जगभरात थैमान घातलेल्या कोरोनाचा चीनमध्ये पुन्हा एकदा उद्रेक पहायला मिळत आहे. चीनमध्ये दररोज कोरोना बाधितांच्या आकडेवारीत वाढ होत आहे. वाढत्या रुग्णसंख्येमुळे चीनमधील अनेक भागांत पुन्हा लॉकडाऊन लावण्यास सुरुवात झाली आहे. कोट्यवधी नागरिक लॉकडाऊनमध्ये असून त्यांना घरातून बाहेर न पडण्याच्या सूचना देण्यात आल्या आहेत. कोरोनाच्या दैनंदिन वाढत्या रुग्णसंख्येमुळे सर्वांचीच चिंता वाढवली आहे.

मंगळवारी, चीनमध्ये 5280 नवीन कोरोनाचे रुग्ण आढळले, जे कोरोना महामारीच्या दिवसांपासून देशातील सर्वात वेगवान संक्रमण असल्याचे मानले जाते. दुसरीकडे, डब्ल्यूएचओने जगाला चेतावणी दिली आहे की डेल्टा आणि ओमिक्रॉन प्रकार एकत्र करून विकसित केले जाणारे नवीन प्रकार चौथी लहर आणू शकतात.

#BREAKING China reports record 5,280 new Covid cases pic.twitter.com/Y8ShP2TdTB

— AFP News Agency (@AFP) March 15, 2022

नवीन कोरोना लाटेमुळे चीनमधील 10 शहरांमध्ये लॉकडाऊन (Lockdown) लागू करण्यात आला आहे. 3 कोटींहून अधिक लोक पुन्हा एकदा त्यांच्या घरात कैद झाले आहेत. जिलिन प्रांताला नव्या लाटेचा सर्वाधिक फटका बसला आहे. कोरोना प्रकरणांच्या वाढीमुळे किमान 10 शहरे आणि काउंटी लॉकडाऊन अंतर्गत आहेत. यामध्ये शेंजेनच्या टेक हबचा समावेश आहे, जिथे 1.70 दशलक्ष लोक राहतात.

सोमवारी, चीनच्या नॅशनल हेल्थ कमिशनने (NHC) सांगितले की 2021 च्या तुलनेत यावर्षी देशात आतापर्यंत जास्त प्रकरणे नोंदवली गेली आहेत. सन 2021 मध्ये, चीनमध्ये 8,378 प्रकरणे नोंदवण्यात आली होती, जी या वर्षी आतापर्यंत 9,000 पेक्षा जास्त झाली आहे.

चीनच्या वुहान शहरातून 2019 मध्ये सुरू झालेल्या कोरोना संसर्गाने पुन्हा एकदा चीनला वेठीस धरले आहे. गेल्या एका आठवड्यात बीजिंग, शांघायसह ग्वांगडोंग, जिआंगसू, शेडोंग आणि झेजियांग प्रांतात कोविडची नवीन प्रकरणे समोर आली आहेत. नोमुराने एका नोटमध्ये म्हटले आहे की, यामुळे पुन्हा एकदा चीनच्या अर्थव्यवस्थेवर गंभीर परिणाम होऊ शकतो. चौथी लाट येऊ शकते. मारियाने व्हायरोलॉजिस्टचे ट्विट रिट्विट करताना लिहिले की, आम्ही त्याचा मागोवा घेत आहोत.

हाँगकाँगमध्ये आरोग्य यंत्रणा कोलमडली

येथील नेत्या कॅरी लॅम यांनी सोमवारी सांगितले की, जर आपण नवीन आकडेवारी पाहिली तर शहराची आरोग्य व्यवस्था पूर्णपणे कोलमडत आहे. पण महामारी सुरू झाल्यापासून आम्ही कठोर निर्बंध लागू करुन आवश्यक त्या उपाययोजना करत आहोत. येथे दोन व्यक्तींना एकत्र येण्यास बंदी घालण्यात आली आहे. शाळा, महाविद्यालये, इतर संस्था आणि सार्वजनिक ठिकाणे बंद ठेवण्यात आली आहेत. सोमवारी हाँगकाँगमध्ये एका दिवसात 249 जणांचा मृत्यू आणि 26,908 नवीन रुग्णांची नोंद झाली.

