रत्नागिरी : रत्नागिरी सिंधुदुर्ग लोकसभा मतदारसंघाचा बहुप्रतीक्षित तिढा अखेर सुटला आहे. केंद्रीय मंत्री नारायण राणे यांना भाजपकडून उमेदवारी जाहीर करण्यात आली आहे. त्यामुळे रत्नागिरीचे विद्यमान खासदार आणि महाविकास आघाडीतर्फे शिवसेना (उद्धव बाळासाहेब ठाकरे) पक्षाचे उमेदवार विनायक राऊत यांच्याविरुद्ध नारायण राणे हे महायुतीचे उमेदवार असतील. एकीकडे शिवसेना नेते उदय सामंत यांनी पत्रकार परिषद घेत किरण भैय्या सामंत यांची उमेदवारी मागे घेतली. त्याचवेळी भाजपकडून राणेंना तिकीट जाहीर करण्यात आलं आहे.

भाजपने उदयनराजे भोसले, पियुष गोयल यांच्यापाठोपाठ महाराष्ट्रातून आणखी एका राज्यसभा खासदाराला लोकसभा निवडणुकीच्या रिंगणात उतरवलं आहे. रत्नागिरी सिंधुदुर्ग लोकसभा मतदारसंघावरुन शिवसेना-भाजपमध्ये रस्सीखेच सुरु होती. उमेदवारी अर्ज दाखल करण्याचा शेवटचा दिवस तोंडावर असतानाही हा तिढा सुटलेला नव्हता. भाजपकडून नारायण राणे यांचं एकमेव नाव चर्चेत होतं. शिवसेनेचा बालेकिल्ला असणाऱ्या रत्नागिरी मतदारसंघावर अखेर भाजपने झेंडा रोवत राणेंना मैदानात उतरवलं आहे.

रत्नागिरी -सिंधुदुर्ग मतदारसंघात २०१९ मध्ये विनायक राऊत आणि डॉ.नीलेश राणे यांच्यामध्ये लढत झाली होती. राऊत यांनी शिवसेना -भाजप युतीकडून लढविली होती तर राणे यांनी स्वाभिमान पक्षातून उभे होते. या लढतीत राऊत यांनी बाजी मारली होती.

The post भाजपची १३वी यादी जाहीर! रत्नागिरी-सिंधुदुर्गचा उमेदवार ठरला; अखेर नारायण राणे लोकसभेच्या रिंगणात! appeared first on थोडक्यात घडामोडी.

मुंबई : केंद्रीय मंत्री नारायण राणे यांना मुंबई उच्च न्यायालयाने दणका दिला आहे. राणे यांच्या जुहू येथील अधीश बंगल्यातील अनधिकृत बांधकाम दोन आठवड्यांत तोडण्याचे आदेश मुंबई हायकोर्टाने दिले आहेत. त्याशिवाय, राणे यांना हायकोर्टाने 10 लाखांचा दंड ठोठावला आहे. याप्रकरणात सीआरझेड कायदा आणि एफएसआयचे उल्लंघन केल्याचे हायकोर्टाला आढळले आहे. दरम्यान, नारायण राणे यांच्या जुहू येथील निवासस्थानी 300% अतिरिक्त बांधकाम नियमित करण्याचा विचार करण्याचे निर्देश बीएमसीला देण्यास मुंबई उच्च न्यायालयाने नकार दिला आहे.

माहिती अधिकार कार्यकर्ते संतोष दौंडकर यांनी नारायण राणे यांच्या बंगल्यात अनधिकृत बांधकाम झाले असल्याची तक्रार यापूर्वीच मुंबई मनपाला केली होती. मात्र, आपल्या या तक्रारीनंतर कुठलीच कारवाई केली नसल्याचा आरोप संतोष दौंडकर यांनी केला होता. त्यानंतर मुंबई महापालिकेने नारायण राणे यांच्या बंगल्याची तपासणी करण्यासाठी नोटीस बजावली. मुंबई महानगरपालिका कायदा 1888 अंतर्गत सेक्शन 488 नुसार बीएमसीने केंद्रीय मंत्री नारायण राणेंना ही नोटीस पाठवण्यात आली. मुंबई महापालिकेच्या अधिकाऱ्यांनी या बंगल्याची पाहणीदेखील केली होती. त्यानंतर महापालिकेने तोडकामाबाबत नोटीस बजावली होती. त्यावरून राणे यांनी कोर्टात धाव घेतली होती.

