ये नियुक्ती करण्यात आली होती, जेव्हा संभाव्य ड्रग्ज अँगलच्या तपासादरम्यान अनेक बॉलिवूड सेलिब्रिटींची नावे समोर आली होती. त्यांच्या कार्यकाळात दीपिका पदुकोण, सारा अली खान, रकुलप्रीत सिंग यांसारख्या अनेक हायप्रोफाईल सेलिब्रिटींची बॉलीवूडमधील ड्रग्सच्या संबंधाच्या आरोपांसंदर्भात चौकशी करण्यात आली होती.

The post समीर वानखेडे यांना जीवे मारण्याची धमकी, पोलिसांकडे तक्रार दाखल appeared first on थोडक्यात घडामोडी.

नवी दिल्ली : जगातील सर्वात श्रीमंत उद्योगपती एलन मस्क यांनी ट्विटर हे सोशल मीडिया प्लॅटफॉर्म विकत घेतले आहे. एलन मस्क यांनी ट्विटर विकत घेतल्यापासून कंपनीचे सध्याचे सीईओ पराग अग्रवाल यांना कंपनीतून बाहेरचा रस्ता दाखवला जाण्याची शक्यता वर्तवली जात आहे. मात्र, आता एलन मस्क यांनी असे केल्यास त्यांना त्याची मोठी किंमत चुकवावी लागेल, असा अंदाज एका संशोधन संस्थेने व्यक्त केला आहे.

रिसर्च फर्म इक्विलारच्या मते, ट्विटरचे सीईओ पराग अग्रवाल यांना सोशल मीडिया कंपनीच्या नियंत्रणात बदल झाल्यानंतर 12 महिन्यांच्या आत काढून टाकल्यास त्यांना अंदाजे $42 दशलक्ष मिळतील. इक्विलरच्या अंदाजामध्ये पराग अग्रवाल यांचा मूळ पगार तसेच सर्व इक्विटी पैशांचा समावेश आहे. मस्क यांची ऑफर किंमत प्रति शेअर 54.20 डॉलर इतकी आहे. तथापि, ट्विटरने याबाबत कोणतेही भाष्य करण्यास नकार दिला आहे.

पराग अग्रवाल हे यापूर्वी ट्विटरचे मुख्य तंत्रज्ञान अधिकारी होते. नोव्हेंबरमध्ये त्यांना सीईओ बनवण्यात आले. ट्विटरच्या मते, पराग अग्रवाल यांना २०२१ साठी ३०.४ दशलक्ष डॉलर्स देण्यात आले होते.

सोमवारी अब्जाधीश एलन मस्क यांनी ट्विटरला ४४ अब्ज डॉलर्समध्ये विकत घेण्याचा करार केला. त्यामुळे 2013 पासून सार्वजनिक कंपनी म्हणून कार्यरत असलेली ट्विटर आता खाजगी कंपनी बनणार आहे. एलन मस्क यांनी 14 एप्रिल रोजी दाखल केलेल्या सिक्युरिटीज फाइलिंगमध्ये म्हटले आहे की त्यांना ट्विटरच्या व्यवस्थापनावर विश्वास नाही.

या कराराच्या संदर्भात, ट्विटरचे सीईओ पराग अग्रवाल यांनी सोमवारी कंपनीच्या टाऊन हॉल बैठकीत कर्मचाऱ्यांना सांगितले की एलन मस्क डील लॉक झाल्यानंतर सोशल मीडिया फर्मचे भविष्य अनिश्चित आहे. “आम्हाला हे माहित नाही की एकदा करार झाल्यानंतर प्लॅटफॉर्म कोणत्या दिशेला जाईल.”

The post एलन मस्क यांना ट्विटरचे सीईओ पराग अग्रवाल यांना हटवणं पडेल महागात, कारण… appeared first on थोडक्यात घडामोडी.

