बेंगळुरू : बेंगळुरूमध्ये रहदारी ही एक प्रमुख चिंता आहे, ज्यामुळे प्रत्येकाच्या दैनंदिन कामावर विपरित परिणाम होत आहे. याचा अनुभव मणिपाल हॉस्पिटल सर्जापूर येथील गॅस्ट्रोएन्टेरोलॉजी सर्जन डॉ. गोविंद नंदकुमार यांनी घेतला. 30 ऑगस्ट 2022 रोजी सकाळी 10 वाजता एका मध्यमवयीन महिलेवर पित्ताशयाची इमर्जन्सी लॅप्रोस्कोपिक शस्त्रक्रिया करायची होती. रुग्णासाठी जीवन-मरणाचा प्रश्न होता. पण सर्जापूर – मराठहळ्ळी भागात डॉ. गोविंद ट्रॅफिकमध्ये अडकले. त्यानंतर डॉक्टरांनी आपली कार ड्रायव्हरसोबत सोडली आणि 3 किमी अंतरावर असलेल्या हॉस्पिटलमध्ये धावत जाऊन महत्त्वपूर्ण शस्त्रक्रिया केली. शस्त्रक्रिया व्यवस्थित पार पडली आणि रुग्णाला वेळेवर घरी सोडण्यात आले.

डॉ. गोविंद नंदकुमार याबद्दल म्हणाले कि, “मी दररोज मध्य बंगळुरू ते बंगळुरूच्या आग्नेय भागात सर्जापूर येथे असलेले मणिपाल हॉस्पिटल असा प्रवास करतो. शस्त्रक्रियेसाठी मी घरून वेळेत निघालो होतो. माझी टीम तयार होती आणि सर्व तयारी झालेली होती. हॉस्पिटलमध्ये पोहोचताच शस्त्रक्रिया करायची होती. मात्र, रस्त्यामध्ये प्रचंड ट्राफिक होते. ती रहदारी बघून मी गाडी ड्रायव्हरसोबत सोडण्याचा निर्णय घेतला आणि पुन्हा विचार न करता हॉस्पिटलच्या दिशेने पळत सुटलो.

डॉ. गोविंद मंगळवार 30 ऑगस्ट रोजी दीर्घकाळापासून पित्ताशयाच्या आजाराने त्रस्त असलेल्या मध्यमवयीन महिलेवर लॅप्रोस्कोपिक पित्ताशय शस्त्रक्रिया करण्यास तयार होते. शस्त्रक्रियेला उशीर झाल्यामुळे रुग्णाच्या ओटीपोटात तीव्र वेदना होत होत्या. रुग्णाला भूल देण्याच्या तयारीत असलेली डॉ. गोविंद यांची टीम डॉक्टर ऑपरेशन थिएटरमध्ये पोहोचताच कामाला लागली. कोणताही विलंब न करता डॉक्टर शस्त्रक्रिया करण्यासाठी सर्जिकल पोशाखात उतरले आणि शस्त्रक्रिया यशस्वीरित्या पार पडली. रुग्णाला नियोजित वेळेत डिस्चार्ज देण्यात आला असून सध्या तिची प्रकृती ठीक आहे.

The post रुग्णावर शस्त्रक्रिया करण्यासाठी डॉक्टर 3 किमी धावत गेले, रुग्णासाठी होता जीवन-मरणाचा प्रश्न appeared first on थोडक्यात घडामोडी.

मुंबई : मनसे प्रमुख राज ठाकरे यांना कोरोनाची लागण झाल्याची माहिती आहे. शस्त्रक्रियेपूर्वी कराव्या लागणाऱ्या तपासण्यांतून त्यांना कोरोनाची बाधा झाल्याचं समोर आलं आहे. ते पायाच्या शस्त्रक्रियेसाठी लीलावती रुग्णालयात दाखल झाले होते. मात्र, आता राज ठाकरे यांच्या पायावरची शस्त्रक्रिया पुढे ढकलण्यात आली आहे. आज (१ जून) त्यांच्या पायावर शस्त्रक्रिया होणार होती.

राज ठाकरे हे ५ जूनला अयोध्या दौऱ्यावर जाणार होते. मात्र, पायाचे दुखणे बळावल्याने त्यांना अयोध्या दौरा रद्द करावा लागला होता. त्यानंतर राज ठाकरे यांच्या पायावर आज शस्त्रक्रिया होणार होती. मात्र आता कोरोनातून बरे झाल्यानंतर शस्त्रक्रिया करणार येणार आहे. राज ठाकरे यांना याअगोदरही २३ ऑक्टोबर २०२१ रोजी कोरोनाची लागण झाली होती. सौम्य लक्षणे असल्याने राज यांनी त्यावेळी घरीच उपचार घेतले होते.

कोविड डेड सेलमुळे ऍनेस्थेशिया देऊ शकत नसल्यामुळे लिलावती रुग्णालयातील डॉक्टरांनी मनसे अध्यक्ष राज ठाकरे यांची शस्त्रक्रिया पुढे ढकलण्याचा निर्णय घेतला आहे, अशी माहिती मनसेचे सचिव सचिन मोरे यांनी दिली आहे.

The post राज ठाकरे यांना कोरोनाची लागण, ऍनेस्थेशिया देऊ शकत नसल्यामुळे शस्त्रक्रिया पुढे ढकलली appeared first on थोडक्यात घडामोडी.