काय आहे प्रकरण?

जुहूतील अधीश बंगल्यात अनधिकृत बांधकाम केल्याचे नमूद करत 351(1)ची नोटीस देण्यात आली होती. बंगल्यात केलेले बदल मंजूर केलेल्या प्लॅननुसार असल्याचे सिद्ध करण्यास महापालिकेच्या अधिकाऱ्यांनी सांगितले होते. यानुसार राणे यांनी सर्व कागदपत्रे पालिकेला दाखवली. परंतु पालिकेचे समाधान न झाल्याने दुसरी नोटीस पाठवण्यात आली. 21 फेब्रुवारी पालिकेच्या ‘के पश्चिम’ विभागाने बंगल्यात जाऊन तपासणी केली होती. सर्वच मजल्यांवर ‘चेंज ऑफ यूज’ झाले असून बहुतांश ठिकाणी गार्डनच्या जागी रूम बांधल्याचा नोटीसीत उल्लेख आहे.

मार्च 2022 मध्ये बृहन्मुंबई महानगरपालिकेने (BMC) जुहू येथील आदिश बंगल्याविरुद्ध आदेश जारी केले होते आणि मालक/कब्जेधारकांना बंगल्याचे बेकायदेशीर विस्तार स्वतःहून पाडण्यास सांगितले होते; जर मालक/कब्जेदार असे करण्यात अयशस्वी झाले तर, BMC पुढे जाऊन उक्त तोडफोड करेल आणि मालक/कब्जेदारांकडून खर्च वसूल करेल, असे स्पष्ट करण्यात आले होते.

मार्चमध्ये, मुंबई उच्च न्यायालयाने फेरबदल नियमित करण्याच्या अर्जावर निर्णय होईपर्यंत आणि त्यानंतर तीन आठवड्यांपर्यंत केंद्रीय मंत्री नारायण राणे ज्या बंगल्यात त्यांच्या कुटुंबासह राहतात त्या बंगल्यावर कारवाई करण्यापासून मुंबईच्या नागरी संस्थेला प्रतिबंधित केले. कंपनीने पेमेंट करून उल्लंघन केल्याचा आरोप असलेल्या परिसराचा काही भाग नियमित करण्यासाठी अर्ज केला, तसेच कोणतेही उल्लंघन झाले नसल्याचा दावा केला. बीएमसीने ३ जून रोजी अर्ज फेटाळला. आणि कालका रिअल इस्टेट प्रायव्हेट लिमिटेडने या आदेशाविरुद्ध न्यायालयात धाव घेतली.

The post नारायण राणेंना न्यायालयाचा दणका, जुहू येथील बंगल्यातील अनधिकृत बांधकाम तोडण्याचे आदेश appeared first on थोडक्यात घडामोडी.

मुंबई : केंद्रीय मंत्री नारायण राणे आणि आमदार नितेश राणे उद्या मुंबई पोलिसांसमोर हजर होणार आहेत. दिवंगत अभिनेता सुशांत सिंग राजपूतची माजी व्यवस्थापक दिशा सालियन यांच्यावर कथित बदनामीकारक वक्तव्य केल्याप्रकरणी केंद्रीय मंत्री नारायण राणे आणि त्यांचा मुलगा आमदार नितेश राणे उद्या उपनगर मालवणी येथे मुंबई पोलिसांसमोर हजर होणार आहेत.

एका पोलीस अधिकाऱ्याने सांगितले की याआधी उपनगर मालवणी पोलिसांनी नोटीस पाठवून भाजपचे आमदार नितेश राणे यांना गुरुवारी तपास अधिकाऱ्यांसमोर हजर राहण्यास सांगितले होते. तर त्यांचे वडील आणि भाजप नेते नारायण राणे यांना शुक्रवारी हजर राहण्यास सांगितले होते. परंतु या दोघांच्या वकिलांनी सांगितले की, महाराष्ट्र विधिमंडळाचे अधिवेशन सुरू असल्याने ते शनिवारी पोलिसांसमोर हजर होतील. त्यानुसार शनिवारी दुपारी एक वाजता नारायण राणे आणि नितेश राणे या दोघांचे जबाब नोंदवले जातील.

