मुंबई : राज्यातील कोरोना संसर्ग मोठ्या प्रमाणावर असलेल्या ११ जिल्ह्यांत ब्रेक दि चेन अंतर्गत तिसऱ्या पातळीचे निर्बंध कायम ठेवण्यात आले असून मुंबई, मुंबई उपनगर आणि ठाणे या ३ जिल्ह्यांत स्थानिक आपत्ती व्यवस्थापन प्राधिकरण निर्बंधांबाबत ठरविणार आहे. हे १४ जिल्हे सोडून राज्यातील उर्वरित जिल्ह्यांमध्ये निर्बंधांमध्ये काही प्रमाणात सूट देण्यात आली आहे.

सार्वजनिक आरोग्य विभागाने यासंदर्भात साथरोग कायदा आणि आपत्ती व्यवस्थापन कायद्यांतर्गत ब्रेक दि चेनचे आदेश जारी केले आहेत. ते उद्यापासून लागू होणार असून काही जिल्ह्यांत निर्बंध शिथिल केले असले तरी नागरिकांनी आरोग्याचे नियम पाळावेत आणि कोणत्याही परिस्थितीत मास्क वापरत राहावे असे आवाहन मुख्यमंत्री उद्धव ठाकरे यांनी केले आहे.

या ११ जिल्ह्यांमध्ये तिसऱ्या पातळीचे निर्बंध लागू राहतील :
कोल्हापूर, सांगली, सातारा, पुणे, रत्नागिरी, सिंधुदुर्ग, सोलापूर, अहमदनगर, बीड, रायगड, पालघर. या जिल्ह्यांपैकी सिंधुदुर्ग, सातारा, अहमदनगर येथे मोठ्या प्रमाणावर पॉझिटीव्हिटी दर आणि दैनंदिन वाढती रुग्ण संख्या पाहता या जिल्ह्यांतील स्थानिक आपत्ती व्यवस्थापन प्रशासन किती प्रमाणात कडक निर्बंध लावायचे त्याचा निर्णय घेतील.

मुंबई, मुंबई उपनगर आणि ठाणे या ३ जिल्ह्यांत आपत्ती व्यवस्थापन प्राधिकरण निर्बंधांबाबत ठरवतील.

उर्वरित जिल्ह्यातील निर्बंधांमध्ये खालीलप्रमाणे सूट राहील :

