हैदराबाद : एका आईनेच आपल्या दोन वर्षांच्या मुलीची हत्या केल्याची धक्कादायक घटना समोर आली आहे. ही घटना ४ जून रोजी तेलंगणाच्या मेडक जिल्ह्यात घडली. मुलीच्या रात्रीच्या सततच्या रडण्यामुळे तिच्या आईला प्रियकरासोबत वेळ घालवता येत नसल्याने आणि त्यांच्या नात्यात अडथळा येत असल्याने या आईने हा भयानक निर्णय घेतला. आईनेच आपल्या दोन वर्षांच्या मुलीला गळा दाबून ठार केले.

मिळालेल्या माहितीनुसार, शाबाशपल्ली गावाजवळील नाल्याजवळ ममता (२३) आणि तिचा प्रियकर शेख फयाज (३०) यांनी रात्री मुलीचा गळा दाबून तिची हत्या केली आणि मृतदेह तिथेच पुरला. मेडक पोलिसांनी दोघांनाही अटक केली असून, शुक्रवारी मुलीचे अवशेष बाहेर काढून शवविच्छेदनासाठी पाठवण्यात आले.

२१ मे रोजी ममता सासरच्या घरातून दोन मुलांसह माहेरी आली होती. नंतर ती तिथून देखील निघून गेली. दरम्यान, २७ मे रोजी ममताचे वडील कोटला राजू यांनी मुलगी बेपत्ता झाल्याची तक्रार दाखल केली. त्यानंतर तिच्या कुटुंबाने आणि पोलिसांनी तिचा शोध घेतला, पण ममताचा काहीही ठावठिकाणा लागला नाही. पोलिस तपासात ममता आपल्या बॉयफ्रेंडसोबत आंध्र प्रदेशातील नरसारावपेट येथे असल्याचे समजले आणि ११ सप्टेंबरला तिला चौकशीसाठी परत आणण्यात आले.

पोलिसांनी केलेल्या चौकशीत ममताने कबूल केले की, रात्री मुलीच्या सततच्या रडण्यामुळे तिच्या प्रियकरासोबत वेळ घालवण्यात अडथळा येत होता आणि त्यामुळे त्यांनी मुलीला मारण्याचा निर्णय घेतला. दोघांनी रात्री हे भयानक कृत्य केले आणि पहाट होण्यापूर्वी फरार झाले, असे पोलिसांनी सांगितले.

या घटनेने परिसरात मोठी खळबळ उडाली असून ममताच्या कुटुंबालाही मोठा धक्का बसला आहे.

The post माता न तू वैरिणी! प्रियकरासोबत वेळ घालवण्यासाठी आईनेच चिमुकलीला संपवले… appeared first on थोडक्यात घडामोडी.

हैदराबाद एन्काउंटर केस : हैदराबाद येथे 2019 मध्ये झालेले एन्काउंटर सर्वोच्च न्यायालयाने स्थापन केलेल्या आयोगाने बनावट मानले आहे. आयोगाने यासाठी काही पोलिसांवर ठपका ठेवला आहे. सर्वोच्च न्यायालयाने हा अहवाल सार्वजनिक करण्याचे आदेश दिले आहेत. तसेच पुढील कार्यवाहीसाठी हे प्रकरण तेलंगणा उच्च न्यायालयात पाठवले आहे.

26 नोव्हेंबर 2019 च्या रात्री हैदराबादमध्ये 27 वर्षीय पशुवैद्यकीय डॉक्टरवर बलात्कार करून तिची हत्या करण्यात आली. ६ डिसेंबर रोजी पहाटे ३ च्या सुमारास पोलिसांनी चार आरोपींना संशयास्पद चकमकीत ठार केले होते. काही दिवसांनंतर, सर्वोच्च न्यायालयाने माजी न्यायाधीश न्यायमूर्ती व्हीएस सिरपूरकर यांच्या अध्यक्षतेखाली चौकशी आयोग स्थापन केला. न्यायमूर्ती सिरपूरकर आयोगाला काम सुरू झाल्यापासून ६ महिन्यांत अहवाल सादर करण्यास सांगण्यात आले. या अर्थाने त्यांचा कार्यकाळ ऑगस्ट 2020 मध्ये पूर्ण होणार होता. मात्र कोरोनामुळे कामाला विलंब झाला. या वर्षी जानेवारी महिन्यात आयोगाने सर्वोच्च न्यायालयात अहवाल सादर केला होता.

