अफगाणिस्तान : अफगाणिस्तानला हादरवून सोडणाऱ्या 6.1 तीव्रतेच्या भूकंपात देशाच्या पूर्वेकडील किमान 130 लोकांचा मृत्यू झाला आहे. अफगाणिस्तानमध्ये बुधवारी पहाटे 6.1 रिश्टर स्केलचा भूकंप झाला. बहुतेक मृत्यू पक्तिका प्रांतात झाले, जिथे 100 लोक मारले गेले आणि 250 जखमी झाले आहेत, असे तालिबान प्रशासनाच्या आपत्ती व्यवस्थापन प्राधिकरणाचे प्रमुख मोहम्मद नसीम हक्कानी यांनी सांगितले.

तालिबान प्रशासनाच्या आपत्ती व्यवस्थापन प्राधिकरणाचे प्रमुख मोहम्मद नसीम हक्कानी यांनी सांगितले की नांगरहार आणि खोस्टच्या पूर्वेकडील प्रांतांमध्ये देखील मृत्यूची नोंद झाली आहे, अधिकारी मृतांची संख्या वाढू शकते की नाही हे बघण्यासाठी पुढील जीवितहानी तपासत आहेत.

यूएस भूगर्भीय सर्वेक्षणाने सांगितले की, पाकिस्तानी सीमेजवळील खोस्ट शहरापासून सुमारे 44 किमी (27 मैल) अंतरावर 51 किमी खोलीवर भूकंप झाला.

The post ब्रेकिंग! अफगाणिस्तानमध्ये 6.1 रिश्टर स्केलचा भूकंप, 130 लोकांचा मृत्यू appeared first on थोडक्यात घडामोडी.

काबूल : तालिबानने अफगाणिस्तानमधील अंतरिम सरकारची घोषणा केली आहे, मंगळवारी संंध्याकाळी तालिबानने आपल्या मंत्रिमंडळाची घोषणा केली. तालिबानने सत्ता हाती घेतल्यानंतर शरियत लागू झाल्याची घोषणा केली आहे. शिक्षण क्षेत्रातही बदल करण्यास सुरूवात केली आहे. आता तालिबानच्या शिक्षण मंत्र्याने शेख मौलवी नूरल्लाह मुनीर याने म्हटले आहे की सध्याच्या काळात पीएचडी, पदव्युत्तर पदवीचे काही महत्त्व नाही.

तालिबानने सत्ता हाती घेतल्यानंतर शिक्षण क्षेत्रात बदल करण्यास सुरूवात केली आहे. एकाच वर्गात मुले आणि मुली शिक्षण घेत असल्यास त्या वर्गात पडदे लावण्यात आले आहेत. काही ठिकाणी मुलींना फक्त ज्येष्ठ अथवा महिला शिक्षिकांकडून शिक्षण दिले जात आहे. तालिबानचे शिक्षण मंत्री शेख मौलवी नूरल्लाह मुनीर याने म्हटले की, आज मौलवी आणि तालिबान सरकारमध्ये आहे. सरकारमधील कोणाकडेही पदवी नाही. मात्र, त्यांचे काम खूप मोठे आहे. त्यामुळे सध्याच्या काळात पीएचडी, अथवा पदव्युत्तर पदवीच्या शिक्षणाची आवश्यकता नाही. तालिबानने अफगाणिस्तानमध्ये इस्लामिक आणि शरिया कायद्यानुसार शिक्षण देणार असल्याचे म्हटले आहे. त्याशिवाय आधुनिक शिक्षणही देण्यात येणार आहे. देशातील शैक्षणिक क्षेत्रातील तज्ज्ञांनी कोणतीही भीती बाळगू नये, असे तालिबानने म्हटले आहे.

