नवी दिल्ली : नेपाळमधील दोती जिल्ह्यात भूकंपाचे धक्के जाणावले. 6.30 रिश्टर स्केलवर भूकंपाची नोंद झाली. नेपाळमध्ये आतापर्यंत एकूण 6 जणांचा मृत्यू झाला आहे. पहाटे 2 वाजेच्या सुमारास भूकंपाचे धक्के जाणवले. नेपाळपाठोपाठ नवी दिल्लीसह उत्तर भारतात भूकंपाचे धक्के जाणवले. मागील 24 तासांमध्ये 2 वेळा भूकंपाचे धक्के जाणवले. त्यामुळे नागरिक भयभीत झाले आहे.

सूत्राच्या माहितीनुसार, नेपाळमध्ये पहाटे 2 वेळा भूकंपाचे धक्के जाणवले. रिश्टर स्केलवर 4.9 तीव्रतेचा दुसरा धक्का जाणवला. याआधी पहिला धक्का हा 6.3 तीव्रतेचा होता. एकापाठोपाठ दोन भूकंपाचे धक्के जाणवल्यामुळे लोकांमध्ये भीतीचे वातावरण पसरले. दिल्ली एनसीआरसह उत्तर आणि पूर्व भारतात काही ठिकाणी भूकंपाचे धक्के जाणावले. नेपाळ सरकारच्या नॅशनल सिस्‍मोलॉजिकल सेंटरच्या नुसार, मागील 24 तासांमध्ये 2 वेळा भूकंप आला. तर एकदा आफ्टरशॉक धक्का जाणवला.

नेपाळमधील दोती जिल्ह्यात एक घर कोसळले. घराच्या ढिगाराखाली दबून 3 जणांचा मृत्यू झाला. बुधवारी पहाटे 2 वाजेच्या सुमारास भूकंपाचे धक्के जाणवले. त्यामुळे दिल्ली आणि आसपासच्या परिसरातही धक्के जाणवले. नॅशनल सेंटर फॉर सीस्मोलॉजीनुसार, भूकंपाचे केंद्रबिंदू हे जमिनीच्या खाली 10 किमी अंतरावर आहे. नेपाळच्या सीमेला लागून असलेल्या उत्तराखंडमधील पिथौरागडपासून 90 किमी. अंतरावर दक्षिण पूर्वमध्ये भूकंपाचे केंद्रबिंदू असल्याचे सांगितले जात आहे.

मंगळवारी पहाटे देशात 4.5 तीव्रतेचा भूकंपाचा धक्का जाणवला. दुसऱ्या भूकंपाचे केंद्रबिंदू काठमांडूपासून 155 किमी. उत्तर पूर्वमधील 100 किमी. परिसरात असल्याचे सांगितले जात आहे. याआधीही 19 ऑक्टोबरला काठमांडूमध्ये 5.1 तीव्रतेचा भूकंपाचा धक्का जाणवला होता. राष्ट्रीय भूकंप विज्ञान केंद्र (एनईएमआरसी)च्या नुसार 31 जुलैला काठमांडूमधील 147 किमी. दूर खोतांग जिल्ह्यात मार्टिम बिरता जवळ 6.0 तीव्रतेचा भूकंप आला होता.

The post नेपाळ भूकंपाने हादरला, ६ जणांचा मृत्यू, दिल्लीसह उत्तर भारतात जाणवले धक्के appeared first on थोडक्यात घडामोडी.

नवी दिल्ली : नवी दिल्लीत मागील 24 तासांत कोरोनाचे 5481 नवीन रुग्ण आढळले आहेत. त्यामुळे येथे संसर्गाचे प्रमाण आता ८.३७ टक्क्यांवर पोहोचले आहे. या विषाणूमुळे 3 मृत्यू झाले आहेत. तर 1575 रुग्ण बरे झाले आहेत. 531 रुग्ण रुग्णालयात दाखल आहेत.

२९ डिसेंबर रोजी दिल्लीत कोरोनाचे ९२३ रुग्ण आढळले. त्यानंतर 30 डिसेंबरला 1313, तर 31 डिसेंबरला 1796 केसेस आल्या. मात्र नवीन वर्ष सुरू होताच अचानक आकड्यांमध्ये मोठी उसळी पाहायला मिळाली. 1 जानेवारी रोजी दिल्लीत 2796 प्रकरणे नोंदवली गेली, तर 2 जानेवारीच्या अहवालात 3194 आणि 3 जानेवारीला 4099 प्रकरणे झाल्यानंतर आज हा आकडा 5481 वर पोहोचला आहे.

The post ब्रेकिंग! दिल्लीत मागील 24 तासांत कोरोनाचे 5481 नवीन रुग्ण, 3 जणांचा मृत्यू appeared first on थोडक्यात घडामोडी.

