नवी दिल्ली : ऍलोपॅथीच्या विरोधात भाषणबाजीच्या बाबतीत पतंजली योगपीठाचे संस्थापक बाबा रामदेव यांच्या अडचणी वाढत आहेत. सर्वोच्च न्यायालयाने त्यांना नोटीस पाठवून समन्स बजावले आहे. सर्वोच्च न्यायालयाने विचारले आहे की, याची काय हमी आहे की रामदेव सर्व आजार बरे करतील? यापूर्वी दिल्ली उच्च न्यायालयानेही त्यांना ऍलोपॅथीच्या विरोधात बोलून लोकांची दिशाभूल करू नका, असा सल्ला दिला होता.

मंगळवारी इंडियन मेडिकल असोसिएशनच्या (आयएमए) याचिकेवर सुनावणी करताना सर्वोच्च न्यायालयाने पतंजली आयुर्वेद आणि केंद्र सरकारलाही नोटीस बजावली आहे. ऍलोपॅथीची बदनामी करणाऱ्या जाहिराती दाखवल्याबद्दल कोर्टाने स्पष्टीकरण मागितले आहे. भारताचे सरन्यायाधीश एनव्ही रमणा यांनी सुनावणीदरम्यान सांगितले की, ‘रामदेव आपली यंत्रणा लोकप्रिय करू शकतात, पण इतरांवर टीका का करावी? त्यांनी योगाला लोकप्रिय बनवावे, पण इतर व्यवस्थेबाबत चुकीचे बोलणे त्यांनी टाळावे. ते त्यांच्या व्यवस्थेची महानता सांगू शकतात. परंतु, त्यांनी सर्व डॉक्टर्स, ऍलोपॅथी, प्रत्येक औषध पद्धतीवर आरोप का करावेत? असा सवाल एनव्ही रमणा यांनी केला.

खंडपीठाने असा सवाल केला कि, रामदेव ज्या गोष्टींचे पालन करतात त्या सर्व रोग बरे करतील याची काय हमी आहे, या खटल्याच्या सुनावणीत सहभागी असलेले दुसरे न्यायमूर्ती सीटी रविकुमार म्हणाले की, जणू ऍलोपॅथीची थट्टा केली जात आहे.

कोरोनाच्या काळात बाबा रामदेव यांनी कोरोनिल नावाचे औषध लॉन्च केले होते आणि दावा केला होता की त्याच्या सेवनाने कोरोनाबाधित रुग्ण बरा होतो. यासोबतच त्यांनी कोरोनिलची विक्री वाढवण्यासाठी अ‍ॅलोपॅथिक औषध पद्धती आणि आरोग्य संस्थांकडून प्रमाणित केलेल्या लसीवर टीका केली होती. त्यांनी लसीबाबत लोकांची दिशाभूल करण्याचा खूप प्रयत्न केला होता.

रामदेव म्हणाले होते की, लस मिळाल्यानंतरही अमेरिकेचे राष्ट्राध्यक्ष जो बायडन यांना कोरोना झाला, हे वैद्यकीय शास्त्राचे अपयश आहे. यावर दिल्ली उच्च न्यायालयानेही बाबा रामदेव यांना फटकारले होते. त्यांनी ऍलोपॅथीच्या विरोधात वक्तव्य करून लोकांची दिशाभूल करू नये, असे न्यायालयाने म्हटले होते.

The post बाबा रामदेव यांना ऍलोपॅथीच्या विरोधात बोलणं पडलं महागात, सर्वोच्च न्यायालयाने फटकारले appeared first on थोडक्यात घडामोडी.

नवी दिल्ली : बाबा रामदेव यांचा एक व्हिडिओ व्हायरल होत आहे. त्यामध्ये त्यांनी असा दावा केला आहे की भारतात कोरोना लसीचे दोन्ही डोस घेतल्यानंतरही १००० डॉक्टरांचा मृत्यू झाला आहे. ते पुढे म्हणतात की डॉक्टर स्वतःला वाचवू शकले नाहीत मग त्यांची डॉक्टरी काय कामाची? त्यापेक्षा डॉक्टर बनायचं असेल तर स्वामी रामदेव सारखं बना.

