मुंबई : इंटरनेटच्या माध्यमातून ऑनलाईन पोर्टलवर गर्भपातासाठी वापरात येणारी औषधे नियमबाह्य पद्धतीने विक्री होत असल्याचे प्रशासनाच्या निदर्शनास आले होते. या ऑनलाईन विक्रीची पडताळणी करण्यासाठी विविध ऑनलाईन विक्री पोर्टल्स वर विनाप्रिस्क्रीप्शन MTP kit या औषधाची मागणी नोंदविण्यात आली होती.

ॲमेझॉन (amazon.in) या ऑनलाईन पोर्टल वर A-Kare या ब्रँड नावाने गर्भपाताचे औषध उपलब्ध असल्याचे आढळून आले होते. या औषधाची मागणी amazon.in द्वारे डॉक्टरांच्या प्रिस्क्रीप्शनची मागणी न करता स्वीकारली गेली व हे औषध कुरियरने प्राप्त झाले. या कुरियर पार्सलसोबत औषध विक्रीचे बिल प्राप्त झाले नाही. या औषधाच्या विक्री प्रकरणात प्रशासनाने ॲमेझॉन सेलर्स सर्विसेस ला माहिती विचारली असता ही औषधे ओरिसा येथून पुरवठा करण्यात आल्याचे कळविण्यात आले. ॲमेझॉनने पुरविलेल्या माहितीच्या आधारे पुढील तपासात ओरिसा येथील विक्रेत्याने सदर औषध पुरविले नसून त्याचे औषध विक्री दुकानाचे कागदपत्रे वापरून सदर औषध विक्रीसाठी इतर व्यक्तीने ॲमेझॉनच्या ऑनलाईन पोर्टलवर नोंदणी केली असल्याचे आढळून आले.

MTP kit हे औषधे सौंदर्य प्रसाधने कायदा, १९४० व नियमांतर्गत अनुसूची H प्रवर्गातील औषध असून त्याची विक्री केवळ पंजीकृत वैद्यकीय व्यवसायिकाच्या प्रिस्क्रीप्शन वरच करणे बंधानकारक आहे. तसेच वैद्यकीय गर्भपात कायदा, २००२ व नियम, २००३ नुसार सदर औषधाचा वापर अधिकृत आरोग्य सुविधा असलेल्या ठिकाणी व सेवा पुरविणाऱ्याच्या पर्यवेक्षणाखाली करण्यात येणे बंधनकारक आहे.

amazon.in या ऑनलाईन पोर्टलच्या माध्यमातून विक्री करण्यात येणाऱ्या वस्तूच्या यादीत औषधे घटक अंतर्भूत नाही. या प्रकरणात ॲमेझॉनने त्यांच्या माध्यमातून औषधे विक्री करण्यास नोंदणी करणाऱ्या संस्था/व्यक्ती यांची शहानिशा केली नाही. amazon.in या ऑनलाईन पोर्टल वर सदर विक्रेत्याने MTP kit या गर्भपातासाठी वापरात येणाऱ्या औषध प्रकारचे नाव न देता ब्रांड नावाने (A-Kare tablets) विक्रीसाठी नोंदणी केली. औषधांच्या विक्रीसाठी प्रचलित कायदे व नियमांचे पालन करणे बंधनकारक आहे या बाबत खात्री ॲमेझॉनद्वारे करण्यात आली नाही. डॉक्टरांच्या प्रिस्क्रीप्शन शिवाय ज्या औषधांची विक्री करणे रुग्णाच्या आरोग्याच्या दृष्टीने अत्यंत धोकादायक आहे, अश्या गर्भपाताच्या औषधाची सर्रास विना प्रिस्क्रीप्शन विक्री ॲमेझॉनद्वारे केली गेली आहे.

