बेंगळुरू : आज बेंगळुरू येथे एका कार्यक्रमादरम्यान भारतीय किसान युनियनचे नेते राकेश टिकैत यांच्यावर शाई फेकण्यात आली. टिकैत तेथे पत्रकार परिषद घेणार होते. कार्यक्रमादरम्यान जोरदार गोंधळ आणि हाणामारी देखील झाली.

भारतीय किसान युनियनचे नेते राकेश टिकैत कर्नाटक दौऱ्यावर आहेत. बेंगळुरू येथील गांधी भवन येथे राकेश टिकैत पत्रकार परिषद घेणार होते. यावेळी राकेश टिकैत यांच्यावर एका तरुणाने काळी शाई फेकली. शेतकरी नेते राकेश टिकैत आणि युधवीर सिंग यांच्यावर शाई फेकल्यानंतर सभागृहात गोंधळ उडाला. तिथे काही लोक एकमेकांवर खुर्च्या फेकताना दिसत आहेत, तर पार्श्वभूमीत मोदी-मोदी असा आवाज ऐकू येत आहे.

पत्रकार परिषदेदरम्यान काही लोकांनी त्यांच्याशी वाद घालण्यास सुरुवात केली आणि नंतर त्यांच्यावर काळी शाई फेकली. यानंतर त्यांनी तेथे खुर्च्याही फेकण्यास सुरुवात केली. राकेश टिकैत यांच्या म्हणण्यानुसार, ज्या लोकांनी त्यांच्यावर काळी शाई फेकली ते येथील शेतकरी नेते चंद्रशेखर यांचे समर्थक आहेत.

Rakesh Tikait faces black ink during a presser in Bengaluru!

Tikait had reportedly come to give clarification on allegations against a farmer leader. #RakeshTikait pic.twitter.com/WnXnqzagHD

— Gagandeep Singh (@Gagan4344) May 30, 2022

The post ब्रेकिंग! राकेश टिकैत यांच्यावर शाई फेकली, कार्यक्रमादरम्यान जोरदार गोंधळ आणि हाणामारी appeared first on थोडक्यात घडामोडी.

बेंगळुरू : ज्येष्ठ कन्नड अभिनेते ‘कलातपस्वी’ राजेश यांचे आज बेंगळुरू येथे निधन झाले. ते 89 वर्षांचे होते. त्यांना 9 फेब्रुवारीला श्‍वसनाचा त्रास आणि वयोमानाशी संबंधित आजारांमुळे बंगळुरू येथील एका खाजगी रुग्णालयात दाखल करण्यात आले होते. गेल्या काही दिवसांपासून रुग्णालयात असलेल्या राजेश यांना व्हेंटिलेटरवर ठेवण्यात आले होते. मात्र, आज (19 फेब्रुवारी) सकाळी त्यांची प्रकृती खालावली. ज्येष्ठ अभिनेत्याच्या निधनाने त्यांचे चाहते हळहळले.

15 एप्रिल 1932 रोजी बेंगळुरू येथे मुनी चौडप्पा म्हणून जन्मलेल्या राजेश यांनी शालेय आणि महाविद्यालयीन दिवसांपासून नाटकांमध्ये काम केले आहे. नंतर त्यांची ओळख विद्यासागर अशी झाली. चित्रपटसृष्टीत ते ‘कलातपस्वी’ राजेश म्हणून लोकप्रिय झाले. 60 च्या दशकात त्यांनी कन्नड चित्रपटसृष्टीत प्रवेश केला. त्यांच्या संपूर्ण कारकिर्दीत त्यांनी शेकडो चित्रपट पुरस्कार जिंकले आहेत.

राजेश यांची मुलगी आशा राणी देखील एक फिल्ममेकर आहे. अभिनेता अर्जुन सरजाने 1988 मध्ये आशा राणीसोबत लग्न केले होते.

The post ज्येष्ठ अभिनेते कलातपस्वी राजेश यांचे निधन appeared first on थोडक्यात घडामोडी.

बंगळुरु : बंगळुरुच्या कोरमंगलामध्ये ऑडी कारचा भीषण अपघात झाला. कारचा वेग खूप जास्त असल्यामुळे चालकाचा गाडीवरील ताबा सुटला आणि ही कार विजेच्या खांबाला जाऊन धडकली. या अपघातात सात जणांचा मृत्यू झाला आहे. मृतांमध्ये तामिळनाडूचे डीएमकेचे आमदार वाय प्रकाश यांचा मुलगा करुणा सागर आणि सून बिंदू यांच्यासह ७ जणांचा मृत्यू झाला.