आज सरन्यायाधीश एनव्ही रमण यांच्या अध्यक्षतेखालील खंडपीठाने हा अहवाल उघडला. तेलंगणा सरकारतर्फे ज्येष्ठ वकील श्याम दिवाण यांनी हा अहवाल गोपनीय ठेवण्याची विनंती केली. मात्र न्यायालयाने तो फेटाळला. सरन्यायाधीश म्हणाले, “यामध्ये कोणतीही गुप्तता पाळण्यासारखं नाही. आमच्या आदेशानुसार चौकशी झाली आणि काही लोक दोषी आढळले. राज्य सरकारने अहवालाच्या आधारे कारवाई करावी. आता आम्हाला या प्रकरणावर लक्ष ठेवायचे नाही. सर्व पक्षांनी अहवाल वाचून पुढील दिलासा मिळावा म्हणून उच्च न्यायालयात आपले म्हणणे मांडावे.”

अहवालात काय म्हटले?

तपास समितीने आपल्या अहवालात असे सादर केले की आरोपींची चकमक “स्टेज” होती. अहवालात असेही नमूद करण्यात आले आहे की हैद्राबाद सामूहिक बलात्कार आणि खुन प्रकरणातील आरोपींवर जाणूनबुजून त्यांचा मृत्यू घडवून आणण्याच्या उद्देशाने आणि गोळीबारामुळे त्यांचा मृत्यू होईल याची जाणीव ठेवून त्यांच्यावर गोळीबार करण्यात आला.”

शादनगर येथे 26 वर्षीय पशुवैद्य दवाखान्यातून घरी जात असताना तिच्यावर बलात्कार करून तिला जिवंत जाळण्यात आले. काही तासांनंतर तिचा मृतदेह महामार्गावरील एका अंडरपासमध्ये सापडला. मोहम्मद आरिफ, जोल्लू शिवा, जोल्लू नवीन आणि चेन्नाकेसावुलु हे चार आरोपी 2019 मध्ये एका कथित चकमकीत ठार झाले होते. कथित चकमकीच्या चौकशीसाठी सर्वोच्च न्यायालयाने तीन सदस्यीय आयोग नेमला होता.

सिरपूरकर आयोगाने संबंधित पोलिस अधिकाऱ्यांवर कारवाई करण्याची शिफारस केली. आरोपींची चकमक “पोलिसांनीच घडवून आणली” असे आयोगाला आढळून आले आहे. आरोपींनी पोलिसांची शस्त्रे हिसकावण्याचा प्रयत्न केला आणि नंतर त्यांच्यावर गोळीबार केला हा आरोप खोटा असल्याचे त्यात म्हटले आहे. आयोगाने 10 हून अधिक पोलिसांवर खुनाचा गुन्हा दाखल करण्याची शिफारसही केली आहे.

