मुंबई : प्रधानमंत्री नरेंद्र मोदी यांच्या नेतृत्वाखाली देश वेगाने प्रगतीपथावर वाटचाल करत असताना सादर झालेला केंद्रीय अर्थसंकल्प हा युवाकेंद्रित, शेतकरीहिताचा आणि सर्वसमावेशक विकासाचा ठोस रोडमॅप असल्याची प्रतिक्रिया देत उपमुख्यमंत्री सुनेत्रा अजित पवार यांनी केंद्रीय अर्थमंत्री निर्मला सीतारमण यांचे अभिनंदन केले आहे.

उपमुख्यमंत्री सुनेत्रा अजित पवार आपल्या संदेशात म्हणाल्या की, केंद्रीय अर्थसंकल्पात आरोग्य, तंत्रज्ञान, पायाभूत सुविधा, उद्योग, कृषी व रोजगारनिर्मिती या सर्व क्षेत्रांत केलेल्या ठोस तरतुदी भारताला आत्मनिर्भरतेकडे नेणाऱ्या ठरणार आहेत. अर्थसंकल्पात महाराष्ट्रासाठी जाहीर झालेल्या मेट्रो प्रकल्पांसाठीच्या तरतुदी, मुंबई–अहमदाबाद हायस्पीड रेल्वे, तसेच मुंबई–पुणे व पुणे–हैदराबाद उच्चगती रेल्वे कॉरिडॉरच्या घोषणेमुळे राज्याच्या विकासाला नवी गती मिळेल. शहर विकास, नदी पुनरुज्जीवन, कृषी व्यवसाय नेटवर्क आणि ग्रामीण जोडसुधार प्रकल्पांसाठी मिळालेला निधी महाराष्ट्राच्या समतोल विकासाला बळ देणारा आहे.

आरोग्य क्षेत्रातील बायोफार्मा धोरण, कॅन्सर व मधुमेहावरील औषधे स्वस्त करण्याचा निर्णय, तसेच सेमीकंडक्टर क्षेत्रासाठी ४० हजार कोटींची तरतूद ही भारताच्या ज्ञानाधारित अर्थव्यवस्थेसाठी मैलाचा दगड ठरेल. हा अर्थसंकल्प देशाच्या सर्वांगीण प्रगतीसाठी निर्णायक ठरेल, असे सांगत उपमुख्यमंत्री सुनेत्रा अजित पवार यांनी केंद्रीय अर्थसंकल्पाचे स्वागत केले आहे.

The post केंद्रीय अर्थसंकल्प : युवाकेंद्रित, शेतकरीहितासह सर्वसमावेशक विकासाचा ठोस रोडमॅप – उपमुख्यमंत्री सुनेत्रा अजित पवार appeared first on थोडक्यात घडामोडी.

नवी दिल्ली : केंद्रीय अर्थमंत्री निर्मला सीतारमण यांनी रविवारी लोकसभेत केंद्रीय अर्थसंकल्प 2026 सादर केला. मोदी सरकारच्या कार्यकाळातील हा त्यांचा सलग नववा अर्थसंकल्प असून, यामध्ये कररचना आणि सीमाशुल्क धोरणात महत्त्वाचे बदल जाहीर करण्यात आले.

काय जाहीर करण्यात आलं?
अर्थसंकल्पीय भाषणात सीतारमण यांनी स्पष्ट केले की, देशांतर्गत उत्पादनाला चालना देण्यासाठी आणि निर्यात वाढवण्यासाठी अनेक वस्तूंवरील सीमाशुल्क (Customs Duty) कमी करण्यात येत आहे. याचा थेट फायदा ग्राहकांपर्यंत पोहोचणार आहे.

कुठल्या वस्तू स्वस्त होणार?