मिळालेल्या माहितीनुसार, हा अपघात इतका भीषण होता की सहा जणांचा जागीच मृत्यू झाला तर एकाचा रुग्णालयात नेत असताना मृत्यू झाला. मृतांमध्ये तीन महिलांचा समावेश असून कारमधील सर्वजण 20 ते 30 वयोगटातील होते. हे सर्वजण ऑडी कार घेऊन रात्री फिरायला निघाले होते. रस्ता पूर्णपणे रिकामा असल्याने या गाडीचा चालक वेगाने गाडी चालवत होता. गाडी वेगात असल्यानं चालकाचा गाडीवरील ताबा सुटल्याने गाडी फुटपाथवर चढून विजेच्या खांबाला जोरात धडकली. रात्री २.३० वाजण्याच्या सुमारास हा अपघात झाला. पोलिसांनी दिलेल्या माहितीनुसार, कारमधील कुणीही सीटबेल्ट लावलेला नव्हता. या प्रकरणी आडुरुडी पोलिस स्टेशनमध्ये गुन्हा दाखल करण्यात आला आहे.

The post ऑडी कार विजेच्या खांबाला धडकून भीषण अपघात, आमदाराच्या मुलगा आणि सुनेसह ७ जणांचा मृत्यू appeared first on थोडक्यात घडामोडी.

IPL २०२१ डबल हेडर : IPL २०२१ च्या पहिल्या डबल हेडरमध्ये आज रॉयल चॅलेंजर्स बंगळुरू आणि कोलकाता नाईट रायडर्स यांच्यात दुपारी ३.३० वाजता सामना रंगणार आहे. चेन्नईच्या चेपक स्टेडियमवर हा सामना होईल. तर दिल्ली कॅपिटल्स आणि पंजाब किंग्ज यांच्यात रात्री ७.३० वाजता मुंबईच्या वानखेडे स्टेडियमवर खेळला जाईल.

मागील दोन्ही सामने रॉयल चॅलेंजर्स बंगळुरूने जिंकले आहेत. तर कोलकाता नाईट रायडर्स संघाने 2 पैकी 1 सामना जिंकला आणि 1 गमावला आहे. तर दिल्ली कॅपिटल्स आणि पंजाब किंग्ज या दोन्ही संघांनी 2 पैकी 1 सामना जिंकला आणि 1 गमावला आहे. या दोन्ही संघांची फलंदाजी खूपच मजबूत आहे. आतापर्यंत दिल्ली आणि पंजाब यांच्यात आयपीएलमध्ये एकूण 26 मॅच खेळल्या गेल्या आहेत. त्यापैकी पंजाबने 15 आणि दिल्लीने 11 सामने जिंकले.

खेळपट्टीचा अहवाल :

चेपकची खेळपट्टी स्पिनर्सला उपयुक्त ठरली आहे. या मोसमात फिरकी गोलंदाजांनी या मैदानावर 26 बळी घेतले आहेत. या मैदानावर या हंगामात आतापर्यंत 5 सामने झाले आहेत. त्यात प्रथम फलंदाजी करणार्‍या संघाने 4 सामने जिंकले तर नंतर फलंदाजी करणाऱ्या संघाने केवळ १ सामना जिंकला.

वानखेडेची खेळपट्टी वेगवान गोलंदाजांसाठी उपयुक्त ठरेल. 2019 मध्ये वानखेडे येथे 7 सामने खेळले गेले. यापैकी 3 वेळा प्रथम फलंदाजी करणाऱ्या संघाने 185 च्या वर धावा केल्या. दिल्ली कॅपिटलचा संघ अधिक आक्रमकपणे खेळत आहे आणि येथील खेळपट्टी त्यांच्या खेळाडूंच्या फलंदाजीला अधिक अनुकूल ठरेल, अशी शक्यता आहे. नाणेफेक जिंकणारा संघ प्रथम क्षेत्ररक्षण करण्याचा निर्णय घेऊ शकतो.

The post IPL डबल हेडर : आज दुपारी बेंगलुरु आणि कोलकाता यांच्यात सामना, तर रात्री दिल्ली आणि पंजाब यांच्यात सामना appeared first on थोडक्यात घडामोडी.

६२ वर्षीय पुजाऱ्यानं १० वर्षांच्या चिमुकलीवर बलात्कार केल्याची संतापजनक घटना बंगळुरूमध्ये घडली आहे. मंदिरात पुजारी म्हणून काम करणाऱ्या व्यक्तीनं मुलीच्या घरातच हे कृत्य केलं. २४ नोव्हेंबर रोजी बंगळुरूतील देवाणहल्ली परिसरात ही घटना घडली. वेंकटरामणप्पा असं ६२ वर्षीय आरोपीचं नाव आहे.

