वाराणसी : १९ वर्षीय तरुणीवर झालेल्या सामूहिक बलात्काराच्या संदर्भात आणखी तीन जणांना वाराणसी पोलिसांनी अटक केली आहे, त्यामुळे अटक झालेल्या आरोपींची एकूण संख्या १२ झाली आहे. पीडित तरुणी दोन आठवड्यांपूर्वी बेपत्ता झाली होती, गेल्या आठवड्यात तिचा शोध लागला होता. पीडितेने आरोप केला आहे की वाराणसीमध्ये वेगवेगळ्या ठिकाणी अनेक आरोपींनी तिला ड्रग्ज देऊन तिच्यावर सामूहिक बलात्कार केला. पीडिता आणि तिच्या कुटुंबीयांनी दाखल केलेल्या तक्रारीच्या आधारे, ७ एप्रिल रोजी संबंधित पोलिस ठाण्यात १२ जणांची नावे आणि ११ अज्ञात व्यक्तींविरुद्ध एफआयआर दाखल करण्यात आला.

वाराणसीच्या सहाय्यक पोलिस अधीक्षक नीतू यांनी सांगितले कि, “यापूर्वी नऊ जणांना अटक करण्यात आली होती आणि आज आणखी तिघांना अटक करण्यात आली, त्यामुळे एकूण अटक झालेल्यांची संख्या १२ झाली आहे. त्यापैकी १० जणांची नावे एफआयआरमध्ये होती, तर इतर दोघांची भूमिका तपासादरम्यान समोर आली आहे. आणखी काही जणांची भूमिका अद्याप तपासाधीन आहे. पीडितेची वैद्यकीय तपासणी पूर्ण झाली आहे आणि दंडाधिकाऱ्यांसमोर तिचा जबाब नोंदवण्यात आला आहे.”

पोलिसांनी सांगितले की, पीडितेने त्यांना सांगितले की अटक केलेल्या १२ जणांपैकी काहींना ती ओळखते. पीडितेला तिला जिथे नेण्यात आले होते त्यातील काही ठिकाणे ओळखता आली नाहीत. पीडितेने ज्या ठिकाणांहून तिचे अपहरण केल्याचा दावा केला आहे त्या ठिकाणांचे सीसीटीव्ही फुटेज मिळवण्याचाही पोलिस प्रयत्न करत आहेत.

मिळालेल्या माहितीनुसार, तरुणीच्या वडिलांनी ४ एप्रिल रोजी त्यांची मुलगी बेपत्ता असल्याची तक्रार नोंदवली, ज्यामध्ये आरोप केला होता की त्यांची १९ वर्षांची मुलगी २९ मार्चपासून बेपत्ता आहे. त्याच संध्याकाळी, पोलिसांनी वाराणसीमध्ये तरुणीला शोधून काढले. त्यानंतर दुसऱ्या दिवशी, ५ एप्रिल रोजी, तरुणीने तिच्या पालकांसह स्थानिक पोलिस ठाण्यात जाऊन औपचारिक तक्रार दाखल केली, ज्यात तिच्यावर सामूहिक बलात्कार केल्याचा आणि चुकीच्या पद्धतीने तिला बंदिस्त करण्यात आल्याचा आरोप केला. तिच्या तक्रारीच्या आधारे, सामूहिक बलात्कारसह संबंधित कलमांखाली एफआयआर दाखल करण्यात आला. तरुणीने तिच्या जबाबात आरोप केला की काही आरोपींनी तिला अंमली पदार्थ दिले आणि त्यानंतर वाराणसीतील हॉटेल आणि कॅफेसह अनेक ठिकाणी नेऊन तिच्यावर लैंगिक अत्याचार करण्यात आले.

The post वाराणसीत १९ वर्षीय तरुणीवर सामूहिक बलात्कार, आतापर्यंत १२ जणांना अटक appeared first on थोडक्यात घडामोडी.

