नवी दिल्ली : काँग्रेस सरचिटणीस प्रियंका गांधी यांना दुसऱ्यांदा कोरोनाची लागण झाली आहे. त्यांची कोरोना चाचणी पॉझिटिव्ह आल्यानंतर त्या घरीच विलगीकरणात आहेत आणि कोरोनाचे सर्व नियम पाळत आहेत.

प्रियंका गांधी यांना दुसऱ्यांदा कोरोना झाला आहे. याआधीही ३ जून रोजी प्रियांका गांधी आणि त्यांची आई सोनिया गांधी कोरोनाच्या विळख्यात आल्या होत्या.

Tested positive for covid (again!) today. Will be isolating at home and following all protocols.

— Priyanka Gandhi Vadra (@priyankagandhi) August 10, 2022

केंद्रीय आरोग्य मंत्रालयाच्या अहवालानुसार, आज देशात कोरोनाचे 16,047 नवीन रुग्ण आढळले आहेत. तर गेल्या 24 तासांत 19,539 लोक कोरोनातून बरे झाले आहेत. आरोग्य मंत्रालयाच्या अहवालानुसार, आता देशात कोरोनाचे सक्रिय रुग्ण 1,28,261 वर पोहोचले आहेत. त्याच वेळी, संसर्ग दर 4.94 टक्के आहे.

The post प्रियंका गांधी यांना दुसऱ्यांदा कोरोनाची लागण appeared first on थोडक्यात घडामोडी.

नवी दिल्ली : सोनिया गांधी यांच्यानंतर आता त्यांची मुलगी प्रियांका गांधी देखील कोरोना पॉझिटिव्ह झाल्या आहेत. प्रियांका यांनी स्वतः ट्विट करून ही माहिती दिली आहे. त्यांनी संपर्कात आलेल्या लोकांना आवश्यक ती खबरदारी घेण्याचे आवाहनही केले आहे.

तत्पूर्वी, काँग्रेसच्या सरचिटणीस प्रियांका गांधी या दोन दिवसांचा लखनौ दौरा आटोपून बुधवारी रात्री दिल्लीत परतल्या. काँग्रेसच्या अध्यक्षा सोनिया गांधी यांना कोरोनाची लागण झाली आहे. प्रियांका गांधीही त्यांच्या संपर्कात आल्या होत्या, त्यानंतर त्या लखनऊहून दिल्लीला परतल्याचं सांगण्यात येत आहे. आता त्यांचा अहवालही पॉझिटिव्ह आला आहे.

The post प्रियांका गांधी यांना कोरोनाची लागण, सोनिया गांधींच्या संपर्कात आल्या होत्या… appeared first on थोडक्यात घडामोडी.

मुंबई : मुंबईतील किंग एडवर्ड मेमोरियल रुग्णालयाच्या (केईएम) किमान 29 विद्यार्थ्यांची कोविड -19 चाचणी पॉझिटिव्ह आली आहे. यापैकी 27 विद्यार्थ्यांनी कोरोनाच्या दोनही लस घेतलेल्या आहेत. संक्रमित विद्यार्थ्यांपैकी 23 विद्यार्थी एमबीबीएसच्या दुसऱ्या वर्षात आहेत तर सहा विद्यार्थी पहिल्या वर्षात आहेत, असे अधिकाऱ्यांनी सांगितले.

मिळालेल्या माहितीनुसार, दोन विद्यार्थ्यांना शहरातील सेव्हन हिल्स रुग्णालयात उपचारासाठी दाखल करण्यात आले आहे, तर इतर विद्यार्थ्यांना विलगीकरणात ठेवण्यास सांगितले आहे. एकूण 1,100 विद्यार्थी महाविद्यालयातून MBBS अभ्यासक्रम शिकत आहेत. चाचणी केलेल्या सर्व 29 विद्यार्थ्यांना कोविडची लागण झाल्याचे केईएम रुग्णालयाचे डीन डॉ हेमंत देशमुख यांनी सांगितले.

