नवी दिल्ली : परमबीर सिंह यांनी मुख्यमंत्र्यांना लिहिलेल्या पत्रानंतर खळबळ माजली होती. त्यानंतर या प्रकरणात सीबीआय चौकशी टाळण्याचा प्रयत्न करणारे राज्याचे माजी गृहमंत्री अनिल देशमुख यांना सर्वोच्च न्यायालयाने दणका दिला आहे. यासोबत न्यायालयाने महाविकासआघाडी सरकारने केलेली याचिकाही फेटाळून लावली आहे. याप्रकरणात आपली बाजू ऐकूनच घेतली नाही. त्यामुळे आपली सीबीआय चौकशी रोखावी, अशी मागणी अनिल देशमुख यांनी केली होती. मात्र, याप्रकरणात सीबीआय चौकशीचा निर्णय योग्य असल्याचे सुप्रीम कोर्टाने सांगितले आहे.

सुप्रीम कोर्टाच्या या निर्णयानंतर आता अनिल देशमुख यांना सीबीआयच्या चौकशीला सामोरे जाण्याशिवाय दुसरा मार्ग उरलेला नाही. या प्रकरणात उच्च न्यायालयाने सीबीआय चौकशीचा आदेश दिल्यामुळे अनिल देशमुख यांना गृहमंत्रीपदावरून पायउतार व्हावे लागले होते. त्यानंतर अनिल देशमुख यांनी तातडीने दिल्ली गाठून ज्येष्ठ विधिज्ञ अभिषेक मनु सिंघवी यांची भेट घेतली होती. त्यानंतर अनिल देशमुख यांनी सर्वोच्च न्यायालयात सीबीआय चौकशीच्या निर्णयाविरोधात याचिका दाखल केली होती.

त्यावर सर्वोच्च न्यायालयाने म्हटले की याप्रकरणात झालेले आरोप अतिशय गंभीर आहेत. आयुक्तांपासून ते गृहमंत्र्यांबाबत सर्वांवरच गंभीर आरोप करण्यात आले आहेत. गृहमंत्र्यांनी राजीनामा दिला असला तरी उच्च न्यायालयाचा सीबीआय चौकशीचा निर्णय अयोग्य म्हणता येणार नाही. सीबीआय चौकशीचे आदेश आल्यानंतर गृहमंत्र्यांनी राजीनामा दिला. पण यापूर्वी न्यायालयीन चौकशीचे आदेश दिले तेव्हा ते पदावरच होते. याप्रकरणाचे एकूण गांभीर्य लक्षात घेता याप्रकरणाची स्वतंत्र चौकशी होण्याची गरज असल्याचे सर्वोच्च न्यायालयाने म्हटले.

The post अनिल देशमुख आणि राज्य सरकारच्या अडचणीत वाढ, सुप्रीम कोर्टाने दिले CBI चौकशीचे आदेश appeared first on थोडक्यात घडामोडी.

मुंबई : शिवसेना खासदार संजय राऊत यांनी मोठा गौप्यस्फोट केला आहे. ते म्हणाले कि, सचिन वाझे यांच्या कामाच्या पद्धतीमुळे महाविकास आघाडी सरकार अडचणीत येऊ शकते, हे मी तेव्हाच सांगितले होते. सचिन वाझे यांना महाराष्ट्र पोलीस दलात पुन्हा रुजू करण्याबाबतचा निर्णय घेतानाच काही शिवसेना नेत्यांना मी हा इशारा दिला होता, असे राऊत यांनी म्हटले आहे. ते मुंबईत प्रसारमाध्यमांशी बोलत होते.

राऊत म्हणाले कि, “मी ज्या शिवसेनेच्या नेत्यांना हे सांगितले होते त्यांची नावे उघड करू इच्छित नाही. मात्र, ज्या नेत्यांशी मी वाझेंबाबत बोललो होतो त्यांना त्याची जाणीव आहे. सचिन वाझे प्रकरणामुळे महाविकास आघाडी सरकारला धडा मिळाला आहे. एका अर्थाने अशा प्रकारची घटना घडली ते चांगलेच झाले. या प्रकरणामुळे धडा शिकायला मिळाला.” कोणतीही व्यक्ती वाईट नसते. पण कधीकधी परिस्थिती तिला तसे बनवते, असेही ते पुढे म्हणाले.

