नवी दिल्ली : बेकायदेशीर ऑनलाइन बेटिंग अ‍ॅप प्रकरणातील मनी लाँडरिंग चौकशीच्या संदर्भात अंमलबजावणी संचालनालयाने (ईडी) माजी भारतीय क्रिकेटपटू सुरेश रैना आणि शिखर धवन यांच्या मालमत्ता जप्त केल्या आहेत, अशी माहिती अधिकाऱ्यांनी दिली.

ईडीने मनी लाँडरिंग प्रतिबंधक कायदा (PMLA) अंतर्गत या दोघांच्या एकूण ११.१४ कोटी रुपयांच्या मालमत्ता जप्त केल्या आहेत. या कारवाईचा संबंध ‘1xBet’ नावाच्या बेकायदेशीर ऑनलाइन बेटिंग साइटशी असल्याचे सांगितले जात आहे.

चौकशीनंतर ईडीने जारी केलेल्या आदेशानुसार, शिखर धवन यांची अंदाजे ४.५ कोटी रुपयांची स्थावर मालमत्ता, तर सुरेश रैना यांचा सुमारे ६.६४ कोटी रुपयांचा म्युच्युअल फंड जप्त करण्यात आला आहे.

ईडीच्या प्राथमिक चौकशीत या बेटिंग साइटद्वारे देशांतर्गत आणि आंतरराष्ट्रीय स्तरावर मोठ्या प्रमाणात आर्थिक व्यवहार झाले असल्याचे समोर आले आहे. संबंधित सर्व व्यवहारांचा मागोवा घेण्यासाठी पुढील तपास सुरू असल्याचे एजन्सीने सांगितले.

The post सुरेश रैना व शिखर धवन यांची ११.१४ कोटी रुपयांची मालमत्ता जप्त, बेकायदेशीर बेटिंग अ‍ॅप प्रकरणात ईडीची कारवाई appeared first on थोडक्यात घडामोडी.

मुंबई : आज आयपीएल २०२५ मध्ये डबल हेडर आहे म्हणजेच एका दिवसात दोन सामने आहेत. दिवसाचा पहिला सामना कोलकाता नाईट रायडर्स (केकेआर) आणि लखनौ सुपर जायंट्स (एलएसजी) यांच्यात ईडन गार्डन्सवर खेळला जात आहे. कोलकाताने नाणेफेक जिंकून गोलंदाजी करण्याचा निर्णय घेतला आहे. मोईन अलीच्या जागी स्पेन्सर जॉन्सनला संधी देण्यात आली आहे. तर लखनौने गेल्या सामन्याच्या प्लेइंग-११ मध्ये कोणतेही बदल केलेले नाहीत.

या हंगामात आतापर्यंत दोन्ही संघांनी प्रत्येकी ४-४ सामने खेळले आहेत. दोघांनी २ जिंकले आहेत आणि २ गमावले आहेत. आयपीएलमध्ये आतापर्यंत कोलकाता आणि लखनौ यांच्यात ईडन गार्डन्सवर २ सामने झाले आहेत, त्यापैकी दोघांनी १-१ सामने जिंकले आहेत. येथे २०२४ मध्ये शेवटचा सामना केकेआरने जिंकला होता.

कोलकाता नाइट रायडर्स : अजिंक्य रहाणे (कर्णधार), सुनील नरेन, क्विंटन डी कॉक (यष्टीरक्षक), व्यंकटेश अय्यर, रिंकू सिंग, रमणदीप सिंग, आंद्रे रसेल, हर्षित राणा, वरुण चक्रवर्ती, स्पेन्सर जॉन्सन आणि वैभव अरोरा.

लखनौ सुपर जायंट्स : ऋषभ पंत (कर्णधार आणि यष्टीरक्षक), मिचेल मार्श, एडन मार्कराम, निकोलस पूरन, आयुष बडोनी, डेव्हिड मिलर, अब्दुल समद, शार्दुल ठाकूर, दिग्वेश राठी, आवेश खान आणि आकाश दीप.

