IPL 2022 : महान खेळाडू महेंद्रसिंग धोनीने गुरुवारी IPL मध्ये चेन्नई सुपर किंग्जला मुंबई इंडियन्स विरुद्ध रोमहर्षक विजय मिळवून दिला. धोनीने खेळाच्या शेवटच्या चेंडूवर चौकार मारला,आणि चेन्नईच्या चाहत्यांनी एकच जल्लोष केला. मात्र, यामुळे मुंबईच्या पहिल्या विजयाच्या आशेवर मात्र पाणी फिरले.

सीएसकेचा वेगवान गोलंदाज मुकेश चौधरीने नवीन चेंडूवर सुरुवातीलाच तीन महत्वाच्या विकेट घेतल्या. मुंबई इंडियन्सने 7 बाद 155 धावा केल्या. धोनीने 13 चेंडूत नाबाद 28 धावा केल्या, त्याने त्‍याच्‍या अद्वितीय शैलीत फिनिशरप्रमाणे फलंदाजी करत सीएसकेला मोसमातील त्‍यांचा दुसरा विजय मिळवून देण्यासाठी अंतिम षटकात आवश्‍यक 17 धावा मिळवण्‍यात मदत केली. अखेरच्या ४ चेंडूत १६ धावांची आवश्यकता होती. यावेळी धोनीने जयदेव उनाडकटच्या षटकातील तिसऱ्या आणि चौथ्या चेंडूवर एक षटकार आणि चौकार ठोकला. त्यानंतर पुढील चेंडूवर त्याने वेगाने धावत २ धाव काढल्या आणि स्ट्राईक स्वतःकडे ठेवली. अखेरच्या चेंडूवर शानदार चौकार मारून धोनीने अतिशय आश्चर्यकारक विजय चेन्नई सुपर किंग्जला मिळवून दिला.

Nobody finishes cricket matches like him and yet again MS Dhoni 28* (13) shows why he is the best finisher. A four off the final ball to take @ChennaiIPL home.

What a finish! #TATAIPL #MIvCSK pic.twitter.com/oAFOOi5uyJ

— IndianPremierLeague (@IPL) April 21, 2022

The post बेस्ट फिनिशर धोनी…! शेवटच्या चेंडूवर CSK ला मिळवून दिला रोमहर्षक विजय appeared first on थोडक्यात घडामोडी.

IPL २०२२ : इंडियन प्रीमियर लीगचा 15वा सीझन 26 मार्चपासून सुरू होणार आहे. 14 किंवा 15 मार्चपासून सर्व संघ आपला सराव सुरू करतील. मात्र, याआधी चेन्नई सुपर किंग्जला मोठा धक्का बसला आहे. उत्कृष्ट फॉर्ममध्ये असलेला गोलंदाज अष्टपैलू दीपक चहर आयपीएल 2022 च्या पहिल्या काही सामन्यांमध्ये खेळू शकणार नाही.

वेस्ट इंडिजविरुद्धच्या मालिकेत दीपक चहरला दुखापत झाली होती. दीपक चहरला IPL 2022 च्या मेगा लिलावात चेन्नई सुपर किंग्जने 14 कोटी रुपयांना विकत घेतले. रिपोर्ट्सनुसार, दीपक चहर जर पूर्णपणे फिट झाला तर आयपीएल 2022 च्या शेवटच्या काही सामन्यांमध्ये भाग घेणार आहे.

चेन्नई सुपर किंग्ज (CSK) पूर्ण संघ-

खरेदी केलेले खेळाडू – रॉबिन उथप्पा (2 कोटी), ड्वेन ब्राव्हो (4.40 कोटी), अंबाती रायडू (6.75 कोटी), केएम आसिफ (20 लाख), तुषार देश पांडे (20 लाख), शिवम दुबे (4 कोटी), महेश दिक्षाना (70 लाख), सिमरजीत सिंग (20 लाख), डेव्हॉन कॉनवे (1 कोटी), ड्वेन प्रिटोरियस (50 लाख), राजवर्धन हंगरगेकर (1.50 कोटी), मिचेल सँटनर (1.90 कोटी), अॅडम मिलने (1.90 कोटी), शुभ्रांशू सेनापती (20 लाख), मुकेश चौधरी (20 लाख) आणि प्रशांत सोळंकी (20 लाख), भगत वर्मा (20 लाख), ख्रिस जॉर्डन (3.60 कोटी), एन जगदीसन (20 लाख) आणि सी हरी निशांत (20 लाख), रवींद्र जडेजा (16 कोटी), एमएस धोनी (12 कोटी), मोईन अली (8 कोटी) आणि ऋतुराज गायकवाड (6 कोटी).