वरील प्रकरणी A-Care या ब्रांड नावाने गर्भपाताच्या औषधाची विक्री संबंधित विक्रेत्याने व amazon.in यांनी संगनमताने करून भारतीय दंड संहिता, १८६० औषधे सौंदर्य प्रसाधने कायदा, १९४० व नियम, १९४५ तसेच माहिती तंत्रज्ञान कायदा, २००० अंतर्गत Intermediaries साठी असणाऱ्या नियमांचे उल्लंघन केले असल्याचे आढळून आले. त्यामुळे amazon.in या ऑनलाईन विक्री पोर्टल व संबंधित विक्रेत्याविरुद्ध खेरवाडी पोलीस स्टेशन बांद्रा (पूर्व) येथे भारतीय दंड संहिता ,१८६० व माहिती व तंत्रज्ञान कायदा २००० सहवाचन औषधे सौंदर्य प्रसाधने कायदा १९४० च्या विविध कलमाखाली २९ एप्रिल रोजी औषध निरीक्षक (गुप्तवार्ता )मुख्यालय द्वारे गुन्हा दाखल करण्यात आला आहे. पोलीस पुढील तपास करत आहेत.

The post गर्भपाताच्या औषधाची ऑनलाईन विक्री करणाऱ्या amazon विक्रेत्यावर अन्न व औषध प्रशासनाची कारवाई appeared first on थोडक्यात घडामोडी.

नवी दिल्ली : सॅमसंगचा Galaxy M32 5G हा स्मार्टफोन आज भारतात लॉन्च होणार आहे. या फोनला ई-कॉमर्स वेबसाइट Amazon वर लिस्ट करण्यात आले आहे. Amazon वरील मायक्रोसाइटवर या फोनच्या फीचर्सची माहिती मिळते. सॅमसंगच्या या स्मार्टफोनमध्ये ऑक्टा-कोर मीडियाटेक डायमेंसिटी ७२० प्रोसेसर आणि क्वाड रियर कॅमेरा सेटअप मिळेल. या फोनची किंमत जवळपास २० ते २५ हजार रुपये असू शकते.

Samsung Galaxy M32 5G आज दुपारी १२ वाजता लॉन्च करण्यात येणार आहे. हा फोन Amazon, Samsung.com आणि प्रमुख रिटेल स्टोअर्सवरून २ सप्टेंबरपासून खरेदी करू शकता.

Samsung Galaxy M32 5G चे फीचर्स :

1. या फोनमध्ये वॉटरड्रॉप-स्टाइल नॉच डिस्प्ले देण्यात आला आहे.
2. यामध्ये क्वाड रियर कॅमेरा सेटअप देखील मिळेल. याचा प्रायमरी सेंसर ४८ मेगापिक्सल असेल.
3. फोन मीडियाटेक डायमेंसिटी ७२० प्रोसेसरसह येईल. सेल्फीसाठी यात १३ मेगापिक्सलचा कॅमेरा मिळेल.
4. पॉवरसाठी यात ५००० एमएएचची दमदार बॅटरी दिली जाईल.
5. यात १२ ५जी बँडचा सपोर्ट मिळेल.
6. काही दिवसांपूर्वी समोर आलेल्या रिपोर्टनुसार, फोनमध्ये ६.५ इंच एचडी+ टीएफटी इन्फिनिटी व्ही डिस्प्ले मिळेल, याचे रिझॉल्यूशन ७२०x१६०० पिक्सल आहे.
7. यावर कॉर्निंग गोरिला ग्लास ५ प्रोटेक्शन देण्यात आले आहे.
8. फोन ६० हर्ट्ज रिफ्रेश रेटसह येईल.
9. यात ६ जीबी रॅम आणि १२८ जीबी स्टोरेज मिळेल.
10. फोनचा दुसरा सेंसर ८ मेगापिक्सल अल्ट्रा वाइड लेंस, तिसरा ५ मेगापिक्सल डेप्थ कॅमेरा आणि चौथा २ मेगापिक्सल मॅक्रो सेंसर असेल.

The post Samsung Galaxy M32 5G स्मार्टफोन आज भारतात लॉन्च होणार, जाणून घ्या जबरदस्त फीचर्स… appeared first on थोडक्यात घडामोडी.