• न्यायमूर्ती सिरपूरकर यांच्या अध्यक्षतेखालील आयोगाने फौजदारी न्याय व्यवस्था “सुव्यवस्थित” करण्यासाठी शिफारशी दिल्या. एफआयआरची नोंदणी, अटक प्रक्रियेशी संबंधित कायद्यांचे अनिवार्य पालन, बॉडी कॅमेर्‍यांचा वापर आणि सर्व तपास प्रक्रियेची अनिवार्य व्हिडिओग्राफी याविषयी शिफारसी देण्यात आल्या.
• तपास पूर्ण होईपर्यंत आणि संबंधित न्यायालयात अंतिम अहवाल दाखल होईपर्यंत कोणत्याही पोलीस अधिकाऱ्याने तपासाधीन गुन्ह्याच्या संदर्भात पत्रकार परिषद घेऊ नये, अशी सूचना त्यात करण्यात आली आहे.
• पोलीस स्टेशन तपासाबाबत अपडेट्स देणारी प्रेस नोट जारी करू शकते, परंतु तपासादरम्यान गोळा केलेली माहिती उघड करू नये.
• तसेच खोटी साक्ष दिल्याप्रकरणी शिक्षा देण्यासाठी प्रभावी कारवाई तयार करण्याची शिफारसही केली आहे

मुंबईत खळबळ! प्रियकराने नंबर ब्लॉक केला, 20 वर्षीय तरुणीने उचलले टोकाचे पाऊल…

The post मोठी बातमी! हैदराबाद एन्काउंटर बनावट मानत सर्वोच्च न्यायालयाने दिले ‘हे’ आदेश, पोलिसांवर ठपका appeared first on थोडक्यात घडामोडी.

हैदराबाद : तेलंगणातील हैदराबाद जिल्ह्यातील सैदाबाद येथे 6 वर्षांच्या मुलीवर बलात्कार करून नंतर तिची हत्या करण्यात आली. आता या प्रकरणातील आरोपी रेल्वे ट्रॅकजवळ मृतावस्थेत आढळला आहे. गुरुवारी हैदराबाद पोलिसांना रेल्वे ट्रॅकजवळ एक मृतदेह सापडला. हा मृतदेह या प्रकरणातील आरोपींचा असल्याचा संशय आहे. पोलिसांनी हा मृतदेह टॅटूवरून ओळखला असून चाचणीचे निकाल येणे बाकी आहे.

मिळालेल्या माहितीनुसार, वारनगलमधील रेल्वे ट्रॅकवर एक मृतदेह सापडला आहे. पोलीस घटनास्थळी पोहचले आणि त्यांनी मृतदेहाची तपासणी केली. त्यानंतर त्यांना या मृतदेहाच्या हातावर बनवलेल्या टॅटूच्या आधारे हा मृतदेह सैदाबाद बलात्कार-हत्या प्रकरणातील आरोपीचा असल्याचे आढळले. पोलिसांनी सांगितले की हा तोच आरोपी असल्याचे दिसत आहे, परंतु चाचणीचे निकाल आल्यानंतरच या गोष्टीची पुष्टी होऊ शकते.

9 सप्टेंबर रोजी हैदराबाद येथे एका ६ वर्षाच्या मुलीचा मृतदेह आढळला होता. मुलीवर बलात्कार करण्यात आला आणि नंतर तिची हत्या करण्यात आली होती. मुलीच्या शेजारी राहणाऱ्या 30 वर्षीय आरोपीवर पोलिसांचा संशय होता. पोलिसांनी आरोपीवर दहा लाख रुपयांचे बक्षीस ठेवले होते. तर तेलंगणाचे मंत्री मल्ला रेड्डी यांनी आदल्या दिवशी एक निवेदन दिले होते की, या प्रकरणातील आरोपीला पकडू आणि नंतर त्याचा एन्काउंटर करू.

6 वर्षांच्या मुलीवर बलात्कार करून हत्या, मंत्री म्हणाले की आरोपीला पकडून एन्काउंटर करणार…

The post हैदराबाद बलात्कार आणि हत्या प्रकरणातील आरोपी आढळला मृतावस्थेत appeared first on थोडक्यात घडामोडी.

हैदराबाद : तेलंगणामधील हैदराबादमध्ये एका 6 वर्षांच्या मुलीवर बलात्कार करून नंतर तिची हत्या करण्यात आली. या प्रकरणामुळे लोक संतापलेले आहेत. प्रत्येकजण आरोपींना कठोर शिक्षा देण्याची मागणी करत आहे. दरम्यान, तेलंगणा सरकारच्या मंत्र्याने म्हटले आहे की आम्ही त्याला लवकरच शोधून काढू आणि त्याचे एन्काउंटर करू.

