पुणे : आयसीसी टी-20 विश्वचषक 2022 स्पर्धेला आजपासून सुरुवात होत आहे. यंदा वर्ल्ड कप स्पर्धा दोन फेऱ्यांमध्ये खेळवली जाणार आहे. या स्पर्धेतील पहिला सामना श्रीलंका आणि नामिबिया यांच्यात रंगणार आहे. पहिल्या फेरीला आजपासून सुरुवात होणार असून या फेरीचा शेवटचा सामना 21 ऑक्टोबरला होईल. 22 ऑक्टोबरपासून सुपर 12 ही दुसरी फेरी सुरु होईल. विश्वचषक स्पर्धेत भारतीय संघाचा पहिला सामना 23 ऑक्टोबर रोजी होणार आहे. 23 ऑक्टोबरला भारत विरुद्ध पाकिस्तान अशी लढत पाहायला मिळणार आहे. यंदा विश्वचषक स्पर्धेत 16 संघामध्ये रणसंग्राम पाहायला मिळणार आहे. टी 20 विश्वचषकातील अंतिम सामना 13 नोव्हेंबरला मेलबर्नमध्ये होणार आहे.

भारतीय संघ : रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत (विकेटकीपर), दिनेश कार्तिक (विकेटकीपर), हार्दिक पांड्या, आर अश्विन, युजवेंद्र चहल, अक्षर पटेल, मोहम्मद शमी, भुवनेश्वर कुमार, हर्षल पटेल, अर्शदीप सिंह

राखीव खेळाडू : मोहम्मद सिराज, श्रेयस अय्यर, रवी बिश्नोई, शार्दूल ठाकूर

T20 विश्वचषक 2022 पूर्ण वेळापत्रक

पहिली फेरी : क्वालीफाइंग राउंड

1. 16 ऑक्टोबर अ गट : श्रीलंका विरुद्ध नामिबिया – गिलॉन्ग – 9:30 वाजता
2. 16 ऑक्टोबर अ गट : UAE विरुद्ध नेदरलँड्स – जिलॉन्ग – दुपारी 1.30 वाजता
3. 17 ऑक्टोबर ब गट : वेस्ट इंडिज विरुद्ध स्कॉटलंड – होबार्ट  – रात्री 9.30 वाजता
4. 17 ऑक्टोबर ब गट : झिम्बाब्वे विरुद्ध आयर्लंड – होबार्ट – दुपारी 1.30 वाजता
5. 18 ऑक्टोबर अ गट : नामिबिया विरुद्ध नेदरलँड्स – जिलॉन्ग – रात्री 9.30 वाजता
6. 18 ऑक्टोबर अ गट : श्रीलंका विरुद्ध यूएई – जिलॉन्ग – दुपारी 1.30 वाजता
7. 19 ऑक्टोबर ब गट : स्कॉटलंड विरुद्ध आयर्लंड – होबार्ट  – रात्री 9.30 वाजता
8. 19 ऑक्टोबर ब गट : वेस्ट इंडिज विरुद्ध झिम्बाब्वे – होबार्ट – दुपारी 1:30 वाजता
9. 20 ऑक्टोबर अ गट : श्रीलंका विरुद्ध नेदरलँड्स – जिलॉन्ग – रात्री 9.30 वाजता
10. 20 ऑक्टोबर अ गट : नामिबिया विरुद्ध यूएई – जिलॉन्ग  – दुपारी 1.30 वाजता
11. 21 ऑक्टोबर ब गट : वेस्ट इंडिज विरुद्ध आयर्लंड – होबार्ट  – 9:30 वाजता
12. 21 ऑक्टोबर ब गट : स्कॉटलंड विरुद्ध झिम्बाब्वे – होबार्ट  – दुपारी 1.30 वाजता