राऊत म्हणाले कि, सचिन वाझे हे सरकारसाठी अडचणी निर्माण करू शकतात हे मी तेव्हाच सांगितले होते. त्यांचा व्यवहार आणि काम करण्याची पद्धतच तशी आहे. मुख्यमंत्री उद्धव ठाकरे यांनी सचिन वाझे यांचे विधानसभेत समर्थन केले होते. सचिन वाझे हे दहशतवादी नाहीत, असे ते म्हणाले होते. याबाबत उत्तर देताना राऊत म्हणाले की, मुख्यमंत्री उद्धव ठाकरे यांना तेव्हा वाझे यांच्या कामांबाबत माहिती नव्हती.

The post सचिन वाझेंमुळे सरकार अडचणीत येईल, हे मी तेव्हाच सांगितले होते – संजय राऊत appeared first on थोडक्यात घडामोडी.

नागपूर :  सचिन वाझेंचे सर्व मालक याच चिंतेत आहेत की सचिन वाझें NIA ला काय सांगेल, अशा शब्दात विरोधी पक्षनेते देवेंद्र फडणवीसांनी हल्लाबोल केला आहे. नवाब मलिक का बरं चिंतेत आहेत? कारण फोन टॅपिंग रिपोर्टमध्ये अनेक लोकांचे बिंग फुटेल. काँग्रेससह हे तिन्ही पक्ष अस्वस्थ आहेत. कारण वाझेंचे हे खरे मालक आहेत. यांनी वाझेंकडून काय काय कामे करून घेतली म्हणून आता शंका कुशंका काढत आहेत, असा आरोप फडणवीसांनी केला.

देवेंद्र फडणवीस नागपुरात म्हणाले की, फोन टॅपिंग रिपोर्ट नवाब मलिकांनी फोडला. माझा सवाल हा आहे की पोलिसांची बदनामी कुणी केली? सिंडिकेट राज कुणी चालवले? दलाली कुणी खाल्ली? बदल्या कुणी केल्या, वाझेची सेवा ज्यांनी घेतली त्यांनी मुंबई पोलिसांची बदनामी केली की नाव केले? असा सवालही त्यांनी केला.

Our Maharashtra has never ever got defamed as much as in #SachinWaze episode!
MVA leaders are scared since the #PoliceTransferRacket report is with @HMOIndia
All bosses of Waze are worried about him opening their secrets before @NIA_India
All truth will come out in NIA probe! pic.twitter.com/Vq6F5o70Ap

— Devendra Fadnavis (@Dev_Fadnavis) March 27, 2021

फडणवीस पुढे म्हणाले की, पोलिसांचे सीसीटीव्ही कुणी गायब केले तरी बॅकअपमध्ये सर्व फुटेज सर्व्हरला आहेत. प्रायव्हेट फुटेज गयाब होऊ शकते, पण पोलिसांचे नाही, अशी व्यवस्था आहे. त्याचे फुटेज मिरर इमेजिंग आहे. 2 ठिकाणी साठवले आहे. डीव्हीआरची ही व्यवस्था मी गृहमंत्री असताना केली आहे. डिजिटल फुटप्रिंट एक माणूस नष्ट करू शकत नाही, असं ते म्हणाले.

ते पुढे म्हणाले की, सचिन सावंतांना मी काय उत्तर द्यायचे, त्यांना काय समजते? ते रोज काही ही बोलतात. आमचे राम कदम आहेत, ते त्यांना उत्तर देतील. मला त्यांना उत्तर द्यायची गरज नाही.

The post सचिन वाझेंचे सर्व मालक चिंतेत की तो NIA ला काय सांगेल : देवेंद्र फडणवीस appeared first on थोडक्यात घडामोडी.