IPL 26 मार्च रोजी सुरू होईल आणि 29 मे रोजी अंतिम सामना 

10 संघांची इंडियन प्रीमियर लीग 26 मार्चपासून मुंबईत सुरू होणार असून लीगचा अंतिम सामना 29 मे रोजी होणार आहे. आयपीएलचे अध्यक्ष ब्रिजेश पटेल यांनी गुरुवारी गव्हर्निंग कौन्सिलच्या बैठकीनंतर सांगितले की, शनिवार, 26 मार्चपासून आयपीएल सुरू होणार आहे. तर अंतिम सामना 29 मे रोजी होणार आहे.

मुंबईत ५५ सामने होणार, प्ले-ऑफबाबत अद्याप निर्णय नाही
IPL 2022 च्या साखळी टप्प्यात, 55 सामने मुंबईत आणि 15 सामने पुण्यात खेळवले जातील. लीगचे सर्व सामने चार स्टेडियममध्ये खेळवले जातील. वानखेडे स्टेडियम आणि डीवाय पाटील स्टेडियमवर 20 सामने, ब्रेबॉर्न स्टेडियमवर 15 सामने आणि पुण्यातील महाराष्ट्र क्रिकेट स्टेडियमवर 15 सामने होणार आहेत. मात्र, प्ले-ऑफ सामन्यांबाबत अद्याप कोणतीही माहिती समोर आलेली नाही.

The post चेन्नई सुपर किंग्जला मोठा झटका, दीपक चहर स्पर्धेतून बाहेर appeared first on थोडक्यात घडामोडी.

IPL 2021 : आज चेन्नई सुपर किंग्ज (CSK) आणि सनरायझर्स हैदराबाद यांच्यात सामना रंगणार आहे. आज सायंकाळी ७.30 वाजल्यापासून शारजाहमध्ये हा सामना खेळवला जाईल.

धोनीच्या नेतृत्वात चेन्नईने 10 सामन्यांत 16 गुणांसह प्ले-ऑफमध्ये आपले स्थान जवळजवळ निश्चित केले आहे. दुसरीकडे हैदराबाद संघाला 10 सामन्यात फक्त 4 गुण मिळवता आले आहेत. हैदराबादकडे अजूनही प्लेऑफमध्ये स्थान मिळवण्याची शक्यता आहे, परंतु वास्तविकता अशी आहे की संघ अंतिम -4 मध्ये पोहोचण्याच्या स्पर्धेतून जवळजवळ बाहेरच पडला आहे आणि उर्वरित सामने ते सन्मानाची लढाई म्हणून खेळतील.

हा सामना शारजाह क्रिकेट मैदानावर खेळवला जाणार आहे. येथे 2020 च्या आयपीएलमध्ये पहिल्या डावात सरासरी 178 धावा झाल्या होत्या, पण यावेळी नवीन खेळपट्टी बनवण्यात आली आहे जी खूप संथ आहे आणि शॉट्स खेळणे अवघड आहे. यामुळे फेज -2 मधील पहिल्या डावाचा सरासरी स्कोअर 136 वर आला आहे.

The post आज चेन्नई सुपर किंग्ज आणि सनरायझर्स हैदराबाद यांच्यात सामना appeared first on थोडक्यात घडामोडी.

मुंबई : यावर्षी IPL २०२१ स्पर्धा बायो-बबलमध्ये कोरोनाच्या शिरकावामुळे 29 सामन्यानंतर स्थगित करण्यात आली. आयपीएलच्या यंदाच्या मोसमात चेन्नई सुपरकिंग्सचा (CSK) ऑलराऊंडर सॅम करन याने खूप चांगली कामगिरी केली. मात्र, त्याच्या वयावरून खूप वेळा त्याला ट्रोल करण्यात येतं. IPL २०२१ स्थगित झाले असले, तरी अनेक मिम्स व्हायरल होत असतात.

त्यातच आता सॅम करनचा एक फोटो प्रचंड व्हायरल होत आहे. त्यातील एका मीमवर सुरेश रैनाने देखील प्रतिक्रिया दिली आहे. या मीममध्ये सुरेश रैना आणि सॅम करन यांचा एक फोटो शेयर करण्यात आला आहे. या फोटोला कॅप्शन देण्यात आलं आहे की, “घरी जा आणि मन लावून अभ्यास कर, रस्त्यात कोणीही अनोळखी माणसाने चॉकलेट दिलं तर ते खाऊन नको घेऊ. या मीमवर सुरेश रैनाने हसणारी इमोजी कमेंट केली आहे.