दुसरी फेरी : सुपर 12

1. 22 ऑक्टोबर न्यूझीलंड विरुद्ध ऑस्ट्रेलिया – सिडनी – 12:30 वाजता
2. 22 ऑक्टोबर इंग्लंड विरुद्ध अफगाणिस्तान – पर्थ  – 4:30 वाजता
3. 23 ऑक्टोबर A1 विरुद्ध B2, – होबार्ट  – 9:30 वाजता
4. 23 ऑक्टोबर भारत विरुद्ध पाकिस्तान – मेलबर्न  – दुपारी 1.30 वाजता
5. 24 ऑक्टोबर बांगलादेश विरुद्ध A2 – होबार्ट  – 12:30 वाजता
6. 24 ऑक्टोबर दक्षिण आफ्रिका विरुद्ध B1 –  होबार्ट  – 4:30 वाजता
7. 25 ऑक्टोबर ऑस्ट्रेलिया विरुद्ध A1 –  पर्थ दुपारी  – 4:30 वाजता
8. 26 ऑक्टोबर इंग्लंड विरुद्ध B2 – मेलबर्न  – रात्री 9.30 वाजता
9. 26 ऑक्टोबर न्यूझीलंड विरुद्ध अफगाणिस्तान –  मेलबर्न  – दुपारी 1.30 वाजता
10. 27 ऑक्टोबर दक्षिण आफ्रिका विरुद्ध बांगलादेश – सिडनी  – सकाळी 8.30 वाजता
11. 27 ऑक्टोबर भारत विरुद्ध A2 –  सिडनी  – 12:30 वाजता
12. 27 ऑक्टोबर पाकिस्तान विरुद्ध B1 –  पर्थ  – दुपारी 4.30 वाजता
13. 28 ऑक्टोबर अफगाणिस्तान विरुद्ध B2 – मेलबर्न  – रात्री 9:30 वाजता
14. 28 ऑक्टोबर इंग्लंड विरुद्ध ऑस्ट्रेलिया – मेलबर्न  – दुपारी 1.30 वाजता
15. 29 ऑक्टोबर न्यूझीलंड विरुद्ध A1 –  सिडनी  – दुपारी 1:30 वाजता
16. 30 ऑक्टोबर बांगलादेश विरुद्ध B1 –  ब्रिस्बेन  – सकाळी 8:30 वाजता
17. 30 ऑक्टोबर पाकिस्तान विरुद्ध A2 –  पर्थ – 12:30 वाजता
18. 30 ऑक्टोबर भारत विरुद्ध दक्षिण आफ्रिका –  पर्थ  – दुपारी 4.30 वाजता
19. 31 ऑक्टोबर ऑस्ट्रेलिया विरुद्ध B2 –  ब्रिस्बेन  – दुपारी 1:30 वाजता
20. 1 नोव्हेंबर अफगाणिस्तान विरुद्ध A1 –  ब्रिस्बेन  – रात्री 9:30 वाजता
21. 1 नोव्हेंबर इंग्लंड विरुद्ध न्यूझीलंड – ब्रिस्बेन  – 1:30 वाजता
22. 2 नोव्हेंबर B1 विरुद्ध A2 – अॅडलेड  – 9:30 वाजता
23. 2 नोव्हेंबर भारत विरुद्ध बांगलादेश –  अॅडलेड  – दुपारी 1:30 वाजता
24. 3 नोव्हेंबर पाकिस्तान विरुद्ध दक्षिण आफ्रिका – सिडनी  – दुपारी 1.30 वाजता
25. 4 नोव्हेंबर न्यूझीलंड विरुद्ध B2 –  अॅडलेड – 9:30 वाजता
26. 4 नोव्हेंबर ऑस्ट्रेलिया विरुद्ध अफगाणिस्तान –  अॅडलेड  – दुपारी 1.30 वाजता
27. 5 नोव्हेंबर इंग्लंड विरुद्ध A1 – सिडनी  – दुपारी 1:30 वाजता
28. 6 नोव्हेंबर दक्षिण आफ्रिका विरुद्ध A2 –  अॅडलेड  – सकाळी 5:30 वाजता
29. 6 नोव्हेंबर पाकिस्तान विरुद्ध बांगलादेश  – अॅडलेड  – रात्री 9.30 वाजता
30. 6 नोव्हेंबर भारत विरुद्ध B1 – मेलबर्न  – दुपारी 1:30 वाजता

तुम्हाला टी20 वर्ल्ड कप मॅच थिएटरमध्ये लाईव्ह पाहता येणार आहे. आयनॉक्स मल्टीप्लेक्सने आयसीसीसोबत करार केला आहे. यामुळे आयनॉक्स थिएटरमध्ये तुम्हाला टी 20 वर्ल्ड कप सामने लाईव्ह पाहता येणार आहेत. वर्ल्ड कपमधील भारताचे सर्व सर्व सामने आयनॉक्स मल्टिप्लेक्समध्ये तुम्हाला लाईव्ह पाहता येतील. देशभरातील आयनॉक्स सिनेमागृहांमध्ये वर्ल्ड कपच्या सामन्यांचं लाईव्ह स्ट्रिमिंग करण्यात येईल.

