मुंबई : एकता कपूरच्या लोकप्रिय ‘कसौटी जिंदगी की’ या मालिकेतून टीव्ही जगतात पदार्पण केलेला अभिनेता प्राचीन चौहानला पोलिसांनी अटक केली आहे. प्राचीन चौहानवर तरुणीचा विनयभंग केल्याचा आरोप करण्यात आला आहे.

अभिनेता प्राचीन चौहान विरोधात पीडित तरुणीने मालाड पूर्व पोलीस ठाण्यात गुन्हा दाखल केला आहे. पीडित तरुणीच्या तक्रारीवरुन पोलिसांनी प्राचीन विरोधात कलम ३५४, ३४२,३२३,५०२(२) अशा अनेक कलमांतर्गत गुन्हा नोंदवून घेतला आहे. पोलिसांनी प्राचीनला अटक केली असून पोलिस पुढील चौकशी करत आहेत.

The post अभिनेता प्राचीन चौहानला तरुणीचा विनयभंग केल्याप्रकरणी अटक appeared first on थोडक्यात घडामोडी.

बेंगळुरू : राष्ट्रीय पुरस्कार विजेता कन्नड अभिनेता संचारी विजय यांचं सोमवारी (१४ जून) निधन झालं. ते ३८ वर्षांचे होते. बेंगळुरूमध्ये शनिवारी रात्री त्यांच्या बाईकचा अपघात झाला होता. या अपघातात विजय यांच्या डोक्याला गंभीर दुखापत झाली होती आणि ते कोमात होते. मेंदूवर आपत्कालीन शस्त्रक्रिया करूनही त्यांचे प्राण वाचवता आले नाहीत. विजय यांच्या कुटुंबीयांनी त्यांचे अवयव दान करण्याचा निर्णय घेतला आहे.

अभिनेता सुदिपने ट्विट करत म्हटले कि, “संचारी विजयचा मृत्यू झाला हे खूपच दुःखद आणि निराशाजनक आहे. या लॉकडाउनपूर्वी त्याला फक्त दोनदाच भेटलो. त्याच्या पुढील चित्रपटाबद्दल उत्सुक होता, जो रिलीज होणार आहे. मी अतिशय दु:खी आहे. त्याच्या कुटूंबाच्या आणि मित्रांच्या दुःखात सहभागी आहे. त्याच्या आत्म्यास शांती लाभो.”

Very very disheartening to accept that Sanchari Vijay breathed his last.
Met him couple of times just bfr this lockdown,,,, all excited about his nxt film,, tats due for release.
Very sad.
Deepest Condolences to his family and friends.
RIP ??

— Kichcha Sudeepa (@KicchaSudeep) June 14, 2021

विजय शनिवारी रात्री आपला मित्र नवीन याच्यासह दुचाकीवर जात होता, त्यावेळी त्यांची बाईक विजेच्या खांबाला जाऊन धडकली. या अपघातात नवीनचा पाय फ्रॅक्चर झाला, पण विजय यांना गंभीर दुखापत झाली. शनिवारी रात्री 11:45 वाजेच्या सुमारास हा अपघात झाला. मिळालेल्या माहितीनुसार, ते दुचाकीवर औषधे घेण्यासाठी बाहेर गेले होते. याप्रकरणी नवीनविरोधात गुन्हा दाखल करण्यात आला आहे.

विजय कर्नाटकातील थिएटर सर्कलमधील एक सुप्रसिद्ध अभिनेता होता. तो त्याच्या नानू अवनाल्ला … अवलू, किलिंग वीरप्पन आणि नाथीचरामी अशा चित्रपटांसाठी ओळखला जातो.

The post अभिनेता विजय संचारी यांचे निधन, कुटुंबीयांनी घेतला अवयवदानाचा निर्णय appeared first on थोडक्यात घडामोडी.

नवी दिल्ली : बॉलिवूड इंडस्ट्रीमधून एक दुःखद बातमी समोर आली आहे. प्रसिद्ध अभिनेता बिक्रमजित कंवरपाल यांचे कोरोनामुळे निधन झाले आहे. 52 वर्षीय बिक्रमजित यांच्या मृत्यूच्या बातमीने सर्वांनाच धक्का बसला आहे. त्यांच्या निधनामुळे त्यांच्या कुटुंबासह चाहत्यांमध्ये शोककळा पसरली आहे.

बिक्रमजित कंवरपाल यांचा जन्म हिमाचल प्रदेशात एका आर्मी ऑफिसरच्या घरात झाला होता. विक्रमजीत स्वतः देखील सैन्यात नोकरीस होते. 2002 मध्ये ते सैन्यातून निवृत्त झाले. त्यानंतर 2003 मध्ये त्यांनी बॉलिवूडमध्ये पदार्पण केले. बिक्रमजित यांनी ‘पेज 3’, ‘पाप’, ‘कॉरपोरेट’, ‘अतिथि तुम कब जाओगे’, ‘मर्डर 2’, ‘हे बेबी’, ‘प्रेम रतन धन पायो’, ‘आरक्षण’, ‘२-स्टेट्स’, ‘रॉकेट सिंह: सेल्समैन ऑफ द ईयर’ आणि ‘द गाजी अटैक’ यासह अनेक चित्रपटात काम केले. बिक्रमजीत यांनी बॉलिवूडमध्येच नव्हे तर छोट्या पडद्यावरही काम केले आहे.