ठाणे : ठाणे जिल्ह्यात एका १३ वर्षीय कर्करोग पीडित मुलीवर बलात्कार करून तिला गर्भवती केल्याच्या आरोपाखाली एकाला अटक करण्यात आली आहे. पोलिसांनी शनिवारी याबाबत माहिती दिली. याप्रकरणी, पोलिसांनी २९ वर्षीय आरोपीला गुरुवारी बिहारमधून अटक केली.

पोलिसांनी दिलेल्या माहितीनुसार, पीडित मुलीचे कुटुंब आणि आरोपी बिहारमधील एकाच गावातील आहेत. ही मुलगी बिहार राज्यातून महाराष्ट्रात कॅन्सरवर उपचार घेण्यासाठी आली होती. आरोपीने दोन महिन्यांपूर्वी बदलापूरमध्ये त्यांच्यासाठी भाड्याने राहण्याची व्यवस्था केली होती. आरोपीने तिच्या उपचारात मदत केली होती. मात्र, यादरम्यान, मुलगी घरी एकटी असताना आरोपीने तिचा गैरफायदा घेतला आणि अनेक वेळा तिच्यावर लैंगिक अत्याचार केले.

मुलगी कर्करोगपीडित असल्याने मुंबईतील एका रुग्णालयात केमोथेरपी घेत होती. दरम्यान, नियमित तपासणीत ती गर्भवती असल्याचे आढळून आले. त्यानंतर पीडित मुलीच्या कुटुंबियांनी बदलापूर पूर्व पोलीस स्टेशनमध्ये तक्रार दाखल केली. त्यानंतर, लैंगिक गुन्ह्यांपासून मुलांचे संरक्षण (POCSO) कायदा आणि भारतीय न्याय संहिताच्या तरतुदींनुसार गुन्हा दाखल करण्यात आला आणि पोलिसांनी आरोपीला बेड्या ठोकल्या. आरोपीला न्यायालयीन कोठडीत पाठवण्यात आले असून पुढील तपास सुरू आहे.

The post ठाणे हादरलं! १३ वर्षीय कर्करोग पीडित मुलीवर बलात्कार करून केले गर्भवती, आरोपीला अटक appeared first on थोडक्यात घडामोडी.

पुणे : एका पीठ गिरणी कामगाराने शाळेत निघालेल्या दहा वर्षांच्या मुलीवर बलात्कार केल्याची धक्कादायक घटना समोर आली आहे. वाघोली येथे ही घटना घडली असून वाघोली पोलिसांनी २७ वर्षीय आरोपीला अटक केली आहे. २५ मार्च रोजी झालेल्या या गुन्ह्याबद्दल नागरिक संताप व्यक्त करत आहेत.

वाघोली पोलिसांनी आरोपीविरुद्ध पॉक्सो कायद्यांतर्गत गुन्हा दाखल केला आहे. पोलिसांनी सांगितले की, १० वर्षीय मुलगी सकाळी ७ वाजण्याच्या सुमारास वाघोली परिसरात शाळेत जात असताना गिरणी कामगाराने तिला जेवणाचे आमिष दाखवले. जेवणाचे आमिष दाखवून त्याने तिला त्याच्यासोबत गिरणीत जाण्यास भाग पाडले. त्यानंतर गिरणीत त्याने तिच्यावर लैंगिक अत्याचार केला.

स्थानिकांनी मुलीला रस्त्याच्या कोपऱ्यावर रडताना पाहिले आणि त्यांनी तिची चौकशी सुरू केली. तेव्हा तिने घडलेला सर्व प्रकार त्यांना सांगितला. त्यानंतर त्यांनी तात्काळ पोलिसांना याबाबत माहिती दिली. चौकशी केल्यानंतर पोलिसांनी गुन्हेगाराला शोधून काढले आणि त्याला ताब्यात घेतले.

वाघोली पोलिस ठाण्यात गुन्हा दाखल करण्यात आला आहे. आरोपीवर कडक कारवाई करावी आणि त्याला मृत्युदंड द्यावा अशी स्थानिकांची मागणी आहे.

