हरियाणा : हरियाणाच्या रोहतक जिल्ह्यात काँग्रेस पार्टीच्या नेत्या हिमानी नरवाल यांच्या हत्येच्या प्रकरणात एक आरोपी सचिन कानोडा याला अटक करण्यात आली आहे. आरोपीने गुन्हा कबूल केला असून, त्याने सांगितले की हिमानीने त्याच्यासोबत शारीरिक संबंध ठेवलेले व्हिडीओ बनवून त्याला ब्लॅकमेल केले आणि त्याच्यावर पैशांची मागणी केली. त्यानंतर, त्याने सततच्या ब्लॅकमेलिंगला कंटाळून हिमानीची हत्या केली.

सचिन आणि हिमानी यांची मैत्री एक वर्षापूर्वी सोशल मीडियावर झाली होती. सचिनने पोलिसांना दिलेल्या आपल्या जबाबात म्हटले की, हिमानीने त्याला तिच्या घरी बोलावले, तिथे दोघांनी शारीरिक संबंध ठेवले. मात्र, हिमानीने या सर्वाचा व्हिडीओ तयार केला आणि त्याच व्हिडीओच्या आधारे ती सचिनला ब्लॅकमेल करू लागली. सचिनकडून लाखो रुपये वसूल केल्यानंतरही ब्लॅकमेलिंग सुरूच होते. हिमानीने आणखी पैसे मागितल्यामुळे सचिनने अखेर तिची हत्या केली.

हत्या आणि मृतदेहाची विल्हेवाट:
हिमानीने सचिनला आणखी पैसे मागण्यासाठी घरी बोलावलं. सचिनने तिला समजवण्याचा प्रयत्न केला, पण ती अजूनही पैशांची मागणी करत होती. त्यानंतर, सचिनने मोबाइल चार्जरच्या तारेने हिमानीचा गळा दाबून तिची हत्या केली. हत्या केल्यानंतर, तो तिचा मृतदेह घरी तसाच सोडून आपल्या दुकानात गेला. नंतर सचिन हिमानीच्या मृतदेहाची विल्हेवाट लावण्यासाठी पुन्हा तिच्या घरी परतला, मृतदेह सुटकेसमध्ये भरला आणि रिक्षाने, नंतर बसने मृतदेह सांपला स्टँडपर्यंत आणला. तिथे सुटकेस सोडून तो पळून गेला. काही तासांनी पोलिसांना एका बेवारस सुटकेसबद्दल माहिती मिळाली, ज्यात हिमानीचा मृतदेह आढळला.

धक्कादायक! काँग्रेस कार्यकर्त्या हिमानी नरवाल यांचा मृतदेह सूटकेसमध्ये आढळला, पक्षाकडून उच्चस्तरीय चौकशीची मागणी

दरम्यान, पोलिसांनी तात्काळ तपास सुरू केला आणि आरोपी सचिनला अटक केली. सचिनने गुन्हा कबूल केला आहे, परंतु पोलिसांनी अजून अधिकृतपणे काहीही सांगितलेलं नाही. तपास सुरू असून, अधिक धक्कादायक पुरावे समोर येण्याची शक्यता आहे. सचिनच्या वैयक्तिक जीवनाबद्दल देखील माहिती समोर आली आहे. तो विवाहित असून त्याला दोन मुले आहेत. या प्रकरणामुळे हरियाणामधील राजकीय वातावरण तापले आहे. हिमानीच्या कुटुंबीयांनी आरोपीला फाशीची शिक्षा देण्याची मागणी केली आहे.

The post हिमानी नरवाल हत्येचे गूढ उकलले, आरोपीचा धक्कादायक खुलासा, हिमानी शारीरिक संबंधाचा व्हिडीओ बनवून करत होती ब्लॅकमेल, अखेर… appeared first on थोडक्यात घडामोडी.