The post T20 World Cup 2022 : टी20 वर्ल्ड कपला सुरुवात; 16 संघाचा रणसंग्राम, जाणून घ्या सामन्यांचं शेड्यूल… appeared first on थोडक्यात घडामोडी.

कर्णधार म्हणून विराट कोहली टी-२० वर्ल्ड कपमध्ये अपयशी ठरला आहे. भारताला सलग दोन सामन्यांत पराभव पत्करावा लागला. वर्ल्ड कपपूर्वीच कोहलीने टी-२० संघाचे नेतृत्व सोडणार असल्याचे सांगितले आहे. आता विराट कोहलीकडून वन-डे संघाचे नेतृत्व काढून घेण्यात येण्याची शक्यता निर्माण झाली आहे. यासाठी बीसीसीआय अध्यक्ष सौरभ गांगुली आणि सरचिटणीस जय शहा यांनी पुढील दोन-तीन दिवसांत निवड समिती सदस्यांसोबत ऑनलाइन बैठक बोलावली आहे.

पुढील वर्षी ऑस्ट्रेलियात टी-२० वर्ल्ड कप होत असून, २०२३चा वन-डे वर्ल्ड कप भारतात होणार आहे. या वर्षी तरी भारतीय संघाला वन-डे सामने खेळायचे नाहीत. पुढील वर्षीही भारतीय संघाचे फारसे वन-डे सामने नाहीत. पुढील वर्षी जूनपर्यंत भारतीय संघ केवळ तीन वन-डे, तर एकूण १७ टी-२० सामने खेळणार आहे. त्यामुळे कोहलीच्या वन-डेबाबतचा निर्णय आता घ्यावा की नाही, यावरही चर्चा होण्याची शक्यता आहे.

पुढील वर्ल्ड कपसाठी अकरा महिन्यांचा कालावधी शिल्लक आहे. अशा परिस्थितीत सध्याच्या संघातील खेळाडूंचा फॉर्म आणि तंदुरुस्ती यावरही चर्चा केली जाणार आहे. आयपीएलमध्ये चमकदार कामगिरी करणाऱ्या काही युवा खेळाडूंना न्यूझीलंडविरुद्धच्या टी-२० मालिकेत स्थान मिळण्याची दाट शक्यता आहे. यात सर्वाधिक धावा करून ऑरेंज कॅप मिळविलेला ऋतुराज गायकवाड याचे नाव आघाडीवर आहे. सर्वाधिक विकेट घेणारा आवेश खान, फिरकी गोलंदाज युझवेंद्र चहल यांना संधी मिळू शकते. जम्मू-काश्मीरच्या उमरान मलिकचेही नाव चर्चेत आहे. अष्टपैलू वेंकटेश अय्यरला पंड्याच्या जागी स्थान मिळू शकते. अक्षर पटेल, श्रेयस अय्यर, दीपक चहर, शुभमन गिल, मयंक अग्रवाल, उमेश यादव यांना पुन्हा संधी मिळू शकते.

The post विराट कोहलीबाबत BCCI घेणार मोठा निर्णय? दोन-तीन दिवसांत होणार बैठक appeared first on थोडक्यात घडामोडी.

शारजाह : आयपीएलच्या कालच्या एलिमिनेटर सामन्यात कोलकाताविरुद्ध आरसीबीचा पराभव झाला. त्यामुळे विराट कोहली चांगलाच भावूक झाल्याचे पाहायला मिळाले.