The post पुणे : १० वर्षांच्या मुलीवर बलात्कार करणाऱ्या पिठगिरणी कामगाराला अटक appeared first on थोडक्यात घडामोडी.

पालघर : पालघर जिल्ह्यातील विरारमध्ये तीन अल्पवयीन मुलींवर बलात्कार झाल्याची धक्कादायक घटना समोर आली आहे. पीडित मुलींपैकी दोन मुली सख्ख्या बहिणी आहेत. याप्रकरणी गुजरातमधील सुरत येथून ४५ वर्षीय आरोपीला अटक करण्यात आली आहे. आरोपीविरुद्ध भारतीय दंड संहिता आणि पॉक्सो कायद्यांतर्गत गुन्हा दाखल करण्यात आला आहे. पोलिस कोठडीत त्याची चौकशी सुरू आहे.

मिळालेल्या माहितीनुसार, आरोपी पालघरमधील विरारमधील चंदनसर परिसरात राहतो. त्याचा एक मित्र तुरुंगात असून याच गोष्टीचा फायदा घेत त्याने आपल्या मित्राच्या मुलीला फूस लावून तिला आपल्या वासनेचा बळी बनवले. यानंतर तो तिच्यावर वारंवार बलात्कार करत राहिला. त्याचप्रमाणे, त्याने त्याच्या शेजारी राहणाऱ्या १३ आणि १७ वर्षांच्या दोन सख्ख्या बहिणींवर देखील वारंवार बलात्कार केला. हे अत्याचार अनेक दिवस चालू होते. जेव्हा मुली विरोध करायच्या तेव्हा आरोपी त्यांना जीवे मारण्याची धमकी देत ​​असे.

दरम्यान, रविवारी पीडित बहिणींमध्ये वादावादी झाली जी त्यांच्या आईने ऐकली. त्यानंतर त्यांच्या आईने त्याबाबत विचारणा केल्यावर, दोन्ही मुली घाबरल्या आणि त्यांनी त्यांच्या आईला सर्व काही सांगितले. त्यानंतर त्यांच्या आईने विरार पोलिसांकडे धाव घेतली आणि भारतीय न्याय संहिता आणि लैंगिक गुन्ह्यांपासून मुलांचे संरक्षण कायदा, २०१२ च्या संबंधित कलमांखाली बलात्काराचा गुन्हा दाखल करण्यात आला.

पोलिसांनी दिलेल्या माहितीनुसार, आरोपी मागील वर्षी डिसेंबरपासून वारंवार मुलींवर बलात्कार करत होता. अखेर २३ फेब्रुवारी रोजी दाखल केलेल्या तक्रारीवरून, आरोपीविरुद्ध भारतीय दंड संहितेच्या कलम ६४(२)(एम) आणि ६५(१) आणि लैंगिक गुन्ह्यांपासून मुलांचे संरक्षण कायदा (पॉक्सो कायदा) अंतर्गत गुन्हा दाखल करण्यात आला. यानंतर पोलिसांनी तात्काळ तपास सुरु केला आणि आरोपीला गुजरातमधील सुरत येथून अटक करण्यात आली.

The post पालघरमध्ये तीन अल्पवयीन मुलींवर वारंवार बलात्कार, ४५ वर्षीय आरोपीला सुरतमधून अटक appeared first on थोडक्यात घडामोडी.

नवी दिल्ली : दिल्ली पोलिसांनी काँग्रेसच्या ज्येष्ठ नेत्या सोनिया गांधी यांच्या स्वीय सचिवाविरुद्ध एका महिलेवर बलात्कार आणि धमकी दिल्याप्रकरणी गुन्हा दाखल केला आहे. 71 वर्षीय पीपी माधवन असे आरोपीचे नाव आहे. अद्याप याप्रकरणी कोणालाही अटक करण्यात आलेली नाही.