The post मोठी बातमी! केईएम मधील MBBS च्या 29 विद्यार्थ्यांना कोरोनाची लागण appeared first on थोडक्यात घडामोडी.

नवी दिल्ली : देशातील कोरोना संसर्गाची स्थिती दिवसेंदिवस भयंकर होत चालली आहे. दररोज मोठ्या संख्येने नवीन कोरोना रुग्णांची भर पडत आहे. अशातच आता सर्वोच्च न्यायालयाचे बहुतेक कर्मचारी आणि कारकून कोरोना संक्रमित झाल्याची माहिती मिळत आहे.

दरम्यान, सूत्रांनी दिलेल्या माहितीनुसार, सर्वोच्च न्यायालयाचे 50 टक्के कर्मचारी कोरोना संक्रमित झाले आहेत. अशा परिस्थितीत खबरदारी म्हणून सर्वोच्च न्यायालयातील सर्व सुनावण्या आता व्हिडिओ कॉन्फरन्सिंगद्वारे होणार आहेत. या कालावधीत सर्व न्यायाधीश आता घरून काम करणार आहेत.

The post सर्वोच्च न्यायालयातील 50 टक्क्यांहून अधिक कर्मचारी कोरोना पॉझिटिव्ह appeared first on थोडक्यात घडामोडी.

मुख्यमंत्री उद्धव ठाकरे यांच्या पत्नी रश्मी ठाकरे यांना रुग्णालयात दाखल करण्यात आलं आहे. काही दिवसांपूर्वीच रश्मी ठाकरे यांना कोरोनाची लागण झाली होती. त्या घरीच विलगीकरणात होत्या. परंतु, आता त्रास जाणवू लागल्याने त्यांना दक्षिण मुंबईतील HN रिलायन्स रुग्णालयात दाखल करण्यात आलं.

राज्याचे पर्यावरण व पर्यटन मंत्री आदित्य ठाकरे यांना कोरोनाची लागण झाली होती. त्यांनी २० मार्चला यासंबंधी माहिती दिली होती. आदित्य ठाकरेंच्या संपर्कात असल्याने रश्मी ठाकरे यांचीही कोरोना चाचणी करण्यात आली असता ती पॉझिटिव्ह आली होती. यानंतर त्या विलगीकरणात होत्या. पण आता खोकल्याचा त्रास होऊ लागल्याने त्यांना रुग्णालयात दाखल करण्यात आलं आहे.

The post मुख्यमंत्री उद्धव ठाकरे यांच्या पत्नी रश्मी ठाकरे रुग्णालयात दाखल appeared first on थोडक्यात घडामोडी.

मुंबई : राष्ट्रवादी काँग्रेसचे नेते आणि राज्याचे सामाजिक न्यायमंत्री धनंजय मुंडे यांना पुन्हा एकदा कोरोनाची लागण झाली आहे. त्यांनी स्वतः ट्विट करत ही माहिती दिली कि माझी आज दुसऱ्यांदा कोरोना चाचणी पॉझिटिव्ह आली आहे. गेल्या काही दिवसात माझ्या संपर्कात आलेल्या सर्वांनी आपली तपासणी करून घ्यावी ही विनंती. गेल्या वर्षी १२ जून या दिवशी धनंजय मुंडे यांना पहिल्यांदा करोनाची लागण झाली होती. त्यावेळी उपचार घेत मुंडे यांनी कोरोनावर यशस्वीपणे मात केली होती.

माझी आज दुसऱ्यांदा कोरोना चाचणी positive आली आहे.गेल्या काही दिवसात माझ्या संपर्कात आलेल्या सर्वांनी आपली तपासणी करून घ्यावी ही विनंती.मी डॉक्टरांच्या सल्ल्यानुसार काळजी घेत आहे. काळजी करण्यासारखं काही नाही.सर्वांनी मास्क वापरावा,सोशल डिस्टन्सचे पालन करावे व स्वतःची काळजी घ्यावी.

