काबूल : तालिबानने अफगाणिस्तानमधील अंतरिम सरकारची घोषणा केली आहे, मंगळवारी संंध्याकाळी तालिबानने आपल्या मंत्रिमंडळाची घोषणा केली. तालिबानने सत्ता हाती घेतल्यानंतर शरियत लागू झाल्याची घोषणा केली आहे. शिक्षण क्षेत्रातही बदल करण्यास सुरूवात केली आहे. आता तालिबानच्या शिक्षण मंत्र्याने शेख मौलवी नूरल्लाह मुनीर याने म्हटले आहे की सध्याच्या काळात पीएचडी, पदव्युत्तर पदवीचे काही महत्त्व नाही.

तालिबानने सत्ता हाती घेतल्यानंतर शिक्षण क्षेत्रात बदल करण्यास सुरूवात केली आहे. एकाच वर्गात मुले आणि मुली शिक्षण घेत असल्यास त्या वर्गात पडदे लावण्यात आले आहेत. काही ठिकाणी मुलींना फक्त ज्येष्ठ अथवा महिला शिक्षिकांकडून शिक्षण दिले जात आहे. तालिबानचे शिक्षण मंत्री शेख मौलवी नूरल्लाह मुनीर याने म्हटले की, आज मौलवी आणि तालिबान सरकारमध्ये आहे. सरकारमधील कोणाकडेही पदवी नाही. मात्र, त्यांचे काम खूप मोठे आहे. त्यामुळे सध्याच्या काळात पीएचडी, अथवा पदव्युत्तर पदवीच्या शिक्षणाची आवश्यकता नाही. तालिबानने अफगाणिस्तानमध्ये इस्लामिक आणि शरिया कायद्यानुसार शिक्षण देणार असल्याचे म्हटले आहे. त्याशिवाय आधुनिक शिक्षणही देण्यात येणार आहे. देशातील शैक्षणिक क्षेत्रातील तज्ज्ञांनी कोणतीही भीती बाळगू नये, असे तालिबानने म्हटले आहे.

दरम्यान, मंगळवारी संंध्याकाळी तालिबानने आपल्या मंत्रिमंडळाची घोषणा केली. मुल्ला मोहम्मद हसन अखुंद हा तालिबानी सरकारचा पंतप्रधान असणार आहे. तर, मोस्ट वॉन्टेड सिराज हक्कानी हा गृहमंत्री असणार आहे. तर, अब्दुल गनी बरादर हा उपपंतप्रधान असणार आहे. खैरउल्लाह खैरख्वा हा माहिती प्रसारण मंत्री असणार आहे. अब्दुल हकीम याच्याकडे न्याय मंत्रालयाची जबाबदारी असणार आहे. तालिबानचा प्रवक्ता जबिउल्लाह मुजाहिद हा माहिती मंत्रालयाचा उपमंत्री असणार आहे.

The post तालिबानने केला शिक्षण क्षेत्रात बदल, सरकारमधील कोणाकडेही पदवी नाही त्यामुळे पदवीचे काही महत्त्व नाही appeared first on थोडक्यात घडामोडी.

अफगाणिस्तान : अमेरिकन सैन्याने अफगाणिस्तानातून माघार घेतली आहे. काल रात्री 12 वाजण्यापूर्वी शेवटच्या अमेरिकन विमानाने काबूल विमानतळावरून उड्डाण केले आणि याबरोबरच वीस वर्षांपूर्वी सुरू झालेले अफगाणिस्तानमधील अमेरिकेचे युद्धही संपले. जवळजवळ २० वर्षे असलेली अफगाणिस्तानातील अमेरिकेची उपस्थिती संपुष्टात आली आहे. अमेरिकेची शेवटची तीन लष्करी विमाने सोमवारी रात्री काबूलच्या हमीद करझई आंतरराष्ट्रीय विमानतळावरून उडाली, अफगाणिस्तानातील अमेरिकन लष्करी कारवाईचा अंत झाला.