आरोपी मंदिरात पुजाऱ्याचं काम करतो. तो आपल्या मुलीची भेट घेण्यासाठी तिच्या घरी आला होता. देवाणहल्ली परिसरात त्याची मुलगी राहते. वेंकटरामणप्पा याचा जावई चौडेश्वरी मंदिरात पुजारी आहे. जावई शहराबाहेर गेलेला असल्यानं वेंकटरामणप्पा मंदिरातील मदतीसाठी मुलीकडे आला होता. २४ नोव्हेंबर रोजी दुपारी वेंकटरामणप्पा घरात होते. दुपारी ४.३० वाजेच्या सुमारास आरोपीला घराच्या परिसरात खेळणारी मुलगी दिसली. आरोपीनं तिला बोलावून खाऊ देण्याचं आमिष देत अत्याचार केला.

दरम्यान, मुलगी घरी आली नाही, म्हणून तिच्या कुटुंबीयांनी मुलीचा शोध घेणं सुरू केलं. यावेळी मंदिराबाहेर फुल विकणाऱ्या महिलेनं मुलीच्या कुटुंबीयांना सांगितलं की, तिने मुलीला पुजाऱ्याच्या घरात जाताना पाहिलं होतं. त्यानंतर मुलीचे कुटुंबीय पुजाऱ्याच्या घरी गेले. त्यावेळी त्यांना मुलगी रडत असल्याचं दिसलं. मुलीनं घडलेली घटना कुटुंबीयांना सांगितली. लोकांनी घराबाहेर मोठी गर्दी केली.

पोलिसांनी घटनास्थळी जाऊन मुलीला तिच्या कुटुंबीयांसोबत वैद्यकीय तपासणीसाठी शासकीय रुग्णालयात नेण्यात आले. सीसीटीव्ही फुटेज, फुल विक्रेत्या महिलेची साक्ष यावरून पोलिसांनी वेंकटरामणप्पा याला ताब्यात घेतलं. त्याच्याविरुद्ध बलात्कार आणि पोक्सो कायद्यातंर्गत गुन्हा दाखल करण्यात आला आहे.

The post संतापजनक : ६२ वर्षीय पुजाऱ्यानं केला चिमुकलीवर बलात्कार appeared first on थोडक्यात घडामोडी.

आयपीएलच्या आजच्या डबल हेडरमध्ये (एका दिवसात 2 सामने), 4 संघांपैकी दोन संघांना प्ले-ऑफमध्ये आपले स्थान निश्चित करण्याची संधी आहे. मुंबई इंडियन्स आधीच प्ले ऑफमध्ये पोहोचला आहे. आज मुंबई इंडियन्स आणि दिल्ली कॅपिटल्स यांच्यात दुपारी ३.30 वाजता दुबई येथे सामना रंगेल. यानंतर रॉयल चॅलेंजर्स बंगळुरू आणि सनरायझर्स हैदराबाद यांच्यात शारजाह येथे सायंकाळी ७.30 वाजता सामना होईल.

दिल्ली आणि बेंगळुरू जर आज सामना जिंकले तर प्ले ऑफमध्ये दोन्ही संघ निश्चित होतील. हा सामना हैदराबादला तर जिंकावाच लागेल. जर हैदराबाद संघ येथे पराभूत झाला तर त्यांना प्ले-ऑफसाठी किंग्ज इलेव्हन पंजाब, राजस्थान रॉयल्स आणि कोलकाता नाईट रायडर्सच्या सामन्यांच्या निकालांवर अवलंबून राहावे लागेल.

मागच्या वेळी या दोन्ही संघात झालेल्या सामन्यात मुंबईने दिल्लीला 5 गडी राखून पराभूत केले. अबू धाबी येथे झालेल्या मोसमातील 27 व्या सामन्यात दिल्लीने प्रथम फलंदाजी करताना 4 गडी गमावून 162 धावा केल्या. प्रत्युत्तरादाखल मुंबईने 5 विकेटवर 166 धावा करुन सामना जिंकला.

मोसमातील 11 व्या सामन्यात बेंगळुरूने हैदराबादला 10 धावांनी पराभूत केले. दुबईत खेळल्या गेलेल्या सामन्यात बंगळुरुने प्रथम फलंदाजी करताना 5 गडी गमावून 163 धावा केल्या. प्रत्युत्तरादाखल हैदराबादचा संघ 153 धावा करू शकला.

दुबई आणि शारजाहमधील खेळपट्टी फलंदाजांना मदत करू शकते. येथे स्लो विकेटमुळे स्पिनर्सनाही खूप मदत होईल. दोन्ही ठिकाणी नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 डबल हेडर : आज मुंबई आणि दिल्ली यांच्यात ३.30 वाजता मैच, बंगळुरू आणि हैदराबाद यांच्यात ७.30 वाजता मैच appeared first on थोडक्यात घडामोडी.