विराट म्हणाला की, “आतापर्यंत मी माझे सर्वोत्तम देण्याचा प्रयत्न केला. गेल्या तीन वर्षांमध्ये संघाची चांगली बांधणी झाली होती. पण आता यापुढे मी आरसीबीचा कर्णधार राहणार नाही. पण अखेरच्या दिवसापर्यंत मी आरसीबीबरोबर असलेली कमिटमेंट कायम ठेवणार आहे. मी आरसीबीचा कर्णधार नसलो तरी संघाबरोबर एक खेळाडू म्हणून नक्कीच कायम असेन.”

आतापर्यंतचा कोलकाताच्या संघाचा युएईमधला रेकॉर्ड आहे की त्यांनी इथे धावांचा पाठलाग करताना एकही सामना गमावलेला नाही. मात्र, केकेआरविरुद्धच्या या महत्वाच्या सामन्यात कोहलीने नाणेफेक जिंकली आणि त्याने प्रथम फलंदाजी करण्याचा निर्णय घेतला. त्यामुळे हा निर्णय चुकल्याचे पाहायला मिळाले.

विराटने सामन्यादम्यान पंचांशी हुज्जत घातली

आरसीबीविरुद्धच्या या सामन्यात कोलकाताचा राहुल त्रिपाठी याच्या पॅडला चेंडू लागला. त्यावेळी आरसीबीच्या संघाने जोरदार अपील केले. पण मैदानातील पंचांनी राहुलला नाबाद ठरवले. त्यानंतर कोहलीने डीआरएस घेतला. यावेळी तिसऱ्या पंचांनी राहुलला बादही दिले. पण तरीही कोहली मैदानातील पंचांकडे गेला आणि त्यांच्याशी हुज्जत घालायला लागला. चुक सुधारल्यावरही पंचांशी हुज्जत घालणे, याचे समर्थन कोणीही करू शकत नाही.

The post आरसीबीच्या पराभवानंतर विराट कोहलीने घेतला मोठा निर्णय appeared first on थोडक्यात घडामोडी.

पुणे : भारताने इंग्लंडपुढे ३३७ धावांचा आव्हान ठेवलं आहे. केएल राहुलने इंग्लंडविरुद्धच्या दुसऱ्या वनडेत दमदार शतक ठोकलं. कर्णधार विराट कोहली आणि ऋषभ पंत यांनी केलेल्या अर्धशतकाच्या जोरावर भारताने फलंदाजी करत ५० षटकात ६ बाद ३३६ धावा केल्या.

इंग्लंडने नाणेफेक जिंकून प्रथम गोलंदाजी करण्याचा निर्णय घेतला. इयान मॉर्गन जखमी असल्यामुळे संघाबाहेर असून इंग्लंडचे कर्णधारपद जोस बटलरकडे देण्यात आले. भारतीय संघात श्रेयस अय्यर जखमी असल्यामुळे ऋषभ पंतला संधी दिली. भारतीय डावाची सुरूवात रोहित शर्मा आणि शिखर धवन यांनी केली. शिखर फक्त ४ धावांवर बाद झाला. त्यानंतर रोहित शर्मा देखील २५ धावांवर माघारी परतला. त्यानंतर कर्णधार विराट कोहली आणि केएल राहुल यांनी तिसऱ्या विकेटसाठी शतकी भागिदारी केली. परंतु, विराट कोहली ६६ धावांवर बाद झाला. त्यानंतर आलेल्या ऋषभ पंतने फक्त २८ चेंडूत ५० धावा केल्या. राहुलने वनडेतील पाचवे शतक पूर्ण केले. त्याने ११४ चेंडूत २ षटकार आणि ७ चौकारांसह ११४ धावा केल्या. पंत ४० चेंडूत ७७ धावा करून बाद झाला. त्याने ७ षटकार आणि ३ चौकार मारले.

दरम्यान विराटने वनडे क्रिकेटमध्ये तिसऱ्या क्रमांकावर येत सर्वात कमी डावात १० हजार धावा पूर्ण केल्या. अशी कामगिरी करणारा तो जगातील दुसरा फलंदाज ठरला.

The post Ind vs Eng 2nd ODI : भारताने इंग्लंडपुढे ठेवले ३३७ धावांचे आव्हान, केएल राहुलचे दमदार शतक appeared first on थोडक्यात घडामोडी.