नवी दिल्ली : एका 62 वर्षीय महिलेवर बलात्कार करून नंतर तिची हत्या करण्यात आली. पूर्व दिल्लीच्या नवीन अशोक नगरात रविवारी दुपारी ही धक्कादायक घटना घडली. आरोपीने बलात्कार केल्यानंतर या वृद्ध महिलेचा गळा विळ्याने चिरला, नंतर तिच्यावर 25 पेक्षा जास्त वेळा वार करून तिची क्रूरपणे हत्या केली. याप्रकरणी पोलिसांनी तिच्या शेजारी राहणाऱ्या 30 वर्षीय आरोपीला अटक केली आहे.

मिळालेल्या माहितीनुसार, ही वृद्ध महिला भाजी विकण्याचे काम करत होती. तिचा धाकटा मुलगा एका बँकेत सुरक्षा रक्षक म्हणून काम करतो. तिचा मुलगा घरी परतला तेव्हा, त्याने आईला रक्ताच्या थारोळ्यात पडलेले बघितले, तेव्हा हा गुन्हा उघडकीस आला. त्याने महिलेला तातडीने धर्मशिला रुग्णालयात दाखल केले, परंतु, डॉक्टरांनी महिलेला मृत घोषित केले.

माणुसकीला काळिमा! शाळेतील शौचालयात ७ वर्षांच्या चिमुकलीवर बलात्कार

दरम्यान, रुग्णालयातील कर्मचार्‍यांनी पोलिसांना या प्रकरणाची माहिती दिली. त्यानंतर पोलिसांची एक टीम रुग्णालयात दाखल झाली. त्यांनी महिलेच्या मुलाचा जबाब नोंदवला. त्याने सांगितले की त्याची आई दल्लुपुरा गावात त्यांच्या घराजवळ भाजीपाला विकते. रविवारी दुपारी ती जेवण बनवण्यासाठी घरी गेली होती, तेव्हा कुणीतरी तिच्यावर हल्ला केला.

प्राथमिक वैद्यकीय तपासणीत या महिलेवर लैंगिक अत्याचार झाल्याचे समोर आले. त्यानंतर तिचा मृतदेह शवविच्छेदनासाठी पाठविण्यात आला. घटनास्थळी गुन्हेगारी पथक व फॉरेन्सिक पथक पाठविण्यात आले. पोलिसांनी सीसीटीव्ही फुटेज तपासले असता त्यांना एक संशयित आरोपी घरात प्रवेश करताना दिसला. त्यानंतर काही वेळाने तो बाहेर जाताना दिसला. त्यानंतर पोलिसांनी ओळख पटवून एका संशयित आरोपीला अटक केली आहे. आरोपीने गुन्हा कबूल केला असून त्याच्याकडून हत्या करण्यासाठी वापरण्यात आलेले हत्यार जप्त करण्यात आले आहे.

बाबो! दोनदा मृत्यूला हरवलं.. व्हेलने मच्छिमाराला जिवंत गिळलं आणि मग…

The post वृद्ध महिलेवर बलात्कार.. विळ्याने 25 पेक्षा जास्त वार करून निर्घृण हत्या appeared first on थोडक्यात घडामोडी.

नवी दिल्ली : देशातील कोरोना संसर्गाची स्थिती दिवसेंदिवस भयंकर होत चालली आहे. दररोज मोठ्या संख्येने नवीन कोरोना रुग्णांची भर पडत आहे. अशातच आता सर्वोच्च न्यायालयाचे बहुतेक कर्मचारी आणि कारकून कोरोना संक्रमित झाल्याची माहिती मिळत आहे.

दरम्यान, सूत्रांनी दिलेल्या माहितीनुसार, सर्वोच्च न्यायालयाचे 50 टक्के कर्मचारी कोरोना संक्रमित झाले आहेत. अशा परिस्थितीत खबरदारी म्हणून सर्वोच्च न्यायालयातील सर्व सुनावण्या आता व्हिडिओ कॉन्फरन्सिंगद्वारे होणार आहेत. या कालावधीत सर्व न्यायाधीश आता घरून काम करणार आहेत.

The post सर्वोच्च न्यायालयातील 50 टक्क्यांहून अधिक कर्मचारी कोरोना पॉझिटिव्ह appeared first on थोडक्यात घडामोडी.

नवी दिल्ली : ब्रिटनमध्ये कोरोना विषाणूचे नवे आणि घातक रुप समोर आले आहे. या रुपातील विषाणू वेगाने पसरत असल्याची शक्यता व्यक्त करण्यात आलीय. इंग्लंडचे मुख्य चिकित्सा अधिकारी क्रिस व्हिटी यांनी शनिवारी याला दुजोरा दिला आहे. कोरोना विषाणूच्या नव्या स्ट्रेनमुळे नेदरलँड, बेल्जियम, इटली आणि जर्मनीने यूकेमधून येणाऱ्या विमानसेवांवर बंदी घातली आहे. आता भारतात देखील ब्रिटनमधून येणाऱ्या विमानसेवांवर बंदी आणली जाण्याची शक्यता आहे. केंद्र सरकारच्या आरोग्य मंत्रालयाने यासाठी तातडीची बैठक बोलावली आहे.