The post IPL 2025 : आज आयपीएलमध्ये डबल हेडर, दुपारी कोलकाता नाईट रायडर्स आणि लखनौ सुपर जायंट्स यांच्यात सामना appeared first on थोडक्यात घडामोडी.

मुंबई : ऑस्ट्रेलियाच्या एकदिवसीय क्रिकेट संघाचा प्रमुख आणि कर्णधार स्टीव्ह स्मिथने २०२५ च्या चॅम्पियन्स ट्रॉफीमध्ये भारताविरुद्ध उपांत्य सामन्यात पराभव स्वीकारल्यानंतर एक मोठी घोषणा केली. ३५ वर्षीय स्टीव्ह स्मिथने एकदिवसीय क्रिकेटमधून निवृत्ती घेतली आहे. मात्र, तो कसोटी आणि टी-२० क्रिकेटमध्ये खेळत राहील.

स्टीव्ह स्मिथने ऑस्ट्रेलियाकडून जवळजवळ १५ वर्षे एकदिवसीय क्रिकेट खेळले, आणि या काळात त्याने अनेक वेळा संघाचे नेतृत्वही केले. २०२५ च्या चॅम्पियन्स ट्रॉफीमध्ये, पॅट कमिन्सच्या अनुपस्थितीत, स्मिथला कर्णधार म्हणून मैदानावर उतरवण्यात आले होते. त्यांच्या नेतृत्वाखाली ऑस्ट्रेलिया संघाने चांगला खेळ केला, परंतु चॅम्पियन्स ट्रॉफीच्या उपांत्य फेरीतील पराभवानंतर ३५ वर्षीय स्टीव्ह स्मिथने त्याच्या संघातील सहकाऱ्यांना त्याच्या निर्णयाची माहिती दिली.

स्मिथचे वक्तव्य:
स्मिथने आपल्या निवृत्तीच्या निर्णयावर विचार व्यक्त करताना सांगितले, “हा एक अद्भुत प्रवास होता आणि मी त्यातील प्रत्येक क्षणाचा आनंद घेतला. दोन विश्वचषक जिंकणे हे मोठे यश होते. २०२७ च्या एकदिवसीय विश्वचषकाची तयारी करण्याची ही योग्य वेळ आहे, आणि मला वाटते की हेच योग्य वेळ आहे. कसोटी क्रिकेट अजूनही माझ्या प्राधान्यांमध्ये आहे आणि मी वर्ल्ड टेस्ट चॅम्पियनशिप फायनल, वेस्ट इंडिज दौरा आणि इंग्लंडविरुद्धच्या आगामी कसोट्यांमध्ये सहभाग घेण्यास उत्सुक आहे.”

स्मिथचे योगदान क्रिकेटच्या जगतात अद्वितीय राहिले आहे. स्मिथच्या या निवृत्तीने ऑस्ट्रेलियाच्या एकदिवसीय संघात एक मोठा बदल घडवून आणला आहे.

The post भारताविरुद्ध पराभवानंतर ऑस्ट्रेलियाला अजून एक धक्का, स्टीव्ह स्मिथ एकदिवसीय क्रिकेटमधून निवृत्त appeared first on थोडक्यात घडामोडी.

नवी दिल्ली : विंडीजविरुद्धच्या वनडे आणि कसोटी मालिकेसाठी टीम इंडियाची घोषणा करण्यात आली आहे. कसोटी आणि एकदिवसीय मालिकेत फक्त रोहित शर्मा संघाचे नेतृत्व करेल. चेतेश्वर पुजाराला कसोटी संघातून वगळण्यात आले आहे. अजिंक्य रहाणेकडे कसोटी मालिकेसाठी उपकर्णधारपदाची जबाबदारी सोपवण्यात आली आहे.