खोटे बोलण्याची वेळ नाही, परिस्थिती अनियंत्रित होऊ शकते…
कोविड-19 चा झपाट्याने पुनरागमन होत असताना, सर्वोच्च चिनी संसर्गजन्य रोग तज्ञ झांग वेनहॉन्ग यांनी सोमवारी सांगितले की, चीनसाठी खोटे बोलण्याची ही वेळ नाही. शून्य-कोविड धोरणावर वादविवाद करण्याऐवजी आपण ताबडतोब संपूर्ण आणि शाश्वत साथीच्या धोरणांची अंमलबजावणी केली पाहिजे. चिनी सोशल मीडिया प्लॅटफॉर्म सिना वेइबोवर एका पोस्टमध्ये यावर टिप्पणी करताना वेनहोंग म्हणाले, “चीनसाठी 2020 मध्ये कोरोना महामारीनंतरचा हा सर्वात कठीण काळ आहे.” चीनच्या अधिकृत वृत्तपत्र ग्लोबल टाईम्सशी बोलताना ते म्हणाले, हीच वेळ आहे तात्काळ कारवाई करण्याची, अन्यथा परिस्थिती अनियंत्रित होऊ शकते.

जगभरातील अनेक देशांमध्ये जनजीवन पूर्वपदावर येत असताना आता आशिया खंडात पुन्हा कोरोनाचा उद्रेक दिसून येत आहे. खबरदारी न घेतल्यास जगभरात कोरोनाचा उद्रेक होऊन धोका निर्माण होण्याची शक्यता आहे. तसेच कोरोनाची नवी लाट पहायला मिळू शकते असा इशाराही जागतिक आरोग्य संघटनेने तसेच इतरही शास्त्रज्ञांनी दिला आहे.

The post कोरोनाचा पुन्हा उद्रेक! अनेक शहरांत लॉकडाऊन, घरातून बाहेर न पडण्याच्या सूचना, कोरोनाची चौथी लाट धडकणार? appeared first on थोडक्यात घडामोडी.

सातारा : सातारा जिल्हा चौथ्या स्तरामध्ये समाविष्ट झाला आहे. सातारा जिल्ह्यामध्ये कोरोना रुग्णवाढीचा दर १० टक्क्यांच्या पुढे गेला आहे. त्यामुळे जिल्हाधिकारी शेखर सिंह यांनी संपूर्ण सातारा जिल्ह्यामध्ये चौथ्या स्तरामधील निर्बंध लागू केले असून अत्यावश्यक सेवा वगळता सर्व प्रकारची दुकाने बंद ठेवण्याचे आदेश जिल्हाधिकाऱ्यांनी शुक्रवारी काढले आहेत.

जिल्हाधिकाऱ्यांच्या आदेशानुसार सोमवार ते शुक्रवार हे निर्बंध लागू असतील. तसेच शनिवार आणि रविवार हे दोन दिवस जिल्ह्यात पूर्णतः संचारबंदी पुढेही सुरू राहणार आहे. अत्यावश्यक सेवेमध्ये किराणा दुकाने, भाजीपाला दुकाने, फळविक्रेते, डेअरी, बेकरी, मटन, चिकन, अंडी, मासे विक्री दुकाने, कोल्ड स्टोरेज, गोदामे, रुग्णालय, निदान केंद्रे, लसीकरण केंद्रे, वैद्यकीय विमा कार्यालय, औषध दुकाने, औषधी कंपन्या, वैद्यकीय उपकरणे विक्रीची दुकाने, सेबीच्या नियंत्रणातील सर्व कार्यालये, भारतीय रिझर्व बँकेने नियुक्त केलेल्या सर्व सेवा, विद्युत आणि गॅस पुरवठा, पेट्रोल पंप, पेट्रोलियम संबंधी उत्पादने, सर्व प्रकारच्या वित्तसंस्था, वृत्तपत्रे यांना परवानगी राहणार आहे.

साताऱ्यात काय सुरु आणि काय बंद राहणार?

