मुंबई : आज आयपीएल २०२५ मध्ये डबल हेडर आहे म्हणजेच एका दिवसात दोन सामने आहेत. दिवसाचा पहिला सामना कोलकाता नाईट रायडर्स (केकेआर) आणि लखनौ सुपर जायंट्स (एलएसजी) यांच्यात ईडन गार्डन्सवर खेळला जात आहे. कोलकाताने नाणेफेक जिंकून गोलंदाजी करण्याचा निर्णय घेतला आहे. मोईन अलीच्या जागी स्पेन्सर जॉन्सनला संधी देण्यात आली आहे. तर लखनौने गेल्या सामन्याच्या प्लेइंग-११ मध्ये कोणतेही बदल केलेले नाहीत.

या हंगामात आतापर्यंत दोन्ही संघांनी प्रत्येकी ४-४ सामने खेळले आहेत. दोघांनी २ जिंकले आहेत आणि २ गमावले आहेत. आयपीएलमध्ये आतापर्यंत कोलकाता आणि लखनौ यांच्यात ईडन गार्डन्सवर २ सामने झाले आहेत, त्यापैकी दोघांनी १-१ सामने जिंकले आहेत. येथे २०२४ मध्ये शेवटचा सामना केकेआरने जिंकला होता.

कोलकाता नाइट रायडर्स : अजिंक्य रहाणे (कर्णधार), सुनील नरेन, क्विंटन डी कॉक (यष्टीरक्षक), व्यंकटेश अय्यर, रिंकू सिंग, रमणदीप सिंग, आंद्रे रसेल, हर्षित राणा, वरुण चक्रवर्ती, स्पेन्सर जॉन्सन आणि वैभव अरोरा.

लखनौ सुपर जायंट्स : ऋषभ पंत (कर्णधार आणि यष्टीरक्षक), मिचेल मार्श, एडन मार्कराम, निकोलस पूरन, आयुष बडोनी, डेव्हिड मिलर, अब्दुल समद, शार्दुल ठाकूर, दिग्वेश राठी, आवेश खान आणि आकाश दीप.

The post IPL 2025 : आज आयपीएलमध्ये डबल हेडर, दुपारी कोलकाता नाईट रायडर्स आणि लखनौ सुपर जायंट्स यांच्यात सामना appeared first on थोडक्यात घडामोडी.

IPL 2022 : आयपीएलमध्ये आज डबल हेडर सामने होणार आहेत. दिवसाचा पहिला सामना कोलकाता नाईट रायडर्स आणि दिल्ली कॅपिटल्स यांच्यात मुंबईच्या ब्रेबॉर्न स्टेडियमवर दुपारी 3.30 वाजता खेळवला जाईल. कोलकाता नाईट रायडर्स हा स्पर्धेतील सर्वोत्कृष्ट कामगिरी करणाऱ्या संघांपैकी एक ठरला असून, त्यांनी पहिल्या चारपैकी तीन सामने जिंकले आहेत. दुसरीकडे, दिल्ली कॅपिटल्सने तीनपैकी दोन सामने गमावले आहेत.

अनुभवी भारतीय वेगवान गोलंदाज उमेश यादवच्या चांगल्या सुरुवातीमुळे कोलकात्याची गोलंदाजी लाइन अप विशेषतः धोकादायक दिसत आहे. उमेशने या मोसमात आतापर्यंत 9.33 च्या सनसनाटी सरासरीने आणि 5.25 च्या इकॉनॉमी रेटने 9 बळी घेतले आहेत. उमेशला पॉवरप्लेमध्ये चेंडू दोन्ही बाजूंनी स्विंग होत असल्याने आणि अचूक लेन्थ गोलंदाजी करताना फलंदाजी करणे खूप कठीण होते. KKR ने शिवम मावीच्या जागी रसिक सलाम डारला घेतले आहे, त्याने संघासाठी अतिशय किफायतशीर गोलंदाजी केली होती.

केकेआरच्या प्लेइंग इलेव्हनमध्ये टीम साऊदीच्या जागी पॅट कमिन्सच्या पुनरागमनामुळे संघाचे आक्रमण जबरदस्त दिसत आहे. मात्र, कोलकाताची ताकद त्याच्या वेगवान गोलंदाजीने संपत नाही. वरुण चक्रवर्ती आणि सुनील नरेन या फिरकी जोडीने मधल्या षटकांमध्ये फलंदाजांवर दबाव आणतात आणि मोठे फटके खेळण्याच्या प्रयत्नात फलंदाज विकेट गमावतात.