तेलंगणा सरकारमधील कामगार मंत्री मल्ला रेड्डी यांनी हैदराबाद प्रकरणाबाबत लवकरात लवकर न्याय मिळवण्याविषयी सांगितले. मल्ला रेड्डी यावेळी म्हणाले की, हैदराबादच्या मुलीची हत्या करणाऱ्याला कठोर शिक्षा झाली पाहिजे, आम्ही त्याला अटक करू आणि मग एन्काउंटर करू. त्यांनी आश्वासन दिले की लवकरच ते पीडित कुटुंबाला भेटतील, त्यांना सर्वप्रकारे मदत करतील. त्यानंतर एन्काउंटरबाबत बोलताना ते म्हणाले की आम्ही आरोपींना सोडणार नाही.

हैदराबादमध्ये 9 सप्टेंबर रोजी 6 वर्षांच्या मुलीवर बलात्कार करण्यात आला आणि नंतर तिची हत्या करण्यात आली. मुलीचा मृतदेह एका बंद घरात सापडला होता. पोलीस या प्रकरणात 30 वर्षीय आरोपीचा शोध घेत आहेत, जो शेजारीच राहत होता. पोलिसांनी 15 टीम तयार केल्या आहेत, जे या व्यक्तीचा शोध घेत आहेत.

मध्य प्रदेश आणि आंध्र प्रदेश येथेही आरोपींचा शोध सुरू आहे. हैदराबाद पोलिसांनी आरोपींवर 10 लाख रुपयांचे बक्षीस देखील जाहीर केले आहे, जेणेकरून आरोपींना लवकरात लवकर पकडता येईल. या प्रकरणामुळे तेलंगणाच्या राजकारणात खळबळ उडाली असून पोलिसांवर लवकरात लवकर कारवाई करण्यासाठी दबाव आहे. हैदराबादसह तेलंगणाच्या विविध भागात आता निदर्शने तीव्र होत आहेत. लोकांनी कॅन्डल लाईट मार्च काढून न्याय मिळण्याची मागणी केली आहे.

The post 6 वर्षांच्या मुलीवर बलात्कार करून हत्या, मंत्री म्हणाले की आरोपीला पकडून एन्काउंटर करणार… appeared first on थोडक्यात घडामोडी.

नवी दिल्ली : ‘ड्रग्ज कंट्रोलर जनरल ऑफ इंडिया’ (DGCI) ने DRDO च्या आणखी एका औषधाला आपत्कालीन वापराची मंजुरी दिली आहे. वाढत्या कोरोना संसर्गाच्या पार्श्वभूमीवर ही एक दिलासादायक बातमी आहे.

DRDO च्या या औषधाला सध्या ‘2-DG’ (2 deoxy D Glucose) असं नाव देण्यात आलंय. DRDO च्या ‘इस्टिट्युट ऑफ न्युक्लिअर मेडिसिन अँड अलायन्स सायन्सेस’ (INMAS) तसंच हैदराबाद सेंटर फॉर सेल्युलर अँड मॉलिक्युलर बायोलॉजी (CCMB) यांनी एकत्रितपणे हे औषध तयार केलं आहे. या औषधाच्या उत्पादनाची जबाबदारी हैदराबाद स्थित डॉ. रेड्डी लॅबला देण्यात आली आहे.