कसोटी संघ :
रोहित शर्मा (कर्णधार), अजिंक्य रहाणे (उपकर्णधार), केएस भरत (यष्टीरक्षक), इशान किशन (यष्टीरक्षक), शुभमन गिल, ऋतुराज गायकवाड, विराट कोहली, यशस्वी जैस्वाल, आर. अश्विन, आर जडेजा, शार्दुल ठाकूर, अक्षर पटेल, मोहम्मद सिराज, मुकेश कुमार, जयदेव उनाडकट, नवदीप सैनी.

एकदिवसीय संघ:
रोहित शर्मा (कर्णधार), हार्दिक पंड्या (उपकर्णधार), संजू सॅमसन (यष्टीरक्षक), इशान किशन (यष्टीरक्षक), शुभमन गिल, ऋतुराज गायकवाड, विराट कोहली, सूर्यकुमार यादव, शार्दुल ठाकूर, रवींद्र जडेजा, अक्षर पटेल, युझवेंद्र चहल, कुलदीप यादव, जयदेव उनाडकट, मोहम्मद सिराज, उमरान मलिक, मुकेश कुमार.

१२ जुलैपासून विंडीज दौरा
टीम इंडिया वेस्ट इंडिज दौऱ्यावर पहिले दोन कसोटी सामने खेळणार आहे. पहिला कसोटी सामना 12 जुलैपासून डॉमिनिका येथे खेळवला जाणार आहे. यानंतर दुसरा कसोटी सामना २० जुलैपासून पोर्ट ऑफ स्पेन येथे होणार आहे. तीन सामन्यांची एकदिवसीय मालिका 27 जुलैपासून सुरू होणार आहे, तर पाच सामन्यांची टी-20 मालिका 3 ऑगस्टपासून होणार आहे.

वेस्ट इंडिज दौऱ्यावर टीम इंडियाचे वेळापत्रक :

कसोटी :

• पहिला कसोटी सामना – 12 ते 16 जुलै, डॉमिनिका
• दुसरा कसोटी सामना – 20 ते 24 जुलै, पोर्ट ऑफ स्पेन

वनडे :

• पहिला वनडे – 27 जुलै, ब्रिजटाऊन
• दुसरा वनडे – २९ जुलै, ब्रिजटाऊन
• तिसरा  वनडे – १५ ऑगस्ट, पोर्ट ऑफ स्पेन

टी २० :

• पहिला टी 20 – 3 ऑगस्ट, पोर्ट ऑफ स्पेन
• दुसरा टी 20 – 6 ऑगस्ट, गयाना
• तिसरा टी २० – 8 ऑगस्ट, गयाना
• चौथा टी 20 – 12 ऑगस्ट, फ्लोरिडा
• पाचवा टी 20 – 13 ऑगस्ट, फ्लोरिडा

The post वेस्ट इंडिज दौऱ्यासाठी भारतीय संघाची घोषणा, संघामध्ये मोठे फेरबदल appeared first on थोडक्यात घडामोडी.

कोलकाता : डेव्हिड मिलरच्या धडाकेबाज अर्धशतकाच्या जोरावर गुजरातने आयपीएलच्या फायनलमध्ये दिमाखात प्रवेश केला. मिलरने यावेळी ३८ चेंडूंत तीन चौकार आणि पाच षटकारांच्या जोरावर नाबाद ६८ धावांची खेळी साकारली आणि गुजरातला सात विकेट्स राखून विजय मिळवून दिला. या विजयासह गुजरातचा संघ थेट अंतिम फेरीत दाखल झाला आहे. हार्दिक पंड्याने यावेळी नाबाद ४० धावा करत मिलरला चांगली साथ दिली.

