मुंबई : नार्कोटिक्स कंट्रोल ब्युरोने आर्यन खानला हाय-प्रोफाइल मुंबई क्रूझ ड्रग्स प्रकरणात ‘क्लीन चिट’ दिली आहे. बॉलीवूडचा सुपरस्टार शाहरुख खानच्या मुलाला गेल्या वर्षी मुंबईच्या किनाऱ्यावर एका क्रूझवर छापा टाकल्यानंतर आणि ड्रग्ज सापडल्यानंतर अटक करण्यात आली होती. त्यानंतर आर्यनला जामीन देण्यात आला.

‘पुराव्याअभावी’ सहा जणांविरुद्ध तक्रार दाखल झालेली नाही, तर १४ जणांवर आरोपपत्र दाखल करण्यात आले आहे. एनसीबीने विशेष न्यायालयात आपले ‘अंतिम’ आरोपपत्र दाखल केले कारण आरोपपत्र दाखल करण्यासाठीची ६० दिवसांची मुदत 29 मे रोजी संपत आली होती. एनसीबीने दाखल केलेल्या आरोपपत्रात आर्यन खानच्या नावाचा समावेश नाही. आरोपपत्रात म्हटले आहे की आर्यनकडे कोणतेही ड्रग्स आढळले नाहीत.

बॉलीवूड सुपरस्टार शाहरुख खानचा मुलगा आर्यन खान याला ऑक्टोबरच्या सुरुवातीला मुंबई क्रूझ ड्रग्ज प्रकरणी अटक करण्यात आली होती. अनेक न्यायालयीन सुनावणी आणि 26 दिवसांच्या कोठडीनंतर, मुंबई उच्च न्यायालयाने त्याला 28 ऑक्टोबर रोजी जामीन मंजूर केला. शेवटी 30 ऑक्टोबर रोजी तो तुरुंगातून बाहेर आला होता.

एनसीबीच्या अधिकाऱ्यांनी कर्डिलिया ड्रग्ज प्रकरणी आरोपपत्र न्यायालयात आणले आहे. एनसीबी हे आरोपपत्र कोर्ट रजिस्ट्रीमध्ये सादर करणार आहे. या आरोपपत्राची रजिस्ट्रीद्वारे पडताळणी केली जाईल आणि त्यानंतर ते आरोपपत्र न्यायालयात न्यायाधीशांसमोर सादर केले जाईल.

या प्रकरणात एकूण 20 आरोपी होते, त्यापैकी 18 आरोपी जामिनावर बाहेर असून 2 आरोपी अजूनही तुरुंगात आहेत. अब्दुल शेख आणि चिनेदू इग्वे अशी कारागृहात असलेल्या दोन आरोपींची नावे आहेत. आरोपपत्राचे एकूण 10 खंड असून ते सध्या न्यायालयाच्या रजिस्ट्रीमध्ये आहे. 6000 पानांचे आरोपपत्र असल्याचे सूत्रांनी सांगितले.

The post ब्रेकिंग! आर्यन खानला क्रूझ ड्रग्ज प्रकरणात एनसीबी कडून क्लीन चिट appeared first on थोडक्यात घडामोडी.

मुंबई : आर्यन खान, अरबाज मर्चंट आणि मुनमुन धामेचा यांनी दाखल केलेल्या जामीन अर्जांवर मुंबई उच्च न्यायालयाच्या एकल न्यायाधीशांच्या खंडपीठाने पुढील सुनावणी गुरुवारी (२८ ऑक्टोबर) ठेवली आहे. उद्या दुपारी अडीचनंतर या प्रकरणाची सुनावणी होईल, असे न्यायमूर्ती सांबरे यांनी सांगितले. एनसीबीने 2 ऑक्टोबर रोजी मुंबईच्या आंतरराष्ट्रीय क्रूझ टर्मिनलवरून अटक केलेल्या आठ जणांमध्ये तिघांचा समावेश आहे.