1. जीवनावश्यक वस्तू तसेच जीवनावश्यक वस्तू विक्री न करणारी सर्व प्रकारची दुकाने तसेच मॉल्स सोमवार ते शुक्रवार रात्री ८ वाजेपर्यंत आणि शनिवारी दुपारी ३ पर्यंत सुरु राहतील. रविवारी जीवनावश्यक वगळता इतर सर्व दुकाने आणि मॉल्स बंद राहतील.
2. सर्व सार्वजनिक उद्याने, मैदाने व्यायाम, चालणे, धावणे , सायकलिंग आदींसाठी खुले करण्यात आले आहेत.
3. सर्व शासकीय व खासगी कार्यालये पूर्ण क्षमतेने सुरु ठेवणार. प्रवासाची गर्दी टाळण्यासाठी कार्यालयीन वेळांची विभागणी करण्याची सूचना
4. जी कार्यालये वर्क फ्रॉम होम पद्धतीने सुरु ठेवता येऊ शकतात, ती तशीच सुरु ठेवण्याची सूचना.
5. सर्व प्रकारची शेतीविषयक कामे, बांधकाम, वस्तूंची वाहतूक, उद्योग हे पूर्ण क्षमतेने सुरु राहतील.
6. जिम, व्यायामशाळा, योगा केंद्र, ब्युटी पार्लर्स, केश कर्तनालय यांनी वातानुकूलन वापरायचे नसून, सोमवार ते शुक्रवार रात्री ८ वाजेपर्यंत ५० टक्के क्षमतेने सुरु ठेवता येतील. शनिवारी दुपारी ३ पर्यंत आणि रविवारी पूर्ण बंद राहतील.
7. चित्रपटगृहे, नाट्यगृहे, तसेच मॉल्समधील मल्टीप्लेक्स हे बंद राहतील. यात कोणतीही सूट नाही.
8. राज्यातील सर्वधर्मीयांची प्रार्थना स्थळे बंदच राहतील.
9. शाळा, महाविद्यालयांच्याबाबतीत शालेय शिक्षण व उच्च शिक्षण विभाग निर्णय घेईल.
10. सर्व उपाहारगृहे ५० टक्के आसन क्षमतेसह सायंकाळी ४ वाजेपर्यंत सुरु राहतील. मात्र आरोग्याच्या कोविडविषयक नियमांचे पालन करावे लागेल. टेक अवे किंवा पार्सल सेवा सध्याप्रमाणे सुरु ठेवता येईल.
11. रात्री ९ ते सकाळी ५ या वेळेत अत्यावश्यक कारणांशिवाय बाहेर पडता येणार नाही.
12. गर्दीमुळे संसर्ग वाढू नये म्हणून वाढदिवस समारंभ, राजकीय सामाजिक, सांस्कृतिक समारंभ, निवडणुका, प्रचार, मिरवणुका, निदर्शन मोर्चे यांच्यावरील निर्बंध कायम ठेवण्यात आले आहेत
13. मास्क वापरणे, सुरक्षित अंतर यासारखे कोरोना प्रतिबंधक नियम सर्व नागरिकांनी पाळणे गरजेचे आहे. या नियमांचे उल्लंघन केल्यास आपत्ती व्यवस्थापन कायदा २००५, साथरोग कायदा, आणि भारतीय दंड संहितेमधील तरतुदीनुसार कारवाई केली जाईल.

The post राज्यातील ११ जिल्ह्यांमध्ये तिसऱ्या पातळीचे निर्बंध, उर्वरित जिल्ह्यात ‘या’ निर्बंधांमध्ये सूट, जाणून घ्या.. appeared first on थोडक्यात घडामोडी.

वॉशिंग्टन : अमेरिकेचे माजी राष्ट्राध्यक्ष डोनाल्ड ट्रम्प यांनी कोरोना विषाणूच्या संसर्गावरून पुन्हा एकदा चीनवर निशाणा साधला आहे. ते म्हणाले की कोरोनाच्या संसर्गामुळे जगात भारतासह बरेच देश उद्धवस्त झाले आहेत. तसेच कोरोना विषाणू चीनची निर्मिती असल्याचं म्हणत चीनने अमेरिकेला नुकसानभरपाई म्हणून १० ट्रिलियन अमेरिकन डॉलर देण्याची मागणी देखील ट्रम्प यांनी केली. तसेच झालेले नुकसान यापेक्षा खूप मोठे असल्याचे देखील ते म्हणाले.

फॉक्स न्यूजला दिलेल्या मुलाखतीत डोनाल्ड ट्रम्प म्हणाले की, मला वाटते की कोरोना विषाणू कुठून आला हे शोधणे फार महत्वाचे आहे. तसेच विषाणूची गळती होणे हा अपघात असला तरी अनेक देशांवर त्याचा वाईट परिणाम झाला आहे. याआधी असे कधीच घडले नव्हते. भारतातही कोरोनाचे थैमान सुरू आहे. आम्ही किती चांगले काम करत आहोत हे दाखवण्याची भारतीयांची सवय आहे. मात्र, सत्य परिस्थिती वेगळी आहे. भारत कोरोनामुळे उद्धवस्त झाला आहे. जगातील जवळपास सर्वच देश कोरोनामुळे अक्षरशः उद्धवस्त झाल्याचे ट्रम्प यांनी म्हटले.

