नवी दिल्ली : बेकायदेशीर ऑनलाइन बेटिंग अ‍ॅप प्रकरणातील मनी लाँडरिंग चौकशीच्या संदर्भात अंमलबजावणी संचालनालयाने (ईडी) माजी भारतीय क्रिकेटपटू सुरेश रैना आणि शिखर धवन यांच्या मालमत्ता जप्त केल्या आहेत, अशी माहिती अधिकाऱ्यांनी दिली.

ईडीने मनी लाँडरिंग प्रतिबंधक कायदा (PMLA) अंतर्गत या दोघांच्या एकूण ११.१४ कोटी रुपयांच्या मालमत्ता जप्त केल्या आहेत. या कारवाईचा संबंध ‘1xBet’ नावाच्या बेकायदेशीर ऑनलाइन बेटिंग साइटशी असल्याचे सांगितले जात आहे.

चौकशीनंतर ईडीने जारी केलेल्या आदेशानुसार, शिखर धवन यांची अंदाजे ४.५ कोटी रुपयांची स्थावर मालमत्ता, तर सुरेश रैना यांचा सुमारे ६.६४ कोटी रुपयांचा म्युच्युअल फंड जप्त करण्यात आला आहे.

ईडीच्या प्राथमिक चौकशीत या बेटिंग साइटद्वारे देशांतर्गत आणि आंतरराष्ट्रीय स्तरावर मोठ्या प्रमाणात आर्थिक व्यवहार झाले असल्याचे समोर आले आहे. संबंधित सर्व व्यवहारांचा मागोवा घेण्यासाठी पुढील तपास सुरू असल्याचे एजन्सीने सांगितले.

The post सुरेश रैना व शिखर धवन यांची ११.१४ कोटी रुपयांची मालमत्ता जप्त, बेकायदेशीर बेटिंग अ‍ॅप प्रकरणात ईडीची कारवाई appeared first on थोडक्यात घडामोडी.

मुंबई : आज आयपीएल २०२५ मध्ये डबल हेडर आहे म्हणजेच एका दिवसात दोन सामने आहेत. दिवसाचा पहिला सामना कोलकाता नाईट रायडर्स (केकेआर) आणि लखनौ सुपर जायंट्स (एलएसजी) यांच्यात ईडन गार्डन्सवर खेळला जात आहे. कोलकाताने नाणेफेक जिंकून गोलंदाजी करण्याचा निर्णय घेतला आहे. मोईन अलीच्या जागी स्पेन्सर जॉन्सनला संधी देण्यात आली आहे. तर लखनौने गेल्या सामन्याच्या प्लेइंग-११ मध्ये कोणतेही बदल केलेले नाहीत.

या हंगामात आतापर्यंत दोन्ही संघांनी प्रत्येकी ४-४ सामने खेळले आहेत. दोघांनी २ जिंकले आहेत आणि २ गमावले आहेत. आयपीएलमध्ये आतापर्यंत कोलकाता आणि लखनौ यांच्यात ईडन गार्डन्सवर २ सामने झाले आहेत, त्यापैकी दोघांनी १-१ सामने जिंकले आहेत. येथे २०२४ मध्ये शेवटचा सामना केकेआरने जिंकला होता.

कोलकाता नाइट रायडर्स : अजिंक्य रहाणे (कर्णधार), सुनील नरेन, क्विंटन डी कॉक (यष्टीरक्षक), व्यंकटेश अय्यर, रिंकू सिंग, रमणदीप सिंग, आंद्रे रसेल, हर्षित राणा, वरुण चक्रवर्ती, स्पेन्सर जॉन्सन आणि वैभव अरोरा.

लखनौ सुपर जायंट्स : ऋषभ पंत (कर्णधार आणि यष्टीरक्षक), मिचेल मार्श, एडन मार्कराम, निकोलस पूरन, आयुष बडोनी, डेव्हिड मिलर, अब्दुल समद, शार्दुल ठाकूर, दिग्वेश राठी, आवेश खान आणि आकाश दीप.

The post IPL 2025 : आज आयपीएलमध्ये डबल हेडर, दुपारी कोलकाता नाईट रायडर्स आणि लखनौ सुपर जायंट्स यांच्यात सामना appeared first on थोडक्यात घडामोडी.

