ब्रेकिंग! पंतप्रधान मोदींची मोठी घोषणा, राजीव गांधी खेल रत्न पुरस्काराचे नाव बदलले

नवी दिल्ली : केंद्र सरकारने एक मोठा निर्णय घेतला आहे. पंतप्रधान नरेंद्र मोदी यांनी राजीव गांधी खेल रत्न पुरस्काराचे नाव बदलून मेजर ध्यानचंद खेल रत्न पुरस्कार केल्याचे जाहीर केले. मोदींनी यासंदर्भात एक ट्विट केले आहे.

देशाचा गौरव वाढवणाऱ्या अनेक क्षणांचा अनुभव घेत असताना लोकांनी केलेल्या आग्रहानुसार खेल रत्न पुरस्काराचे नाव मेजर ध्यानचंद यांना समर्पित केले जाणार आहे. लोकांच्या भावना लक्षात घेऊन आता हा पुरस्कार मेजर ध्यानचंद खेल रत्न पुरस्कार या नावाने ओळखला जाईल, असे पंतप्रधान मोदींनी म्हटले आहे.

मोदींनी ट्विटमध्ये म्हटले आहे कि, “मेजर ध्यानचंद हे भारतातील अग्रगण्य खेळाडूंपैकी होते, ज्यांनी भारताचा सन्मान आणि अभिमान वाढवला. आपल्या राष्ट्राचा सर्वोच्च क्रीडा सन्मान त्यांच्या नावावरून ओळखला जाईल हे योग्य आहे.”