The post नारायण राणे आणि नितेश राणे उद्या मुंबई पोलिसांसमोर हजर होणार appeared first on थोडक्यात घडामोडी.

लखनौ : उत्तर प्रदेशची राजधानी लखनौमध्ये मालमत्ता विभागाच्या चालकाचा कर्तव्यावर असताना हृदयविकाराच्या झटक्याने मृत्यू झाला. त्यानंतर, मृत व्यक्तीच्या नातेवाईकांनी विभागावर निष्काळजीपणाचा आरोप लावला आहे. वैद्यकीय रजेवर असूनही त्यांना ड्युटीवर मंत्री नारायण राणे यांच्यासोबत ठेवण्यात आले, असा आरोप आहे. नातेवाईकांनी विभागाच्या अधिकाऱ्याविरोधात तक्रार दिली असून पोलीस पुढील कारवाई करत आहेत.

मिळालेल्या माहितीनुसार, अशोक कुमार वर्मा राज्य मालमत्ता विभागात चालक म्हणून तैनात होते. केंद्रीय मंत्री नारायण राणे लखनौला आले, तेव्हा अशोक कुमार यांची ड्युटी लावण्यात आली होती. ड्युटीवर असताना अशोक यांना हृदयविकाराचा झटका आला, त्यानंतर त्याला रुग्णालयात नेण्यात आले. परंतु, त्यांचा मृत्यू झाला.

मृताच्या नातेवाईकांच्या म्हणण्यानुसार, अशोकची तब्येत खराब होती, त्यामुळे ते वैद्यकीय रजेवर (medical leave) होते, पण जेव्हा नारायण राणे आले, तेव्हा अशोक यांना वैद्यकीय रजा असूनही जबरदस्तीने बोलावण्यात आले. त्यांच्या कुटुंबाने मालमत्ता विभागाचे मोटार प्रभारी अमरीश श्रीवास्तव यांच्यावर आरोप केला आहे की, त्याने अशोकच्या आजाराविषयी माहिती असूनही फोन केला आणि जबरदस्तीने बोलावून घेतले. तसेच न आल्यास अशोक कुमार यांना निलंबित करण्याची धमकी दिली. यामुळे अशोक यांना ड्युटीवर जाणे भाग पडले.

पोलिसांनी सांगितले की अशोक कुमार वर्मा यांचे हृदयविकाराच्या झटक्याने निधन झाले. कुटुंबाने हत्येचा आरोप केला असून तक्रार दिली आहे. या प्रकरणाचा तपास करून पुढील कारवाई केली जात आहे. मृतदेह शवविच्छेदनासाठी पाठवण्यात आला आहे. कारण काहीही असो, त्यानुसार पुढील कारवाई केली जाईल.

The post केंद्रीय मंत्री नारायण राणे यांच्या ड्युटीवरील चालकाचा मृत्यू, मृताच्या कुटुंबीयांचे गंभीर आरोप appeared first on थोडक्यात घडामोडी.

मुंबई : केंद्रीय मंत्री नारायण राणे लीलावती रुग्णालयात दाखल झाले आहेत. ते रुटीन चेकअपसाठी रुग्णालयात गेल्याची माहिती मिळाली आहे. राणे उद्यापासून त्यांची जन आशिर्वाद यात्रा पुन्हा सुरु करणार आहेत. मात्र त्यापूर्वी नारायण राणे रुटीन चेकअपसाठी रुग्णालयात पोहोचले आहेत.

२ दिवसांपूर्वी नारायण राणे यांना झालेल्या अटकेच्या कारवाईदरम्यान त्यांचा रक्तदाब वाढला होता. याशिवाय त्यांना मधुमेहाचाही त्रास आहे. राणेंना दोन दिवसापूर्वीच त्रास जाणवत होता. त्यावेळी प्रकृती बिघडल्याने डॉक्टरांनी त्यांची प्राथमिक तपासणी केली होती. त्यांना रुग्णालयात दाखल करण्याचा सल्ला डॉक्टरांनी दिला होता. त्यानंतर औषधे घेतल्यानंतर राणेंचा त्रास कमी झाला होता. त्यामुळे उद्या जन आशिर्वाद यात्रा पुन्हा सुरु करण्यापूर्वी चेकअप करून घेण्यासाठी ते रुग्णालयात दाखल झाले आहेत.