औरंगाबाद : औरंगाबाद शहरातील गजानन नगर परिसरातील गल्ली क्रमांक 4 येथे एका दाम्पत्याची निर्घृण हत्या करण्यात आली होती. शामसुंदर हिरालाल कळंत्री (वय 61) आणि किरण शामसुंदर कळंत्री (वय 45) असे मृत दाम्पत्याचे नाव आहे. या घटनेने सर्वत्र खळबळ उडाली होती. आता या प्रकरणात धक्कादायक खुलासा झाला आहे. जन्मदाते वडील आणि सावत्र आईची हत्या देवेंद्र कलंत्री याने केली होती. खून करण्यासाठी त्याने तीन फुटांची लोखंडी पहार वापरली होती.

गारखेडा परिसरातील गजानननगर येथील व्यापारी श्यामसुंदर हिरालाल कलंत्री (६१) आणि अश्विनी श्यामसुंदर कलंत्री (४५) यांची निर्घृण हत्या त्यांचा मुलगा देवेंद्र श्यामसुंदर कलंत्री (२७) याने केल्याचे सोमवारी सकाळी उघडकीस आले. अवघ्या काही तासांत गुन्हे शाखेने देवेंद्रला शिर्डीत लॉजमध्ये पकडले. सोमवारी रात्री त्याची बहीण वैष्णवीच्या तक्रारीवरून देवेंद्रविरोधात पुंडलिकनगर पोलीस ठाण्यात खुनाचा गुन्हा नोंदविण्यात आला.

देवेंद्र कलंत्री याने चौकशीत गुन्ह्याची कबुली दिली. कॉलनीतील एका टेलर महिलेसोबत त्याची मैत्री होती. तिला टेलरिंगचे साहित्य विकल्यानंतर तिच्याकडून ७०० रुपये का घेतले नाहीत, म्हणून आई-वडिलांनी शुक्रवारी रात्री त्याच्यासोबत भांडण केले. सावत्र आई सांगेल तसेच वडील वागतात, म्हणून त्या दोघांची हत्या केल्याची कबुली त्याने दिली. त्याने सांगितले कि, शनिवारी वडील बहिणीला कॉलेजला सोडण्यासाठी गेले तेव्हा घरी आईच्या डोक्यात पहार घालून तिचा खून केल्याचे . घरात रक्त सांडल्याने वडील येण्यापूर्वी कपड्याने रक्त पुसले. तसेच आईचे प्रेत दिवाणात ठेवले. वडील आले, तेव्हा जिन्यातच त्यांच्या डोक्यात पहारीचा जोरदार प्रहार करून त्यांनाही संपविले.

हत्या करण्यासाठी वापरलेली पहार आणि रक्ताचे डाग पुसण्यासाठी वापरलेले कपडेही पोलिसांनी पंचासमक्ष मंगळवारी जप्त केले. त्यानंतर तो दोन दिवस त्याच्या बहिणीशी खोटे बोलत होता. अटक केल्यानंतर आता पश्चात्ताप होत असल्याचे तो सांगत आहे. त्याचा हा पश्चात्ताप म्हणजे नाटक असल्याचे पोलीस अधिकाऱ्यांचे म्हणणे आहे.

देवेंद्रला मंगळवारी दुपारी पोलिसांनी न्यायालयात हजर केले. आरोपीचे या हत्येत कुणी साथीदार आहेत का, त्याला पळून जाण्यासाठी कोणी कोणी मदत केली, या हत्येचे आणखी काही कारण आहे का, यासाठी त्याच्या पोलीस कोठडीची आवश्यकता असल्याचे पोलिसांनी न्यायालयास सांगितले. न्यायालयाने त्याला २८ मे पर्यंत पोलीस कोठडी सुनावली आहे.

औरंगाबाद पुन्हा हादरलं! घरात कुजलेल्या अवस्थेत आढळले दाम्पत्याचे मृतदेह, मुलगा फरार

The post औरंगाबाद येथील दाम्पत्याच्या हत्याप्रकरणाचा उलगडा, त्यांच्या मुलानेच केला धक्कादायक खुलासा… appeared first on थोडक्यात घडामोडी.