हे औषध क्लिनिकल ट्रायलमध्ये यशस्वी ठरलं आहे. ज्या रुग्णांवर या औषधाचा वापर करण्यात आला ते लवकरात लवकर आजारातून बरे झाल्याचा दावा तज्ज्ञांनी केला आहे. सोबतच रुग्णांची ऑक्सिजनची गरज या औषधामुळे बऱ्याच प्रमाणात कमी झाल्याचं आढळून आलं. या औषधाचा वापर कोरोना रुग्णांवर करण्यात आल्यानंतर त्यांच्यात इतर कोरोनाबाधित रुग्णांपेक्षा कमी वेळेत परिणाम दिसून येत आहे. या रुग्णांचा कोरोना रिपोर्ट फारच कमी वेळेत ‘निगेटिव्ह’ येत आहे. रुग्णाच्या शरीरातील संक्रमित पेशी शोधून काढून विषाणूला आळा घालण्यासाठी हे औषध उपयोगी आहे. कोरोनाबाधित रुग्णांची ऑक्सिजन लेवल झपाट्याने कमी होणे ही मोठी समस्या आहे. यामुळे रुग्णांचे मृत्यूचे प्रमाण अधिक आहे. यासाठी 2-DG हे औषध फायदेशीर ठरणार आहे.

डीआरडीओच्या वैज्ञनिकांनी एप्रिल 2020 मध्ये या औषधावर काम सुरु केलं होतं. यावेळी कोरोनावर हे औषध अत्यंत प्रभावशाली असल्याचं वैज्ञानिकांच्या लक्षात आलं. या आधारे DCGI ने मे 2020 मध्ये या औषधाच्या फेज 2 ट्रायलला मंजुरी दिला होती. 2DG औषधाच्या ट्रायलचा पहिला टप्पा सहा रुग्णालयांमध्ये घेण्यात आला आणि देशभरातील 11 रुग्णालयात फेज (डोस रेंज) क्लिनिकल चाचणी घेण्यात आली. दुसर्‍या टप्प्यात 110 रुग्णांवर या औषधाची चाचणी घेण्यात आली.

The post दिलासादायक : DRDO च्या 2-DG औषधाला DGCI ने दिली मंजुरी, औषधाचे ‘हे’ आहेत महत्वाचे फायदे appeared first on थोडक्यात घडामोडी.

मुंबई : नागपूरहून हैदराबादला जाणाऱ्या वैद्यकीय विमानात (एअर ऍम्ब्युलन्स) झालेल्या बिघाडानंतर प्रचंड गोंधळ झाला, पण नंतर हे विमान सुखरुप मुंबईत दाखल झाले आहे. विमानात गडबड झाल्याचे लक्षात येताच ते मुंबईकडे वळविण्यात आले. यासाठी संपूर्ण इमर्जन्सीची घोषणा करण्यात आली. क्रॅश लँडिंगची भीती निर्माण झाली होती, पण अखेर या विमानाला सुरक्षितपणे उतरवण्यात यश मिळाले.

या विमानात एक रुग्ण, दोन पॅरामेडिकल कर्मचारी आणि दोन क्रू मेम्बर होते. मिळालेल्या माहितीनुसार, विमान नागपूरहून उड्डाण करत होते, तेव्हा त्याचा एक टायर निसटला आणि तो जमिनीवर पडला. अशा परिस्थितीत त्या विमानाचे क्रॅश लँडिंग होण्याची शक्यता आहे. परिस्थितीचे गांभीर्य लक्षात घेऊन उड्डाणातील उपस्थित वैमानिकांनी समजूतदारपणा दाखविला आणि बेली लँडिंग करण्याचा निर्णय घेतला. यानंतर लँडिंगसाठी मुंबई विमानतळाला सतर्क करण्यात आले. विमानाच्या बेली लँडिंगसाठी धावपट्टीवर फेस पसरवण्यात आला होता. छत्रपती शिवाजी महाराज आंतरराष्ट्रीय विमानतळाच्या प्रवक्त्याने विमानाच्या सुरक्षित लँडिंगची पुष्टी केली आहे.

मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग… pic.twitter.com/juXlHHeP1O

— थोडक्यात घडामोडी : MARATHI NEWS – मराठी बातम्या (@thodkyaatnews) May 6, 2021

जर वेळेत बेली लँडिंग केली नसती तर मोठा अपघातही होऊ सहकला असता. पण वैमानिकाने समयसूचकता दाखवत योग्य वेळी योग्य निर्णय घेतला आणि सर्व प्रवाशांना सुखरुप मुंबईत दाखल करण्यात आले. विमानातील रुग्णास मुंबईतील रुग्णालयात दाखल करण्यात आले आहे. फ्लाइटमधील सर्व प्रवासी पूर्णपणे सुरक्षित असल्याची माहिती मिळाली आहे.

सुरक्षित लँडिंगसाठी धावपट्टीवर ‘फोम’ पसरवण्यात आला होता. त्यामुळे मोठी दुर्घटना टळली. विमानही अपघातातून बचावले असून सर्व प्रवासीही सुखरुप आहेत. पण या घटनेने सर्वांनाच धक्का बसला आहे. या घटनेमुळे अनेक प्रश्न उद्भवले आहेत. नक्की कोणत्या स्तरावर दुर्लक्ष झाले, ही बाब तपासण्यासारखी आहे.

The post मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग appeared first on थोडक्यात घडामोडी.

हैदराबाद : हैदराबादमधील नेहरू प्राणिसंग्रहालयातल्या ८ सिंहांना कोरोनाची लागण झाल्याचं आढळून आलं आहे. सेंटर फॉक सेल्युलर अँड मॉलेक्युलर बायोलॉजीने (CCMB) २९ एप्रिलला प्राणिसंग्रहालयाच्या अधिकाऱ्यांना माहिती दिली होती. त्यांनी RT PCR चाचणीत प्राणिसंग्रहालयातील ८ सिंहांना कोरोनाचा संसर्ग झाल्याचं सांगितलं होतं.

वन्यप्राण्यांची देखभाल करणाऱ्या पशुचिकित्सकांना २४ एप्रिलला या सिंहांमध्ये कोरोनाची लक्षणं दिसून आली. त्यांना भूख न लागणं, नाकातून पाणी येणं आणि कफ झाल्याचे दिसून आलं होतं. या प्राणिसंग्रहालयात १२ सिंह आहेत. ते जवळपास १० वर्षे वयाचे आहेत. या घटनेनंतर नागरिकांसाठी हे प्राणिसंग्रहालय दोन दिवसांसाठी बंद करण्यात आलं आहे. हे प्राणिसंग्रहालय अतिशय दाट लोकवस्तीत आहे. सिंहांची देखभाल करणाऱ्यांच्या माध्यमातून त्यांना संसर्ग झाल्याची शक्यता वर्तवण्यात येत आहे. अलिकडेच प्राणिसंग्रहालयात काम करणाऱ्या २५ कर्मचाऱ्यांना कोरोनाची लागण झाल्याचं समोर आलं होतं.

दरम्यान, पर्यावरण, वन व हवामान बदल मंत्रालयाने सांगितलं आहे कि, हैदराबाद प्राणिसंग्रहालयात असलेल्या 8 एशियाटिक सिंहांची कोविड चाचणी पॉझिटिव्ह आली आहे. ते सिंह विलगीकरणात असून उपचारांना चांगला प्रतिसाद देत आहेत आणि व्यवस्थित खातपीत आहेत.

8 Asiatic lions housed in Hyderabad zoo have tested positive for SARS-COV2 virus. They’ve been isolated, responding well to treatment, behaving & eating normally. Preventive measures in place for staffers & zoo closed to visitors: Ministry of Environment, Forest & Climate Change pic.twitter.com/t65pfycXUH

— ANI (@ANI) May 4, 2021

न्यूयॉर्कमध्ये गेल्या वर्षी ८ वाघ आणि सिंहांना कोरोनाचा संसर्ग झाला होता. तसेच हाँगकाँगमध्ये कुत्री आणि मांजरांमध्ये कोरोना व्हायरस आढळून आला होता.