ट्रम्प पुढे म्हणाले की वस्तुस्थिती ही आहे की अनेक देश उद्धवस्त  झाले आहेत. मला आशा आहे की चीनने हे जाणूनबुजून केलेले नसावे.” आपल्या देशाला देखील कोरोनाचा खूप मोठा फटका बसला. पण इतर देशांवर त्याचा खूप मोठा परिणाम झाला आहे. त्यामुळेच मला वाटते की कोरोना विषाणू कुठून आला हे शोधणे फार महत्वाचे आहे. आणि चीनने देखील नक्कीच मदत केली पाहिजे. सध्या चीन आणि अमेरिका या दोनच अर्थव्यवस्था वेगाने सुधारत आहे.”

The post आम्ही चांगले काम करतो हे दाखवण्याची भारतीयांची सवय, पण कोरोनामुळे भारत उद्धवस्त झालाय – डोनाल्ड ट्रम्प appeared first on थोडक्यात घडामोडी.

नवी दिल्ली : कोरोना संसर्गामुळे ताजमहालसह सर्व एएसआय संरक्षित केंद्रीय स्मारके आणि संग्रहालये बंद आहेत. आता ही एएसआय अंतर्गत सर्व संरक्षित स्मारके आणि संग्रहालये 16 जूनपासून उघडली जाणार आहेत. कोविडमुळे ही ठिकाणे 16 एप्रिलपासून बंद आहेत.

देशभरात कोरोना संक्रमणाच्या दुसर्‍या लाटेमुळे खळबळ उडाली होती. त्यानंतर केंद्रीय पर्यटन मंत्रालयाने सर्व केंद्रीय स्मारके बंद ठेवण्याचा निर्णय घेतला होता. एएसआयने यापूर्वी 16 एप्रिल ते 15 मे या काळात सर्व संरक्षित स्मारके बंद करण्याचा आदेश दिला होता. यानंतर एएसआयने पुन्हा एकदा 12 मे रोजी हा कालावधी 15 जून पर्यंत वाढवण्याचे आदेश दिले होते.

भारतीय पुरातत्व खात्यांतर्गत येणारे पर्यटक स्थळे 16 जून,2021 पासून पुन्हा सुरू होणार.
All Centrally protected monuments/sites and museums under Archaeological Survey of India, ASI will be opened from Wednesday,16th June 2021. pic.twitter.com/f8u6psZ9jd

— Prakash Belwade-Patil प्रकाश बेलवाडे-पाटील ?? (@PrakashBelwade) June 14, 2021

The post मोठी बातमी : ताजमहालसह सर्व एएसआय संरक्षित स्मारके आणि संग्रहालये 16 जूनपासून उघडणार, appeared first on थोडक्यात घडामोडी.

नवी दिल्ली : कोरोना संसर्गाने देशात भयावह परिस्थिती निर्माण केली आहे. आतापर्यंत देशात कोरोनामुळे अडीच लाखांहून अधिक जणांचा मृत्यू झाला आहे. मात्र, अशा परिस्थिती भाजप नेते आणि उत्तराखंडचे माजी मुख्यमंत्री त्रिवेंद्र सिंह रावत यांनी एक अजब दावा केला आहे. त्यांचा एक व्हिडिओ सोशल मीडियावर चांगलाच व्हायरल होत आहे. या व्हिडिओत त्रिवेंद्र सिंह रावत ‘कोरोना विषाणूही एक जीव आहे, त्यालाही जगण्याचा अधिकार आहे’, असं म्हणताना दिसत आहेत.

त्रिवेंद्र सिंह रावत म्हणाले कि, “पाहिलं तर कोरोना विषाणूही एक प्राणी आहे. आपणही प्राणी आहोत. परंतु, आपण मनुष्य स्वत:ला सर्वात बुद्धिमान प्राणी समजतो. कोरोना विषाणूची जगण्याची इच्छा आहे आणि त्याला जगण्याचा अधिकार आहे. आपण त्याच्या मागे लागलो आहोत. त्यामुळे तो स्वतःला वाचवण्यासाठी स्वत:च रुप बदलत आहे.” दरम्यान, त्रिवेंद्र सिंह रावत यांच्या या व्हिडिओवर सोशल मीडियातून अनेक प्रतिक्रियाही उमटत असून त्यांना ट्रोल केलं जातं आहे.