1. अत्यावश्यक बाबींची दुकाने आता सकाळी नऊ ते दुपारी दोन वाजेपर्यंत सुरू राहणार
2. अत्यावश्यक सेवेव्यतिरिक्त सर्व दुकाने बंद राहणार
3. कोणत्याही क्रीडा स्पर्धा घेता येणार नाहीत
4. हॉटेल, रेस्टॉरंट बंद राहतील, पार्सल सेवा सकाळी ९ ते रात्री ८ वेळेत सुरू राहील
5. सार्वजनिक जागा, खुली मैदाने या ठिकाणांवर सोमवार ते शुक्रवार पहाटे ५ ते सकाळी ९ या वेळेत व्यायाम व चालण्यास परवानगी आहे.
6. लग्न आणि अंत्यविधी यांच्यासाठी निर्बंध ठेवून परवानगी
7. बांधकामांना परवानगी मात्र कामगारांच्या राहण्याची व्यवस्था करणे आवश्यक
8. कृषी दुकाने आठवडाभर दुपारी दोन वाजेपर्यंत सुरू राहतील
9. सार्वजनिक परिवहन बस सेवा ५० टक्के क्षमतेने सुरू राहील
10. मालवाहतूक सुरु ठेवण्यास परवानगी
11. खासगी वाहने, टॅक्सी, बसेस, लांब पल्ल्याच्या रेल्वेद्वारे आंतरजिल्हा प्रवास करण्यास परवानगी
12. आयसोलेशन बबलमध्ये चित्रीकरणास परवानगी
13. बाजार समित्या सकाळी ७ ते दुपारी २ वाजेपर्यंत सुरू राहतील
14. पाचव्या स्तरातील जिल्ह्यातून जे प्रवासी सातारा जिल्ह्यात येणार आहेत त्यांना ई पास बंधनकारक आहे. पहिल्या, दुसऱ्या, तिसऱ्या आणि चौथ्या स्तरातील जिल्ह्यातून येणाऱ्या प्रवाशांना ई पासचे बंधन राहणार नाही.
15. सर्व शाळा महाविद्यालय यांचे ऑनलाइन शिक्षण सुरू आहे. विद्यार्थ्यांना शैक्षणिक साहित्याची गरज पडल्यास घरपोच साहित्य देता येणार आहे.

The post सातारा जिल्ह्यामध्ये पुन्हा लॉकडाऊन, कोरोना रुग्णवाढीमुळे जिल्हाधिकाऱ्यांचा निर्णय appeared first on थोडक्यात घडामोडी.

मुंबई : राज्य सरकारने आजपासून नवी नियमावली लागू केली असून राज्यातील निर्बंध टप्प्याटप्प्याने हटवण्यास सुरूवात झाली आहे. राज्यात ५ टप्प्यात अनलॉक प्रक्रिया राबवण्यात येणार आहे. अनलॉक प्रक्रियेबाबत शासकीय स्तरावर निर्णय घेतला असला तरी स्थानिक प्रशासनाला निर्बंध हटवायचे की नाही, हे ठरवण्याचा अधिकार देण्यात आला आहे. कुठेही सरसकट निर्बंध शिथील करण्यात आलेले नाहीत. मात्र एका जिल्ह्यातून दुसऱ्या जिल्ह्यात खासगी वाहनाने प्रवास करण्यासाठी ई-पास लागेल का? याबाबत अनेक लोकांच्या मनात प्रश्न आहेत.

सरकारने स्पष्ट केले आहे की, पहिल्या ४ टप्प्यांमध्ये प्रवास करत असाल तर नियमितपणे वाहतूक सुरू आहे. केवळ ५ व्या टप्प्यातून तुम्ही प्रवास करणार असाल तर त्यासाठी ई पास आवश्यक आहे. सध्यातरी ५ व्या टप्प्यात एकाही जिल्ह्याचा समावेश नाही. पाचव्या स्तरात जेथे २० टक्क्यांपेक्षा जास्त पॉझिटिव्हिटी रेट असेल आणि ७५ टक्‍क्‍यांपेक्षा जास्त ऑक्सिजन बेड रुग्णांनी व्यापले असेल अशा जिल्ह्यांचा समावेश होईल.

निर्बंध शिथील केलेले नाहीत, वेळ पडल्यास निर्बंध कडक करा, मुख्यमंत्री उद्धव ठाकरे यांच्या प्रशासनाला सूचना

पहिल्या टप्प्यात नियमितपणे लोकलने प्रवास करू शकता, परंतु स्थानिक प्रशासन त्यांच्या स्तरावर निर्बंध लागू करू शकतात. दुसऱ्या आणि तिसऱ्या टप्प्यात वैद्यकीय व अत्यावश्यक सेवांमधील कर्मचाऱ्यांना प्रवास करता येईल. स्थानिक प्रशासनाच्या नियमांनुसार महिलांनाही प्रवेशास मुभा देण्यात आली आहे. तर चौथ्या आणि पाचव्या स्तरात केवळ वैद्यकीय आणि अत्यावश्यक सेवेतील कर्मचाऱ्यांना लोकल ट्रेनने प्रवास करण्याची मुभा आहे.

पहिल्या टप्प्यात नियमितपणे सार्वजनिक वाहतूक सुरू राहणार आहे. तर दुसऱ्या आणि तिसऱ्या टप्प्यात १०० टक्के वाहतूक सुरू राहील, परंतु उभे राहून प्रवास करण्यास परवानगी नाही. तर चौथ्या आणि पाचव्या टप्प्यात ५० टक्के सार्वजनिक वाहतूक सुरू राहील. माल वाहतूक करण्यासाठी ३ जणांना परवानगी असेल. पाचव्या टप्प्यात माल वाहतूक करण्यासाठी ई पासची आवश्यकता आहे.