सरकारने जाहीर केलेल्या निर्णयानुसार खालील वस्तूंवर सीमाशुल्क कपात किंवा पूर्ण सूट देण्यात आली आहे —

• कपडे आणि कापड उत्पादने
• चामड्याच्या वस्तू व चामड्याचे उत्पादन
• सिंथेटिक पादत्राणे
• कर्करोग व मधुमेहावरील 17 जीवनावश्यक औषधे (पूर्ण शुल्कमुक्त)
• लिथियम-आयन सेल्स
• मोबाईल फोन बॅटरी
• सोलर ग्लास
• मिश्र गॅस (CNG)
• इलेक्ट्रिक वाहने (EV)
• मायक्रोवेव्ह ओव्हन
• विमान इंधन
• परदेश प्रवासाशी संबंधित खर्च
• याशिवाय, संरक्षण क्षेत्रासाठी आवश्यक असलेल्या काही आयात वस्तूंवरील मूलभूत सीमाशुल्क पूर्णपणे माफ करण्याचा निर्णयही जाहीर करण्यात आला आहे.

कुठे महागाई वाढणार?

ज्या क्षेत्रांमध्ये देशांतर्गत उत्पादनाला प्राधान्य देण्याचा उद्देश आहे, त्या ठिकाणी सरकारने सीमाशुल्क वाढवले आहे. त्यामुळे पुढील वस्तू महाग होण्याची शक्यता आहे —

• दारू
• भंगार (Scrap)
• काही खनिजे

सरकारचा उद्देश काय?

या निर्णयामागील मुख्य हेतू म्हणजे —

• Make in India उपक्रमाला बळकटी
• आयात खर्च कमी करणे
• आरोग्य, ऊर्जा आणि तंत्रज्ञान क्षेत्रात स्वस्त पर्याय उपलब्ध करून देणे

The post Budget 2026 मध्ये मोठा ट्विस्ट! काय होणार स्वस्त, काय महागणार जाणून घ्या..? appeared first on थोडक्यात घडामोडी.

मुंबई : पेट्रोल आणि डिझेलवरील अबकारी कर आणखी कमी करावयास हवे असे मुख्यमंत्री उद्धव ठाकरे यांनी सांगितले आहे. केंद्र सरकारने दोन महिन्यांपूर्वी पेट्रोलवरचा अबकारी कर प्रति लिटर १८.४२ रुपये इतका वाढविला होता आणि आज तो ८ रुपयांनी कमी केल्याची घोषणा केली आहे. डिझेलवरील अबकारी करदेखील १८ रुपये २४ पैशांनी वाढविले आणि आता ६ रुपयांनी कमी केल्याची घोषणा केली आहे.

बिग ब्रेकिंग! पेट्रोल डिझेल होणार स्वस्त, गॅस सिलेंडरवर मिळणार अनुदान, केंद्र सरकारची घोषणा

मुख्यमंत्री उद्धव ठाकरे म्हटले कि, आधी किंमती भरमसाठ वाढवायच्या आणि नंतर नाममात्र कमी करून दर कमी केल्याचा आव आणायचा हे बरोबर नाही. आकडेवारीच्या जंजाळात नागरिकांना अडकवून न ठेवता सहा सात वर्षांपूर्वी असलेल्या अबकारी कराइतकी कपात केल्यासच खऱ्या अर्थाने देशातील नागरिकांना दिलासा मिळणार आहे.

7/12 We are reducing the Central excise duty on Petrol by ₹ 8 per litre and on Diesel by ₹ 6 per litre.
This will reduce the price of petrol by ₹ 9.5 per litre and of Diesel by ₹ 7 per litre.

It will have revenue implication of around ₹ 1 lakh crore/year for the government.

— Nirmala Sitharaman (@nsitharaman) May 21, 2022

The post आधी किंमती वाढवायच्या, नंतर कमी करण्याचा देखावा…, केंद्राच्या निर्णयावर मुख्यमंत्र्यांची टीका appeared first on थोडक्यात घडामोडी.

नवी दिल्ली : महागाईने त्रस्त असलेल्या नागरिकांसाठी आनंदाची बातमी आली आहे. केंद्र सरकारने पेट्रोल आणि डिझेलवरील उत्पादन शुल्क कमी करण्याची घोषणा केली आहे. केंद्रीय अर्थमंत्री निर्मला सीतारामन यांनी शनिवारी सांगितले की, आम्ही पेट्रोलवरील केंद्रीय उत्पादन शुल्क प्रति लिटर 8 रुपये आणि डिझेलवर 6 रुपये प्रति लिटरने कमी करत आहोत. यामुळे पेट्रोलचे दर प्रतिलिटर 9.5 रुपये आणि डिझेलचे दर 7 रुपयांनी कमी होणार आहेत.