— Dhananjay Munde (@dhananjay_munde) March 23, 2021

सामाजिक न्यायमंत्री धनंजय मुंडे यांनी ट्विटमध्ये म्हणतात, ‘माझी आज दुसऱ्यांदा कोरोना चाचणी positive आली आहे. गेल्या काही दिवसात माझ्या संपर्कात आलेल्या सर्वांनी आपली तपासणी करून घ्यावी ही विनंती. मी डॉक्टरांच्या सल्ल्यानुसार काळजी घेत आहे. काळजी करण्यासारखं काही नाही.सर्वांनी मास्क वापरावा, सोशल डिस्टन्सचे पालन करावे व स्वतःची काळजी घ्यावी.

The post राज्याचे सामाजिक न्यायमंत्री धनंजय मुंडे यांना पुन्हा करोनाची लागण; appeared first on थोडक्यात घडामोडी.

मुंबई : ‘बिग बॉस 14’ शोची बहुचर्चित स्पर्धक निक्की तांबोळी हिला कोरोनाची लागण झाली आहे. तिने स्वतः ही माहिती सोशल मीडियावर दिली आहे. तिने स्वत:ला विलगीकरणात ठेवल्याचे तिने सांगितले आहे.

निक्कीने म्हटलं की, ‘आज सकाळी मला कळले की, माझा कोरोना रिपोर्ट पॉझिटिव्ह आला आहे. मी स्वत:ला विलगीकरणात ठेवलेले आहे. मी डॉक्टरांच्या सल्ल्यानुसार सर्व नियमांचे पालन करून औषधोपचार घेत आहे. गेल्या काही दिवसात माझ्या संपर्कात आलेल्या लोकांना माझी विनंती आहे की, त्यांनी त्यांची स्वतःची कोरोना टेस्ट करुन घ्यावी. तुमचे प्रेम आणि समर्थनाबद्दल मी नेहमीच आभारी आहे. सुरक्षित रहा आणि नेहमी मास्क घाला. हात सॅनिटाइझ करा आणि सोशल डिस्टन्स पाळा.’

The post ‘बिग बॉस 14’ फेम निक्की तांबोळी हिला कोरोनाची लागण appeared first on थोडक्यात घडामोडी.

वाशिम : रिसोड तालुक्यातील देगावच्या एका आदिवासी वसतिगृहातील 229 विद्यार्थी आणि कर्मचाऱ्यांना कोरोनाची लागण झाली आहे. हॉस्टेलमध्ये एकूण 327 विद्यार्थी आहेत. विद्यार्थ्यांना कोरोनाची लक्षणे आढळून आल्याने त्यांची तपासणी करण्यात आली. यावेळी दोन दिवसांमध्ये चार शिक्षक व शिक्षकेतर कर्मचारी आणि २२९ विद्यार्थी बाधित आढळून आले आहेत. त्यानंतर हा परिसर कंटेनमेंट क्षेत्र म्हणून घोषित करण्यात आला आहे.

हे वसतिगृह यवतमाळ वाशिमच्या खासदार भावना गवळी यांचं आहे. दरम्यान, जिल्हाधिकाऱ्यांनी काल तातडीने या निवासी शाळेला भेट देत येथील परिस्थितीचा आढावा घेतला. तसेच कोरोना बाधित विद्यार्थ्यांना योग्य उपचार व इतर आवश्यक सुविधा पुरवण्याबाबत सूचना केल्या. कोरोनाबाधित विद्यार्थ्यांवर उपचार करण्यासाठी आरोग्य विभागाने दोन डॉक्टरांसह दोन आरोग्य पथके निवासी शाळेमध्ये तैनात ठेवावीत. शाळा व्यवस्थापनाने कर्मचाऱ्यांचे एक पथक ठेवावे. गट शिक्षणाधिकाऱ्यांनी कोणत्याही विद्यार्थ्यांची गैरसोय होणार नाही, याची दक्षता घेऊन विद्यार्थ्यांच्या आरोग्याचा आढावा घेण्याच्या सूचना जिल्हाधिकाऱ्यांनी दिल्या. शाळेमध्ये निवासी स्वरुपात राहणाऱ्या व बाधा न झालेल्या विद्यार्थ्यांची स्वतंत्र व्यवस्था करण्यात आली आहे.