NCB तर्फे हजर असलेले ASG अनिल सिंग यांनी न्यायालयाला सांगितले की, ते मुकुल रोहतगी, अमित देसाई आणि अली काशिफ खान देशमुख यांनी केलेल्या युक्तिवादांना गुरुवारी उत्तर देतील. तसेच “मी एका तासात माझा युक्तिवाद पूर्ण करण्याचा प्रयत्न करेन,” असे देखील एएसजी सिंग म्हणाले.

The post ब्रेकिंग! आर्यन खानला जामीन नाहीच, सुनावणी उद्यापर्यंत तहकूब appeared first on थोडक्यात घडामोडी.

मुंबई : मुंबई क्रूज ड्रग्स प्रकरणात एनसीबीच्या तपासाची व्याप्ती वाढत आहे. बॉलीवूड स्टार शाहरुख खानचा मुलगा आर्यन खान या प्रकरणात तुरुंगात आहे आणि आता अभिनेत्री अनन्या पांडेही ड्रग्ज प्रकरणात एनसीबीच्या रडारवर आली आहे. शुक्रवारी याप्रकरणी अनन्या पांडेची दुसऱ्यांदा चौकशी करण्यात आली, मात्र काल ती नियोजित वेळेऐवजी तीन तास उशिराने एनसीबी कार्यालयात पोहोचल्यामुळे अनन्याला फटकारण्यात आले.

मुंबई एनसीबीने अभिनेत्री अनन्या पांडेला दुसऱ्या दिवशी 11 वाजता चौकशीसाठी उपस्थित राहण्यास सांगितले होते, परंतु अनन्या 11 ऐवजी 2 वाजल्यानंतर एनसीबी कार्यालयात पोहोचली. एनसीबीचे झोनल डायरेक्टर समीर वानखेडे यांनी अनन्याला उशिरा आल्याबद्दल फटकारले. ते म्हणाले कि, ‘तुम्हाला 11 वाजता बोलावण्यात आलं होतं आणि तुम्ही आता येत आहात. येथे अधिकारी तुमची वाट पाहत मोकळे बसलेले नाहीत. हे तुमचे प्रॉडक्शन हाऊस नाही, हे केंद्रीय एजन्सीचे कार्यालय आहे, तुम्हाला बोलावलेल्या वेळी येत जा.

एनसीबीने शुक्रवारी अनन्या पांडेची 4 तास चौकशी केली. गुरुवारी देखील एनसीबीने या प्रकरणात अनन्याची 2 तास चौकशी केली होती. आता अनन्या पांडेला सोमवारी एनसीबीने पुन्हा चौकशीसाठी बोलावले आहे. दोन्ही दिवशी अनन्यासोबत तिचे वडील चंकी पांडे होते.

अनन्या पांडेशी संबंधित तीन चॅट सर्वात महत्वाचे आहेत. 2018 ते 2019 या काळात हे चॅट गांज्याबद्दल झाले आहेत. अनन्याचे दोन्ही फोन एनसीबीने जप्त केले आहेत. जेव्हा अनन्याला प्रश्न विचारण्यात आले, तेव्हा ती खूप गोंधळलेली दिसत होती. तिने नीट आठवत नाही असे सांगून अनेक प्रश्न टाळले. एका चॅटमध्ये आर्यन खान आणि अनन्या पांडे यांच्यात गांजाबद्दल बोलणे झाले. आर्यन विचारत होता काही जुगाड होऊ शकेल का? अनन्याने उत्तर दिले – मी व्यवस्था करीन. एनसीबीने हे चॅट अनन्याला दाखवले आणि प्रश्न विचारला, ज्यावर अनन्याने उत्तर दिले की मी फक्त विनोद करत बोलत होते.

The post …म्हणून समीर वानखेडे यांनी अनन्या पांडेला फटकारले appeared first on थोडक्यात घडामोडी.