 ब्राझील : ट्विटरवर एक भयंकर व्हिडिओ व्हायरल झाला आहे, ज्यात तलावामध्ये मगर एका माणसाचा पाठलाग करून त्याच्यावर हल्ला करताना दिसत आहे. ही घटना शनिवारी ब्राझीलमधील कॅम्पो ग्रांडे येथील लागो डो आमोर येथे घडली. हा तलाव पर्यटकांमध्ये लोकप्रिय आहे, परंतु त्यामध्ये मगरी असल्याने तो पोहणाऱ्यांसाठी प्रतिबंधित आहे. परंतु, या व्हिडिओमधील व्यक्तीने चेतावणीच्या चिन्हांकडे दुर्लक्ष केले आणि तलावामध्ये पोहण्याचा निर्णय घेतला.

विल्यन केटानो (Willyan Caetano), ज्याने ही घटना आपल्या मोबाईल फोनवर कॅप्चर केली, त्याने संध्याकाळी 4.40 च्या सुमारास त्या व्यक्तीला प्रतिबंधित तलावात प्रवेश करताना पाहिले. त्यानंतर थोड्याच वेळात एक मगर वेगाने पाण्यातून त्याच्या दिशेने येऊ लागली. मगरीने त्याच्यावर हल्ला केला, परंतु तो शक्य तितक्या लवकर स्वतःची सुटका करून किनाऱ्यावर पोहोचला.

व्हिडिओ चित्रित करणार्‍या केटानो यांनी सांगितले कि, “अचानक एक मगर त्या व्यक्तीचा पाठलाग करू लागली. त्याने निसटण्याची वेगाने पोहण्याचा प्रयत्न केला, परंतु मगर त्याच्यापर्यंत पोहोचण्यात यशस्वी झाली आणि त्या माणसाच्या हातावर हिंसक चावा घेतला, तो रक्तबंबाळ झाला होता आणि खूप घाबरलेल्या अवस्थेत पाण्यातून बाहेर आला, तो म्हणाला की त्याला तेथे मगर असल्याचं माहित नव्हतं.

O CARA NADANDO NO LAGO DO AMOR E NÃO SABIA QUE TEM JACARÉ LÁ, tomou uma mordida só de leve pq o jacaré foi bonzinho pic.twitter.com/eUtWZy83wp

— perdidinha da silva (@ayora_003) October 23, 2021

स्थानिक वृत्तानुसार, हल्ल्यानंतर स्थानिक लोक जखमी व्यक्तीभोवती जमा झाले आणि मोबाईल इमर्जन्सी केअर सर्व्हिसला कॉल केला. त्याच्या एका हाताला किरकोळ दुखापत झाली होती आणि तो सुरक्षित होता. प्रत्यक्षदर्शी गारापेरा मारिनाल्वा दा सिल्वा गेल्या पाच वर्षांपासून लागो डो आमोर येथे उसाचा रस विकते, ती म्हणाली की तिने पाच वर्षांत प्रथमच एखाद्या व्यक्तीला पाण्यात जाताना पाहिले आहे. तिने सांगितले कि, “कधीकधी, मुले तिथे जातात, परंतु आम्ही त्यांना सांगतो की तेथे एक मगर आहे आणि ते पाणी खराब आहे, त्यामुळे ते मागे येतात.”

The post थरारक VIDEO! ‘त्या’ तलावात पोहणे पडले महागात, मगरीने पाठलाग करून केला हल्ला appeared first on थोडक्यात घडामोडी.

Rahul Gandhi Twitter : काँग्रेस नेते राहुल गांधी यांचे ट्विटर खाते तात्पुरते निलंबित करण्यात आले होते. राहुल गांधी यांनी दिल्लीतील बलात्कार पीडितेच्या कुटुंबीयांची भेट घेतल्यानंतर पीडितेच्या आई-वडिलांचा फोटो ट्विट केला होता. त्यावर भाजपाकडून जोरदार आक्षेप घेण्यात आला. त्यानंतर ट्विटरनं राहुल गांधी यांचं ट्विट हटवलं होतं. पण त्यानंतर त्यांचं ट्विटर अकाऊंट तात्पुरतं सस्पेंड करण्यात आलं होतं.

Shri @RahulGandhi’s Twitter account has been temporarily suspended & due process is being followed for its restoration.