दरम्यान, मंगळवारी संंध्याकाळी तालिबानने आपल्या मंत्रिमंडळाची घोषणा केली. मुल्ला मोहम्मद हसन अखुंद हा तालिबानी सरकारचा पंतप्रधान असणार आहे. तर, मोस्ट वॉन्टेड सिराज हक्कानी हा गृहमंत्री असणार आहे. तर, अब्दुल गनी बरादर हा उपपंतप्रधान असणार आहे. खैरउल्लाह खैरख्वा हा माहिती प्रसारण मंत्री असणार आहे. अब्दुल हकीम याच्याकडे न्याय मंत्रालयाची जबाबदारी असणार आहे. तालिबानचा प्रवक्ता जबिउल्लाह मुजाहिद हा माहिती मंत्रालयाचा उपमंत्री असणार आहे.

The post तालिबानने केला शिक्षण क्षेत्रात बदल, सरकारमधील कोणाकडेही पदवी नाही त्यामुळे पदवीचे काही महत्त्व नाही appeared first on थोडक्यात घडामोडी.

काबुल : काबूल विमानतळावर बॉम्बस्फोट करण्यात आले होते. यात अमेरिकेच्या 13 सैनिकांसह अनेक लोक मारले गेले होते. या हल्ल्याची जबाबदारी ISIS ने घेतली होती. यानंतर राष्ट्राध्यक्ष जो बायडेन नाराजी व्यक्त करत म्हणाले होते की अमेरिका आपल्या शत्रूंना शोधून मारेल. यानंतर 36 तासांच्या आत अमेरिकेने दहशतवाद्यांविरोधात कारवाई केली आहे. अमेरिकन लष्कराने पूर्व अफगाणिस्तानमध्ये ISIS च्या ठिकाणांवर ड्रोनने हल्ले केले आहेत. पेंटागनने याबद्दल माहिती दिली आहे.

अमेरिकेच्या लष्कराचे प्रवक्ते नौदल कॅप्टन बिल अर्बन यांनी सांगितले की, अमेरिकन सैन्याने अफगाणिस्तानच्या नांगरहार प्रांतातील ISIS-के तळांवर हवाई हल्ले केले आहेत. यात आमचे लक्ष्य असलेले दहशतवादी मारले गेल्याचे संकेत आहेत. या हल्ल्यात एकही नागरिक मारला गेलेला नाही. अमेरिकेच्या राष्ट्रीय सुरक्षा संघाने अध्यक्ष बायडेन यांची भेट घेऊन काबूल विमानतळावर सुरक्षा वाढवण्यास सांगितले आहे. अमेरिका काबूल विमानतळावर सुरक्षा व्यवस्था वाढवत आहे. काबूल विमानतळावर आणखी दहशतवादी हल्ले होण्याची शक्यता अमेरिकेने व्यक्त केली आहे.

अमेरिकेने अफगाणिस्तानच्या नांगरहारमध्ये हवाई हल्ला केला आहे. ISIS च्या दहशतवाद्यांचा नांगरहारमध्ये गड आहे. हा परिसर अफगाणिस्तान आणि पाकिस्तानच्या सीमेवर आहे. तालिबानने अफगाणिस्तानचा ताबा घेतल्यानंतर तुरुंगातील अनेक दहशतवाद्यांची सुटका केली आहे, त्यात ISIS च्या दहशतवाद्यांचाही समावेश आहे.

काबूल विमानतळावरील साखळी स्फोटानंतर अमेरिकेचे अध्यक्ष जो बायडेन यांनी नाराजी व्यक्त केली होती. त्यांनी दहशतवाद्यांना निवडकपणे मारण्याचा इशारा दिला होता. अमेरिकन लष्कराने अफगाणिस्तानमध्ये इसिसच्या ठिकाणांवर हवाई हल्ले करून त्यांचे हे लक्ष्य साध्य केले.

The post काबूल स्फोटानंतर अमेरिकेची दहशतवाद्यांविरोधात मोठी कारवाई, अफगाणिस्तानात ISIS वर ड्रोन हल्ला appeared first on थोडक्यात घडामोडी.

अफगाणिस्तानचा फिरकी गोलंदाज राशिद खानने सोशल मीडियावर भावनिक पोस्ट केली आहे. गुरुवारी काबूल विमानतळाबाहेर तीन स्फोट झाले, ज्यात आतापर्यंत 103 लोकांचा मृत्यू झाला आहे. या घटनेमुळे दुःखी झालेल्या राशिदने एक ट्वीट करत आपल्या भावना व्यक्त केल्या आहेत.