8/12
I wish to exhort all state governments, especially the states where reduction wasn’t done during the last round (November 2021), to also implement a similar cut and give relief to the common man.

— Nirmala Sitharaman (@nsitharaman) May 21, 2022

याशिवाय १२ सिलेंडरवर २०० रुपयांचं अनुदान देण्यात येणार असल्याचं देखील निर्मला सीतारमण यांनी जाहीर केलं आहे. यामुळं केंद्र सरकारला ६ हजार कोटी रुपयांचं नुकसान होणार आहे. केंद्र सरकारच्या निर्णयानंतर राज्य सरकारांनी देखील कर कमी करावेत, असं आवाहन सीतारमण यांनी केलं आहे. महाराष्ट्रासह इतर राज्यांनी कर कमी केले नव्हते.

The post बिग ब्रेकिंग! पेट्रोल डिझेल होणार स्वस्त, गॅस सिलेंडरवर मिळणार अनुदान, केंद्र सरकारची घोषणा appeared first on थोडक्यात घडामोडी.

अर्थमंत्री निर्मला सीतारामन यांनी केंद्रीय अर्थसंकल्प 2022 मधील काही महत्त्वाचे बदल सामायिक केले. जगातील सर्वात वेगाने वाढणाऱ्या अर्थव्यवस्थेचा टॅग राखण्यासाठी, सीतारामन यांनी अद्ययावत रिटर्न भरण्याची प्रणाली सुरू केली आहे. क्रिप्टोअ‍ॅसेट्स आणि डिजिटल रुपयावरील काही महत्त्वाच्या घोषणांसोबतच, अर्थसंकल्पाने भारताच्या आर्थिक भविष्याशी संबंधित काही महत्त्वाच्या चर्चांना सुरुवात केली आहे.

लोकसभेत अर्थसंकल्प सादर होताच मायक्रो-ब्लॉगिंग साइटवर मीम्स आणि पोस्ट्सचा पूर आला आहे. तसेच #Budget2022 या हॅशटॅगने ट्रेंडिंग यादीत अव्वल स्थान मिळवले आहे.

Government to tax paying middle class during every budget #Budget2022 pic.twitter.com/bcui8qTRTA

— Finance Memes (@Qid_Memez) January 30, 2022

Middle Class watching the Budget only for Income Tax Slab announcement. pic.twitter.com/kWNZvSwWAH

— Trendulkar (@Trendulkar) February 1, 2022

Tax payers waiting for the good news…#Budget2022 #incometax pic.twitter.com/b7Ek3DxEZd

— सख्याहरी (@sakhyahari) February 1, 2022

Every year After Budget #Budget2022 pic.twitter.com/JpqGviqbbq

— गुदर्शन न्यूज़ (हिंदी) (@Gu_Darshan_News) February 1, 2022

When FM thank Income Tax payer before announcement…#incometax #Budget2022 pic.twitter.com/P4JossZ2Rm

— Krupesh Kothari (@krupeshakothari) February 1, 2022

Crypto investors after watching #Budget2022 pic.twitter.com/c7rFucj99Q

— Sagar (@sagarcasm) February 1, 2022

30% tax on Profit from Crypto.#Budget2022 pic.twitter.com/zyXQPN3ELJ

— Nimo Tai 2.0 (@Cryptic_Miind) February 1, 2022

Government has imposed 30% tax on crypto

Le People : #Budget2022 #cryptocurrency pic.twitter.com/B4HuEdn1XJ

— ????? ????? (@Akdas_Hayat) February 1, 2022

30% Tax on Crypto Profits….