मुंबई : अंमलबजावणी संचालनालयाने (ED) ई-कॉमर्स कंपनी अॅमेझॉनच्या विरोधात तपास सुरु केला आहे. हा तपास फॉरेन एक्सचेन्ज मॅनेजमेन्ट अॅक्टच्या (FEMA) उल्लंघन प्रकरणी करण्यात येत आहे. मिळालेल्या माहितीनुसार, फेमा कायद्याच्या विविध कलमांचे उल्लंघन केल्याप्रकरणी अॅमेझॉनच्या विरोधात ईडीने तपास सुरु केला आहे. या कारवाईचे निर्देश वाणिज्य मंत्रालयाकडून ईडीला देण्यात आले असल्याची माहिती मिळत आहे.

अॅमेझॉनच्या अडचणी वाढण्याची शक्यता आहे. या आधी दिल्ली उच्च न्यायालयानेही अॅमेझॉन विरोधात टिपण्णी केली होती. अॅमेझॉनने रिलायन्स समूह आणि फ्यूचर रिटेल ग्रुपमध्ये झालेल्या कराराला दिल्ली उच्च न्यायालयात आव्हान दिलं होतं. गेल्या महिन्यात दिल्ली उच्च न्यायालयाने यावर सुनावणी करताना म्हटलं होतं की काही तडजोडींच्या माध्यमातून फ्यूचर रिटेल ग्रुपवर अॅमेझॉन आपले अप्रत्यक्ष स्वरुपात नियंत्रण प्रस्थापित करण्याचा प्रयत्न करत आहे आणि हे फेमा आणि प्रत्यक्ष परकीय गुंतवणूक कायद्याचं (FDI) उल्लंघन समजले जाईल.

दरम्यान, दिल्ली उच्च न्यायालयाची टिपण्णी आणि वाणिज्य मंत्रालयाचे निर्देश आल्यानंतर ईडीने अॅमेझॉन विरोधात तपास सुरु केला आहे. लवकरच अॅमेझॉनकडून याप्रकरणी सविस्तर माहिती मागवण्यात येण्याची शक्यता आहे.

The post अॅमेझॉनच्या अडचणीत वाढ, दिल्ली उच्च न्यायालयाच्या टिपण्णीनंतर आता ED चा अॅमेझॉन विरोधात तपास सुरु appeared first on थोडक्यात घडामोडी.

मुंबई : मनसेने केलेल्या आंदोलनानंतर अॅमेझॉनने काहीशी माघार घेतल्याचं दिसत आहे. आज मनसे नेते आणि अॅमेझॉनच्या अधिकाऱ्यांमध्ये व्हिडीओ कॉन्फरन्सिंगच्या माध्यमातून चर्चा झाली. आज अॅमझॉनच्या अधिकाऱ्यांनी विविध प्लॅटफॉर्मवर लवकरच मराठी भाषेचा समावेश करणार असल्याचं आश्वासन दिल्याचा दावा मनसे नेते अखिल चित्रे यांनी केला आहे.

अखिल चित्रे यांनी सांगितलं की, अॅमेझॉनच्या अधिकाऱ्यांनी मनसे नेत्यांसोबत चर्चा केली. आम्ही अॅप आणि वेबसाईटवर चूज युवर ओन लॅन्ग्वेज या पर्यायात लवकरच मराठी भाषा आणत आहोत. आम्ही क्षमस्व आहोत, असं अॅमेझॉनने म्हटलं आहे.

The post मनसेच्या आंदोलनानंतर अॅमेझॉनने घेतली माघार, लवकरच मराठी भाषेचा समावेश करणार appeared first on थोडक्यात घडामोडी.

मनसे कार्यकर्त्यांनी पुण्यानंतर मुंबईतील अ‍ॅमेझॉनची कार्यालयं फोडली आहेत. अ‍ॅमेझॉनचं पुण्यातील कार्यालय फोडण्यात आलं. पुण्यातील कोंढवा भागातील ॲमेझोनच्या कार्यालयाची मनसे कार्यकर्त्यांकडून तोडफोड करण्यात आली. त्यानंतर मुंबईत मनसे कार्यकर्त्यांनी चांदिवली येथील अ‍ॅमेझॉनच्या दोन कार्यालयात घुसून तोडफोड केली आहे. यावेळी कार्यकर्त्यांकडून ‘मराठी नाय तर अ‍ॅमेझॉन नाय’ अशी घोषणाबाजी करण्यात आली.