मुंबई इंडियन्स आणि चेन्नई सुपर किंग्ज प्रमाणे, दिल्ली कॅपिटल्सचा खेळ चांगला दिसत नाही आणि त्यांना पहिल्या तीनपैकी दोन सामन्यात पराभव पत्करावा लागला आहे. शेवटच्या क्षणी अक्षर पटेल आणि ललित यादव यांच्यातील उत्कृष्ट भागीदारीमुळे मुंबई इंडियन्सविरुद्धच्या पहिल्या सामन्यात त्यांचा विजय झाला. अन्यथा, त्या सामन्यातही आघाडीच्या फळीतील अपयशानंतर संघ संघर्ष करत होता.

डेव्हिड वॉर्नर, एनरिक नॉर्ट्या आणि सरफराज खान यांच्या आगमनाने लखनौविरुद्ध संघ मजबूत होईल, असे वाटले होते, पण तसे काही घडले नाही. पृथ्वी शॉने सलामीला वॉर्नरसोबत स्फोटक खेळी खेळली पण वॉर्नर संघर्ष करताना दिसला.

पृथ्वीने दिल्लीला दिलेल्या वेगवान सुरुवातीनुसार बाकीच्या फलंदाजांनी खेळ दाखवला नाही. संपूर्ण 20 षटके खेळल्यानंतर दिल्लीने 3 गड्यांच्या मोबदल्यात अवघ्या 149 धावा केल्या. गोलंदाजीतही नॉर्ट्या लयीत दिसला नाही. या परिस्थितीत श्रेयस अय्यर आणि आवेश खानसारखे मोठे खेळाडू गमावणारी दिल्ली जितक्या लवकर आपली सर्वोत्तम प्लेइंग इलेव्हन ठरवेल, तितके संघासाठी चांगले होईल.

आजचा दुसरा सामना राजस्थान रॉयल्स आणि लखनौ सुपर जायंट्स यांच्यात संध्याकाळी 7.30 वाजता खेळवला जाईल. हा सामना महाराष्ट्र क्रिकेट असोसिएशन स्टेडियम (MCA), पुणे येथे होणार आहे. राजस्थानने 3 पैकी 2 सामने जिंकले आहेत, तर लखनौने पहिला सामना गमावल्यानंतर विजयाची हॅट्ट्रिक केली आहे.

The post IPL 2022 डबल हेडर : आज कोलकाता आणि दिल्ली यांच्यात 3.30 वाजता मॅच, राजस्थान आणि लखनौ यांच्यात 7.30 वाजता मॅच appeared first on थोडक्यात घडामोडी.

मुंबई : कोलकाता नाईट रायडर्स विरुद्ध चेन्नई सुपर किंग्स यांच्यात IPL सामना सुरु आहे. दरम्यान, कोलकाताने टॉस जिंकून प्रथम गोलंदाजीचा निर्णय घेतला. यावेळी चेन्नईकडून उतरलेल्या ऋतुराज गायकवाड आणि फाफ डु प्लेसिस या सलामी जोडीने शतकी भागीदारी करत अत्यंत चांगली सुरुवात केली.

ऋतुराज गायकवाडने 6 चौकार आणि 4 षटकार लगावत अतिशय दमदार अर्धशतक झळकावले. त्याने ४२ चेंडूत ६४ धावा काढत दमदार खेळी केली. हा सामना मुंबईतील वानखेडे स्टेडियममध्ये खेळवण्यात येत आहे.

FIFTY!

A well made half-century for Ruturaj Gaikwad off 33 deliveries.

Live – https://t.co/37BCFLnlqR #KKRvCSK #VIVOIPL pic.twitter.com/qUwiKlKtW6

— IndianPremierLeague (@IPL) April 21, 2021

The post ऋतुराज गायकवाडची चेन्नईकडून दमदार खेळी, ४२ चेंडूत ६४ धावा appeared first on थोडक्यात घडामोडी.

IPL २०२१ डबल हेडर : IPL २०२१ च्या पहिल्या डबल हेडरमध्ये आज रॉयल चॅलेंजर्स बंगळुरू आणि कोलकाता नाईट रायडर्स यांच्यात दुपारी ३.३० वाजता सामना रंगणार आहे. चेन्नईच्या चेपक स्टेडियमवर हा सामना होईल. तर दिल्ली कॅपिटल्स आणि पंजाब किंग्ज यांच्यात रात्री ७.३० वाजता मुंबईच्या वानखेडे स्टेडियमवर खेळला जाईल.