The post एका जिल्ह्यातून दुसऱ्या जिल्ह्यात खासगी वाहनाने प्रवास करण्यासाठी पास लागेल का? जाणून घ्या… appeared first on थोडक्यात घडामोडी.

मुंबई : कोरोनाचा संसर्ग रोखण्यासाठी राज्यात लावण्यात आलेल्या लॉकडाऊनचा कालावधी १ जूनपर्यंत वाढवण्यात आला आहे. राज्याचे आरोग्यमंत्री राजेश टोपे यांनी बुधवारी प्रसारमाध्यमांशी बोलताना यासंबंधी मुख्यमंत्री निर्णय घेत अधिकृत जाहीर करतील अशी माहिती दिली होती. त्याप्रमाणे १ जूनपर्यंत लॉकडाउन वाढवत असल्याचा अधिकृत आदेश प्रसिद्ध करत मार्गदर्शक तत्त्वे जाहीर करण्यात आली आहेत.

आदेशात नमूद केलेले महत्वाचे मुद्दे :

1. ठाकरे सरकारने निर्बंध अजून कठोर केले असून बाहेरुन राज्यात येणाऱ्या लोकांना आरटीपीआसीरआर टेस्ट बंधनकारक करण्यात आली आहे. महाराष्ट्रात कोणत्याही प्रकारे प्रवेश करणाऱ्या व्यक्तीकडे निगेटिव्ह आरटीपीआसीरआर टेस्ट रिपोर्ट असं बंधनकारक असून प्रवेश कऱण्याच्या ४८ तास आधी हा रिपोर्ट काढलेला असावा असं आदेशात नमूद आहे.
2. कार्गो कॅरिअरमध्ये चालक आणि क्लिनर अशी दोघांनाच परवानगी असणार आहे. जर हे कार्गो कॅरिअर बाहेरच्या राज्यातून प्रवेश करत असतील तर निगेटिव्ह आरटीपीसीआर टेस्ट रिपोर्ट बंधनकारक असून ४८ तासांच्या आत तो काढलेला असावा.
3. औषधं आणि कोरोनाशी संबंधित सामग्रीसाठी प्रवास करावा लागणाऱ्या विमानतळ आणि बंदरावरील कर्मचाऱ्यांना लोकल, मोनो आणि मेट्रोने प्रवास करण्याची मुभा देण्यात आली आहे.
4. एखाद्या ठिकाणी निर्बंध वाढवायचे असल्यास स्थानिक प्रशासनाकडे हक्क देण्यात आले असून यासाठी निर्बंध लागू करण्याच्या ४८ तास आधी नोटीस द्यावी असं सागंण्यात आलं आहे.
5. दूध वाहतूक करणाऱ्या वाहनांना निर्बंधांतून सूट देण्यात आली आहे.
6. बाजारपेठेत गर्दी झाल्यास स्थानिक प्रशासन व आपत्ती व्यवस्थापनाने त्याबाबत निर्णय घ्यायचा आहे

राज्यातील कोरोना संसर्ग रोखण्यासाठी राज्यात १४ एप्रिलपासून कठोर निर्बंध लागू करण्यात आले आहेत. या निर्बंधामुळे राज्याचा रुग्णवाढीचा दर कमी झाला आहे. कोरोना बाधितांचा आकडा कमी झाला असला तरी काही जिल्हयात बाधितांची संख्या अधिक आहे. त्यामुळे सध्याचे निर्बंध आणखी १५ दिवस वाढविण्याची मागणी बहुतांश मंत्र्यांनी मुख्यमंत्री उद्धव ठाकरे यांना केली होती. त्यानुसार राज्य सरकारने निर्णय घेत १ जून सकाळी ७ वाजेपर्यंत निर्बंध कायम ठेवले आहेत.

The post राज्यातील लॉकडाऊन १ जूनपर्यंत वाढवला, निर्बंधामुळे राज्याचा रुग्णवाढीचा दर झाला कमी appeared first on थोडक्यात घडामोडी.

अमरावती : अमरावतीत कोरोना बाधितांची संख्या वाढू लागली आहे. विदर्भातील विविध जिल्ह्यांसह मध्य प्रदेशातूनही उपचारासाठी मोठ्या प्रमाणात रुग्ण अमरावती येथे येत आहेत. या सर्व बाबी लक्षात घेऊन जिल्हाधिकारी शैलेश नवाल यांनी कठोर पाऊल उचलले आहे. अमरावती जिल्ह्यात कोरोनाची साखळी तोडण्यासाठी ९ ते १५ मे दरम्यान कडक लॉकडाऊन लावण्याचा निर्णय घेण्यात आला आहे.