“कोरोना एक प्राणी है”
– पूर्व CM एवं BJP नेता त्रिवेंद्र सिंह रावत

फिर तो इसका आधार कार्ड/राशन कार्ड भी होगा ? pic.twitter.com/1uhcb92JWQ

— Srinivas B V (@srinivasiyc) May 13, 2021

The post आता बोला! माजी मुख्यमंत्री म्हणतात, ‘कोरोना विषाणूही एक जीव, त्यालाही जगण्याचा अधिकार’ appeared first on थोडक्यात घडामोडी.

नवी दिल्ली : कोरोना संसर्ग झपाट्याने वाढत असून रुग्णसंख्येच्या बाबतीत भारतात वाढत जाणारे आकडे धडकी भरवणारे आहेत. आरोग्य मंत्रालयानं दिलेल्या माहितीनुसार, मागील २४ तासांत २ लाख ३४ हजार ६९२ कोरोनाबाधित रुग्ण आढळले आहेत तर १ हजार ३४१ कोरोनाबाधित रुग्णांनी आपले प्राण गमावले.

कोरोना संक्रमणाचा हाच वेग कायम राहिला तर भीषण परिस्थिती निर्माण होण्याची भीती निर्माण झाली आहे. अहवालानुसार, १५ दिवसांत मृतांची संख्या तिप्पटीनं वाढली आहे. देशातील एकूण कोरोनाबाधित रुग्णांची संख्या १ कोटी ४५ लाख २६ हजार ६०९ वर पोहचली असून आतापर्यंत देशात एकूण १ लाख ७५ हजार ६४९ नागरिकांनी आपले प्राण गमावले आहेत. सध्या देशात १६ लाख ७९ हजार ७४० रुग्णांवर उपचार सुरू आहेत.

The post चिंताजनक! कोरोना संसर्ग झपाट्याने वाढत असून १५ दिवसांत मृतांची संख्या तिप्पट appeared first on थोडक्यात घडामोडी.

मुंबई : राज्य शासनाने कोरोना संसर्ग रोखण्यासाठी ‘ब्रेक द चेन’ अंतर्गत विविध उपाययोजना जाहीर केल्या आहेत. या आदेशाच्या अनुषंगाने लोकांच्या मनातील शंकांचे निरसन करण्यासाठी आपत्ती व्यवस्थापन विभागाने माहिती प्रसिद्ध केली आहे.

१. डी मार्ट, रिलायंस, बिग बाजार सारखे मॉल्स उघडे राहणार का ?

४ आणि ५ एप्रिल रोजी राज्य शासनाने निर्बंधांबाबत आदेश काढले आहेत. जी दुकाने, मॉल्स यातील आवश्यक / जीवनावश्यक वस्तू विक्री करीत आहेत ते सुपर मार्केट्स, मॉल्स सकाळी ७ ते रात्री ८ या वेळेत सुरु राहू शकतील. आवश्यक नसलेल्या वस्तूंचे विभाग बंद राहतील

२. आठवड्याच्या शेवटच्या दिवशीच्या (वीकेंड) लॉकडाऊनमध्ये काय सुरु राहील आणि काय बंद ?

ब्रेक द चेनच्या आदेशात म्हटल्याप्रमाणे आवश्यक सेवा सुरु राहतील. कोणताही व्यक्ती योग्य कारणांशिवाय फिरू शकणार नाही. ही कारणे आदेशात नमूद आहेत.

३. आठवड्याच्या शेवटच्या दिवशीच्या (वीकेंड) लॉकडाऊमध्ये कृषी उत्पन्न बाजार समित्या सुरु राहतील काय ?