राजस्थआनच्या १८९ धावांचा पाठलाग करताना गुजरातला दुसऱ्या चेंडूवर वृद्धिमान साहाच्या रुपात पहिला धक्का बसला, त्याला भोपळाही फोडता आला नाही. पण त्यानंतर शुभमन गिल आणि मॅथ्यू वेड यांची जोडी चांगलीच जमली. या दोघांनी दुसऱ्या विकेटसाठी ७२ धावांची दमदार भागीदारी रचली. पण यावेळी चोरटी धाव घेण्याच्या नादात शिभमन गिल बाद झाला आणि गुजरातला मोठा धक्का बसला. गिलला यावेळी ३५ धावा करता आल्या. गिलनंतर थोड्याच वेळात वेडही आऊट झाला आणि गुजरातला तिसरा धक्का बसला. वेडने यावेळी ३५ धावा केल्या. पण त्यानंतर कर्णधार हार्दिक पंड्या आणि डेव्हिड मिलर यांची चांगलीच जोडी जमली आणि त्यांनी संघाचे आव्हान जीवंत ठेवले होते.

Qualifier 1. Gujarat Titans Won by 7 Wicket(s) (Qualified) https://t.co/O3T1ww915M #Qualifier1 #TATAIPL #IPL2022

— IndianPremierLeague (@IPL) May 24, 2022

गुजरातच्या संघाने यावेळी सुरुवातीला यशस्वी जैस्वालच्या रुपात राजस्थानला पहिला धक्का दिला, त्याला तीन धावाच करता आल्या. पण त्यानंतर मात्र राजस्थानचा कर्णधार संजू सॅमसन मैदानात उतरला आणि त्याने सुरुवातीपासूनच गुजरातच्या गोलंदाजांचा समाचार घ्यायला सुरुवात केली. संजू यावेळी अशी आक्रमक फलंदाजी करत होता की, त्याने सलामीवीर जोस बटलरलाही मागे टाकले होते. संजू आता अर्धशतक झळकावणार असे वाटत होते. पण यावेळी संजूचे अर्धशतक तीन धावांनी हुकले. संजूने यावेळी २६ चेंडूंत पाच चौकार आणि तीन षटकारांच्या जोरावर ४७ धावा केल्या आणि राजस्थानची धावगती चांगलीच वाढवली. संजू बाद झाल्यावर मात्र जोसने संघाची सर्व जबाबदारी आपल्या खांद्यावर घेतली. सुरुवातीला संयत फलंदाजी करत जोस स्थिरस्थावर झाला होता आणि या महत्वाच्या सामन्यात मोठी खेळी साकारण्यासाठी तो सज्ज झाला होता. जोसने गुजरातच्या गोलंदाजीचा त्यानंतर चांगलाच समाचार घेतला आणि चौकारासह आपले अर्धशतक पूर्ण केले. अर्धशतक झळकावल्यावर मात्र जोसने धडाकेबाज फटकेबाजीला सुरुवात केली आणि कमी चेंडूंत जास्त धावा जमवल्या. जोस यावेळी अर्धशतक साकारणार,असे वाटत होते. पण जोस धावचीत झाला आणि त्याचे या हंगामातील चौथे अर्धशतक हुकले. जोसने यावेळी धडाकेबाज फटकेबाजी करत ५६ चेंडूंत १२ चौकार आणि दोन षटकारांच्या जोरावर दमदार ८९ धावांची खेळी साकारली. जोसच्या या ८९ धावांच्या खेळीच्या जोरावर राजस्थानला गुजरातपुढे १८९ धावांचे आव्हान ठेवता आले.

The post गुजरात टायटन्स संघ आयपीएलच्या फायनलमध्ये दाखल, अखेरच्या षटकात थरारक विजय appeared first on थोडक्यात घडामोडी.

भारत आणि वेस्ट इंडिज यांच्यातील तिसऱ्या आणि शेवटच्या वनडेमध्ये रोहित शर्माने नाणेफेक जिंकून प्रथम फलंदाजी करण्याचा निर्णय घेतला. टीम इंडियाने प्लेइंग इलेव्हनमध्ये 3 बदल केले आहेत. केएल राहुलच्या जागी शिखर धवन, दीपक हुडाच्या जागी श्रेयस अय्यर आणि युजवेंद्र चहलच्या जागी कुलदीप यादव यांना संधी मिळाली आहे. कायरन पोलार्ड अजूनही तंदुरुस्त नाही आणि त्याच्या जागी निकोलस पूरन संघाचे नेतृत्व करत आहे.