IND vs ENG 3rd Test : तिसर्‍या कसोटी सामन्यात भारताने दुसर्‍या दिवशी इंग्लंडचा 10 गडी राखून पराभव केला. या विजयासह भारताने चार सामन्यांच्या कसोटी मालिकेत 2-1 अशी आघाडी घेतली आहे. दुसर्‍या डावात इंग्लंडने भारताला 49 धावांचे लक्ष्य दिले होते, जे भारताने कोणताही गडी न गमावता अवघ्या 7.4 षटकांत पूर्ण केलं. रोहित शर्माने 25 चेंडूत तीन चौकार आणि एका षटकाराच्या मदतीने नाबाद 25 धावा काढल्या तर शुभमन गिल 21 चेंडूत 1 चौकार आणि एका षटकाराच्या मदतीने 15 धावांवर नाबाद राहिला.

अक्षर पटेलने या कसोटीच्या पहिल्या डावात 38 धावा देऊन सहा विकेट घेतल्या आणि दुसऱ्या डावात 32 धावा देऊन पाच विकेट घेतल्या. यासह तो दिवस-रात्र कसोटीत सर्वाधिक विकेट घेणारा खेळाडू ठरला आहे. या कसोटीत सात बळी घेणाऱ्या अश्विनने कसोटी क्रिकेटमध्ये 400 बळी पूर्ण केले. कसोटी सामन्यात असा पराक्रम करणारा तो भारताचा चौथा गोलंदाज ठरला आहे. त्याच्याआधी अनिल कुंबळे, कपिल देव आणि हरभजन सिंग यांनी कसोटीत 400 बळी घेतले आहेत. अश्विन कसोटीतील वेगवान 400 विकेट्स घेणारा जगातील दुसरा गोलंदाज बनला आहे. या यादीमध्ये पहिल्या क्रमांकावर श्रीलंकेचा मुथय्या मुरलीधरन आहे.

इंग्लंडने नाणेफेक जिंकून प्रथम फलंदाजी करताना पहिल्या डावात 112 धावा केल्या. यानंतर भारतीय संघ पहिल्या डावात 145 धावा करू शकला. अशाप्रकारे पहिल्या डावात भारताने 33 धावांची आघाडी मिळवली होती. यानंतर इंग्लंडचा संघ दुसर्‍या डावात 81 धावांवर ऑलआऊट झाला आणि भारताला 49 धावांचे लक्ष्य मिळाले, जे भारतीय संघाने एकही विकेट न गमावता 7.4 षटकांत पूर्ण केले.

The post IND vs ENG 3rd Test : भारताचा 10 गडी राखून दणदणीत विजय appeared first on थोडक्यात घडामोडी.

टीम इंडियाने इंग्लंडविरुद्ध दुसऱ्या कसोटीत 317 धावांनी दणदणीत विजय मिळवला. दुसरी कसोटी जिंकत चार सामन्यांची मालिकेत भारताने 1-1 अशी बरोबरी केली आहे. पण तिसर्‍या कसोटीत कर्णधार विराट कोहलीवर बंदी होऊ शकते. त्यामुळे विराट तिसऱ्या कसोटीत खेळणार की नाही याबाबत प्रश्नचिन्ह आहे.

कर्णधार विराट कोहलीने तिसर्‍या कसोटीच्या तिसर्‍या दिवशी पंच नितीन मेननच्या निर्णयावर आक्षेप नोंदवला होता. जो रूटला आऊट न दिल्यामुळे कर्णधार विराट कोहली खूप चिडला होता आणि पंचांशी बराच वेळ वाद घालत होता. आयसीसीच्या नियमांनुसार पंचांच्या निर्णयावर नाराजी दर्शवण्यासाठी खेळाडूंवर लेव्हल 1 किंवा लेव्हल 2 शुल्क आकारले जाते. या शुल्कामुळे, खेळाडूला 1 ते 4 दरम्यान डिमिरेट गुण दिले जातात. जर एखाद्या खेळाडूला 24 महिन्यांच्या कालावधीत चार डिमेरिट गुण मिळाले तर त्याच्यावर एक कसोटी किंवा दोन एकदिवसीय सामन्यांसाठी बंदी घातली जाते.