पोलिसांनी दिलेल्या माहितीनुसार, महिलेने माधवन यांच्यावर नोकरीचे आमिष दाखवून तिच्याशी लग्न करण्याच्या बहाण्याने अनेकवेळा बलात्कार आणि छळ केल्याचा आरोप करत तक्रार दाखल केली. महिलेने सांगितले की 2020 मध्ये कोविड लॉकडाऊन दरम्यान तिचा नवरा गमावल्यानंतर ती आरोपीला भेटली. तिचा नवरा पक्ष कार्यालयात मदतनीस म्हणून काम करायचा. नोकरीच्या शोधात ती अनेकदा काँग्रेस कार्यालयात जात असे.

महिलेने दाखल केलेल्या एफआयआरनुसार, “महिलेची आर्थिक परिस्थिती चांगली नव्हती. ती काँग्रेसच्या कार्यालयात गेली असता तिथे तिला सोनिया गांधींचे पीए पीपी माधवन यांचा नंबर मिळाला. महिलेने त्यांना सांगितले की तिला नोकरीची गरज आहे, यावेळी त्यांनी महिलेला मला मदत करण्याचे आश्वासन दिले. त्यानंतर या वर्षी 21 जानेवारी रोजी त्यांनी महिलेला मुलाखतीसाठी बोलावले. त्यांनी महिलेला बरेच प्रश्न विचारले आणि सर्व कागदपत्रे पाहिली. नंतर त्यांनी महिलेला सांगितले की त्यांना तिच्याशी लग्न करायचे आहे. महिलेने हो म्हटले. त्यानंतर एके दिवशी त्यांनी महिलेला भेटायला बोलावले. ते महिलेला गाडीत घ्यायला आले. त्यांनी त्यांच्या ड्रायव्हरला गाडीतून बाहेर जायला सांगितले आणि महिलेवर अत्याचार करत बलात्कार करण्याचा प्रयत्न केला. जेव्हा महिलेने यावर आक्षेप घेतला तेव्हा ते संतापले आणि महिलेला रस्त्यावर सोडून निघून गेले.”

दरम्यान, आरोपीने नंतर तिची माफी मागितली आणि ते पुन्हा बोलू लागले. काही दिवसांनी फेब्रुवारीमध्ये त्यांनी तिला पुन्हा भेटायला बोलावले आणि महिलेवर बलात्कार केला. नंतर त्यांनी महिलेला सांगितले की त्यांच्या पत्नीने तुझा मोबाईल नंबर पाहिला आहे. हे सर्व ऐकून महिलेला धक्काच बसला. महिलेने त्यांच्या बायकोबद्दल विचारले, पण ते दुर्लक्ष करत राहिले, नंतर त्यांनी महिलेला दुसऱ्यासोबत सेक्स करण्यास भाग पाडले. महिलेने नकार दिला दिल्यावर त्यांनी धमकी दिली की त्यांच्या पक्ष 70 वर्षांपासून राज्य करत आहेत आणि ते माझे अपहरण करतील.” असा आरोप महिलेने एफआयआरमध्ये केला आहे.

पोलिसांनी सांगितले की, महिलेने 25 जून रोजी तक्रार नोंदवली आणि तिला वैद्यकीय तपासणीसाठी डीडीयू रुग्णालयात पाठवण्यात आले. तिच्या जबाब आणि तपासणीच्या आधारे माधवनविरुद्ध गुन्हा दाखल करण्यात आला.

माधवनने एका निवेदनात म्हटले कि, “अलीकडेच माझ्या माहितीत असे काही मीडिया रिपोर्ट्स आले आहेत की माझ्या विरोधात तक्रार दाखल करण्यात आली आहे, ज्यामध्ये एका महिलेने माझ्यावर लैंगिक अत्याचार केल्याचा आरोप केला आहे. कथित एफआयआर नोंदवल्याबद्दल मला मीडिया रिपोर्ट्सवरूनच माहिती मिळाली आहे. मी 25 जून रोजी स्टेशन हाऊस ऑफिसरसमोर हजर झालो होतो आणि माझे स्पष्टीकरण दिले होते, त्यानंतर मला जाण्यास सांगितले होते. माझ्याकडे हे सिद्ध करण्यासाठी आणि स्थापित करण्यासाठी पुरावे आहेत की कथित तक्रार राजकीय सूडबुद्धीचा निपटारा करण्यासाठी पूर्व-समर्थन पद्धतीने केली गेली आहे. सध्याची तक्रार योग्यता नसलेली आहे. तक्रारदार आणि तिच्यामागील लोकांद्वारे माझ्या विरोधात चालवलेल्या मोहिमेचा मी निषेध करतो आणि समाजाच्या सेवेसाठी ओळखल्या जाणार्‍या 71 वर्षीय व्यक्तीची प्रतिमा मलिन करण्यासाठी हे चालवलेले दिसते.”