??

— Suresh Raina?? (@ImRaina) May 6, 2021

The post ‘रस्त्यात कोणी चॉकलेट दिलं तर खाऊ नको आणि..’, सॅम करनचं Meme तूफान व्हायरल appeared first on थोडक्यात घडामोडी.

नवी दिल्ली : IPL 2021 च्या १४व्या हंगामातील बायो बबलच्या वातावरणात कोरोनाचा शिरकाव झालेला बघायला मिळत आहे. महेंद्र सिंह धोनीच्या नेतृत्वाखाली खेळणाऱ्या चेन्नई सुपर किंग्ज संघातील तिघांना कोरोनाची लागण झाली आहे. यात  CSK संघाचे मुख्य कार्यकारी अधिकारी काशी विश्वनाथ, गोलंदाजी प्रशिक्षक लक्ष्मीपती बालाजी आणि एक बस क्लीनरचा समावेश आहे.

अहमदाबाद येथे असलेल्या कोलकाता नाइट रायडर्स संघातील दोन खेळाडूंना कोरोनाची लागण झाल्यानंतर आता चेन्नईच्या संघात कोरोना रुग्ण सापडल्यामुळे खळबळ माजली आहे. दरम्यान, कासी विश्वनाथ आणि बालाजी हे शनिवारी झालेल्या सामन्याच्या वेळी खेळाडूंसोबत डगआऊटमध्ये उपस्थित होते. कोरोना रुग्ण आढळल्यामुळे चेन्नई संघाचा सराव देखील बंद ठेवण्यात आला आहे. संघातील बाकी सर्वांची कोरोना चाचणी निगेटिव्ह असल्याची माहिती मिळत आहे.

The post IPL मध्ये कोरोनाचा उद्रेक, आता चेन्नई संघात सापडले तीन कोरोना रुग्ण appeared first on थोडक्यात घडामोडी.

मुंबई : रॉयल चॅलेंजर्स बेंगळुरूविरुद्धच्या सामन्यात चेन्नई सुपर किंग्जने प्रथम फलंदाजी करत ४ बाद १९१ धावा केल्या. चेन्नईकडून जडेजाने सर्वाधिक २८ चेंडूत ६२ धावा केल्या. फाफ डुप्लेसिसने ५० धावा केल्या. तर बेंगळुरूकडून हर्षल पटेलने ३ विकेट घेतल्या. जडेजाने अखेरच्या षटकात वादळी फलंदाजी केली. त्याने फक्त २४ चेंडूत अर्धशतक झळकावले.

मुंबईच्या वानखेडे मैदानावर सुरू असलेल्या सामन्यात चेन्नईचा कर्णधार महेंद्र सिंह धोनीने नाणेफेक जिंकून प्रथम फलंदाजी करण्याचा निर्णय घेतला. ऋतुराज गायकवाड आणि फाफ डु प्लेसीस यांनी चेन्नईच्या डावाची सुरूवात केली. या दोघांनी पहिल्या विकेटसाठी ९.१ षटकात ७४ धावा केल्या. ऋतुराज २५ चेंडूत ३३ धावा करून बाद झाला. त्यानंतर आलेल्या रैनाने फाफसह चांगली भागीदारी केली. पण १११ धावांवर अगोदर रैना २४ धावांवर तर फाफ ५० धावांवर बाद झाला. त्यामुळे चेन्नईची अवस्था ३ बाद १११ अशी झाली. अंबाती रायडू ७ चेंडूत १४ धावा करून बाद झाला.

अखेरच्या षटकात जडेजाच्या धमाकेदार फलंदाजीच्या जोरावर चेन्नईने २० षटकात १९१ धावा केल्या. जडेजाने हर्षल पटेलच्या अखेरच्या षटकात पाच षटकार मारले आणि चेन्नईला या सामन्यात मोठी आघाडी मिळवून दिली. त्याने २३ चेंडूत अर्धशतक केले. जडेजाने अखेरच्या षटकात ३७ धावा केल्या. आयपीएलच्या इतिहासातील हे सर्वात महाग षटक ठरले.

The post सर जडेजाची कमाल.. अखेरच्या षटकात केल्या 37 धावा, बेंगळुरूला दिले 192 धावांचे आव्हान appeared first on थोडक्यात घडामोडी.

IPL २०२१ : चेन्नई सुपर किंग्सने कोलकाता विरुद्धच्या सामन्यात १८ धावांनी विजय मिळवला. या विजयासह चेन्नईच्या संघाने गुणतालिकेत आरसीबी आणि दिल्ली कॅपिटल्स या दोन्ही संघांना धक्का देत अव्वल स्थान पटकावले आहे.