दोन्ही संघ पुढीलप्रमाणे-
भारत – रोहित शर्मा (कर्णधार), शिखर धवन, विराट कोहली, ऋषभ पंत (विकेटकीपर), सूर्यकुमार यादव, श्रेयस अय्यर, वॉशिंग्टन सुंदर, शार्दुल ठाकूर, कुलदीप यादव, प्रसिद्ध कृष्णा, मोहम्मद सिराज

वेस्ट इंडिज – शाई होप (विकेटकीपर), ब्रँडन किंग, डॅरेन ब्राव्हो, शमर ब्रूक्स, निकोलस पूरन (कर्णधार), जेसन होल्डर, हेडन वॉल्श, फॅबियन ऍलन, ओडियन स्मिथ, अल्झारी जोसेफ, केमार रोच.

83 नंतर प्रथमच क्लीन स्वीप करण्याची संधी
भारत आणि वेस्ट इंडिज यांच्यात पहिली एकदिवसीय मालिका 1983 मध्ये खेळली गेली होती, तेव्हापासून दोन्ही देशांदरम्यान एकूण 21 एकदिवसीय मालिका खेळल्या गेल्या आहेत आणि भारत WI विरुद्ध एकदाही क्लीन स्वीप करू शकला नाही. मात्र, वेस्ट इंडिजने ५० षटकांच्या फॉरमॅटमध्ये भारताविरुद्ध ३ वेळा क्लीन स्वीप केला आहे. तिसऱ्या एकदिवसीय सामन्यात रोहित आणि कंपनीला शेवटचा सामना जिंकून इतिहास रचण्याची संधी असेल.

संघात मोठे बदल
तिसऱ्या सामन्यासाठी कर्णधार रोहित शर्माने भारतीय संघात तीन बदल केले आहेत. दुखापतग्रस्त उपकर्णधार केएल राहुलच्या जागी शिखर धवनचे पुनरागमन झाले आहे, तर दीपक हुडाच्या जागी श्रेयस अय्यरची प्लेइंग इलेव्हनमध्ये निवड करण्यात आली आहे. जवळपास 6 महिन्यांनंतर वनडे संघात पुनरागमन करणाऱ्या कुलदीप यादवला पहिल्या दोन सामन्यात 5 बळी घेणाऱ्या युजवेंद्र चहलच्या जागी खेळण्याची संधी मिळाली आहे.

मालिका गमावल्यानंतर वेस्ट इंडिजचा संघ शेवटच्या सामन्यात आपली प्रतिष्ठा वाचवण्यासाठी मैदानात उतरणार आहे. पहिल्या दोन सामन्यांमध्ये संघ खेळाच्या प्रत्येक विभागात विखुरलेला दिसत होता. भारत दौऱ्यापूर्वी आयर्लंडने 3 सामन्यांच्या वनडे मालिकेतही विंडीजचा 2-1 असा पराभव केला होता.

The post टीम इंडियाचा नाणेफेक जिंकून फलंदाजीचा निर्णय, धवन-कुलदीपचे पुनरागमन appeared first on थोडक्यात घडामोडी.

IND vs PAK : T20 विश्वचषकाचा भारत विरुद्ध पाकिस्तान हा ब्लॉकबस्टर सामना आज संध्याकाळी 7.30 वाजल्यापासून सुरु होणार आहे. टी 20 फॉरमॅटमध्ये तब्बल 2045 दिवसांनी म्हणजेच 5 वर्षे, 7 महिने आणि 5 दिवसांनी भारत विरुद्ध पाकिस्तान सामना रंगणार आहे.

भारताकडे एकदिवसीय आणि टी-20 विश्वचषक मिळून पाकिस्तानला सलग 13व्यांदा पराभूत करण्याची संधी आहे. त्याचबरोबर जगातील सर्वात मोठ्या स्पर्धेत भारतावर पहिला विजय मिळवण्याची पाकिस्तानकडे संधी आहे.