मागील दोन्ही सामने रॉयल चॅलेंजर्स बंगळुरूने जिंकले आहेत. तर कोलकाता नाईट रायडर्स संघाने 2 पैकी 1 सामना जिंकला आणि 1 गमावला आहे. तर दिल्ली कॅपिटल्स आणि पंजाब किंग्ज या दोन्ही संघांनी 2 पैकी 1 सामना जिंकला आणि 1 गमावला आहे. या दोन्ही संघांची फलंदाजी खूपच मजबूत आहे. आतापर्यंत दिल्ली आणि पंजाब यांच्यात आयपीएलमध्ये एकूण 26 मॅच खेळल्या गेल्या आहेत. त्यापैकी पंजाबने 15 आणि दिल्लीने 11 सामने जिंकले.

खेळपट्टीचा अहवाल :

चेपकची खेळपट्टी स्पिनर्सला उपयुक्त ठरली आहे. या मोसमात फिरकी गोलंदाजांनी या मैदानावर 26 बळी घेतले आहेत. या मैदानावर या हंगामात आतापर्यंत 5 सामने झाले आहेत. त्यात प्रथम फलंदाजी करणार्‍या संघाने 4 सामने जिंकले तर नंतर फलंदाजी करणाऱ्या संघाने केवळ १ सामना जिंकला.

वानखेडेची खेळपट्टी वेगवान गोलंदाजांसाठी उपयुक्त ठरेल. 2019 मध्ये वानखेडे येथे 7 सामने खेळले गेले. यापैकी 3 वेळा प्रथम फलंदाजी करणाऱ्या संघाने 185 च्या वर धावा केल्या. दिल्ली कॅपिटलचा संघ अधिक आक्रमकपणे खेळत आहे आणि येथील खेळपट्टी त्यांच्या खेळाडूंच्या फलंदाजीला अधिक अनुकूल ठरेल, अशी शक्यता आहे. नाणेफेक जिंकणारा संघ प्रथम क्षेत्ररक्षण करण्याचा निर्णय घेऊ शकतो.

The post IPL डबल हेडर : आज दुपारी बेंगलुरु आणि कोलकाता यांच्यात सामना, तर रात्री दिल्ली आणि पंजाब यांच्यात सामना appeared first on थोडक्यात घडामोडी.

IPL 2020, KKR vs RR : राजस्थान रॉयल्स विरुद्धच्या मॅचमध्ये कोलकाता नाईट रायडर्सचा 60 रन्सने विजय झाला आहे. राजस्थान रॉयल्सच्या टीमने 20 ओव्हर्समध्ये नऊ विकेट्स गमावत 131 रन्स केले . कोलकाता नाईट रायडर्सकडून पॅट कमिन्स याने जबरदस्त बॉलिंग करत चार ओव्हर्समध्ये 34 रन्स देत चार विकेट्स घेतल्या. शिवम मावी आणि वरुण चक्रवर्ती या दोघांनी प्रत्येकी दोन-दोन विकेट्स घेतल्या. शिवम मावी याने चार ओव्हर्समध्ये 15 रन्स देत दोन विकेट्स घेतल्या. वरुण चक्रवर्ती याने चार ओव्हर्समध्ये 20 रन्स देत दोन विकेट्स घेतल्या. तर कमलेश नागरकोट्टी याने एक विकेट घेतली.

राजस्थान रॉयल्सने टॉस जिंकत प्रथम बॉलिंग करण्याचा निर्णय घेतला. यानंतर बॅटिंगसाठी मैदानात आलेल्या कोलकाता नाईट रायडर्सच्या टीमने 20 ओव्हर्समध्ये सात विकेट्स गमावत 191 रन्स केले आणि राजस्थान समोर विजयासाठी 192 रन्सचं आव्हान दिलं. कोलकाता नाईट रायडर्सच्या टीमकडून ईऑन मॉर्गन याने जबरदस्त खेळी खेळली. मॉर्गन याने 35 बॉल्समध्ये नॉट आऊट राहत 68 रन्स केले. राहुल त्रिपाठीने 39 रन्स केले. शुभमन गिल याने 36 रन्स केले. आंद्रे रसेल याने 25 रन्स तर पॅट कमिन्स याने 15 रन्स केले.

राजस्थान रॉयल्सच्या टीमकडून राहुल तेवतिया याने सर्वाधिक विकेट्स घेतल्या. राहुल तेवतिया याने चार ओव्हर्समध्ये 25 रन्स देत तीन विकेट्स घेतल्या. कार्तिक त्यागी याने चार ओव्हर्समध्ये 36 रन्स देत दोन विकेट्स घेतल्या. तर जोफ्रा आर्चर आणि श्रेयस गोपाल या दोघांनी प्रत्येकी एक-एक विकेट घेतली.