जिल्हाधिकारी शैलेश नवाल यांनी लॉकडाऊनबाबत आदेश जारी केला आहे. त्यात कोणत्याही वैद्यकीय कारणाशिवाय बाहेर पडण्यावर निर्बंध घालण्यात आले आहेत.

1. सर्व किराणा सामान, भाजीपाला दुकाने, फळ विक्रेते, अंडी, मद्यालय, मद्य दुकाने व बार बंद राहणार असून किराणा व भाजीपाल्याची घरपोच सेवा सकाळी ७ ते ११ दरम्यान सुरू राहणार आहे. ग्राहकांना प्रत्यक्ष दुकानात जाऊन काहीही खरेदी करता येणार नाही.
2. हॉटेल, रेस्टॉरंट, शिवभोजन थाळीची घरपोच सेवाही देता येणार आहे.
3. कृषी उत्पन्न बाजार समिती, भाजी मंडई व आठवडी बाजारही बंद राहणार आहेत.
4. पाळीव प्राण्यांच्या खाद्य पदार्थांची दुकाने, पावसाळ्याच्या हंगामाशी संबंधित असणाऱ्या साहित्यांच्या उत्पादनाशी निगडीत दुकाने पूर्णपणे बंद राहणार असून घरपोच सेवा सुरू राहणार आहे.
5. कृषी अवजारे व शेतातील उत्पादनाशी संबंधित दुकाने पूर्णपणे बंद राहतील. शेतकऱ्यांना आवश्यक त्या वस्तूंचा पुरवठा घरापर्यंत तसेच बांधापर्यंत करण्याची जबाबदारी ग्रामपंचायत स्तरावर संबंधित कृषी सेवक, तालुका कृषी अधिकारी यांच्यावर देण्यात आली आहे.
6. लॉकडाऊन काळात स्वागत समारंभ, मंगल कार्यालये, हॉल हे पूर्णत: बंद राहणार असून लग्न समारंभ घरगुती पद्धतीने करण्याची सूचना देण्यात आली आहे. १५ जणांच्या उपस्थितीत २ तासांत हा सोहळा उरकायचा आहे.
7. सर्व खासगी व सार्वजनिक वैद्यकीय सेवा, पशुचिकित्सा सेवा व त्यांचे नियमित संचालन सुरू राहणार आहे. मेडिकल स्टोअर्स व दवाखाने २४ तास सुरू राहणार आहेत.
8. मालवाहतूक, रुग्णवाहिका, शासकीय वाहने, अत्यावश्यक सेवेतील कर्मचारी, परवानगी पास असलेली वाहने यांना पेट्रोल व डिझेल वितरीत करण्यात येणार आहे.
9. गॅस एजन्सी मार्फत सिलेंडर घरपोच पुरविता येणार आहे.
10. सर्व बँका, पतसंस्था, पोस्ट ऑफिस नागरीकांसाठी अत्यावश्यक कामासाठी सकाळी १० ते दुपारी २ पर्यंत सुरू राहतील.
11. मान्सूनपूर्व कामे करण्यासाठी शासकीय यंत्रणांना मुभा देण्यात आली आहे.

The post अमरावती जिल्ह्यात कडक लॉकडाऊनची घोषणा, दुकानात जाण्यावर निर्बंध, ‘या’ सेवा मिळणार घरपोच appeared first on थोडक्यात घडामोडी.

पुणे : पुण्यात कोरोनाचा प्रादुर्भाव जास्त असल्यामुळे कडक लॉकडाऊनचा विचार करावा, अशा सूचना मुंबई उच्च्य न्यायालयाने राज्य सरकारला दिल्या होत्या. या पार्श्वभूमीवर उपमुख्यमंत्री आणि पुण्याचे पालकमंत्री अजित पवार यांच्या नेतृत्वात होत असलेल्या बैठकीत शहरात पूर्णपणे लॉकडाऊन करण्याचा निर्णय घेतला जाण्याची शक्यता व्यक्त केली जात आहे. अजित पवार यांनी महत्वाची बैठक बोलावली आहे.

पुण्यातील कोरोना रुग्णांच्या वाढत्या संख्येवरून उच्च्य न्यायालयाने चिंता व्यक्त केली होती. तसंच कोरोना संसर्गाची साखळी तोडण्यासाठी शासनाने कडक लॉकडाऊनचा विचार करावा, असंही न्यायालयाकडून सांगण्यात आलं होतं. पुण्यातील विभागीय आयुक्त कार्यालयात होत असलेल्या या बैठकीला अजित पवार यांच्यासह विभागीय आयुक्त, जिल्हाधिकारी आणि प्रशासनातील सर्व प्रमुख अधिकारी, तसंच पुणे शहराचे महापौर उपस्थित राहणार असल्याची माहिती आहे.