राजस्थान : राजस्थानमधील जोधपूरमध्ये चार वर्षांपूर्वी एका निष्पाप चिमुरडीवर बलात्कार झाल्याची घटना समोर आली आहे. जेव्हा आई तिच्या मुलीला ‘गुड टच’ आणि ‘बॅड टच’ म्हणजे काय हे समजावून सांगत होती तेव्हा हा प्रकार उघडकीस आला. आईच्या स्पष्टीकरणानंतर मुलीने असा काहीसा प्रकार सांगितला जो ऐकून आईच्या पायाखालची जमीनच सरकली. मुलीने सांगितले की, चार वर्षांपूर्वी शाळेत तिच्यासोबत अशाच चुकीच्या गोष्टी घडल्या होत्या.

9 वर्षीय मुलीने तिच्या आईला सांगितले की, 26 फेब्रुवारी 2018 रोजी ती शाळेतील वार्षिक कार्यक्रमासाठी नृत्याचा सराव करत होती. यावेळी शाळेतील डान्स टीचरने तिच्यासोबत घाणेरडे कृत्य केले. प्रॅक्टिस सुरू असताना तिला बाथरूममध्ये नेऊन शिक्षकाने तिच्यावर बलात्कार केला. हा प्रकार मुलीच्या आईला समजताच तिने थेट पोलिस ठाण्यात धाव घेतली. तेथे तिने आपल्या मुलीसोबत घडलेल्या या प्रकाराची माहिती पोलिसांना दिली.

पोलिसांनी मुलीची वैद्यकीय तपासणी केली आणि तिच्यावर बलात्कार झाल्याची पुष्टी झाली. आरोपी डान्स टीचरवर तातडीने कारवाई करत पोलिसांनी त्याला अटक केली. पोलिस तक्रारीत मुलीने सांगितले की, जेव्हा शिक्षकाने तिच्यासोबत हे घाणेरडे कृत्य केले तेव्हा तिला त्याबद्दल धमकावले होते. शिक्षकाने मुलीला घाबरवले आणि सांगितले की जर तिने हे कोणाला सांगितले तर तो तिला मारून टाकेल. हे ऐकून मुलगी घाबरली आणि तिने हा प्रकार कोणालाही सांगितला नाही.

मुलीच्या आईने सांगितले की, तिची मुलगी त्या दिवसापासून खूप घाबरलेली असायची. याविषयी तिने कधीही कोणाला काही सांगितले नाही. ती अनेकदा डोकं दुखत असल्याचं म्हणायची. ती स्वतःतच हरवलेली असायची. अनेकवेळा मुलीला डॉक्टरांकडे देखील नेले, मात्र काहीही निदान झाले नाही. मग एके दिवशी तिने स्वत:च तिच्या मुलीला जवळ बसवले आणि ‘गुड टच’ आणि ‘बॅड टच’बद्दल सांगितले. त्यानंतर मुलीने हा धक्कादायक खुलासा केला.

The post आई मुलीला शिकवत होती ‘गुड टच’ आणि ‘बॅड टच’, मग 9 वर्षीय मुलीने केला धक्कादायक खुलासा… appeared first on थोडक्यात घडामोडी.

ब्राझील : प्रसिद्ध गायक एमसी केव्हिन याचा काही दिवसांपूर्वी पाचव्या मजल्यावरून खाली पडून मृत्यू झाला होता. मात्र, आता या प्रकरणात एक धक्कादायक खुलासा झाला आहे. केव्हिन गॅलरीत एका मॉडेलबरोबर रोमान्स करत होता, त्यावेळी अचानक त्याची पत्नी तेथे आली आणि घाबरल्यामुळे केव्हिन पाचव्या मजल्यावरून खाली पडला.

या घटनेच्या दोन आठवड्यांपूर्वीच केव्हिनने त्याची मैत्रीण डियोलेन बेजेराशी लग्न केले होते. केव्हिन आपल्या पत्नीची फसवणूक करीत होता आणि एका मॉडेलशी संबंध ठेवत होता. परंतु एका अत्यंत विचित्र परिस्थितीत केव्हिनला आपला जीव गमवावा लागला.