मुंबई : ड्रग्ज प्रकरणात एक मोठे अपडेट समोर आले आहे. एनसीबीची टीम गुरुवारी बॉलिवूड अभिनेत्री अनन्या पांडेच्या घरी पोहोचली आहे. तसेच एनसीबीने अनन्या पांडेला आज दुपारी 2 वाजता चौकशीसाठी बोलावले आहे. अनन्या पांडे प्रसिद्ध अभिनेता चंकी पांडेची मुलगी आहे. एनसीबी टीम केवळ अनन्याच्या घरीच नाही तर शाहरुख खानचे घर मन्नतमध्येही सर्च ऑपरेशन करत आहे.

या प्रकरणात अनन्या पांडेचे नाव पुढे येणे हा मोठा खुलासा आहे. आर्यन खानच्या ड्रग्स प्रकरणाबद्दल अनन्याला प्रश्न विचारले जाऊ शकतात. आर्यन खानच्या व्हॉट्सअॅप ड्रग चॅटमध्ये अनन्या पांडेचे नाव समोर आल्याचे सांगितले जात आहे. यापूर्वी वृत्त होते की आर्यन खानने एका नवोदित बॉलिवूड अभिनेत्रीसोबत ड्रग चॅट केले होते. आता असे समोर आले आहे की आर्यनने अनन्यासोबत ड्रग्ज चॅट केले होते.

चंकी पांडे आणि शाहरुख खानच्या मुलांमध्ये चांगले संबंध आहेत. ते सर्व एकमेकांचे मित्र आहेत. अनन्या पांडे ही शाहरुख खानची मुलगी सुहाना खानची जवळची मैत्रीण आहे. अनन्याची आर्यन खान सोबत देखील मैत्री आहे. हे सर्व स्टारकिड्स एकत्र पार्टी, हँगआउट देखील करतात. अनन्या पांडेने स्टुडंट ऑफ द इयर या चित्रपटाद्वारे बॉलिवूडमध्ये पदार्पण केले.

गुरुवारी सकाळी शाहरुख खान याने आर्थर रोड येथे मुलगा आर्यन खानची भेट घेतली. त्यानंतर एनसीबीची टीम शाहरुख खानचे घर मन्नत येथे पोहोचली. मन्नतमध्ये आर्यन खानच्या रूममध्ये सर्च ऑपरेशन केले जाईल, असे सांगितले जात आहे. एनसीबी टीम कुटुंबातील अन्य सदस्यांचीही चौकशी करू शकते.

The post ड्रग्ज प्रकरण : अनन्या पांडेच्या घरी NCB चा छापा, शाहरुख खानच्या ‘मन्नत’ मध्येही सर्च ऑपरेशन appeared first on थोडक्यात घडामोडी.

मुंबई : सुशांत सिंह राजपूत मृत्यूप्रकरणी तपास करत असलेल्या नार्कोटिक्स कंट्रोल ब्युरोच्या (NCB) हाती त्याच्यापर्यंत ड्रग्ज पोहोचवणारा ड्रग पेडलर लागला आहे. हरीश खान नावाच्या या ड्रग पेडलरला एनसीबीने वांद्रेमधून अटक केली आहे.

मुंबई नार्कोटिक्स कंट्रोल ब्युरोने 28 मे रोजी सुशांत सिंह राजपूतचा रूम पार्टनर आणि जवळचा मित्र सिद्धार्थ पीठानीला हैदराबादमधून अटक केली होती. एनसीबीने नीरज आणि केशव जे सुशांतचे नोकर होते त्यांची सुद्धा कसून चौकशी केली. या चौकशीनंतर हरीश खान याचं नाव समोर आलं. हरीश खान तोच ड्रग पेडलर आहे, ज्याच्याकडून सुशांत सिंहपर्यंत ड्रग्ज पोहचवले जात होते. सिद्धार्थच्या अटकेनंतर एनसीबीने नीरज आणि केशव या दोघांची चौकशी सुरू केली आणि या प्रकरणी नवे खुलासे होऊ लागले.