कोरोनाच्या दुसऱ्या लाटेला अनेक दिवस लोटले आहेत, तरीदेखील रुग्णांची संख्या फारशी कमी होत नसल्यामुळे सरकारकडून कडक लॉकडाऊनचा विचार केला जाऊ शकतो. पुण्यात अजूनही अनेक ठिकाणी आरोग्य सुविधांचा तुटवडा जाणवत असल्यामुळे या महत्त्वपूर्ण बैठकीत नेमका काय निर्णय होतो, हे पाहणं महत्त्वाचं ठरणार आहे.

The post पुण्यात कडक लॉकडाऊन होणार? न्यायालयाच्या सूचनेनंतर अजित पवारांनी बोलावली बैठक appeared first on थोडक्यात घडामोडी.

कोल्हापूर : कोरोनाच्या वाढत्या प्रादुर्भावाच्या पार्श्वभूमीवर सांगलीनंतर कोल्हापूर जिल्ह्यातही संपूर्ण लॉकडाऊनचा निर्णय घेण्यात आला आहे. जिल्ह्यात वाढणारी रूग्णसंख्या आणि प्राणवायू आणि रेमडेसिवीरची भासणारी कमतरता पाहता आज सकाळी तातडीची बैठक घेण्यात आली होती. या बैठकीनंतर पालकमंत्री सतेज पाटील यांनी जिल्ह्यात संपूर्ण लॉकडाऊनची घोषणा केली आहे.

सतेज पाटील यांनी यावेळी सांगितलं कि, “जिल्ह्यामध्ये सद्धा ऑक्सिजनची गरज वाढत चालली आहे. रूग्णसंख्या आणखी वाढत राहिली तर ऑक्सिजनची अधिक गरज लागेल. वाढती रूग्णसंख्येची साखळी तोडण्यासाठी उद्या (५ मे) 11 वाजल्यापासून जिल्ह्यात कडकडीत लॉकडाऊन करावा.

गेले दोन दिवस रूग्णसंख्येत वाढ कमी असली तरी पॉझिटिव्हिटीचा दर कमी नाही. जिल्ह्यातील २४०० रूग्ण ऑक्सिजनवर आहेत. कोल्हापूर जिल्ह्यात सांगली, सिंधुदुर्ग, निपाणी, बेळगाव भागातील ऑक्सिजन जिल्हयातून पुरवला जात आहे,’ असं म्हणत कोल्हापूरचे जिल्हाधिकारी दौलत देसाई यांनी जिल्ह्यातील भीषण परिस्थितीची माहिती दिली.

दरम्यान, सांगली जिल्ह्यातही संपूर्ण लॉकडाऊनची घोषणा करण्यात आली आहे. बुधवार दि. ५ मे रोजी मध्यरात्रीपासून जिल्ह्यात ८ दिवसांचा कडक लॉकडाऊन लावला जाईल, असं पालकमंत्री जयंत पाटील यांनी म्हटलं आहे.

The post सांगलीनंतर आता कोल्हापूर जिल्ह्यातही संपूर्ण लॉकडाऊनची घोषणा appeared first on थोडक्यात घडामोडी.

नवी दिल्ली : देशातील कोरोनाचा प्रादुर्भाव रोखण्यासाठी सर्वोच्च न्यायालयाने केंद्र सरकारला काही सल्ले दिले आहेत. सर्वोच्च न्यायालयाने केंद्र सरकारला कोरोना नियंत्रणात आणण्यासाठी लॉकडाउन करण्याचा सल्ला दिला आहे. त्याचबरोबर सर्वोच्च न्यायालयाने लस खरेदी करण्यासंदर्भातील धोरणावर केंद्राने पुन्हा एकदा विचार करावा असंही म्हटलं आहे. नाहीतर हे संविधानातील कलम २१ चं उल्लंघन ठरेल, असं न्यायालयाने म्हटलं आहे.

वृत्तानुसार, न्यायमूर्ती डी. व्हाय. चंद्रचूड, एल. नागेश्वर राव आणि एस. रवींद्र भट यांच्या त्रिसदस्यीय खंडपीठाने सरकारला लॉकडाउन लागू करण्याचा सल्ला दिला. परंतु, त्याआधी लॉकडाउनचा सामाजिक आणि आर्थिक प्रभाव कमीत कमी पडेल अशा पद्धतीचा अवलंब करण्यास सांगितलं आहे. ज्या सामाजिक घटकांवर याचा विशेष परिणाम होणार आहे, त्यांना गरजेच्या वस्तू मिळतील यासाठी खास व्यवस्था करण्यात यावी असं न्यायालयाने म्हटलं आहे.