प्रख्यात चित्रपट निर्माता अशोक पंडित यांनी ट्वीट करत बिक्रमजित कंवरपाल यांच्या निधनाबद्दल शोक व्यक्त केला. त्यांनी लिहिले कि, “ऐकून वाईट वाटले. मेजर बिक्रमजित कंवरपाल यांचे आज सकाळी कोरोनामुळे निधन झाले. सेवानिवृत्त लष्करी अधिकारी कंवरपाल यांनी अनेक चित्रपट व टीव्ही मालिकांमध्ये सहाय्यक भूमिका साकारल्या. मी त्याच्या कुटुंबिय आणि जवळच्या लोकांच्या दुःखात सहभागी आहे. ॐ शांती!”

Sad to hear about the demise of actor Major Bikramjeet Kanwarpal this morning due to #Covid.
A retired army officer, Kanwarpal had played supporting roles in many films and television serials.
Heartfelt condolences to his family & near ones.

ॐ शान्ति !
?

— Ashoke Pandit (@ashokepandit) May 1, 2021

The post प्रसिद्ध अभिनेता बिक्रमजित कंवरपाल यांचे कोरोनामुळे निधन appeared first on थोडक्यात घडामोडी.

लुधियाना : अभिनेता जिमी शेरगिल याला अटक करण्यात आली आहे. आज (बुधवार) पंजाबच्या लुधियाना येथे कोरोना मार्गदर्शक तत्वांचे उल्लंघन केल्याच्या आरोपाखाली ही कारवाई करण्यात आली. विशेष म्हणजे, या कारवाईच्या एक दिवस अगोदर त्यांना ही शूटिंग थांबवण्याचे आदेश देण्यात आले होते. त्यांच्याकडून दंड देखील वसूल करण्यात आला होता. तरीदेखील नाईट कर्फ्यूचे उल्लंघन करून जिमी शेरगिल पुन्हा शूटिंगसाठी जात होता.

अभिनेता जिमी शेरगिलच्या चित्रपटाच्या शूटिंग दरम्यान सोशल डिस्टंसिंग तसेच कोरोनाचे इतर नियम पायदळी तुडवण्यात आले असल्याची माहिती मिळत आहे. जिमी शेरगिल एका पंजाबी चित्रपटाचे शूटिंग करत होता. त्यासाठी आर्य स्कूलला लुधियाना सत्र न्यायालयाचे स्वरूप देण्यात आले होते. पोलिसांना याची माहिती मिळताच एसीपी वरियाम सिंह पोलिसांसह तेथे पोहोचले. त्यांनी शूटिंग बंद करण्यास सांगितले. टीमने पुन्हा नियमांचे उल्लंघन केल्याचे निदर्शनास आले. सेटवर जवळपास दीडशे लोक उपस्थित होते. पोलिसांनी तत्काळ जिमी शेरगिलसह 4 जणांना अटक केली.

The post अभिनेता जिमी शेरगिल याला अटक, कोरोना काळात केले असे काही… appeared first on थोडक्यात घडामोडी.

अभिनेता सोनू सूदला कोरोनाची लागण झाली आहे. त्याने स्वतःच सोशल मीडियावर ही माहिती शेअर केली. सोनूने म्हटले आहे कि, ‘आज सकाळी माझी कोरोना चाचणी पॉझिटिव्ह आली आहे. म्हणून मी स्वत: ला विलगीकरणात ठेवले आहे. काळजी करण्याची काहीच गरज नाही, उलट, आपल्या लोकांच्या समस्या सोडविण्यासाठी आता माझ्याकडे पूर्वीपेक्षा जास्त वेळ असेल. लक्षात ठेवा, मी नेहमीच तुमच्याबरोबर आहे.’

? pic.twitter.com/2kHlByCCqh

— sonu sood (@SonuSood) April 17, 2021

गेल्या वर्षी लॉकडाऊनमध्ये सोनूने लोकांना खूप मदत केली होती. आताही आपल्या सामाजिक संघटनेच्या माध्यमातून तो देशभरातील लोकांना वेगवेगळ्या प्रकारे मदत करत असतो.

The post अभिनेता सोनू सूदला कोरोनाची लागण appeared first on थोडक्यात घडामोडी.

अभिनेता कार्तिक आर्यन याला कोरोनाची लागण झाली आहे. त्याने स्वतःच इंस्टाग्रामवर ही बातमी शेअर केली आणि चाहत्यांना तो लवकर बरा व्हावा यासाठी प्रार्थना करण्याचे आवाहन केले.

 

View this post on Instagram

 

A post shared by KARTIK AARYAN (@kartikaaryan)

The post अभिनेता कार्तिक आर्यनला कोरोनाची लागण appeared first on थोडक्यात घडामोडी.

अभिनेता मनोज बाजपेयी यांना कोरोनाची लागण झाली आहे. त्यांचा कोरोना अहवाल सकारात्मक आला आहे. मनोज वाजपेयी सध्या त्यांच्या घरीच विलगीकरणात आहेत. दरम्यान, यामुळे त्यांच्या आगामी चित्रपटाचे शूटिंगही बंद करण्यात आले आहे.

चित्रपटाच्या टीमच्या वतीनेही यासंदर्भात निवेदन प्रसिद्ध करण्यात आले आहे. त्यात म्हटले आहे की मनोज सध्या despatch या चित्रपटाचे चित्रीकरण करीत होते, या चित्रपटाचे निर्माता रॉनी स्क्रूवाला आहेत. मनोज यांनी स्वत: ला विलगीकरणात ठेवले आहे आणि ते सर्व खबरदारी घेत आहेत. ते लवकरच बरे होतील, अशी अपेक्षा आहे.

The post अभिनेता मनोज बाजपेयी यांना कोरोनाची लागण appeared first on थोडक्यात घडामोडी.