#KKR win by 60 runs to keep their hopes alive in #Dream11IPL 2020. pic.twitter.com/aISfVK98zJ

— IndianPremierLeague (@IPL) November 1, 2020

कोलकाताने दिलेलं आव्हान गाठण्यासाठी मैदानात उतरलेल्या राजस्थान रॉयल्सची सुरुवात खूपच खराब झाली. ओपनर बॅट्समन रॉबिन उथप्पा अवघ्या सहा रन्सवर माघारी परतला. त्यानंतर बेन स्टोक्स हा 18 रन्स करुन आऊट झाला. त्यापाठोपाठ स्टिव्ह स्मिथ चार रन्स तर संजू सॅमसन एक रन करुन आऊट झाला. मग आलेल्या जॉस बटलरने टीमला सावरण्याचा प्रयत्न केला. मात्र, बटलर सुद्धा 35 रन्सवर आऊट झाला. रियान पराग शून्यावर आऊट झाला. राहुल तेवतिया याने 31 रन्स, जोफ्रा आर्चरने सहा रन्स केले. श्रेयस गोपाळ याने नॉट आऊट राहत 23 रन्स केले.

The post कोलकाता नाईट रायडर्सचा 60 रन्सने दणदणीत विजय; राजस्थान रॉयल्सचं आव्हान संपुष्टात appeared first on थोडक्यात घडामोडी.

IPL 2020 : CSK vs KKR चेन्नई सुपर किंग्स आणि कोलकाता नाईट रायडर्स यांच्यात झालेली मॅच चेन्नई सुपर किंग्सने ६ विकेट्सने जिंकली आहे. . चेन्नईने शेवटच्या बॉलवर विजय मिळवला. चेन्नई सुपर किंग्सच्या विजयामुळे मुंबई इंडियन्सच्या प्लेऑफसाठी पात्र ठरली.

चेन्नई सुपर किंग्सने टॉस जिंकत प्रथम बॉलिंग करण्याचा निर्णय घेतला. यानंतर मैदानात बॅटिंगसाठी उतरलेल्या कोलकाता नाईट रायडर्सच्या टीमने 20 ओव्हर्समध्ये 5 विकेट्स गमावत 172 रन्स केले आणि चेन्नई समोर विजयासाठी 173 रन्सचं आव्हान दिलं. कोलकाताच्या टीमकडून नितीश राणा याने 87 रन्सची दमदार इनिंग खेळली. शुभमन गिल याने 26 रन्स केले. दिनेश कार्तिकने नॉट आऊट राहत 21 रन्स केले. इऑन मॉर्गनने 15 रन्स, रिंकू सिंगने 11 रन्स केले.

A nail-biting finish. @imjadeja finishes off in style ??#CSK win by 6 wickets.#Dream11IPL pic.twitter.com/eaoeT1cU4k

— IndianPremierLeague (@IPL) October 29, 2020

वॉट्सन याने 14 रन्स करत माघारी परतला. यानंतर ऋतुराज गायकवाड आणि अंबाती रायुडू या दोघांनी टीमला सावरत चांगली पार्टनरशिप केली. अंबाती रायुडू याने 38 रन्स केले. यानंतर आलेला महेंद्रसिंह धोनी हा अवघा एक रन करुन आऊट झाला. ऋतुराज गायकवाड याने 72 रन्स केले. मग रवींद्र जाडेजा याने 31 रन्सची इनिंग खेळत टीमला विजय मिळवून दिला. चेन्नई सुपर किंग्सच्या टीमकडून लुंगी नगीडी याने दोन विकेट्स घेतल्या. तर मिशेल सॅन्टनर, रवींद्र जाडेजा आणि करन शर्मा या तिघांनी प्रत्येकी एक-एक विकेट घेतली.

चेन्नई सुपर किंग्सच्या विजयामुळे मुंबई इंडियन्सच्या प्लेऑफसाठी पात्र ठरणारी पहिली टीम ठरली.. मुंबई इंडियन्सने प्लेऑफसाठी पात्र…

Presenting to you the first team to qualify for the playoffs of #Dream11IPL 2020 – #MumbaiIndians pic.twitter.com/2Q1vhdlJPk

— IndianPremierLeague (@IPL) October 29, 2020

The post चेन्नई सुपर किंग्सचा कोलकाता नाईट रायडर्सवर ६ विकेट्सने विजय… मुंबई इंडियन्सला फायदा appeared first on थोडक्यात घडामोडी.