देशभरात कोरोना परिस्थिती चिंताजनक असून अनेक रुग्णालयांमध्ये बेड मिळत नसल्याच्या तक्रारी लोकांकडून केल्या जात आहेत. याच पार्श्वभूमीवर सर्वोच्च न्यायालयाने केंद्र सरकारला रुग्णालयांमध्ये रुग्णांना भरती करुन घेण्यासंदर्भातील राष्ट्रीय धोरण बनवण्याचा सल्ला दिला आहे. त्यासाठी दोन आठवड्यांचा अवधी दिला आहे.

केंद्र सरकारने २० एप्रिल रोजी लस खरेदी करण्यासंदर्भातील धोरणांमध्ये बदल केल्याची घोषणा केली होती. यापुढे केंद्र केवळ ५० टक्के लसी विकत घेईल. बाकी ५० टक्के लसी राज्यांना आणि खासगी कंपन्यांना वाढीव दरांमध्ये विकत घेता येतील, असे सांगितले होते. मात्र केंद्रीय माध्यमातून लस खरेदी करुन राज्य आणि केंद्रशासित प्रदेशांमध्ये वितरित करण्यासाठी विकेंद्रीकरण करण्यात यावं, असं न्यायालयाने म्हटलं आहे. सर्वोच्च न्यायालाने केंद्र सरकार आणि राज्यांकडे पुढील सहा महिन्यांसाठी लसींचा किती साठा उपलब्ध असेल आणि किती लसी निर्माण केल्या जातील याची माहिती मागवली आहे. आता लसीकरण वेगाने व्हावे यासाठी केंद्राने इतर कोणत्या दुसऱ्या पर्यायांवर विचार केला होता यासंदर्भातील स्पष्टीकरण न्यायालयाने मागितले आहे.

The post केंद्र सरकारला सर्वोच्च न्यायालयाचा सल्ला, कोरोना नियंत्रणात आणण्यासाठी लॉकडाउन करा, पण त्याआधी… appeared first on थोडक्यात घडामोडी.

मुंबई : राज्यातील रुग्णालयांमध्ये आरोग्य सुविधा वाढवणे, ऑक्सिजन पुरवठा सुरळीत ठेवणे, डॉक्टर व आरोग्य कर्मचाऱ्यांच्या अडचणी दूर करणे आदी विषयांचा आढावा घेण्यासाठी उपमुख्यमंत्री अजित पवार यांच्या अध्यक्षतेखाली त्यांच्या मंत्रालयातील दालनात बैठकीचे आयोजन करण्यात आले होते. बैठकीला आरोग्यमंत्री राजेश टोपे, नगरविकासमंत्री एकनाथ शिंदे (व्हीसीद्वारे), वैद्यकीय शिक्षणमंत्री अमित देशमुख (व्हीसीद्वारे), अन्न व औषध प्रशासनमंत्री डॉ. राजेंद्र शिंगणे आदींसह संबंधित विभागांचे वरिष्ठ अधिकारी उपस्थित होते. निर्बंध लागू असतानाही किराणा खरेदीच्या नावावर नागरिक दिवसभर बाहेर फिरत असल्याने किराणा दुकानांची वेळ सकाळी सात ते अकरा वाजेपर्यंत मर्यादित ठेवण्याचा निर्णयही उपमुख्यमंत्र्यांच्या अध्यक्षतेखाली झालेल्या बैठकीत आज घेण्यात आला.

उपमुख्यमंत्र्यांनी बैठकीत, राज्यातील रुग्णालयात उपलब्ध खाटांचा, ऑक्सिजन तसेच रेमिडिसिव्हीर औषध पुरवठ्याचा आढावा घेतला. येणाऱ्या काळात इतर राज्यात रुग्णवाढ झाल्यानंतर महाराष्ट्राला बाहेरुन मिळणारा ऑक्सिजन कमी पडण्याची भीती लक्षात घेऊन राज्यातंच अधिकाधिक ऑक्सिजन निर्मिती करण्याची प्रक्रिया तातडीने सुरु करावी. कोल्हापूर आणि ठाणे जिल्ह्यातील रुग्णालयांच्या ठिकाणी हवेतून ऑक्सिजन निर्माण करण्याचे प्रकल्प स्थापन झाले आहेत. मुंबई महापालिकेनेही अशा प्रकल्पनिर्मिती संदर्भात कार्यवाही सुरु केली आहे. या तिघांनी विहित प्रक्रियेद्वारे खरेदी केलेल्या दरांना प्रमाण मानून नवीन ऑक्सिजन प्रकल्पांसाठी खर्च करण्याच्या सूचना त्यांनी केल्या. यामुळे निविदा प्रक्रियेतील विलंब टाळता येईल व प्रकल्प लवकर कार्यान्वित होईल, असे ते म्हणाले. पेपर, पोलाद, पेट्रोलियम, फर्टिलायझर, रिफायनरी उद्योगांच्या माध्यमातून ऑक्सिजननिर्मिती वाढवण्याच्या सूचनाही उपमुख्यमंत्र्यांनी बैठकीत दिल्या.