आरटीचे मुराद गझदीव यांनी ट्वीट केले की युद्ध संपले आहे. ही लढाई 19 वर्षे, 10 महिने आणि 25 दिवस चालली. उरलेले अमेरिकन सैनिक नुकतेच काबूल विमानतळावरुन निघाले आहेत.

The US war in Afghanistan lasted 19 years, 10 months and 25 days.

The war is over. America’s last troops have just left Kabul airport.

The Taliban won

— Murad Gazdiev (@MuradGazdiev) August 30, 2021

अमेरिकन सैन्य अफगाणिस्तानातून बाहेर पडत असल्याची पेंटागॉनने पुष्टी केली. अमेरिकन सैन्याने काबूल सोडल्यानंतर तालिबानने हवेत गोळ्या झाडून विजय साजरा केला.

Just listen to the intensity of the celebratory gunfire in Kabul.

I get the sense the Taliban expended more ammunition on celebration than on actual combat over the past month

Going to be fun trying to sleep tonight pic.twitter.com/Jbq48O5WIg

— Murad Gazdiev (@MuradGazdiev) August 30, 2021

The post अफगाणिस्तानातील अमेरिकन लष्करी कारवाईचा अंत, तालिबानने हवेत गोळ्या झाडून केला विजय साजरा appeared first on थोडक्यात घडामोडी.

काबूल : काबूलमधून मोठी बातमी येत आहे. प्रसारमाध्यमांच्या वृत्तानुसार, काबूल विमानतळावरून 150 लोकांना तालिबानी आपल्यासोबत घेऊन गेले आहेत, ज्यात अनेक भारतीयांचा समावेश आहे. ते सध्या कुठे आहेत, याबाबत अद्याप काहीही माहिती मिळालेली नाही. या लोकांना घेऊन जाण्यामागे तालिबानचा काय हेतू आहे हे देखील स्पष्ट नाही. विमानतळावरील गोंधळामुळे त्यांना दुसऱ्या गेटमधून आत नेण्यात आले असावे, अशी शदेखील व्यक्त केली जात आहे. त्यातच काबूल विमानतळावरील गोंधळादरम्यान एका अफगाण मुलीचा मृत्यू झाल्याचेही वृत्त आहे.

अफगाणिस्तानात तालिबानच्या राजवटीत भारतीयांचे एअरलिफ्ट पण सुरू आहे. हवाई दलाच्या सी -130 जे विमानाने 85 भारतीयांना घेऊन काबूल विमानतळावरून आज सकाळी 10.30 वाजता उड्डाण केले आहे. मीडिया रिपोर्टनुसार, आणखी 200 भारतीयांना आणण्याची तयारी केली जात आहे, यासाठी हवाई दलाचे सी -17 विमान स्टँडबायवर ठेवण्यात आले आहे.

अफगाणिस्तानमधील भारतीय दूतावासाच्या सर्व अधिकाऱ्यांना एअरलिफ्ट करण्यात आले आहे, परंतु काबूलसह इतर शहरांमध्ये सुमारे 1000 भारतीय अडकल्याचा अंदाज आहे. परराष्ट्र मंत्रालय त्यांचे स्थान आणि स्थिती जाणून घेण्याचा प्रयत्न करत आहे, कारण सर्व लोकांनी भारतीय दूतावासाशी संपर्क साधलेला नाही.

काबूलमधून भारतीयांना हवाई दलाच्या विमानांमध्ये आणले जात आहे. मंगळवारी 120 पेक्षा जास्त लोक ग्लोबमास्टर C-17 ने देशात परतले होते. यामध्ये काबूलमधील भारतीय दूतावासाचे अधिकारी, आयटीबीपीचे कर्मचारी आणि इतरांचा समावेश होता. यापूर्वी सोमवारीही 45 लोकांना विमानातून हलवण्यात आले होते.