राशिदने आपल्या ट्वीटमध्ये म्हटले कि, “काबूलमध्ये पुन्हा रक्त वाहत आहे. कृपया, अफगाणिस्तानच्या लोकांना मारणे थांबवा.” राशिद सध्या आपल्या कुटुंबापासून दूर आहे. त्याचे कुटुंब अफगाणिस्तानमध्ये असल्याची माहिती मिळाली आहे. राशिद खानचे हे ट्वीट आतापर्यंत १4 हजारांहून अधिक वेळा रिट्वीट करण्यात आले आहे.

Kabul is bleeding again ????
STOP KILLING AFGHAN PLEASE ????????

— Rashid Khan (@rashidkhan_19) August 26, 2021

The post अफगाणिस्तानच्या लोकांना मारणे थांबवा, राशिद खानचे भावनिक आवाहन… appeared first on थोडक्यात घडामोडी.

जर्मनी : अफगाणिस्तानचे आयटी मंत्री सय्यद अहमद शाह सादत जर्मनीमध्ये पिझ्झा डिलिव्हरीचे काम करत आहेत. पिझ्झा कंपनीचा गणवेश परिधान करून ते जर्मनीच्या लीपजिग शहरात सायकलवर पिझ्झा डिलिव्हरीचे काम करत आहेत. तालिबानने अफगाणिस्तान ताब्यात घेतल्यानंतर ते देश सोडून जर्मनीला गेले. आयटी मंत्री असताना त्यांनी अफगाणिस्तानमध्ये सेल फोन नेटवर्कला प्रोत्साहन दिले होते.

सादत यांनी गेल्या वर्षीच माहिती मंत्री पदाचा राजीनामा दिला होता. सादत आणि राष्ट्रपती घनी यांच्यात अनेक मुद्द्यांवर मतभेद होते. राजीनामा दिल्यानंतर, ते काही काळ अफगाणिस्तानमध्येच राहिले, त्यानंतर ते जर्मनीला गेले. सुरुवातीला सर्व काही ठीक होते, पण नंतर पैशाअभावी त्यांनी पिझ्झा डिलिव्हरी बॉय बनण्याचा निर्णय घेतला. डिलिव्हरीचे काम करण्यात कसलीही लाज वाटत नाही, असंदेखील ते म्हणाले.

अफगाणिस्तानच्या महिलेने अमेरिकन लष्कराच्या विमानात दिला बाळाला जन्म

The post जर्मनीमध्ये पिझ्झा डिलिव्हरीचे काम करताय अफगाणिस्तानचे आयटी मंत्री appeared first on थोडक्यात घडामोडी.

अफगाणिस्तानची राजधानी काबूलमधून 168 लोकांना घेऊन हवाई दलाचे विमान गाझियाबादमधील हिंडन एअरबेसवर पोहोचले आहे. यापैकी 107 भारतीय आहेत. यापूर्वी काबूलमधून बाहेर काढलेले इतर 87 भारतीय आज सकाळी एअर इंडियाच्या विमानाने दिल्लीला पोहोचले होते. यामध्ये 2 नेपाळींचा समावेश आहे. हे लोक 2 विमानांनी भारतात पोहोचले आहेत. त्यांना यापूर्वी ताजिकिस्तानची राजधानी दुशांबे आणि कतारची राजधानी दोहा येथे पाठवण्यात आले होते. तेथून त्यांना काल रात्री भारतात पाठवण्यात आले. त्याचवेळी, भारतीय हवाई दलाच्या आणखी एका विमानाने आज काबूलमधून उड्डाण केले आहे.