इलियट पेजने आपल्या इंस्टाग्राम अकाउंटवर ६ पॅक ऍब्सचे फोटो शेअर केले आहेत. इलियटने टॉप शस्त्रक्रिया केल्यानंतर पहिल्यांदाच सोशल मीडियावर असा फोटो पोस्ट केला आहे, त्यात त्याचे 6 पॅक ऍब्स दिसत आहेत. चाहत्यांबरोबरच अनेक सेलिब्रेटीही या फोटोवर कमेंट करीत आहेत.

‘इन्सेप्शन’, ‘जुनो’ आणि ‘द अंब्रेला अ‍ॅकॅडमी’ यासारख्या चित्रपटांची स्टार इलियट पेजने 26 जून 2013 रोजी टॉप शस्त्रक्रिया करवून घेतली होती, ज्यामध्ये त्याचे दोन्ही स्तन काढून टाकण्यात आले.

इलियटने ऑपेरा विनफ्रेला दिलेल्या मुलाखतीत या शस्त्रक्रियेचे वर्णन ‘लाइफ चेंजिंग’ आणि ‘लाइफ सेव्हिंग’ असे केले होते. तेव्हा तो म्हणाला होता की, “जेव्हा मी शस्त्रक्रिया केली तेव्हा मला असे वाटत होते की मला मीच पुन्हा एकदा सापडलो आहे.” या मुलाखतीत, इलियट पेज म्हणाला की त्याचे बालपण अगदी सामान्य होते, परंतु जेव्हा तो किशोरवयात पोहोचला तेव्हा शरीरातील बदल पाहून त्याला खूप अस्वस्थ वाटू लागले. काय करावे ते समजले नाही. एकीकडे हॉलिवूडमधील त्याचे करिअर वेगाने पुढे जात होते आणि दुसरीकडे त्याच्या वैयक्तिक आयुष्यात खूप गडबड सुरु होती. महिलांच्या कपड्यांमध्ये त्यांना अजिबात आरामदायक वाटत नव्हते. ‘इन्सेप्शन’ चित्रपटाच्या प्रीमियर दरम्यान परिधान केलेल्या महिलांच्या कपड्यांमुळे तर त्यांना पॅनीक अटॅक येण्यास सुरुवात झाली होती आणि घाबरल्यासारखे वाटत होते.

 

View this post on Instagram

 

A post shared by @elliotpage

इलियट पेजने शस्त्रक्रियेपूर्वी 2012 मध्ये त्याचे नाव बदलले. त्याचे नाव एलन पेज होते, ते बदलून इलियट पेज करण्यात आले.  एका वर्षानंतर त्याने टेस्टोस्टेरॉन घ्यायला सुरुवात केली आणि त्यानंतर 2013 मध्ये त्याची शस्त्रक्रिया झाली. आज इलियट पेज त्याच्या आयुष्यात आनंदी आहे.

‘स्कूल ऑफ रॉक’ फेम अभिनेता केव्हिन क्लार्कचे अपघातात निधन, हॉलिवूड इंडस्ट्रीत शोककळा

पॉप सिंगर लेडी गागाने केले धक्कादायक खुलासे, त्या व्यक्तीने धमकी देऊन केला बलात्कार आणि मग…

गायक केव्हिनच्या मृत्यूप्रकरणात धक्कादायक खुलासा, गॅलरीत मॉडेलबरोबर करत होता रोमान्स तेवढ्यात…

The post शस्त्रक्रिया करून पुरुष बनली ही प्रसिद्ध अभिनेत्री , ६ पॅक ऍब्सचे फोटो केले शेअर appeared first on थोडक्यात घडामोडी.

मुंबई : राष्ट्रवादी काँग्रेसचे अध्यक्ष शरद पवार रुग्णालयात असून त्यांच्यावर आणखी एक शस्त्रक्रिया करण्यात आली आहे. राष्ट्रवादीचे प्रवक्ते नवाब मलिक यांनी यांसदर्भात माहिती दिली आहे. शरद पवार यांना बुधवारी पुन्हा ब्रीच कँडी रुग्णालयात दाखल करण्यात आलं होतं. तिथं त्यांची नियमित तपासणी झाली होती. त्यानंतर आज त्यांच्यावर आणखी एक शस्त्रक्रिया करण्यात आली. रुग्णालयात तपासणीसाठी गेले असता त्यांच्या तोंडात एक अल्सर आढळून आला होता. आज तो अल्सर काढण्यात आला आहे. राष्ट्रवादीचे प्रवक्ते नवाब मलिक यांनी ट्वीट करत ही माहिती दिली आहे.

दरम्यान, शरद पवारांची तब्येत चांगली असून ते रुग्णालयात विश्रांती घेत आहेत. शिवाय देशातील कोरोनाच्या परिस्थितीचा आढावाही ते घेत आहेत, असं नवाब मलिक यांनी म्हटलं आहे. तसंच, ते लवकरच आपले कामकाज पुन्हा सुरु करतील, असा विश्वासही त्यांनी व्यक्त केला आहे.

Post Gall Bladder surgery of our president Sharad Pawar saheb, a follow up visit & check up at hospital revealed an ulcer in his mouth which has been removed.
He is well & resting in hospital.
Saheb is taking stock of the pandemic situation daily & will resume his activities soon

— Nawab Malik نواب ملک नवाब मलिक (@nawabmalikncp) April 25, 2021

The post शरद पवार यांच्यावर आणखी एक शस्त्रक्रिया, प्रकृती स्थिर appeared first on थोडक्यात घडामोडी.