राज्यात रेमिडिसिव्हीर इंजेक्शन उपलब्ध होण्यासाठी युद्धपातळीवर प्रयत्न सुरु आहेत. देशातील प्रमुख सात रेमिडिसिव्हीर निर्मात्या कंपन्यांशी खरेदीसाठी चर्चा सुरु आहे. केंद्र सरकारलाही यासंदर्भात विनंती करण्यात आली आहे. रेमिडिसिव्हिर निर्मात्या कंपन्यांच्या क्षमतावाढीसाठी सहकार्य करण्यात येत आहे. लवकरच राज्याला पुरेसा रेमिडिसिव्हिर साठा उपलब्ध होईल, असा विश्वासही बैठकीत व्यक्त करण्यात आला. पुण्यातील ससून रुग्णालयात कोविड रुग्णांसाठी बेड वाढवण्यात येतील. यासंदर्भात निवासी डॉक्टरांच्या मार्ड संघटनेच्या प्रतिनिधींशी चर्चा करुन सकारात्मक तोडगा काढण्याचा निर्णयही बैठकीत घेण्यात आला.

The post मोठा निर्णय – किराणा दुकाने आता सकाळी ७ ते ११ वाजेपर्यंत सुरू राहणार; ऑक्सिजन, रेमिडिसिव्हिर उपलब्धतेबाबत महत्वाची बैठक appeared first on थोडक्यात घडामोडी.

पुणे : राज्यात आज बुधवारी (१४ एप्रिल २०२१ ) रात्री ८ वाजल्यापासून कलम 144 लागू करण्यात आला आहे. त्यामुळे संचारबदी असणार आहे. मागील वर्षी लागू करण्यात आलेल्या लॉकडाऊनमध्ये लोकांच्या संचारावर कडक निर्बंध होते. पासशिवाय लोकांना एका जिल्ह्यातून दुसऱ्या जिल्ह्यात प्रवेशास पूर्णपणे मज्जाव करण्यात आला होता. त्यामुळे आता लागू करण्यात आलेल्या लॉकडाऊन सदृश्य निर्बंधामध्ये सुद्धा हा नियम लागू असेल का, वैयक्तीक गाडीचा वापर करता येईल का?, एका जिल्ह्यातून दुसऱ्या जिल्ह्यात जाण्यासाठी पास लागेल का? असे प्रश्न विचारले जात होता. यावर पोलिस महासंचालक संजय पांडे यांनी स्पष्ट केली कि एका जिल्ह्यातून दुसऱ्या जिल्ह्यात जाण्यासाठी पासची आवश्यकता नसेल शिवाय तुम्हाला अत्यावश्यक कारणासाठी वैयक्तीक गाडीचा वापर करता येईल.

पोलिस महासंचालक संजय पांडे म्हटले कि, अत्यावश्यक कारणासाठी वैयक्तीक गाडीचा वापर करता येईल. शिवाय आपत्कालीन कामासाठी कोणत्याही पासची गरज असणार नाही. मागच्या वेळेस पासची सिस्टिम होती, तसेच त्याची तपासणी काटेकोरपणे होत होती. पण, यावेळी पासची कोणतीही गरज लागणार नाही. अत्यावश्यक कामासाठी कोणी बाहेर पडत असेल, तर त्याला कोणताही त्रास होणार नाही. एका जिल्ह्यातून दुसऱ्या जिल्ह्यात जाण्यासाठी पासची गरज नाही.

पुढे ते म्हटले कि, आम्ही कुणालाही विनाकारण त्रास देणार नाही याची हमी देतो, पण जाणूबुजून संचारबंदीचा भंग करून आम्हाला लाठीचा वापर करण्याची वेळ आणू नका. जर खरोखर काम असेल तर हरकत नाही. पण कारण नसताना बाहेर पडल्यास कारवाई होईल, असंही त्यांनी स्पष्ट केलं.

The post एका जिल्ह्यातून दुसऱ्या जिल्ह्यात जाण्यासाठी पास लागेल का? वैयक्तीक गाडीचा वापर करता येईल का? जाणून घ्या appeared first on थोडक्यात घडामोडी.