The post धक्कादायक : हैदराबादमधील ८ सिंहांना कोरोनाची लागण appeared first on थोडक्यात घडामोडी.

अहमदनगर : रेखा जरे यांच्या हत्याकांडमधील प्रमुख सूत्रधार असलेला आरोपी बाळ बोठेला हैदराबाद येथून अटक करण्यात नगर पोलिसांना यश आलं आहे. ज्या रूम मध्ये बाळ बोठे होता त्या रूमला बाहेरून कुलूप लावण्यात आले होते. तरीदेखील पोलिसांनी बाळ बोठेला जेरबंद केलं आहे. बाळ बोठेला मदत करणाऱ्या इतर पाच जणांना देखील पोलिसांनी अटक केली. या प्रकरणात पोलिसांनी आत्तापर्यंत एकूण 11 आरोपींना अटक केली आहे.

रेखा जरे यांची 30 नोव्हेंबर रोजी हत्या करण्यात आली होती. हत्या झाल्यानंतर सुपा पोलिस ठाण्यामध्ये गुन्हा दाखल करण्यात आला. त्यानंतर तातडीने तपास करत पोलिसांनी मारेकऱ्यासह पाच आरोपींना अटक केली. चौकशी केल्यानंतर मुख्य सूत्रधार असलेल्या बाळ बोठे याने सुपारी देऊन ही हत्या केल्याची माहिती समोर आली होती. या गुन्ह्यात नाव आल्यापासून बोठे फरार झाला. पीचएडीची पदवी घेण्यासाठी उस्मानिया विद्यापीठात असताना झालेल्या ओळखीच्या आधारे तो या भागात लपून बसला होता. त्यावेळी हैदराबाद येथील एका वकीलाशी त्याची ओळख झाली होती. त्याचीच मदत बोठेने घेतली. या वकिलाने त्याला बिलालनगर या गुन्हेगारांच्या लपण्याच्या कुप्रसिद्ध भागात ठेवले होते.

हैदराबाद येथे बाळ बोठे असल्याची खात्रीशीर माहिती पोलिसांना मिळाली. त्यानंतर पोलिस या भागातील प्रतिभानगर परिसरातील एका हॉटेलवर गेले. त्यातील रूम नंबर १०९ मध्ये बोठे लपून बसल्याची माहिती पोलिसांना होती. मात्र, रुमला बाहेरून कुलूप लावण्यात आले होते. पोलिसांना चकवा देण्यासाठी बोठे याने वेगळ्या नावाने बुकिंग केलेले होते. ओळख लपविण्यासाठी दाढी वाढवून आणि वेषांतर करून तो राहत होता. मात्र, तो तेथेच असल्याची माहिती पक्की असल्याने पोलिसांनी रुमचा दरवाजा तोडून आत प्रवेश केला. रुममध्ये बोठे एकटाच होता. त्याला ताब्यात घेण्यात आले.

बोठे याच्या खोलीतून काही मोबाईल आणि रोख रक्कम जप्त करण्यात आली आहे. पोलिसांनी त्याला पकडण्यासाठी महाराष्ट्रासह पंजाब, छत्तीसगड, मध्यप्रदेश, आंध्रप्रदेश या राज्यांत अनेक ठिकाणी शोध मोहीम राबविली. हैदराबादमध्ये देखील तीन दिवसांपासून कारवाई सुरू होती. तेथेही तीन ठिकाणांहून पोलिस पोहचण्यापूर्वी तो पळून गेला होता.

अहमदनगरच्या पोलीस अधीक्षकांनी पत्रकार परिषदेत सांगितले की, अत्याधुनिक तंत्रज्ञानाला गुंगारा देत बोठे फरार झाला होता. शेवटी पोलिसांनीही अत्यंत गोपनीयता पाळत मुंबई पोलिस आणि महाराष्ट्र पोलिस सायबर सेलची मदत घेऊन सूत्रबद्धरित्या तपास केला. पथकातील पोलिसांनी अथक परिश्रम घेऊन मोहीम फत्ते केली. जरे यांनी बोठेबद्दल पोलिसांकडे तक्रारी केल्या होत्या. आपली बदनामी होऊ नये, या कारणावरून बोठे याने सुपारी देऊन जरे यांची हत्या घडवून आणल्याचे तपासात उघड झाले आहे.