अँटिलीया प्रकरणात मनसुख हिरेनच्या हत्येचा तपास आता एटीएस कडून NIA कडे सोपवण्यात आला आहे. NIA ची टीम रात्री उशीरा रेतीबंदर खाडीत त्या ठिकाणी गेली जिथे 5 मार्चला मनसुख हिरेनचा मृतदेह सापडला होता. मनसुख यांची हत्या रात्री झाली होती, त्यामुळे NIA पथक सचिन वाझे यांच्यासमवेत रात्री तेथे पोहोचले आणि त्यांनी गुन्हा घडला त्या दिवशीच्या संपूर्ण घटनेचे नाट्यरूपांतरण केले.

एनआयएच्या सूत्रांनी दिलेल्या माहितीनुसार, अँटिलीया प्रकरण अंडरवर्ल्ड डॉन दाऊद इब्राहिमशी जोडण्याचा सचिन वाझे यांचा प्लॅन होता. त्यांना तपास करणाऱ्या अधिकाऱ्यांची दिशाभूल करायची होती. त्याने दुबईत राहणाऱ्या दाऊद इब्राहिमच्या टोळीशी संबंधित एका व्यक्तीला बनावट टेलीग्राम बनवून धमकी देणारा संदेश पाठविण्यास सांगितले होते. जिलेटिनच्या कांड्या असलेली स्कॉर्पिओ मिळाल्यानंतर 12 दिवसांपर्यंत या प्रकरणाचा तपास वाझेच करत होते.

मात्र, या प्रकरणातील धमकीचे पत्र दिल्लीच्या तिहाड कारागृहातून पाठविले होते. यासाठी जैश-ए-हिंद नावाचे बनावट टेलीग्राम खाते तयार केले गेले. याचा तपास करण्यासाठी मुंबईचे माजी पोलिस आयुक्त परमबीर सिंग यांनी एका खासगी सायबर फर्मची मदत नोंदविली, परंतु हे सर्व कोठेही रेकॉर्डमध्ये समाविष्ट केले नाही. हा संदेश महत्वाचा असूनही मुंबई पोलिस तिहार कारागृहात का गेले नाहीत, याची चौकशी आता एनआयए करत आहे.

एनआयएच्या सूत्रांनी दिलेल्या माहितीनुसार, मोबाइल टॉवर आणि आयपी मूल्यांकनाच्या आधारे असे आढळून आले आहे की, मनसुखच्या हत्येच्या वेळी वाझे तिथेच उपस्थित होता. नंतर, त्याने मुंबई पोलिस मुख्यालयातील सीआययू कार्यालयात जाऊन आपला मोबाइल चार्जिंगवर ठेवला, जेणेकरुन लोकेशन तिथे दाखवेल. तसेच वाझेने सांगितले कि 4 मार्च रोजी तो दिवसभर आयुक्त कार्यालयात होता, परंतु, 4 मार्चला दुपारी 12:48 वाजता त्याचे मोबाईल लोकेशन चेंबूरच्या एमएमआरडीए कॉलनीतले होते.

एटीएसने अटक केलेले नरेश गोरे आणि माजी कॉन्स्टेबल विनायक शिंदे यांना एनआयएकडे सुपूर्द करण्यात आले आहे, त्यानंतर केंद्रीय अन्वेषण एजन्सी सचिन वाझे आणि या दोन्ही आरोपींना समोरासमोर बसवून चौकशी करू शकते. मनसुखची हत्या झालेली कार एनआयएच्या ताब्यात आहे.

The post NIA च्या टीमने केले मनसुख हिरेन यांच्या हत्येच्या घटनेचे नाट्यरूपांतरण appeared first on थोडक्यात घडामोडी.

मुंबई : मनसुख हिरेन मृत्यू प्रकरणात पुढील चौकशीसाठी सचिन वाझे यांना 3 एप्रिलपर्यंत NIA कोठडीत जावं लागणार आहे. हिरेन यांच्या पत्नीने वाझे यांच्यावर हिरेन यांच्या हत्येचा आरोप केला होता.

सचिन वाझेंची आज कोठडी संपत असल्याने त्यांना एनआयएच्या विशेष न्यायालयात आणण्यात आले होते. यावेळी सचिन वाझे तपासात सहकार्य करत नसल्याचं एनआयएने कोर्टाला सांगितलं. तर या प्रकरणात आपल्याला बळीचा बकरा बनवलं जात असल्याचा दावा सचिन वाझे यांनी केला.