काबूलमधून भारतीयांना बाहेर काढण्याचे काम सुरूच आहे. यामध्ये अफगाणिस्तानच्या खासदार अनारकली होनरयार, नरेंद्र सिंह खालसा आणि त्या दोघांच्या कुटुंबांचा समावेश आहे. ते काबूल विमानतळावर आहेत आणि आज त्यांना भारतात आणले जाऊ शकते. काबुलहून येणाऱ्या पुढील विमानात 23 अफगाणी हिंदू आणि शीख यांचा समावेश असेल. इंडियन वर्ल्ड फोरमचे अध्यक्ष पुनीत सिंह चांधोक यांनी ही माहिती दिली आहे. तालिबान्यांनी शनिवारी ज्यांना सोबत घेतले त्यांच्यामध्ये होनयार आणि खालसा यांचा समावेश आहे. तालिबानने म्हटले होते की ते अफगाणी आहेत, त्यामुळे ते देश सोडू शकत नाहीत. मात्र, नंतर त्यांना सोडून देण्यात आले.

अफगाणिस्तानमध्ये अडकलेल्या भारतीयांच्या परतीचा मार्ग सुकर झाला आहे. काबूल विमानतळावरून भारताला दररोज दोन विमाने संचालित करण्याची परवानगी मिळाली आहे. अमेरिकन आणि नॉर्थ अटलांटिक ट्रीटी ऑर्गनायझेशन (NATO) सैन्याने शनिवारी यासाठी परवानगी दिली आहे. भारतीय परराष्ट्र मंत्रालयाने म्हटले आहे की आता ते लवकरच सर्व भारतीयांना परत आणतील. सध्या 300 भारतीय अडकल्याची माहिती आहे.

The post काबूलमधून 168 लोकांना घेऊन भारतात पोहोचले भारतीय हवाई दलाचे विमान, यापैकी 107 भारतीय appeared first on थोडक्यात घडामोडी.

काबूल : काबूलमधून मोठी बातमी येत आहे. प्रसारमाध्यमांच्या वृत्तानुसार, काबूल विमानतळावरून 150 लोकांना तालिबानी आपल्यासोबत घेऊन गेले आहेत, ज्यात अनेक भारतीयांचा समावेश आहे. ते सध्या कुठे आहेत, याबाबत अद्याप काहीही माहिती मिळालेली नाही. या लोकांना घेऊन जाण्यामागे तालिबानचा काय हेतू आहे हे देखील स्पष्ट नाही. विमानतळावरील गोंधळामुळे त्यांना दुसऱ्या गेटमधून आत नेण्यात आले असावे, अशी शदेखील व्यक्त केली जात आहे. त्यातच काबूल विमानतळावरील गोंधळादरम्यान एका अफगाण मुलीचा मृत्यू झाल्याचेही वृत्त आहे.

अफगाणिस्तानात तालिबानच्या राजवटीत भारतीयांचे एअरलिफ्ट पण सुरू आहे. हवाई दलाच्या सी -130 जे विमानाने 85 भारतीयांना घेऊन काबूल विमानतळावरून आज सकाळी 10.30 वाजता उड्डाण केले आहे. मीडिया रिपोर्टनुसार, आणखी 200 भारतीयांना आणण्याची तयारी केली जात आहे, यासाठी हवाई दलाचे सी -17 विमान स्टँडबायवर ठेवण्यात आले आहे.

अफगाणिस्तानमधील भारतीय दूतावासाच्या सर्व अधिकाऱ्यांना एअरलिफ्ट करण्यात आले आहे, परंतु काबूलसह इतर शहरांमध्ये सुमारे 1000 भारतीय अडकल्याचा अंदाज आहे. परराष्ट्र मंत्रालय त्यांचे स्थान आणि स्थिती जाणून घेण्याचा प्रयत्न करत आहे, कारण सर्व लोकांनी भारतीय दूतावासाशी संपर्क साधलेला नाही.

काबूलमधून भारतीयांना हवाई दलाच्या विमानांमध्ये आणले जात आहे. मंगळवारी 120 पेक्षा जास्त लोक ग्लोबमास्टर C-17 ने देशात परतले होते. यामध्ये काबूलमधील भारतीय दूतावासाचे अधिकारी, आयटीबीपीचे कर्मचारी आणि इतरांचा समावेश होता. यापूर्वी सोमवारीही 45 लोकांना विमानातून हलवण्यात आले होते.