कोविडसंदर्भातील सर्व आरोग्याचे नियम पाळून सुरु राहू शकतील. मात्र नियमांचे पालन होत नाही हे लक्षात आले तर स्थानिक राज्य शासनाची परवानगी घेऊन बाजार बंद करू शकतात. स्थानिक प्रशासनाने यासंदर्भात काटेकोर लक्ष ठेवणे अपेक्षित आहे

४. बांधकाम दुकाने उघडी राहतील का ?

बांधकाम साहित्याची दुकाने बंद राहतील

५. वाहनांची दुरुस्ती करणारे गॅरेजेस, ऑटोमोबाईल दुकाने उघडी राहतील का ?

वाहतूक सुरु असल्याने दुरुस्ती करणारी गॅरेजेस सुरु राहू शकतील. मात्र, त्यांनी कोविडविषयक आरोग्याच्या नियमांचे पालन करायचे आहे. याच्याशी संबंधित दुकाने मात्र बंद राहतील. कोविड नियम न पाळणारी गॅरेजेस कोविड संसर्ग असेपर्यंत बंद ठेवण्यात येतील.

६. केंद्रीय कर्मचारी, सार्वजनिक क्षेत्रातील आस्थापना (पीएसयू) आवश्यक सेवा म्हणून संबोधता येतील का ?

नाही. सर्व केंद्रीय कर्मचारी आणि पीएसयू हे आवश्यक सेवेत येत नाहीत. आवश्यक सेवेत समाविष्ट असणारेच केंद्र शासनाचे विभाग किंवा सार्वजनिक क्षेत्रातील या सेवेतील समजले जातील.

७. नागरिक मद्य खरेदी करू शकतात का ?

हो. नागरिक हे ४ एप्रिल रोजी उपाहारगृहे आणि बारसाठी काढलेल्या आदेशाप्रमाणे निर्धारित वेळेत बारमधून टेक अवे पद्धतीने किंवा होम डिलिव्हरीने मद्य खरेदी करू शकतात.

८. मद्यविक्री दुकान सुरु राहू शकतील का? होम डिलिव्हरी होऊ शकेल का ?

नाही.

९. रस्त्याकडेचा ढाबा सुरु राहू शकतो का ?

हो. पण उपाहारगृहांप्रमाणेच बसून जेवण करण्यास परवानगी नाही. पार्सल नेऊ शकतात.

१०. इलेक्ट्रिक उपकरणांची दुकाने (एसी, फ्रीज इत्यादी) सुरु राहू शकतील का?

नाही.

११.दूरसंचारशी सबंधित (डेस्कटॉप, मोबाईल इत्यादी) सुरु राहू शकतील ?

नाही.

१२. आपले सरकार, सेतू केंद्रे सुरु राहू शकतील ?

हो. आठवड्याच्या दिवशी (वीक डेज) सकाळी ७ ते रात्री ८ वाजेपर्यंत सुरु राहू शकतात.

१३. आठवड्याच्या शेवटी रात्री ८ नंतर किंवा सकाळी ७ च्या आत उपाहारगृहे होम डिलिव्हरी करू शकतात का ?

आठवड्याच्या नियमित दिवशी ग्राहक उपाहारगृहांतून सकाळी ७ ते रात्री ८ यावेळेत पार्सल घेऊन जाऊ शकतात. या निर्धारित वेळेनंतर तसेच आठवड्याच्या शेवटच्या दिवसांत (वीकेंड) ग्राहक पार्सल घेऊ शकणार नाही. मात्र ई कॉमर्समार्फत तसेच उपहारगृहातून होम डिलिव्हरीमार्फत खाद्यपदार्थ मागवता येईल.

The post ब्रेक द चेन : जाणून घ्या आपल्या मनातील सर्व प्रश्नांची उत्तरे… appeared first on थोडक्यात घडामोडी.