व्हायरल व्हिडिओमध्ये बाबा रामदेव म्हणत आहेत कि, “कोरोना लसीचे दोन्ही डोस घेऊनही 1000 पेक्षा जास्त डॉक्टरांचा मृत्यू झाला आहे. जर स्वत: ला वाचवू शकले नाहीत तर त्यांची डॉक्टरी काय कामाची? असे म्हणत त्यांनी डॉक्टरांची खिल्ली उडवली असून कोरोना लसीच्या प्रभावीपणाची देखील थट्टा केली आहे. तसेच त्यांनी स्वतःची पाठ थोपटत ते स्वतः “देवत्व” आणि “सन्मान” असलेले डॉक्टर असल्याचा दावाही केला आहे.”

पुढे बाबा रामदेव म्हणाले कि, “जर तुम्हाला डॉक्टर बनायचे असेल तर स्वामी रामदेवसारखे बना, ज्याच्याकडे कोणतीही डिग्री नाही, पण ते सर्वांचे डॉक्टर आहेत. कोणत्याही पदवीविना, देवत्व आणि सन्मान असलेला मी एक डॉक्टर आहे.”

Nothing more needs to be said
Nothing more needs to be heard
He is an insult to any religion. At least let him drop the ‘Swami’ prefix
He is as far removed from “divinity” as one could be.#Ramdev #Doctors @drharshvardhan @MoHFW_INDIA @PMOIndia pic.twitter.com/COH9f1Ztm4

— Dr Ambrish Mithal (@DrAmbrishMithal) May 24, 2021

खरं तर, गेल्या आठवड्यात इंडियन मेडिकल असोसिएशनने सांगितले होते की कोरोनाविरुद्धच्या दुसर्‍या लाटेमुळे देशभरातील २44 पेक्षा जास्त डॉक्टरांचा मृत्यू झाला. परंतु यापैकी केवळ सात डॉक्टरांना कोरोनाचे दोनही डोस देण्यात आले होते.

बाबा रामदेव यांच्या ऍलोपॅथीबद्दलच्या ‘त्या’ वादग्रस्त वक्तव्याचा इंडियन मेडिकल असोसिएशनने केला निषेध

‘पतंजली’च्या डेअरी व्यवसायाचे सीईओ सुनील बन्सल यांचं कोरोनामुळे निधन

The post बाबा रामदेव यांचं पुन्हा वादग्रस्त वक्तव्य, स्वतःची पाठ थोपटत डॉक्टरांबद्दल हीन दर्जाची टीका appeared first on थोडक्यात घडामोडी.

नवी दिल्ली : बाबा रामदेव यांच्या ‘पतंजली’च्या डेअरी व्यवसायाचे मुख्य कार्यकारी अधिकारी सुनील बन्सल यांचं कोरोनामुळे निधन झालं आहे. ते 52 वर्षांचे होते. त्यांच्यावर रुग्णालयात उपचार सुरु होते. मात्र, १९ मे रोजी उपचारादरम्यान त्यांचं निधन झालं.

मिळालेल्या माहितीनुसार, सुनील बन्सल काही दिवसांपासून सर्दी-तापानं आजारी होते. त्यामुळे कोरोना चाचणी केली असता त्यांना कोरोनाची लागण झाल्याचं स्पष्ट झालं. कोरोना संसर्ग त्यांच्या फुफ्फुसापर्यंत पोहचला होता. त्यांना रुग्णालयात दाखल करण्यात आलं होतं. गेल्या काही दिवसांपासून त्यांना व्हेन्टिलेटरवर ठेवण्यात आलं होतं. परंतु, त्यांच्या प्रकृतीत कोणतीही सुधारणा झाली नाही आणि अखेर त्यांचा मृत्यू झाला. त्यांना ब्रेन हॅमरेज झाल्याचं डॉक्टरांनी स्पष्ट केलं.

सुनील बन्सल पतंजली आयुर्वेदच्या डेअरी व्यवसायाचा कार्यभार २०१८ पासून सांभाळत होते. बन्सल यांनीच संस्थेला दूध, दही, ताक आणि पनीरसहीत इतर डेअरी प्रोडक्ट तयार करण्याचा सल्ला दिला होता, त्यानंतर पतंजलीने हे सर्व पदार्थ बाजारात आणले होते.