हरीश त्याच्या भाऊ शकीब खान सोबत वांद्रे परिसरात ड्रग्सचा व्यापार करत होता. हरीश खानला दाऊद सारखं बनायचं होतं. आपली दहशत कायम ठेवण्यासाठी हरीश खान वांद्रे परिसरातील छोट्या ड्रग पेडलरच अपहरण करायचा आणि त्यांच्याकडे असलेलं ड्रग्स जप्त करुन त्यांना आपल्या टोळीमध्ये काम करण्यास भाग पाडायचा. हरीशसोबत त्याचा भाऊ शाकिब खान याला अटक केली आहे. शाकिबवर 19 पेक्षा जास्त गुन्हे दाखल असल्यामुळे शाकीबला एनसीबीने वांद्रे पोलीसांच्या ताब्यात दिलं आहे.

The post NCB ची मोठी कारवाई, सुशांतला ड्रग्ज पोहोचवणारा ड्रग पेडलर हरीश खानला अटक appeared first on थोडक्यात घडामोडी.

मुंबई : अभिनेता सुशांतसिंग राजपूतचा मित्र सिद्धार्थ पिठानी याला एनसीबीने अटक केली आहे. एनसीबीने पिठानी याला ड्रग्स प्रकरणात हैदराबादमधून अटक केली आहे.

सेंट्रल ब्युरो ऑफ इन्व्हेस्टिगेशन आणि नारकोटिक्स कंट्रोल ब्यूरोने यापूर्वी सिद्धार्थ पिठानी याची अनेक वेळा चौकशी केली होती. सीबीआयने सप्टेंबर 2020 मध्ये त्याची सलग अनेक दिवस चौकशी केली होती. ड्रग्स प्रकरणात यापूर्वीही बर्‍याच लोकांना अटक करण्यात आली आहे.

The post सुशांतसिंग राजपूतचा मित्र सिद्धार्थ पिठानीला हैदराबादमधून अटक appeared first on थोडक्यात घडामोडी.

अभिनेता सुशांतसिंग राजपूत याच्या मृत्यूप्रकरणी ड्रग्स अँगलचा तपास करणार्‍या नारकोटिक्स कंट्रोल ब्यूरोने (NCB) शुक्रवारी मुंबईतील NDPS न्यायालयात चार्जशीट दाखल केले. हे चार्जशीट 30 हजार पानांचे आहे. आरोपपत्रात सुशांतची मैत्रीण रिया चक्रवर्ती, तिचा भाऊ शोविक चक्रवर्ती यांच्यासह 33 आरोपींची नावे आहेत. 5 फरार असल्याचे सांगितले आहे. अभिनेत्री दीपिका पादुकोण, सारा अली खान आणि श्रद्धा कपूर यांचे जबाबदेखील या कागदपत्रांमध्ये समाविष्ट आहेत.

हे चार्जशीट जप्त केलेले ड्रग्स तसेच इलेक्ट्रॉनिक उपकरणे, फॉरेन्सिक अहवाल आणि साक्षीदारांच्या जबाबांच्या आधारे तयार केले गेले आहे. या डिजिटल पुराव्यांची 50 हजार पाने स्वतंत्रपणे आहेत. आरोपपत्रात सुमारे 200 साक्षीदारांचा जबाब नोंदवलेले आहे.

या प्रकरणात एनसीबीने आतापर्यंत 33 लोकांना अटक केली होती. यामध्ये रिया चक्रवर्ती, तिचा भाऊ शोविक चक्रवर्ती, सुशांतचा मॅनेजर सॅम्युअल मिरांडा, दीपेश सावंत आणि अनेक ड्रग पेडलर्स यांचा समावेश आहे. दुसर्‍या एका प्रकरणात एनसीबीने बॉलिवूडमधील काही नामांकित अभिनेत्रींचीही चौकशी केली होती.