The post मोठी बातमी! तालिबानी काबुल विमानतळावरून 150 लोकांना आपल्यासोबत घेऊन गेले, यात अनेक भारतीयांचा समावेश appeared first on थोडक्यात घडामोडी.

तालिबान : बुरखा परिधान न केलेल्या एक महिलेला तालिबानी दहशतवाद्यांनी गोळ्या घालून ठार केल्याची धक्कादायक घटना समोर आली आहे. वृत्तानुसार, नाजनीन नावाची २१ वर्षीय महिला बल्ख जिल्हा केंद्राकडे जात होती, यावेळी तालिबानी दहशतवाद्यांनी तिला अडवून कारमधून बाहेर ओढलं आणि त्यानंतर तिची गोळ्या घालून हत्या केली. तालिबानचा प्रवक्ता जबीहुल्ला मुजाहिदने या घटनेचे खंडण केले आहे.

तालिबानकडून अफगाणिस्तानातील वेगवेगळ्या भागांवर कब्जा मिळवण्याचे प्रयत्न केले जात असून, मोठा संघर्ष निर्माण झाला आहे. तसेच, तालिबान दहशतवाद्यांनी अफगाणिस्तानमधील नव्या क्षेत्रांवर ताबा मिळवल्यानंतर महिलांवर जाचक कायदे लागू केले आहेत. बल्ख हे उत्तरेतील अशांत क्षेत्र आहे, जिथे तालिबान अनेक भागांमध्ये सक्रीय आहे.

तालिबानी राजवटीत, महिलांना त्यांचं शरीर आणि चेहरा बुरख्याने झाकावा लागत होता आणि त्यांना शाळा, काम किंवा पुरूष नातेवाईक बरोबर असल्याशिवाय घराबाहेर पडण्यावर बंदी घालण्यात आली होती. तर, व्यभिचाराचा आरोप असलेल्या महिलांना मैदानात दगड मारून मारलं गेलं. आता तालिबानकडून २२३ जिल्ह्यांमध्ये वर्चस्व प्रस्थापित केले आहे, जिथे त्यांनी हे जाचक कायदे पुन्हा लागू केले आहेत.

The post महिलेला बुरखा परिधान न केल्यामुळे तालिबानी दहशतवाद्यांनी कारमधून बाहेर ओढलं आणि गोळ्या घातल्या appeared first on थोडक्यात घडामोडी.

काबूल : अफगाणिस्तानमधील एक मशिदीत दहशतवादी बॉम्ब बनवण्याचे प्रशिक्षण घेत होते, मात्र ते या दहशतवाद्यांना चाांगलेच महागात पडले आहे. या प्रशिक्षणादरम्यान झालेल्या स्फोटात ३० दहशतवादी ठार झाले. ठार झालेल्या दहशतवाद्यांमध्ये सहा प्रशिक्षक बॉम्ब बनवण्याचे प्रशिक्षण देत होते. परदेशातून आलेले सहा दहशतवादी हे भूसुरुंग बनवण्याच्या कामातील तज्ज्ञ होते.

प्रशिक्षक २६ अन्य दहशतवाद्यांना बॉम्ब बनवण्याचे प्रशिक्षण देत होते. बाल्फ प्रांतातील दौलताबाद जिल्ह्यातील कुल्ताक गावामध्ये ही घटना घडली. मिळालेल्या माहितीनुसार, ठार झालेल्या सहा परदेशी दहशतवाद्यांची ओळख पटवता आली नाही. स्थानिक माध्यमांनी दिलेल्या वृत्तानुसार, हे तालिबानी दहशतवादी एक मशिदीत एकत्र आले होते. या मशिदीत त्यांना आयईडी आणि बॉम्ब बनवण्याचे प्रशिक्षण दिले जात होते.

The post बॉम्ब बनवण्याचे प्रशिक्षण सुरु असताना स्फोट, ३० दहशतवादी ठार appeared first on थोडक्यात घडामोडी.