मनसुख हिरेन हत्या प्रकरणात दोन आरोपींना अटक केली आहे. या दोघांना वाझेंच्या समोर बसवून तपास करायचा आहे. वाझेंच्या रक्ताचे नमुने घेण्यात आले असून त्याचा रिपोर्ट यायचा बाकी आहे. तसेच वाझेंच्या गाडीतून मिळालेले पुरावे फोरेन्सिक पुराव्याशी पडताळणी करून पाहायचे आहे. डीएनए मॅच करण्यासाठी पाचही गाड्यांचे सँपल घेण्यात आले आहेत. शिवाय आरोपीने सीसीटीव्ही डीव्हीआर गायब केला असून तोही शोधायचा आहे. त्यामुळे वाझेंची कोठडी वाढवून द्यावी, अशी मागणी यावेळी एनआयएने केली.

The post ब्रेकिंग : सचिन वाझे 3 एप्रिलपर्यंत राहणार NIA च्या कोठडीत appeared first on थोडक्यात घडामोडी.

मुंबई : मुकेश अंबानी यांचे निवासस्थान अँटिलियाबाहेर स्फोटकांनी भरलेल्या स्कॉर्पिओ कारमधील धमकीच्या पत्राचं रहस्य उलगडलं आहे. ते धमकीचं पत्र आपणच ठेवल्याचं निलंबित पोलिस अधिकारी सचिन वाझे यांनी एनआयएच्या चौकशीत कबुल केलं आहे.

अँटिलिया स्फोटक प्रकरणी सचिन वाझे यांच्याविरोधात आता गैरकायदा कृत्य प्रतिबंधित अधिनियम (UAPA) अंतर्गत गुन्हा दाखल करण्यात आला आहे. दहशतवादी कृत्य किंवा राष्ट्रविरोधी कारवायांविरोधात ही कलमं लावली जातात. एनआयएने बुधवारी विशेष एनआयए कोर्टाला या प्रकरणात यूएपीए कलम लावण्याविषयी माहिती देताना अर्ज दाखल केला. वाझे यांच्यावर यूएपीएच्या कलम 16 आणि 18 अंतर्गत गुन्हा दाखल करण्यात आला आहे.

विनायक शिंदे यांच्या घरी सापडलेल्या प्रिंटरच्या माध्यमातून हे इंग्रजी पत्र तयार केलं होतं. ज्याचा तपास फॉरेन्सिक टीममार्फत करण्यात येत आहे. आज एनआयए सचिन वाझे व्यतिरिक्त मनसुख हिरेन यांच्या हत्येतील आरोपी विनायक शिंदे आणि नरेश यांच्या कोठडीची मागणी करणार आहे. त्यानंतर त्यांची चौकशी केली जाणार आहे.

The post अँटिलियाबाहेर स्कॉर्पिओ कारमध्ये धमकीचं पत्र सचिन वाझेंनीच ठेवलं, चौकशीत वाझेंची कबुली appeared first on थोडक्यात घडामोडी.

मुंबई : मुंबईचे माजी पोलिस आयुक्त परमबीर सिंग यांनी केलेल्या आरोपानंतर महाराष्ट्राचे गृहमंत्री अनिल देशमुख सर्वांच्या निशाण्यावर आहेत. दरम्यान, राष्ट्रवादी कॉंग्रेसचे अध्यक्ष शरद पवार यांनी सांगितले की, अनिल देशमुख फेब्रुवारी महिन्यात बराच काळ रुग्णालयात होते. त्यानंतर 15 फेब्रुवारीला अनिल देशमुख यांनी चार्टर्ड फ्लाईट मध्ये प्रवास केल्याची माहिती समोर आली. त्यावर आता अनिल देशमुख यांनी स्पष्टीकरण दिलं आहे.