The post केंद्रीय मंत्री नारायण राणे लीलावती रुग्णालयात दाखल appeared first on थोडक्यात घडामोडी.

मुंबई : ‘तुम्ही कोणीही माझं काही करू शकत नाही, तुम्हाला सर्वांना मी पुरून उरलो तुमच्या कोणत्याही प्रतिक्रियेला मी घाबरत नाही. शिवसेना वाढली त्यामध्ये माझा मोठा सहभाग आहे. तेव्हा आताचे कुणीही नव्हते. त्यांना आमचा बंदोबस्त करायचा करू द्या, अशी भूमिका केंद्रीय मंत्री नारायण राणे यांनी पत्रकार परिषदेत मांडली. आज नारायण राणे यांनी पत्रकार परिषद घेत आपली भूमिका स्पष्टपणे मांडली असून न्यायालयाने त्यांना सर्व कायदेशीर कारवाईपासून संरक्षण दिलं असल्याचं देखील त्यांनी सांगितलं आहे.

नारायण राणे यावेळी म्हणाले की काल रत्नागिरीमधून महाड कोर्टात जाऊन पहाटे 5 वाजता आलो. आज हायकोर्टात माझ्या विरोधात ज्या केसेस दाखल करण्यात आल्या होत्या, त्याबाबत याचिका दाखल केली होती. साडेतीन वाजता याबाबत सुनावणी झाली आहे. माझ्या बाजूने हे निकाल लागले आहेत. 17 सप्टेंबर पर्यंत केस असल्यामुळे याबाबत काही बोलणार नाही. आज पत्रकारांना माहिती देण्यासाठी आलो आहे.

ते म्हणाले कि, “मागील काही दिवस माझा दौरा सुरू होता. जे काही माध्यमांमध्ये येत होतं याबाबत मला माहिती मिळत होती. काहीजण माझ्या चांगुलपणाचा फायदा घेत होते. देशातील कॅबिनेटमध्ये मला मंत्री म्हणून घेतलं. आम्हा नवीन सर्व मंत्र्यांना जनआशीर्वाद यात्रा करण्याचं सांगितलं होतं. 19 तारखेपासून मी यात्रा सुरू केली होती. कालपर्यंत सुरू होती. 2 दिवस यात्रा थांबली आहे. परवापासून यात्रा पुन्हा सुरू होणार आहे. आमच्या यात्रेला प्रचंड प्रतिसाद मिळत असल्यामुळे त्यांनी आमचा विरोध केला.”

राणे पुढे म्हणाले कि, “पक्ष माझ्या पाठीशी खंबीरपणे उभा राहिला. मला सार्थ अभिमान आहे, माझ्या देशाचा, मला सहन झाले नाही. ते म्हणाले होते की सेनाभवनाकडे कुणी पाहिले तर पाय तोडा. ते महाशय काय बोलले होते. सेनाभवनाबाबत कोण जर अशी भाषा करत असेल तर त्याचं थोबाड फोडा. यावर गुन्हा दाखल करायला नको. योगीबाबत बोलले होते योगी आहे की ढोंगी, याला चपलाने मारलं पाहिजे. काय केलं होतं त्यांनी? अमित शाह बाबत बोलले होते की, निर्लज्जपणाने हा शब्द वापरतो. माननीय पवार साहेब काय सज्जनपणा आहे. एवढं चांगलं बोलणाऱ्याला मुख्यमंत्री केलं.”

तसंच, अनिल परब यांचा व्हिडीओ व्हायरल झाला आहे. ते पोलिसांवर दबाव टाकत आहे. तो आदेश देतो. माझा सवाल आहे, दिशा सालीयन, कथित संजय राठोड प्रकरणातील मुलगी यांचं पुढं काय झालं? ज्यांनी हे सर्व केलं ते जोपर्यंत आत जात नाहीत तोपर्यंत मी शांत बसणार नाही. मला भारत देशाचा अभिमान आहे ज्याला भारताच्या स्वातंत्र्यदिनाबाबत माहिती नाही. त्यामुळे माझ्या तोंडून हे वाक्य आलं. भाजप नेते, मंत्र्यांविरोधात कुणी काही बोलणार असेल, तर मी सहन करणार नाही. आपण काही बोललो तर वाद होतोय, त्यामुळे आता जपून पावलं टाकावी लागणार आहे, असंही राणे म्हणाले.