It’s here.#India and #Pakistan against each other in #T20WorldCup action tonight in Dubai! pic.twitter.com/2C6IhSXf14

— ICC (@ICC) October 24, 2021

आयपीएलच्या फेज-2 मधील सामन्यांच्या आधारावर बघितले तर दुबईच्या खेळपट्टीवर 150 ते 170 धावा केल्या जातात. फेज-2 मध्ये येथे 13 सामने खेळले गेले. यापैकी नंतर फलंदाजी करणाऱ्या संघाने 9 सामने जिंकले. तर प्रथम फलंदाजी करणाऱ्या संघाला केवळ 4 सामन्यांमध्ये विजय मिळाला. या दृष्टीने भारत-पाकिस्तान सामन्यात नाणेफेक जिंकणारा कर्णधार प्रथम क्षेत्ररक्षणाला प्राधान्य देऊ शकतो.

या सामन्यात पाकिस्तानच्या विजयाकडे बोट दाखवणारा कोणताही मोठा पैलू नाही. T20 विश्वचषक स्पर्धेत भारताने सलग पाचवेळा पाकिस्तानचा पराभव केला आहे. आंतरराष्ट्रीय क्रिकेटमध्येही भारतीय संघाने पाकिस्तानपेक्षा खूप चांगली कामगिरी केली आहे. त्यामुळे आजचा सामना पाहणे औत्सुक्याचे ठरणार आहे.

The post IND vs PAK T20 : आज भारत आणि पाकिस्तान यांच्यात ब्लॉकबस्टर सामना appeared first on थोडक्यात घडामोडी.

रावळपिंडी : न्यूझीलंड क्रिकेट संघाने सुरक्षेच्या कारणास्तव पाकिस्तान दौरा रद्द केला आहे. किवी क्रिकेट बोर्डाने रावळपिंडी येथे पहिला एकदिवसीय सामना सुरू होण्याच्या 30 मिनिटे आधी हा निर्णय घेतला. या दौऱ्यात 3 एकदिवसीय आणि 5 टी -20 सामने खेळले जाणार होते. न्यूझीलंडला संघाच्या सुरक्षेशी संबंधित गुप्त सूचना (intelligence alert) मिळाली होती. आता संघाला लवकरात लवकर पाकिस्तानमधून बाहेर काढण्याची तयारी सुरु करण्यात आली आहे.

हा दौरा पार पाडण्यासाठी पाकिस्तानने सर्वतोपरी प्रयत्न केले होते. पाकिस्तानचे पंतप्रधान इम्रान खान यांनी न्यूझीलंडच्या पंतप्रधान जॅसिंडा आर्डर्न यांनाही फोन करून सुरक्षेचे पूर्ण आश्वासन दिले होते. इम्रान खान म्हणाले होते की, पाकिस्तानकडे जगातील सर्वोत्तम गुप्तचर यंत्रणा असून किवी संघाला कोणताही धोका नाही. तथापि, हे आश्वासन देखील कामी आले नाही आणि न्यूझीलंडने दौरा रद्द करण्याचा निर्णय घेतला.

पहिला एकदिवसीय सामना भारतीय वेळेनुसार दुपारी 3 वाजता सुरू होणार होता, म्हणजेच टॉस दुपारी 2.30 वाजता होणार होता, पण एकही टीम हॉटेलच्या बाहेर आली नाही. खेळाडू आणि सहाय्यक कर्मचाऱ्यांना हॉटेलमध्येच राहण्यास सांगण्यात आले.

The BLACKCAPS are abandoning their tour of Pakistan following a New Zealand government security alert.

Arrangements are now being made for the team’s departure.

More information | https://t.co/Lkgg6mAsfu

— BLACKCAPS (@BLACKCAPS) September 17, 2021

The post न्यूझीलंड क्रिकेट संघाने रद्द केला पाकिस्तान दौरा, सामना सुरू होण्याच्या 30 मिनिटे आधी घेतला निर्णय appeared first on थोडक्यात घडामोडी.