बाबा रामदेव यांच्या ऍलोपॅथीबद्दलच्या ‘त्या’ वादग्रस्त वक्तव्याचा इंडियन मेडिकल असोसिएशनने केला निषेध

The post ‘पतंजली’च्या डेअरी व्यवसायाचे सीईओ सुनील बन्सल यांचं कोरोनामुळे निधन appeared first on थोडक्यात घडामोडी.

नवी दिल्ली : बाबा रामदेव यांनी ऍलोपॅथिक सायन्स आणि डॉक्टरांवर केलेल्या वक्तव्याचा इंडियन मेडिकल असोसिएशनने निषेध केला आहे. इंडियन मेडिकल असोसिएशनने जारी केलेल्या निवेदनात म्हटलं आहे की बाबा रामदेव यांनी अॅलोपॅथिक सायन्स आणि डॉक्टरांबाबत जी अवमानजनक भाषा वापरली आहे त्याचा आम्ही निषेध करतो.

सोशल मीडियावर बाबा रामदेव यांचा एक व्हिडीओ व्हायरल होत आहे. त्यामध्ये बाबा रामदेव ऍलोपॅथिक सायन्स विषयी अवमानजनक भाषा वापरताना दिसत आहेत. ऍलोपॅथी हा प्रकार म्हणजे मुर्खपणा आहे आणि तो दिवाळे काढणारा आहे, असं बाबा रामदेव बोलताना दिसत आहेत. तसेच या व्हिडीओमध्ये बाबा रामदेव ऍलोपॅथीच्या अपयशाबद्दल भरभरून बोलताना दिसत आहेत.

ALLOPATHY STUPID OR DIWALIA SCIENCE?
WHAT IS THIS?
STOP VIOLENCE A/G DOCTORS

Isn’t he above in hierarchy?

Inko health minister banao.

I think time has come to make Ramdev ji incharge of Covid 19 in India ??

Let him develop task force & take over as Covid man of India
(1/2) pic.twitter.com/6hajNItfOR

— Dr Amarinder Singh Malhi MBBS/MD/DM@aiims_newdelhi (@drasmalhi) May 21, 2021

इंडियन मेडिकल असोसिएशन द्वारका, दिल्लीच्या वतीने जारी केलेल्या निवेदनात म्हटले आहे कि, “राम कृष्ण यादव उर्फ स्वयंघोषित रामदेव बाबा यांनी अॅलोपॅथिक सायन्स आणि डॉक्टरांबाबत जी अवमानजनक भाषा वापरली आहे त्याचा आम्ही निषेध करतो. कोरोना लढ्यात 1200 हून अधिक डॉक्टरांनी आपल्या प्राणाचे बलिदान दिलं आहे, त्यांचा बाबा रामदेव यांनी अपमान केला आहे. देश कोरोनाच्या भयंकर संकटाला तोंड देत असताना बाबा रामदेव यांनी वापरलेल्या अवमानजनक आणि असंस्कृत भाषेमुळे समस्त डॉक्टर वर्गाच्या कामामध्ये नकारात्मकता येऊ शकते.

आपल्या जीवाचा विचार न करता देशातील डॉक्टर कोरोनाच्या या काळात झोकून देऊन रुग्णांची सेवा करत आहेत आणि हे स्वयंघोषित व्यापारी बाबा त्यांच्याबद्दल चुकीची माहिती आणि तिरस्कार समाजात पसरवत आहेत. तसंच बाबा रामदेव यांच्या वक्तव्यामुळे डॉक्टर आणि रुग्णांच्या संबंधावर परिणाम होऊ शकतो.

Press Release

Indian Medical Association Dwarka Strongly condemns Ram Kishan Yadav aka Self Proclaimed Baba Ramdev who has used derogatory words against Allopathic science & Medical Doctors .
He has belittled the sacrifice of more than 1200 Doctors who have laid their lives

— Indian Medical Association Dwarka , Delhi (@IMAdwarka) May 21, 2021

this self proclaimed businessmen baba is spreading hatred & misinformation regarding science & also damaging crucial doctor – patients relationships.

This hate speech during this time can damage social & scientific fabric of nation & We strongly condemn Ramdev for his speech

— Indian Medical Association Dwarka , Delhi (@IMAdwarka) May 21, 2021

काही काळापूर्वी कोरोनावर औषध सापडल्याचा दावा बाबा रामदेव यांनी केला होता. पतंजलीच्या कोरोनिल टॅबलेटला जागतिक आरोग्य संघटेनेने प्रमाणपत्र दिल्याचंही त्यांनी सांगितलं होतं. त्यावर जागतिक आरोग्य संघटनेने प्रमाणपत्र दिल्याची बातमी खोटी असल्याचे इंडियन मेडिकल असोसिएशनने स्पष्ट केले होते.