मनसेने सुरु केलेल्या मराठी भाषेच्या मोहिमेविरोधात अ‍ॅमेझॉनने कोर्टात धाव घेतली होती. यानंतर दिंडोशी कोर्टाकडून मनसे अध्यक्ष राज ठाकरे यांना नोटीस बजावण्यात आली आहे. कोर्टाने राज ठाकरे आणि काही मनसे सचिवांना ५ जानेवारीला कोर्टात हजर राहण्याचा आदेश दिला आहे. न्यायालयाने नोटीस पाठवल्यानंतर मनसेने आपण भूमिकेवर ठाम राहणार असल्याचं म्हणत यासाठी अ‍ॅमेझॉनला मोठी किंमत मोजावी लागेल असा इशारा अखिल चित्रे यांनी दिला होता.

The post खळ्ळखट्याक… पुण्यानंतर मुंबईतील अ‍ॅमेझॉनची कार्यालयं मनसे कार्यकर्त्यांनी फोडली appeared first on थोडक्यात घडामोडी.

मुंबई : मनसे अध्यक्ष राज ठाकरे यांना मुंबईतील दिंडोशी कोर्टाने नोटीस बजावली आहे. ५ जानेवारी रोजी कोर्टात हजर राहण्याचे आदेश त्यांना दिले आहेत. या नोटिशीनंतर मनसे आक्रमक झाली असून, याची किंमत अॅमेझॉनला मोजावी लागेल, असा इशारा दिला आहे. त्यामुळे मनसे आणि अॅमेझॉन वाद आणखी चिघळण्याची शक्यता निर्माण झाली आहे.

आपल्या वेबसाइटवर मराठी भाषेचा पर्याय उपलब्ध करून द्यावा, अशी मागणी मनसेने अॅमेझॉनकडे केली होती. तसे केल्यास मराठी लोकांना सोपे होईल आणि ते बेवसाइटवरून आवश्यक वस्तूंची योग्य निवड करू शकतील, असे मनसेचे म्हणणे होते. मात्र, अॅमेझॉनकडून उत्तर न मिळाल्याने मनसेने अॅमेझॉनविरोधात मोहीम हाती घेतली. त्यानुसार ‘नो मराठी, नो अॅमेझॉन’ ही मोहीम सुरू केली. त्यापूर्वी मनसेच्या पदाधिकाऱ्यांनी अॅमेझॉनच्या बीकेसी येथील कार्यालयावरही धडक दिली होती.

मराठी भाषेचा वापर करण्याबाबत मनसेकडून अॅमेझॉनविरोधात मोहीम सुरू करण्यात आली. मात्र, अॅमेझॉनने कोर्टाचा दरवाजा ठोठावला होता. त्यानंतर कोर्टाने राज ठाकरे आणि पक्षाच्या पदाधिकाऱ्यांना नोटिशी बजावल्या आहेत. त्यामुळे मनसे अधिक आक्रमक झाली आहे. मनसे पदाधिकारी अखिल चित्रे यांनी अॅमेझॉनला आगामी काळात याची किंमत मोजावी लागेल, असा इशारा दिला आहे. महाराष्ट्रात जर अॅमेझॉनला मराठी भाषा मान्य नाही, तर आम्हालाही महाराष्ट्रात अॅमेझॉन मान्य नाही, असं यावेळी अखिल चित्रे म्हणाले.

The post मनसे अध्यक्ष राज ठाकरे यांना कोर्टाची नोटीस, मनसे अॅमेझॉनविरोधात आक्रमक appeared first on थोडक्यात घडामोडी.