अनिल देशमुख यांनी म्हटलं कि, “गेल्या काही दिवसांपासून काही लोकांनी माझ्यावर खोटे आरोप केले आहेत. इलेक्ट्रॉनिक किंवा प्रिंट मीडियातून चुकीच्या बातम्या येत आहेत. त्यामुळे मी फार व्यथित झालो आहे. कोरोनाच्या एक वर्षाच्या काळात आमच्या पोलिसांचं मनोबल वाढवण्यासाठी मी संपूर्ण महाराष्ट्रभर फिरलो. नागपूरला पाच फेब्रुवारीला मी कोरोनाबाधित झालो. त्यानंतर 5 ते 15 फेब्रुवारी मी नागपूरच्या एलिक्झर रुग्णालयात दाखल होतो. 15 फेब्रुवारीला जेव्हा मला डिस्चार्ज मिळाला, तेव्हा होम क्वारंटाईनसाठी मी खासगी विमानाने नागपूरहून लगेच मुंबईला आलो.”

देशमुख पुढे म्हणाले कि, “होम क्वारंटाईन झाल्यानंतर मी लॉकडाऊनच्या सूचनेप्रमाणे रात्री उशिरा पार्कमध्ये प्राणायाम करण्यासाठी जात होतो. नागपूरमध्ये हॉस्पिटलला जाण्याच्या वेळेदरम्यान आणि मुंबईतील होम क्वारंटाईनच्या दरम्यान मी अनेकदा व्हिडीओ कॉन्फरन्सिंगद्वारे बैठका किंवा कार्यक्रमांमध्ये सहभागी झालो. होम क्वारंटाईननंतर एक मार्चपासून आमचं अधिवेशन होतं. त्याच्या कामाला मी लागलो. त्या दरम्यान अधिवेशनासाठी आमची जी प्रश्नोत्तरं होती, लक्षवेधी सूचना होत्या, त्याच्या मीटिंगसाठी माझ्या शासकीय निवासस्थानी अनेक अधिकारी येत होते. त्यानंतर शासकीय कामासाठी पहिल्यांदा 28 फेब्रुवारीला घराच्या बाहेर पडलो.”

pic.twitter.com/ku4nBVAHvK

— ANIL DESHMUKH (@AnilDeshmukhNCP) March 23, 2021

The post 15 फेब्रुवारीला अनिल देशमुख यांनी केला फ्लाईट मध्ये प्रवास? देशमुख यांनी दिलं स्पष्टीकरण appeared first on थोडक्यात घडामोडी.

परमबीर सिंग यांनी मुख्यमंत्री उद्धव ठाकरे यांना लिहिलेल्या पत्रामुळे खळबळ उडाली आहे. परमबीर सिंग यांनी गृहमंत्र्यांवर गंभीर आरोप केले आहेत. त्यानंतर भाजपाकडून देशमुखांच्या राजीनाम्याची मागणी केली जात आहे. त्यातच आता अंबानी यांच्या घराजवळ कुणाच्या सांगण्यावरून स्फोटकं ठेवण्यात आली हे समोर यायचं असेल, तर केंद्र सरकारने याची चौकशी करावी, अशी मागणी मनसेचे अध्यक्ष राज ठाकरे यांनी केली आहे.

परमबीर सिंग यांनी गृहमंत्र्यांवर केलेल्या आरोपानंतर राज ठाकरे यांनी माध्यमांशी संवाद साधला. यावेळी ते म्हणाले कि, “गृहमंत्र्याने एखाद्या पोलीस आयुक्ताला दर महिन्याला १०० कोटी रुपये मागितले, असा आरोप पोलीस आयुक्तांनी केल्याची घटना ही राज्याच्याच काय तर देशाच्या इतिहासातील पहिली घटना असेल. गृहमंत्री राज्याचे असतात. राज्यात शहरं किती, त्यांना आयुक्तांना गृहमंत्र्यांनी काय सांगितलं हे अजून समोर आलेलं नाही. त्यामुळे अनिल देशमुख यांची कसून चौकशी होणं गरजेचं आहे.

“माझी केंद्र सरकारला विनंती आहे की, त्यांनी ह्या प्रकरणाची सखोल चौकशी करायला हवी. कारण या प्रकरणाचा राज्यात निष्पक्ष तपास होईल याची मला अजिबात खात्री नाही. जर केंद्राने पण नीट चौकशी नाही केली, तर मात्र जनतेचा विश्वास कायमचा उडेल. आणि आपण अराजकाच्या दिशेने जाऊ,” असा इशारा देखील यावेळी राज यांनी दिला.