राज्यातील कोरोना संसर्ग दिवसेंदिवस अधिकच झपाट्याने वाढत असल्यामुळे चिंतेत भर पडली आहे. आजही दिवसभरात राज्यात कोरोना रुग्णसंख्येत विक्रमी वाढ झाली आहे. रूग्णांच्या मृत्यूंच्या संख्येतही मोठी भर पडत आहे. या पार्श्वभूमीवर आज मुख्यमंत्री उद्धव ठाकरे यांनी राज्यात रविवारपासून रात्रीची जमावबंदी लागू करण्याचा निर्णय घेतला आहे.

दरम्यान, आज दिवसभरात राज्यात ३६ हजार ९०२ नवीन कोरोनाबाधित आढळून आले. तर ११२ रूग्णांचा मृत्यू झाल्याची नोंद झाली आहे. राज्यात आतापर्यंत ५३ हजार ९०७ रूग्णांचा मृत्यू झालेला आहे. आज दगावलेल्या रुग्णांमुळे राज्याचा कोरोना मृत्यूदर 2.04 टक्क्यांवर पोहोचला आहे. राज्यात सध्या २ लाख ८२ हजार ४५१ अॅक्टिव्ह केसेस आहेत. तसेच, आज दिवसभरात १७ हजार १९ जणांना त्यांना डिस्चार्ज मिळाला. आतापर्यंत राज्यात २३,००,०५६ जण कोरोनातून बरे झाले आहेत. राज्यातील रूग्ण बरे होण्याचे प्रमाण ८७.२ टक्के झाले आहे. सध्या राज्यात १४,२९,९९८ जण घरीच विलगीकरणात आहेत. तर १४ हजार ५७८ जण संस्थात्मक विलगीकरणात आहेत.

The post चिंता वाढली, कोरोना रुग्णसंख्येत होतेय विक्रमी वाढ, आज राज्यात ३६ हजार ९०२ नवीन कोरोनाबाधित appeared first on थोडक्यात घडामोडी.

कोरोनाला आळा घालण्यासाठी विविध पातळीवर संशोधन सुरु आहे. त्यातच आता नवीन संशोधनानुसार, कोरोनाचा विषाणू नाकावाटे थेट मेंदूपर्यंत जातो आणि संपूर्ण शरीरावर परिणाम करत असल्याचे समोर आले आहे. ‘नेचर न्यूरोसायन्स’ या नियतकालिकात याबाबतचे संशोधन प्रसिद्ध झाले आहे.

या संशोधनात कोरोनाचा विषाणू शरीराच्या विविध अवयवांपर्यंत कसा जातो याबाबतची निरीक्षणे नोंदवली आहेत. वास न येणे, चव नसणे, डोकेदुखी, थकवा अशा प्रकारची लक्षणे संबंधित रुग्णाला थेट मेंदूपर्यंत कोरोना विषाणू पोहोचल्यानेच दिसू लागतात. या संशोधनामुळे कोरोनाच्या रुग्णांमध्ये न्यूरोलॉजिकल लक्षणे काय आहेत तसेच त्यांच्यावर उपचार कसे करावे याबाबत मदत मिळेल.

जर्मनीतील चारिटे विद्यापीठातील संशोधकांनी श्वासनलिकेची घश्याच्या वरच्या भागापासून ते नाकापर्यंत तपासणी केली. या संशोधनात कोरोनामुळे मृत्यू झालेल्या ३३ रुग्णांचा देखील समावेश होता. यामध्ये ११ महिला आणि २२ पुरुष होते. मृतांचे सरासरी वय हे ७१.६ टक्के होते. कोरोनाची लक्षणे आढळण्यापासून मृत्यू होईपर्यंत सरासरी ३१ दिवस ते जगले. संशोधकांना मेंदू आणि श्वसन नलिकेत सार्स-सीओव्ही२ आरएनए आणि प्रोटीन आढळले.

The post कोरोनाचा विषाणू नाकावाटे थेट मेंदूपर्यंत जातो, संशोधनात समोर आली माहिती appeared first on थोडक्यात घडामोडी.