सुशांतच्या मृत्यूच्या दोन महिन्यांनंतर त्याच्या वडिलांनी पाटण्यात गुन्हा दाखल केला. हा खटला सुशांतची मैत्रीण रिया आणि रियाच्या कुटुंबातील सदस्यांसह 5 जणांविरूद्ध होता. या सर्वांवर सुशांतकडून 17 कोटी रुपये हडपल्याचा आरोप होता. यानंतर हे प्रकरण मुंबईत हस्तांतरित करण्याची विनंती रियाने सर्वोच्च न्यायालयात केली. कोर्टाने हा खटला सीबीआयकडे सोपविला. त्यानंतर ईडीने देखील तपास सुरु केला. नंतर रियाच्या व्हॉट्सअॅप चॅटच्या तपासणीत ड्रग्सचा अँगल समोर आला. ड्रग्जसंदर्भात चॅट मिळाल्यानंतर नारकोटिक्स कंट्रोल ब्यूरोने चौकशी सुरु केली आणि बॉलिवूडमध्ये चालणार्‍या मोठ्या ड्रग्स रॅकेटचा भंडाफोड करण्यात आला.

14 जून 2020 रोजी सुशांतचा मृतदेह त्याच्या वांद्रे येथील फ्लॅटमध्ये पंख्याला लटकलेला आढळला. त्याच्या निधनानंतर या प्रकरणाचा तपास मुंबई आणि बिहार पोलिस, सीबीआय, ईडी आणि एनसीबी यांनी केला, परंतु 9 महिने झाले तरी सुशांतचा मृत्यू खून होता की आत्महत्या, हे अद्याप स्पष्ट झालेले नाही.

The post सुशांतसिंग राजपूत मृत्यूप्रकरण : NCB कडून 30 हजार पानांचे चार्जशीट दाखल, रियासह 33 आरोपींची नावे appeared first on थोडक्यात घडामोडी.

मुंबई : नार्कोटिक्स कंट्रोल ब्युरो (एनसीबी)ने मंगळवारी सुशांत सिंह राजपूतचा माजी असिस्टंट डायरेक्टर ऋषिकेश पवारला ड्रग्स प्रकरणात अटक केली. या प्रकरणी आतापर्यंत 30 लोकांना अटक करण्यात आली आहे.

एनसीबीच्या सुत्रांनी दिलेल्या माहितीनुसार, 2018 ते 2019 मध्ये ऋषिकेश पवार सुशांतसोबत त्याच्या ड्रिम प्रोजेक्टवर असिस्टंट डायरेक्टर म्हणून काम करत होता. परंतु, सुशांतने ऋषिकेशच्या वागणूकीमुळे त्याला कामावरुन काढून टाकलं होतं. ऋषिकेश पवारच सुशांतला गांजाचा सप्लाय करत होता आणि त्याला गांजाची सवय लावण्यातही ऋषिकेश पवारचाच मोठा हात होता.

लॉकडाऊन दरम्यान, सुशांतला गांजा घेण्यासाठी ऋषिकेश पवारचीच मदत घ्यावी लागली होती. सुशांतच्या सांगण्यावरुन त्याचा नोकर दीपेश सावंत, ऋषिकेश पवारशी संपर्क साधत होता आणि त्यानंतर पवार दीपेशला गांजा आणून देत होता. ऋषिकेश पवारला एनसीबीने बुधवारी किला कोर्टात सादर केलं होतं. त्यानंतर त्याला 2 दिवस एनसीबीच्या कोठडीत पाठवण्यात आलं होतं. एनसीबी सुत्रांनी दिलेल्या माहितीनुसार, अधिक तपासासाठी एनसीबीने ऋषिकेश पवारचा लॅपटॉप जप्त केला होता. या लॅपटॉपची तपासणी केली असता त्यात एनसीबीला अनेक पुरावे मिळाले असून ड्रग्ज संबंधित अनेक फोटोही मिळाले आहेत.