2019 च्या अखेरीस विराट कोहलीला दोन डिमरेट गुण मिळाले आहेत. आता जर चेन्नईत झालेल्या प्रकारामुळे विराट कोहलीला दोन किंवा त्याहून अधिक डिमरेट गुण मिळाले तर त्याच्यावर एका कसोटीसाठी बंदी घातली जाण्याची शक्यता आहे. अशा परिस्थितीत विराट कोहलीला तिसऱ्या कसोटीत खेळता येणार नाही.

The post विराट कोहलीवर येऊ शकते बंदी, तिसऱ्या कसोटीत खेळणार की नाही? appeared first on थोडक्यात घडामोडी.

केरळ उच्च न्यायालयाने बुधवारी भारतीय क्रिकेट संघाचा कर्णधार विराट कोहली आणि राज्य सरकारला राज्यात ऑनलाइन जुगार खेळण्यावर बंदी घालण्याच्या मागणीसाठी नोटीस बजावली आहे.

सरन्यायाधीश एस. माणिकुमार यांच्या अध्यक्षतेखालील विभाग खंडपीठाने कोहलीसह मल्याळम अभिनेता अजू वर्गीस आणि दक्षिण भारतीय अभिनेत्री तमन्ना भाटिया यांना नोटीस बजावली. हे सेलिब्रिटी ऑनलाइन रम्मी गेम्सचे ब्रँड अ‍ॅम्बेसेडर असतात.

याचिकाकर्ते पॉली वडक्कन यांनी म्हटले आहे की आता ऑनलाइन जुगार हा राज्यात वाढणारा धोका आहे. याचे लक्ष्य मध्यम ते निम्न उत्पन्न गटातील लोक ठरतात जे सहज पैसे कमविण्यास उद्युक्त होतील. ते म्हणाले की जे लोक फसवणूकीला बळी पडतात ते बहुतेक वेळा त्यांची जीवनभराची बचत यामध्ये वापरतात. राज्यभरात अशी अनेक प्रकरणे नोंदवली गेली आहेत ज्यात लोक स्कॅममध्ये अडकले आहेत.

याचिकेत याचिकाकर्त्याने नमूद केले की विविध उच्च न्यायालये, विशेषत: गुजरात आणि तामिळनाडूच्या उच्च न्यायालयांनी संबंधित कार्यक्षेत्रातील राज्य विधिमंडळांना ऑनलाइन गेमिंगचे नियमन करण्याची शक्यता शोधण्यासाठी निर्देश दिले आहेत. आंध्र प्रदेशात, जुगार खेळांना सध्या अस्तित्त्वात असलेल्या कायद्याच्या कक्षेत आणण्याचे आदेश देण्यात आले आहेत.

या याचिकेत ऑनलाइन जुगार खेळांवर बंदी किंवा नियमीत नियंत्रण ठेवण्याची मागणी केली गेली आहे. ज्यात अशा गेम्सचा समावेश आहे, ज्या मोबाइल फोन, संगणक, लॅपटॉप आणि इतर संप्रेषण उपकरणांसह इलेक्ट्रॉनिक गॅझेट्स वापरुन ऑनलाईन आयोजित केले जातात.

The post विराट कोहली आणि तमन्ना भाटिया यांना केरळ उच्च न्यायालयाने बजावली नोटीस appeared first on थोडक्यात घडामोडी.

माजी कर्णधार सुनील गावस्कर यांनी भारतीय संघात मतभेद असल्याचा आरोप करत व्यवस्थापनावर अनेक प्रश्न उपस्थित केले आहेत. ते म्हणाले की, संघातील खेळाडूंमध्ये भेदभाव केला जात आहे. विराट कोहलीला पॅटर्निटी लीव्हची परवानगी मिळाली. तर, टी. नटराजनला आयपीएल दरम्यान मुलगी झाली, परंतु नटराजन आतापर्यंत मुलीला पाहू शकला नाही.

टीम इंडिया ऑस्ट्रेलियाच्या दौर्‍यावर आहे. 4 कसोटी सामन्यांच्या मालिकेत संघाने पहिला सामना गमावला आहे. यानंतर कोहली पॅटर्निटी लीव्हवर गेला.