Until then, he will stay connected with you all through his other SM platforms & continue to raise his voice for our people & fight for their cause. Jai Hind!

— Congress (@INCIndia) August 7, 2021

एका वकिलाने पीडितेच्या कुटुंबाची ओळख जगजाहीर होत असल्यानं फोटोवर आक्षेप घेत दिल्ली पोलिसांकडे तक्रार केली होती. राहुल गांधी यांनी त्यांच्या ट्विटर हँडलवर पीडितेच्या आईवडिलांचा फोटो शेअर केला आहे. यामुळे पीडितेच्या कुटुंबीयांची ओळख पटली आहे. त्यामुळे गुन्हे दाखल करून कठोर कारवाई करण्यात यावी अशी तक्रार वकील विनीत जिंदल यांनी केली होती.

दरम्यान, काही वेळानंतर राहुल गांधींच ट्विटर अकाऊंट पूर्ववत करण्यात आलं. पण ते नेमकं सस्पेंड का करण्यात आलं होतं याची चर्चा आता सुरू झाली आहे. काँग्रेसकडून ट्विटरला उत्तर पाठविण्यात आल्यानंतर राहुल गांधींचं ट्विटर अकाऊंट पूर्ववत करण्यात आले आहे.

The post राहुल गांधी यांचे ट्विटर खाते तात्पुरते सस्पेंड, कारण… appeared first on थोडक्यात घडामोडी.

नवी दिल्ली : ट्विटर आणि केंद्र सरकार यांच्यात सुरू असलेला तणाव आणखीनच वाढण्याची शक्यता आहे. ट्विटरने यावेळी पुन्हा एकदा भारताचा चुकीचा नकाशा दाखवला आहे. सरकारशी संबंधित सूत्रांनी दावा केला आहे की ट्विटरने आपल्या वेबसाईटवर दाखविलेल्या भारताच्या नकाशामध्ये जम्मू-काश्मीर आणि लडाखचा समावेश केलेला नाही. ट्विटरने जम्मू-काश्मीर आणि लडाख हे दोन स्वतंत्र देश असल्याचं आपल्या वेबसाइटवर दाखवले असल्याचा आरोप आहे.

ट्विटरच्या करिअर पेजवर ट्वीप लाइफ विभागात जगाचा नकाशा आहे. येथून कंपनी हे दाखवते की संपूर्ण जगात ट्विटरची टीम आहे. मागील वर्षीही ट्विटरने भारताच्या नकाशासोबत छेडछाड केली होती. त्यावेळी लडाखला भारताचा भाग म्हणून दाखवले गेले नव्हते. मात्र, नंतर त्यात सुधारणा करण्यात आली होती.

@Twitter website shows Jammu Kashmir and Ladakh as separate country. According to the sources the Government may take tough action in this matter.

— kuldeep singh ?? (@Kuldeep78328755) June 28, 2021

सरकार आता ट्विटरच्या विरोधात उघडपणे बोलत असून रविशंकर प्रसाद यांनी ट्विटरची भारताबद्दल दुटप्पी भूमिका असल्याचे स्पष्ट केले आहे. त्यामुळे हा वाद पुन्हा एकदा वाढण्याची शक्यता आहे. ट्विटरच्या करियर पेजवरील भारताच्या नकाशामध्ये जम्मू-काश्मीर आणि लडाखचा समावेश नाही. म्हणजेच ते सीमेच्या बाहेर दर्शविलेले आहेत. सोशल मीडियावर लोक याबाबत टीका करीत आहेत. या प्रकरणात आतापर्यंत ट्विटरचे निवेदन आले नाही. परंतु, जर सरकारने ट्विटरला नोटीस पाठवली आणि त्यानंतरही ट्विटरने दुरुस्ती केली नाही तर आयटी कायद्याच्या कलम 69 अ अंतर्गत ट्विटरवर कारवाई केली जाऊ शकते.

The post ट्विटरने पुन्हा केली भारताच्या नकाशासोबत छेडछाड appeared first on थोडक्यात घडामोडी.

