क्राईम

संतापजनक! पती आणि मुलांच्या डोळ्यादेखत महिलेवर सामूहिक बलात्कार, महिला सुरक्षेचा प्रश्न ऐरणीवर

आंध्र प्रदेश : आंध्र प्रदेश येथे सामूहिक बलात्काराची घटना समोर आली आहे. रेल्वे स्थानकावर पती आणि मुलांच्या डोळ्यादेखत महिलेवर सामूहिक बलात्काराची संतापजनक घटना घडली आहे. प्रकाशम जिल्ह्यातील यारागोंडा भागातील एक महिला तिच्या पती आणि मुलांसह रात्री 11.30 वाजता रेपल्ले रेल्वे स्थानकावर ट्रेनमधून उतरली होती. मध्यरात्र असल्यामुळे त्यांना नागाईलंकाला जाण्यासाठी एकही बस मिळू शकली नाही, त्यामुळे रेल्वे स्थानक सुरक्षित असल्याचे समजून ते फलाटावरील बाकावर झोपले.

पोलिसांनी दिलेल्या माहितीनुसार, रात्री 1 वाजताच्या सुमारास दारूच्या नशेत असलेले तिघेजण त्यांच्याजवळ आले. त्यांनी आधी पीडितेकडे असलेले ७५० रुपये हिसकावले, त्यानंतर महिलेच्या पतीला बेदम मारहाण केली. त्यानंतर या नराधमांनी महिलेला तिचे केस धरून ओढले आणि तिच्यावर बलात्कार केला. घटनेच्या वेळी प्लॅटफॉर्मवर इतर दोन महिलाही होत्या. महिलेचा पती मदतीची याचना करत होता, मात्र त्यांनी मदत करण्यास नकार दिला. त्यानंतर त्याने स्टेशनबाहेर धाव घेतली आणि काही अंतरावर असलेल्या पोलिस चौकीत मदत मागण्यासाठी आला. मात्र, पोलिस रेल्वे स्टेशन प्लॅटफॉर्मवर पोहोचेपर्यंत आरोपी फरार झाले होते.

पीडितेला तातडीने सामुदायिक आरोग्य केंद्रात उपचारासाठी नेण्यात आले. पोलिसांनी गुन्हा दाखल करून श्वानपथकाच्या मदतीने काही तासांतच तिन्ही आरोपींना ताब्यात घेतले. एक आरोपी विजयकृष्ण (२४), दुसरा आरोपी निखिल (२५), तर तिसरा आरोपी अल्पवयीन असून, त्याच्यावर यापूर्वीही चोरीचे गुन्हे दाखल आहेत. या तीन आरोपींनी महिलेवर सामूहिक बलात्कार केला. पीडित महिलेचे कुटुंब मजुरी करून उदरनिर्वाह करते. या घटनेमुळे महिला सुरक्षेचा प्रश्न पुन्हा एकदा ऐरणीवर आला आहे.

Share this :
थोडक्यात घडामोडी टीम

कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

Recent Posts

हिंगोलीत धक्कादायक प्रकार! डिझेलअभावी रुग्णवाहिका न मिळाल्याने गर्भातील बाळाचा दुर्दैवी मृत्यू

हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…

3 आठवडे ago

भाविकांसाठी आनंदाची बातमी; धार्मिक स्थळांवर मिळणार दर्जेदार आणि पौष्टिक अन्न सेवा सुविधा

बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…

3 आठवडे ago

पुण्यात विषारी दारू प्यायल्याने १२ जणांचा मृत्यू, दोषींवर कठोर कारवाईचे आदेश

मुंबई : पुणे शहरातील हडपसर आणि पिंपरी-चिंचवडमधील दापोडी-फुगेवाडी परिसरात विषारी दारू प्यायल्याने १२ नागरिकांचा मृत्यू…

3 आठवडे ago

व्यसनमुक्ती क्षेत्रातील अविरत समाजकार्याची दखल; डॉ. सोमनाथ गिते यांचा मा. माधुरीताई मिसाळ यांच्या हस्ते सत्कार

पुणे : महाराष्ट्र शासनाच्या सामाजिक न्याय व विशेष सहाय्य विभागामार्फत प्रदान करण्यात आलेल्या “राष्ट्रपिता महात्मा…

4 आठवडे ago

भरतीच्या बोगस जाहिरातींपासून सावध राहण्याचे आवाहन

मुंबई : ‘महात्मा गांधी राष्ट्रीय ग्रामीण रोजगार हमी योजना’अंतर्गत महाराष्ट्रात विविध पदांसाठी तात्काळ भरती सुरू…

1 महिना ago

पुण्यात उष्णतेचा कहर! IMD चा यलो अलर्ट जारी; नागरिकांना काळजी घेण्याचे आवाहन

पुणे : पुणे शहर आणि जिल्ह्यात उष्णतेची तीव्रता दिवसेंदिवस वाढत असून भारतीय हवामान विभागाने (IMD)…

1 महिना ago