डेटा प्रायव्हसीसंबंधी नियमांचं उल्लंघन केल्याप्रकरणी गुगलवर १०० दशलक्ष युरो (१२.१ कोटी डॉलर्स) आणि अॅमेझॉनला ३५ दशलक्ष युरो (४.२ कोटी डॉलर्स) चा दंड ठोठावला आहे. फ्रान्समधील डेटा प्रायव्हसीवर लक्ष ठेवणाऱ्या एका संस्थेनं हा दंड ठोठावला आहे. दोन्ही कंपन्यांच्या फ्रेंच वेबसाईटनं इंटरनेट युझर्सना ट्रॅकर अथवा कुकीजच्या बाबतीत मंजुरी मागितली नाही. त्या जाहिरातींच्या उद्देशानं आपल्या कंप्युटर्समध्ये सेव्ह झाल्या होत्या, असं CNIL नं सांगितलं.

गुगल आणि अॅमेझॉन याबद्दल कोणतीही माहिती देण्यास असमर्थ ठरले आहेत. दोन्ही कंपन्यांनी सप्टेंबर महिन्यात आपल्या वेबसाईट्स मध्ये बदल केले होते. परंतु ते बदल फ्रान्सच्या नियमांप्रमाणे योग्य नव्हते, असंही CNIL नं म्हटलं आहे. गुगलच्या प्रकरणात त्यांनी कुकीजद्वारे एकत्र केलेल्या डेटाटून जाहिरातीद्वारे कमवलेल्या उत्पन्नातून नफा मिळवला. याचा परिणाम तब्बल ५० दशलक्ष युझर्सवरही झाला, असंही कंपनीनं सांगितलं. त्यांना ठोठावण्यात आलेला दंड हा त्यांच्या नियमांच्या उल्लंघनाच्या तुलनेत योग्य आहे, असंदेखील या कंपनीनं म्हटलं आहे.

गुगल आणि अॅमेझॉनला या संस्थेनं तीन महिन्यांचा कालावधी दिला आहे. यामध्ये त्यांना आपली पद्धत बदलावी लागणार आहे. यामध्ये ग्राहकांना त्यांच्या डेटाचा वापर कसा केला जातो आणि कुकीजना ते कसं नाकारू शकतात हेदेखील त्यांना स्पष्ट करावं लागणार आहे. असं न केल्यास त्यांना दररोज १ लाख युरोचा दंड भरावा लागणार आहे.

The post गुगल आणि अॅमेझॉनला ठोठावला १०० दशलक्ष युरो चा दंड, जाणून घ्या कारण appeared first on थोडक्यात घडामोडी.

Samsung लवकरच आपला Samsung Galaxy S21 स्मार्टफोन लॉन्च करणार आहे. या फोनची खास वैशिष्ट्ये लॉन्च करण्याआधी समोर आली आहेत. Samsung Galaxy S21 च्या नवीन व्हाइस अनलॉक फीचर (Voice Unlock Feature) ची चर्चा सध्या होत आहे. या नवीन फोनमध्ये व्हाइस कमांड दिली असून फोन आवाजाने चालू-बंद करता येवू शकणार आहे.

Samsung Galaxy S21 मध्ये सध्या Amazon एलेक्सा आणि Google Siri यासारखे फीचर येत आहे. याला कंपनीने बिक्सबी वॉयस (Bixby Voice) चे नाव दिले आहे. त्यामुळे Samsung Galaxy S21 समोर Hi Bixby म्हटले आहे. सॅमसंगकडून Galaxy S21 सीरीजला पुढील वर्षी जानेवारीत लॉन्च केले जावू शकते. याची विक्री फेब्रुवारी पासून सुरू केली जावू शकते.