मुंबई : भारताचे माजी कर्णधार सुनील गावसकर यांना म्हाडाने पत्र पाठवून सुनील गावसकर फाऊंडेशनसाठीच्या भुखंडाबाबत मोठी बातमी दिली आहे. सुनील गावसकर फाऊंडेशनने महाराष्ट्र सरकारकडे वांद्रे-कुर्ला संकुल येथे इनडोअर क्रिकेट प्रशिक्षण केंद्रासाठी भुखंड मागितला होता. महाराष्ट्र सरकारने आज या दोन हजार चौरस मीटर भुखंडाला मान्यता दिली आहे.

सुनील गावसकर फाऊंडेशनला या केंद्रातून होणाऱ्या नफ्यातील २५ टक्के भाग सरकारला द्यावा लागणार आहे. सुनील गावस्कर फाऊंडेशनला हा करार करण्यासाठी ३० दिवसांची मुदत देण्यात आली असून सुनील गावसकर फाऊंडेशनला या जमिनीचा ताबा मिळेल तेव्हापासून एका वर्षाच्या आत बांधकामाला सुरुवात करायची आहे. तसेच त्यांना तीन वर्षांमध्ये हे बांधकाम पूर्ण करावे लागेल.

या प्रशिक्षण केंद्रामध्ये बॅडमिंटन, फुटबॉल आणि टेबल टेनिस या खेळांना परवानगी देण्यात आली आहे. येथे हेल्थ क्लब, फिटनेस सेंटर, व्यायामशाळा, स्विमिंग पूल बांधण्यात येणार आहे. या जागेमध्ये अन्य खेळांसह क्रिकेटचेही प्रशिक्षण देण्यात येईल, अशी हमी सुनील गावसकर फाऊंडेशनला द्यावी लागणार आहे. स्कॉश या खेळासाठीही व्यवस्था करण्यात येणार आहे. खेळाडूंना व्याख्यान देण्यासाठी ऑडिटोरियमही बांधण्यात येणार आहे. या प्रशिक्षण केंद्रात मेडिसीन सेंटरही बांधण्यात येणार आहे.

The post मोठी बातमी! महाराष्ट्र सरकारने दिली ‘त्या’ भुखंडाला मान्यता appeared first on थोडक्यात घडामोडी.

अबू धाबी : दक्षिण आफ्रिकेचा दिग्गज क्रिकेटर फाफ डू प्लेसिस शनिवारी अबू धाबी येथे PSL 6 सामन्यादरम्यान जखमी झाला आहे. डू प्लेसिसची सहकारी मोहम्मद हसनेन याच्याशी जोरदार टक्कर झाली. त्यामुळे फाफ डू प्लेसिसला चांगलाच मार बसला.

पेशावर झल्मीविरुद्धच्या सामन्यात सातव्या षटकात ही घटना घडली. फाफ डू प्लेसिसने चौकार वाचवण्यासाठी पूर्ण प्रयत्न केले, यावेळी दुसऱ्या बाजूने येणाऱ्या हसनेनच्या गुडघ्यावर डू प्लेसिस आदळला आणि जमिनीवर पडला. या जोरदार धडकेनंतर डू प्लेसिसला तात्काळ रुग्णालयात हलविण्यात आले.

BREAKING – Faf du Plessis has been sent to hospital for a check-up after he collided with Mohammad Hasnain while fielding in PSL game.#FafduPlessis #PSL pic.twitter.com/RnT9sCPDkz

— AMAL (@i_auguzto) June 12, 2021

फुटबॉलपटू एरिक्सन सामन्यादरम्यान मैदानावर बेशुद्ध होऊन कोसळला, रुग्णालयात दाखल

The post फाफ डू प्लेसिस सामन्यादरम्यान जखमी, सहकारी हसनेनशी जोरदार धडक, रुग्णालयात दाखल.. appeared first on थोडक्यात घडामोडी.