नवी दिल्ली : ट्विटरने भारताचे उपराष्ट्रपती एम. वेंकैया नायडू यांच्या वैयक्तिक ट्विटर अकाऊंटवरील ब्लू टीक (निळ्या रंगाचं चिन्ह) पुनर्संचयित केली आहे. उपराष्ट्रपती व्यंकय्या नायडू यांचे वैयक्तिक ट्विटर अकाउंट पुन्हा ‘सत्यापित’ (Verified) झाले आहे. ब्लू टीक हटवल्यानंतर काही तासातच ट्विटरने पुन्हा ब्लू टीक परत केली आहे.

ट्विटरने उपराष्ट्रपतींच्या वैयक्तिक ट्विटर अकाऊंटवरून ‘ब्लू टीक’ हटवली

ट्विटरने व्यंकय्या नायडू यांच्या वैयक्तिक ट्विटर अकाऊंटवरील ब्लू टीक (निळ्या रंगाचं चिन्ह) हटवली होती. त्यामुळे लोकांनी नाराजी व्यक्त केली होती. या संपूर्ण प्रकरणावर ट्विटर इंडियाने चूक दुरुस्त करत स्पष्टीकरण दिले की “त्यांचे खाते बर्‍याच काळापासून लॉग इन केले नसल्यामुळे ब्लू टीक हटविले होते. आता Verified करून ब्लू टीक परत केली आहे.”

The post ट्विटरने मान्य केली चूक, उपराष्ट्रपती व्यंकय्या नायडू यांच्या ट्विटर अकाऊंटवरील ब्लू टीक परत appeared first on थोडक्यात घडामोडी.

नवी दिल्ली : ट्विटरने भारताचे उपराष्ट्रपती एम व्यंकय्या नायडू यांच्या वैयक्तिक ट्विटर अकाऊंटवरील ब्लू टीक (निळ्या रंगाचं चिन्ह) हटवली आहे. यामुळे लोकांनी या कंपनीविरोधात नाराजी व्यक्त केली आहे. परंतु, भारताच्या उपराष्ट्रपतींच्या अधिकृत हॅन्डल (@VPSecretariat) वर मात्र ही ब्लू टीक कायम आहे.

ट्विटरच्या पॉलिसीनुसार, ब्लू व्हेरीफाईड बॅच इतर ट्विटरकर्त्यांना हे सांगण्यासाठी मदत करतो की, संबंधीत ट्विटर हॅन्डल खात्रीशीर, उल्लेखनीय आणि सक्रिय आहे. ट्विटरकडून अशा ब्लू टीक सरकारी कंपन्या, ब्रॅन्ड, गैर सरकारी संघटना, वृत्त संस्था, पत्रकार, राजकीय – मनोरंजन – खेळ – गेमिंग क्षेत्राशी निगडीत व्यक्ती तसंच इतर प्रभावशाली व्यक्तींच्या ट्विटर हॅन्डलला देण्यात येतात.

ट्विटरच्या अटींनुसार, वापरकर्त्याने त्याच्या हँडलचे नाव बदलल्यास किंवा एखादे खाते निष्क्रिय किंवा अपूर्ण असल्यास किंवा वापरकर्त्याने ज्या नावाने सुरुवातीला आपले खाते तयार केले, त्या काळात सत्यापित केले, परंतु बर्‍याच दिवसानंतरही ते खाते निष्क्रिय असेल, तर ट्विटर कोणत्याही वेळी आणि कोणत्याही सूचनेशिवाय किंवा नोटिशीशिवाय ट्विटर हॅन्डलवरून ब्लू टीक आणि व्हेरिफाईड स्टेटस काढू शकते.

भाजप प्रवक्ते सूरज नाखुआ म्हणाले कि, “ट्विटरने भारताचे उपराष्ट्रपती एम व्यंकय्या नायडू यांच्या वैयक्तिक ट्विटर अकाऊंटवरील ब्लू टीक का काढली? हा भारतीय राज्यघटनेवर एक प्रकारचा हल्ला आहे.

Why did @Twitter @TwitterIndia remove Blue tick from the handle of Vice President of India Shri @MVenkaiahNaidu ji ?