या सामन्यापूर्वी चेन्नईला तीन सामन्यांमध्ये दोन विजय मिळवता आले होते आणि एका सामन्यात त्यांचा पराभव झाला होता. परंतु कोलकाता विरुद्धचा सामना जिंकल्यानंतर त्यांचे सहा गुण झाले. गुणतालिकेत आरसीबी आणि दिल्ली कॅपिटल्सच्या संघाचेही समान सहा गुण आहेत. पण चेन्नईचा नेट रनरेट जास्त असल्याने त्यांनी अव्वल स्थान पटकावले आहे.

फॅफ ड्यु प्लेसिसच्या नाबाद ९५ धावा आणि ऋतुराज गायकवाडच्या अर्धशतकाच्या जोरावर चेन्नईने प्रथम फलंदाजी करत २२० धावा केल्या होत्या. ऋतुराजने ४२ चेंडूंत सहा चौकार आणि चार षटकारांच्या जोरावर ६४ धावांची धडेकाबाज खेळी साकारली. ऋतुराज आणि फॅफ यांनी ११५ धावांची सलामी दिली. फॅफने अखेरपर्यंत दमदार फलंदाजी केली, पण त्याचे शतक फक्त पाच धावांनी हुकले.

चेन्नईने या सामन्यात केकेआरपुढे २२१ धावांचे आव्हान ठेवले होते. या आव्हानाचा पाठलाग करताना केकेआरची पहिल्याच पॉवर प्लेमध्ये ५ बाद ३१ अशी दयनीय अवस्था झाली होती. पण त्यानंतर रसेलने २१ चेंडूंत अर्धशतक झळकावले. पण त्यानंतर सॅम करनचा एक चेंडू सोडण्याच्या नादात रसेल बाद झाला. रसेलने २२ चेंडूंत तीन चौकार आणि सहा षटकारांच्या मदतीने ५४ धावांची खेळी साकारली. त्यानंतर पॅट कमिन्सने दमदार फटकेबाजी केली. कमिन्सने ३४ चेंडूंत चार चौकार आणि सहा षटकारांच्या जोरावर नाबाद ६६ धावांची खेळी केली. पण अखेरच्या षटकात दुहेरी धाव घेताना प्रसिध कृष्णा धावचीत झाला आणि चेन्नईने १८ धावांनी सामना जिंकला.

The post IPL 2021 : RCB आणि दिल्ली संघांना धक्का देत चेन्नईची मोठी झेप, पटकावले अव्वल स्थान appeared first on थोडक्यात घडामोडी.

मुंबई : IPL २०२१, चेन्नई सुपर किंग्सच्या (CSK) संघाने गुणतालिकेत मोठी भरारी घेतली आहे. चेन्नईचा हा आयपीएलमधील पहिला विजय ठरला त्याचबरोबर मुंबई इंडियन्सला गुणतालिकेत पिछाडीवर टाकले.

चेन्नईचा मोठ्या फरकाने विजय झाल्याने त्याचा फायदा त्यांना गुणतालिकेतही झाला. सध्याच्या घडीला मुंबई इंडियन्स आणि चेन्नई सुपर किंग्स यांचे समान दोन गुण असले तरी चेन्नईच्या संघाने यावेळी मुंबईला गुणतालिकेत मोठा धक्का दिला. तर पंजाबचा संघ आता सातव्या स्थानावर घसरला आहे.

Match 8. It’s all over! Chennai Super Kings won by 6 wickets https://t.co/P8VzT4GmjD #PBKSvCSK #VIVOIPL #IPL2021

— IndianPremierLeague (@IPL) April 16, 2021

दीपक चहरच्या भेदक गोलंदाजीमुळे पंजाबला चेन्नईपुढे १०७ धावांचे आव्हान ठेवता आले होते आणि त्यांनी हे आव्हान सहा विकेट्स राखत पूर्ण केले. त्यामुळे चेन्नईचा रनरेट चांगलाच वाढलेला पाहायला मिळाला. त्यामुळे या विजयासह चेन्नईने गुणतालिकेत थेट दुसरे स्थान पटकावले आहे. पहिल्या स्थानावर विराट कोहलीच्या नेतृत्वाखालील आरसीबीचा संघ असून त्यांनी आतापर्यंत एकही सामना गमावलेला नाही.

The post पंजाबला हरवत चेन्नई सुपर किंग्सची गुणतालिकेत मोठी भरारी, पाहा कितवे स्थान पटकावले… appeared first on थोडक्यात घडामोडी.