ब्रिटनचे आरोग्य चिकित्सा अधिकारी क्रिस व्हिटी यांनी कोरोना विषाणूचे नवे रुप पहिल्या विषाणूपेक्षा वेगळे असेल, असं सांगितले. या विषाणूचा वेगाने संसर्ग होण्याची शक्यता असल्याने सार्वजनिक ठिकाणी अधिक काळजी घेण्याचे आवाहन क्रिस व्हिटी यांनी केले आहे. ब्रिटनने यापूर्वीच इतर देशांनी विमानसेवांवर बंदी घालण्याबाबत सुचवले होते. भारत सरकार याबाबत सतर्क असून आरोग्य सेवा महानिर्देशक यांच्या अध्यक्षतेखाली बैठक होत आहे. जागतिक आरोग्य संघटनेचे सदस्य देखील यामध्ये सहभागी होऊ शकतात.

ब्रिटनमध्ये नव्यानं आढळलेल्या कोरोना विषाणूमुळे लंडन, साऊथ इंग्लंडमधील इतर महत्त्वाच्या ठिकाणी चौथ्या टप्प्यातील कडक निर्बंध लागू करण्यात आले आहेत. ब्रिटनचे पंतप्रधान बोरिस जॉन्सन यांनी कोरोना विषाणू संसर्गामुळे ख्रिसमस आणि इतर सण पहिल्यासारखे साजरे करता येणार नसल्याचे स्पष्ट केले. पंतप्रधान बोरिस जॉन्सन यांनी कोरोना विषाणूचं नवे रुप आढळून आले असल्याचं स्पष्ट केले. कोरोनाचे नवे वेरियंट देशात पसरत आहे. यामुळे रुगणालयातील रुग्णांच्या संख्येत वाढ झाल्याची माहिती बोरिस जॉन्सन यांनी दिली. रुग्णांची संख्या वाढली असली तरी मृत्यूंची संख्या वाढलेली नाही. कोरोना विषाणू संसर्गाचे स्वरुप बदलले असेल तर आपल्याला देखील रणनिती बदलली पाहिजे, असं जॉन्सन यांनी स्पष्ट केले.

The post ब्रिटनमध्ये कोरोना विषाणूचे घातक रूप, केंद्र सरकारने बोलावली तातडीची बैठक appeared first on थोडक्यात घडामोडी.

नवी दिल्ली : नव्या कृषी कायद्यांच्या विरोधात गेले 16 दिवस दिल्लीच्या सीमेवर शेतकऱ्यांचं आंदोलन सुरु आहे. शेतकऱ्यांनी आंदोलनाचा मार्ग सोडावा आणि चर्चेसाठी पुढं यावं असं आवाहन केंद्रीय कृषी मंत्री नरेंद्र सिंह तोमर यांनी केलं आहे. केंद्रीय कृषी मंत्री नरेंद्र सिंह तोमर म्हणाले की, “या कायद्यातील तरतुदींना आक्षेप असतील तर त्यांचं निराकरण करण्याचा आम्ही प्रयत्न करु. शेतकऱ्यांनी आंदोलनाचा मार्ग सोडून चर्चेचा मार्ग अवलंबावा.”

ते पुढे म्हणाले की, “मी शेतकरी नेत्यांना आवाहन करतो की त्यांनी ही कोंडी फोडावी. सरकारनं चर्चेसाठी एक पाऊल पुढं टाकलंय. त्यांच्या शंकेचं निराकरण करण्यात येईल. या आंदोलनाचा फटका शेतकऱ्यांनाही होत आहे. त्यात देशात कोरोनाचं संकट आहे. यात सामान्य जनताही भरडली जात आहे. त्यामुळे शेतकऱ्यांनी आंदोलनाचा मार्ग सोडावा आणि चर्चेसाठी पुढं यावं.”

कृषी मंत्र्यांनी सांगितलं की शेतकऱ्यांचं हित डोळ्यासमोर ठेवूनच हे कायदे तयार करण्यात आले आहेत. शेतकऱ्यांवर अनेक दशकं अन्याय होतो आहे. हा अन्याय दूर करण्यासाठी सरकारने हे कायदे केले होते. तरीही शेतकरी संघटनांशी चर्चा करुन कायद्यांमध्ये सुधारणा करण्यास आम्ही तयार आहोत, असंही कृषी मंत्री तोमर यांनी स्पष्ट केलं.

The post कृषी कायद्यात बदल करण्याची सरकारची तयारी – कृषीमंत्री appeared first on थोडक्यात घडामोडी.