ते पुढे म्हणाले, “माध्यमांच्या वृत्तानुसार, माझ्यावरील आरोपांचा संदर्भ फेब्रुवारी 2022 मध्ये घडलेल्या एका घटनेचा आहे, जो एफआयआर नोंदवण्याच्या चार महिन्यांपूर्वीचा आहे. यावरून हेच ​​दिसून येते की एफआयआरचा उद्देश केवळ माझी बदनामी करण्याचा आणि माझ्या दीर्घ आणि प्रामाणिक कारकिर्दीवर शंका व्यक्त करण्याचा आहे. माझ्या विरुद्ध कथित एफआयआर कायदेशीररीत्या लढवण्याचा आणि माझ्याविरुद्ध दाखल करण्यात आलेल्या खोट्या आणि दुर्भावनापूर्ण तक्रारीविरुद्ध उपलब्ध कायदेशीर उपायांचा अवलंब करण्याचे माझे अधिकार मी राखून ठेवतो. माझी 47 वर्षांची दीर्घ कारकीर्द आहे ज्यात मी समर्पितपणे काम केले आहे. सामाजिक क्षेत्रात आजपर्यंत माझ्या प्रतिष्ठेवर एकही डाग पडलेला नाही.”

The post बलात्काराची तक्रार दाखल झाल्यानंतर सोनिया गांधींचे 71 वर्षीय स्वीय सचिव पीपी माधवन यांची प्रतिक्रिया… appeared first on थोडक्यात घडामोडी.

देहराडून : देहराडूनमधील एका पंचतारांकित हॉटेलमध्ये हाऊसकीपिंग स्टाफ म्हणून काम करणाऱ्या २४ वर्षीय महिलेवर हॉटेलमध्ये १५ वर्षीय मुलाने बलात्कार केल्याचा आरोप आहे. ही घटना १७ जून रोजी सकाळी ९.३० वाजेच्या सुमारास घडली. हा सर्व प्रकार पंचतारांकित हॉटेलच्या महिला प्रसाधनगृहात घडल्याचे सांगण्यात येत आहे.

मिळालेल्या माहितीनुसार, पीडित महिला पश्चिम बंगालची आहे. ती विवाहित असून तिला एक मुलगी आहे. ही महिला शुक्रवारी (१७ जून) प्रसाधनगृहात मोबाईल चार्ज करत होती, यावेळी आरोपी लेडीज वॉशरूममध्ये घुसला आणि तिच्याशी बोलू लागला. यावेळी महिलेने आरोपीला महिलांच्या शौचालयातून बाहेर पडण्यास सांगितले. मात्र, आरोपीने प्रतिकाराला न जुमानता वॉशरूमचा दरवाजा आतून बंद करून तिच्यावर बलात्कार केला. तक्रारदार महिलेने सांगितले की, “मी मदतीसाठी आरडाओरडा केला, पण दरवाजा बंद असल्याने माझा आवाज कोणीही ऐकला नाही.”

महिलेने राजपूर पोलिस ठाण्यात दिलेल्या तक्रारीनंतर, छत्तीसगडमधील रहिवासी असलेल्या आरोपीला पोलिसांनी अटक केली. पीडितेने दिलेल्या तक्रारीनुसार, मुलाच्या वडिलांनी हे प्रकरण शांत करण्यासाठी तिला पैशांची ऑफर दिली पण तिने पोलिसांकडे जाण्याचा निर्णय घेतला. महिलेच्या वैद्यकीय तपासणीत बलात्कार झाल्याची पुष्टी झाल्याचे एसएचओ यांनी सांगितले.