केविन त्याचा मित्र व्हिक्टरसोबत ब्राझीलच्या रिओ दि जानेरो येथी एका हॉटेलमध्ये गेला होता. या हॉटेलमध्ये त्याची भेट 26 वर्षीय मॉडेल बियान्काशी झाली. या सर्वांनी मिळून येथे ड्रग्सचे सेवन केले. त्यानंतर व्हिक्टरने बियांकाला पैशाच्या बदल्यात शरीरसंबंध ठेवण्याची ऑफर दिली. तथापि, केव्हिनने हे स्पष्ट केले की त्याने 33 वर्षीय डियोलेनशी लग्न केले आहे, त्यामुळे बियांकाने शरीरसंबंध ठेवल्याची गोष्ट गुप्त ठेवावी. मॉडेल बियांकाने सुरुवातीला यासाठी नकार दिला, परंतु थोड्या वेळाने बियान्का तयार झाली आणि म्हणाली की व्हिक्टर आणि केव्हिन या दोघांना तिला 390-390 डॉलर्स द्यावे लागतील.

प्रसिद्ध गायक केव्हिनचा पाचव्या मजल्यावरून खाली पडून मृत्यू, दोन आठवड्यांपूर्वीच केलं होतं लग्न

दरम्यान, त्याच हॉटेलमध्ये राहणारी क्रूझ नावाची एक व्यक्ती केव्हिनकडे आली. जेव्हा क्रूझला या ऑफरबद्दल समजले, तेव्हा तो त्याला ऑफरमध्ये सामील करून घ्या, असं म्हणू लागला. तथापि, व्हिक्टर आणि केव्हिन यांनी त्याला पळवून लावले. क्रूझने जाता-जाता केव्हिनच्या सुरक्षा रक्षकाला सांगितले की केव्हिनची पत्नी त्याचा शोध घेत आहे.

केव्हिनची पत्नी डियोलेनही या हॉटेलमध्ये थांबली होती. केव्हिनला याबद्दल माहित नव्हते, परंतु क्रूझला हे माहित होते. यानंतर, केव्हिनच्या सुरक्षा रक्षकाने व्हिक्टरला संदेशही दिला की केव्हिनची पत्नी त्याचा शोध घेत आहे. व्हिक्टरने केव्हिनला याबद्दल सांगितले, परंतु केव्हिनने याकडे दुर्लक्ष केले. काही काळानंतर व्हिक्टर वॉशरूममधून बाहेर येत असताना त्याने पाहिले की केव्हिनची पत्नी त्याच्या खोलीत आली आहे. त्यावेळी केव्हिन बाल्कनीत लटकून स्वत: ला लपविण्याचा प्रयत्न करीत होता. परंतु या गोंधळात त्याचा पाय घसरला आणि तो पाचव्या मजल्यावरून थेट खाली पडला.

त्यानंतर केव्हिनला तातडीने रुग्णालयात नेण्यात आले जेथे डॉक्टरांनी त्याला मृत घोषित केले. केव्हिनचे ​​इंस्टाग्रामवर 10 दशलक्षाहून अधिक फॉलोअर्स आहेत आणि तो सोशल मीडियावर खूप अ‍ॅक्टिव होता. मात्र, या प्रकरणात बियान्कावर सोशल मीडियावर अनेक प्रकारचे आरोप केले जात आहेत. तिने आपल्या इन्स्टाग्राम पोस्टमध्ये म्हटले कि, “लोक मला जज करीत आहेत, परंतु त्यांना हे समजले पाहिजे की मी केव्हिनकडे गेले नव्हते तर केव्हिन माझ्याकडे आला होता. कोणत्याही सामान्य व्यक्तीप्रमाणेच, या घटनेनंतर मलाही धक्का बसला आहे.”

Cyclone Tauktae : पी -305 जहाज बुडाल्याप्रकरणी कॅप्टनसह अनेक जणांविरोधात गुन्हा दाखल

ब्रेकिंग : तहलकाचे माजी संपादक तरुण तेजपाल यांची 8 वर्षानंतर बलात्कार प्रकरणात निर्दोष मुक्तता

The post गायक केव्हिनच्या मृत्यूप्रकरणात धक्कादायक खुलासा, गॅलरीत मॉडेलबरोबर करत होता रोमान्स तेवढ्यात… appeared first on थोडक्यात घडामोडी.