गावस्कर यांनी स्पोर्ट्स स्टारच्या स्तंभात लिहिले आहे की, “रविचंद्रन अश्विन बऱ्याच काळापासून खेळत आहे तो केवळ त्यांच्या क्षमतेमुळे.” ते म्हणाले, “कोणताही संघ अशा कसोटी गोलंदाजाला वगळणार नाही ज्याच्या नावावर 350 हून अधिक विकेट्स आहेत आणि त्याबरोबर त्याने 4 कसोटी शतकेही लगावली आहेत. तथापि, अश्विनबरोबर असे घडते. तो एका सामन्यात अपयशी ठरल्यास त्याला बाहेरचा रास्ता दाखवला जातो. फलंदाजांना मात्र संधीवर संधी दिल्या जातात. इथे प्रत्येक खेळाडूसाठी वेगवेगळे नियम आहेत. ”

गावस्कर पुढे म्हणाले, “अजून एक गोलंदाज आहे, त्यासाठी वेगवेगळे नियम बनवले गेले आहेत.” तो टी. नटराजन आहे. तो संघात नवीन असल्यामुळे याविरूद्ध बोलू शकत नाही. ह्या लेफ्ट हॅन्ड यॉर्कर स्पेशालिस्टने टी -20 मालिकेत अतिशय चांगली कामगिरी केली. हार्दिक पांड्याने देखील आपला मॅन ऑफ द सीरिज चषक त्याला दिला. नटराजनला आयपीएल प्लेऑफच्या दरम्यान मुलगी झाली, परंतु त्याला थेट ऑस्ट्रेलिया दौर्‍यावर नेण्यात आले. ”

गावस्कर पुढे म्हणाले, “येथे त्याला मर्यादित षटकांच्या मालिकेसाठी ठेवण्यात आले होते. त्याने त्यात चांगली कामगिरी केली. यानंतर त्याला कसोटी मालिकेसाठीही थांबवण्यात आले. तेदेखील खेळाडू म्हणून नव्हे तर नेट गोलंदाज म्हणून थांबवण्यात आले. तो आधीच घरी परत येणार होता आणि मुलीला पाहणार होता. कोहली कर्णधार असल्याने पहिली कसोटी गमावल्यानंतर तो मायदेशी परतला आहे. हेच भारतीय क्रिकेट आहे. वेगवेगळ्या खेळाडूंसाठी वेगवेगळे नियम. “

The post कोहलीला पॅटर्निटी रजा, परंतु नटराजन अजूनही मुलीला पाहू शकला नाही, सुनील गावस्कर यांचे व्यवस्थापनावर आरोप appeared first on थोडक्यात घडामोडी.

ऑस्ट्रेलियाविरुद्धच्या तिसऱ्या आणि अखेरच्या वनडे सामन्यात भारताने १३ धावांनी विजय मिळवला. तीन सामन्यांच्या मालिकेत दोन विजय मिळवत मालिका मात्र ऑस्ट्रेलियाच्या नावावर जमा झाली आहे. या सामन्यात भारतीय गोलंदाजानी केलेल्या माऱ्यापुढे ऑस्ट्रेलियन फलंदाज फक्त २८९ धावाच करु शकले.

ऑस्ट्रेलियाचा कर्णधार फिंचने सर्वाधिक ७५ धावा केल्या. तर मॅक्सवेलने ३८ चेंडूत ५९ धावा करत ऑस्ट्रेलियाला विजय मिळवून देण्याचा प्रयत्न केला. मात्र, इतर फलंदाज फारशी चांगली कामगिरी करु न शकल्याने त्यांना विजय मिळवता आला नाही.

ऑस्ट्रेलियाविरुद्धच्या तिसऱ्या वनडे सामन्यात टॉस जिंकून भारताने प्रथम फलंदाजीचा निर्णय घेतला. भारतीय क्रिकेट संघाने प्रथम फलंदाजी करताना ३०२ धावा केल्या. हार्दिक पांड्या आणि रवींद्र जडेजा यांच्या तुफानी खेळीच्या जोरावर भारताला तीनशेहून अधिक धावा करता आल्या. यावेळी भारताला सलामीवीर शिखर धवन आणि शुभमन गिल यांनी चांगली सुरुवात करुन दिली. पण या दोघांना मोठी खेळी करता आली नाही. त्यानंतर फलंदाजीला आलेल्या कर्णधार विराट कोहलीने ७८ चेंडूत ६३ धावा केल्या.