Cryptocurrency holders right now ??#crypto #cryptocurrency pic.twitter.com/91bxI0CC9X

— Kartik Anand (@kartik_203) February 1, 2022

Instagram influencer Lavanya explaining why #Budget2022 is useless pic.twitter.com/L9Y8Syq4QB

— BALA (@erbmjha) February 1, 2022

Salaried Class to Nirmalaji, waiting for income tax slabs. #Budget2022 pic.twitter.com/9498x6GKN4

— Sagar (@sagarcasm) February 1, 2022

Middle class people situation #incometax#BudgetSession2022 #Budget pic.twitter.com/paapoOinCA

— Latest memes (@surjitsingh91) February 1, 2022

budget में salaried आम आदमी को #incometax के नाम पर क्या मिला।

सिर्फ #meme pic.twitter.com/R4XfoqaZ38

— animesh mukharjee (@animeshmukharje) February 1, 2022

The post अर्थसंकल्प 2022 मीम्स : अर्थसंकल्प सादर झाल्यानंतर इंटरनेटवर मिम्सचा धुमाकूळ… appeared first on थोडक्यात घडामोडी.

नवी दिल्ली : अर्थमंत्री निर्मला सीतारामन यांनी आज चौथा अर्थसंकल्प सादर केला. यावेळी अर्थसंकल्पात विविध क्षेत्रांसाठी अनेक घोषणा करण्यात आल्या. पण सर्वसामान्यांच्या खिशावर कोणता भार वाढणार आणि कोणाकडून दिलासा मिळणार? हे जाणून घेऊयात…

काय महाग आणि काय स्वस्त

काय होणार स्वस्त?

• अर्थसंकल्पात इलेक्ट्रॉनिक्स क्षेत्रात देशाला स्वावलंबी बनविण्यावर भर देण्यात आला आहे. देशांतर्गत उत्पादनाला चालना देण्यासाठी अर्थमंत्र्यांनी मोबाईल फोन चार्जर, मोबाईल फोन कॅमेरा लेन्स, ट्रान्सफॉर्मर इत्यादींवर शुल्क सवलत जाहीर केली आहे.
• रत्ने आणि दागिने उद्योगाला चालना देण्यासाठी सरकारने कापलेल्या आणि पॉलिश केलेल्या हिऱ्यांवरील कस्टम ड्युटी 5% पर्यंत कमी केली आहे. सिंपली सॉंड डायमंडवर कस्टम ड्युटी लागणार नाही.
• चामडे, कापड, कृषी साहित्य, पॅकेजिंग बॉक्स, मोबाईल फोन चार्जर आणि रत्ने आणि दागिने स्वस्त होतील.

काय होणार महाग?

• बजेटमध्ये कृत्रिम दागिन्यांच्या आयातीला परावृत्त करण्यासाठी सरकारने आता त्यावरील आयात शुल्क 400 रुपये प्रति किलो केले आहे. इमिटेशन ज्वेलरीवरील कस्टम ड्युटी वाढवण्यात आली आहे, जेणेकरून त्याची आयात कमी करता येईल. अशा परिस्थितीत हे दागिने आगामी काळात महाग होऊ शकतात.
• पावसात भिजण्यापासून संरक्षण करणाऱ्या छत्र्या आतापासून महाग होणार आहेत. सरकारने अर्थसंकल्पात त्यांच्यावरील कर वाढवून 20% केला आहे. यासोबतच छत्री बनवताना वापरल्या जाणाऱ्या पार्टसवरील करमाफी रद्द करण्यात आली आहे.
• याशिवाय या वर्षी ऑक्टोबरपासून नॉन-मिश्रित इंधनावर प्रति लिटर 2 रुपये या दराने एक्ससाईझ शुल्क आकारण्यात येणार आहे.

लघु आणि मध्यम उद्योगांना दिलासा देत अर्थमंत्र्यांनी अर्थसंकल्पात स्टील स्क्रॅपवरील कस्टम ड्युटी सवलत एका वर्षासाठी वाढवली आहे. यामुळे एमएसएमई क्षेत्रातील स्क्रॅपमधून पोलाद उत्पादने बनवणाऱ्यांना सोपे जाईल.

The post अर्थसंकल्प 2022 : अर्थसंकल्पानंतर काय महागणार आणि काय होणार स्वस्त? जाणून घ्या… appeared first on थोडक्यात घडामोडी.