मी काय बोललो ते वाक्य मी परत बोलणार नाही. 52 वर्षात अशी पत्रकारिता पाहिली नाही. शिवसेनेच्या नेत्यांनी असे शब्द उच्चारले नाहीत का? संजय राऊत हे संपादक होण्याच्या लायकीचे नाही, त्यांना 17 तारखेला कोर्टात सुनावणी झाल्यानंतर उत्तर देणार आहे, असंही राणे म्हणाले.

The post नारायण राणे यांना कायदेशीर कारवाईपासून संरक्षण, पत्रकार परिषद घेत स्पष्ट केली आपली भूमिका appeared first on थोडक्यात घडामोडी.

रत्नागिरी : केंद्रीय मंत्री नारायण राणे यांच्या विरोधात गुन्हा दाखल झाल्यानंतर आता पोलिसांनी त्यांना ताब्यात घेतले आहे. नारायण राणे यांच्या विरोधात नाशिकमध्ये गुन्हा दाखल झाल्यानंतर पोलिसांचं एक पथक कोकणाकडे रवाना झालं होतं. त्यानंतर नारायण राणे यांनी अटकपूर्व जामीन अर्ज दाखल केला होता. मात्र, रत्नागिरी न्यायालयाने त्यांचा अटकपूर्व जामीन अर्ज फेटाळला. त्यानंतर पोलिसांनी नारायण राणे यांना ताब्यात घेतले आहे.

पोलीस अधीक्षक अटकेसाठी पोहोचले, पण त्यांच्याकडे अटक वॉरंट किंवा कारवाईसाठी अन्य कोणतेही अधिकृत कागदपत्रे नसल्याने राणेंनी बाहेर येण्यास नकार दिला होता. मात्र आता नारायण राणे यांना पोलिसांनी ताब्यात घेतलं आहे. नारायण राणे त्यांच्याच गाडीतून पोलिसांबरोबर रवाना झाले आहेत. यावेळी निलेश राणे यांनी गाडी अडवण्याचा प्रयत्न केला होता. नारायण राणे यांना ताब्यात घेतल्यानंतर भाजप कार्यकर्ते आक्रमक झाले असून परिस्थिती चिघळण्याची शक्यता व्यक्त करण्यात येत आहे. दरम्यान, अमित शहा यांनी फोनवरून नारायण राणेंना त्यांच्या बरोबर असल्याचे सांगत मदत करण्याचे आश्वासन दिले आहे.

पोलिसांनी दुपारी 2.15 च्या सुमारास राणेंना कागदपत्रं दाखवली आणि अटक करण्यात येत असल्याचे सांगितले. त्यानंतर नारायण राणेंनी सर्व कागदपत्रे बघितली. मग त्यांनी जेवण करून औषधे घेतली. यावेळी राणेंचा बीपी आणि शुगरचा त्रास वाढला होता. त्यामुळे सरकारी आणि खासगी डॉक्टरांनी तात्काळ घटनास्थळी दाखल होत राणेंची तपासणी केली. त्यानंतर काही वेळाने पोलिसांनी राणेंना अटक केली.

दरम्यान, नारायण राणे म्हणाले की, मला तुम्हाला सांगायचं आहे, माहिती अभावी मी एकही उत्तर देणार नाही. माझ्यावर गुन्हा दाखल झालाय याची माहिती मला नाही. मी कोणताही गुन्हा केलेला नाही. तुम्ही तपासून पाहा, मग आपआपल्या टीव्हीवर दाखवा, नाहीतर तुमच्याविरोधात माझी केस दाखल होईल. माझ्यावर गुन्हा दाखल झाल्याचं मला माहीत नाही. तुम्ही म्हणताय म्हणून मी मान्य करणार नाही. तुम्ही माहिती घ्या, असं सांगतानाच मी जे काही बोललो तो क्रिमिनल ऑफेन्स नाही, असं राणे म्हणाले. तसेच गुन्हा दाखल नसताना, उगाच अटक होणार वगैरे काय नॉर्मल माणूस वाटलो काय तुम्हाला?, असंदेखील राणे यावेळी म्हणाले.