श्रेयस अय्यर आणि केएल राहुल हे दोघेही झटपट बाद झाले. जेव्हा कर्णधार कोहली बाद झाला तेव्हा भारताच्या फक्त १५२ धावा झाल्या होत्या. त्यानंतर हार्दिक पांड्या आणि रवींद्र जडेजा यांनी अधिक पडझड होऊ न देता पुढील १९ ओव्हरमध्ये तब्बल १५० धावांची भागीदारी केली. यावेळी पांड्याने ७६ चेंडूत ९२ धावा केल्या. यावेळी त्याने ७ चौकार आणि १ षटकार मारला. तर जडेजाने ५० चेंडूत ६६ धावा केल्या. यावेळी जडेजाने देखील ५ चौकार आणि ३ षटकार ठोकले.

पहिले दोनही वनडे सामना गमवल्यानंतर तिसऱ्या सामन्यात विजय मिळवून व्हाईटवॉश टाळण्याचं मोठं आव्हान कोहली आणि टीमपुढे आहे. त्यामुळे यावेळी भारतीय संघाने तब्बल ४ बदल केले. या सामन्यात मयांक अग्रवालऐवजी शुभमन गिल, मोहम्मद शमीऐवजी शार्दुल ठाकूर, युजवेंद्र चहलऐवजी कुलदीप यादव आणि नवदीप सैनीऐवजी टी नटराजन यांना संधी देण्यात आली आहे. यापैकी फलंदाजीत शुभमन गिलने ३९ चेंडूत ३३ धावा केल्या.

The post Ind vs Aus 3rd ODI : टीम इंडियाने ऑस्ट्रेलियाविरुद्ध १३ धावांनी विजय मिळवला appeared first on थोडक्यात घडामोडी.

अबू धाबी : आयपीएलच्या सामन्यात किंग्स इलेव्हन पंजाबविरुद्ध त्याने दोन झेल सोडले तेव्हा त्याच्यावरही प्रश्नचिन्ह उपस्थित झाले. याचवेळी गावस्कर यांनी आपल्या कॉमेंट्रीत  म्हटले कि “विराट कोहलीने लॉकडाऊनदरम्यान फक्त अनुष्काच्या बॉलिंगचाच सराव केला आहे”  हे विधान विराटच्या चाहत्यांना आणि त्याची पत्नी अनुष्का शर्मा हिला रुचले नाही. गावस्कर यांनी एका मुलाखतीत याबाबतचे स्पष्टीकरण दिले की त्यांची टिप्पणी चुकीच्या पद्धतीने घेतली गेली आहे. तसेच शुक्रवारी रात्री चेन्नई-दिल्लीच्या सामन्याच्या लाईव्ह कॉमेंट्रीतही  त्यांनी याबद्दल भाष्य केले.

चेन्नई-दिल्लीच्या सामन्यादरम्यान ते म्हणाले, ‘आम्ही सरावाबद्दल बोलत होतो. लॉकडाऊनबद्दल आम्ही बोलत होतो, तेव्हाच मी म्हणालो की विराट कोहलीलाही लॉकडाऊनमध्ये सराव करण्याची संधी मिळालेली नाही. जो व्हिडिओ मी पाहिला होता त्यात तो त्याच्या इमारतीच्या प्रांगणात खेळताना दिसत होता. तेव्हाच मी म्हणालो की विराट अनुष्काच्या बॉलिंगवर खेळला होता. बस, हेच माझे शब्द होते. ज्यांना याबद्दल काही आक्षेप असेल त्यांनी हे लक्षपूर्वक ऐकावे, मी जे म्हटले त्यात काय गैर आहे? मी कोणतेही अभद्र विधान केले नाही ना कुणावर आरोप केले आहेत.’

The post गावस्करांनी दिलं ‘अनुष्का शर्मा वादा’वर स्पष्टीकरण appeared first on थोडक्यात घडामोडी.