राजपूर पोलिस स्टेशनचे स्टेशन हाऊस ऑफिसर (एसएचओ) मोहन सिंग यांनी सांगितले की त्यांनी भारतीय दंड संहितेच्या (आयपीसी) कलम 376 (बलात्काराची शिक्षा) अंतर्गत गुन्हा दाखल केला आहे आणि या प्रकरणाची चौकशी सुरू आहे. अल्पवयीन आरोपी हा गेल्या दोन दिवसांपासून त्याच्या कुटुंबीयांसह हॉटेलमध्ये थांबला होता आणि दुपारच्या सुमारास चेकआऊटसाठी जात होता. अटकेनंतर, अल्पवयीन मुलाला बाल न्यायालयात हजर करण्यात आले, त्यानंतर त्याची रवानगी शनिवारी हरिद्वारमधील बालगृहात करण्यात आली.

The post धक्कादायक! 24 वर्षीय महिलेवर 15 वर्षीय अल्पवयीन मुलाकडून हॉटेलच्या महिला प्रसाधनगृहात बलात्कार appeared first on थोडक्यात घडामोडी.

रांची : झारखंडच्या लोहरदगा जिल्ह्यातून माणुसकीला लाजवेल अशी घटना समोर आली आहे. येथे एका तरुणाने आपल्या दोन सख्ख्या बहिणींवर बलात्कार केला. मुलींना वाचवण्यासाठी आलेल्या आईवरही या नराधमाने बलात्काराचा प्रयत्न केला. एवढेच नाही तर आरोपीने त्याच्या संपूर्ण कुटुंबाला जीवे मारण्याची धमकी दिली. ही घटना लोहरदगा जिल्ह्यातील न्यू आझाद बस्तीमधील आहे.

मिळालेल्या माहितीनुसार, आरोपी गॅरेजमध्ये मोटार मेकॅनिक म्हणून काम करतो. त्याच्या घरात आई-वडील आणि त्याच्या दोन बहिणी आहेत. मोठी बहीण 19 वर्षांची आहे, तर धाकटी 16 वर्षांची आहे. रिपोर्टनुसार, आरोपी गेल्या 3-4 वर्षांपासून सतत त्याच्या लहान बहिणीवर बलात्कार करत होता. बुधवारी (२७ एप्रिल २०२२) त्याची मोठी बहीण आंघोळ करून स्वयंपाकघराकडे जात असताना आरोपीने तिच्यावरही बलात्कार केला. घटनेदरम्यान मोठ्या बहिणीच्या किंकाळ्या ऐकून धाकटी बहीण खोलीत पोहोचली आणि दुष्ट भावाच्या तावडीतून तिला वाचवण्याचा प्रयत्न करू लागली. त्यानंतर आरोपीने तिला चाकू दाखवून गप्प केले. दरम्यान, मुलींचा आवाज ऐकून आरोपीची आईही तेथे पोहोचली, तेव्हा आरोपी पूर्णपणे नग्न अवस्थेत होता आणि तो आपल्याच बहिणींसोबत घाणेरडे कृत्य करत होता. त्याच्या आईने त्याला रोखण्याचा प्रयत्न केला तेव्हा या विकृत मुलाने तिच्यावरही बलात्कार करण्याचा प्रयत्न केला. त्याने कुटुंबीयांना जीवे मारण्याची धमकीही दिली.

दरम्यान, या घटनेमुळे दुखावलेल्या आरोपीच्या आईने पोलिसांत तक्रार दिली. तक्रारीनंतर आरोपीला अटक करण्यात आली आहे. आरोपीविरुद्ध महिला पोलिस ठाण्यात आयपीसी कलम 376, 354, 506 आणि पॉक्सो कायद्यानुसार गुन्हा दाखल करण्यात आला आहे.

The post नात्याला काळिमा! तरुणाने आपल्याच सख्ख्या बहिणींना केले वासनेचे शिकार, आईवरही बलात्काराचा प्रयत्न appeared first on थोडक्यात घडामोडी.