The post बाळ बोठेला हैदराबाद येथून अटक, बोठे राहत असलेल्या रूमला होतं बाहेरून कुलूप appeared first on थोडक्यात घडामोडी.

हैदराबाद : जुन्या शहरातील मुगल पुरा पोलिस ठाण्याच्या हद्दीतील गौलीपुरा येथे श्रीनिवास हायस्कूलच्या दुमजली इमारतीत गुरुवारी दुपारी भीषण आग लागली. प्राथमिक अंदाजानुसार, शॉर्ट सर्किटमुळे ही आग लागली. सुमारे 50 विद्यार्थ्यांना सुखरूप बाहेर काढण्यात आलं आहे.

वृत्तानुसार, शॉर्ट सर्किटमुळे तळमजल्यावर असलेल्या शाळेच्या प्रशासकीय कार्यालयात ही आग लागली. यात शाळेच्या नोंदी, पुस्तके व फर्निचर जाळून खाक झाले. सुदैवाने, कोणतीही जीवितहानी झाली नाही. आग पसरण्यापूर्वी शाळेतील सुमारे 50 विद्यार्थ्यांना वाचविण्यात आले. शालेय कर्मचारी व स्थानिकांनी तातडीने सर्व विद्यार्थ्यांची सुटका केली. घटनेची माहिती मिळताच अग्निशमन दल घटनास्थळी दाखल झाले आणि आगीवर नियंत्रण मिळवले.

The post हैदराबादमधील गौलीपुरा येथे शाळेत भीषण आग, ५० विद्यार्थ्यांची सुटका appeared first on थोडक्यात घडामोडी.

हैदराबाद पोलिसांनी मंगळवारी महिलांची हत्या करणाऱ्या सिरियल किलरला अटक केली आहे.या ४५ वर्षीय आरोपीने १८ महिलांची हत्या केली असल्याचं समोर आलं आहे. अटक केल्यानंतर नुकत्याच दोन महिलांच्या झालेल्या हत्या प्रकरणाचा उलगडाही झाला आहे.

वृत्तानुसार, याआधी त्याला २१ प्रकरणांमध्ये अटक करण्यात आली आहे. यामध्ये १६ हत्या, संपत्तीशी संबंधित चार गुन्ह्यांचा समावेश आहे. एका प्रकरणात जन्मठेपेची शिक्षा भोगत असताना तो पोलीस कोठडीतून पळून गेला होता.

पोलिसांनी दिलेल्या माहितीनुसार, वयाच्या २१ व्या वर्षी आरोपीचं त्याच्या आई-वडिलांनी एका तरुणीशी लग्न लावून दिल होतं. मात्र लग्नानंतर काही दिवसांतच त्याची पत्नी दुसऱ्या व्यक्तीसोबत पळून गेली होती. तेव्हापासून त्याच्या मनात महिलांबद्दल द्वेष निर्माण झाला होता. आरोपीने २००३ पासून गुन्हे करण्यास सुरुवात केली. शरीरसुखाच्या बहाण्याने अविवाहित महिलांना तो आपल्या जाळ्यात ओढत असे. त्यानंतर एकत्रित मद्यप्राशन केल्यानंतर तो त्या महिलेची हत्या करून त्यांच्याकडील मौल्यवान वस्तू चोरुन पळून जात असे.

The post सिरियल किलरला अटक, पत्नी दुसऱ्या व्यक्तीसोबत पळून गेल्याच्या रागातून १८ महिलांची हत्या appeared first on थोडक्यात घडामोडी.