मुंबई : ऑस्ट्रेलियाच्या एकदिवसीय क्रिकेट संघाचा प्रमुख आणि कर्णधार स्टीव्ह स्मिथने २०२५ च्या चॅम्पियन्स ट्रॉफीमध्ये भारताविरुद्ध उपांत्य सामन्यात पराभव स्वीकारल्यानंतर एक मोठी घोषणा केली. ३५ वर्षीय स्टीव्ह स्मिथने एकदिवसीय क्रिकेटमधून निवृत्ती घेतली आहे. मात्र, तो कसोटी आणि टी-२० क्रिकेटमध्ये खेळत राहील.

स्टीव्ह स्मिथने ऑस्ट्रेलियाकडून जवळजवळ १५ वर्षे एकदिवसीय क्रिकेट खेळले, आणि या काळात त्याने अनेक वेळा संघाचे नेतृत्वही केले. २०२५ च्या चॅम्पियन्स ट्रॉफीमध्ये, पॅट कमिन्सच्या अनुपस्थितीत, स्मिथला कर्णधार म्हणून मैदानावर उतरवण्यात आले होते. त्यांच्या नेतृत्वाखाली ऑस्ट्रेलिया संघाने चांगला खेळ केला, परंतु चॅम्पियन्स ट्रॉफीच्या उपांत्य फेरीतील पराभवानंतर ३५ वर्षीय स्टीव्ह स्मिथने त्याच्या संघातील सहकाऱ्यांना त्याच्या निर्णयाची माहिती दिली.

स्मिथचे वक्तव्य:
स्मिथने आपल्या निवृत्तीच्या निर्णयावर विचार व्यक्त करताना सांगितले, “हा एक अद्भुत प्रवास होता आणि मी त्यातील प्रत्येक क्षणाचा आनंद घेतला. दोन विश्वचषक जिंकणे हे मोठे यश होते. २०२७ च्या एकदिवसीय विश्वचषकाची तयारी करण्याची ही योग्य वेळ आहे, आणि मला वाटते की हेच योग्य वेळ आहे. कसोटी क्रिकेट अजूनही माझ्या प्राधान्यांमध्ये आहे आणि मी वर्ल्ड टेस्ट चॅम्पियनशिप फायनल, वेस्ट इंडिज दौरा आणि इंग्लंडविरुद्धच्या आगामी कसोट्यांमध्ये सहभाग घेण्यास उत्सुक आहे.”

स्मिथचे योगदान क्रिकेटच्या जगतात अद्वितीय राहिले आहे. स्मिथच्या या निवृत्तीने ऑस्ट्रेलियाच्या एकदिवसीय संघात एक मोठा बदल घडवून आणला आहे.

The post भारताविरुद्ध पराभवानंतर ऑस्ट्रेलियाला अजून एक धक्का, स्टीव्ह स्मिथ एकदिवसीय क्रिकेटमधून निवृत्त appeared first on थोडक्यात घडामोडी.

भारतीय क्रिकेट खेळाडू एस. श्रीशांतने व्यावसायिक क्रिकेटमधून निवृत्तीची घोषणा केली आहे. श्रीशांत 2007 टी20 विश्वचषक आणि 2011 विश्वचषक विजेत्या भारतीय संघाचा सदस्य होता. तो नुकताच रणजी ट्रॉफीमध्ये केरळकडून खेळत होता. मात्र दुखापतीनंतर त्याला रुग्णालयात दाखल करण्यात आले. यावेळी त्याला आयपीएल 20022 च्या लिलावात कोणत्याही संघाने विकत घेतले नाही.

श्रीशांतने सोशल मीडियावर व्यावसायिक क्रिकेटमधून निवृत्ती घेतल्याची माहिती दिली. त्याने लिहिले, “पुढील पिढीच्या क्रिकेटपटूंसाठी… मी माझ्या प्रथम श्रेणी क्रिकेटला अलविदा करण्याचा निर्णय घेतला आहे. हा निर्णय माझा स्वतःचा आहे. जरी मला माहित आहे की यामुळे मला आनंद होणार नाही. पण माझ्या आयुष्यात हा निर्णय घेण्याची हीच योग्य वेळ आहे. मी प्रत्येक क्षणाचा आनंद लुटला आहे.”