IPL 2020 : सनराजयर्स हैदराबादने अबुधाबीत सुरू असलेल्या आयपीएलच्या ३५व्या लीग मॅचमध्ये टॉस जिंकून गोलंदाजीचा निर्णय घेतला. प्रथम फलंदाजी करणाऱ्या कोलकाता नाईट रायडर्सने २० ओव्हरमध्ये ५ बाद १६३ धावा केल्या आणि सनराजयर्स हैदराबाद समोर २० ओव्हरमध्ये १६४ धावा करण्याचे आव्हान ठेवले.

कोलकाता नाईट रायडर्सच्या सलामीवीरांनी चांगली सुरुवात केली. शुभम गिलने ३७ चेंडूत ५ चौकार मारत ३६ धावा केल्या तर राहुल त्रिपाठीने १६ चेंडूत २ चौकार आणि १ षटकार मारुन २३ धावा केल्या. त्रिपाठीला टी नटराजनने क्लीनबोल्ड केले तर राशिद खानच्या चेंडूवर प्रियम गर्गकडे झेल देऊन शुभम गिल परतला. नितिश राणाने २० चेंडूत ३ चौकार आणि १ षटकार मारुन २९ धावा केल्या. तो विजय शंकरच्या चेंडूवर प्रियम गर्गकडे झेल देऊन परतला. अँड्रे रसेल ११ चेंडूत १ चौकार मारुन ९ धावा केल्यानंतर बाद झाला. टी नटराजनच्या चेंडूवर विजय शंकरने त्याचा झेल घेतला. इओइन मॉर्गनने २३ चेंडूत ३ चौकार आणि १ षटकार मारुन ३४ धावा केल्या. बसिल थम्पीच्या चेंडूवर मनिष पांड्येने त्याचा झेल घेतला. दिनेश कार्तिक १४ चेंडूत २ चौकार आणि २ षटकारांच्या जोरावर २९ धावा करुन नाबाद राहिला.

That’s that from Match 35.@KKRiders win in the Super Over against #SRH.#Dream11IPL pic.twitter.com/KooTSzHDyH

— IndianPremierLeague (@IPL) October 18, 2020

टी नटराजनने ४ ओव्हरमध्ये ४० धावा देऊन २ विकेट घेतल्या. विजय शंकरने ४ ओव्हरमध्ये २० धावा देऊन एक विकेट घेतली. राशिद खानने ४ ओव्हरमध्ये २८ धावा देऊन एक विकेट घेतली. बसिल थम्पीने ४ ओव्हरमध्ये ४६ धावा देत १ विकेट घेतली. संदीप शर्माने ४ ओव्हरमध्ये २७ धावा दिल्या. टी नटराजन आणि बसिल थम्पीच्या ओव्हरमध्ये सर्वाधिक धावा काढण्यात कोलकाता नाईट रायडर्सचे फलंदाज यशस्वी झाले.

Game Changer – Lockie Ferguson #Dream11IPL pic.twitter.com/NtGtGr7jlR

— IndianPremierLeague (@IPL) October 18, 2020

The post IPL 2020 : कोलकाता नाईट रायडर्सचा सुपर ओव्हरमध्ये विजय appeared first on थोडक्यात घडामोडी.

IPL २०२० : किंग्स इलेव्हन पंजाब आणि कोलकाता नाईट रायडर्स यांच्यातील मॅचमध्ये किंग्स इलेव्हन पंजाबचा पराभव झाला. कोलकाता नाईट रायडर्स संघाने नाणफेक जिंकून फलंदाजीचा निर्णय घेतला. केकेआरने २० ओव्हरमध्ये ६ बाद १६४ धावा केल्या. त्यांनी किंग्स इलेव्हन पंजाबसमोर १६५ धावांचे आव्हान ठेवले.

किंग्स इलेव्हन पंजाबचा संघ २० ओव्हरमध्ये ५ बाद १६२ धावा करू शकला. त्यांना १६५ धावांचे आव्हान पार करणे जमले नाही. कोलकाता नाईट रायडर्सने मॅच केवळ दोन धावांनी जिंकली. कोलकाता नाईट रायडर्ससाठी सर्वाधिक ५८ धावा करणारा दिनेश कार्तिक मॅन ऑफ द मॅच झाला. त्याने २९ चेंडूत आठ चौकार आणि दोन षटकार मारत ५८ धावा केल्या.

The post IPL 2020 KXIP vs KKR : कोलकाता नाईट रायडर्सचा किंग्स इलेव्हन पंजाबवर २ धावांनी विजय appeared first on थोडक्यात घडामोडी.