“अंबानींच्या घराजवळ बॉम्बची गाडी ठेवण्यात आली. आजपर्यंत मी काय सगळेच असा विचार करत होतो की, बॉम्ब अतिरेकी ठेवतात. पण, बॉम्ब पोलीस ठेवतात, असं आपण कधी ऐकलेलं नाही. यात वाझेंना अटक झाली. त्यांची चौकशी सुरू आहे. परमबीर सिंग यांची बदली का केली गेली हे अजून सरकारने सांगितलेलं नाही. सिंग यांचा काही संबंध होता का? जर त्यांचा सहभाग होता, तर मग त्यांची चौकशी का केली नाही. सरकारने अंगावर आलेली गोष्ट दुसऱ्याच्या खांद्यावर टाकली. मुकेश अंबानींच्या घराजवळ बॉम्बची गाडी ठेवली गेली हा मूळ विषय आहे. त्या गाडीत सापडलेलं जिलेटीन कुठून आलं? त्यांच्या घराबाहेर बॉम्ब सापडतात आणि ती गाडी पोलिसानी ठेवली असा आरोप आहे, मुळात अशी घटना कोणीतरी वरिष्ठांच्या सांगण्याशिवाय होऊ शकते का? ही गाडी कोणाच्या सांगण्यावरून ठेवली गेली याचा तपास करण्यासाठी केंद्राने हस्तक्षेप करावा. केंद्राकडून या गोष्टीचा तपास झाला, तर धक्के बसतील असे चेहरे समोर येतील,” असंदेखील राज ठाकरे यांनी म्हटलं आहे.

राज ठाकरे पुढे म्हणाले कि, “सचिन वाझे ख्वाजा युनूस प्रकरणात निलंबित होते, मग फडणवीस म्हणतात त्या प्रमाणे सचिन वाझे यांना सेवेत परत घ्या म्हणून उद्धव ठाकरे मागे लागले होते. हेच वाझे शिवसेनेत होते आणि मुकेश अंबानी आधी उद्धव ठाकरे हे घनिष्ट मित्र आहेत. या प्रकरणाची केंद्राने सखोल चौकशी करायला हवी, कारण जशी चौकशी पुढे जाईल तशा फटक्यांची माळ लागेल आणि अनेक धक्कादायक नावं बाहेर येतील. जगातील सर्वोत्तम पोलीस दल म्हणून मुंबई पोलीस दल ओळखलं जातं. त्या पोलीस दलाला बॉम्बची गाडी एका उद्योगपतीच्या घराबाहेर ठेवायला सांगणं, हे भयंकर आहे. गृहमंत्र्यांनी याची जबाबदारी घेऊन राजीनामा द्यायला हवा. आणि त्यांची चौकशी व्हायलाच हवी.”

The post राज्यात ‘या’ प्रकरणाचा निष्पक्ष तपास होईल याची मला अजिबात खात्री नाही – राज ठाकरे appeared first on थोडक्यात घडामोडी.

मुंबई : परमबीर सिंह यांनी मुख्यमंत्र्यांना पाठवलेल्या ‘त्या’ पत्रानंतर सर्वत्र खळबळ उडाली आहे. त्यानंतर आज शिवसेना खासदार संजय राऊत यांनी प्रसारमाध्यमांशी बोलताना म्हटलं की महाविकास आघाडी सरकारमधील प्रत्येक घटकाने आत्मपरीक्षण करण्याची वेळ आली आहे. आता सरकारमधील मंत्र्यांनी आपले पाय जमिनीवर आहेत का, ते तपासून पाहायला हवे, असे वक्तव्य त्यांनी केले.