मुंबई : मुंबईतील साकीनाका येथील बलात्कार पिडीतेचे निधन झाले आहे. साकीनाका परिसरात एका महिलेवर बलात्काराची घटना घडली होती. बलात्कारानंतर पीडितेच्या गुप्तांगात रॉड घुसवल्याचे अमानुष कृत्य केले होते. या महिलेची प्रकृती चिंताजनक होती, मात्र आता या महिलेचे निधन झाले आहे. याप्रकरणी साकीनाका पोलीसांनी गुन्हा दाखल करून एका व्यक्तीला अटकही केली होती. बलात्कारानंतर संशयिताने महिलेच्या गुप्तांगात रॉड घातल्याची माहिती मिळाली होती.

मिळालेल्या माहितीनुसार, 9 सप्टेंबरला साकीनाकाच्या खैरानी रोड परिसरात गुरुवारी मध्यरात्री ही घटना घडली होती. आरोपीने रस्त्यात उभ्या असलेल्या टेम्पोत हे कृत्य भयंकर केलं होतं. त्या परिसरात असलेल्या सीसीटीव्ही कॅमेऱ्यात महिलेला आरोपी मारहाण करत असल्याचं दिसत आहे. त्यांच्यात सुरू असलेल्या भांडणाबाबत एका व्यक्तीने पोलिसांना फोन करुन सांगितले होते, त्यानंतर पोलीस घटनास्थळी दाखल झाले तेव्हा पीडित महिला रक्तबंबाळ आणि बेशुद्धावस्थेत टेम्पोत आढळली होती. पीडितेच्या प्रायव्हेट पार्टला गंभीर दुखापत झालेली होती.

पोलिसांनी पीडितेला तात्काळ रुग्णालयात दाखल केले होते. परंतु, पीडितेची परिस्थिती चिंताजनक होती. पिडीतेचा खूप रक्तस्त्राव झाला होता. डॉक्टरांनी महिलेला वाचवण्याचा आटोकाट प्रयत्न केला. अडीच ते तीन तास शस्त्रक्रिया चालली होती. परंतु, आता महिलेची मृत्यूशी झुंज आणि डॉक्टरांचे प्रयत्न अपयशी ठरले आहेत.

महापौर किशोरी पेडणेकर यांनी काही वेळापूर्वीच रुग्णालयात जाऊन पीडित महिलेच्या प्रकृतीची चौकशी केली होती. त्यानंतर त्यांनी माध्यमांना माहिती दिली होती की, पीडित महिलेसोबत तिची आई आहे. पीडितेच्या आईने सांगितले की, जो इसम सीसीटीव्ही कॅमेऱ्यात दिसत आहे, त्याच्यासोबत महिला 10-12 वर्षांपासून राहत होती आणि त्यांच्यात वारंवार भांडणे सुद्धा होत होती.

The post साकीनाका बलात्कार पिडीतेचे निधन appeared first on थोडक्यात घडामोडी.

वॉशिंग्टन : अमेरिकेत एका तरुणाने घोडीवर बलात्कार केल्याची भयंकर घटना समोर आली आहे. हा तरुण आठवड्यातून चार वेळा घोडीवर बलात्कार करत होता. फ्लोरिडातील एक वृद्ध महिला कॅरन मिलानोने आपला 21 वर्षांचा नातू निकोलस सारदो याला घोडीवर बलात्कार करताना रंगेहाथ पकडले.

कॅरनच्या पाळीव घोडीचं नाव जॅकी जी आहे. ती एक मिनिएचर ब्रीडची घोडी आहे. कॅरनने निकोलसला आपल्या घोडीजवळ पकडलं, यावेळी त्याने कपडे घातलेले नव्हते. त्यानंतर तिने तात्काळ या घटनेबद्दल पोलिसांना सांगितलं. धक्कादायक म्हणजे निकोलसने पोलिसांना जबाबात सांगितलं की त्याला जॅकी जी ही घोडी खूप आवडायची. त्याला तिच्याबद्दल वेगळेच आकर्षण वाटायचे. तसेच तो आठवड्यातून चार वेळा तिच्यासोबत लैंगिक संबंध ठेवायचा. लैंगिक संबंध ठेवताना घोडीपासून कोणताही आजार होऊ नये म्हणून तो नेहमी कंडोम वापरायचा.