Ford F 150 Lightning सिंगल चार्जमध्ये 483 किमी रेंज, बुकिंगसाठी ग्राहकांच्या रांगा, एकाच दिवसात 20,000 बुकिंग्स

ऑक्सिजनअभावी रुग्णाचा मृत्यू झाल्यास शासन जबाबदार, औरंगाबाद खंडपीठाचा मोठा निर्णय

The post बाबा रामदेव यांच्या ऍलोपॅथीबद्दलच्या ‘त्या’ वादग्रस्त वक्तव्याचा इंडियन मेडिकल असोसिएशनने केला निषेध appeared first on थोडक्यात घडामोडी.

मुंबई : कोरोनावरील कोरोनील औषधावरून सध्या वादाला सुरुवात झाली आहे. हे औषध योगगुरू रामदेव बाबा यांच्या ‘पतंजली’ कंपनीनं तयार केलेलं आहे. त्यातच आता इंडियन मेडिकल असोसिएशननं (IMA) या औषधाविषयी अनेक प्रश्न उपस्थित केले आहेत. त्यामुळे याची दाखल घेऊन राज्याचे गृहमंत्री अनिल देशमुख यांनी भूमिका मांडली आहे.

गृहमंत्री अनिल देशमुख यांनी ट्वीटच्या माध्यमातून भूमिका स्पष्ट केली. ते म्हणाले कि, “पतंजलीच्या कोरोनील औषधाच्या वैद्यकीय चाचणीवर ‘आयएमए’ने प्रश्न उपस्थित केले आहेत. जागतिक आरोग्य संघटनेनं (WHO) सुद्धा हे औषध कोरोनावर परिणामकारक असल्याचा पतंजली आयुर्वेदचा दावा फेटाळला आहे. इतक्या घाईने हे औषध बाजारात आणणं आणि दोन ज्येष्ठ केंद्रीय मंत्र्यांनी याला समर्थन देणं योग्य नाही.”

‘जागतिक आरोग्य संघटना, आयएमए व इतर संबंधित मान्यताप्राप्त आरोग्य संस्थांकडून योग्य प्रमाणीकरण झाल्याशिवाय कोरोनील या औषधाच्या विक्रीस महाराष्ट्रात परवानगी दिली जाणार नाही,’ असं देशमुख यांनी स्पष्ट केलं आहे.

पतंजलीच्या #Coronil औषधाच्या वैद्यकीय चाचणीवर #IMA ने प्रश्न उपस्थित केले असून #WHO ने सुद्धा हे औषध कोरोनावर परिणामकारक असल्याचा पतंजली आयुर्वेदचा चुकीचा दावा फेटाळला आहे. इतक्या घाईने हे औषध बाजारात आणण आणि दोन ज्येष्ठ केंद्रीय मंत्र्यांनी याला समर्थन देणं योग्य नाही.(१/२)

— ANIL DESHMUKH (@AnilDeshmukhNCP) February 23, 2021

काही दिवसांपूर्वी केंद्रीय आरोग्यमंत्री डॉ. हर्षवर्धन व परिवहनमंत्री नितीन गडकरी यांच्या उपस्थितीत हे औषध आणण्यात आले. सुरुवातीला रोगप्रतिकारशक्ती वाढवण्यासाठी हे औषध असल्याचा दावा करण्यात आला होता. मात्र आता ते संपूर्ण करोनावर मात करणारे औषध म्हणून सांगितले जात आहे. प्रत्यक्षात या औषधाला कुठल्याही अधिकृत संघटनेकडून मान्यता मिळालेली नाही. तसं असल्यास सिद्ध करावं, हा प्रकार सर्वसामान्यांची दिशाभूल करणारा व त्यांच्या आरोग्याशी खेळ करणारा आहे. असं ‘IMA’ ने म्हटलं आहे.

The post ‘पतंजली’ च्या कोरोनील औषधाच्या विक्रीस महाराष्ट्रात मनाई appeared first on थोडक्यात घडामोडी.