For the next generation of cricketers..I have chosen to end my first class cricket career. This decision is mine alone, and although I know this will not bring me happiness, it is the right and honorable action to take at this time in my life. I ve cherished every moment .???

— Sreesanth (@sreesanth36) March 9, 2022

The post श्रीशांतची क्रिकेटमधून निवृत्तीची घोषणा, चाहत्यांना मोठा धक्का… appeared first on थोडक्यात घडामोडी.

दक्षिण आफ्रिकेचा दिग्गज क्रिकेटपटू एबी डिव्हिलियर्सने शुक्रवारी सर्व प्रकारच्या क्रिकेटमधून निवृत्तीची घोषणा केली आहे. 37 वर्षीय डिव्हिलियर्सने ट्विटरच्या माध्यमातून ही घोषणा केली आणि त्याच्या 17 वर्षांच्या कारकिर्दीवर पडदा पडला.

डिव्हिलियर्सने जारी केलेल्या निवेदनात म्हटले कि, “हा एक अविश्वसनीय प्रवास होता, परंतु मी सर्व क्रिकेटमधून निवृत्ती घेण्याचा निर्णय घेतला आहे.

It has been an incredible journey, but I have decided to retire from all cricket.

Ever since the back yard matches with my older brothers, I have played the game with pure enjoyment and unbridled enthusiasm. Now, at the age of 37, that flame no longer burns so brightly. pic.twitter.com/W1Z41wFeli

— AB de Villiers (@ABdeVilliers17) November 19, 2021

तो पुढे म्हणाला, “माझ्या मोठ्या भावांसोबत घरामागील अंगणात मॅचेस खेळलो तेव्हापासून मी हा खेळ निखळ आनंदाने आणि अव्याहत उत्साहाने खेळलो आहे. आता, वयाच्या ३७ व्या वर्षी, तितका तेजस्वीपणा राहिला नाही. शेवटी, मला जाणीव आहे की माझ्या कुटुंबाने – माझे पालक, माझे भाऊ, माझी पत्नी डॅनियल आणि माझ्या मुलांनी केलेल्या त्यागाशिवाय काहीही शक्य झाले नसते. मी आमच्या आयुष्याच्या पुढील अध्यायाची वाट पाहत आहे, जेव्हा मी त्यांना खरोखर प्राधान्य देऊ शकेन.”

मी प्रत्येक संघसहकारी, प्रत्येक प्रतिस्पर्धी, प्रत्येक प्रशिक्षक, प्रत्येक फिजिओ आणि प्रत्येक कर्मचारी सदस्याचे आभार मानू इच्छितो, ज्यांनी त्याच मार्गावर प्रवास केला आणि दक्षिण आफ्रिकेत, भारतात, मी जिथे जिथे खेळलो तिथे मला मिळालेल्या समर्थनासाठी मी नम्र आहे. टायटन्स, किंवा प्रोटीज, किंवा आरसीबी किंवा जगभरातील खेळ असो, या खेळाने मला अकल्पित अनुभव आणि संधी दिल्या आहेत आणि मी नेहमीच कृतज्ञ राहीन.

या निर्णयाबद्दल बोलताना एबी डिव्हिलियर्स म्हणाला, “मी आरसीबीकडून खेळताना बराच काळ आणि फलदायी वेळ घालवला आहे. नुकतीच अकरा वर्षे उलटून गेली आणि मुलांना सोडून जाणे अत्यंत कटू असते. अर्थात, या निर्णयापर्यंत पोहोचायला खूप वेळ लागला, पण खूप विचार केल्यानंतर, मी थांबायचे आणि माझ्या कुटुंबासोबत दर्जेदार वेळ घालवायचे ठरवले. मी RCB व्यवस्थापन, माझा मित्र विराट कोहली, संघातील सहकारी, प्रशिक्षक, सपोर्ट स्टाफ, चाहते आणि संपूर्ण RCB कुटुंबाचे आभार मानू इच्छितो, ज्यांनी या सर्व वर्षांमध्ये माझ्यावर विश्वास दाखवला आणि मला पाठिंबा दिला.”