नवी दिल्ली : अर्थमंत्री निर्मला सीतारामन यांनी देशाचा सर्वसाधारण अर्थसंकल्प सादर केला. दरम्यान, आयकर स्लॅबमधील बदलाबाबत मध्यमवर्गीयांला मोठ्या आशा होत्या, परंतु अर्थमंत्री निर्मला सीतारामन यांच्या अर्थसंकल्पीय भाषणामुळे त्यांची निराशा झाली आहे. हा सलग सातवा अर्थसंकल्प होता, ज्यामध्ये आयकर स्लॅबमध्ये कोणताही बदल करण्यात आलेला नाही. याशिवाय कपातीबाबत कोणताही दिलासा देण्यात आलेला नाही.

सामान्य अर्थसंकल्पात मध्यमवर्गाला पुन्हा मोठा झटका बसला आहे. आयकर स्लॅबमध्ये कोणताही बदल करण्यात आलेला नाही. तथापि, कॉर्पोरेट कर 18% वरून 15% करण्यात आला आहे.

अर्थमंत्री निर्मला सीतारामन यांनी सादर केला अर्थसंकल्प, जाणून घ्या त्यांनी केलेल्या घोषणा…

The post अर्थसंकल्प 2022 : मध्यमवर्गीयांची पुन्हा निराशा, आयकर स्लॅबमध्ये कोणताही बदल नाही appeared first on थोडक्यात घडामोडी.

नवी दिल्ली : इनकम टॅक्सचे नवीन पोर्टल www.incometax.gov.in मुळे अजूनही अनेक जणांना त्रास सहन करावा लागत आहे. नवीन पोर्टल लॉन्च होऊन आता एक महिन्यापेक्षा अधिक कालावधी झाला आहे, परंतु, अजूनही त्याच्या तांत्रिक उणीवा दूर करण्यात आलेल्या नाहीत. अर्थमंत्र्यांनीही दोन आठवड्यांपूर्वी या पोर्टलच्या कामकाजाचा आढावा घेतला होता. चार्टर्ड अकाउंटंट्स (CA) म्हणतात की या पोर्टलवर ई-प्रोसेसिंग आणि डिजिटल स्वाक्षरी प्रमाणपत्र यासारख्या बर्‍याच गोष्टी अद्याप सुरू झाल्या नाहीत. या व्यतिरिक्त काही विदेशी कंपन्यांनाही पोर्टलवर लॉग इन करण्यात समस्या येत आहेत.

www.incometax.gov.in हे नवीन पोर्टल 7 जून रोजी लॉन्च केले गेले. इन्फोसिसने ही नवीन वेबसाइट तयार केली आहे. इन्फोसिसला इन्कम टॅक्स फाइलिंग सिस्टम विकसित करण्याचा प्रोजेक्ट 2019 मध्ये देण्यात आला होता. पोर्टल लॉन्च झाल्यापासूनच तांत्रिक अडचणींचा सामना करत आहे. यासंबंधात अर्थमंत्री निर्मला सीतारमण यांची 22 जून रोजी इन्फोसिसच्या अधिकाऱ्यांसोबत बैठक घेतली. परंतु, अजूनही वापरकर्त्यास अद्याप अनेक अडचणी येत आहेत. मागील वर्षातील आयकर विवरणपत्र दाखल करता येत नाहीत. मूल्यांकन वर्ष २०१९-20 आणि आधीच्या वर्षांच्या इंटिमेशन नोटिस डाउनलोड करता येत नाहीत. तसेच, पोर्टलवर विवाद से विश्वास योजनेअंतर्गत फॉर्म -3 दिसत नाही.

बीडीओ इंडियाचे भागीदार (कर आणि नियामक सेवा) अमित गणात्रा यांनी सांगितले कि, “22 जून रोजी अर्थमंत्र्यांसमवेत झालेल्या इन्फोसिस टीमच्या बैठकीनंतर असे दिसते की लवकरच सर्व प्रश्न सोडविण्यात येतील. त्यानंतर साइटच्या कामकाजात काही सुधारणा झाली असली, तरी तंत्रज्ञानाशी संबंधित आव्हाने अजूनही शिल्लक आहेत. साइट पूर्णपणे कार्यरत होण्यासाठी थोडा वेळ लागेल. ई-प्रक्रिया संबंधित टॅब पूर्णपणे काम करत नाहीयेत. ऑनलाइन दुरुस्ती पर्याय उपलब्ध नाही. 5, 6, 7 मध्ये प्राप्तिकर परतावा भरण्यासाठी जेएसओएन सुविधा उपलब्ध नाही. मागील वेबसाइटप्रमाणेच या पोर्टलवर विवाद से विश्वास योजनेची सर्वसमावेशक माहिती देण्यासाठी कोणताही टॅब नाही.