मुकेश अंबानी यांचे घर ‘अँटिलिया’च्या बाहेर जिलेटीनच्या काड्यांनी भरलेली स्कॉर्पिओ आढळली होती. आता या घटनेबद्दल एक धक्कादायक खुलासा झाला आहे. आरोपित दहशतवादी संघटना जैश-उल-हिंद ने टेलिग्राम चॅनलवरून अँटिलियाच्या बाहेर स्फोटक ठेवण्याची जबाबदारी स्वीकारली होती. मात्र, मिळालेल्या माहितीनुसार, ते चॅनेल दिल्लीच्या तिहार जेलमध्ये बनविण्यात आले होते. केंद्राच्या आदेशानंतर राष्ट्रीय अन्वेषण यंत्रणा (NIA) या संपूर्ण प्रकरणाची चौकशी करत आहे.

‘इंडियन एक्सप्रेस’ वृत्तपत्राला अशी माहिती मिळाली आहे की खासगी सायबर एजन्सीला तपास एजन्सीने फोन ट्रॅक करण्यास सांगितले. हा तोच फोन होता ज्यावर टेलीग्राम चॅनेल बनविला गेला होता. केंद्रीय एजन्सींनी दिल्ली पोलिसांच्या विशेष सेलला ही माहिती दिली असल्याची माहिती आहे. खासगी सायबर फर्मने तयार केलेल्या सुरक्षा विश्लेषणाच्या अहवालानुसार, हे टेलिग्राम चॅनेल 26 फेब्रुवारी रोजी दुपारी तीन वाजता ‘टार’ नेटवर्कद्वारे तयार केले गेले. ज्याचा वापर डार्क वेबमध्ये प्रवेश करण्यासाठी केला जातो. हे ज्या सिमकार्डद्वारे केले गेले त्याचे लोकेशन तिहार जेलमध्ये येत आहे. (डार्क वेब इंटरनेटचा एक असा भाग आहे ज्यामध्ये केवळ TOR सारख्या अज्ञात नेटवर्कद्वारे प्रवेश केला जाऊ शकतो, पारंपारिक सर्च इंजिनद्वारे नाही.)

काय घडलं होतं ?

28 फेब्रुवारी रोजी ‘जैश-उल-हिंद’ या दहशतवादी संघटनेने स्फोटकांनी भरलेली स्कॉर्पिओ अँटिलियाच्या बाहेर उभी केल्याची जबाबदारी स्वीकारली होती. मात्र, यानंतर दुसर्‍याच दिवशी ‘जैश-उल-हिंद’ ने दुसर्‍या टेलिग्राम वाहिनीवरून एक पोस्टर जारी केले आणि यात त्यांच्या संघटनेचा सहभाग नसल्याचं स्पष्ट केलं होतं. त्यात म्हटलं होतं कि, “आम्हाला पोस्टरवरून हे स्पष्ट करायचे आहे की जैश-उल-हिंदचा या घटनेशी काही संबंध नाही. मुकेश अंबानी यांच्या बंगल्याबाहेरची घटना, कथित टेलिग्राम खाते आणि पत्राशी आमचा काहीही संबंध नाही. बनावट पोस्टर लावल्याबद्दल आम्ही भारतीय गुप्तचर संस्थांचा निषेध करतो. आम्ही कुफ्रास (जे देवावर विश्वास ठेवत नाहीत) त्यांच्याकडून कधीच खंडणी घेत नाहीत आणि भारतीय व्यावसायिक जगतातल्या टायकून्सशी आमचा लढा नाही. आमचा लढा भाजप आणि संघाविरोधात आहे.”

The post अँटिलिया केसमध्ये धक्कादायक खुलासा, घटनेची जबाबदारी स्वीकारणाऱ्या टेलीग्राम चॅनेलचे लोकेशन तिहाड जेल appeared first on थोडक्यात घडामोडी.