संगीतकार महेश कनोडिया यांचे निधन, पंतप्रधान मोदींनी व्यक्त केलं दुःख

गुजरातचे सुप्रसिद्ध चित्रपट संगीतकार आणि पाटण लोकसभेचे भाजपचे माजी खासदार महेश कनोडिया यांचे आज (रविवारी) निधन झाले. कनोडिया बर्‍याच दिवसांपासून आजारी होते. दीर्घ आजारानंतर गांधीनगरात त्यांचे निधन झाले. ते 83 वर्षांचे होते.

दीर्घ आजारानंतर संगीतकार महेश कनोडिया यांनी गांधीनगर येथील निवासस्थानी आज अखेरचा श्वास घेतला. महेश कानोदिया स्त्री आणि पुरुष अशा दोन्ही स्वरांमध्ये गाऊ शकत होते. महेश लताजी, रफी साहब इत्यादी 32 कलाकारांच्या आवाजात गाणी गाण्यासाठी देखील प्रसिद्ध होते. महेश हे बर्‍याच काळासाठी पाटण लोकसभेचे खासदारही होते.

महेश हे 80 च्या दशकात गुजराती फिल्म इंडस्ट्रीचे पहिले गुजराती स्टार आहेत, ज्यांनी भारताबाहेर आपली प्रतिभा दाखविली. आफ्रिका, अमेरिका आणि आशिया खंडातील काही देशांच्या मंचांवर त्यांनी कामगिरी बजावली.