The post इनकम टॅक्सच्या नवीन पोर्टलच्या तांत्रिक उणीवांचा फटका, ‘या’ कामांमध्ये येताय अडचणी appeared first on थोडक्यात घडामोडी.

केंद्रीय अर्थमंत्री निर्मला सीतारामन यांनी आज आर्थिक वर्ष २०२१-२२ चा अर्थसंकल्प संसदेमध्ये सादर केला. नेहमीप्रमाणे काही गोष्टी स्वस्त झाल्या आहेत, तर काही महागणार आहेत. तर काही गोष्टींवर परिणाम झालेला नाही. खरं तर, तीन वर्षांपूर्वी आलेल्या जीएसटी नंतर वस्तू आणि सेवा महाग करणं बजेटमध्ये येत नाही. आता जीएसटी 90% वस्तूंची किंमत निश्चित करते. परंतु परदेशातून आयात होणाऱ्या वस्तूंवर आयातीवरील शुल्काचा परिणाम होतो आणि अर्थसंकल्पात याची घोषणा केली जाते. त्यामुळे बजेटच्या घोषणेमुळे पेट्रोल, डिझेल, एलपीजी, सीएनजी तसेच मद्य, फुटवेअर, सोने-चांदी, इलेक्ट्रॉनिक उत्पादने, मोबाईल, रसायन, कार यासारख्या आयात केलेल्या वस्तूंच्या किंमतींवर परिणाम होतो. केवळ यावरच सरकार आयात शुल्क वाढवते किंवा कमी करते. या अर्थसंकल्पात देखील अर्थमंत्र्यांनी हेच केले आहे.

या बजेटमुळे काय महागणार :

1. अर्थमंत्री निर्मला सीतारमण यांनी काही वाहनांच्या पार्टवरील आयात शुल्कात 15% वाढ केली आहे, त्यामुळे वाहने महाग होतील.
2. सौर इन्व्हर्टर महाग होतील, कारण यावरील आयात शुल्कात 20% वाढ केली आहे.
3. मोबाइल फोन चार्जर आणि हेडफोनवरील आयात शुल्कात 2.5% वाढ केली आहे. यामुळे या गोष्टी महाग होतील.

काय होणार स्वस्त :

1. सोन्या-चांदीवरील आयात शुल्क 12.5 टक्क्यांनी कमी करण्यात आले आहे. त्यामुळे दागिने स्वस्त होतील.
2. स्टील उत्पादनांवर आयात शुल्क 7.5% पर्यंत कमी केले आहे.
3. तांबे उत्पादनांवर आयात शुल्क २.5 टक्क्यांनी कमी करण्यात आले आहे.
4. काही लेदर कस्टम ड्युटीमधून हटवले गेले आहेत. त्यामुळे लेदरचे सामान स्वस्त होईल.

The post अर्थसंकल्प २०२१ : काय महागणार, काय होणार स्वस्त, जाणून घ्या appeared first on थोडक्यात घडामोडी.

केंद्रीय अर्थमंत्री निर्मला सीतारामन यांनी आज आर्थिक वर्ष २०२१-२२ चा अर्थसंकल्प संसदेमध्ये सादर केला. निर्मला सीतारामन यांनी भांडवली गुंतवणूक वाढवून ५.५४ लाख कोटी रुपयांची केल्याची घोषणा केली. यावेळी त्यांनी भविष्यामध्ये भारतात मेट्रो लाइट आणि मेट्रो नॅनो तंत्रज्ञानावर आधारित सार्वजनिक वाहतूक यंत्रणा उभारली जाणार असल्याची घोषणा केली आहे. देशातील टू टीयर आणि वन टीयर शहरांच्या आजूबाजूच्या भागामध्ये या मेट्रोचं जाळं उभारलं जाणार आहे. यासाठी राखून ठेवण्यात आलेल्या विशेष निधीमध्ये महाराष्ट्रातील दोन शहरांचाही उल्लेख आहे. नागपूरमध्ये दुसऱ्या टप्प्यातील मेट्रोचं काम होणार असून नाशिकमध्येही मेट्रो येणार असल्याची घोषणा अर्थमंत्र्यांनी केली.