नाशिक पोलिसांनी रत्नागिरी पोलिसांना विनंती केली होती की नारायण राणे यांना ताब्यात घेऊन नाशिक पोलिसांकडे सुपूर्द करण्यात यावं. त्यानुसार रत्नागिरी पोलिसांनी नारायण राणे यांना ताब्यात घेतलं आहे. नारायण राणेंना अटक करण्यापूर्वी रत्नागिरी पोलीस अधिक्षकांनी सुमारे तासभर नारायण राणे यांच्याशी चर्चा केली. त्यावेळी नितेश राणे, प्रसाद लाड आणि इतर भाजप नेते या ठिकाणी उपस्थित होते. नारायण राणेंच्या अटकेमुळे राज्यातील राजकीय वातावरण तापण्याची शक्यता आहे.

काय आहे प्रकरण?
जनआशीर्वाद यात्रेदरम्यान बोलताना नारायण राणे यांनी मुख्यमंत्र्यांचा एकेरी उल्लेख करत त्यांना कानशिलात लगावण्याचं वक्तव्य केलं होतं. काल रायगडमधील महाड येथे या यात्रेदरम्यान त्यांची पत्रकार परिषद झाली. यावेळी बोलताना नारायण राणे यांनी मुख्यमंत्री उद्धव ठाकरे यांचा एकेरी उल्लेख केला. त्यांच्या याच वक्तव्यावरुन त्यांच्याविरोधात नाशिक आणि महाडमध्ये गुन्हा दाखल करण्यात आला आहे. दरम्यान औरंगाबादमध्येही शिवसेनेने नारायण राणेंविरोधात आंदोलन केले. नाशिक शहराचे शिवसेनेचे शहराध्यक्ष सुधाकर बडगुजर यांच्या तक्रारीनंतर नारायण राणेंविरोधात नाशिकमध्ये गुन्हा दाखल करण्यात आला. त्यानंतर नाशिक पोलिसांनी नारायण राणे यांच्या अटकेचे आदेश काढले.

The post मोठी बातमी! नारायण राणे यांना पोलिसांनी घेतलं ताब्यात appeared first on थोडक्यात घडामोडी.

रत्नागिरी : केंद्रीय मंत्री नारायण राणे यांच्या अडचणीत आणखी वाढ झाली आहे. मुख्यमंत्र्यांच्या विरोधात आक्षेपार्ह वक्तव्याप्रकरणी गुन्हा दाखल झाल्यानंतर आता नारायण राणे यांचा अटकपूर्व जामीन अर्ज रत्नागिरी न्यायालयाने फेटाळला आहे. त्यामुळे आता नारायण राणें यांना अटक होण्याची दाट शक्यता निर्माण झाली आहे.

Narayan Rane’s anticipatory bail rejected by Ratnagiri court #NarayanRane

— Prithviraj Maske (@PrithvirajM25) August 24, 2021

काय आहे प्रकरण?

जनआशीर्वाद यात्रेदरम्यान बोलताना नारायण राणे यांनी मुख्यमंत्र्यांचा एकेरी उल्लेख करत त्यांना कानशिलात लगावण्याचं वक्तव्य केलं होतं. काल रायगडमधील महाड येथे या यात्रेदरम्यान त्यांची पत्रकार परिषद झाली. यावेळी बोलताना नारायण राणे यांनी मुख्यमंत्री उद्धव ठाकरे यांचा एकेरी उल्लेख केला. त्यांच्या याच वक्तव्यावरुन त्यांच्याविरोधात नाशिक आणि महाडमध्ये गुन्हा दाखल करण्यात आला आहे. दरम्यान औरंगाबादमध्येही शिवसेनेने नारायण राणेंविरोधात आंदोलन केलं. नाशिक शहराचे शिवसेनेचे शहराध्यक्ष सुधाकर बडगुजर यांच्या तक्रारीनंतर नारायण राणेंविरोधात नाशिकमध्ये गुन्हा दाखल करण्यात आलेला आहे. त्यानंतर नाशिक पोलिसांनी नारायण राणे यांच्या अटकेचे आदेश काढले आहेत.