“आरसीबीसोबतचा हा प्रवास संस्मरणीय ठरला आहे. आयुष्यभर जपण्यासाठी वैयक्तिक आघाडीवर खूप आठवणी आहेत. आरसीबी नेहमीच माझ्या आणि माझ्या कुटुंबाच्या खूप जवळ असेल आणि या अप्रतिम संघाला सपोर्ट करत राहील. मी कायमचा RCBian आहे,” तो पुढे म्हणाला

एबी डिव्हिलियर्सने आरसीबीसाठी 156 सामने खेळले असून 4,491 धावा केल्या आहेत. विराट कोहलीच्या मागे तो दुसरा सर्वाधिक धावा करणारा खेळाडू आहे आणि RCB इतिहासात मुंबई इंडियन्स विरुद्ध (2015 मध्ये) 133* आणि गुजरात लायन्सविरुद्ध (2016 मध्ये) 129* अशा वैयक्तिक धावसंख्येसह दुसऱ्या आणि तिसऱ्या क्रमांकाची वैयक्तिक धावसंख्या आहे.

The post मोठी बातमी! एबी डिव्हिलियर्सची सर्व प्रकारच्या क्रिकेटमधून निवृत्तीची घोषणा appeared first on थोडक्यात घडामोडी.

मुंबई : पाकिस्तान विरुध्दच्या सामन्यात भारताचा पराभव झाल्यानंतर काही खेळाडूंविषयी उमटत असलेल्या प्रतिक्रिया या अशोभनीय असल्याचे शरद पवार यांनी म्हटले आहे. वानखेडे स्टेडियम येथे मुख्यमंत्री उद्धव ठाकरे यांच्या हस्ते, ज्येष्ठ नेते खासदार शरद पवार यांच्या उपस्थितीत लिटल मास्टर सुनील गावस्कर यांच्या नावे “द सुनील गावस्कर हॉस्पिटॅलिटी बॉक्स” आणि माजी कर्णधार दिलीप वेंगसरकर यांच्या नावाने स्टेडियम मधील नॉर्थ स्टँडचे “दिलीप वेंगसरकर स्टँड” असे नामकरण करण्यात आले. यावेळी ते बोलत होते.

शरद पवार यावेळी बोलताना म्हणाले, मुंबई ही भारताची क्रिकेटची जननी आहे. मुंबईने देशाला सर्वोत्तम क्रिकेटपटू दिले. उत्तम रणजीपटू, कसोटीपटू, उत्तमोत्तम कर्णधार दिले. या सर्वांनी मुंबई क्रिकेटचा लौकिक वाढविला. मुंबईच्या क्रिकेटपटूंचा दृष्टिकोन नेहमीच व्यापक राहिला आहे. त्यांनी आपल्या देशाचा, संघाचा आणि खेळाचा विचार केला. अशा क्रिकेटपटूंचा गौरव होत असल्याचे समाधानही त्यांनी व्यक्त केले. पवार यांनी दिवंगत क्रिकेटपटू माधव मंत्री हे उत्तम खेळाडू आणि उत्तम प्रशासक होते, असाही उल्लेख केला.

पुढे ते म्हणाले कि, “नुकताच पाकिस्तान विरुध्दच्या एका सामन्यात भारताचा पराभव झाला. त्यावरून देशात काही खेळाडूंविषयी उमटत असलेल्या प्रतिक्रिया या अशोभनीय असल्याचे नमूद करून पवार यांनी तथाकथित क्रिकेटप्रेमींनी अशाप्रकारे खेळाडूंना नामोहरम करू नये.

The post पाकिस्तान विरुध्द भारताच्या पराभवानंतर काही खेळाडूंविषयी उमटलेल्या प्रतिक्रिया अशोभनीय appeared first on थोडक्यात घडामोडी.

नवी दिल्ली : बांगलादेशचा स्टार क्रिकेटर शाकिब अल हसनला मैदानावरील गैरवर्तनाबद्दल व पंचांशी भांडण केल्याबद्दल शिक्षा झाली आहे. बांगलादेश क्रिकेट बोर्डाने (बीसीबी) त्याच्यावर ढाका प्रीमियर लीगच्या पुढील चार सामन्यांसाठी बंदी घातली होती. यासंदर्भात मंडळाने अद्याप अधिकृत निवेदन दिलेले नाही.