The post मोठी बातमी! तालिबानी काबुल विमानतळावरून 150 लोकांना आपल्यासोबत घेऊन गेले, यात अनेक भारतीयांचा समावेश appeared first on थोडक्यात घडामोडी.

तालिबान : बुरखा परिधान न केलेल्या एक महिलेला तालिबानी दहशतवाद्यांनी गोळ्या घालून ठार केल्याची धक्कादायक घटना समोर आली आहे. वृत्तानुसार, नाजनीन नावाची २१ वर्षीय महिला बल्ख जिल्हा केंद्राकडे जात होती, यावेळी तालिबानी दहशतवाद्यांनी तिला अडवून कारमधून बाहेर ओढलं आणि त्यानंतर तिची गोळ्या घालून हत्या केली. तालिबानचा प्रवक्ता जबीहुल्ला मुजाहिदने या घटनेचे खंडण केले आहे.

तालिबानकडून अफगाणिस्तानातील वेगवेगळ्या भागांवर कब्जा मिळवण्याचे प्रयत्न केले जात असून, मोठा संघर्ष निर्माण झाला आहे. तसेच, तालिबान दहशतवाद्यांनी अफगाणिस्तानमधील नव्या क्षेत्रांवर ताबा मिळवल्यानंतर महिलांवर जाचक कायदे लागू केले आहेत. बल्ख हे उत्तरेतील अशांत क्षेत्र आहे, जिथे तालिबान अनेक भागांमध्ये सक्रीय आहे.

तालिबानी राजवटीत, महिलांना त्यांचं शरीर आणि चेहरा बुरख्याने झाकावा लागत होता आणि त्यांना शाळा, काम किंवा पुरूष नातेवाईक बरोबर असल्याशिवाय घराबाहेर पडण्यावर बंदी घालण्यात आली होती. तर, व्यभिचाराचा आरोप असलेल्या महिलांना मैदानात दगड मारून मारलं गेलं. आता तालिबानकडून २२३ जिल्ह्यांमध्ये वर्चस्व प्रस्थापित केले आहे, जिथे त्यांनी हे जाचक कायदे पुन्हा लागू केले आहेत.

The post महिलेला बुरखा परिधान न केल्यामुळे तालिबानी दहशतवाद्यांनी कारमधून बाहेर ओढलं आणि गोळ्या घातल्या appeared first on थोडक्यात घडामोडी.

अफगाणिस्तान : पश्चिम काबूलमधील एका शाळेजवळ आज बॉम्बस्फोट झाल्याची धक्कादायक घटना घडली आहे. त्यात 25 जण ठार झाले, त्यापैकी अनेकजण तरुण विद्यार्थी आहेत. तर ५२ जण जखमी झाल्याची माहिती अफगाण सरकारच्या प्रवक्त्यांनी दिली आहे.

सय्यद अल-शाहदा शाळेजवळ झालेल्या या स्फोटात जखमी झालेल्यांना बाहेर काढण्यासाठी येथे रुग्णवाहिकांची गर्दी झाल्याचे गृह मंत्रालयाचे प्रवक्ता तारिक आर्यन यांनी सांगितले. यावेळी संतप्त जमावाने रुग्णवाहिकांवर हल्ला केला आणि आरोग्य कर्मचाऱ्यांना मारहाणही केली, असे आरोग्य मंत्रालयाचे प्रवक्ते गुलाम दस्तीगार नाझारी यांनी सांगितले. रहिवाशांना त्यांनी विनंती केली की सहकार्य करा आणि रुग्णवाहिकांना घटनास्थळावर प्रवेश द्या.

मुहम्मद अली जिन्ना रुग्णालयात हॉलवे आणि खोल्यांमध्ये जखमींची गर्दी असून तिथे अनेक जणांचे मृतदेह ठेवलेले आहेत. रुग्णालयाच्या बाहेर कितीतरी लोक रक्तदान करण्यासाठी रांगेत उभे आहेत.

The post काबूलमधील एका शाळेजवळ बॉम्बस्फोट, 25 ठार, ५२ जखमी appeared first on थोडक्यात घडामोडी.