Samsung Galaxy S21 ची खास वैशिष्ट्ये :

1. Galaxy S21 मध्ये तीन मॉडल लॉन्च केले जाणार आहेत. स्टँडर्ड, प्लस आणि अल्ट्रा असे या फोनचे नाव असू शकते.
2. Galaxy S21 मध्ये ६.२ इंचाचा डिस्प्ले मिळणार आहे. प्लसमध्ये ६.७ इंचाचा आणि अल्ट्रामध्ये ६.८ इंचाचा डिस्प्ले दिला जाण्याची शक्यता आहे.
3. Galaxy S21 मध्ये फँटम वॉयलेट, फँटम ग्रे, फँटम व्हाइट आणि फँटम पिंक कलर दिले जावू शकतात. गॅलेक्सी एस २१ प्लस मध्ये फँटम सिल्वर, फँटम ब्लॅक, आणि फँटम वॉयलेट कलर उपलब्ध केले जातील. तर गॅलेक्सी एस २१ मध्ये अल्ट्रा ला केवळ फँटम सिल्वर आणि फँटम ब्लॅक कलर्स मध्ये आणले जाऊ शकते.
4. व्हाइस अनलॉक फीचर

The post Samsung Galaxy S21 स्मार्टफोन लवकरच होणार लॉन्च, आवाजाने होणार अनलॉक appeared first on थोडक्यात घडामोडी.

अॅमेझॉन वर जबदरदस्त ऑफर्स असलेला ग्रेट इंडियन फेस्टिवल सेल सुरू झाला आहे. या सेलमध्ये केवळ फ्लॅगशीप आणि प्रीमियम डिव्हाइसेजवर ऑफर मिळत नाही तर बजेट सेगमेंटमध्येही खूप ऑप्शन आहेत. १० हजार रुपयांपेक्षा कमी किंमतीत Redmi 9A पासून Samsung M01 Core पर्यंत डिव्हाईसेज खरेदी करता येवू शकतात. HDFC डेबिट आणि क्रेडिट कार्डवरून पेमेंट केल्यास १० टक्के कॅशबॅक ऑफर मिळते.

Samsung M01 Core
सॅमसंगचा हा बजेट फोन कमी किंमतीत खरेदी करता येवू शकतो. या फोनला केवळ ४ हजार ९९९ रुपयांत खरेदी करता येवू शकते. या फोनमध्ये 3000mAh बॅटरी दिलीआहे. ८ मेगापिक्सलचा प्रायमरी कॅमेरा आणि ५ मेगापिक्सलचा फ्रंट कॅमेरा दिला आहे.

Redmi 9
5000mAh बॅटरी असलेला हा फोन ८ हजार ९९९ रुपये किंमतीत आहे. फोनमध्ये MediaTek चे Helio G35 प्रोसेसर दिले आहे.

Redmi 9A
शाओमीचा हा फोन लिमिटेड पिरियडसाठी ६ हजार ४९९ रुपयांच्या किंमतीत मिळत आहे. या फोनमध्ये 5000mAh ची मोठी बॅटरी देण्यात आली आहे. ६.५३ इंचाचा एचडी डिस्प्ले दिला आहे. १३ मेगापिक्सलचा रियर कॅमेरा आणि ५ मेगापिक्सलचा फ्रंट कॅमेरा दिला आहे. फोनमध्ये MediaTek Helio G25 प्रोसेसर दिला आहे.

Redmi 9 Prime
सेलमध्ये या फोनला ९९९९ रुपयांच्या डिस्काउंट किंमतीत खरेदी करता येवू शकतो. ६.५३ इंचाचा मोठा फुल एचडी प्लस डिस्प्ले दिला आहे. फोनमध्ये MediaTek G80 प्रोसेसर दिला आहे. ४ जीबी रॅम प्लस ६४ जीबी इंटरनल स्टोरेजच्या या फोनमध्ये 5020mAh बॅटरी दिली आहे.

Redmi 8A Dual
रेडमी ८ सीरीजचा सर्वात प्रसिद्ध स्मार्टफोन्स Redmi 8A Dualला अॅमेझॉन सेलमध्ये ७ हजार २९९ रुपयात खरेदी करता येवू शकते. या फोनमध्ये क्वॉलकॉम स्नॅपड्रॅगन ४३९ प्रोसेसर दिला आहे. फोनला पॉवर देण्यासाठी यात 5000mAhची बॅटरी दिली आहे.

The post अॅमेझॉन वर जबदरदस्त ऑफर्स, १० हजारांपेक्षा कमी किंमतीत स्मार्टफोन्स appeared first on थोडक्यात घडामोडी.