मोहम्मदान स्पोर्टिंग क्लब क्रिकेट समितीचे अध्यक्ष मसूदुझमान यांनी शनिवारी क्रिकबझला सांगितले की, “आम्हाला अद्याप कोणतेही अधिकृत पत्र मिळालेले नाही, परंतु आम्हाला समजले आहे की पंच समितीने शाकिब अल हसनवर चार सामन्यांच्या बंदीची शिफारस केली आहे.” याची पुष्टी करताना ते म्हणाले की, अशा स्टार खेळाडूने असे वर्तन का केले, याची माहिती मिळवण्याचे आवाहन आम्ही बीसीबीकडे करू.

शुक्रवारी शाकिबने मैदानावरील सर्व मर्यादा ओलांडल्या. शाकिब डीपीएलच्या एका सामन्यात मोहम्मदान स्पोर्टिंग क्लबकडून खेळत होता. अबानी लिमिटेड विरुद्धच्या सामन्यात गोलंदाजी करताना त्याने मुशफिकुर रहीम विरूद्ध एलबीडब्ल्यूची अपील केली. पण पंचांनी त्याच्याकडे दुर्लक्ष केले आणि फलंदाजाला आउट दिले नाही. यामुळे चिडलेल्या शाकिबने स्टंपला लाथ मारली. यानंतर सामना स्थगित करण्यात आला. त्यानंतर शाकिब आणखीनच संतापला आणि त्यानें पंचजवळ जाऊन तिन्ही स्टंप उखडून खेळपट्टीवर फेकले होते. या घटनेचा व्हिडिओ सोशल मीडियावर व्हायरल झाल्यानंतर शाकिबने त्याच्या वागण्याबद्दल माफी मागितली होती.

The post बांगलादेशचा स्टार क्रिकेटर शाकिब अल हसनला गैरवर्तनाची शिक्षा, पुढील चार सामन्यांसाठी बंदी appeared first on थोडक्यात घडामोडी.

नवी दिल्ली : जागतिक क्रिकेटमध्ये गेल्या काही वर्षात भारत आणि पाकिस्तान यांच्यात क्रिकेट सामने झाले नाहीत. राजकीय संबंधांमुळे भारत आणि पाकिस्तान यांच्यातील द्विपक्षीय मालिका झाल्या नाहीत. पण आता दोन्ही देशातील क्रिकेट चाहत्यांसाठी आनंदाची बातमी आहे. आता पुन्हा एकदा दोन्ही देशातील क्रिकेट सुरू होण्याची शक्यता आहे.

भारत आणि पाकिस्तान हे दोन्ही संघ फक्त आयसीसीच्या स्पर्धेत एकमेकांविरुद्ध खेळतात. दहशतवादाच्या मुद्द्यावर दोन्ही देशातील संबंध बिघडल्यामुळे सुमारे १० वर्षांपासून भारत आणि पाकिस्तान यांच्यात क्रिकेट सामने झाले नाहीत. या दोन्ही देशात २००७ साली अखेरची द्विपक्षीय मालिका झाली होती. तेव्हा पाकिस्तानने पाच वनडे आणि तीन कसोटी मालिका खेळण्यासाठी भारत दौरा केला होता. पण २००८ साली मुंबईवर झालेल्या दहशतवादी हल्ल्यानंतर दोन्ही देशातील संबंध बिघडले.

दोन्ही देशातील क्रिकेट पुन्हा सुरू होण्याची शक्यता आहे. पाकिस्तान क्रिकेट बोर्डा (PCB)ने देशातील सरकारच्या उच्चस्तरीय अधिकाऱ्यांशी यासंदर्भात चर्चा केली आहे. पाकिस्तानमधील उर्दू वृत्तपत्र ‘डेली जंग’ने याबाबतचे वृत्त दिले आहे. सर्व काही ठीक झाले तर या वर्षाच्या दुसऱ्या सत्रात दोन्ही संघात ३ सामन्यांची टी-२० मालिका होऊ शकते, असं वृत्तात म्हटलं आहे.

The post क्रिकेट चाहत्यांसाठी आनंदाची बातमी, भारत – पाकिस्तान सामने पुन्हा सुरु होण्याची शक्यता appeared first on थोडक्यात घडामोडी.