This is assault of Constitution of India. pic.twitter.com/CBQviuBa3x

— Suresh Nakhua (?? ???? ????) (@SureshNakhua) June 4, 2021

The post ट्विटरने उपराष्ट्रपतींच्या वैयक्तिक ट्विटर अकाऊंटवरून ‘ब्लू टीक’ हटवली appeared first on थोडक्यात घडामोडी.

टोकियो : जपानमध्ये ट्विटर किलिंगच्या प्रकरणाचा निकाल लागला आहे. टोकियो जिल्हा न्यायालयाने मंगळवारी ‘ट्विटर किलर’ ला मृत्यूदंडाची शिक्षा दिली आहे. हा किलर आत्महत्या करण्याचा विचार असल्याच्या पोस्ट टाकणाऱ्या तरुणांशी संपर्क साधायचा आणि त्यांचा खून करायचा. ताकाहिरो शिराईसी असं या ट्विटर किलरचं नाव असून तो 30 वर्षाचा आहे.

टोकियोच्या जिल्हा न्यायालयाने त्याला खून करणे, मृतदेहाचे तुकडे करुन फ्रिजमध्ये ठेवणे या गुन्ह्याबद्दल जन्मठेपेची शिक्षा सुनावली आहे. ट्विटर किलरने त्याच्यावर लावण्यात आलेले सर्व गुन्हे मान्य केले आहेत. ताकाहिरो शिराईसीच्या वकिलांनी न्यायालयात सांगितलं होतं की, “आपल्या अशिलाने मृत लोकांच्या संमतीने त्यांचा खून केला आहे. त्यामुळे या कायद्यांतर्गत त्याच्यावर खटला चालवण्यात यावा.” न्यायालयाने त्यांची ही मागणी फेटाळली होती.

सरकारच्या वतीनं केस लढणाऱ्या वकिलांनी आरोपीला मृत्यूदंडाची शिक्षा देण्यात यावी अशी मागणी केली होती. संबंधित आरोपीने त्याच्यावर ठेवण्यात आलेले सर्व आरोप मान्य केल्याने न्यायालयाने त्याला मृत्यूदंडाची शिक्षा ठोठावली आहे.

सोशल मीडियावर आपण आत्महत्या करणार असल्याच्या पोस्ट टाकणाऱ्या 15 ते 26 वयाच्या तरुणांच्या शोधात ताकाहिरो शिराईसी असायचा. त्यांच्याशी संपर्क साधून आपल्याही मनात आत्महत्येचे विचार येत असून मी आपल्याला आत्महत्या करायला मदत करतो असं सांगायचा. जपानी भाषेत हॅंगमॅन असे नाव असलेल्या आपल्या ट्विटर अकाउंटच्या माध्यमातून संबंधित तरुणांना तो आपल्या घरी बोलवायचा आणि त्यांचा खून करायचा. नंतर त्या मृतदेहाचे तुकडे करुन ते फ्रिजमध्ये टाकायचा. अशा प्रकारचे नऊ खून केल्याचं आरोपीनं न्यायालयात कबुल केलं आहे.

टोकियो मध्ये एक 23 वर्षीय महिला गायब झाल्याचा गुन्हा नोंद करण्यात आला होता. त्या महिलेच्या शोधात ऑक्टोबर 2017 मध्ये पोलीस ताकाहिरो शिराईसी याच्या घरी पोहचले. तिथं त्यांना अनेक फ्रिजमध्ये मृतदेह ठेवल्याचं आढळलं. या खून प्रकरणामुळे जपानमध्ये खळबळ उडाली होती. या प्रकरणानंतर जपान सरकारने आणि सोशल नेटवर्किंग साइट्सनी आत्महत्येचा विचार मनात येणाऱ्या अशा प्रकारच्या तरुणांच्या मदतीसाठी प्रयत्न सुरु केले.

The post जपानच्या ‘ट्विटर किलर’ ला मृत्यूदंडाची शिक्षा, नऊ खून केल्याची कबुली appeared first on थोडक्यात घडामोडी.