The post सुशांतला ड्रग्सची सवय कशी लागली? ऋषिकेश पवारच्या अटके नंतर एनसीबीचा खुलासा.. appeared first on थोडक्यात घडामोडी.

कॉमेडियन भारती सिंह आणि तिचा पती हर्ष लिंबाचिया यांना ड्रग्ज प्रकरणात अटक करण्यात आली होती. सध्या ते दोघेही जामिनावर तुरुंगाबाहेर आहेत. परंतु ड्रग्ज प्रकरणात भारती सिंह आणि हर्ष लिंबाचिया यांचा जामीन रद्द करावा, अशी मागणी एनसीबीने न्यायालयात केली आहे.

भारती आणि हर्षच्या घरात 86.5 ग्रॅम गांजा जप्त केल्यानंतर 21 नोव्हेंबर रोजी त्या दोघांनाही अटक करण्यात आली होती. यानंतर प्रत्येकी 15 हजार रुपयांच्या जातमुचलक्यावर दंडाधिकारी न्यायालयाने या दोघांना जामीन मंजूर केला होता. भारती आणि हर्षचा जामीन रद्द करण्यात यावा तसेच त्यांना चौकशीसाठी एनसीबीच्या ताब्यात सोपवण्यात यावे, अशी मागणी देखील केली आहे. न्यायालयाने मंगळवारी भारती आणि हर्षला या संदर्भात नोटीस पाठवली असून, या आठवड्यात सुनावणी होण्याची शक्यता आहे.

The post भारती सिंह आणि हर्ष लिंबाचिया यांचा जामीन रद्द करावा, एनसीबीची मागणी appeared first on थोडक्यात घडामोडी.

नारकोटिक्स कंट्रोल ब्युरो (NCB)ने आज बॉलिवूड अभिनेता अर्जुन रामपालच्या मुंबईतील घरात छापा मारत तपास केला. बॉलिवूड ड्रग्स प्रकरणात अर्जुन रामपालचे नाव याआधीही आले होते.

एनसीबीने गेल्याच महिन्यात अर्जुन रामपालची लिव्ह इन पार्टनर गॅब्रिएला डेमेट्रियड्सचा भाऊ अगिसिलाओसला अटक केली होती. त्याच्याकडे चरस आणि अल्प्राजोलम टॅब्लेट आढळल्या होत्या. एनसीबीने त्याला लोणावळा येथून अटक केली होती. मिळालेल्या पुराव्यांच्या आधारावर अर्जुन रामपालच्या घरावर छापा टाकण्यात आला. अर्जुनच्या ऑफिसमध्येही तपास केला जात आहे. अर्जुन रामपालच्या ड्रायव्हरला ताब्यात घेण्यात आले आहे. अशीदेखील माहिती मिळत आहे.

बॉलिवूड सातत्याने नारकोटिक्स कंट्रोल ब्युरोच्या रडारवर आहे. याआधी ७-८ नोव्हेंबरच्या रात्री तपास एजन्सीने अनेक ड्रग्स पॅडलर्सच्या घरी छापा टाकला होता तसेच अनेकांना अटक केली होती. याशिवाय प्रकरणात दीपिका पदुकोणची एक्स मॅनेजर करिश्मा प्रकाशची अंतरिम जामिनाची याचिका १० नोव्हेंबरपर्यंत स्थगित केली होती. NCB ने रविवारी निर्माता फिरोज नादियादवाला यांची पत्नी शबादा सईदला देखील अटक केली होती. फिरोज नादियादवाला यांचीही चौकशी सुरु आहे.

The post NCB कडून अभिनेता अर्जुन रामपालच्या मुंबईतील घरात छापा appeared first on थोडक्यात घडामोडी.