The post रत्नागिरी न्यायालयाने फेटाळला नारायण राणे यांचा अटकपूर्व जामीन अर्ज appeared first on थोडक्यात घडामोडी.

पुणे : महाराष्ट्र नवनिर्माण सेनेचे अध्यक्ष राज ठाकरे यांनी केंद्रीय मंत्रिमंडळात वर्णी लागलेले खासदार नारायण राणे यांचं अभिनंदन केलं आहे. तसंच, पुढील वाटचालीसाठी त्यांना शुभेच्छा दिल्या आहेत. शिवसेना, काँग्रेस, स्वत:चा स्वाभिमान पक्ष आणि आता भाजप असा प्रवास करणारे नारायण राणे यांना मोदी सरकारमध्ये सूक्ष्म, लघु व मध्यम खात्याची जबाबदारी देण्यात आली आहे. शिवसेनेत असताना नारायण राणे यांचे राज ठाकरेंशी चांगले संबंध होते.

पुण्यात झालेल्या पत्रकार परिषदेत राज ठाकरे यांना प्रश्न विचारला असता ते म्हणाले कि, “मी नारायण राणे यांना फोन केला होता. मात्र, त्यांचे दोन्ही फोन बंद होते. त्यांच्या मुलांचेही फोन बंद होते. त्यामुळे शुभेच्छा देता आल्या नाहीत. पुन्हा फोन करेन, असं ते काल म्हणाले होते. त्यानंतर आज सकाळी त्यांनी नारायण राणे यांच्याशी फोनवरून चर्चा केली व मंत्रिपदाबद्दल अभिनंदन केले.

The post मनसे अध्यक्ष राज ठाकरे यांनी केलं नारायण राणे यांचं अभिनंदन appeared first on थोडक्यात घडामोडी.

सिंधुदुर्ग : केंद्रीय गृहमंत्री अमित शाह यांच्या हस्ते आज (7 फेब्रुवारी) भाजप खासदार नारायण राणे यांच्या लाईफटाईम या मेडिकल कॉलेजचं उद्घाटन झालं. या कार्यक्रमाला विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील यांच्यासह भाजपचे प्रमुख नेते हजर होते.

काय म्हणाले अमित शाह?

“सर्वात आधी मी या भूमीवर पाय ठेवून या मातीला स्पर्श करुन धन्य झालो. या भूमीकडून प्रचंड चेतना मिळते. कारण याच भूमीने संपूर्ण देशाला स्वदेशासाठी आणि स्वातंत्र्यासाठी जीव देण्याचा संस्कार दिला आहे. जेव्हा मुघलांचं राज्य होतं, औरंगजेबाचं राज्य होतं, तेव्हा चहुबाजूने अंधार होता, कुठेही प्रकाशाचं चिन्ह दिसत नव्हतं. त्यावेळी शिवाजी महाराजांनी स्वराज्याची भाषा करत संपूर्ण देशाला चेतना दिली. तेव्हापासून सुरु झालेली ही यात्रा पंतप्रधान नरेंद्र मोदींपर्यंत सुरु आहे. आता मोदींच्या नेतृत्वात भारताला विश्वात नाव कमवायचं आहे. शिवाजी महाराजांनी अनेक प्रकारचे साहस केलं. त्यांनी हिंदवी साम्राज्याची स्थापना केली. अनेक पराक्रम केले. आपल्या जीवाची बाजी लावून ते स्वधर्मासाठी लढले. भारतात सर्वात आधी नौसेना बनवण्याचं काम शिवाजी महाराजांनी याच पवित्र भूमीत केलं”, असं अमित शाह म्हणाले.