आयपीएलचा 49 वा सामना चेन्नई सुपर किंग्ज आणि कोलकाता नाईट रायडर्स यांच्यात दुबईत आज सायंकाळी ७.३० वाजल्यापासून रंगणार आहे. प्ले-ऑफ रेसमध्ये टिकून राहण्यासाठी कोलकाताला हा सामना जिंकावा लागेल. जर संघ हरला तर प्ले-ऑफसाठी अन्य संघांच्या निकालाची प्रतीक्षा करावी लागेल. तर यापूर्वीच स्पर्धेतून बाहेर पडलेल्या चेन्नईला दोन्ही सामने जिंकण्याची इच्छा असेल.

मागील सामन्यात कोलकाताने चेन्नईला 10 धावांनी पराभूत केले होते. गुणतालिकेत कोलकाता 12 गुणांसह 5 व्या स्थानावर आहे. कोलकाताने हंगामात 12 पैकी 6 सामने जिंकले आहेत आणि तितकेच पराभूत झाले आहेत. त्याचबरोबर चेन्नई 8 गुणांसह 8 व्या स्थानावर आहे. चेन्नईने 12 पैकी 4 सामने जिंकले आहेत आणि 8 गमावले आहेत.

चेन्नईचा सक्सेस रेट 59.37% आहे. चेन्नईने आतापर्यंत लीगमध्ये एकूण 177 सामने खेळले आहेत, ज्यामध्ये 104 जिंकले आहेत आणि 72 गमावले आहेत. एक सामना अनिश्चित होता. कोलकाताचा सक्सेस रेट 52.10% आहे. कोलकाताने आतापर्यंत एकूण 190 सामने खेळले आहेत, ज्यामध्ये 98 सामन्यात विजय मिळवला आहे आणि ९२ सामने गमावले आहेत.

दुबईतील खेळपट्टी फलंदाजांना मदत करू शकेल. येथे स्लो विकेट असल्याने स्पिनर्सनाही खूप मदत होईल. नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 : आज चेन्नई सुपर किंग्ज आणि कोलकाता नाईट रायडर्स यांच्यात सामना appeared first on थोडक्यात घडामोडी.

IPL २०२० : आयपीएलच्या ४१व्या मॅचमध्ये चेन्नई सपुरकिंग्स आणि मुंबई इंडियन्स यांच्यात सामना झाला. मुंबई इंडियन्सने टॉस जिंकून गोलंदाजीचा निर्णय घेतला. प्रथम फलंदाजीची संधी मिळालेल्या चेन्नई सुपरकिंग्सने २० ओव्हरमध्ये ९ बाद ११४ रन करून मुंबई इंडियन्सलला ११५ धावांचे आव्हान दिले.

चेन्नई सुपरकिंग्स संघाची सुरुवात चांगली झाली नाही. ऋतुराज गायकवाड शून्यावर तर फाफ डू प्लेसिस १ धाव करुन बाद झाला. अंबाती रायुडू २ धावा करुन आणि नारायण जगदीसन शून्य धावा करुन बाद झाला. धोनी १६ तर रविंद्र जाडेजा ७ धावा करुन बाद झाला. सॅम करण ५२ धावा करुन बाद झाला. दीपक चहर शून्य धावा करुन तर शार्दुल ठाकूर ११ धावा करुन बाद झाला. इमरान ताहिर १३ धावा करुन नाबाद राहिला.

मुंबई इंडियन्सकडून ट्रेंच बोल्टने सर्वाधिक विकेट घेतल्या. त्याने ४ ओव्हरमध्ये १८ धावा देत ४ विकेट घेतल्या. राहुल चहरने ४ ओव्हरमध्ये २२ धावा देऊन २ विकेट घेतल्या. जसप्रित बुमराहने ४ ओव्हरमध्ये २५ धावा देऊन २ विकेट घेतल्या. नॅथन कूल्टर नाईलने ४ ओव्हरमध्ये २५ धावा देऊन १ विकेट घेतली. कृणाल पांड्याने ३ ओव्हरमध्ये १६ तर पोलार्डने एक ओव्हर टाकून ४ धावा दिल्या.

मुंबई कडून क्विंटन डी कॉकसोबत सलामीला इशान किशन आला आणि त्या दोघांनीच मुंबईला १० विकेट राखून विजय मिळवून दिला.

#MumbaiIndians WIN by 10 wickets.#Dream11IPL pic.twitter.com/NeUUpWME7I

— IndianPremierLeague (@IPL) October 23, 2020

The post IPL 2020 : चेन्नई विरुद्ध मुंबईचा १० विकेट राखून विजय appeared first on थोडक्यात घडामोडी.