मुंबई : कोरोना संसर्गाच्या वाढत्या प्रादुर्भावामुळे बीसीसीआयने देशांतर्गत होणाऱ्या सर्व वयोगटांच्या क्रिकेट स्पर्धा रद्द केल्याची घोषणा केली आहे. आयपीएल २०२१ प्रेक्षकांच्या अनुपस्थितीत होईल. भारत आणि इंग्लंड यांच्यात सुरू असलेल्या पाच टी २० सामन्यांच्या मालिकेतील तिसऱ्या सामन्यापासून म्हणजेच १६ मार्च पासून स्टेडियममध्ये प्रेक्षकांना बंदी घालण्यात आली आहे.

सध्या पुरुष आणि महिला क्रिकेट संघांचे आंतरराष्ट्रीय सामने सुरू आहेत. या सामन्यांसाठी कोविड प्रोटोकॉल अंतर्गत खेळाडूंना बायो बबलमध्ये राहावे लागत आहे. मर्यादीत आंतरराष्ट्रीय खेळाडूंसाठी बायो बबल शक्य आहे. मात्र देशांतर्गत पातळीवर खेळणाऱ्या शेकडो खेळाडूंसाठी ते शक्य नाही. त्यामुळे कोरोना परिस्थितीचा आढावा घेऊन पुढील निर्णय घेण्यात येईल, असे बीसीसीआयने स्पष्ट केले.

The post देशांतर्गत होणाऱ्या सर्व क्रिकेट स्पर्धा रद्द, बीसीसीआयची घोषणा appeared first on थोडक्यात घडामोडी.

IND vs AUS 2nd Test : भारत आणि ऑस्ट्रेलिया संघात आजपासून मेलबर्न क्रिकेट ग्राऊंडवर बॉक्सिंग डे कसोटीला सुरुवात झाली आहे. ऑस्ट्रेलियाचा कर्णधार टिम पेनने नाणेफेक जिंकून प्रथम फलंदाजीचा निर्णय घेतला आहे. विराटच्या गैरहजेरीत संघाचं नेतृत्त्व अंजिक्य रहाणेकडे सोपवण्यात आलं आहे. ऑस्ट्रेलियाने मेलबर्न कसोटीत पहिल्या दिवशी  lunch break पर्यंत ३ बाद ६५ धावा केल्या.

सलामीवीर जो बर्न्स शून्य धावा करुन परतला. जसप्रीत बुमराहच्या गोलंदाजीवर रिषभ पंतने कॅच घेतला. मॅथ्यू वेड ३० धावा करू शकला. त्याला रविचंद्रन अश्विनने झेलबाद केले. रवींद्र जडेजाने कॅच घेतला. त्यानंतर रविचंद्रन अश्विनने चेतेश्वर पुजाराकरवी स्टीव्ह स्मिथला झेलबाद केले. स्मिथ शून्य धावा करुन परतला. सध्या मार्नस लब्युशेन (२६ धावा) आणि त्रावीस हेड (४ धावा) खेळत आहेत.

मेलबर्न कसोटीच्या पहिल्या दिवशी ऑस्ट्रेलियाने उपहारापर्यंत पहिल्या डावात ३ बाद ६५ धावा केल्या. भारताकडून रविचंद्रन अश्विनने दोन तर जसप्रीत बुमराहने एका फलंदाजाला बाद केले.

दुसऱ्या कसोटी सामन्यासाठी भारतीय संघात चार बदल करण्यात आले आहेत. विराट कोहलीच्या जागी अष्टपैलू रवींद्र जाडेजाला संधी मिळाली आहे. तर पृथ्वी शॉऐवजी शुभमन गिलला स्थान देण्यात आहे. दुखापत झाल्याने मोहम्मद शमी मालिकेतून बाहेर झाला आहे. त्यामुळे त्याच्या जागी मोहम्मद सिराजला संधी मिळाली आहे. या सामन्याद्वारे शुभमन गिल आणि मोहम्मद सिराज यांनी कसोटी क्रिकेटमध्ये पदार्पण केलं आहे. याशिवाय भारतीय संघाने रिद्धीमान साहाच्या जागी रिषभ पंतला परत बोलावलं आहे.

The post IND vs AUS 2nd Test : ऑस्ट्रेलियाविरुद्ध भारताची दमदार सुरुवात appeared first on थोडक्यात घडामोडी.