The post भयंकर : वाशिम येथील वसतिगृहातील 229 विद्यार्थी आणि कर्मचाऱ्यांना कोरोनाची लागण appeared first on थोडक्यात घडामोडी.

वाशिम : पोहरादेवी येथे दोन दिवसांपूर्वी वनमंत्री संजय राठोड यांच्या समर्थनार्थ विविध ठिकाणहून हजारोंच्या संख्येने लोक जमले होते. येथे कोरोना नियमांचे उल्लंघन झाले होते. या गर्दीतून कोरोना संक्रमणाची मोठी भीती व्यक्त केली जात होती. त्यामुळे येथे जमलेल्या गर्दीला पांगवण्यासाठी पोलिसांना सौम्य लाठीचार्जही करावा लागला होता. आता पोहरादेवी येथील महंत कबिरदास महाराज यांच्यासह एकूण 19 जणांना कोरोनाची लागण झाल्याची माहिती मिळाली आहे.

कबिरदास महाराज पोहरादेवी मंदिर आणि सेवालाल महाराज ट्रस्टचे अध्यक्ष आहे. कबिरदास महाराज यांच्या कुटुंबातील तिघांनाही कोरोनाची लागण झाली आहे. काही जणांना कोरोनाची लक्षणं असल्याचीही माहिती समोर येत आहे. 23 फेब्रुवारी रोजी संजय राठोड यांनी प्रथम महंत कबिरदास महाराज यांची भेट घेतली होती. दरम्यान, कोरोनाचे नियम न पाळता गर्दी होत असेल तर संबंधितावर कारवाई करावी, असे निर्देश मुख्यमंत्र्यांनी दिले होते. त्यामुळे आता काय कारवाई केली जाणार, हा प्रश्न उपस्थित केला जात आहे.

The post पोहरादेवी येथील महंतांसह 19 जणांना कोरोनाची लागण, ‘त्या’ हजारो जणांचं काय होणार? appeared first on थोडक्यात घडामोडी.

पुणे : १३ डिसेंबर रोजी इंग्लंडमधून परतलेल्या पुण्यातील एका व्यक्तीचा कोरोना रिपोर्ट पॉझिटिव्ह आल्याची माहिती आरोग्य विभागाकडून मिळाली आहे. त्या व्यक्तीची प्रकृती सध्या स्थिर अशून, कोरोनाच्या विषाणूची स्ट्रेन तपासण्यासाठी त्यांचे नमुने पुण्यातील राष्ट्रीय विषाणू विज्ञान संस्थेकडे (NIV) पाठविण्यात येणार आहेत.

१३ डिसेंबर रोजी ही व्यक्ती पुण्यात परतली होती. १७ तारखेला त्याचा कोरोना रिपोर्ट पॉझिटिव्ह आला आहे. त्यामुळे त्या तरुणाला कोरोनाच्या नव्या ‘स्ट्रेन’ची लागण झाली आहे की नाही, हे तपासण्यासाठी ‘जेनेटिक सिक्वेन्सिंग’ चाचणी करण्यात येणार असल्याची माहिती आरोग्य विभागाने दिली आहे.

The post पुण्यातील इंग्लंडमधून परतलेली व्यक्ती आढळली कोरोना पॉझिटिव्ह appeared first on थोडक्यात घडामोडी.