भारतामध्ये मेट्रो आणि बस वाहतुकीचे जाळे अधिक घट्ट करण्यासाठी विशेष तरतूद करत असल्याची घोषणा त्यांनी केली आहे. सीतारामन यांनी देशातील वेगवेगळ्या भागांमधील शहरांसाठी मेट्रोचं काम करण्याच्या दृष्टीने निधी कशापद्धतीने देण्यात येणार आहे यासंदर्भात सविस्तर माहिती दिली. त्यामध्ये महाराष्ट्राची उपराजधानी असणाऱ्या नागपूरमध्ये दुसऱ्या टप्प्यातील मेट्रोचं जाळं उभारण्यासाठी पाच हजार ९०० कोटी रुपये दिले जाणार असल्याचं सीतारामन यांनी सांगितलं. त्याचप्रमाणे नाशिकमध्येही मेट्रोचं काम होणार असून यासाठी दोन हजार ९२ कोटी रुपयांचा निधी देण्याची घोषणा केली आहे.

बंगळुरु आणि चेन्नईसारख्या मोठ्या शहरांनाही मेट्रोची सेवा उभारण्यासाठी मोठ्या प्रमाणात निधी देण्यात आला आहे. बंगळुरुमधील मेट्रोचा विस्तार करण्यासाठी १४ हजार ७८८ रुपये देण्याची घोषणा अर्थमंत्र्यांनी केली. या पैशांमधून बंगळुरु मेट्रोचं जाळं ५८.१९ किलोमीटरने वाढवण्यात येणार आहे. याचप्रमाणे चेन्नईमध्येही मेट्रोच्या दुसऱ्या मार्गाचं काम केलं जाणार असून हा मार्ग ११८.९ किलोमीटरचा असणार आहे. यासाठी ६३ हजार २४० रुपयांचा निधी देण्यात येणार असल्याचं अर्थमंत्र्यांनी सांगितलं आहे.

अर्थसंकल्पातील महत्वाचे मुद्दे :

1. यावर्षी 2 लाख 32 हजार कोटी रुपयांचं आरोग्य बजेट.
2. पंतप्रधान आत्मनिर्भर स्वस्थ भारत योजनेसाठी 64 हजार कोटी रुपयांची तरतूद.
3. वेगवेगळ्या नव्या आरोग्य आणि कल्याण योजनांसाठी 64 हजार कोटी रुपयांची तरतूद.
4. कोविड लसीकरणासाठी 35 हजार कोटींची तरतूद.
5. डीएफआयसाठी 3 वर्षांकरता 2 लाख कोटींची तरतूद.
6. देशभरात 7 मेगा इन्व्हेस्टमेंट पार्क उभारणार
7. 15 वर्ष जुन्या वाहनांसाठी स्क्रॅपिंग पॉलिसी.
8. कचऱ्याची विल्हेवाट लावण्यासाठी 1 लाख 78 हजार कोटींचा निधी.
9. दुसऱ्या आणि तिसऱ्या श्रेणीच्या शहरांमध्ये गॅस पाईपलाईनचा विस्तार करणार.
10. मुंबई-कन्याकुमारी महामार्गासाठी 64 हजार कोटींचा निधी.
11. रेल्वेसाठी 1 लाख 10 हजार 55 कोटींचा विक्रमी निधी.
12. मेट्रो शहरात मेट्रो रेल्वेचं जाळं उभारणार.
13. सार्वजनिक वाहतुकीतल्या बसेसची सुधारणा करण्यासाठी 18 हजार कोटी.
14. नाशिक मेट्रोसाठी 2 लाख कोटी तर नागपूर मेट्रोसाठी 5 हजार 976 कोटी रुपयांची तरतूद. महाराष्ट्रासाठी बजेटमधील सर्वात मोठी घोषणा.

The post Budget २०२१ : नाशिक आणि नागपूर मेट्रोसाठी हजारो कोटींची घोषणा appeared first on थोडक्यात घडामोडी.