प्रसारमाध्यमांशी संवाद साधताना संजय राऊत यांनी अनेक मुद्द्यांवर भाष्य केलं. ते म्हणाले, “पोलीस खाते हे राज्याचा कणा असतो, स्वाभिमानाचे प्रतिक असते. हा कणा राज्यकर्त्यांनी मजबूत ठेवायचा असतो. सध्याची परिस्थिती पाहता काहीतरी दुरुस्त करावं लागेल. मुख्यमंत्री उद्धव ठाकरे यांनी कायम सरकारची प्रतिमा चांगली ठेवण्याचा प्रयत्न केला. मात्र, काही अधिकाऱ्यांच्या माध्यमातून गोष्टी घडल्या. या सगळ्यावर नियंत्रण ठेवणे गरजेचे होते. पण सत्तेपुढे शहाणपण चालत नाही. जगभरात सत्तास्थानी बसल्यावर अनेकांना आपण शहाणं असल्याचं वाटायला लागतं, हे या प्रकरणाच्या निमित्ताने दिसून आलं.”

संजय राऊत यांनी चिंता व्यक्त करत म्हटले की मी चहाला उधार नाही, पण या पत्राने सरकारवर शिंतोडे उडवले ही बाब मी मान्य करतो. हे सरकार स्थापन करण्यात खारीचा वाटा उचलणाऱ्या पण सरकारबाहेर असणाऱ्या माझ्यासारख्या हितचिंतकांसाठी ही धक्कादायक गोष्ट आहे. तसेच याबाबत शरद पवार योग्य भूमिका आणि निर्णय घेतील. मी आज दिल्लीत जाणार आहे. त्यावेळी शरद पवार यांच्याशी या विषयावर बोलण्याचा प्रयत्न करेन, असे राऊत यांनी सांगितले.

The post माझ्यासारख्या हितचिंतकांसाठी ‘ही’ धक्कादायक गोष्ट, मंत्र्यांनी आत्मपरीक्षण करण्याची वेळ- संजय राऊत appeared first on थोडक्यात घडामोडी.

मुंबई : अँटिलीया स्फोटक प्रकरणी NIA सचिन वाझे यांची कसून चौकशी करत आहे. याच पार्श्वभूमीवर घटनास्थळावर या घटनेचे नाट्यरुपांतर देखील करण्यात आले आहे. या प्रकरणात सीसीटीव्ही फुटेजमध्ये मिळालेल्या पुराव्यांच्या आधारे हे नाट्यरुपांतर करण्यात आले आहे. जवळपास अर्धा तास हे नाट्यरुपांतर सुरु होते.

स्फोटकं ठेवल्यानंतर पीपीई किट सदृष्य मोठ्या आकाराचा कुर्ता घालून एक व्यक्ती स्कॉर्पिओतून मागील बाजूने उतरुन निघून गेली होती. याचे सीसीटीव्ही फुटेज समोर आले होते. ही व्यक्ती सचिन वाझेच आहेत का? हे पाहण्यासाठी सचिन वाझे यांना घटनास्थळी आणून या घटनेचे नाट्यरुपांतर करण्यात आले. यासाठी अगोदर सर्व ठिकाणी मार्किंग केलं होतं. सचिन वाझे यांची नैसर्गिक चाल ओळखण्यासाठी त्यांना अनेकदा चालण्यास सांगितलं जात होतं. हे सर्व तपासण्यासाठी सीसीटीव्ही रिझोल्युशनचा कॅमेरा वापरून तो कॅमेरा शिडीद्वारे सीसीटीव्ही कॅमेऱ्याच्या उंचीवर लावण्यात आला होता.

सचिन वाझे यांना सुरुवातीला पँट-शर्टमध्ये चालण्यास सांगण्यात आले. यानंतर त्यांना मोठ्या आकाराचा कुर्ता घालून आणि डोक्याला रुमाल बांधून दोन ते तीन वेळा चालायला लावले. दरम्यान, या नाट्यरूपांतरण करण्याअगोदर पुण्यावरुन एका खास फॉरेन्सिक टीमला पाचारण करण्यात आले होते. या पथकाने हे सर्व पुरावे आपल्या सोबत तपासासाठी घेतले आहेत. NIA कडून या प्रकरणाची कसून चौकशी सुरु आहे.

The post अँटिलीया स्फोटक प्रकरणी घटनेचे नाट्यरुपांतर, सचिन वाझे यांना मोठा कुर्ता घालून चालायला लावलं appeared first on थोडक्यात घडामोडी.