तरुणाने पोलिसांसमोर गुन्ह्याची कबुली दिली असून पोलीस रिपोर्टमध्ये त्याला आजारी घोषित करण्यात आलं आहे. तसेच तपासात घोडीवर बलात्कार झाल्याचं सिद्ध झालं असून निकोलसला ऍनिमल बेस्टिलटीच्या आरोपात अटक करण्यात आली आहे.

The post विकृत तरुण आठवड्यातून चार वेळा करायचा घोडीवर बलात्कार, पोलीस तपासात धक्कादायक खुलासा… appeared first on थोडक्यात घडामोडी.

चेन्नई : चेन्नईमध्ये नात्यांना काळिमा फासणारी एक अतिशय धक्कादायक घटना उघडकीस आली आहे. एका सात वर्षांच्या चिमुकलीवर तिचे आजोबा, मामा आणि मामाचा मुलगा या तिघांनी बलात्कार केल्याचा आरोप आहे. या प्रकरणी पीडित मुलीच्या आईने पोलीस ठाण्यात जाऊन एफआयआर दाखल केली आहे. पोलिसांनी या तीनही आरोपींना अटक केली आहे.

मिळालेल्या माहितीनुसार, ही घटना चेन्नईच्या मडीपक्कमची आहे. जिथे पीडित मुलीच्या आईने महिला पोलीस ठाण्यात जाऊन आरोपींविरुद्ध गुन्हा दाखल केला. 2 ऑगस्ट रोजी या चिमुकलीचे 62 वर्षीय आजोबा (आईचे वडील) मुलीच्या घरी आले आणि मुलीच्या संमतीने आपल्या नातीला सोबत घेऊन त्यांच्या घरी गेले. पोलिसांनी सांगितले की, नातीला घरी घेऊन गेल्यानंतर तिच्यावर तिच्या आजोबांनी बलात्कार केला. त्यानंतर तिच्या 42 वर्षीय मामाने आणि मामाच्या 17 वर्षांच्या मुलाने देखील तिच्यावर बलात्कार केला.

पोलिसांनी दिलेल्या माहितीनुसार, जेव्हा मुलगी तिच्या घरी परत आली, तेव्हा तिने तिच्या आईला संपूर्ण घटनाक्रम सांगितला. त्यानंतर या चिमुकलीच्या आईच्या पायाखालची जमीनच सरकली. ती तात्काळ मुलीला शासकीय रुग्णालयात घेऊन गेली, तिथे तिची वैद्यकीय तपासणी करण्यात आली. यानंतर, महिला आपल्या 7 वर्षांच्या पीडित मुलीसह महिला पोलीस स्टेशनमध्ये गेली आणि तेथे संपूर्ण घटनेची माहिती देत ​​तक्रार नोंदवली. महिलेची तक्रार गांभीर्याने घेत पोलिसांनी आरोपींविरोधात IPC कायद्याच्या संबंधित कलमांखाली आणि POCSO कायद्यांतर्गत गुन्हा दाखल केला.

पोलिसांनी पीडित मुलीचे आरोपी आजोबा आणि मामा यांना अटक केली. त्यानंतर या आरोपींना न्यायालयात हजर केले आणि तुरुंगात पाठवण्यात आले आहे. पोलिसांनी अल्पवयीन आरोपी मुलाला ताब्यात घेतले असून त्याला बाल न्यायालयात हजर केले होते. तेथून त्याला बाल सुधार केंद्रात पाठवण्यात आले आहे.

The post नात्यांना काळिमा! सात वर्षांच्या चिमुकलीवर आजोबा, मामा आणि मामेभावाने केला बलात्कार appeared first on थोडक्यात घडामोडी.