“भाजप खासदार नारायण राणे यांच्या छवीचं अनेक प्रकारे लोक वर्णन करतात. मात्र, मी म्हणेल, जिथे अन्याय होतो तिथे निडरपणे ते संघर्ष करतात. जो स्वत:वरील अन्यायविरोधात लढू शकत नाही. ते जनतेसाठी लढू शकत नाही. नारायण राणे यांना त्यांच्या राजकीय आयुष्यात अनेकवेळा अन्यायाचा सामना करावा लागला. त्यामुळे त्यांनी अन्यायाला वाचा फोडत आपल्या भविष्याचा विचार करत पावलं टाकली. मला काही पत्रकार प्रश्न विचारतात, तुमच्याकडे त्यांच्यावर अन्याय झाला तर? मी सांगितलं, आम्ही अन्याय करणार नाही. आम्ही त्यांचा सन्मानच करु. तुम्ही चिंता करु नका. नारायण राणे यांना कसं साभाळावं आणि सन्मान करावं, ते भाजपला माहिती आहे”, असं केंद्रीय गृहमंत्री अमित शाह म्हणाले.

अमित शाह यांनी यावेळी महाविकास आघाडी सरकारवर निशाणा साधला. “महाराष्ट्रात ऑटो रिक्षाची सरकार बनली, ज्याचे तीनही चाकं वेगवेगळ्या दिशेने चालत आहेत. एक पूर्व, दुसरा पश्चिम तर तिसरा वेगळ्या दिशेने चालतो. महाराष्ट्राच्या जनतेच्या जनादेशाच्या विरोधात सत्तेच्या लालसेपोठी महाविकास आघाडी सरकार स्थापन करण्यात आलं. जनादेश हा मोदी आणि देवेंद्र फडणवीस यांच्या नेतृत्वाला पाठिंबा देणारा होता”, असा दावा त्यांनी केला.

“ते म्हणतात, एका बंद दाराआड खोलीत चर्चा झाली. मी वचन दिलेलं होतं. मी कधीच बंद खोलीत चर्चा करत नाही. जे आहे ते सर्व सार्वजनिक करतो. मी कधीच खोलीचं राजकारण केलं नाही. मी तसं कुठलंच वचन दिलं नाही”. “ते म्हणतात, आम्ही वचन मोडलं आहे. मी तुम्हाला आठवण करुन देतो, आम्ही तर शब्दाचे पक्के माणसं. अशाप्रकारे खोटं आम्ही बोलत नाही. बिहारमध्ये नितीश कुमार यांना वचन दिलं होतं. त्यांनी जनादेशानुसार भाजपचा मुख्यमंत्री बसवा, असा आग्रह केला. पण आम्ही वचनाला पक्के होतो, आम्ही नितीश यांना मुख्यमंत्रीपदी विराजमान केलं”, असं अमित शाह म्हणाले.

“कलम ३७० हटवलं, घाबरत घाबरत म्हणतात आम्ही स्वागत करतो. राम मंदिर बनवण्याचा निर्णय होतो. तेव्हाही मी जाईल, जाणार नाही. काय झालं? आम्ही तर कधीच घाबरलो नाही. भाजपा सिद्धांतासाठी राजकारणात आलेली आहे. राजकारणासाठी सिद्धांत तयार करत नाही. मी शिवसेनेच्या मित्रांना सांगू इच्छितो की, तुम्ही सिद्धांतांसाठी आलेला नाहीत. बाळासाहेब गेले. आता राजकारणासाठी सिद्धांतांची तोडमोड सुरू आहे. पण, महाराष्ट्रातील जनतेला चांगलं माहिती आहे. मी इतकंच सांगू इच्छितो की, आम्ही तुमच्या रस्त्यावर चालणार नाही. देवेंद्र फडणवीस मुख्यमंत्री असताना आम्ही तुमच्या मार्गाने चाललो असतो, तर तुमच्या पक्षाचं अस्तित्व राहिलं नसतं. तुम्ही मोदीजींच्या नावाने प्रचार केला. आम्ही त्यांच्यादेखत प्रचार केला. त्यांच्यासमोर देवेंद्र फडणवीस मुख्यमंत्री होतील, असे म्हणालो. मात्र, बाळासाहेब ठाकरे यांच्या सर्व सिद्धांतांना तापी नदीत सोडून ते सत्तेवर बसले आहेत”, असा घणाघात त्यांनी केला.

The post मी कधीच बंद खोलीत चर्चा करत नाही, अमित शाह यांची उद्धव ठाकरेंवर घणाघाती टीका appeared first on थोडक्यात घडामोडी.